Zehpani-a 2
2
Yudaq Eq Yerusalem Wà Mó Lé Gótû Byù Myû Wuì Eq Rahá Târâ Jéyáng Hui Râ Hkyô
Myìt Lhîng Wó Râ Matú Yudaq Lé Ji Yu É Hkyô
1Hoq a sê é byu myû ê,
zing keq, núngmòq yhang chôm zùp zing keq;
2núngmòq gi, târâ hpyit é a hui shi-má,
buìnyì haû lai èq mùt tâng pyâm é hpuichyap su a dùt shi-má,
haû Yhûmsîng Garai nhikjum mó yô é hkyô,
núngmòq chyáng a jé shi-má,
haû Yhûmsîng Garaî é nhikmó-yô é buìnyì,
núngmòq chyáng a jé shi-má,
yhûmsîng yhang chôm zing keq.
3Mîngdán shí má nyi é, yhûmsing i-myìt lé lhoqnyhûm mù,
haû Yhûmsîng Garai hkunmó hkyô é pé lé châng kut é bang bànshoq ê, Yhang lé hô keq.
Díngmán hkyô lé hô keq;
i-myìt lhoqnyhûm hkyô lé hô keq.
Núngmòq gi, haû Yhûmsîng Garai nhikjum yô é buìnyì má,
hpang hkaû jang myang hô kó âbe.
Hpilisiti Byu Pê Chyáng Ihkyùp Mó Gyó Râ Hkyô
4Gaza wà gi, tô pyâm tô é hui râ nghut mù,
Ashikelon wà gi, chamchyuîyuì kut pyâm é hui râ nghut lhê.
Ashidot wà gi, nyí-káng lé, wà byù hkat htoq pyâm é hui râ nghut mù,
Ekron wà gi, awang mai nùt htoq pyâm é hui râ nghut lhê.
5Wuìshuq lung-aû yàm má nyi é Hkerehti byu pé ê,
núngmòq gi, dingnyé wó ri;
Hpilisiti byu pê é mau nghut é, Hkanan ê,
“Ngò gi, nàng lé lhoqhtên pyám râ nghut mù,
ó yùq le nyi myìt to râ a nghut.” ga,
nang lé htuqhtîng é, haû Yhûmsîng Garaî é mungdang tô to bê nghut ri.
6Wuìshuq lung-aû yàm mâ é mau gi, mhan nú yô dùt mù,
sau zúng bâng é matú wuì dong pé jòq luî,
sau hpúng pê é matú hkup dùt byùq râ nghut lhê.
7Haú mau gi, nyi myìt gyó tô é Yudaq byu pê é matú dùt râ nghut lhê;
haú má yhángmòq gi, mhan nú yô myang hô mù,
myín jé jáng, yhángmòq gi, Ashikelon wà mâ é yhûm pé má lèq bùm kôrâ nghut lhê.
Hkâsu mù gâ le, yhángmòq é Garai Gasang nghut é, haû Yhûmsîng Garai gi,
yhángmòq lé wú mâgum yù râ nghut lhê;
Yhang gi, shúm zûng hui bang lé
dum shuî taû lò râ nghut lhê.
Moba Byu Pé Eq Ammon Byu Pê Chyáng Ihkyùp Mó Gyó Râ Hkyô
8“Ngò gi, Moba byu pé rhoî dang taî é lé le,
Ammon byu pé mai Ngá é byu pé lé lùmù gànsâng luî,
rhoî dang taî pyám kômù, yhángmòq é maumyî lé chyin mù,
nghutbun dang taí kô é lé le, wó gyo bê nghut lhê.
9Haû mù, gè gè yhang, Ngò rû dui nyi é eq rajung za,
Moba mau gi, Sodom wà su,
Ammon byu pé gi, Gomora wà su,
myòq hpepat yùq é jang, xo dong eq
ahtum abyùq chamchyuîyui é jowò, dùt byùq râ nghut lhê.
Ngá é byu pé mai nyi myìt gyó tô é bang gi,
yhángmòq lé lú zo lú shuq kôrâ nghut lhê;
Ngá é byù myû mai wó nyi lùt tô é bang gi,
yhángmòq é mau lé sing yu pyám râ nghut lhê.” ga,
Isira-elaq é Garai Gasang, haû Wum-o a-tsam dìk shoq bò Sû Yhûmsîng Garai taî pyo ri.
10Yhángmòq gi, nghutbûn é myìt tûn shit mù,
Wum-o a-tsam dìk shoq bò Sû Yhûmsîng Garaî é byu pé lé
rhoî dang taî é eq lùmù gànsâng kô é yánmai,
ahtoq mâ é pé lé hui zo kôrâ nghut lhê.
11Haû Yhûmsîng Garai gi, myìdàm htoq mâ é hparà pé bànshoq lé lhoqhtên pyâm é hkûn,
yhángmòq lé gyùq chiq hpo mó èq htim râ nghut lhê.
Mau we mâ é byù myû wuì gi, ó le ô é mau má,
Yhang lé ngóm gòp noqkuq kôrâ nghut lhê.
Hkusha Byu Pê Chyáng Ihkyùp Mó Gyó Râ Hkyô
12“Hkusha byu pé núngmòq le,
Ngá é sham èq sat pyâm é hui kôrâ nghut lhê.” ga, Yhûmsîng Garai taî ri.
Asuri Byu Pê Chyáng Ihkyùp Mó Gyó Râ Hkyô
13Yhang gi, Yhâng é lòq lham mù, mautsûng hkyam lé htuqhtíng luî,
Asuri mau lé lhoqhtên pyám mù,
Ninewe wà mó lé chamchyuîyui é jowò eq
kyuq huî é yòso su dùt pyám nhâng râ nghut lhê.
14Sau bainám hpúng pé eq no hpúng pé le,
tân jung yòsô zè jung hkangmó le, haú má ùp kôrâ nghut lhê.
Hkungbup eq bukbuluî gi,
haú mâ é zìng gyoro pé má nyì kôrâ nghut mù,
hkohot pé mai haú pê é myìng htê htoq râ nghut lhê;
hkumtáng pé má tso jap byíng bûm mù,
kyám sik yang pé htoq ze bùm râ nghut ri.
15Wà shî gi, “Ngò za nyi lhê! Ngò mai lai luî ó a nyì lo.” ga taî é,
ngón za myang nyì mù, garu garín dùt é wà nghut ri;
ahkuî kúm, chamchyuîyuì htên byòq byùq mù,
tân jung yòsô zè pé ùp jang dùt byùq bu-nhung!
Haú mai laî ló é bang bànshoq gi,
yhángmòq é lòq hê mù wú tiq dang taî pyám kôrâ nghut lhê.
Currently Selected:
Zehpani-a 2: znot
Highlight
Share
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.
