Hagai 1
1
Yhûmsîng Garaî É Noqkuq Yhûm Saí Râ Hkunmó
1Dari hkóhkâm kut é í zan zàn, lha-mó hkyuq hkyap hkyap, sânghî nyí má, haû Yhûmsîng Garaî é mungdang gi, myìqhtoi Hagai dông, Shelatila é yhang zo Yudaq ming zau Zerubabela eq Yozadak é yhang zo hkyangjong mó Yoshuq chyáng jé ri.
2Haû Wum-o a-tsam dìk shoq bò Sû Yhûmsîng Garai shî su ga taî ri; “Byù shí bang gi, ‘Haû Yhûmsîng Garaî é noqkuq yhûm saî saí râ matú ahkyíng a jé shi nghut ri.’ ga taî bum akô.” gâ ri.
3Haú hkûn, haû Yhûmsîng Garaî é mungdang gi, myìqhtoi Hagai dông mai jé ri; haû gi, 4“Goì ê, Yhûmsîng Garaî é yhûm gi, chamchyuîyuì htên byòq tô é hkûn, núngmòq gi, siklong tap é yhûm má lúng râ ahkyíng jé bekô lhú?” gâ ri.
5Ahkuî, Wum-o a-tsam dìk shoq bò Sû Yhûmsîng Garai shî su ga taî ri; “Yhûmsing é hkyô lé rago myìt wú keq. 6Núngmòq gi, ga-myhó hô hkyó kôlhang, ra-tsuí za shû yu akô; zo kôlhang, hkâ-nhám le a gyi kó nghut ri; shuq kôlhang, hkâ-nhám le a shuq gyi kó nghut ri; mèbu wùt kôlhang, a nye kó nghut ri; zuihpau wó kôle, zuihpau haú lé, dong dông bum é ngùnhtûng má za kat pyâm akô nghut ri.” gâ ri.
7Haû Wum-o a-tsam dìk shoq bò Sû Yhûmsîng Garai shî su ga taî ri; “Yhûmsing é hkyô lé rago myìt wú keq. 8Bùm pé má dòq ê mù, sik yû luî, yhûm haú lé saí keq; haú hkûn, Ngò gi, haú má gabú myìt nguì luî, hau é yánmai Ngá é hpungwup shingkang hu râ nghut lhê.” gâ ri; haû gi, Yhûmsîng Garai taî ri. 9Haû Wum-o a-tsam dìk shoq bò Sû Yhûmsîng Garai shî su ga taî pyo ri; “Núngmòq gi, myo myo myìt myòqbyù kôlhang, wú keq, ra-tsuí za wó akô nghut ri. Núngmòq mai yhûm má yu wang lo é lé, Ngò mùt tâng pyám byî é nghut lhê. Hkâsu mù gâ le, Ngá é yhûm gi, chamchyuîyuì htên byòq tô é u, núngmòq gi, yhûmsing yhûm pé eq séng luî, mú myô nyi bum akô nghut ri. 10Haû mù, núngmòq é yánmai, mauhkûng gi, nghân a hkyó byi kut mù, myigùng gi, kyôzo muilhum a yùq htoq nhâng nghut ri. 11Hau htoq agó, Ngò gi, yò pé má le, bùm pé má le, kyôzo pé má le, tsibyiq wing asik má le, tsanlun xû má le, myigùng mai htoq é jung hkangmó má le, byu pé eq shigu gaunyhaû pê chyáng le, núngmòq é lòqmú lòqzó bànshoq má le, buì nyé hkang nhang to bê nghut lhê.” gâ ri.
12Haú hkûn, Shelatila é yhang zo Zerubabela, Yozadak é yhang zo hkyangjong mó Yoshuq eq nyi myìt gyó tô é mingbyû wuì bànshoq gi, yhángmòq é Garai Gasang nghut é, haû Yhûmsîng Garaî é dang lé le, myìqhtoi Hagai lé, yhángmòq é Garai Gasang nghut é, haû Yhûmsîng Garai mai nhang kat bê nghut é yánmai, yhâng é dang lé le, jì-no gyo bekô nghut ri. Mingbyû wuì gi, haû Yhûmsîng Garai lé gyùq hkúnggâ akô nghut ri.
13Haû mù, haû Yhûmsîng Garaî é lagyo Hagai gi, mingbyû wuì lé, “Ngò, núngmòq eq rahá nghut nyi lhê.” ga haû Yhûmsîng Garai taî pyo é hkyô nghut é, haû Yhûmsîng Garaî é mungdang taî kyô ri. 14-15Haû mù, haû Yhûmsîng Garai gi, Shelatila é yhang zo Yudaq ming zau Zerubabela é sô lé le, Yozadak é yhang zo hkyangjong mó Yoshuq é sô lé le, nyi myìt gyó tô é byù bànshoq é sô lé le, nhaû toq byi bê nghut ri. Haú hkûn, yhángmòq gi, lha-mó hkyuq hkyap hkyap, í xe myi nyí nyí má, yhángmòq é Garai Gasang nghut é, haû Wum-o a-tsam dìk shoq bò Sû Yhûmsîng Garaî é noqkuq yhûm saí múzó lé, lé kut bekô nghut ri.
Yhûm Sik Má Hpungwup Shingkang Jé Râ Matú Htûm Tô É Danghtum
Dari hkóhkâm kut é í zan zàn,
Currently Selected:
Hagai 1: znot
Highlight
Share
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.
