Aŵaloma 15
15
1Lomba fweŵo, fwetukosele, ukutwelelwa ukupinta ifyaŵufila ifyaŵanacile, nekuŵulo'kulitemwesya. 2Fwense ŋgatutemwesye aŵaŵyesu, mukuŵawamya ati ŵakakose. 3Pakuti naŵaKlistu taŵalitemwesye; sombi koti nifyopele'fyo ifilembelwe: Ifyakutoŋgala fyaŵaŵo, awakutoŋgawile, fyalimponene neŵo. 4Pakuti ifintu fyonse ifyalembelwe akale fyalilembelwe ati tufisambile, ati pakuteke'mitima nekusaŋgalala pakuti pamalembo tukaŵe nelucetekelo. 5Popele ŵaLesa aŵakuteke'mitima, awakusaŋgalasya, ŋgawamupeleni mwense ukusuminansyanya nemutima umo koti niŵaKlistu Yesu; 6ati nemutima umo nekanwa kamo mwisiŵe ukulukulemya ŵaLesa eŵa Wisiŵo ŵaSikulu Yesu Klistu. 7Pakuti pali fyefyo kamupokansyanya, koti nifyopele'fyo naŵaKlistu ifi ŵamupokeleni, mukuleto' ŵuleme kuli ŵaLesa.
8Pakuti ndukulaŵila ati ŵaKlistu ŵaliŵele mupyunjisi waŵakopwelwe pakuti pali ŵucine bwaŵaLesa, ati ŵakonsye amalailo akuli ŵawisifwe, 9neŵenafyalo naŵo ati ŵaŵalemye ŵaLesa pakuti paŋkumbu syaŵo; koti nifyopele'fyo ifilembelwe ati:
Pakuti pali fyefyo, ŋkamulemyeni pakati kaŵenafyalo,
Nekulukwimbila isina lyenu!
10Nakaŵili alilaŵile ati:
Saŋgalaleni, mweŵenafyalo, pamo neŵantu ŵaŵo.
11Nakaŵili ati:
Muŵalemye ŵaSikulu, mweŵenafyalo mwense;
Aŵantu imikoka yonse ŋgaŵaŵalemye.
12Kaŵili Yisaya alilaŵile ati:
Pakalukuli umusyu wakwe jese,
Uwakwima mukuŵekalika aŵenafyalo;
Muli woyo emo ŵakalukucetekela aŵenafyalo.
13Popele ŵaLesa ŵalucetekelo, ŋgaŵamwisusyeni ukusaŋgalala konse neŵutende pakulukucetekela, ati muŵe nelucetekelo ulufulile, pakuti pamakosa aMupasi Uswetelele.
14Popele, mweŵakwasu, naneŵo nemwine ndukucetekela ifyakuli mweŵo, ati mweŵene muliiswile ifiweme, mulikumanine amano onse, nekwisiŵa kaŵili ukufundansyanya. 15Sombi ndukulemba kuli mweŵo nemutima ukosele, mukumulaŋgulusyeni liŵili, pakuti paluse ulo ulu ŵampele ŵaLesa, 16ati imbe mupyunjisi waŵaKlistu Yesu uwakuŵenafyalo, nekulukucite'milimo iyaCeŵo leiweme icaŵaLesa, ati ukuŵaposa aŵenafyalo mulambu kuŵe kwampokelo, pakuswesiwa kuMupasi Uswetelele. 17Pakuti pali fyefyo ndukulitota muli ŵaKlistu Yesu ifyafintu ifyakuli ŵaLesa. 18Pakuti tesi ndisuminine ukulaŵila ifyafintu fimbi, ifitafili ifyo ifi ŵacitile ŵaKlistu muli neŵo, ati aŵenafyalo ŵakasumine, nemasiwi nefyacitilwe, 19pamakosa atwisiŵilo nefimpelampela, napamakosa aMupasi Uswetelele; fyopele'fyo ukufuma kuJelusalemi nemitala isiŋgulucile ukufika kakuIluliko, ndikumanisye ukutulisya Iceŵo leiweme icaŵaKlistu: 20icine, nekulukutonta ati ntulisye leeŵo leiweme, tapali apo apakusimbulwa ŵaKlistu, niiŋgesa-kwiwaka pafyapansi ifyakwiŵakwa kumuntu umbi; 21sombi koti nifyopele'fyo ifilembelwe ati:
Ŵakaŵona, aŵo aŵa tafificile-ko ifyeŵo fyaŵo;
Naŵaŵo awatawaŋgomfwa ŵakesiŵisya.
22Pakuti pali fyefyo efi naililwe liŵili liŵili ukwisa kuli mweŵo. 23Sombi ŵukumo nsikwete imipunda imbi muno mufyalo, kaŵili imyaka iyi iinji nalukufwaisyo'kumuŵoneni; 24ili ŋkaya kucalo caSipanya, ndukucetekela ati ŋkamuŵoneni palwendo lwanji; nakaŵili ati mukamfisye uko, pakusilo'kwambala naneŵo impindi inini. 25Sombi ŵukumo ndukuya kujelusalemi, mukuŵofwa-ko awaluŋgeme ŵaŵaLesa. 26Pakuti aŵaMakedonya neŵamucalo caAkaya ŵalitemenwe ukupele'mpese simbi kuwaluŋgeme awapeŋgele aŵali kuJelusalemi. 27Icine ifyo ŵalitemenwe; pakuti ŵali nemyapu kuli ŵo. Pakuti aŵenafyalo, kani ŵaliŵaaŵile amaŵoni aŵo aMupasi, ukuŵelelwa ukuŵofwa-ko ifintu ifyakumunefu.
28Pakuti pali fyefyo, pakufikonsye' fyo neŵo, nekufisya kuli ŵo ifisepo ifyo, ŋkapita pali mweŵo ukuya kucalo caSipanya. 29Popele ndiisi ati pakwisa kuli mweŵo, ŋkesa nekufula kwesyuko lyaŵaKlistu.
30Pano ndukumukombeteleni, mweŵakwasu, pali ŵaSikulu ŵesu Yesu Klistu, napaŵutemwe bwaMupasi, ati mulukwesya'makosa pamo naneŵo pakulukuntembelela kuli ŵaLesa, 31ati ŋkapuluke kuli ŵaŵo aŵamucalo caŵena-Juda aŵalukupulaisya, nakaŵili ati imilimo yanji iyakuJelusalemi iŵe nimpokelo kuwaluŋgeme: 32ati ŋkese kuli mweŵo nekusaŋgalala, kani ŵaLesa ŵakafwaya, nekulukutusya pamo namweŵo. 33Popele ŵukumo ŵaLesa ŵaŵutende ŵekale namweŵo mwense. Ameni.
Currently Selected:
Aŵaloma 15: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
Aŵaloma 15
15
1Lomba fweŵo, fwetukosele, ukutwelelwa ukupinta ifyaŵufila ifyaŵanacile, nekuŵulo'kulitemwesya. 2Fwense ŋgatutemwesye aŵaŵyesu, mukuŵawamya ati ŵakakose. 3Pakuti naŵaKlistu taŵalitemwesye; sombi koti nifyopele'fyo ifilembelwe: Ifyakutoŋgala fyaŵaŵo, awakutoŋgawile, fyalimponene neŵo. 4Pakuti ifintu fyonse ifyalembelwe akale fyalilembelwe ati tufisambile, ati pakuteke'mitima nekusaŋgalala pakuti pamalembo tukaŵe nelucetekelo. 5Popele ŵaLesa aŵakuteke'mitima, awakusaŋgalasya, ŋgawamupeleni mwense ukusuminansyanya nemutima umo koti niŵaKlistu Yesu; 6ati nemutima umo nekanwa kamo mwisiŵe ukulukulemya ŵaLesa eŵa Wisiŵo ŵaSikulu Yesu Klistu. 7Pakuti pali fyefyo kamupokansyanya, koti nifyopele'fyo naŵaKlistu ifi ŵamupokeleni, mukuleto' ŵuleme kuli ŵaLesa.
8Pakuti ndukulaŵila ati ŵaKlistu ŵaliŵele mupyunjisi waŵakopwelwe pakuti pali ŵucine bwaŵaLesa, ati ŵakonsye amalailo akuli ŵawisifwe, 9neŵenafyalo naŵo ati ŵaŵalemye ŵaLesa pakuti paŋkumbu syaŵo; koti nifyopele'fyo ifilembelwe ati:
Pakuti pali fyefyo, ŋkamulemyeni pakati kaŵenafyalo,
Nekulukwimbila isina lyenu!
10Nakaŵili alilaŵile ati:
Saŋgalaleni, mweŵenafyalo, pamo neŵantu ŵaŵo.
11Nakaŵili ati:
Muŵalemye ŵaSikulu, mweŵenafyalo mwense;
Aŵantu imikoka yonse ŋgaŵaŵalemye.
12Kaŵili Yisaya alilaŵile ati:
Pakalukuli umusyu wakwe jese,
Uwakwima mukuŵekalika aŵenafyalo;
Muli woyo emo ŵakalukucetekela aŵenafyalo.
13Popele ŵaLesa ŵalucetekelo, ŋgaŵamwisusyeni ukusaŋgalala konse neŵutende pakulukucetekela, ati muŵe nelucetekelo ulufulile, pakuti pamakosa aMupasi Uswetelele.
14Popele, mweŵakwasu, naneŵo nemwine ndukucetekela ifyakuli mweŵo, ati mweŵene muliiswile ifiweme, mulikumanine amano onse, nekwisiŵa kaŵili ukufundansyanya. 15Sombi ndukulemba kuli mweŵo nemutima ukosele, mukumulaŋgulusyeni liŵili, pakuti paluse ulo ulu ŵampele ŵaLesa, 16ati imbe mupyunjisi waŵaKlistu Yesu uwakuŵenafyalo, nekulukucite'milimo iyaCeŵo leiweme icaŵaLesa, ati ukuŵaposa aŵenafyalo mulambu kuŵe kwampokelo, pakuswesiwa kuMupasi Uswetelele. 17Pakuti pali fyefyo ndukulitota muli ŵaKlistu Yesu ifyafintu ifyakuli ŵaLesa. 18Pakuti tesi ndisuminine ukulaŵila ifyafintu fimbi, ifitafili ifyo ifi ŵacitile ŵaKlistu muli neŵo, ati aŵenafyalo ŵakasumine, nemasiwi nefyacitilwe, 19pamakosa atwisiŵilo nefimpelampela, napamakosa aMupasi Uswetelele; fyopele'fyo ukufuma kuJelusalemi nemitala isiŋgulucile ukufika kakuIluliko, ndikumanisye ukutulisya Iceŵo leiweme icaŵaKlistu: 20icine, nekulukutonta ati ntulisye leeŵo leiweme, tapali apo apakusimbulwa ŵaKlistu, niiŋgesa-kwiwaka pafyapansi ifyakwiŵakwa kumuntu umbi; 21sombi koti nifyopele'fyo ifilembelwe ati:
Ŵakaŵona, aŵo aŵa tafificile-ko ifyeŵo fyaŵo;
Naŵaŵo awatawaŋgomfwa ŵakesiŵisya.
22Pakuti pali fyefyo efi naililwe liŵili liŵili ukwisa kuli mweŵo. 23Sombi ŵukumo nsikwete imipunda imbi muno mufyalo, kaŵili imyaka iyi iinji nalukufwaisyo'kumuŵoneni; 24ili ŋkaya kucalo caSipanya, ndukucetekela ati ŋkamuŵoneni palwendo lwanji; nakaŵili ati mukamfisye uko, pakusilo'kwambala naneŵo impindi inini. 25Sombi ŵukumo ndukuya kujelusalemi, mukuŵofwa-ko awaluŋgeme ŵaŵaLesa. 26Pakuti aŵaMakedonya neŵamucalo caAkaya ŵalitemenwe ukupele'mpese simbi kuwaluŋgeme awapeŋgele aŵali kuJelusalemi. 27Icine ifyo ŵalitemenwe; pakuti ŵali nemyapu kuli ŵo. Pakuti aŵenafyalo, kani ŵaliŵaaŵile amaŵoni aŵo aMupasi, ukuŵelelwa ukuŵofwa-ko ifintu ifyakumunefu.
28Pakuti pali fyefyo, pakufikonsye' fyo neŵo, nekufisya kuli ŵo ifisepo ifyo, ŋkapita pali mweŵo ukuya kucalo caSipanya. 29Popele ndiisi ati pakwisa kuli mweŵo, ŋkesa nekufula kwesyuko lyaŵaKlistu.
30Pano ndukumukombeteleni, mweŵakwasu, pali ŵaSikulu ŵesu Yesu Klistu, napaŵutemwe bwaMupasi, ati mulukwesya'makosa pamo naneŵo pakulukuntembelela kuli ŵaLesa, 31ati ŋkapuluke kuli ŵaŵo aŵamucalo caŵena-Juda aŵalukupulaisya, nakaŵili ati imilimo yanji iyakuJelusalemi iŵe nimpokelo kuwaluŋgeme: 32ati ŋkese kuli mweŵo nekusaŋgalala, kani ŵaLesa ŵakafwaya, nekulukutusya pamo namweŵo. 33Popele ŵukumo ŵaLesa ŵaŵutende ŵekale namweŵo mwense. Ameni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.