MATHI 1
1
Jisu Khrista Buklabü shanga Dobü Ngühli
(Lk 3.23-38)
1 #
Isa 11.1 Ho Abraham shou, Dawid shou, Jisu Khrista thensilen ngühli ki.
2Abraham kho Isakeibü bou, Isk kho Jakobeibü bou, Jakob kho Jihuda hoba haoeibü jaisinasi shuongeibü bou, 3#Kao 38.27-30 hoba Jihuda kho Tamar kabü Periz si Zeraeibü bou, Perez kho Hezroneibü bou, Hezron kho Rameibü bou, 4Ram kho Aminadabeibü bou, Animadab kho Nashumeibü bou, Nashum kho Salmoneibü bou, 5Salmon kho Rahab kabü Boazeibü bou, Boaz kho Rut kabü Obedeibü bou, Obed kho Seedeibü bou, 6#2 Sam 12.24 hoba Jesse kho Dawid Chobaeibü bou kikei.
Dawid kho Uria yak kabü Solomoneibü bou, 7Solomon kho Rehoboameibü bou, Rehoboam kho Abijaeibü bou, Abija kho Asaeibü bou, 8#1 Ld 1.3-10 Asa kho Jehosha- fateibü bou, Jehoshafat kho Jorameibü bou, Joram kho Uziaeibü bou, 9Uzia kho Jothameibü bou, Jotham kho Ahazeibü bou, Ahaz kho Hezekiaeibü bou, 10Hezekia kho Manasseeibü bou, Manasse kho Amoneibü bou, Amon kho Josiaeibü bou, 11hoba Babilon to langsenbü jihsiphaia Josia kho Jekhonia hoba haoeibü jaisinasi shuongeibü bou kikei.#1 Ld 3.15-16
12Babilon to langsenbü phaia Jekhonia kho Shealtieleibü bou, Sheltiel kho Zerubabeleibü bou,#1 Ld 3.17-19 13Zerubabel kho Abiudeibü bou, Abiud kho Eliakimeibü bou, Eliakim kho Azoreibü bou, 14Azor kho Zadokeibü bou, Zadok kho Akhimeibü bou, Akhim kho Eliudeibü bou, 15Eliud kho Elea- zareibü bou, Eleazar kho Mathaneibü bou, Mathan kho Jakobeibü bou, 16Jakob kho Marieibü lao Josefeibü bou, hoba Mari kho Messia dogo nyenbou Bunyuboueibü nyu kikei.
17Hibü pendou khünei Abraham ka Dawid sühko meten anthüklei, Dawid ka Babilon to langsenbü sühko meten anthüklei hoba Babilon to langsenbü ka Messia asühshongko meten anthüklei kiteikei.#2 Cho 24.12-16
Jisu Khrista Bukbü
(Lk 2.1-7)
18Khrista Jisu bukbü kho hai kikei. Ladang haonyu Mari Jose- fei kanan kikei, haosi ayoshaijinei thama sao kho Soushou Saopobü danko mang akongko hapbei.
19Hao lao Josef ngühmaang lanbü müt yingbü ka, hoba tang khittimang asühbü danko haoei sao kho huphangshoua sattimang sühkei. 20Haoeibü maangphanga kho kiteikei, lausikei mangha hao jungto Bunyubou hangangbü louan laukei, “Dawid shou Josef, kayak Mari leiyetla tejemten, aieilausi laobou saoei künan ki kho Soushou Saopobü danko ki. 21Saoei bousushou buklabü, hoba nyi hao la Jisu nyenkulabü, aieilausi haoei hao mütli shabü ka khümenlabü. 22Khübü pendou kho thuseibü danko hai lenan phokubü ho loushedkei: 23#Isa 7.14 ‘Saosüngbü medei che mang akongko yeilabü hoba bousushou che buklabü, hoba haoenei hao la Imanuel nyenkulabü.’ laobou tetlabü ‘Mühghaü sen yoa ki.’ ” 24Ladang Josef yepbü ka pienkei, haoei Bunyubou hangangbüei hao la lenbü tegü kümbei, hoba sao kho chem to yakla leiyetkei, 25lausikei saoei shou abuk shongko haoei sao to ajam; hoba haoei hao la Jisu nyenkukei.
Currently Selected:
MATHI 1: CHANGBSI
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.