Lukaq 18
18
Chuimó Myhí Eq Târâ Agyi É Hkyô Lé Dangtú Yu É Hkyô
1Yesuq, Yhâng é chángzô pé lé, myìt wum a gyuî é za, hkâ-nhám le kyûdûng nyì râ hkyô lé, dangtú dông mhoqshit é gi, 2“Wà rawà má, Garai Gasang lé le a gyùq hoq, byù lé le haî su a ngam é târâ agyì rayùq nyi ri. 3Haú wâ má chuimó myhí rayùq le nyi ri. Yhang gi, haû târâ agyì wá chyáng ê luî, ‘Ngò eq amû htoq sû lé, yhâng é mara eq rajung za, jéyáng byi laq.’ ga luî, ê dum taí taí kut nyi ri.
4Nghut kôlhang, târâ agyì hpó gi, ahkyíng rayòq zo jé shoq târâ a jéyáng byî é tô tô ri. Hau htâng má, yhang gi, ‘Ngò, Garai Gasang lé le a gyùq a hoq, byù lé le haî su a ngàm, 5nghut kôlhang, chuimó myhí shí yùq é amû lé, ngò a jéyáng a dòqdan byî é nghut le gi, yhang dum lé lé kut mù, ngo lé myìt hpêbù nhâng râ dùt ri. Haû mù, ngò yhâng é amû lé jéyáng byi râ.’ ga, yhâng é ûnghkaû má myìt yu ri.” gâ ri.
6Haû mù luî, Yhûmsîng Yesuq gi, “A díng a mán é târâ agyì wá taî é dang mai mhoq yû keq. 7Garai Gasang gi, Yhang lé nyí myín wùt dûng nyi é, Yhang hkyin yu to bê bang lé, târa é dông a kut byî é gi, myáng myáng nyi to râ lhú? 8Ngò, núngmòq lé taí kôlé, Garai Gasang gi, yhángmòq lé hân yhang tengmán é dông jéyáng byi berâ nghut lhê. Nghut kôlhang, haû Byu Yhangzo jé lé é buìnyì má, lùmjíng hkyô lé gi, mingkan htoq má myang wú shirâ lhú?” ga taî ri.
Hparishe Eq Hkán Hkyuî Sû Kyûdûng É Hkyô
9Yhûmsing gùng lé díngmán bun luî, byù góbang lé wú tiq é bang ra-am lé, Yesuq dangtú dông taî é gi, 10“Byù í yùq kyûdung kôrâ ga, noqkuq yhûm má dòq e akô. Rayùq gi, Hparishe, rayùq gi, hkán hkyuî sû nghut ri. 11Hparishe hpó gi, yàp to luî, ‘Garai Gasang ê, ngò gi, byù góbang su lú zo lú shuq é hkyô le a kut, agè ashop é hkyô le a cháng, su-myi le a lú é htoq agó, shî hkán hkyuî sû su le, a nghut é yánmai, ngò nàng lé jeju bûn lhê ô! 12Ngò gi, rabàt má zoshuq í dâm tûm nyi lhê; ngò wó yu é gû mâ é xê gàmbùm ragàmbùm le kat nyi lhê.’ ga luî, yhang baú yhang gótû kut dûng nyi ri.
13Hkán hkyuî sû kúm gi, we we má yàp to mù, mauhkûng shut lháng a wám tu wú é za, wànggàng bàt luî, ‘Garai Gasang ê, shî yubàk dàp sû ngo lé, shogyô yù làq ô!’ ga dûng ri.
14Ngò, núngmòq lé taí kôlé, hkán hkyuî sû kúm gi, Garai Gasâng é hí má mara hkyut san byî é lé wó yû luî, yhûm shut dum taû ló bê; nghut kôlhang, Hparishe hpó gi, a wó nghut ri. Hkâsu mù gâ le, yhûmsing gùng lé wàq toq sû ó yùq nghut kôle, lhoqnyhum pyâm é hui râ nghut lhê; yhûmsing gùng lé lhoqnyhum é sû kúm gi, wàq toq é hui râ nghut lhê.” ga taî ri.
Zoshâng Wuì Lé Yesuq Shimân Byî É Hkyô
Mht 19:13-15; Mrk 10:13-16
15Byu pé gi, nyheqnú wuî lé Yesuq záng htung byi sháng gàq ga, Yhâng chyáng shuî lé lo bum akô. Chángzô pé gi, haû lé myàng jáng, lhom tân hkûm akô nghut ri. 16Nghut kôlhang, Yesuq gi, zoshâng wuì lé, wùt yù luî, “Haû zoshâng wuì lé, Ngá chyáng lé nhâng keq; yhángmòq lé hkâhkûm zing to kó; hkâsu mù gâ le, Garai Gasâng é mîngdán gi, haû sû é bâng é mîngdán ru nghut lhê. 17Ngò, núngmòq lé teng za taí kôlé, Garai Gasâng é mîngdán lé, zoshâng su kut a lhom hàp yu é nghut le gi, mîngdán haú má gè gè yhang wó wâng râ a nghut.” ga taî ri.
Ayá Wó É Sahtê Hpó
Mht 19:16-30; Mrk 10:17-31
18Ayá wó é byù rayùq le, Yesuq lé, “Ge é Sará ê, ahtum abyùq é chyungxe wó yû râ matú, ngò haî kut ra râ lhú?” ga myî ri.
19Yesuq gi, “Haî mù, Ngo lé ge é Sará nghu lhê lhú? Garai Gasang mai lai luî, ge é ó yùq le a nyì. 20Jep é târâ má, ‘Su-myi sulàng hkâlú, byù hkâsat, hkâhkau, a teng a mán é sàksé hkâhkám, náng nu náng wa lé hkúngga hpautap aq.’#Htoq Ló 20:12-16 gâ é dang pé lé, nàng sé gû bê.” ga luî, yhang lé tû taî ri.
21Haú yùq gi, “Haú pé bànshoq lé, ngò, zoshâng hkûn mai cháng bê nghut lhê.” ga taî ri.
22Yesuq gi, dang haú lé wó gyo jáng, “Nàng kut râ rajung râ tô ashî; nàng wó mîwó lé ûng pyám luî, myùng bang lé byî pyám aq; haû jáng, nàng, mauhkûng htoq má sùtzè wó râ nghut lhê; haû mù, Ngá htâng lé cháng aq.” ga luî, yhang lé taî ri.
23Haú yùq gi, dang haú lé wó gyo jáng, sùtzè gyai wó sû nghut é yánmai, gyai yhang myìt a ngón dùt byùq ri. 24Yesuq gi, haú yùq lé wú luî, “Sùtzè wó bang gi, Garai Gasâng é mîngdán má wàng râ matú, haû í yhang wuî rî-nhung! 25Sùtzè wó sû rayùq, Garai Gasâng é mîngdán má wó wâng râ htoq, gola-uk radu âpno mai wó wang lai râ gi, je luì râ nghut lhê.” ga taî ri.
26Dang haú lé wó gyô é bang gi, “Haû su ru nghut le gi, ó yùq za hkyi yu é hui râ nghut lhê lhú?” ga myî bum akô nghut ri.
27Haú hkûn, Yesuq gi, “Byù a wó kut é hkyô lé, Garai Gasang gi, wó kut lhê.” ga taî kyô ri.
28Haú hkûn, Petiruq gi, Yesuq lé, “Wú aq, ngá-mòq gi, wó mîwó tô pyâm to luî, Náng htâng cháng bê nghut lhê.” ga taí jáng, 29Yesuq gi, “Ngò, núngmòq lé teng za taí kôlé, Garai Gasâng é mîngdán é yánmai, yhûmsing é yhûm, yhûmsing é yhang myi, yhûmsing é âgu âmang, yhûmsing é înu îwa, yhûmsing é yhang zô pé lé, pyâm to sû ó yùq nghut kôle, 30shí pyàt má, a-kyû myo myo wó hkam yù râ htoq agó, htang pyàt má le, ahtum abyùq é chyungxe a wó yu é gi, a nyì râ nghut lhê.” ga luî, yhángmòq lé taî ri.
Yesuq, Yhang Shî Hkám Râ Lé Dum Taî É Hkyô
Mht 20:29-34; Mrk 10:46-52
31Yesuq gi, Yhâng é chángzô pé raxe í yùq lé gótû kut wùt yù mù, “Gyô wú keq, ngá-nhúng gi, Yerusalem wà mó shut dòq ló nyi é nghut lhê. Haú má jé jáng, haû Byu Yhangzo eq séng luî, myìqhtoî pé kâ tô é bànshoq gi, dìk lò berâ nghut lhê. 32Hkâsu mù gâ le, Byu Yhangzo gi, tûngbaù pê é lòq má àp pyâm é hui luî, haú bâng èq Yhang lé, wuìzuì kut pyâm é, rhoi pyâm é, sôkan byé gyûn é, nhuq bàt é kut yû mù, sat pyám kôrâ nghut lhê. 33Hau htâng sum nyí nghû râ buìnyì má, Yhang gi, dum dui toq lô râ nghut lhê.” ga luî, yhángmòq lé taî ri.
34Chángzô pé gi, dang haú pé rahkun lé lháng a sê gyo kó; dang hau é lichyúm gi, yhángmòq é hí má zaú nghop tô é nghut é yánmai, Yhang haî taî nyi é hkyô pé lé yhángmòq a sé kó nghut ri.
Dung Zô É Myòqjìt Sû Lé, Yesuq, Myòq Dum Myàng Nhang É Hkyô
35Ahkuî, Yesuq Yerihko wà nàm má jé lo nyi le, myòqjìt é byù rayùq gi, hkyô yàm má zùng mù, dung zô nyi ri. 36Yhang gi, byù rajùm rayò sô laî ló é htê lé wó gyo jáng, haû haî dùt nyi é hkyô lé, myi kat ri. 37Haú hkûn, yhángmòq gi, “Nazaret wà byù Yesuq laî ló ri.” ga luî, yhang lé taî kyô akô.
38Haû su gâ é lé wó gyo jáng, yhang gi, “Dawiq é Yhang zo Yesuq ê, ngo lé shogyô yù làq ô!” ga wùt dûng kat ri.
39Hí má laî ló é bang gi, zim za nyì râ matú yhang lé tân hkûm akô; nghut kôlhang, yhang gi, “Dawiq é Yhang zo ê, ngo lé shogyo yù làq ô!” ga, je riyhang htê mó o mó èq wùt dûng kat ri.
40Haû mù, Yesuq gi, yàp kat mù, byù haú yùq lé Yhâng chyáng shuî lé lô nhang kat ri. Myòqjìt sû Yhâng nàm má jé lé jáng, Yesuq gi, 41“Ngò, nàng lé haî kut byi râ ô nau ri lhú?” ga, yhang lé myi kat ri.
Haú yùq gi, “Yhûmsîng ê, ngò myòq myàng nau ri.” ga tû taî ri.
42Haú hkûn, Yesuq gi, “Náng myòq myàng sháng gàq! Náng é lùmjíng myìt gi, nang lé lhoqgê byi bê nghut ri.” ga, yhang lé taî ri. 43Haú yùq gi, haú hkûn jáng, yhang myòq wó myâng mù, Garai Gasang lé hkya-on uchyang Yesuq htâng cháng bê. Lhúnglhâng bang haû lé myàng kôjáng, Garai Gasang lé hkya-ôn nyi bum akô.
Currently Selected:
Lukaq 18: znot
Highlight
Share
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.
Lukaq 18
18
Chuimó Myhí Eq Târâ Agyi É Hkyô Lé Dangtú Yu É Hkyô
1Yesuq, Yhâng é chángzô pé lé, myìt wum a gyuî é za, hkâ-nhám le kyûdûng nyì râ hkyô lé, dangtú dông mhoqshit é gi, 2“Wà rawà má, Garai Gasang lé le a gyùq hoq, byù lé le haî su a ngam é târâ agyì rayùq nyi ri. 3Haú wâ má chuimó myhí rayùq le nyi ri. Yhang gi, haû târâ agyì wá chyáng ê luî, ‘Ngò eq amû htoq sû lé, yhâng é mara eq rajung za, jéyáng byi laq.’ ga luî, ê dum taí taí kut nyi ri.
4Nghut kôlhang, târâ agyì hpó gi, ahkyíng rayòq zo jé shoq târâ a jéyáng byî é tô tô ri. Hau htâng má, yhang gi, ‘Ngò, Garai Gasang lé le a gyùq a hoq, byù lé le haî su a ngàm, 5nghut kôlhang, chuimó myhí shí yùq é amû lé, ngò a jéyáng a dòqdan byî é nghut le gi, yhang dum lé lé kut mù, ngo lé myìt hpêbù nhâng râ dùt ri. Haû mù, ngò yhâng é amû lé jéyáng byi râ.’ ga, yhâng é ûnghkaû má myìt yu ri.” gâ ri.
6Haû mù luî, Yhûmsîng Yesuq gi, “A díng a mán é târâ agyì wá taî é dang mai mhoq yû keq. 7Garai Gasang gi, Yhang lé nyí myín wùt dûng nyi é, Yhang hkyin yu to bê bang lé, târa é dông a kut byî é gi, myáng myáng nyi to râ lhú? 8Ngò, núngmòq lé taí kôlé, Garai Gasang gi, yhángmòq lé hân yhang tengmán é dông jéyáng byi berâ nghut lhê. Nghut kôlhang, haû Byu Yhangzo jé lé é buìnyì má, lùmjíng hkyô lé gi, mingkan htoq má myang wú shirâ lhú?” ga taî ri.
Hparishe Eq Hkán Hkyuî Sû Kyûdûng É Hkyô
9Yhûmsing gùng lé díngmán bun luî, byù góbang lé wú tiq é bang ra-am lé, Yesuq dangtú dông taî é gi, 10“Byù í yùq kyûdung kôrâ ga, noqkuq yhûm má dòq e akô. Rayùq gi, Hparishe, rayùq gi, hkán hkyuî sû nghut ri. 11Hparishe hpó gi, yàp to luî, ‘Garai Gasang ê, ngò gi, byù góbang su lú zo lú shuq é hkyô le a kut, agè ashop é hkyô le a cháng, su-myi le a lú é htoq agó, shî hkán hkyuî sû su le, a nghut é yánmai, ngò nàng lé jeju bûn lhê ô! 12Ngò gi, rabàt má zoshuq í dâm tûm nyi lhê; ngò wó yu é gû mâ é xê gàmbùm ragàmbùm le kat nyi lhê.’ ga luî, yhang baú yhang gótû kut dûng nyi ri.
13Hkán hkyuî sû kúm gi, we we má yàp to mù, mauhkûng shut lháng a wám tu wú é za, wànggàng bàt luî, ‘Garai Gasang ê, shî yubàk dàp sû ngo lé, shogyô yù làq ô!’ ga dûng ri.
14Ngò, núngmòq lé taí kôlé, hkán hkyuî sû kúm gi, Garai Gasâng é hí má mara hkyut san byî é lé wó yû luî, yhûm shut dum taû ló bê; nghut kôlhang, Hparishe hpó gi, a wó nghut ri. Hkâsu mù gâ le, yhûmsing gùng lé wàq toq sû ó yùq nghut kôle, lhoqnyhum pyâm é hui râ nghut lhê; yhûmsing gùng lé lhoqnyhum é sû kúm gi, wàq toq é hui râ nghut lhê.” ga taî ri.
Zoshâng Wuì Lé Yesuq Shimân Byî É Hkyô
Mht 19:13-15; Mrk 10:13-16
15Byu pé gi, nyheqnú wuî lé Yesuq záng htung byi sháng gàq ga, Yhâng chyáng shuî lé lo bum akô. Chángzô pé gi, haû lé myàng jáng, lhom tân hkûm akô nghut ri. 16Nghut kôlhang, Yesuq gi, zoshâng wuì lé, wùt yù luî, “Haû zoshâng wuì lé, Ngá chyáng lé nhâng keq; yhángmòq lé hkâhkûm zing to kó; hkâsu mù gâ le, Garai Gasâng é mîngdán gi, haû sû é bâng é mîngdán ru nghut lhê. 17Ngò, núngmòq lé teng za taí kôlé, Garai Gasâng é mîngdán lé, zoshâng su kut a lhom hàp yu é nghut le gi, mîngdán haú má gè gè yhang wó wâng râ a nghut.” ga taî ri.
Ayá Wó É Sahtê Hpó
Mht 19:16-30; Mrk 10:17-31
18Ayá wó é byù rayùq le, Yesuq lé, “Ge é Sará ê, ahtum abyùq é chyungxe wó yû râ matú, ngò haî kut ra râ lhú?” ga myî ri.
19Yesuq gi, “Haî mù, Ngo lé ge é Sará nghu lhê lhú? Garai Gasang mai lai luî, ge é ó yùq le a nyì. 20Jep é târâ má, ‘Su-myi sulàng hkâlú, byù hkâsat, hkâhkau, a teng a mán é sàksé hkâhkám, náng nu náng wa lé hkúngga hpautap aq.’#Htoq Ló 20:12-16 gâ é dang pé lé, nàng sé gû bê.” ga luî, yhang lé tû taî ri.
21Haú yùq gi, “Haú pé bànshoq lé, ngò, zoshâng hkûn mai cháng bê nghut lhê.” ga taî ri.
22Yesuq gi, dang haú lé wó gyo jáng, “Nàng kut râ rajung râ tô ashî; nàng wó mîwó lé ûng pyám luî, myùng bang lé byî pyám aq; haû jáng, nàng, mauhkûng htoq má sùtzè wó râ nghut lhê; haû mù, Ngá htâng lé cháng aq.” ga luî, yhang lé taî ri.
23Haú yùq gi, dang haú lé wó gyo jáng, sùtzè gyai wó sû nghut é yánmai, gyai yhang myìt a ngón dùt byùq ri. 24Yesuq gi, haú yùq lé wú luî, “Sùtzè wó bang gi, Garai Gasâng é mîngdán má wàng râ matú, haû í yhang wuî rî-nhung! 25Sùtzè wó sû rayùq, Garai Gasâng é mîngdán má wó wâng râ htoq, gola-uk radu âpno mai wó wang lai râ gi, je luì râ nghut lhê.” ga taî ri.
26Dang haú lé wó gyô é bang gi, “Haû su ru nghut le gi, ó yùq za hkyi yu é hui râ nghut lhê lhú?” ga myî bum akô nghut ri.
27Haú hkûn, Yesuq gi, “Byù a wó kut é hkyô lé, Garai Gasang gi, wó kut lhê.” ga taî kyô ri.
28Haú hkûn, Petiruq gi, Yesuq lé, “Wú aq, ngá-mòq gi, wó mîwó tô pyâm to luî, Náng htâng cháng bê nghut lhê.” ga taí jáng, 29Yesuq gi, “Ngò, núngmòq lé teng za taí kôlé, Garai Gasâng é mîngdán é yánmai, yhûmsing é yhûm, yhûmsing é yhang myi, yhûmsing é âgu âmang, yhûmsing é înu îwa, yhûmsing é yhang zô pé lé, pyâm to sû ó yùq nghut kôle, 30shí pyàt má, a-kyû myo myo wó hkam yù râ htoq agó, htang pyàt má le, ahtum abyùq é chyungxe a wó yu é gi, a nyì râ nghut lhê.” ga luî, yhángmòq lé taî ri.
Yesuq, Yhang Shî Hkám Râ Lé Dum Taî É Hkyô
Mht 20:29-34; Mrk 10:46-52
31Yesuq gi, Yhâng é chángzô pé raxe í yùq lé gótû kut wùt yù mù, “Gyô wú keq, ngá-nhúng gi, Yerusalem wà mó shut dòq ló nyi é nghut lhê. Haú má jé jáng, haû Byu Yhangzo eq séng luî, myìqhtoî pé kâ tô é bànshoq gi, dìk lò berâ nghut lhê. 32Hkâsu mù gâ le, Byu Yhangzo gi, tûngbaù pê é lòq má àp pyâm é hui luî, haú bâng èq Yhang lé, wuìzuì kut pyâm é, rhoi pyâm é, sôkan byé gyûn é, nhuq bàt é kut yû mù, sat pyám kôrâ nghut lhê. 33Hau htâng sum nyí nghû râ buìnyì má, Yhang gi, dum dui toq lô râ nghut lhê.” ga luî, yhángmòq lé taî ri.
34Chángzô pé gi, dang haú pé rahkun lé lháng a sê gyo kó; dang hau é lichyúm gi, yhángmòq é hí má zaú nghop tô é nghut é yánmai, Yhang haî taî nyi é hkyô pé lé yhángmòq a sé kó nghut ri.
Dung Zô É Myòqjìt Sû Lé, Yesuq, Myòq Dum Myàng Nhang É Hkyô
35Ahkuî, Yesuq Yerihko wà nàm má jé lo nyi le, myòqjìt é byù rayùq gi, hkyô yàm má zùng mù, dung zô nyi ri. 36Yhang gi, byù rajùm rayò sô laî ló é htê lé wó gyo jáng, haû haî dùt nyi é hkyô lé, myi kat ri. 37Haú hkûn, yhángmòq gi, “Nazaret wà byù Yesuq laî ló ri.” ga luî, yhang lé taî kyô akô.
38Haû su gâ é lé wó gyo jáng, yhang gi, “Dawiq é Yhang zo Yesuq ê, ngo lé shogyô yù làq ô!” ga wùt dûng kat ri.
39Hí má laî ló é bang gi, zim za nyì râ matú yhang lé tân hkûm akô; nghut kôlhang, yhang gi, “Dawiq é Yhang zo ê, ngo lé shogyo yù làq ô!” ga, je riyhang htê mó o mó èq wùt dûng kat ri.
40Haû mù, Yesuq gi, yàp kat mù, byù haú yùq lé Yhâng chyáng shuî lé lô nhang kat ri. Myòqjìt sû Yhâng nàm má jé lé jáng, Yesuq gi, 41“Ngò, nàng lé haî kut byi râ ô nau ri lhú?” ga, yhang lé myi kat ri.
Haú yùq gi, “Yhûmsîng ê, ngò myòq myàng nau ri.” ga tû taî ri.
42Haú hkûn, Yesuq gi, “Náng myòq myàng sháng gàq! Náng é lùmjíng myìt gi, nang lé lhoqgê byi bê nghut ri.” ga, yhang lé taî ri. 43Haú yùq gi, haú hkûn jáng, yhang myòq wó myâng mù, Garai Gasang lé hkya-on uchyang Yesuq htâng cháng bê. Lhúnglhâng bang haû lé myàng kôjáng, Garai Gasang lé hkya-ôn nyi bum akô.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.