1 Korin 10
10
E möa tego hatsunono mena milimiou u kesa
1A matsi hahatoulana, alimiou goma solopalemi a ka te butuia turu tuburara i manasa. U köasi tere Sunahan e kopo kap hoboto raien, na nori hoboto i tataala aroho silaia i gusuna u Tasi u Rörö. 2E here nei nori i baptais hobotoia turu köasi na turu tasi bate pala tala uaier tere Mosis. 3Nori hoboto i nouia tara kannou te lama i Kolö. 4Na nori hoboto i ua hasia turu töa puku u ramun te hala sila naia e Sunahan turu lapo. U lapo teka nonei e Kristo, na e Kristo e la gono has meraien. 5Kaba e Sunahan e raharaha noa hasir u katuun u parpara i gusuren, ba nori te mater ba tuenrei ren e tsihasa raria tara makum a palaka.
6A manka teka e haröto ranei ra tegima mate sil menai ra a manka man omi ti markato has uaien. 7Ara gima hatsunone ii u kesa ti markato uu a palai i taren. U Buku u Göagono e poeiena, “U katuun i gum sil tegi nou uaien na tegi ua uaien bate takei siler tegi hirata uaien.” 8Ara gima tsikolo ii na ra gima lulu tson ii ti markato uu a palai i taren ba u 23,000 turu katuun i taren e mate meier u töa puku u lan. 9Ara gima torohane ii a Tsunono ti markato uu a palai i taren ba u kökötsi e kato hamate raren. 10Ara gima ranga homi nai a nikaka i tarara ti markato uu a palai i taren ba angelona tara tou mate e atung hamate raren.
11A manka hoboto teka e butu sil tegi haröto meraira tegima markato uaira teka. I koloto sileien tego hatuts meraien ra a man markato teka, ara te töatöa noara te ka ria turu tsiktsiki teka te katsin kapa hamanasana a pöata.
12A katuun te poeiena e kukute hatagalena a markato a niga ega hanei sil tego kato homi uaien. 13U mamana u torohana te butuna i tamilimiou e roron butu hasna turu katuun hoboto. Kaba e Sunahan a katuun a hihipakoko na nonei ema haniga na noi u torohana te tagala bala na nou a nitagala i tamilimiou. Kaba, e Sunahan e kato bera noi limiou a maroro tego bus ba sila na milimiou u torohana ba limiou te antunan tagala na moien.
14A matsi hahikapien i tar, bus halehana ba naiam a markato te hatsunono menari u kesa. 15Alia e ranga gia turu katuun u atei, hakats haniga naiam a ka te ranga negu lia. 16Uain u göagono te ue rara bara te haniga uara tere Sunahan te gono ranou ra turu rahatsing tere Kristo, na beret te pose rara bate noe ren e gono has ranou ra turu tuenrei tere Kristo. 17Ara e nou hoboto ria tara töa beret teka, na ka teka e haharuei nena ara u katuun u parpara e katoeiera a töa hun katuun.
18Alimiou go hakats naiam te markato uaier u Jiu. U katuun te nouer a manka te haats ba ner, nori e hamaner e Sunahan te hatsunone ren turu haats. 19Alia ema peigi u kesa e manana. Na lia ema pei hasegi a kannou te hala naria turu kesa a ka a kapan. 20E möa! Alia e poegu a manka te haatse ria tara makumun haats turu tematan e haats uaier turu liliahanei u omi. Nori ema haats uari tere Sunahan. Na lia ema ngilegi tego hatsunono uaiam limiou turu liliahanei u omi. 21Alimiou ema tatei ua mia tara kap tara Tsunono na kap has turu liliahanei u omi, na limiou ema tatei nou mia tara kannou tara Tsunono bate nou has mia tara kannou te hatsunono rari u liliahanei u omi. 22E hana! Ara ema tula menari a Tsunono tegona hiomor uaien? Ara e tagala bala naren?
23“A mamanaka e nigana tegi kato menaien,” kaba ema para nei a ka te tatei hitaguhuna. “A mamanaka e nigana tegi kato menaien,” kaba ema para nei a ka te tatei taguhu rena u katuun. 24Möa tu hakats sil peiseiam a niniganiga i tamilimiou, hakats sil haseiam a niniganiga tara palair u katuun.
25Alimiou e tatei nouemiou a haruete te hahol naria tara töana batema rangrangata namien. 26U Buku u Göagono e poeiena, “A Tsunono te teiena a han i puta na mamanaka te kana i puta.” 27Temi rangata sile na lö a katuun tema hamane nei e Kristo tegona nou gono menaien lö balö te lam, noui a saha ka te hanoue neien lö. Möa tu rangata sei ni. 28-29Kaba te poeiena a katuun, “A kannou teka i haats ba naia turu kesa,” ba lö tema noue mien. Alö toum e poeiem e nigana, kaba nonei a katuun te hateienou lö ena namots poeiena alö e kato homim. Alö goma noueien ba nonei tema hakats homi nanoi lö. Kaba lö e mar hakats toum uamou teka, “E hana balia te kukutegou u ngil tara taina katuun tego agono menai lia a kannou, te peinen, a kannou a omi?”
30Te haniga sile gula lia a kannou tere Sunahan, e hana ba taina katuun te poeiena, e omina te nou mena gilia a kannou te haniga sile gula lia tere Sunahan?
31Tara pöata te nou mia limiou na te ua mia limiou, na tara mamanaka hoboto te katoe milimiou, alimiou go katoe men tara markato te solosei menari e Sunahan. 32Alimiou go hakats raiam u Jiu na u katuun tema Jiu ri na u katuun has tere Kristo, ba limiou tema kato homi mia i mataren. 33Nonei teka te torohanan markato has uagou lia. Tara mamanaka te katoe gulia, alia e torohanan kato haniga gia i matar u katuun hoboto. Alia ema hakats nagi a ka te niga peisana i tar. E möa. Alia e hakats has negu a ka te nigana i taren. Alia e kato silegu nori egi haniga be Sunahan te lu pouts ranen.
Currently Selected:
1 Korin 10: HLA 2020
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
1 Korin 10
10
E möa tego hatsunono mena milimiou u kesa
1A matsi hahatoulana, alimiou goma solopalemi a ka te butuia turu tuburara i manasa. U köasi tere Sunahan e kopo kap hoboto raien, na nori hoboto i tataala aroho silaia i gusuna u Tasi u Rörö. 2E here nei nori i baptais hobotoia turu köasi na turu tasi bate pala tala uaier tere Mosis. 3Nori hoboto i nouia tara kannou te lama i Kolö. 4Na nori hoboto i ua hasia turu töa puku u ramun te hala sila naia e Sunahan turu lapo. U lapo teka nonei e Kristo, na e Kristo e la gono has meraien. 5Kaba e Sunahan e raharaha noa hasir u katuun u parpara i gusuren, ba nori te mater ba tuenrei ren e tsihasa raria tara makum a palaka.
6A manka teka e haröto ranei ra tegima mate sil menai ra a manka man omi ti markato has uaien. 7Ara gima hatsunone ii u kesa ti markato uu a palai i taren. U Buku u Göagono e poeiena, “U katuun i gum sil tegi nou uaien na tegi ua uaien bate takei siler tegi hirata uaien.” 8Ara gima tsikolo ii na ra gima lulu tson ii ti markato uu a palai i taren ba u 23,000 turu katuun i taren e mate meier u töa puku u lan. 9Ara gima torohane ii a Tsunono ti markato uu a palai i taren ba u kökötsi e kato hamate raren. 10Ara gima ranga homi nai a nikaka i tarara ti markato uu a palai i taren ba angelona tara tou mate e atung hamate raren.
11A manka hoboto teka e butu sil tegi haröto meraira tegima markato uaira teka. I koloto sileien tego hatuts meraien ra a man markato teka, ara te töatöa noara te ka ria turu tsiktsiki teka te katsin kapa hamanasana a pöata.
12A katuun te poeiena e kukute hatagalena a markato a niga ega hanei sil tego kato homi uaien. 13U mamana u torohana te butuna i tamilimiou e roron butu hasna turu katuun hoboto. Kaba e Sunahan a katuun a hihipakoko na nonei ema haniga na noi u torohana te tagala bala na nou a nitagala i tamilimiou. Kaba, e Sunahan e kato bera noi limiou a maroro tego bus ba sila na milimiou u torohana ba limiou te antunan tagala na moien.
14A matsi hahikapien i tar, bus halehana ba naiam a markato te hatsunono menari u kesa. 15Alia e ranga gia turu katuun u atei, hakats haniga naiam a ka te ranga negu lia. 16Uain u göagono te ue rara bara te haniga uara tere Sunahan te gono ranou ra turu rahatsing tere Kristo, na beret te pose rara bate noe ren e gono has ranou ra turu tuenrei tere Kristo. 17Ara e nou hoboto ria tara töa beret teka, na ka teka e haharuei nena ara u katuun u parpara e katoeiera a töa hun katuun.
18Alimiou go hakats naiam te markato uaier u Jiu. U katuun te nouer a manka te haats ba ner, nori e hamaner e Sunahan te hatsunone ren turu haats. 19Alia ema peigi u kesa e manana. Na lia ema pei hasegi a kannou te hala naria turu kesa a ka a kapan. 20E möa! Alia e poegu a manka te haatse ria tara makumun haats turu tematan e haats uaier turu liliahanei u omi. Nori ema haats uari tere Sunahan. Na lia ema ngilegi tego hatsunono uaiam limiou turu liliahanei u omi. 21Alimiou ema tatei ua mia tara kap tara Tsunono na kap has turu liliahanei u omi, na limiou ema tatei nou mia tara kannou tara Tsunono bate nou has mia tara kannou te hatsunono rari u liliahanei u omi. 22E hana! Ara ema tula menari a Tsunono tegona hiomor uaien? Ara e tagala bala naren?
23“A mamanaka e nigana tegi kato menaien,” kaba ema para nei a ka te tatei hitaguhuna. “A mamanaka e nigana tegi kato menaien,” kaba ema para nei a ka te tatei taguhu rena u katuun. 24Möa tu hakats sil peiseiam a niniganiga i tamilimiou, hakats sil haseiam a niniganiga tara palair u katuun.
25Alimiou e tatei nouemiou a haruete te hahol naria tara töana batema rangrangata namien. 26U Buku u Göagono e poeiena, “A Tsunono te teiena a han i puta na mamanaka te kana i puta.” 27Temi rangata sile na lö a katuun tema hamane nei e Kristo tegona nou gono menaien lö balö te lam, noui a saha ka te hanoue neien lö. Möa tu rangata sei ni. 28-29Kaba te poeiena a katuun, “A kannou teka i haats ba naia turu kesa,” ba lö tema noue mien. Alö toum e poeiem e nigana, kaba nonei a katuun te hateienou lö ena namots poeiena alö e kato homim. Alö goma noueien ba nonei tema hakats homi nanoi lö. Kaba lö e mar hakats toum uamou teka, “E hana balia te kukutegou u ngil tara taina katuun tego agono menai lia a kannou, te peinen, a kannou a omi?”
30Te haniga sile gula lia a kannou tere Sunahan, e hana ba taina katuun te poeiena, e omina te nou mena gilia a kannou te haniga sile gula lia tere Sunahan?
31Tara pöata te nou mia limiou na te ua mia limiou, na tara mamanaka hoboto te katoe milimiou, alimiou go katoe men tara markato te solosei menari e Sunahan. 32Alimiou go hakats raiam u Jiu na u katuun tema Jiu ri na u katuun has tere Kristo, ba limiou tema kato homi mia i mataren. 33Nonei teka te torohanan markato has uagou lia. Tara mamanaka te katoe gulia, alia e torohanan kato haniga gia i matar u katuun hoboto. Alia ema hakats nagi a ka te niga peisana i tar. E möa. Alia e hakats has negu a ka te nigana i taren. Alia e kato silegu nori egi haniga be Sunahan te lu pouts ranen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.