Ifya Ŵalefai 22
22
1Popele ŵaYawe ŵalilaŵile kuli Mose ati: 2Ulaŵilekuli Aloni nakuŵana ŵakwe aŵalalume, ati ŋgawalilekanye nefintu ifiswetelele ifyaŵaIsilaeli, ifyo ifi ŵancindicila, ati ŵo tekupusyanya isina lyanji iliswetelele: neŵo nineŵaYawe. 3Ulaŵile kuli ŵo ati, paŵana ŵenu ŵonse ponse pafitentekwa fyenu, uyo uwakupalamina kufintu ifiswetelele ifyo ifi ŵaŵacindicila ŵaYawe aŵaIsilaeli, kani ali nefiko fyakwe pali ye, uyomuntu eukapinikwa pamenso anji: neŵo nineŵaYawe. 4Paŵana ŵakwe Aloni aŵantu ŵonse, uyo-muntu uli nemanata kani ali nekuswa, tesi akalyepo pafintu ifiswetelele, ili taaŋgasweta umwine. Kaŵili aŵantu ŵonse uwakukuma-ko kucintu cafiko ifyakuŵafwile, neli niwoyu amalume akwe nekuswa lukoso kuli ye, 5neli wakukuma-ko kucikalaŵila pansi iciŋgamuleŋgesye'fiko, kani nikumuntu iŋgamupele'fiko naŋgawe'fiko ifyo ifyali nafyo; 6uyomuntu uwakukuma-ko kufyakuŵe'fyo eukalukuli nefiko ukufika Iciŋgulo; tesi alye-ko kufintu ifiswetelele, ili taaŋgasamba mumenda nakumunefu wakwe. 7Popele pakuwa akasuŵa, eli akalukuswetele; lomba pantanjile akalye kufintu ifiswetelele, pakuti fyakulye'fyakwe. 8Ico icakulifwila naceco icakupandalwa kufilwani tesi akafilye mukuliŵifya kuli fyo: neŵo nineŵaYawe. 9Pakuti pali fyefyo ŵakalame ukufunda kwanji, ŵeŋgesa kuŵa nemulandu wakuŵifya pakuti pali ko nekufwila-mo, kani ŵo nekulukupusyanya: neŵo nineŵaYawe nendukuŵaswesya.
10Tapali-po umwensu uŋgalya kucintu iciswetelele; uwakwikala lukoso nemupapatilisi neli mupyunjisi uwalambulwa, tesi ŵalye-ko kucintu iciswetelele. 11Sombi kani umupapatilisi ole umuntu ukumuula kundalama syakwe umwine, uyo eukalya-ko; kaŵili aŵakufyalwa muŋanda yakwe ŵo ŵakalye-ko kufyakulye'fyakwe. 12Kaŵili kani umwana umwanakasi uwamupapatilisi opwe kumwensu, uyo-mwanakasi tesi akalye-ko kukuposa ukwakusuntulwa ukwafintu ifiswetelele. 13Sombi kani umwana umwanakasi uwamupapatilisi nimukamfwilwe, neli utaakwete-mwana, nekubwelela nakunanda yaŵawisi koti nipali ŵumoye bwakwe, eli akalye kufyakulye'fyaŵawisi; sombi tapakalukuli mwensu uŋgalya-ko, 14Kaŵili kani umuntu alye-ko kucintu iciswetelele uwakuŵulo'kwisiŵa, eli akalunde-po cimo pali fisanu kuli co, amupele umupapatilisi icintu iciswetelele. 15Lomba tesi ŵapusyanye ifintu ifiswetelele ifyaŵaIsilaeli, ifyo ifi ŵaŵaposela ŵaYawe; 16fyopele'fyo nekuwaleŋgesyo'kupinta ukuwifya ukuleto'mulandu, pakulye' fintu fyaŵo ifiswetelele; pakuti neŵo nineŵa Yawe nendukuŵaswesya.
17Kaŵili ŵaYawe ŵalilaŵile kuli Mose ati: 18Ulaŵile kuli Aloni nakuŵana ŵakwe aŵalalume nakuŵaIsilaeli ŵonse, uŵaŵule ati, Aŵantu ŵonse lukoso aŵakuŋanda yakwe Isilaeli neŵensu ŵonse aŵamuIsilaeli, uwakuposa umulambu wakwe pakuti pakulapa konse neli fyakuposa lukoso fyonse koti mutima, ifyo ifi aŋgawaposela ŵaYawe ati kuposa ukwakoca; 19ati ciŋgapokelelwa, mukupose iyalalume iyakuŵule' cisemba, iyapaŋombe neli yapambelele, neli yapambusi. 20Sombi syonse iyo ili necisemba, tesi mukepose; pakuti iyo taili nimpokelo pamupunda wenu. 21Kaŵili aŵantu ŵonse uyo uwakuŵaposela ŵaYawe umulambu wafyakuposa ifyaŵutende mukucita koti kulapa neli ati caku posa koti mutima lukoso, iyapetaŋga lyaŋombe neli lyambelele, ikalukuwaminine kani Iŋgapokelelwa: tesi pakalukuli-po icisemba. 22Impofu, kani ikonokele, kani yamakuŋkuta, kani yakutenda'menso, kani yaŵulwele paŋkanda, kani yacipopoto, tesi mukaŵaposele ŵaYawe isyakuŵe'fyo, neli kusicita ati kuŵaposela ŵaYawe ukwamumulilo paconto. 23Kani niŋombe kani yana yambelele ili necintu icapeulu icitacelelwe, kani ilukucepa cimbi pafintu fyaiyo, uŋgaposa ati kuposa lukoso koti mutima; sombi tesi ikapokelelwe ati cakulapa. 24Iyo ili nemakandi aŵoŵele kani asinincisiwe kani atoŵekele kani apinicilwe, tesi muŵaposele ŵaYawe iyo; kaŵili tesi mukacite'fyo mucalo mwenu. 25Kaŵili ukusifumya muminwe yamwensu tesi mukapose ifyakulya fyaŵaLesa ŵenu pasyakuŵe'fyo; pakuti ukuŵola kwasiko kuli muli syo, pali icisemba pali syo; tekuti siŵe nimpokelo pamupunda wenu.
26Kaŵili ŵaYawe walilaŵile kuli Mose ati: 27Pakufyalwa iŋombe kani nimbelele kani nimbusi, lomba iyana ikalukuli pansi pali nyina insiku sisanu nasiŵili, popele ukutatika pakasuŵa kaŵusisanu nasitatu ikalukuli nimpokelo pakuti pamulambu uwakuŵaposela ŵaYawe ukwamumulilo. 28Popele naŋgawa ati nimpwisi naŋgawa ati ninyinambelele, tesi mwipaye nyina nemwana pamo pakasuŵa kantu kamo.
29Kaŵili mweŵo pakuŵepaila ŵaYawe umulambu uwakutota, mukepaile ati muŵe nimpokelo. 30Pakasuŵa ako kantu kamo ukaliwe; tekuti musile neli kantu ukufiko'lucelo: neŵo nineŵaYawe.
31Pakuti pali fyefyo mukalukulama amafunde anji nekulukwacita: neŵo nineŵaYawe. 32Kaŵili mweŵo tekupusyanye'sina lyanji iliswetelele; sombi ŋkalukucindikwa pakati paŵaIsilaeli: neŵo, nineŵaYawe nendukumucindikeni, 33nenamufumisyeni mucalo caIjipiti ati njiŵe nineŵaLesa ŵenu: neŵo nineŵaYawe.
Currently Selected:
Ifya Ŵalefai 22: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
Ifya Ŵalefai 22
22
1Popele ŵaYawe ŵalilaŵile kuli Mose ati: 2Ulaŵilekuli Aloni nakuŵana ŵakwe aŵalalume, ati ŋgawalilekanye nefintu ifiswetelele ifyaŵaIsilaeli, ifyo ifi ŵancindicila, ati ŵo tekupusyanya isina lyanji iliswetelele: neŵo nineŵaYawe. 3Ulaŵile kuli ŵo ati, paŵana ŵenu ŵonse ponse pafitentekwa fyenu, uyo uwakupalamina kufintu ifiswetelele ifyo ifi ŵaŵacindicila ŵaYawe aŵaIsilaeli, kani ali nefiko fyakwe pali ye, uyomuntu eukapinikwa pamenso anji: neŵo nineŵaYawe. 4Paŵana ŵakwe Aloni aŵantu ŵonse, uyo-muntu uli nemanata kani ali nekuswa, tesi akalyepo pafintu ifiswetelele, ili taaŋgasweta umwine. Kaŵili aŵantu ŵonse uwakukuma-ko kucintu cafiko ifyakuŵafwile, neli niwoyu amalume akwe nekuswa lukoso kuli ye, 5neli wakukuma-ko kucikalaŵila pansi iciŋgamuleŋgesye'fiko, kani nikumuntu iŋgamupele'fiko naŋgawe'fiko ifyo ifyali nafyo; 6uyomuntu uwakukuma-ko kufyakuŵe'fyo eukalukuli nefiko ukufika Iciŋgulo; tesi alye-ko kufintu ifiswetelele, ili taaŋgasamba mumenda nakumunefu wakwe. 7Popele pakuwa akasuŵa, eli akalukuswetele; lomba pantanjile akalye kufintu ifiswetelele, pakuti fyakulye'fyakwe. 8Ico icakulifwila naceco icakupandalwa kufilwani tesi akafilye mukuliŵifya kuli fyo: neŵo nineŵaYawe. 9Pakuti pali fyefyo ŵakalame ukufunda kwanji, ŵeŋgesa kuŵa nemulandu wakuŵifya pakuti pali ko nekufwila-mo, kani ŵo nekulukupusyanya: neŵo nineŵaYawe nendukuŵaswesya.
10Tapali-po umwensu uŋgalya kucintu iciswetelele; uwakwikala lukoso nemupapatilisi neli mupyunjisi uwalambulwa, tesi ŵalye-ko kucintu iciswetelele. 11Sombi kani umupapatilisi ole umuntu ukumuula kundalama syakwe umwine, uyo eukalya-ko; kaŵili aŵakufyalwa muŋanda yakwe ŵo ŵakalye-ko kufyakulye'fyakwe. 12Kaŵili kani umwana umwanakasi uwamupapatilisi opwe kumwensu, uyo-mwanakasi tesi akalye-ko kukuposa ukwakusuntulwa ukwafintu ifiswetelele. 13Sombi kani umwana umwanakasi uwamupapatilisi nimukamfwilwe, neli utaakwete-mwana, nekubwelela nakunanda yaŵawisi koti nipali ŵumoye bwakwe, eli akalye kufyakulye'fyaŵawisi; sombi tapakalukuli mwensu uŋgalya-ko, 14Kaŵili kani umuntu alye-ko kucintu iciswetelele uwakuŵulo'kwisiŵa, eli akalunde-po cimo pali fisanu kuli co, amupele umupapatilisi icintu iciswetelele. 15Lomba tesi ŵapusyanye ifintu ifiswetelele ifyaŵaIsilaeli, ifyo ifi ŵaŵaposela ŵaYawe; 16fyopele'fyo nekuwaleŋgesyo'kupinta ukuwifya ukuleto'mulandu, pakulye' fintu fyaŵo ifiswetelele; pakuti neŵo nineŵa Yawe nendukuŵaswesya.
17Kaŵili ŵaYawe ŵalilaŵile kuli Mose ati: 18Ulaŵile kuli Aloni nakuŵana ŵakwe aŵalalume nakuŵaIsilaeli ŵonse, uŵaŵule ati, Aŵantu ŵonse lukoso aŵakuŋanda yakwe Isilaeli neŵensu ŵonse aŵamuIsilaeli, uwakuposa umulambu wakwe pakuti pakulapa konse neli fyakuposa lukoso fyonse koti mutima, ifyo ifi aŋgawaposela ŵaYawe ati kuposa ukwakoca; 19ati ciŋgapokelelwa, mukupose iyalalume iyakuŵule' cisemba, iyapaŋombe neli yapambelele, neli yapambusi. 20Sombi syonse iyo ili necisemba, tesi mukepose; pakuti iyo taili nimpokelo pamupunda wenu. 21Kaŵili aŵantu ŵonse uyo uwakuŵaposela ŵaYawe umulambu wafyakuposa ifyaŵutende mukucita koti kulapa neli ati caku posa koti mutima lukoso, iyapetaŋga lyaŋombe neli lyambelele, ikalukuwaminine kani Iŋgapokelelwa: tesi pakalukuli-po icisemba. 22Impofu, kani ikonokele, kani yamakuŋkuta, kani yakutenda'menso, kani yaŵulwele paŋkanda, kani yacipopoto, tesi mukaŵaposele ŵaYawe isyakuŵe'fyo, neli kusicita ati kuŵaposela ŵaYawe ukwamumulilo paconto. 23Kani niŋombe kani yana yambelele ili necintu icapeulu icitacelelwe, kani ilukucepa cimbi pafintu fyaiyo, uŋgaposa ati kuposa lukoso koti mutima; sombi tesi ikapokelelwe ati cakulapa. 24Iyo ili nemakandi aŵoŵele kani asinincisiwe kani atoŵekele kani apinicilwe, tesi muŵaposele ŵaYawe iyo; kaŵili tesi mukacite'fyo mucalo mwenu. 25Kaŵili ukusifumya muminwe yamwensu tesi mukapose ifyakulya fyaŵaLesa ŵenu pasyakuŵe'fyo; pakuti ukuŵola kwasiko kuli muli syo, pali icisemba pali syo; tekuti siŵe nimpokelo pamupunda wenu.
26Kaŵili ŵaYawe walilaŵile kuli Mose ati: 27Pakufyalwa iŋombe kani nimbelele kani nimbusi, lomba iyana ikalukuli pansi pali nyina insiku sisanu nasiŵili, popele ukutatika pakasuŵa kaŵusisanu nasitatu ikalukuli nimpokelo pakuti pamulambu uwakuŵaposela ŵaYawe ukwamumulilo. 28Popele naŋgawa ati nimpwisi naŋgawa ati ninyinambelele, tesi mwipaye nyina nemwana pamo pakasuŵa kantu kamo.
29Kaŵili mweŵo pakuŵepaila ŵaYawe umulambu uwakutota, mukepaile ati muŵe nimpokelo. 30Pakasuŵa ako kantu kamo ukaliwe; tekuti musile neli kantu ukufiko'lucelo: neŵo nineŵaYawe.
31Pakuti pali fyefyo mukalukulama amafunde anji nekulukwacita: neŵo nineŵaYawe. 32Kaŵili mweŵo tekupusyanye'sina lyanji iliswetelele; sombi ŋkalukucindikwa pakati paŵaIsilaeli: neŵo, nineŵaYawe nendukumucindikeni, 33nenamufumisyeni mucalo caIjipiti ati njiŵe nineŵaLesa ŵenu: neŵo nineŵaYawe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.