SAN JUAN 4
4
Jesús jare kuña Samaria pegua
1Jesús pe jërakua fariseo reta jei körai: “Jesús oyapo oï jare ombobautisa oï jeta jemimboerä Juan güi.” 2(Yepe tëi Jesús etei mbaetɨ oporombobautisa. Jemimboe retaño oporombobautisa ñogüɨnoi.) 3Kuae oikuaa yave, Jesús oë Judea güi ojo ye Galilea kotɨ. 4Jare jae oasa tai ko ɨvɨ Samaria rupi. 5Jayave ojo oväe tëta guasu Sicar jee vae Samaria pegua pe; jókuae ɨvɨ Jacob arakae omee taɨ José#Gn 33.19; Jos 24.32. pe vae iyɨpɨ pe. 6Joko pe oï metei ɨkua. Jókuae ɨkua jee Jacob iɨkua. Jayave Jesús oguapɨ ɨkua iyɨpɨ pe. Echa mombɨrɨ ma oguata, jare ikangɨ. Jare kuaraɨ ara mbɨteta ma. 7Jayave ou oväe metei kuña Samaria pegua ɨ güɨnoe vaerä. Jesús jei chupe:
—Emee tau ɨ.
8Echa Jesús jemimboe reta opa yepe yogüɨraja tëta guasu pe ogua vaerä jembiurä. 9Jayave jókuae kuña Samariaɨgua jei Jesús pe:
—Nde ko jae judío jare che ko Samariaɨgua. ¿Maera pa reiporu cheve ɨ reu vaerä?
(Echa judío reta mbaetɨi ko oñomomiari#Esd 4.1-5; Neh 4.1-2. Samariaɨgua reta ndive). 10Jayave Jesús jei kuña pe:
—Nde reikuaa yave mona Tumpa omee vae jare kia ko ɨ oiporu oï ndeve vae yave, nde reiporuta tëi ko cheve jare che ameeta tëi ko ndeve ɨ tekove omee vae.#Is 44.3; Jer 2.13; 17.13; Jn 7.37-39.
11Jayave kuña jei Jesús pe:
—CheYa, nde mbaetɨ mbae renoi ɨ renoe pɨpe vaerä, jare kuae ɨkua kɨ̈pe yae. ¿Kia güi pa reruta jókuae ɨ tekove omee vae? 12¿Tuichagüe yae pa nde oreñemuñagüe Jacob güi? Echa Jacob oeya oreve kuae ɨkua. Jae jare taɨ reta jare jɨmba reta oɨu kuae güi.
13Jesús jei chupe:
—Oipotagüe kuae ɨ jou vae iɨuve yeta ko. 14Ërei che ameeta jou ɨ vae, ngaraa etei iɨuve ye. Echa jókuae ɨ che ameeta chupe vae, oyeapota iyɨvɨte pe metei ɨkua jesaɨ vae rami, tekove opambae vae peguarä.
15Jare kuña jei:
—CheYa, emee tau jókuae ɨ, agüɨye ye vaerä cheɨuve, jare agüɨye ye vaerä mo ayu kuae pe ɨ anoe.
16Jayave Jesús jei chupe:
—Ekua eenɨi neme, jare peyu kuae pe.
17Kuña jei:
—Mbaetɨ ko cheme.
Jesús jei kuña pe:
—Añete ko rere: “Mbaetɨ cheme.” 18Echa pandepo ma neme tëi, jare jókuae kuimbae añave renoi vae nemeä ko. Añete ko rere.
19Jayave kuña jei:
—CheYa, añave aikuaa nde ko jae ñeemombeúa. 20Oreñemuñagüe reta omboete Tumpa kuae ɨvɨtu guasu re. Ërei pe reta pere Jerusalén pe ko oyemboeteta Tumpa.
21Jayave Jesús jei kuña pe:
—Kuña, chererovia, outa ma ara mbaetɨ vaerä ma pemboete cheRu kuae ɨvɨtu guasu re ani Jerusalén pe ave. 22Pe reta pembaemboete yave, mbaetɨ peikuaa kia ko pemboete vae. Ore rombaemboete yave, roikuaa kavi ko kia romboete vae. Echa ore judío reta rupi Tumpa oporomboasata. 23Ërei oväeta ara, jae ko añave, añetete Tumpa omboete vae reta omboete vaerä Espíritu rupi jare añete rupi kavi. Echa cheRu oeka jökorai ombaemboete vae reta. 24Tumpa ko jae Espíritu. Omboete vae reta, tomboete Espíritu rupi jare añete rupi kavi.
25Jayave kuña jei Jesús pe:
—Aikuaa Mesías outa ko, jókuae Cristo jee vae; jae ou yave omombeuta oreve opaete mbaembae regua.
26Jare Jesús jei chupe:
—Jae ko che, chemiari aï nde ndive vae.
27Jökorai yave, yogüeru oväe jemimboe reta. Ipɨakañɨ Jesús imiari oï kuña ndive vae re. Ërei metei ave mbaetɨ jei chupe: “¿Mbae re pa reparandu?” Ani “¿Mbae re pa nemiari jae ndive?” 28Jayave kuña oeya iɨru joko pe jare ojo tëta guasu pe. Jare jei kuimbae reta pe:
29—Peyu pemae kuimbae opaete ayapogüe omombeu cheve vae re. ¿Jaeä ra ko Cristo?
30Jayave kuimbae reta oë tëta guasu güi yogüeru Jesús kotɨ.
31Kuña ojo ramboeve, Jesús jemimboe reta jei chupe:
—Oporomboe vae, ekaru.
32Jesús jei chupe reta:
—Oime anoi cherembiurä, pe reta peikuaambae vae.
33Jayave jemimboe reta jei oyoupe:
—¿Güeru ra kia mbae jou vaerä?
34Jesús jei chupe reta:
—Cherembíu jae ko, ayapo vaerä chembou vae jemimbota, jare opa vaerä iparavɨkɨ ayapo. 35Pe reta pere: “Oata vɨteri irundɨ yasɨ mbaarɨvo vaerä.” Ërei che jae peve: Pemopüa peäka pemae kó reta re. Mboroyu ma oï oyepoo vaerä. 36Jare ombaarɨvo vae pe oyemboepɨ; oarɨvo tekove opambae vae peguarä, omaetɨ vae jare ombaarɨvo vae oyerovia päve vaerä. 37Jökorai, añete ko ñee jei vae: “Metei vae omaetɨ, jare ïru vae ombaarɨvo.” 38Che pomondo pearɨvo mbaetɨ peparavɨkɨ jese vae. Ïru vae reta oparavɨkɨ jese, jare pe reta pearɨvo iparavɨkɨagüe.
39Jare jeta jókuae tëta guasu pegua reta Samariaɨgua reta güɨrovia Jesús re kuña omombeu chupe reta vae jeko pegua. Echa kuña jei chupe reta: “Opaete ayapogüe omombeu cheve.” 40Jayave Samariaɨgua reta yogüeru Jesús oïa pe yave, omoñera opɨta vaerä jae reta ndive. Jayave Jesús opɨta joko pe mókoi ara. 41Jare jeta ïru vae reta oporogüɨrovia Jesús etei jei chupe reta vae rupi. 42Jayave jei reta kuña pe:
—Mbaetɨ roporogüɨrovia nde rere oreve güiño, roporogüɨrovia ko ore etei roendu ramo, jare añave roikuaa kuae ko jae ɨvɨ pegua reta Omboasa vae, Cristo jee vae.
Jesús ombogüera mburuvicha taɨ
43Mókoi araa rupi Jesús ojo joko güi Galilea kotɨ. 44Echa Jesús etei jei, metei ñeemombeúa jëtaɨgua reta mbaetɨ ipɨakatu ikotɨ.#Mt 13.57; Mc 6.4; Lc 4.24. 45Jayave Jesús ojo oväe Galilea pe yave, joko pegua reta omboresive kavi. Echa oecha reta ma opaete Jesús oyapo Jerusalén pe arete Pascua pe vae. Echa jae reta yogüɨraja vi jókuae arete pe.#Jn 2.23. 46Jare Jesús ojo oväe Caná Galilea pegua pe. Joko pe tenonde yave oyapo ɨ vinorä.#Jn 2.1-11. Oiko Capernaum pe metei mburuvicha guasu isundaro ruvicha. Kuae kuimbae taɨ imbaerasɨ oï. 47Jae oikuaa Jesús ou ma ko Judea güi oväe Galilea pe yave, ou Jesús oïa pe jare oyerure taɨ ombogüera vaerä chupe. Echa omanota ma oï.
48Jayave Jesús jei chupe:
—Mbaetɨ aechauka peve mɨakañɨ reta yave, ngaraa perovia cheré.
49Jare mburuvicha guasu isundaro ruvicha jei:
—CheYa, yajaño ndei cheraɨ omano mbove.
50Jesús jei chupe:
—Ekua yeño, nderaɨ oikove katu ye ma oï.
Jayave jae güɨrovia Jesús jei chupe vae jare ojo ye jëta kotɨ. 51Jare ojo ramboeve jëta kotɨ, jembiokuai reta yogüeru oövaiti jare jei reta chupe:
—Oikove katu ye ma oï nderaɨ.
52Jayave jae oparandu chupe reta:
—¿Mbae ora pe pa omboɨpɨ okuera?
Jae reta jei:
—Kárumbo kuaraɨ ara mbɨte jaɨkue rupi jaku opɨta chugüi.
53Jare kunumi tu oikuaa jókuae ora pe etei ko Jesús jei chupe: “Nderaɨ oikove katu ye ma oï.” Jayave oporogüɨrovia jae jare opaete jo pegua reta.
54Kuae mɨakañɨ oyapo Jesús ou yave Judea güi Galilea pe. Mokoía ma ko kuae mɨakañɨ.
Currently Selected:
SAN JUAN 4: GUABD
Highlight
Share
Copy
Want to have your highlights saved across all your devices? Sign up or sign in
Biblia DC Guaraní Bolivia © Bolivian Bible Society, 2001.
SAN JUAN 4
4
Jesús jare kuña Samaria pegua
1Jesús pe jërakua fariseo reta jei körai: “Jesús oyapo oï jare ombobautisa oï jeta jemimboerä Juan güi.” 2(Yepe tëi Jesús etei mbaetɨ oporombobautisa. Jemimboe retaño oporombobautisa ñogüɨnoi.) 3Kuae oikuaa yave, Jesús oë Judea güi ojo ye Galilea kotɨ. 4Jare jae oasa tai ko ɨvɨ Samaria rupi. 5Jayave ojo oväe tëta guasu Sicar jee vae Samaria pegua pe; jókuae ɨvɨ Jacob arakae omee taɨ José#Gn 33.19; Jos 24.32. pe vae iyɨpɨ pe. 6Joko pe oï metei ɨkua. Jókuae ɨkua jee Jacob iɨkua. Jayave Jesús oguapɨ ɨkua iyɨpɨ pe. Echa mombɨrɨ ma oguata, jare ikangɨ. Jare kuaraɨ ara mbɨteta ma. 7Jayave ou oväe metei kuña Samaria pegua ɨ güɨnoe vaerä. Jesús jei chupe:
—Emee tau ɨ.
8Echa Jesús jemimboe reta opa yepe yogüɨraja tëta guasu pe ogua vaerä jembiurä. 9Jayave jókuae kuña Samariaɨgua jei Jesús pe:
—Nde ko jae judío jare che ko Samariaɨgua. ¿Maera pa reiporu cheve ɨ reu vaerä?
(Echa judío reta mbaetɨi ko oñomomiari#Esd 4.1-5; Neh 4.1-2. Samariaɨgua reta ndive). 10Jayave Jesús jei kuña pe:
—Nde reikuaa yave mona Tumpa omee vae jare kia ko ɨ oiporu oï ndeve vae yave, nde reiporuta tëi ko cheve jare che ameeta tëi ko ndeve ɨ tekove omee vae.#Is 44.3; Jer 2.13; 17.13; Jn 7.37-39.
11Jayave kuña jei Jesús pe:
—CheYa, nde mbaetɨ mbae renoi ɨ renoe pɨpe vaerä, jare kuae ɨkua kɨ̈pe yae. ¿Kia güi pa reruta jókuae ɨ tekove omee vae? 12¿Tuichagüe yae pa nde oreñemuñagüe Jacob güi? Echa Jacob oeya oreve kuae ɨkua. Jae jare taɨ reta jare jɨmba reta oɨu kuae güi.
13Jesús jei chupe:
—Oipotagüe kuae ɨ jou vae iɨuve yeta ko. 14Ërei che ameeta jou ɨ vae, ngaraa etei iɨuve ye. Echa jókuae ɨ che ameeta chupe vae, oyeapota iyɨvɨte pe metei ɨkua jesaɨ vae rami, tekove opambae vae peguarä.
15Jare kuña jei:
—CheYa, emee tau jókuae ɨ, agüɨye ye vaerä cheɨuve, jare agüɨye ye vaerä mo ayu kuae pe ɨ anoe.
16Jayave Jesús jei chupe:
—Ekua eenɨi neme, jare peyu kuae pe.
17Kuña jei:
—Mbaetɨ ko cheme.
Jesús jei kuña pe:
—Añete ko rere: “Mbaetɨ cheme.” 18Echa pandepo ma neme tëi, jare jókuae kuimbae añave renoi vae nemeä ko. Añete ko rere.
19Jayave kuña jei:
—CheYa, añave aikuaa nde ko jae ñeemombeúa. 20Oreñemuñagüe reta omboete Tumpa kuae ɨvɨtu guasu re. Ërei pe reta pere Jerusalén pe ko oyemboeteta Tumpa.
21Jayave Jesús jei kuña pe:
—Kuña, chererovia, outa ma ara mbaetɨ vaerä ma pemboete cheRu kuae ɨvɨtu guasu re ani Jerusalén pe ave. 22Pe reta pembaemboete yave, mbaetɨ peikuaa kia ko pemboete vae. Ore rombaemboete yave, roikuaa kavi ko kia romboete vae. Echa ore judío reta rupi Tumpa oporomboasata. 23Ërei oväeta ara, jae ko añave, añetete Tumpa omboete vae reta omboete vaerä Espíritu rupi jare añete rupi kavi. Echa cheRu oeka jökorai ombaemboete vae reta. 24Tumpa ko jae Espíritu. Omboete vae reta, tomboete Espíritu rupi jare añete rupi kavi.
25Jayave kuña jei Jesús pe:
—Aikuaa Mesías outa ko, jókuae Cristo jee vae; jae ou yave omombeuta oreve opaete mbaembae regua.
26Jare Jesús jei chupe:
—Jae ko che, chemiari aï nde ndive vae.
27Jökorai yave, yogüeru oväe jemimboe reta. Ipɨakañɨ Jesús imiari oï kuña ndive vae re. Ërei metei ave mbaetɨ jei chupe: “¿Mbae re pa reparandu?” Ani “¿Mbae re pa nemiari jae ndive?” 28Jayave kuña oeya iɨru joko pe jare ojo tëta guasu pe. Jare jei kuimbae reta pe:
29—Peyu pemae kuimbae opaete ayapogüe omombeu cheve vae re. ¿Jaeä ra ko Cristo?
30Jayave kuimbae reta oë tëta guasu güi yogüeru Jesús kotɨ.
31Kuña ojo ramboeve, Jesús jemimboe reta jei chupe:
—Oporomboe vae, ekaru.
32Jesús jei chupe reta:
—Oime anoi cherembiurä, pe reta peikuaambae vae.
33Jayave jemimboe reta jei oyoupe:
—¿Güeru ra kia mbae jou vaerä?
34Jesús jei chupe reta:
—Cherembíu jae ko, ayapo vaerä chembou vae jemimbota, jare opa vaerä iparavɨkɨ ayapo. 35Pe reta pere: “Oata vɨteri irundɨ yasɨ mbaarɨvo vaerä.” Ërei che jae peve: Pemopüa peäka pemae kó reta re. Mboroyu ma oï oyepoo vaerä. 36Jare ombaarɨvo vae pe oyemboepɨ; oarɨvo tekove opambae vae peguarä, omaetɨ vae jare ombaarɨvo vae oyerovia päve vaerä. 37Jökorai, añete ko ñee jei vae: “Metei vae omaetɨ, jare ïru vae ombaarɨvo.” 38Che pomondo pearɨvo mbaetɨ peparavɨkɨ jese vae. Ïru vae reta oparavɨkɨ jese, jare pe reta pearɨvo iparavɨkɨagüe.
39Jare jeta jókuae tëta guasu pegua reta Samariaɨgua reta güɨrovia Jesús re kuña omombeu chupe reta vae jeko pegua. Echa kuña jei chupe reta: “Opaete ayapogüe omombeu cheve.” 40Jayave Samariaɨgua reta yogüeru Jesús oïa pe yave, omoñera opɨta vaerä jae reta ndive. Jayave Jesús opɨta joko pe mókoi ara. 41Jare jeta ïru vae reta oporogüɨrovia Jesús etei jei chupe reta vae rupi. 42Jayave jei reta kuña pe:
—Mbaetɨ roporogüɨrovia nde rere oreve güiño, roporogüɨrovia ko ore etei roendu ramo, jare añave roikuaa kuae ko jae ɨvɨ pegua reta Omboasa vae, Cristo jee vae.
Jesús ombogüera mburuvicha taɨ
43Mókoi araa rupi Jesús ojo joko güi Galilea kotɨ. 44Echa Jesús etei jei, metei ñeemombeúa jëtaɨgua reta mbaetɨ ipɨakatu ikotɨ.#Mt 13.57; Mc 6.4; Lc 4.24. 45Jayave Jesús ojo oväe Galilea pe yave, joko pegua reta omboresive kavi. Echa oecha reta ma opaete Jesús oyapo Jerusalén pe arete Pascua pe vae. Echa jae reta yogüɨraja vi jókuae arete pe.#Jn 2.23. 46Jare Jesús ojo oväe Caná Galilea pegua pe. Joko pe tenonde yave oyapo ɨ vinorä.#Jn 2.1-11. Oiko Capernaum pe metei mburuvicha guasu isundaro ruvicha. Kuae kuimbae taɨ imbaerasɨ oï. 47Jae oikuaa Jesús ou ma ko Judea güi oväe Galilea pe yave, ou Jesús oïa pe jare oyerure taɨ ombogüera vaerä chupe. Echa omanota ma oï.
48Jayave Jesús jei chupe:
—Mbaetɨ aechauka peve mɨakañɨ reta yave, ngaraa perovia cheré.
49Jare mburuvicha guasu isundaro ruvicha jei:
—CheYa, yajaño ndei cheraɨ omano mbove.
50Jesús jei chupe:
—Ekua yeño, nderaɨ oikove katu ye ma oï.
Jayave jae güɨrovia Jesús jei chupe vae jare ojo ye jëta kotɨ. 51Jare ojo ramboeve jëta kotɨ, jembiokuai reta yogüeru oövaiti jare jei reta chupe:
—Oikove katu ye ma oï nderaɨ.
52Jayave jae oparandu chupe reta:
—¿Mbae ora pe pa omboɨpɨ okuera?
Jae reta jei:
—Kárumbo kuaraɨ ara mbɨte jaɨkue rupi jaku opɨta chugüi.
53Jare kunumi tu oikuaa jókuae ora pe etei ko Jesús jei chupe: “Nderaɨ oikove katu ye ma oï.” Jayave oporogüɨrovia jae jare opaete jo pegua reta.
54Kuae mɨakañɨ oyapo Jesús ou yave Judea güi Galilea pe. Mokoía ma ko kuae mɨakañɨ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia DC Guaraní Bolivia © Bolivian Bible Society, 2001.