SAN JUAN 11
11
Lázaro imano
1Metei kuimbae Betania pegua Lázaro jee vae imbaerasɨ oï. Jae ko María jare Marta jëta.#Lc 10.38-39. 2Kuae María jae ko Lázaro jeindɨ, jae ko opɨyere mbae ikäti kavi vae yandeYa ipɨ re jare omotini ia pe vae.#Jn 12.3. 3Jare Lázaro jeindɨ reta omondo omombeu Jesús pe, körai:
—OreYa, ko imbaerasɨ oï kuae reaɨu vae.
4Jesús kuae oikuaa yave, jei:
—Kuae mbaerasɨ mano peguaä ko, Tumpa oyemboeteuka vaerä ko. Jare Tumpa Taɨ oyemboeteuka vaerä.
5Jesús oaɨu Marta, ipɨkɨɨ jare ikɨvɨ Lázaro. 6Ërei oikuaa ma Lázaro imbaerasɨ oï vae yave, opɨtaño jókuae oïa pe mókoi ara ye. 7Kuae jaɨkue rupi jei jemimboe reta pe:
—Yaja ye mo Judea pe.
8Jare jemimboe reta jei chupe:
—Oporomboe vae, ndei ko mbovɨ ara judío reta oipota ndeapi ndeyuka ita pe, ¿maera pa reo yeta jokotɨ?
9Jesús jei chupe reta:
—Ara, doce ora ko güɨnoi. Ara rupi oguata vae ngaraa ipɨ̈sa-yeyuka. Echa güɨnoi tembipe kuae ɨvɨ pegua. 10Ërei pɨ̈tu yave oguata vae ipɨ̈sa-yeyuka. Echa mbaetɨ güɨnoi tembipe.
11Jökorai jei Jesús. Jayave jei ye chupe reta:
—Yandevɨa-ïru Lázaro oke ma oï. Ërei che ajata amomba.
12Jemimboe reta jei:
—OreYa, oke oï yave, okuera yeta ko.
13Ërei Jesús jei vae ko Lázaro imano re. Jae reta ipɨa pe yepe oyemongeta oputuuño oke vae. 14Jayave Jesús omombeu kavi chupe reta:
—Lázaro omano, 15jare ayerovia peve mbaetɨ joko pe aï vae re. Echa peroviata ko. Yaja mo ikotɨ.
16Jayave Tomás jae ko chaguakiri pe oyembojee vae jei iñeïru temimboe reta pe:
—Yaja vi yande, ñamano vaerä jae ndive.
Jesús ko, jae tekove jare oporomoingove vae
17Jesús ou oväe yave, irundɨ ara ma yepe Lázaro oï tɨvɨa pe. 18Betania köiño oï Jerusalén güi. Oupitɨ mboapɨ kilómetro rupi. 19Jare jeta judío reta yogüeru Marta jare María pɨri, ombopɨakatu vaerä ikɨvɨ imano re. 20Jare Marta oikuaa Jesús oväe ma ou yave, ojo oövaiti. Ërei María opɨta jo pe. 21Jayave Marta jei Jesús pe:
—CheYa, nde kuae pe reï yave, ngaraa tëi ko omano chekɨvɨ. 22Ërei añave aikuaa oipotagüe mbae re reyerure Tumpa pe vae, omeeta ko ndeve.
23Jesús jei chupe:
—Ndekɨvɨ oikove yeta ko.
24Marta jei:
—Aikuaa oikove yeta ko. Ara taɨkuegua ete pe oikove yeta vae reta ndive.
25Jesús jei chupe:
—Che ko oporomoingove vae jare tekove omee vae.#Ro 6.4-5; Col 2.12; 3.1. Cheré güɨrovia vae, yepe tëi omano oï, oikove yeta ko. 26Jare opaete oikove vɨteri vae cheré güɨrovia vae, ngaraa etei omano. ¿Rerovia pa kuae?
27Marta jei chupe:
—Arovia, cheYa. Añave arovia nde ko jae Cristo, Tumpa Taɨ, reyu kuae ɨvɨ pe vae.
Jesús oyaeo Lázaro jɨvɨa jóvai
28Marta kuae jei ma yave, ojo oenɨi ipɨkɨɨ María, jei vɨari chupe:
—Oporomboe vae ou oväe. Jae nereenɨi.
29María kuae oendu yave, jarembae voi opüa ojo Jesús oïa pe. 30Echa ndei oike tëta raɨ pe, Marta oövaitía peño opɨta. 31Jayave judío reta yogüeru ombopɨakatu vaerä vae oecha María jarembae pegua opüa oë ojo yave, yogüɨraja jaɨkue, jei reve: “Tɨvɨa kotɨ ko ojo oyaeo vaerä.”
32Jare María ojo oväe Jesús oïa pe, oecha rupive ojo oyetavatɨka jae jóvai jare jei:
—CheYa, nde kuae pe reï yave, ngaraa tëi ko omano chekɨvɨ.
33Jayave Jesús oecha María jare judío reta yogüeru jae ndive vae reta oyaeo vi yave, ipɨatɨtɨ yae, 34jare oparandu:
—¿Kia pe pa peñono?
Jei reta chupe:
—OreYa, eyu emae jese.
35Jayave Jesús oyaeo. 36Jayave judío reta jei:
—Mase, oaɨu yae yepe.
37Ërei amogüe vae jei:
—Kuae ombogüera jesambae vae, ¿ipuereä ra oyapo mbae agüɨye vaerä tëi omano Lázaro?
Lázaro oikove ye
38Jesús ipɨatɨtɨ yae. Jare oya tɨvɨa re. Jókuae tɨvɨa ko ɨ̈vavira oyeyoo vae jare ita tuicha vae güɨnoi jöke re. 39Jayave Jesús jei:
—Pembosɨrɨ ita joko güi.
Marta, jókuae kuimbae omano vae jeindɨ jei chupe:
—CheYa, iine ma ko. Echa irundɨ ara ma ko omano.
40Jesús jei chupe:
—Amombeu ma ndeve rerovia yave, reechata Tumpa iyemboetea.
41Jayave ombosɨrɨ reta ita tɨvɨa jöke güi. Jare Jesús omae ara kotɨ jare jei:
—CheRu, amee yasoropai ndeve, nde reendu cheve vae re. 42Aikuaa ko reendu avei cheve, ërei jae körai, kuae cheɨpɨ rupi jeta ñogüɨnoi vae reta oikuaa vaerä, güɨrovia vaerä nde ko chembou vae.
43Jayave iñeeäta, jei:
—¡Lázaro, eë joko güi!
44Jare jókuae tëogüe oë. Ipo jare ipɨ oyeokua tarapo pe, jare jova oñeoma nieso pe. Jayave Jesús jei chupe reta:
—Peyora. Pemaeño tojo.
Oyomboemboe reta oyuka vaerä Jesús
(Mt 26.1-5; Mc 14.1-2; Lc 22.1-2)
45Jayave, jeta judío yogüeru omoïru María vae reta oecha Jesús oyapo vae yave, güɨrovia jese. 46Ërei amogüe yogüɨraja fariseo reta pe omombeu Jesús oyapo vae. 47Jayave sacerdote reta itenondegua reta jare fariseo reta omboatɨ opaete mburuvicha reta, jare jei reta:
—¿Mbae pa yayapota? Kuae kuimbae jekuae ñoi oyapo jeta mɨakañɨ reta. 48Echa ñamaeño jese yave, opaete vae reta güɨroviata jese. Jayave Romaɨgua reta yogüeruta ombosururu yandetupao jare opata omboai ñanerëtaguasu.
49Ërei chugüi reta metei Caifás jee vae, jae ko sacerdote tenondegua ete jókuae año, jei chupe reta:
—Pe reta mbaetɨ etei peikuaa mbae. 50Echa ikavita ko yandeve metei kuimbae omano vaerä opaete vae reta jekovia pe, opaetei tëtaguasu oyemboai vaerägüe.
51Kuae iyeugüi aeñoä jei. Echa jae sacerdote tenondegua ko jókuae año ramo, omoërakua Jesús omanota ko opaete judío reta jekovia pe vae. 52Ërei mbaetɨta omano judío reta reño. Omanota omboatɨ vaerä opaete Tumpa taɨ oñemoai ñogüɨnoi vae. 53Jökorai jókuae ara güive oeka reta kërai oyuka vaerä Jesús.
54Jáeramo Jesús mbaetɨ ma opɨta Judea pe, agüɨye vaerä judío reta oecha. Ojo joko güi metei tëta guasu Efraín jee vae pe. Jókuae tëta guasu oï ñuu iyɨpɨ pe. Joko pe opɨta jemimboe reta ndive.
55Jare köiño ma ou judío reta iarete Pascua, jare joko güi jeta judío reta yogüɨraja Jerusalén pe ndei Pascua mbove, oyetɨo reta vaerä Tumpa jóvai arete peguarä. 56Jare oeka tëi reta Jesús, tupao pe ñogüɨnoi ramboeve jei reta oyoupe:
—¿Mbae pa pere? ¿Mbaetɨta ra ou kuae aretea pe?
57Echa sacerdote reta itenondegua reta jare fariseo reta oyókuai ma opaete vae, oime yave kia oikuaa kia pe Jesús oï vae, omombeu vaerä, oipɨɨ reta vaerä.
Currently Selected:
SAN JUAN 11: GUABD
Highlight
Share
Copy
Want to have your highlights saved across all your devices? Sign up or sign in
Biblia DC Guaraní Bolivia © Bolivian Bible Society, 2001.
SAN JUAN 11
11
Lázaro imano
1Metei kuimbae Betania pegua Lázaro jee vae imbaerasɨ oï. Jae ko María jare Marta jëta.#Lc 10.38-39. 2Kuae María jae ko Lázaro jeindɨ, jae ko opɨyere mbae ikäti kavi vae yandeYa ipɨ re jare omotini ia pe vae.#Jn 12.3. 3Jare Lázaro jeindɨ reta omondo omombeu Jesús pe, körai:
—OreYa, ko imbaerasɨ oï kuae reaɨu vae.
4Jesús kuae oikuaa yave, jei:
—Kuae mbaerasɨ mano peguaä ko, Tumpa oyemboeteuka vaerä ko. Jare Tumpa Taɨ oyemboeteuka vaerä.
5Jesús oaɨu Marta, ipɨkɨɨ jare ikɨvɨ Lázaro. 6Ërei oikuaa ma Lázaro imbaerasɨ oï vae yave, opɨtaño jókuae oïa pe mókoi ara ye. 7Kuae jaɨkue rupi jei jemimboe reta pe:
—Yaja ye mo Judea pe.
8Jare jemimboe reta jei chupe:
—Oporomboe vae, ndei ko mbovɨ ara judío reta oipota ndeapi ndeyuka ita pe, ¿maera pa reo yeta jokotɨ?
9Jesús jei chupe reta:
—Ara, doce ora ko güɨnoi. Ara rupi oguata vae ngaraa ipɨ̈sa-yeyuka. Echa güɨnoi tembipe kuae ɨvɨ pegua. 10Ërei pɨ̈tu yave oguata vae ipɨ̈sa-yeyuka. Echa mbaetɨ güɨnoi tembipe.
11Jökorai jei Jesús. Jayave jei ye chupe reta:
—Yandevɨa-ïru Lázaro oke ma oï. Ërei che ajata amomba.
12Jemimboe reta jei:
—OreYa, oke oï yave, okuera yeta ko.
13Ërei Jesús jei vae ko Lázaro imano re. Jae reta ipɨa pe yepe oyemongeta oputuuño oke vae. 14Jayave Jesús omombeu kavi chupe reta:
—Lázaro omano, 15jare ayerovia peve mbaetɨ joko pe aï vae re. Echa peroviata ko. Yaja mo ikotɨ.
16Jayave Tomás jae ko chaguakiri pe oyembojee vae jei iñeïru temimboe reta pe:
—Yaja vi yande, ñamano vaerä jae ndive.
Jesús ko, jae tekove jare oporomoingove vae
17Jesús ou oväe yave, irundɨ ara ma yepe Lázaro oï tɨvɨa pe. 18Betania köiño oï Jerusalén güi. Oupitɨ mboapɨ kilómetro rupi. 19Jare jeta judío reta yogüeru Marta jare María pɨri, ombopɨakatu vaerä ikɨvɨ imano re. 20Jare Marta oikuaa Jesús oväe ma ou yave, ojo oövaiti. Ërei María opɨta jo pe. 21Jayave Marta jei Jesús pe:
—CheYa, nde kuae pe reï yave, ngaraa tëi ko omano chekɨvɨ. 22Ërei añave aikuaa oipotagüe mbae re reyerure Tumpa pe vae, omeeta ko ndeve.
23Jesús jei chupe:
—Ndekɨvɨ oikove yeta ko.
24Marta jei:
—Aikuaa oikove yeta ko. Ara taɨkuegua ete pe oikove yeta vae reta ndive.
25Jesús jei chupe:
—Che ko oporomoingove vae jare tekove omee vae.#Ro 6.4-5; Col 2.12; 3.1. Cheré güɨrovia vae, yepe tëi omano oï, oikove yeta ko. 26Jare opaete oikove vɨteri vae cheré güɨrovia vae, ngaraa etei omano. ¿Rerovia pa kuae?
27Marta jei chupe:
—Arovia, cheYa. Añave arovia nde ko jae Cristo, Tumpa Taɨ, reyu kuae ɨvɨ pe vae.
Jesús oyaeo Lázaro jɨvɨa jóvai
28Marta kuae jei ma yave, ojo oenɨi ipɨkɨɨ María, jei vɨari chupe:
—Oporomboe vae ou oväe. Jae nereenɨi.
29María kuae oendu yave, jarembae voi opüa ojo Jesús oïa pe. 30Echa ndei oike tëta raɨ pe, Marta oövaitía peño opɨta. 31Jayave judío reta yogüeru ombopɨakatu vaerä vae oecha María jarembae pegua opüa oë ojo yave, yogüɨraja jaɨkue, jei reve: “Tɨvɨa kotɨ ko ojo oyaeo vaerä.”
32Jare María ojo oväe Jesús oïa pe, oecha rupive ojo oyetavatɨka jae jóvai jare jei:
—CheYa, nde kuae pe reï yave, ngaraa tëi ko omano chekɨvɨ.
33Jayave Jesús oecha María jare judío reta yogüeru jae ndive vae reta oyaeo vi yave, ipɨatɨtɨ yae, 34jare oparandu:
—¿Kia pe pa peñono?
Jei reta chupe:
—OreYa, eyu emae jese.
35Jayave Jesús oyaeo. 36Jayave judío reta jei:
—Mase, oaɨu yae yepe.
37Ërei amogüe vae jei:
—Kuae ombogüera jesambae vae, ¿ipuereä ra oyapo mbae agüɨye vaerä tëi omano Lázaro?
Lázaro oikove ye
38Jesús ipɨatɨtɨ yae. Jare oya tɨvɨa re. Jókuae tɨvɨa ko ɨ̈vavira oyeyoo vae jare ita tuicha vae güɨnoi jöke re. 39Jayave Jesús jei:
—Pembosɨrɨ ita joko güi.
Marta, jókuae kuimbae omano vae jeindɨ jei chupe:
—CheYa, iine ma ko. Echa irundɨ ara ma ko omano.
40Jesús jei chupe:
—Amombeu ma ndeve rerovia yave, reechata Tumpa iyemboetea.
41Jayave ombosɨrɨ reta ita tɨvɨa jöke güi. Jare Jesús omae ara kotɨ jare jei:
—CheRu, amee yasoropai ndeve, nde reendu cheve vae re. 42Aikuaa ko reendu avei cheve, ërei jae körai, kuae cheɨpɨ rupi jeta ñogüɨnoi vae reta oikuaa vaerä, güɨrovia vaerä nde ko chembou vae.
43Jayave iñeeäta, jei:
—¡Lázaro, eë joko güi!
44Jare jókuae tëogüe oë. Ipo jare ipɨ oyeokua tarapo pe, jare jova oñeoma nieso pe. Jayave Jesús jei chupe reta:
—Peyora. Pemaeño tojo.
Oyomboemboe reta oyuka vaerä Jesús
(Mt 26.1-5; Mc 14.1-2; Lc 22.1-2)
45Jayave, jeta judío yogüeru omoïru María vae reta oecha Jesús oyapo vae yave, güɨrovia jese. 46Ërei amogüe yogüɨraja fariseo reta pe omombeu Jesús oyapo vae. 47Jayave sacerdote reta itenondegua reta jare fariseo reta omboatɨ opaete mburuvicha reta, jare jei reta:
—¿Mbae pa yayapota? Kuae kuimbae jekuae ñoi oyapo jeta mɨakañɨ reta. 48Echa ñamaeño jese yave, opaete vae reta güɨroviata jese. Jayave Romaɨgua reta yogüeruta ombosururu yandetupao jare opata omboai ñanerëtaguasu.
49Ërei chugüi reta metei Caifás jee vae, jae ko sacerdote tenondegua ete jókuae año, jei chupe reta:
—Pe reta mbaetɨ etei peikuaa mbae. 50Echa ikavita ko yandeve metei kuimbae omano vaerä opaete vae reta jekovia pe, opaetei tëtaguasu oyemboai vaerägüe.
51Kuae iyeugüi aeñoä jei. Echa jae sacerdote tenondegua ko jókuae año ramo, omoërakua Jesús omanota ko opaete judío reta jekovia pe vae. 52Ërei mbaetɨta omano judío reta reño. Omanota omboatɨ vaerä opaete Tumpa taɨ oñemoai ñogüɨnoi vae. 53Jökorai jókuae ara güive oeka reta kërai oyuka vaerä Jesús.
54Jáeramo Jesús mbaetɨ ma opɨta Judea pe, agüɨye vaerä judío reta oecha. Ojo joko güi metei tëta guasu Efraín jee vae pe. Jókuae tëta guasu oï ñuu iyɨpɨ pe. Joko pe opɨta jemimboe reta ndive.
55Jare köiño ma ou judío reta iarete Pascua, jare joko güi jeta judío reta yogüɨraja Jerusalén pe ndei Pascua mbove, oyetɨo reta vaerä Tumpa jóvai arete peguarä. 56Jare oeka tëi reta Jesús, tupao pe ñogüɨnoi ramboeve jei reta oyoupe:
—¿Mbae pa pere? ¿Mbaetɨta ra ou kuae aretea pe?
57Echa sacerdote reta itenondegua reta jare fariseo reta oyókuai ma opaete vae, oime yave kia oikuaa kia pe Jesús oï vae, omombeu vaerä, oipɨɨ reta vaerä.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia DC Guaraní Bolivia © Bolivian Bible Society, 2001.