Ezekela 40
40
Noqkuq Yhûm Asik
1Ngá-mòq shúm zung é í xe ngó zan zàn, Yerusalem wà mó gyòp gyó é raxe myí zan zàn, zan sik raxê nyí nyí má yhang, haû Yhûmsîng Garaî é lòq gi, ngá chyáng jé mù, ngo lé wà haú má shuî jé ló ri. 2Yhang gi, Garai Gasâng é shing-rán má ngo lé Isira-elaq ming shut shuî ê luî, gyaí myhang é bùm má nyhi tô ri; bùm hau é maupyî hkyam shut wà mó su dùt é azòng pé saî tô bum ri. 3Yhang gi, ngo lé haú má shuî e é nghut mù, ngò gi, gyi su dùt é byù rayùq haú má nyi tô é lé myang ri; haú yùq gi, ké râ matú, nú nhâm é ji tui eq jàm yang lé yhâng é lòq má chung to mù, wâng hkúmdong má yàp tô ri. 4Haú hkûn, haú yùq gi, ngo lé, “Byù zo ê, rago wú mù, chyáng mai gyo luî, ngò, nàng lé tûn shit râ nghut é jung hkangmó lé, myìt má rago kat to aq; hkâsu mù gâ le, haú hkyô pé tûn shit râ matú nang lé shî má shuî jé tô é nghut lhê. Nàng myang é jung hkangmó, Isira-elaq byu pé lé taî kyo aq.” ga taî ri.
Buìhtoq Hkyam Hkum Mai Sânghî Pyâm Wânghkaû Jé Shoq É Hkyô
5Haû noqkuq yhûm lhînghkyùq má xêwâm wam kyâm lhîng tô é lé ngò myang ri. Haú yùq lòq má chung tô é ké râ jàm yang gi, hkyuq dúng dúng hing ri; radúng má lòq rahup hup dum jàt kat ri. Yhang gi, xêwâm lé kê é nghut mù, htû hpyang rayang, myhâng hpyang rayang bo ri.
6Hau htâng, yhang gi, buìhtoq hkyam hkum má ê jé mù, zùmhtâng má dòq luî, hkumtáng lé kê ri; haû gi, jàm yang rayang nìk ri. 7Zúng bâng é wàp hkangmó gi, hîng hpyang rayang bò mù, làm hpyang le rayang bo ri; ragòk eq ragòk é xêwâm gyoro gi, ngo dúng dúng lam ri. Noqkuq yhûm shut hu tô é laìshînhtâng nàm mâ é hkumtáng gi, jàm yang rayang bo ri.
8Hau htâng, yhang gi, wâng hkúmdong laìshînhtâng lé dum kê ri; 9haû gi, shit dúng bo é nghut mù, hau é zìng gi, í dúng htu ri. Wâng hkúmdong mâ é laìshînhtâng haû gi, noqkuq yhûm shut hu tô é nghut ri.
10Buìhtoq hkyam hkum ahkaû í hkyam shut zúng bâng é wàp sûm lhum lhum jòq ri; wàp haú pé gi, rajung za kô ri; hé hkyam shí hkyam shut mâ é zìng pé le rajung za kô nghut ri. 11Hau htâng, yhang, wâng hkúmdong má dum kê le, làm hpyang raxê dúng bò mù, hîng hpyang raxe sum dúng bo ri. 12Wàp hkangmó é hkúmtot má radúng dúng myhang é xêwâm wam to mù, wàp hkangmó gi, myî hkyâm é hkyuq dúng dúng lam ri. 13Hau htâng, yhang gi, shí hkyam shut mâ é wàp hkûng htâng eq hé hkyam shut mâ é wàp hkûng htâng gyoro mai wâng hkúmdong lé kê ri; gyoro haû gi, í xe ngo dúng lam ri; hkum gi, myòqdong hkyúm hu lhûm tô é nghut ri. 14Yhang gi, wàp wâng hkúmdong gyoro lhînghkyùq mâ é xêwâm cháng mù kê ri; haû gi, hkyuq xê dúng bo ri; wânghkaû mâ é laìshînhtâng jé shoq kê é nghut ri. 15Shinggan wâng hkúmdong gyoro mai wânghkaû mâ é laìshînhtâng htáng shoq gi, ngo xê dúng bo ri. 16Zúng bâng é wàp pé eq wâng hkúmdong ahkaû shut mâ é wàp xêwâm pé lhînghkyùq má hkohot zo pé tsing htông tô ri; haû eq rajung za laìshînhtâng má le tsing htông tô ri; hkohot zo haú pé gi, hkum ahkaû shut hu tô bum ri. Wàp xêwâm pé má byùm gàm lhô pé tsing kyûng tap tô bum ri.
Sânghî Pyâm Wânghkaû
17Hau htâng, yhang gi, ngo lé, sânghî pyâm wânghkaû má shuî wang e ri. Haú má, wàp pé jòq tô é eq lhînghkyùq má lùqgòk hkâng tô é lé, ngò myang ri. Lùqgòk hkâng tô é má cháng luî, wàp sum xê wàp jòq tô ri. 18Wâng hkúmdong eq htèp má, hkum eq rajung za lam é lùqgòk hkyô hkâng tô é gi, a-ô lùqgòk hkyô nghut ri. 19Hau htâng, yhang gi, a-ô wâng hkúmdong mai ahtê pyâm wânghkaû yàm jé shoq kê wú ri; buìhtoq hkyam eq mautsûng hkyam gi, rajung za rashô dúng dúng lam é chyat nghut ri.
Mautsûng Hkum
20Hau htâng, yhang gi, sânghî pyâm wânghkaû shut wó jé é mautsûng hkum jowo é hîng hpyang làm hpyang lé kê wú ri. 21Zúng bâng é wàp gi, rahkyam shut sum wap wap jòq tô ri; hau é xêwâm pé eq laìshînhtâng pé gi, sânghî é wâng hkúmdong eq laké rajung za lam ri. Haû gi, hîng hpyang ngo xê dúng bò mù, làm hpyang í xe ngo dúng bo ri. 22Hkohot pé, hau é laìshînhtâng pé eq hau é byùm gàm lhô pé gi, buìhtoq hkyam shut hu tô é hkum eq laké rajung za nghut ri. Hkum haû jé shoq zùmhtâng nyhit mhak htung toq tô ri; laìshînhtâng gi, zùmhtâng eq rayán za hkum góhkyam shut jòq tô é nghut ri. 23Buìhtoq hkyam shut hu tô é hkum su, ahtê pyâm wânghkaû shut jé é, mautsûng hkyam shut hu tô é hkum ralhum jòq ri. Yhang gi, shí hkum mai díng za hé hkûm é gyoro lé kê wú ri; haû gi, rashô dúng bo ri.
Maupyî Hkum
24Hau htâng, yhang gi, ngo lé maupyî hkyam shut shuî e é nghut mù, ngò gi, maupyî hkum lé myang ri. Yhang gi, hau é dúnlhum pé eq laìshînhtâng pé lé kê ri; haú pé gi, gótû pé eq laké rajung za nghut ri. 25Wâng hkúmdong haû eq hau é laìshînhtâng pé má gi, hí lhê é gótû pê é hkohot pé eq rajung za nghut é, hkohot zo pé tsing htông tô ri. Haû gi, hîng hpyang ngo xê dúng, làm hpyang í xe ngo dúng bo ri. 26Hkum haû jé shoq zùmhtâng nyhit mhak htung toq tô ri; laìshînhtâng gi, zùmhtâng eq rayán za hkum góhkyam shut jòq tô é nghut ri. Xêwâm hkangmó má gi, byùm gàm lhô pé kyûng tap tô ri. 27Ahtê pyâm wânghkaû má le, maupyî shut hu é hkum jòq ri; yhang gi, hkum haú mai sânghî pyâm mâ é maupyî hkyam hkum jé shoq kê ri; haû gi, rashô dúng bo ri.
Hkum Pé Mai Ahtê Pyâm Wânghkaû Shut
28Hau htâng, yhang gi, ngo lé, maupyî hkum mai ahte wânghkaû shut shuî wàng mù, maupyî hkum lé kê ri; haû gi, hí lhê é gótû pé eq laké rajung za nghut ri. 29Haú mâ é zúng bâng é wàp pé, dúnlhum pé eq laìshînhtâng pé gi, hí lhê é gótû pé eq laké rajung za nghut ri. Wâng hkúmdong haû eq hau é laìshînhtâng má gi, hkohot pé tsing htông tô ri. Haû gi, hîng hpyang ngo xê dúng, làm hpyang í xe ngo dúng bo ri. 30Ahtê pyâm wânghkaû lhînghkyùq mâ é wâng hkúmdong é laìshînhtâng gi, hîng hpyang í xe ngo dúng, làm hpyang ngo dúng bo ri. 31Hau é laìshînhtâng gi, sânghî pyâm wânghkaû shut hu tô ri; hau é dúnlhum pé má gi, byùm gàm lhô kyûng tap tô ri; haú má zùmhtâng shit mhak htung toq tô ri.
32Hau htâng, yhang gi, ngo lé, buìhtoq hkyam mâ é ahtê pyâm wânghkaû má shuî wang ê mù, wâng hkúmdong lé kê ri; haû gi, hí lhê é gótû pé eq laké rajung za nghut ri. 33Haú mâ é zúng bâng é wàp pé, dúnlhum pé eq laìshînhtâng pé gi, hí lhê é gótû pé eq laké rajung za nghut ri. Wâng hkúmdong haû eq hau é laìshînhtâng má gi, hkohot pé tsing htông tô ri. Haû gi, hîng hpyang ngo xê dúng, làm hpyang í xe ngo dúng bo ri. 34Hau é laìshînhtâng gi, sânghî pyâm wânghkaû shut hu tô ri; dúnlhum pé hkyam hkangmó má gi, byùm gàm lhô kyûng tap tô ri; haú má zùmhtâng shit mhak htung toq tô ri.
35Hau htâng, yhang gi, ngo lé, mautsûng hkum shut shuî ê mù, haú lé kê ri. Haû gi, hí lhê é gótû pé eq laké rajung za nghut ri. 36Haú mâ é zúng bâng é wàp pé, dúnlhum pé eq laìshînhtâng lé le kê ri; hkum lhînghkyùq má hkohot tsing htông tô ri. Haû gi, hîng hpyang ngo xê dúng, làm hpyang í xe ngo dúng bo ri. 37Hau é laìshînhtâng gi, sânghî pyâm wânghkaû shut hu tô ri; hkum í hkyam shut mâ é dúnlhum má gi, byùm gàm lhô kyûng tap tô ri; haú má zùmhtâng shit mhak htung toq tô ri.
Hkungga Lajang Râ Wàp Pé
38Wàp eq haú má wàng râ hkumhkyô gi, ahtê pyâm wâng hkúmdong pé mâ é laìshînhtâng ayàm má jòq tô ri; haú má, myi nyhé hkungga pé lé chî ri. 39Wâng hkúmdong mâ é laìshînhtâng í hkyam má zègyap í lhum lhum jòq tô ri; haú má, myi nyhé hkungga pé, mara hkyut hkungga pé eq mara hpyî hkungga pé lé sat ri. 40Mautsûng wâng hkúmdong shut dòq ló é zùmhtâng yàm mâ é, wâng hkúmdong laìshînhtâng shinggan nàm má zègyap í lhum jòq tô ri; zùmhtâng hau é góhkyam shut le zègyap í lhum jòq tô ri. 41Haû mù, wâng hkúmdong yàm rahkyam shut zègyap myî lhum lhum jòq to mù, zègyap bànshoq shit lhum jòq tô ri; zègyap haú pé má gi, shigu hkungga pé lé sat é nghut ri. 42Myi nyhé hkunggâ é matú, kyûng yúng tô é lùqgòk pê èq saî to é zègyap myî lhum le jòq tô ri; zègyap haû lhum hkangmó gi, radúng èq rahtô htô hîng mù, radúng èq rahtô htô làm luî, radúng myhang é chyat nghut ri; zègyap haú pé má, myi nyhé hkungga pé eq gótû hkungga pé lé sat é hkûn chung é zè pé tsing tô tô bum ri. 43Zègyap lhum hkangmó é lhînghkyùq má, lòqwa rahup hup bo é gòknghe pé saî tap tô bum ri. Zègyap pé gi, hkungga sho ke râ matú nghut ri.
Hkyangjông Pê É Matú Wàp Pé
44Ahtê pyâm wâng hkum ahkaû, ahtê pyâm wânghkaû má wàp í lhum jòq ri; rawàp gi, mautsûng wâng hkum yâm má nghut mù, maupyî hkyam shut hu tô ri; rawàp gi, maupyî wâng hkum yâm má nghut mù, mautsûng hkyam shut hu tô ri. 45Yhang gi, ngo lé, “Maupyî shut hu tô é wàp gi, noqkuq yhûm má dójaú é hkyangjông pê é matú nghut lhê; 46mautsûng shut hu tô é wàp gi, hkungga gyàp má dójaú é hkyangjông pê é matú nghut lhê. Haú bang gi, Zadok é awùt ashín pé nghut mù, haû Yhûmsîng Garai lé lé wó dójaú é Lewiq byu pé za nghut akô.” ga taî ri.
47Haû mù, yhang gi, ahtê pyâm wânghkaû lé kê wú ri; haû gi, myi chyûn bò mâ é nghut mù, rashô dúng dúng hîng luî, rashô dúng dúng lam ri. Hkungga gyàp gi, noqkuq yhûmhkun má jòq tô ri.
Noqkuq Yhûm Asik
48Yhang gi, ngo lé, noqkuq yhûm mâ é laìshînhtâng shut shuî ê mù, laìshînhtâng zìng pé lé kê ri; haú pé gi, rashut ngo dúng dúng lam ri. Wàng hkum gi, raxe myi dúng làm mù, hau é zìng pé gi, rahkyam shut sum dúng dúng lam ri. 49Laìshînhtâng gi, í xê dúng hîng mù, raxe radúng lam ri; zùmhtâng htûng luî shèq haú má wó dòq jé é nghut ri. Hé chyûn shí chyûn mâ é xêwâm yàm má, zìng razìng zìng xuq tô ri.
Currently Selected:
Ezekela 40: znot
Highlight
Share
Compare
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.
