Sânghkyang 6
6
Chyînwò Yu É Lé Sidìq Byî É Hkyô
1Ngá zo ê, nàng gi,
náng é yhûmkyochâng é matú,
chyînwò bo yu byî é eq,
byù bíng é matú,
dakâm lòq bàt bàt mù,
2nàng taî é dang má wé byùq luî,
náng é nhut mai htoq é dâng èq,
nang lé myhî yu to bê nghut jáng,
3ngá zo ê, náng é yhûmkyochâng é lòq má,
gyó wang to bê nghut é yánmai,
náng gûng wó lùt râ matú,
shî su kut àq:
yhûmsing é i‑myìt lé lhoqnyhûm mù, náng é yhûmkyochang lé,
ê dûng tôngbán aq!
4Náng é myòqjí lé hkâyhup nhâng;
náng é myòqkuq lé hkâ yhupmuî nhang nyì.
5Shobik su é lòq mai,
xat lùt lo é su le,
nghoq lhaí hkyó su é lhaí mai,
nghoq wó lùt é su le,
náng gûng lé lhoqlhut yû àq.
Lagon Sû Lé Sidìq Byî É Hkyô
6Lagon sû ê, baùwoq chyáng ê àq;
yhang kut é hkyô pé lé,
myìt wú mù, hpàqchyî bò aq!
7Yhang gi, zau le,
wú gon sû le, ùphkâng sû le,
a wó kôlhang,
8nyé nám lé, râ é pé hkong to mù,
kyô shu nám lé, zoshuq tsîng tô ri.
9Lagon sû ê,
nàng gi, hkâ-myháng jé shoq,
haû má yhup nyî râ lhú?
Nàng gi, yhup é mai,
hkâ-nhám toq lô râ lhú?
10Razùp zo byam yhup to,
razùp zo byam yhupmuî luî,
lòqpyik htik
razùp zo byam lèq nô nyi é hkûn,
11asho awui dùt é hkyô gi,
da-myàq su,
sùtzè lhoqhpyuq é hkyô gi,
gyè hpó su, jé râ nghut lhê.
12A-kyû a bo é eq ashop é sû gi,
htên gyòp hkyô lhoqhtoq é nhut mai, dang taî wún mù,
13myòqlàp dông dáng nyo wún luî,
hkyî dông alhô shit mù,
lòqnyhuî èq lòqlìk lìk shit luî,
14hpuq lô lhik lô kut é myìt hkaû mai,
agè ashop é hpàqchyî haq htûng mù,
hkâ-nhám le, dang myo shô myô lhum hkyô,
lhoqhtoq é sû nghut ri.
15Haû mù luî, byò dàn byò sho hkyô gi,
yhâng é ahtoq má jé mù,
yhang gi, a wó hkyi yù loshoq,
byò dàn tung,
lhoqhtên pyâm é hui râ nghut lhê.
Garai Chaq É Hkyô Nyhit Hkat
16Haû Yhûmsîng Garai a ngui é hkyô,
hkyuq hkat jòq é nghut mù,
Yhang chaq é hkyô nyhit hkat jòq é nghut luî,
17haú pé gi, nghutbûn é myòqdong, mhaû é shô,
mara a bò bâng é sui lhoqhtoq é lòq,
18agè ashop hkyô haq htung é i‑myìt nhiklhum,
agè ashop hkyô hân kut râ matú
din é hkyî,
19mhaû é sàksé dang taí sû eq,
gu-mang wui ahkaû má,
dang myo shô myô lhum hkyô
lhoqhtoq é byù nghut ri.
Su-myi Sulàng Lú É Lé Sidìq Byî É Hkyô
20Ngá zo ê, náng wa hkyô tô é hkunmó lé, cháng aq;
náng nu mhoqshit é hkyô lé le, hkâtô pyám.
21Haú pé lé,
náng é i‑myìt nhiklhum má,
ayang kat to mù,
náng é lìngzing má wùt to aq.
22Haú pé gi, nàng sô e ló é hkûn,
hkyô-u shê byi,
nàng yhup nyi é hkûn,
wú zúng byi, nàng bûn lo é hkûn,
nang lé dang nyô, kut râ nghut lhê.
23Hkâsu mù gâ le, hkunmó haú pé gi,
myibung nghut mù,
mhoqshit hkyô haû gi,
maubó nghut nyi ri;
mhoqshit dang mai,
lhoqjo byî é hkyô gi,
chyungxe duì hkyô nghut ri.
24Haú pé gi, myiwe gâng chyáng mai le,
nhutshô chyut é myiwe bíng chyáng mai le,
nang lé wú mâgum yù râ nghut lhê.
25Haû sû é myiwe lé gi, yúng kôlhang,
náng chyáng yùt yùt ô nau é myìt hkâbô;
yhâng é myòqjí èq
nang lé hkâ lângnghoq yû nhâng;
26hkâsu mù gâ le, shiwa myhí gi,
nang lé, mùk rahtung za,
myìt to nhâng râ nghut lhê;
nghut kôlhang sulàng shut sû gi,
náng é chyungxe lé yhang,
gyám nyi é nghut ri.
27Byù gi, yhûmsing é mèbu a nyé gyó shoq,
myi lé wó bóm wàq râ lhú?
28Byù gi, yhûmsing é hkyî a nyé gyó shoq,
nyé nyi é myigye htoq má wó nang râ lhú?
29Góyùq é myiwe eq yhup é sû le,
haû eq rajung za nghut ri;
myiwe haú lé záng é sû gi,
dam byî é hui zo râ za nghut lhê.
30Byù rayùq gi, yhang zò-mut wuìshit hui luî,
hkaû é nghut jáng,
byu pé gi, haú yùq lé,
a wú shôm é nghut lhê.
31Nghut kôlhang, haú yùq lé,
myang chyup é nghut jáng,
yhâng é yhûm mâ é sùtzè bànshoq, gyó râ dùt kôle,
yhang gi, hau htoq nyhit tú tau byi râ é nghut lhê.
32Nghut kôlhang, yùqgè rayùq gi,
su-myi lú é nghut jáng,
hpàqchyî a bò sû nghut mù,
yhûmsing é chyungxe lé,
lhoqhtên pyám é nghut lhê.
33Haú yùq gi, dàm dap é eq,
xânghpoq nge wó hkyô hpoî pyâm é hui mù,
yhâng é hoq hpu hkyô lé,
hkâ-nhám le wó sut pyám râ a nghut.
34Hkâsu mù gâ le, yhûmsîng hpó gi,
manôn myìt mai nhikjum mó yo mù, lòqchoq hpuq é hkûn,
shogyo myìt bò râ a nghut.
35Yhang gi, yuichyîn xap zê haî lé le, a hàp yù kut mù,
lòqhkaû lang zê hkâ-í bò kôle,
lhom he-ngìk pyám râ nghut lhê.
Currently Selected:
Sânghkyang 6: znot
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc.