Hose-a 8
8
Laìdun Lé Za Shû Yù Râ Nghut É Isira-elaq
1Náng é nhut mai hkyuî labó mùt àq!
Haû gyè gi, Yhûmsîng Garaî é yhûm má zùn su jé lé ri;
hkâsu mù gâ le, yhángmòq gi, Ngá é dangshikaq lé lhoqhpyoq pyám kômù,
Ngá é târâ lé lu laî pyám bekô nghut ri.
2Isira-elaq byu pé gi,
‘Ngá-mòq é Garai Gasang ê, ngá-mòq gi, Nang lé sê lhê!’ ga, Ngo lé wùt garû akô nghut ri.
3Nghut kôlhang, yhángmòq gi, ge é hkyô lé he-ngìk pyám bekô nghut mù,
gyè gi, yhángmòq lé châng hkat râ nghut lhê.
4Yhángmòq gi, Ngò ahkáng byî é a nghut é za, hkóhkâm wò pé byî akô nghut ri;
yhángmòq gi, Ngò a sê é za zau pé hkyin tô akô nghut ri.
Yhángmòq gi, yhángmòq é ngùn eq hîng pê èq,
yhûmsîng htên byòq é hui zo râ dông,
yhûmsing é matú hparà hpôlhô pé saî akô nghut ri.
5Samariq ê, náng é nojûng zo hparà lhô lé dú pyám aq!
Ngò gi, haú lé noqkuq é bang lé nhikjum yô ri.
Yhángmòq gi, sansêng é myìt hkâ-myháng jé shoq a bò dùt kôrâ lhú?
6Haú pé gi, Isira-elaq mai saî htoq é chyat nghut ri;
nojûng zo lhô haû lé gi, jòqtoq bàt sû saî é nghut mù,
haû gi, Garai Gasang a nghut.
Samariq é nojûng zo lhô haû gi,
lhoqhkyop pyâm é hui râ nghut lhê.
7Yhángmòq gi, laì lé hô hkyó kô é nghut mù,
laìdun lé shû yu akô nghut ri.
Gùq gàm gi, gùqnhâm a htoq nghut ri;
haû mai gi, mún a wó lhoqhtoq byi nghut ri.
Gùq lhoqhtoq byî é jang má nghut kôlhang,
byù bíng pé shèq zô myui pyám byî akô nghut ri.
8Isira-elaq byu pé gi, myui pyâm é hui bê nghut ri;
ahkuî, yhángmòq gi, byù myû wui chyáng,
ó le a o é hkoq zê su dùt byùq bê nghut ri.
9Hkâsu mù gâ le, yhángmòq gi, radu baú sô nghoq wún é kyang é loze su,
Asuri ming shut dòq ê bekô nghut ri.
Ehprim gi, yhûmsing gùng lé chyit bâng chyáng ung zô pyâm ri.
10Yhángmòq gi, yhûmsing gùng lé,
gótû byù myû wui chyáng ung zô pyám bekô nghut kôlhang,
ahkuî, Ngò gi, yhángmòq lé rahá dum shuî tsîng yù râ nghut lhê.
Yhángmòq gi, hkóhkâm mó zìk zo zìk shuq é a-ô má,
yom hi ló byùq kôrâ nghut lhê.
11Ehprim gi, mara hkyut hkungga pê é matú hkungga gyàp myo myo saí kôlhang,
hkungga gyàp haú pé gi, mara kut shut jowò dùt byùq bê nghut ri.
12Ngò gi, yhángmòq é matú, Ngá é târâ pé myo myo kâ to kôlhang,
yhángmòq gi, haú pé lé haî su a ngàm kut pyâm akô nghut ri.
13Yhángmòq gi, Ngá é matú,
shigu hkungga pé nhông byi mù, sho haú lé zô bùm kôlhang,
haû Yhûmsîng Garai gi, haú lé a gabú byi nghut ri.
Ahkuî, Yhang gi, yhángmòq é agè ashop hkyô lé myìtbun mù,
yhángmòq é yubàk marâ é matú mara dam byi râ nghut lhê.
Yhángmòq gi, Egutuq ming shut taû ló kôrâ nghut lhê.
14Isira-elaq gi, yhûmsing é Hpân Sû lé tô myhî pyám mù,
hkóhkâm wâng pé saî ri;
Yudaq gi, lhoq gingtîng tô é wà pé gyai myô ri.
Nghut kôlhang, Ngò gi, yhángmòq é gingtíng jowò pé nyé gyó pyám râ matú,
yhángmòq é wà pé má myi hkyô kat râ nghut lhê.” ga taî ri.
Currently Selected:
Hose-a 8: znot
Highlight
Share
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.
