Mitiyegec 13
13
Ge kicmesuga mi mesufuna
Yegecgareng yearu. Dawidingo yegec yofi heiec.
1O kebu, ebicna noc nasou wisickeude? Ge naso wisic wisickea kpac kecma neac mi nigecgubeso. Ge kicmesuga nearu mesufukecnec, ge faka imoc wanadeac tomai kecduae. 2Ni ubaebicgoc kecduae, imoc wisickeudeac tomai kecma ubahodung wenacsoc negengkecduae, imoc kpac anudeac tomai kecduae. Ngabafocna yeni firang anggec yeneac bageu kecduae, imoc wisickeudeac tomai kecduae.
3O kebu Anutuna, ge neac negensima turunga merennenna. Ni homecfu heima febaiac kicnau kperagiga faina kecbesare. 4Nocac ngabangicnango yofi debacac, “Ni firang bic andua.” ifi deu ni goroc goroc amma manubeso anu ye imocac sogaibacac meficnuna. 5Geng yoac dedzege amma imoc modackecnecac negenseriguma kecduae. Geng ebicfunac mesinunecac amma ni heregoc geac desogai angkecduae.
6 kebungo gombunga anengandeac yegec heimibade.
Currently Selected:
Mitiyegec 13: dedNTpo
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
