1 Korin 14
14
A niatei na turu rangan propet na tara man ranga.
1Alimiou go tagala sileiam a markato te ngil menari a tabi, na te ngil has menari a nitagala turu Namnamei u Göagono, na limiou go ngil hatagala korueiam a nitagala tego habulungana mena milimiou u raranga hamatskö tere Sunahan te ngöeri u rangan propet. 2A katuun te ranga na turu tana u mar ranga ema ranga uanei turu katuun, taraha e möa ta katuun tega atei sileien. Nonei e ranga uana tere Sunahan bate katoena u rarangana tara nitagala turu Namnamei u Göagono. 3Kaba a katuun te ranga nena u raranga u hamatskö tere Sunahan e ranga uana turu katuun, ba nori te atei sile ren. Ba nonei te hatagala ranen bate hatami ranen ba te taguhu sil raneien tegi hamana haniga uaien. 4A katuun te rangana turu tana u mar ranga halhal e taguhena a peisanen, kaba a katuun te rangana turu ranga hamatskö tere Sunahan e taguhu rena u katuun tere Sunahan.
5Alia e ngilegu alimiou hoboto go ka meiam a nitagala tego ranga mena milimiou u tana u mar ranga. Kaba lia e ngil koruegu alimiou hoboto go ka meiam a nitagala tego ranga mena milimiou u raranga hamatskö tere Sunahan. Taraha, a katuun te ranga nena u raranga tere Sunahan e taguhu rena u katuun hoboto turu lotu. Nonei e niga bala nena a katuun te ranga na turu tana u mar ranga. Tego kaia ta katuun tega antunan palisin u tana u mar ranga teka ba u lotu te pan susuluna. 6A matsi hatoulana, tena ranga goua lia turu tana u mar ranga, ime temar taguhu mera noien limiou. Kaba te hatei ragoua lia limiou a ka te hatarei lia e Sunahan, tsi te hatei ragoua lia limiou a töa niatei na u töa u raranga u kapan na u töa u hihatuts, ba lia te antunan taguhu ragou limiou.
7Te markato has uanen tara manka tema tötöa nei, a kohi tsi a gita, tema ling hamatskö rien, ba ime temar atei sil mena roi u köma te pileier? E möa tala. 8Na te ling hatutuna a tuhil, ba ime temar atei sil mena roi u soldia a pöatan hiatatung hamanasa? E möa tala. 9Na e kato has uana iesana i tamilimiou. Te ranga namia limiou u tana u mar ranga te tutu ner u katuun, ga ime temar atei sil mena roien a ka te ranga nami limiou? E möa. Taraha, u ranga i tamilimiou a lomolomo pinopino. 10E kamena u mamana u mar ranga u parpara i puta, na nori hoboto e ka mer te mar mouna uaren. 11Na tema atei sile goi lia temar mouna uana u ranga tara töa katuun, nonei e here noi a katuun halhal i matar, na lia e here hasegoi a katuun halhal i matanen. 12Alimiou e ngil koruemiou tego lu mena milimiou a man nitagala turu Namnamei u Göagono. Na limiou go torohana hatagala sileiam a man nitagala te taguhu rena u katuun tere Sunahan.
13A katuun te rangana turu tana u mar ranga e tatei singo silena a nitagala tego hatarare menaien u ranga i tanen. 14Taraha, te singo gia lia turu tana u mar ranga, u namnamei i tar te singona, kaba u hakats i tar ema atei nei. 15Gaha te kato tale gou lia? Alia e singo gia turu namnamei i tar, na lia e singo has gia turu hakats i tar. Alia e köma gia turu namnamei i tar, na lia e köma has gia turu hakats i tar. 16Taraha te singo moalö tere Sunahan turu namnamei i tamölö, a tana katuun halhal koru ema tatei poa noi “U mana” turu hanhaniga i tamölö. Taraha, nonei ema atei sile nei aha te ranga nemölö. 17Noahasina te singo haniga koru uamölö tere Sunahan kaba a niniganiga i tamölö ema taguhe nei a taina katuun.
18Alia e haniga uagu tere Sunahan taraha, alia e atein ranga bala koru ragou limiou hoboton töa tara palaina man ranga. 19Kaba i luman lotu, alia ema antunan ranga hapara koru gia turu tana u mar ranga, e niga balana tego ranga menai lia a tsi tabubun raranga te tatei hatuts ragi lia u katuun bate lueier a ka te ranga negulia.
20A matsi hatoulana, möa tu hakats here mi a pien. Kato here rami a galapien u tetenei te tutu ba ner a markato a omi. Kaba tara man palaina manka, mar hakats uaiam te hakats uana a katuun pan. 21I mar koloto menai teka turu Buku u Göagono:
“A Tsunono e poeiena,
‘Alia e ranga mera gou u katuun i tar
bate ranga sila goua turu katuun halhal
na turu ranga halhal,
kaba u katuun i tar ema hengo noa hase roi lia.’”
22Te ranga menari u tana u mar ranga ema hiharöto uanei turu katuun te hamanar kaba u hiharöto turu katuun tema hamana ri. Na nitagala te ranga menari u raranga hamatskö tere Sunahan ema ka sil hase nei u katuun tema hamanari. Kaba e ka silena u katuun te hamanar.
23Na te gono hoboto ria u katuun bate ranga hoboto ria turu tana u mar ranga, ba katuun tema hamananei te hengona, nonei e ranga nou bate poeiena alimiou e tutu korumiou. 24Kaba te ranga hoboto mia limiou turu rangan propet, ba katuun halhal tsi a katuun te hahamanana te tasuna bate hengo ranou limiou, u ranga i tamilimiou e saka korue noien bate haröte noien a man markato a man omi i tanen. 25Te halakase noa a katuun tema hamananei a man hakats a man omi te hamouse nen, ba nonei te hatukununa bate hatsunono uana tere Sunahan ba nonei te poeiena, “E Sunahan e ka hamanana i gusumilimiou teka!”
A maroro turu lotu
26Aha tala tego katoeiam limiou a matsi hahatoulana? A pöata te la gögono hoboto mia limiou, a man tötöa i tamilimiou e ka memiou a man toukui. A töa e kamena u köma, na tabi e hihatutsuna, na tai e haröto nena a ka a mana, na tai e ranga nena u tana u mar ranga, na tai e palise nen. A mamanaka teka ego hatakei hatagala memilimiou u lotu.
27Te ngilin ranga naria a palai i tamilimiou u tana u mar ranga, ega ka puku has mei a töa tsi a huol a katuun, kaba ega ma la banai a topisa na nori gima ranga mei a töa pöata. A töa ga ranga ba tai te palisena u ranga. 28Kaba te moana ta katuun tega antunan palisi u ranga, ba u katuun teka tema tatei ranga ria i luman lotu. Nori gi ranga pouts las ia i peisaren na tere Sunahan.
29A huol tsi a topisa propet e tatei ranga ner u ranga hamatskö tere Sunahan, ba palai te tatei hula habirits ner a man ranga i taren. 30Te haröto nanoua e Sunahan a töa ka tara tana katuun te kana turu hagum, ba katuun te rangana te tatei hanöana. 31Alimiou hoboto e tatei ranga namiou u raranga hamatskö tere Sunahan, kaba a töa e ranga mamina ba tai te ranga lenina ba limiou te tatei lu hobotemiou a niatei na nitagala. 32A katuun te ka mena a nitagala tego ranga menaien u raranga hamatskö tere Sunahan e ka has mena a nitagala tego hanöa menaien u ranga turu ngil i tanen. 33Taraha, e Sunahan ema Sunahan uanei tara nitutu. E möa, nonei e Sunahan tara nigumgum a niga.
34A touhaliou egi kakamotoia turu hagum turu lotu batema ranga ri. Nori egi ka putaia tara pal tson, te ranga uana u Buku u Göagono. Te markato hoboto uaier tara man lotu hoboto tere Sunahan. 35Te ngilin atei sile rien ta ka, nori ena tatei rangata raria a pal tson i taren i han. E ma niga nei te ranga uana a tahol turu hagum turu lotu.
36U raranga tere Sunahan e butu mam ia i tamilimiou? Tsi e la peisa uama i tamilimiou? 37Esi te poeiena nonei e ka mena a nitagala tego ranga menaien u raranga hamatskö tere Sunahan tsi e ka mena a nitagala turu Namnamei u Göagono, nonei e tatei atei silena a manka te koloto mena gilia i tamilimiou e Sunahan e ranga mam naien i tar. 38Esi tema tara marei nei u raranga teka egima tara marei hase ii.
39A matsi hatoulana, ngil hatagala korueiam a nitagala tego ranga mena milimiou u raranga hamatskö tere Sunahan, na e möa tu hapiou naim tegi ranga menai u tana u mar ranga. 40Kaba tara mamanaka hoboto te katoe milimiou, alimiou go kato haniga korue men bate matsköna.
Currently Selected:
1 Korin 14: HLA 2020
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
1 Korin 14
14
A niatei na turu rangan propet na tara man ranga.
1Alimiou go tagala sileiam a markato te ngil menari a tabi, na te ngil has menari a nitagala turu Namnamei u Göagono, na limiou go ngil hatagala korueiam a nitagala tego habulungana mena milimiou u raranga hamatskö tere Sunahan te ngöeri u rangan propet. 2A katuun te ranga na turu tana u mar ranga ema ranga uanei turu katuun, taraha e möa ta katuun tega atei sileien. Nonei e ranga uana tere Sunahan bate katoena u rarangana tara nitagala turu Namnamei u Göagono. 3Kaba a katuun te ranga nena u raranga u hamatskö tere Sunahan e ranga uana turu katuun, ba nori te atei sile ren. Ba nonei te hatagala ranen bate hatami ranen ba te taguhu sil raneien tegi hamana haniga uaien. 4A katuun te rangana turu tana u mar ranga halhal e taguhena a peisanen, kaba a katuun te rangana turu ranga hamatskö tere Sunahan e taguhu rena u katuun tere Sunahan.
5Alia e ngilegu alimiou hoboto go ka meiam a nitagala tego ranga mena milimiou u tana u mar ranga. Kaba lia e ngil koruegu alimiou hoboto go ka meiam a nitagala tego ranga mena milimiou u raranga hamatskö tere Sunahan. Taraha, a katuun te ranga nena u raranga tere Sunahan e taguhu rena u katuun hoboto turu lotu. Nonei e niga bala nena a katuun te ranga na turu tana u mar ranga. Tego kaia ta katuun tega antunan palisin u tana u mar ranga teka ba u lotu te pan susuluna. 6A matsi hatoulana, tena ranga goua lia turu tana u mar ranga, ime temar taguhu mera noien limiou. Kaba te hatei ragoua lia limiou a ka te hatarei lia e Sunahan, tsi te hatei ragoua lia limiou a töa niatei na u töa u raranga u kapan na u töa u hihatuts, ba lia te antunan taguhu ragou limiou.
7Te markato has uanen tara manka tema tötöa nei, a kohi tsi a gita, tema ling hamatskö rien, ba ime temar atei sil mena roi u köma te pileier? E möa tala. 8Na te ling hatutuna a tuhil, ba ime temar atei sil mena roi u soldia a pöatan hiatatung hamanasa? E möa tala. 9Na e kato has uana iesana i tamilimiou. Te ranga namia limiou u tana u mar ranga te tutu ner u katuun, ga ime temar atei sil mena roien a ka te ranga nami limiou? E möa. Taraha, u ranga i tamilimiou a lomolomo pinopino. 10E kamena u mamana u mar ranga u parpara i puta, na nori hoboto e ka mer te mar mouna uaren. 11Na tema atei sile goi lia temar mouna uana u ranga tara töa katuun, nonei e here noi a katuun halhal i matar, na lia e here hasegoi a katuun halhal i matanen. 12Alimiou e ngil koruemiou tego lu mena milimiou a man nitagala turu Namnamei u Göagono. Na limiou go torohana hatagala sileiam a man nitagala te taguhu rena u katuun tere Sunahan.
13A katuun te rangana turu tana u mar ranga e tatei singo silena a nitagala tego hatarare menaien u ranga i tanen. 14Taraha, te singo gia lia turu tana u mar ranga, u namnamei i tar te singona, kaba u hakats i tar ema atei nei. 15Gaha te kato tale gou lia? Alia e singo gia turu namnamei i tar, na lia e singo has gia turu hakats i tar. Alia e köma gia turu namnamei i tar, na lia e köma has gia turu hakats i tar. 16Taraha te singo moalö tere Sunahan turu namnamei i tamölö, a tana katuun halhal koru ema tatei poa noi “U mana” turu hanhaniga i tamölö. Taraha, nonei ema atei sile nei aha te ranga nemölö. 17Noahasina te singo haniga koru uamölö tere Sunahan kaba a niniganiga i tamölö ema taguhe nei a taina katuun.
18Alia e haniga uagu tere Sunahan taraha, alia e atein ranga bala koru ragou limiou hoboton töa tara palaina man ranga. 19Kaba i luman lotu, alia ema antunan ranga hapara koru gia turu tana u mar ranga, e niga balana tego ranga menai lia a tsi tabubun raranga te tatei hatuts ragi lia u katuun bate lueier a ka te ranga negulia.
20A matsi hatoulana, möa tu hakats here mi a pien. Kato here rami a galapien u tetenei te tutu ba ner a markato a omi. Kaba tara man palaina manka, mar hakats uaiam te hakats uana a katuun pan. 21I mar koloto menai teka turu Buku u Göagono:
“A Tsunono e poeiena,
‘Alia e ranga mera gou u katuun i tar
bate ranga sila goua turu katuun halhal
na turu ranga halhal,
kaba u katuun i tar ema hengo noa hase roi lia.’”
22Te ranga menari u tana u mar ranga ema hiharöto uanei turu katuun te hamanar kaba u hiharöto turu katuun tema hamana ri. Na nitagala te ranga menari u raranga hamatskö tere Sunahan ema ka sil hase nei u katuun tema hamanari. Kaba e ka silena u katuun te hamanar.
23Na te gono hoboto ria u katuun bate ranga hoboto ria turu tana u mar ranga, ba katuun tema hamananei te hengona, nonei e ranga nou bate poeiena alimiou e tutu korumiou. 24Kaba te ranga hoboto mia limiou turu rangan propet, ba katuun halhal tsi a katuun te hahamanana te tasuna bate hengo ranou limiou, u ranga i tamilimiou e saka korue noien bate haröte noien a man markato a man omi i tanen. 25Te halakase noa a katuun tema hamananei a man hakats a man omi te hamouse nen, ba nonei te hatukununa bate hatsunono uana tere Sunahan ba nonei te poeiena, “E Sunahan e ka hamanana i gusumilimiou teka!”
A maroro turu lotu
26Aha tala tego katoeiam limiou a matsi hahatoulana? A pöata te la gögono hoboto mia limiou, a man tötöa i tamilimiou e ka memiou a man toukui. A töa e kamena u köma, na tabi e hihatutsuna, na tai e haröto nena a ka a mana, na tai e ranga nena u tana u mar ranga, na tai e palise nen. A mamanaka teka ego hatakei hatagala memilimiou u lotu.
27Te ngilin ranga naria a palai i tamilimiou u tana u mar ranga, ega ka puku has mei a töa tsi a huol a katuun, kaba ega ma la banai a topisa na nori gima ranga mei a töa pöata. A töa ga ranga ba tai te palisena u ranga. 28Kaba te moana ta katuun tega antunan palisi u ranga, ba u katuun teka tema tatei ranga ria i luman lotu. Nori gi ranga pouts las ia i peisaren na tere Sunahan.
29A huol tsi a topisa propet e tatei ranga ner u ranga hamatskö tere Sunahan, ba palai te tatei hula habirits ner a man ranga i taren. 30Te haröto nanoua e Sunahan a töa ka tara tana katuun te kana turu hagum, ba katuun te rangana te tatei hanöana. 31Alimiou hoboto e tatei ranga namiou u raranga hamatskö tere Sunahan, kaba a töa e ranga mamina ba tai te ranga lenina ba limiou te tatei lu hobotemiou a niatei na nitagala. 32A katuun te ka mena a nitagala tego ranga menaien u raranga hamatskö tere Sunahan e ka has mena a nitagala tego hanöa menaien u ranga turu ngil i tanen. 33Taraha, e Sunahan ema Sunahan uanei tara nitutu. E möa, nonei e Sunahan tara nigumgum a niga.
34A touhaliou egi kakamotoia turu hagum turu lotu batema ranga ri. Nori egi ka putaia tara pal tson, te ranga uana u Buku u Göagono. Te markato hoboto uaier tara man lotu hoboto tere Sunahan. 35Te ngilin atei sile rien ta ka, nori ena tatei rangata raria a pal tson i taren i han. E ma niga nei te ranga uana a tahol turu hagum turu lotu.
36U raranga tere Sunahan e butu mam ia i tamilimiou? Tsi e la peisa uama i tamilimiou? 37Esi te poeiena nonei e ka mena a nitagala tego ranga menaien u raranga hamatskö tere Sunahan tsi e ka mena a nitagala turu Namnamei u Göagono, nonei e tatei atei silena a manka te koloto mena gilia i tamilimiou e Sunahan e ranga mam naien i tar. 38Esi tema tara marei nei u raranga teka egima tara marei hase ii.
39A matsi hatoulana, ngil hatagala korueiam a nitagala tego ranga mena milimiou u raranga hamatskö tere Sunahan, na e möa tu hapiou naim tegi ranga menai u tana u mar ranga. 40Kaba tara mamanaka hoboto te katoe milimiou, alimiou go kato haniga korue men bate matsköna.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.