Matayo 26
26
1Ili ŵasilile ukulaŵile'fyo fyonse ŵaYesu, ŵalilaŵile kuŵasambile wawo ati: 2Muliisi ati pakupite'nsiku siŵili, pakaŵa Umuciluko, lomba Umwana waMuntunsi akaloŵelwa mukutalikwa. 3Impindi iyo waliwuŋgene aŵapapatilisi aŵakulu pamo neŵalembesi neŵakulu ŵaŵantu paluŵansa lwamupapatilisi umukulu, uwailicilwe ati niKayafa; 4nekufundana ati tuŵekatile ŵaYesu mucoŋgola nekuŵepaya. 5Sombi ŵalilaŵile ati: Tekucite'fyo pampindi yacitenje, ciiŋgesa-kuwuka icipupa kuŵantu.
6Lomba ŵaYesu, ili ŵali kuBetania, muŋanda yakwe Simoni uwamanata, 7paliisile kuli ŵo umwanakasi umbi, uwali nemusasi waalabasita umwali amafuta amakweŵo apatali ukwakuti; naye alietile mumutwi waŵo, ili ŵasamine ukulukulya. 8Sombi aŵasambile, pakuŵone'fyo, ŵali netima, ati: Mbanindo waposele'fi? 9Pakuti amafuta aya, ŋga aliulilwe indalama isinji, isyo ŋga syalipelwe awapeŋgele, 10Sombi ŵaYesu, pakwisiŵe'fyo, ŵalilaŵile kuli ŵo ati: Mbanindo mulukumukatasisya umwanakasi? pakuti ancitila neŵo ifiweme. 11Pakuti awapeŋgele muli naŵo insiku syonse; sombi tamuli naneŵo insiku syonse. 12Pakuti pakunjitila amafuta aya pamuŵili wanji, ansamicila limo mukunsika, 13leinenene ndukumuŵuleni ati, apo ponse pacalo capansi apa cikatulika leeŵo ici Iciweme, nafifi ifi acita uyu-mwanakasi fikalaŵilwa koti cakwanusya-ko ifyakwe.
14Peŋka umbi, uwapali ŵo ikumi naŵaŵili, isina lyakwe niJuda lsikaliote, waliile kuŵapapatilisi aŵakulu, 15nekulaŵila ati: Mbamwakumpele'ndo, pakuŵaloŵela ŵaYesu kuli mweŵo? Naŵo ŵalimupiminine isyesilifa amakumi atatu. 16Peŋka ukufuma kumpindi iyo, alukufwaya-fwaya umwakuŵaloŵela.
17Lomba pakasuŵa akakutaŋga akafimpwampwa ifyakuŵulo'musuŋga, ŵaliisile kuli ŵaYesu aŵasambile ati: Mbakwisa mulukufwaya ati tumwansicileni apakulila Umuciluko? 18Naŵo ati: Kamuyeni kumusi kuli naŋgwa, mukalaŵile kuli ye ati: Aŵasambisi ati, Impindi yanji yapalamina; nakucitila Umuciluko muŋanda yoŵe pamo neŵasambile ŵanji. 19Naŵo aŵasambile ŵalicitile fyopele' fyo ifi aŵaŵulile ŵaYesu, nekwansika Umuciluko.
20Pakweŵa'ti ciŋgulo, ŵalisamine ukulukulya pamo neŵasambile aŵo ikumi nawawili, 21Peŋka ili ŵalukulya, ŵalilaŵile ati: Icinenene ndukumuŵuleni ati, apa muli mweŵo umbi akundoŵela neŵo. 22Naŵo ŵaliŵele nensoni isyakuti, nekutatika ŵonse ukulaŵila kuli ŵo ati: Kani nineŵo, Sikulu? 23Naŵo ŵaliasucile ati: Uyo uwatanto' kuŵoko kwakwe pamo naneŵo pacikuŋku, wopele ewakundoŵela neŵo. 24Umwana waMuntu nsi alukuya, koti nifyopele'fyo ifi filembelwe ifyakwe; sombi alisyeme uyo ulukuloŵela Umwana waMuntunsi! Ŋga taafyelwe, ŋga alisyucile uyo-muntu! 25Peŋka Juda, uyo uwamuloŵele, aliŵaasucile ati: Kani nineŵo, MweŵaSambisi? Naŵo ŵalilaŵile kuli ye ati: Walaŵila.
26Peŋka, pakulukulya ŵo, ŵaYesu ŵaliŵulile siŋkwa nekucindika, nekuukumala, nekuŵapela aŵasambile, nekulaŵila ati: Pokeni, mulye; uyu muŵili wanji! 27Kaŵili ŵaliŵulile iŋkomeci, nekutota, nekuŵapela, nekulaŵila ati: Nweni-mo mwense; 28pakuti iyi milopa yanji, iyakulayana kwaŵukumo, iyakupokomokela aŵenji, kukulekelela kwafyakuŵifya. 29Sombi ndukumuŵuleni ati nsikanwa liŵili ifyafisepo ifi fyamufaina ili takaŋgesa akasuŵa ako ŋkafinwa ifyaŵukumo pamo namweŵo muWufumu bwaŵaTata.
30Lomba, ili ŵaimbile ulwimbo, ŵalifumine-mo, nekuya kulupili lwaMaolife.
31Peŋka ŵaYesu nekuŵeŵa ati: Mweŵo mwense ŵuno-ŵusiku mwakulitutula pakuti pali neŵo; pakuti fililembelwe ati: Ŋkapamo'mwembesi, lomba imbelele isyetaŋga sikapalaŋgana. 32Sombi, ili ŋkawusiwa, ŋkamutanjilileni kuGalili. 33Sombi Petilo aliŵaasucile ati: Naŋgawa ati ŵonse ŵakulitutula pakuti pali mweŵo, sombi neŵo tesi nditutule-po neli kulitutula konse. 34Kumfwa ŵaYesu ŵalaŵila kuli ye ati: Icinenene ndukukuŵula ati: Uŵusiku ŵuno, lomba taaŋgalua liŵili kombolwe, wakuŋkana neŵo litatu, 35Petilo naye walaŵila kuli ŵo ati: Naŋgawa ati nakufwila pamo namweŵo, tesi mukaneni-po. Fyopele'fyo kawili ŵalilaŵile aŵasambile ŵonse.
36Peŋka'po ŵaYesu ŵalificile pamo naŵo pantu apelicilwe ati niGesemane, nekulaŵila kuŵasambile ŵaŵo ati: Ikaleni pano, ili nciile kulya mukutembela. 37Lomba ŵalipintile Petilo neŵana ŵakwe Sebedai ŵoŵilo nekutatika ukuŵa newuŋkumbwa, nekulukuŵombomene. 38Peŋka ŵalilaŵile kuli ŵo ati: Umutima wanji uli nensoni isyakuti isyapalufu; ikaleni pano, mulukupembelele pamo naneŵo. 39Peŋka ŵalitelele-ko panini kuntanjile, nekuwila pansi ubwifuneme, nekutembela ati: MweŵaTata, kani iliisi ukufuma, iŋkomeci iyi ŋgaifume kuli neŵo: naŋgawe'fyo tekoti kufwaya kwanji, koku; sombi nikoti kufwaya kwenu. 40Peŋka ŵaliisile kuŵasambile, nekuwasaŋgana ŵalilele mutulo, nekulaŵila kuli Petilo ati: Mbanindo? Tamwisiŵile ukupembelela pamo naneŵo impindi imo? 41Mulukupembelela nekutembela, mwiinjila mukwesiwa: umutima icine ulukusumina, sombi umuŵili ulinacile.
42Naliŵili ŵaliile nekutembela ati: MweŵaTata, kani iyi taisi ukufuma, iyakuŵulo'kunwina-mo neŵo, ukufwaya kwenu kucitwe. 43Peŋka ŵaliisile liŵili, nekuwasaŋgana ŵalilele mutulo, pakuti iŋkope syawo syalilemene. 44Naŵo ŵaliŵasile liŵili, nekufuma, nekutembela nalitatu, ukulukulaŵila amasiwi antu amo. 45Peŋka'po ŵaliisile kuŵasambile, nekulaŵila kuli ŵo ati: Kamulele ŵukumo nekulukutusya; ŵoneni, impindi yapalamina, Umwana waMuntunsi waloŵelwa muminwe yambifi! 46lmeni, tulukuya! Ŵoneni, uyo ulukundoŵela wapalamina!
47Peŋka'po, ili ŵacilaŵila, lomba waliisile Juda, umbi uwapekumi naŵaŵili, pamo neŵumba ilikulu ilyaŵantu, aŵali nempoko neŋkoli, aŵafumine kuŵapapatilisi aŵakulu neŵakulu wawantu. 48Lomba uyo uwaŵaloŵele kale aŵapele akesiŵilo ati: Uyo unakufyonta-po ewoyo; mumwikate. 49Peŋka alipulilile ukusiŋkamanina kuli ŵaYesu, nekuŵasekela ati: Mitende, MweŵaSambisi! peŋka nekuŵafyonta-po. 50Kumfwa ŵaYesu kaŵalaŵila kuli ye ati: Wemwame, mbanindo waisila? Peŋka ŵalipalamine nekukantika iminwe yaŵo pali ŵaYesu, nekuŵekata. 51Lomba umbi uwali naŵaYesu, alitambicile ukuŵoko kwakwe, nekusomone'mpoko yakwe, nekumupamo'muntu wamupapatilisi umukulu, nekumukwempula ukutwi. 52Peŋka ŵaYesu kaŵalaŵila kuli ye ati: Someka impoko yoŵe umu iikala: pakuti ŵonse aŵakusomone'mpoko ŵakafwa kumpoko. 53Kani ulukulaŋguluka ati neŵo nsiisi ukuŵapapatila ŵaTata ati ŵampele ŵuno-ŵukumo amaŵumba aenji akucila-po pekumi naaŵili aŋkalamba isinji? 54Mbasyani lomba aka pelelwe pamo amalembo ati ukwelelwa ati ifi-fintu fiŋgacitwa? 55Impindi iyo ŵaYesu ŵalilaŵile kumaŵumba aŵantu ati: Kani mwafumina koti nikumuno nempoko neŋkoli mukunjikata? Nalukwikala insiku syonse mwitempuli ukulukusambisya; sombi tamwanjikete-po, mweŵone. 56Sombi fyonse'fi fyacitwa ati ŋgafipelelwe pamo nemalembo aŵakusimika. Peŋka aŵasambile ŵonse ŵaliŵasile nekuŵutuka.
57Naŵaŵo aŵaŵekete ŵaYesu ŵaliŵakulicile kuli Kayafa, umupapatilisi umukulu uko wawuŋgene aŵalembesi pamo neŵakulu. 58Sombi Petilo aliŵalondele patali patali, nekufika nakuluŵansa lwamupapatilisi umukulu, nekwinjila nekwikala pamo neŵapyunjisi, mukuŵona ukusila kwamulandu. 59Peŋka'po aŵapapatilisi aŵakulu pamo neŵakulu newewuŋgano ŵonse ŵalifwaile ŵumboni ubwakuŵaŵepesya lukoso ŵaYesu, ati ŵaŵepaye. 60Sombi taŵaŵubwene-po; naŋgawa ati syaliisile imboni isinji isyakuŵepa. Sombi pantanjile syaliisile simbi siŵili, 61nekulaŵila ati: Uyu-muntu alilaŵile ati: Ndiisi uko nala itempuli lyaŵaLesa, nekuliiŵakulula pansiku sitatu! 62Popele umupapatilisi umukulu waliimine, nekulaŵila kuli ŵo ati: Tolukwasuka-po neli kantu? Imboni isi silukukusinine'ndo? 63Sombi ŵaYesu ŵaliikele lukoso celele.
Lomba umupapatilisi umukulu walilaŵile kuli ŵo ati: Ndukukulapisya kuli ŵaLesa aŵaMweo ati utuŵule kani niweKlistu, Umwana waŵaLesa! 64ŴaYesu ŵalilaŵile kuli ye ati: Mwafilaŵila; naŋgawe'fyo ndukumuŵuleni ati, panuma yafifi-fintu mukaŵona Umwana waMuntunsi aliikele kulwine lwamakosa, alukwisapamakumbi amwiulu. 65Peŋka umupapatilisi umukulu walilipandawilile ifyakufwala fyakwe, nekulaŵila ati: Alaŵila umucobwe; mbanindo tulukufwaila nemboni simbi? Ŵoneni, ŵukumo mwaumfwa umucobwe! 66Mulukulaŋguluka syani? Naŵo ŵaliasucile ati: Alielelwe ukufwa! 67Peŋka'po ŵaliŵasipile nemate pamenso, nekuŵapamala; ŵambi naŵo ŵaliŵapamine nemapi, 68nekulaŵila ati: Kotusimicila, ŵeKlistu! Mbaninani uwakupama?
69Lomba Petilo naye aliikele pesonde paluŵansa: popele waliisile kuli ye umbi umwanakasi umupyunjisi, nekulaŵila ati: Naweŵo kaŵili ewewali nakwe Yesu umuGalili! 70Sombi alikene pamenso aŵo ŵonse ati: Nsifiisi-po ifi ulukulaŵila. 71Peŋka, ili afumine nekuya munsense, naumbi naye alimubwene, nekulaŵila kuŵantu aŵali-po ati: Uyu-muntu naye ewali naYesu umuNasaleti. 72Nakaŵili alikene nekulapa ati: Nsimwisi-po uyo-muntu! 73Lomba, pakupite'mpindi inini, aŵo aŵaimakene-po ŵaliisile nekulaŵila kuli Petilo ati: Icinenene naweŵo uli wapeŵumba lyaŵo; pakuti umu laka woŵe wakuloŵela. 74Peŋka alitaticile ukufiŋgana, nekulapa, ati: Nsimwisi-po umuntu uyo! Impindi iyo yopele nakombolwe nekulila. 75Peŋka Petilo alilaŋgulucile isiwi ilyo ilyalaŵile ŵaYesu, ati: Lomba taaŋgalila kombolwe, wakuŋkana neŵo litatu. Peŋka alifumine, nekulukulila nensoni syakuti.
Currently Selected:
Matayo 26: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
Matayo 26
26
1Ili ŵasilile ukulaŵile'fyo fyonse ŵaYesu, ŵalilaŵile kuŵasambile wawo ati: 2Muliisi ati pakupite'nsiku siŵili, pakaŵa Umuciluko, lomba Umwana waMuntunsi akaloŵelwa mukutalikwa. 3Impindi iyo waliwuŋgene aŵapapatilisi aŵakulu pamo neŵalembesi neŵakulu ŵaŵantu paluŵansa lwamupapatilisi umukulu, uwailicilwe ati niKayafa; 4nekufundana ati tuŵekatile ŵaYesu mucoŋgola nekuŵepaya. 5Sombi ŵalilaŵile ati: Tekucite'fyo pampindi yacitenje, ciiŋgesa-kuwuka icipupa kuŵantu.
6Lomba ŵaYesu, ili ŵali kuBetania, muŋanda yakwe Simoni uwamanata, 7paliisile kuli ŵo umwanakasi umbi, uwali nemusasi waalabasita umwali amafuta amakweŵo apatali ukwakuti; naye alietile mumutwi waŵo, ili ŵasamine ukulukulya. 8Sombi aŵasambile, pakuŵone'fyo, ŵali netima, ati: Mbanindo waposele'fi? 9Pakuti amafuta aya, ŋga aliulilwe indalama isinji, isyo ŋga syalipelwe awapeŋgele, 10Sombi ŵaYesu, pakwisiŵe'fyo, ŵalilaŵile kuli ŵo ati: Mbanindo mulukumukatasisya umwanakasi? pakuti ancitila neŵo ifiweme. 11Pakuti awapeŋgele muli naŵo insiku syonse; sombi tamuli naneŵo insiku syonse. 12Pakuti pakunjitila amafuta aya pamuŵili wanji, ansamicila limo mukunsika, 13leinenene ndukumuŵuleni ati, apo ponse pacalo capansi apa cikatulika leeŵo ici Iciweme, nafifi ifi acita uyu-mwanakasi fikalaŵilwa koti cakwanusya-ko ifyakwe.
14Peŋka umbi, uwapali ŵo ikumi naŵaŵili, isina lyakwe niJuda lsikaliote, waliile kuŵapapatilisi aŵakulu, 15nekulaŵila ati: Mbamwakumpele'ndo, pakuŵaloŵela ŵaYesu kuli mweŵo? Naŵo ŵalimupiminine isyesilifa amakumi atatu. 16Peŋka ukufuma kumpindi iyo, alukufwaya-fwaya umwakuŵaloŵela.
17Lomba pakasuŵa akakutaŋga akafimpwampwa ifyakuŵulo'musuŋga, ŵaliisile kuli ŵaYesu aŵasambile ati: Mbakwisa mulukufwaya ati tumwansicileni apakulila Umuciluko? 18Naŵo ati: Kamuyeni kumusi kuli naŋgwa, mukalaŵile kuli ye ati: Aŵasambisi ati, Impindi yanji yapalamina; nakucitila Umuciluko muŋanda yoŵe pamo neŵasambile ŵanji. 19Naŵo aŵasambile ŵalicitile fyopele' fyo ifi aŵaŵulile ŵaYesu, nekwansika Umuciluko.
20Pakweŵa'ti ciŋgulo, ŵalisamine ukulukulya pamo neŵasambile aŵo ikumi nawawili, 21Peŋka ili ŵalukulya, ŵalilaŵile ati: Icinenene ndukumuŵuleni ati, apa muli mweŵo umbi akundoŵela neŵo. 22Naŵo ŵaliŵele nensoni isyakuti, nekutatika ŵonse ukulaŵila kuli ŵo ati: Kani nineŵo, Sikulu? 23Naŵo ŵaliasucile ati: Uyo uwatanto' kuŵoko kwakwe pamo naneŵo pacikuŋku, wopele ewakundoŵela neŵo. 24Umwana waMuntu nsi alukuya, koti nifyopele'fyo ifi filembelwe ifyakwe; sombi alisyeme uyo ulukuloŵela Umwana waMuntunsi! Ŋga taafyelwe, ŋga alisyucile uyo-muntu! 25Peŋka Juda, uyo uwamuloŵele, aliŵaasucile ati: Kani nineŵo, MweŵaSambisi? Naŵo ŵalilaŵile kuli ye ati: Walaŵila.
26Peŋka, pakulukulya ŵo, ŵaYesu ŵaliŵulile siŋkwa nekucindika, nekuukumala, nekuŵapela aŵasambile, nekulaŵila ati: Pokeni, mulye; uyu muŵili wanji! 27Kaŵili ŵaliŵulile iŋkomeci, nekutota, nekuŵapela, nekulaŵila ati: Nweni-mo mwense; 28pakuti iyi milopa yanji, iyakulayana kwaŵukumo, iyakupokomokela aŵenji, kukulekelela kwafyakuŵifya. 29Sombi ndukumuŵuleni ati nsikanwa liŵili ifyafisepo ifi fyamufaina ili takaŋgesa akasuŵa ako ŋkafinwa ifyaŵukumo pamo namweŵo muWufumu bwaŵaTata.
30Lomba, ili ŵaimbile ulwimbo, ŵalifumine-mo, nekuya kulupili lwaMaolife.
31Peŋka ŵaYesu nekuŵeŵa ati: Mweŵo mwense ŵuno-ŵusiku mwakulitutula pakuti pali neŵo; pakuti fililembelwe ati: Ŋkapamo'mwembesi, lomba imbelele isyetaŋga sikapalaŋgana. 32Sombi, ili ŋkawusiwa, ŋkamutanjilileni kuGalili. 33Sombi Petilo aliŵaasucile ati: Naŋgawa ati ŵonse ŵakulitutula pakuti pali mweŵo, sombi neŵo tesi nditutule-po neli kulitutula konse. 34Kumfwa ŵaYesu ŵalaŵila kuli ye ati: Icinenene ndukukuŵula ati: Uŵusiku ŵuno, lomba taaŋgalua liŵili kombolwe, wakuŋkana neŵo litatu, 35Petilo naye walaŵila kuli ŵo ati: Naŋgawa ati nakufwila pamo namweŵo, tesi mukaneni-po. Fyopele'fyo kawili ŵalilaŵile aŵasambile ŵonse.
36Peŋka'po ŵaYesu ŵalificile pamo naŵo pantu apelicilwe ati niGesemane, nekulaŵila kuŵasambile ŵaŵo ati: Ikaleni pano, ili nciile kulya mukutembela. 37Lomba ŵalipintile Petilo neŵana ŵakwe Sebedai ŵoŵilo nekutatika ukuŵa newuŋkumbwa, nekulukuŵombomene. 38Peŋka ŵalilaŵile kuli ŵo ati: Umutima wanji uli nensoni isyakuti isyapalufu; ikaleni pano, mulukupembelele pamo naneŵo. 39Peŋka ŵalitelele-ko panini kuntanjile, nekuwila pansi ubwifuneme, nekutembela ati: MweŵaTata, kani iliisi ukufuma, iŋkomeci iyi ŋgaifume kuli neŵo: naŋgawe'fyo tekoti kufwaya kwanji, koku; sombi nikoti kufwaya kwenu. 40Peŋka ŵaliisile kuŵasambile, nekuwasaŋgana ŵalilele mutulo, nekulaŵila kuli Petilo ati: Mbanindo? Tamwisiŵile ukupembelela pamo naneŵo impindi imo? 41Mulukupembelela nekutembela, mwiinjila mukwesiwa: umutima icine ulukusumina, sombi umuŵili ulinacile.
42Naliŵili ŵaliile nekutembela ati: MweŵaTata, kani iyi taisi ukufuma, iyakuŵulo'kunwina-mo neŵo, ukufwaya kwenu kucitwe. 43Peŋka ŵaliisile liŵili, nekuwasaŋgana ŵalilele mutulo, pakuti iŋkope syawo syalilemene. 44Naŵo ŵaliŵasile liŵili, nekufuma, nekutembela nalitatu, ukulukulaŵila amasiwi antu amo. 45Peŋka'po ŵaliisile kuŵasambile, nekulaŵila kuli ŵo ati: Kamulele ŵukumo nekulukutusya; ŵoneni, impindi yapalamina, Umwana waMuntunsi waloŵelwa muminwe yambifi! 46lmeni, tulukuya! Ŵoneni, uyo ulukundoŵela wapalamina!
47Peŋka'po, ili ŵacilaŵila, lomba waliisile Juda, umbi uwapekumi naŵaŵili, pamo neŵumba ilikulu ilyaŵantu, aŵali nempoko neŋkoli, aŵafumine kuŵapapatilisi aŵakulu neŵakulu wawantu. 48Lomba uyo uwaŵaloŵele kale aŵapele akesiŵilo ati: Uyo unakufyonta-po ewoyo; mumwikate. 49Peŋka alipulilile ukusiŋkamanina kuli ŵaYesu, nekuŵasekela ati: Mitende, MweŵaSambisi! peŋka nekuŵafyonta-po. 50Kumfwa ŵaYesu kaŵalaŵila kuli ye ati: Wemwame, mbanindo waisila? Peŋka ŵalipalamine nekukantika iminwe yaŵo pali ŵaYesu, nekuŵekata. 51Lomba umbi uwali naŵaYesu, alitambicile ukuŵoko kwakwe, nekusomone'mpoko yakwe, nekumupamo'muntu wamupapatilisi umukulu, nekumukwempula ukutwi. 52Peŋka ŵaYesu kaŵalaŵila kuli ye ati: Someka impoko yoŵe umu iikala: pakuti ŵonse aŵakusomone'mpoko ŵakafwa kumpoko. 53Kani ulukulaŋguluka ati neŵo nsiisi ukuŵapapatila ŵaTata ati ŵampele ŵuno-ŵukumo amaŵumba aenji akucila-po pekumi naaŵili aŋkalamba isinji? 54Mbasyani lomba aka pelelwe pamo amalembo ati ukwelelwa ati ifi-fintu fiŋgacitwa? 55Impindi iyo ŵaYesu ŵalilaŵile kumaŵumba aŵantu ati: Kani mwafumina koti nikumuno nempoko neŋkoli mukunjikata? Nalukwikala insiku syonse mwitempuli ukulukusambisya; sombi tamwanjikete-po, mweŵone. 56Sombi fyonse'fi fyacitwa ati ŋgafipelelwe pamo nemalembo aŵakusimika. Peŋka aŵasambile ŵonse ŵaliŵasile nekuŵutuka.
57Naŵaŵo aŵaŵekete ŵaYesu ŵaliŵakulicile kuli Kayafa, umupapatilisi umukulu uko wawuŋgene aŵalembesi pamo neŵakulu. 58Sombi Petilo aliŵalondele patali patali, nekufika nakuluŵansa lwamupapatilisi umukulu, nekwinjila nekwikala pamo neŵapyunjisi, mukuŵona ukusila kwamulandu. 59Peŋka'po aŵapapatilisi aŵakulu pamo neŵakulu newewuŋgano ŵonse ŵalifwaile ŵumboni ubwakuŵaŵepesya lukoso ŵaYesu, ati ŵaŵepaye. 60Sombi taŵaŵubwene-po; naŋgawa ati syaliisile imboni isinji isyakuŵepa. Sombi pantanjile syaliisile simbi siŵili, 61nekulaŵila ati: Uyu-muntu alilaŵile ati: Ndiisi uko nala itempuli lyaŵaLesa, nekuliiŵakulula pansiku sitatu! 62Popele umupapatilisi umukulu waliimine, nekulaŵila kuli ŵo ati: Tolukwasuka-po neli kantu? Imboni isi silukukusinine'ndo? 63Sombi ŵaYesu ŵaliikele lukoso celele.
Lomba umupapatilisi umukulu walilaŵile kuli ŵo ati: Ndukukulapisya kuli ŵaLesa aŵaMweo ati utuŵule kani niweKlistu, Umwana waŵaLesa! 64ŴaYesu ŵalilaŵile kuli ye ati: Mwafilaŵila; naŋgawe'fyo ndukumuŵuleni ati, panuma yafifi-fintu mukaŵona Umwana waMuntunsi aliikele kulwine lwamakosa, alukwisapamakumbi amwiulu. 65Peŋka umupapatilisi umukulu walilipandawilile ifyakufwala fyakwe, nekulaŵila ati: Alaŵila umucobwe; mbanindo tulukufwaila nemboni simbi? Ŵoneni, ŵukumo mwaumfwa umucobwe! 66Mulukulaŋguluka syani? Naŵo ŵaliasucile ati: Alielelwe ukufwa! 67Peŋka'po ŵaliŵasipile nemate pamenso, nekuŵapamala; ŵambi naŵo ŵaliŵapamine nemapi, 68nekulaŵila ati: Kotusimicila, ŵeKlistu! Mbaninani uwakupama?
69Lomba Petilo naye aliikele pesonde paluŵansa: popele waliisile kuli ye umbi umwanakasi umupyunjisi, nekulaŵila ati: Naweŵo kaŵili ewewali nakwe Yesu umuGalili! 70Sombi alikene pamenso aŵo ŵonse ati: Nsifiisi-po ifi ulukulaŵila. 71Peŋka, ili afumine nekuya munsense, naumbi naye alimubwene, nekulaŵila kuŵantu aŵali-po ati: Uyu-muntu naye ewali naYesu umuNasaleti. 72Nakaŵili alikene nekulapa ati: Nsimwisi-po uyo-muntu! 73Lomba, pakupite'mpindi inini, aŵo aŵaimakene-po ŵaliisile nekulaŵila kuli Petilo ati: Icinenene naweŵo uli wapeŵumba lyaŵo; pakuti umu laka woŵe wakuloŵela. 74Peŋka alitaticile ukufiŋgana, nekulapa, ati: Nsimwisi-po umuntu uyo! Impindi iyo yopele nakombolwe nekulila. 75Peŋka Petilo alilaŋgulucile isiwi ilyo ilyalaŵile ŵaYesu, ati: Lomba taaŋgalila kombolwe, wakuŋkana neŵo litatu. Peŋka alifumine, nekulukulila nensoni syakuti.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.