Ifyacitilwe 24
24
1Pakupita insiku sisanu, umupapatilisi umukulu Ananaya aliisile neŵakulu ŵambi, pamo newapuŵile umulaka, isina lyakwe niTatulo, nekumusensa Paulu kumpemba. 2Ili aitilwe Paulu, Tatulo alitaticile ukumusinina, nekulaŵila ati:
Pakuti tulasyuka neŵutende ubwinji pakuti pali mweŵo, nakaŵili pakuti ifintu filalunjikwa kuŵantu aŵamukoka uyu pakuti pamano enu, 3Felisi wemuntu ucindeme, tulukufipokelela ifyo impindi syonse ponse ponse, nekutota kwesu konse. 4Sombi, niiŋgesa mukutemekela neŵo kuli mweŵo, ndukumukombeteleni ati mutumfwe koti luse lwenu nemasiwi ace. 5Pakuti twalimubwene uyu-muntu, muŋgwa, uwakusuŋgwila ifyakwalucila pakati paŵaJuda ŵonse, monse mucalo capansi, nimfumu imbi yamukoka waŵaNasaleti. 6Kaŵili aliesesye ukulikowesya itempuli; popele twalimwikete, nekufwayo'kusololola nakwe koti mafunde esu. 7Sombi icilolo icikulu Lusya caliisile, nekumusompola muminwe yesu nemakosa ukwakuti; 8nekuŵaŵula aŵalukumusinina ati ŋgawese kuli mweŵo. Peŋka kuli woyo mwakwisiŵa, pakumwipusya mweŵene, ukumfwa ifyafintu ifi fyonse ifi tulukumusinina. 9Kaŵili neŵaJuda naŵo ŵalisaŋkene mukusinina uko, ili ŵasumina ati ifintu ifyo fyacine.
10Popele, ili yamuceŵele impemba ati ŋgaalaŵile, Paulu, aliasucile ati:
Pakuti ndiisi ati mwalukwikala ŵakusololola aŵakumukoka uyu imyaka iinji, ndukulilaŵilila nemutima uwakutemwa; 11pakuti muliisi ati syapite'nsiku isitasicilile pekumi nasiŵili, ili naile kuJelusalemi mukucindika; 12lomba taŵambwene-po mwitempuli ndukupicisya nemuntu umbi, neli kusuŋgwila iŵumba lyaŵantu, neli nimumasunagoge, neli nimumusi. 13Kaŵili taŵesi ukufilanjisya kuli mweŵo ifyo-fintu ifi ŵalukumpinjila. 14Sombi ifi efi ndukusumina kuli mweŵo, ati muNsila iŵalukwilika ati cakwaluka, muli yeyo emo mbapyunjila ŵaLesa ŵaŵawisifwe, ili ncetekela fyonse ifili koti mafunde, nafyefyo ifyalembelwe mufyaŵakusimika; 15ndi nekucetekela kuli ŵaLesa, kopele uko naŵaŵa aŵene ŵalukupembelela, ati kukesa ukuŵuka pamfwa kwawaluŋgeme neŵasendeme. 16Nakaŵili muno ndukwesyo' kwakuti ukwikala nacimaŋga uwakuŵuloʼmulandu kuli ŵaLesa nakuŵantu insiku syonse.
17Ili yapitile imyaka iinji, naliisile mukuleta ifyakupa lukoso kumukoka wanji, pamo nemilambu; 18muli fyefyo emo ŵansanjile mwitempuli uswesiwe; takwali-po iŵumba neli cipupa; sombi ŵambi aŵaJuda aŵafumine kucalo caAsya eko ŵali, 19ŵopele aŵo eŵaelelwe ukwisa kuno pamenso enu nekulukunsinina, ŋga ŵali neceŵo kuli neŵo. 20Neli niŵaŵa aŵene ŋgaŵalaŵile ifyafiŵipile ifyo ifi ŵabwene, ili nalukwimakana peŵuŋgano; 21kani nipakuti pesiwi ilyo limo ili naŵilicisye pakwimakana pakati pali ŵo, ati: Nipakuti paceŵo cakuŵuka kwaŵafwile epo naitilwa-mo kuli mweŵo lelo!
22Sombi Felisi, pakuti aliisiŵile fimbi ifyacine ifyakuNsila, aliŵakokwesye, nekulaŵila ati: Ili akesa Lusya, icilolo icikulu, eli ŋkasololola umulandu wenu. 23Popele aliciŵulile icilolo cafito'mwanda ati ŋgaalamwe mwikati, acitwe neŋkumbu; tekulukufikanya ifiŵusa fyakwe ukulukumutaŵataŵila.
24Sombi ili syapitile simbi insiku aliisile Felisi pamo naDilusila umukasi wakwe, umuJuda, nekumwita Paulu, nekumumfwa ifyakucetekela ukwamuli ŵaKlistu Yesu. 25Peŋka, ili alukuŵulisisya pafyakulunjika, nefyakutekanya, nefyakusololola uko ukukesa, Felisi alisusilwe, nekwasuka ati: Koya pano; pakuŵona impindi ielelwe, ŋkakwita neŵo. 26Kaŵili alukucetekela ati lino Paulu akampela indalama. Pakuti pali fvefyo, alimwitile liŵili liŵili, nekulukwambala nakwe. 27Sombi, pakukumana imyaka iŵili, Poco Fesio alipyene imilimo yakwe Felisi; popele Felisi, pakuti pakufwayo'kuŵatemasya aŵaJuda, alimusile Paulu acikacilwe.
Currently Selected:
Ifyacitilwe 24: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
Ifyacitilwe 24
24
1Pakupita insiku sisanu, umupapatilisi umukulu Ananaya aliisile neŵakulu ŵambi, pamo newapuŵile umulaka, isina lyakwe niTatulo, nekumusensa Paulu kumpemba. 2Ili aitilwe Paulu, Tatulo alitaticile ukumusinina, nekulaŵila ati:
Pakuti tulasyuka neŵutende ubwinji pakuti pali mweŵo, nakaŵili pakuti ifintu filalunjikwa kuŵantu aŵamukoka uyu pakuti pamano enu, 3Felisi wemuntu ucindeme, tulukufipokelela ifyo impindi syonse ponse ponse, nekutota kwesu konse. 4Sombi, niiŋgesa mukutemekela neŵo kuli mweŵo, ndukumukombeteleni ati mutumfwe koti luse lwenu nemasiwi ace. 5Pakuti twalimubwene uyu-muntu, muŋgwa, uwakusuŋgwila ifyakwalucila pakati paŵaJuda ŵonse, monse mucalo capansi, nimfumu imbi yamukoka waŵaNasaleti. 6Kaŵili aliesesye ukulikowesya itempuli; popele twalimwikete, nekufwayo'kusololola nakwe koti mafunde esu. 7Sombi icilolo icikulu Lusya caliisile, nekumusompola muminwe yesu nemakosa ukwakuti; 8nekuŵaŵula aŵalukumusinina ati ŋgawese kuli mweŵo. Peŋka kuli woyo mwakwisiŵa, pakumwipusya mweŵene, ukumfwa ifyafintu ifi fyonse ifi tulukumusinina. 9Kaŵili neŵaJuda naŵo ŵalisaŋkene mukusinina uko, ili ŵasumina ati ifintu ifyo fyacine.
10Popele, ili yamuceŵele impemba ati ŋgaalaŵile, Paulu, aliasucile ati:
Pakuti ndiisi ati mwalukwikala ŵakusololola aŵakumukoka uyu imyaka iinji, ndukulilaŵilila nemutima uwakutemwa; 11pakuti muliisi ati syapite'nsiku isitasicilile pekumi nasiŵili, ili naile kuJelusalemi mukucindika; 12lomba taŵambwene-po mwitempuli ndukupicisya nemuntu umbi, neli kusuŋgwila iŵumba lyaŵantu, neli nimumasunagoge, neli nimumusi. 13Kaŵili taŵesi ukufilanjisya kuli mweŵo ifyo-fintu ifi ŵalukumpinjila. 14Sombi ifi efi ndukusumina kuli mweŵo, ati muNsila iŵalukwilika ati cakwaluka, muli yeyo emo mbapyunjila ŵaLesa ŵaŵawisifwe, ili ncetekela fyonse ifili koti mafunde, nafyefyo ifyalembelwe mufyaŵakusimika; 15ndi nekucetekela kuli ŵaLesa, kopele uko naŵaŵa aŵene ŵalukupembelela, ati kukesa ukuŵuka pamfwa kwawaluŋgeme neŵasendeme. 16Nakaŵili muno ndukwesyo' kwakuti ukwikala nacimaŋga uwakuŵuloʼmulandu kuli ŵaLesa nakuŵantu insiku syonse.
17Ili yapitile imyaka iinji, naliisile mukuleta ifyakupa lukoso kumukoka wanji, pamo nemilambu; 18muli fyefyo emo ŵansanjile mwitempuli uswesiwe; takwali-po iŵumba neli cipupa; sombi ŵambi aŵaJuda aŵafumine kucalo caAsya eko ŵali, 19ŵopele aŵo eŵaelelwe ukwisa kuno pamenso enu nekulukunsinina, ŋga ŵali neceŵo kuli neŵo. 20Neli niŵaŵa aŵene ŋgaŵalaŵile ifyafiŵipile ifyo ifi ŵabwene, ili nalukwimakana peŵuŋgano; 21kani nipakuti pesiwi ilyo limo ili naŵilicisye pakwimakana pakati pali ŵo, ati: Nipakuti paceŵo cakuŵuka kwaŵafwile epo naitilwa-mo kuli mweŵo lelo!
22Sombi Felisi, pakuti aliisiŵile fimbi ifyacine ifyakuNsila, aliŵakokwesye, nekulaŵila ati: Ili akesa Lusya, icilolo icikulu, eli ŋkasololola umulandu wenu. 23Popele aliciŵulile icilolo cafito'mwanda ati ŋgaalamwe mwikati, acitwe neŋkumbu; tekulukufikanya ifiŵusa fyakwe ukulukumutaŵataŵila.
24Sombi ili syapitile simbi insiku aliisile Felisi pamo naDilusila umukasi wakwe, umuJuda, nekumwita Paulu, nekumumfwa ifyakucetekela ukwamuli ŵaKlistu Yesu. 25Peŋka, ili alukuŵulisisya pafyakulunjika, nefyakutekanya, nefyakusololola uko ukukesa, Felisi alisusilwe, nekwasuka ati: Koya pano; pakuŵona impindi ielelwe, ŋkakwita neŵo. 26Kaŵili alukucetekela ati lino Paulu akampela indalama. Pakuti pali fvefyo, alimwitile liŵili liŵili, nekulukwambala nakwe. 27Sombi, pakukumana imyaka iŵili, Poco Fesio alipyene imilimo yakwe Felisi; popele Felisi, pakuti pakufwayo'kuŵatemasya aŵaJuda, alimusile Paulu acikacilwe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.