Jon Hwa buk enaig esog
Hwa buk enaig esog
Afa Jon enaig esog Sisas ehe el lofug fegim asa pe blog hwa bite la bigim wanga. Jon enaig membeg og el sa ma enaig olug onigigfi Sisas eba Godna Leg feg afa sa ma anwenafi God ehem Gisfu Fwahag elim pese lambigim. Jon ati anwenafeg amban Sisasim olug oniginaba eba enaig el wahkig nofkenagag flafe asa Jon enam ginofeg. (Jon 20:31) Ilawana Jon enaig esona Sisas ehe autunam nemug God i hawagfena. Afa ming mo ehe enaig esog Sisas kigmog ogfuiagena asa big enam anwenafig Sisas eba Godna Gisfu Fwahag El feg. Afa sapta 13 ika 17 la pugug eba enaig sihifeg mangwal sa sinaini puguna eba angoluwag ogna Sisasim kehli. Afa enag sinaini Sisas heafna patalfuaig elim wangafenaba asa ehengelim numwehe ogfufenugena. Afa sumi nai moba Sisasna lahag mo afa pese buihiagim afa heafna patalfuiag el ehem nanguinim asa olug onigini.
Currently Selected:
Jon Hwa buk enaig esog: amn
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.