Htoq Ló 11
11
Zo-mún Sat É Dam Hpuzô É Hkyô
1Hau htâng, haû Yhûmsîng Garai gi, Mosheq lé, “Ngò gi, Hpara-uq eq Egutuq ming lé, dam radàm byi shirâ nghut lhê. Hau htâng má, yhang gi, núngmòq lé shî mai nhang htoq kat râ nghut lhê; yhang gi, núngmòq lé nhang htoq kat é hkûn, rayùq lháng a nyhi hkyô to loshoq hkat htoq kat râ nghut lhê. 2Haú hkûn, yùqgè nghut nghut, myiwe nghut nghut, ó le ô é yhûmkyochang lé, ngùn zè hîng zè dûng yù keq nghû, shiwa byu pé lé taî aq.” ga taí bê nghut ri. 3(Haû Yhûmsîng Garai gi, Isira-elaq byu pé lé, Egutuq byu pê hí má myòqdong wó nhang ri; Mosheq yhang le, Egutuq ming má, Hpara-uq é zaugun wuì eq shiwa byu pê èq gyai yhang owaq é huî ri.)
4Haû mù, Mosheq gi, “Haû Yhûmsîng Garai taî le, ‘Ngò gi, myín gùnggàm lé, Egutuq ming má sô lhîng râ nghut lhê. 5Haú hkûn, hkóhkâm tángmyhâng má zung tô é Hpara-uq é yhang zo yùqzo zo-mún mai hî luî, lùqluí luí nyi é jùn myhî é yhang zo yùqzo zo-mún jé shoq le, shigu gaunyhaú pé mâ é sânghi shuî é shigu gaunyhaú zô pé le, Egutuq ming mâ é zo-mún hkangmó shi byùq râ nghut lhê. 6Egutuq ra-ming gón má, hkâ-nhám le a dùt wú, hkâ-nhám le dum dùt râ a nghut é, ngaùhkyûng ngaùyang htê byíng zan to râ nghut lhê. 7Nghut kôlhang, Isira-elaq byu pê chyáng, byù lé nghut nghut, shigu gaunyhaú lé nghut nghut, hkui lháng wám wàp râ a nghut.’ ga ri. Haú hkûn, núngmòq gi, Egutuq byu pé eq Isira-elaq byu pê é gyoro má, haû Yhûmsîng Garaî èq kyodum kat tô é hkyô lé wó sé kôrâ nghut lhê. 8Náng é zaugun wuì shí bang bànshoq gi, ngá chyáng lé kômù, ngá é hí má lé ngóm gòp kôluî, ‘Nàng eq náng htâng châng é shiwa byu pé bànshoq bang htoq ló keq!’ ga taí kôrâ. Hau htâng má, ngò htoq ló râ nghut lhê.” ga taî ri. Hau htâng, Mosheq gi, nhikmó-yô é èq Hpara-uq chyáng mai htoq ló bê nghut ri.
9Haû Yhûmsîng Garai gi, Mosheq lé, “Egutuq ming má Ngá é maúhpo múzó lé wó lhoqmyo râ matú, Hpara-uq gi, náng é dang lé lhom gyo byi râ a nghut.” ga taí bê nghut ri. 10Mosheq eq Arun gi, maúhpo múzó shí pé bànshoq lé, Hpara-uq é hí má kut shit bê nghut ri. Nghut kôlhang, haû Yhûmsîng Garai gi, Hpara-uq é myìt lé lhoqhtan to byî é nghut luî, yhang gi, Isira-elaq byu pé lé, yhâng é ming mai a nhang htoq kat nghut ri.
Currently Selected:
Htoq Ló 11: znot
Highlight
Share
Compare
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.
