Ifyacitilwe 18
18
1Panuma yafintu ifyo alifumine kuAtenai, nekufika nakuKolinto. 2Naye alisanjile umuJuda umbi, uwailicilwe ati niAkwila, umwina-Ponto, uwafumine akale panini kucalo caItalya, pamo nemukasi wakwe, Pilisicila; pakuti Klodyo alifundile aŵaJuda ŵonse ati ŋgaŵafume-mo muLoma. Popele Paulu aliile kuli ŵo. 3Lomba, pakuti imilimo yaŵo imo, aliikele naŵo, nekulukupyuŋga naŵo pamo; pakuti imilimo yaŵo yakupasila'masema. 4Kaŵili utusuŵa twasabata tonse alukupicisya mwisunagoge, nekulukutekenesya aŵaJuda neŵaEla.
5Sombi ili ŵafumine kucalo caŵaMakedonya Silasi naTimote, Paulu alikakatisiwe kiwiSwi, nekulukusimika kuŵaJuda ati ŵaYesu niŵaKlistu. 6Sombi ili ŵamucicile, nekulukucito'mucobwe, alikuntile icakufwala cakwe, nekulaŵila kuli ŵo ati: Imilopa yenu ŋgaikale pamitwi yenu mweŵene; neŵo ndiswetele. Ukuta tika kumpindi ino, nakulukuya kuŵenafyalo!
7Naye alifumine-ko'ko, nekwinjila muŋanda yamuntu umbi uwailicilwe ati niTito Jusito, uwalukucindika ŵaLesa; nenanda yakwe yaliŵambakene nesunagoge. 8Peŋka Klispo, impemba yamwisunagoge, alicetekele muli ŵaSikulu, pamo newamuŋanda yakwe ŵonse; nakaŵili aŵakuKolinto aŵenji, pakumfwa, ŵalicetekele nekuŵatisiwa. 9Popele ŵaSikulu ŵalilaŵile kuli Paulu uŵusiku mukuŵoneka, ati: Wilukutina, ulukulaŵila, wilukwikele celele; 10pakuti neŵo ndi naweŵo; tapali-po muntu uwakukupimpilila mukukusomesya; pakuti ndi neŵantu aŵenji muno-mumusi.
11Popele aliikele-mo mulya umwaka umo nemyensi isanu naumo peulu, ili asambisya Isiwi lyaŵaLesa pakati pali ŵo.
12Sombi pakulukuwekalika aŵaAkaya Galyo, lomba aŵaJuda nemutima umo ŵalimwimine Paulu, nekumutwala kucilye, 13nekulaŵila ati: Uyu-muntu eulukuŵatekenesya aŵantu ati ŵalukuŵacindika ŵaLesa ukwakupulaisya amafunde. 14Sombi, ili afwaile Paulu ukwasamuna pakanwa, Galyo alilaŵile kuŵaJuda ati: Umulandu uyu ŋga wakuŵifya neli wafiŵipile ifyaŵupupa, mweŵaJuda, ŋga waelelwa ati musumineni. 15Sombi kani pali ukwipusya ukwamasiwi nemasina nemafunde enu mweŵene, milandu yenu; neŵo nsilukufwayo'kwisololola imilandu iyi! 16Naye aliŵatamfisye pacilye. 17Peŋka aŵantu ŵonse ŵalimwikete Sosiene, impemba yamwisunagoge, nekumupamina pacilye. Sombi Galyo taafilasile ifyofintu.
18Popele Paulu, ili apembele nensiku simbi isinji panuma yafyefyo, alilaile awana-ŵaŋkasi, nekufumo'ko, nekwenda mubwato ukuya kucalo caSilya, pamo naPilisicila naAkwila. Lomba aliŵeyele mumutwi kuKencilea, pakuti ali necakulapa. 19Naŵo ŵalificile kuEfesa; kopele uko alilekene naŵo. Sombi umwine aliinjile mwisunagoge, nekulukupicisya neŵaJuda. 20Popele ŵalimukombetele ati ekale nempindi imbi; sombi taasumine-po; 21sombi aliŵalaile, nekulaŵila ati: Ukwelelwa neŵo ukuwuŋgana kucitenje ico icikesa kuJelusalemi; sombi ŋkabwelela kuli mweŵo, kani ŵaLesa ŵakasumina. Eli aimine nelwendo mubwato ukufuma kuEfesa. 22Popele, ili atuntucile kuKaisalia, aliile nekuŵasekelela aŵekelesya, lomba nekuya kuAntioke. 23Ili aikele-ko impindi imbi, alikumbulucile, nekupita pacalo caGalatya necaFiluja ukuluŋgeme, ili akosya aŵasambile ŵonse.
24Popele umuJuda umbi, uwailicilwe ati niApolo, umwina-Alecisandala, umuntu wamano, aliisile kuEfesa; kaŵili ali nemilaŋgwe yamumalembo. 25Uyomuntu ewasambisiwe munsila yaŵaSikulu; ali nemuŋkonsya mumutima; alukulaŵila nekulukusambisya bwino ifintu ifyakuli ŵaYesu, ili esiŵile ukuŵatisya kwakwe Yoane kweŋka. 26Naye alitaticile ukulaŵilisya nemutima ukosele mwisunagoge. Sombi Pilisicila naAkwila, pakumumfwa, ŵalimupokele, nekumuŵulisisya bwino bwino insila yaŵaLesa. 27Peŋka, ili afwaile ukuya kucalo caAkaya, awana-ŵaŋkasi ŵalimusaŋgalesye, nekulemba iŋkalata kuŵasambile ati ŵakamupoke. Naye, ili aficile, aliŵofwele-ko ukwakuti aŵo aŵacetekele pakuti paluse; 28pakuti aliŵasinawilile ukwakuti aŵaJuda apaswetele, ili abwenesya kumalembo ati ŵaYesu niŵaKlistu.
Currently Selected:
Ifyacitilwe 18: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
Ifyacitilwe 18
18
1Panuma yafintu ifyo alifumine kuAtenai, nekufika nakuKolinto. 2Naye alisanjile umuJuda umbi, uwailicilwe ati niAkwila, umwina-Ponto, uwafumine akale panini kucalo caItalya, pamo nemukasi wakwe, Pilisicila; pakuti Klodyo alifundile aŵaJuda ŵonse ati ŋgaŵafume-mo muLoma. Popele Paulu aliile kuli ŵo. 3Lomba, pakuti imilimo yaŵo imo, aliikele naŵo, nekulukupyuŋga naŵo pamo; pakuti imilimo yaŵo yakupasila'masema. 4Kaŵili utusuŵa twasabata tonse alukupicisya mwisunagoge, nekulukutekenesya aŵaJuda neŵaEla.
5Sombi ili ŵafumine kucalo caŵaMakedonya Silasi naTimote, Paulu alikakatisiwe kiwiSwi, nekulukusimika kuŵaJuda ati ŵaYesu niŵaKlistu. 6Sombi ili ŵamucicile, nekulukucito'mucobwe, alikuntile icakufwala cakwe, nekulaŵila kuli ŵo ati: Imilopa yenu ŋgaikale pamitwi yenu mweŵene; neŵo ndiswetele. Ukuta tika kumpindi ino, nakulukuya kuŵenafyalo!
7Naye alifumine-ko'ko, nekwinjila muŋanda yamuntu umbi uwailicilwe ati niTito Jusito, uwalukucindika ŵaLesa; nenanda yakwe yaliŵambakene nesunagoge. 8Peŋka Klispo, impemba yamwisunagoge, alicetekele muli ŵaSikulu, pamo newamuŋanda yakwe ŵonse; nakaŵili aŵakuKolinto aŵenji, pakumfwa, ŵalicetekele nekuŵatisiwa. 9Popele ŵaSikulu ŵalilaŵile kuli Paulu uŵusiku mukuŵoneka, ati: Wilukutina, ulukulaŵila, wilukwikele celele; 10pakuti neŵo ndi naweŵo; tapali-po muntu uwakukupimpilila mukukusomesya; pakuti ndi neŵantu aŵenji muno-mumusi.
11Popele aliikele-mo mulya umwaka umo nemyensi isanu naumo peulu, ili asambisya Isiwi lyaŵaLesa pakati pali ŵo.
12Sombi pakulukuwekalika aŵaAkaya Galyo, lomba aŵaJuda nemutima umo ŵalimwimine Paulu, nekumutwala kucilye, 13nekulaŵila ati: Uyu-muntu eulukuŵatekenesya aŵantu ati ŵalukuŵacindika ŵaLesa ukwakupulaisya amafunde. 14Sombi, ili afwaile Paulu ukwasamuna pakanwa, Galyo alilaŵile kuŵaJuda ati: Umulandu uyu ŋga wakuŵifya neli wafiŵipile ifyaŵupupa, mweŵaJuda, ŋga waelelwa ati musumineni. 15Sombi kani pali ukwipusya ukwamasiwi nemasina nemafunde enu mweŵene, milandu yenu; neŵo nsilukufwayo'kwisololola imilandu iyi! 16Naye aliŵatamfisye pacilye. 17Peŋka aŵantu ŵonse ŵalimwikete Sosiene, impemba yamwisunagoge, nekumupamina pacilye. Sombi Galyo taafilasile ifyofintu.
18Popele Paulu, ili apembele nensiku simbi isinji panuma yafyefyo, alilaile awana-ŵaŋkasi, nekufumo'ko, nekwenda mubwato ukuya kucalo caSilya, pamo naPilisicila naAkwila. Lomba aliŵeyele mumutwi kuKencilea, pakuti ali necakulapa. 19Naŵo ŵalificile kuEfesa; kopele uko alilekene naŵo. Sombi umwine aliinjile mwisunagoge, nekulukupicisya neŵaJuda. 20Popele ŵalimukombetele ati ekale nempindi imbi; sombi taasumine-po; 21sombi aliŵalaile, nekulaŵila ati: Ukwelelwa neŵo ukuwuŋgana kucitenje ico icikesa kuJelusalemi; sombi ŋkabwelela kuli mweŵo, kani ŵaLesa ŵakasumina. Eli aimine nelwendo mubwato ukufuma kuEfesa. 22Popele, ili atuntucile kuKaisalia, aliile nekuŵasekelela aŵekelesya, lomba nekuya kuAntioke. 23Ili aikele-ko impindi imbi, alikumbulucile, nekupita pacalo caGalatya necaFiluja ukuluŋgeme, ili akosya aŵasambile ŵonse.
24Popele umuJuda umbi, uwailicilwe ati niApolo, umwina-Alecisandala, umuntu wamano, aliisile kuEfesa; kaŵili ali nemilaŋgwe yamumalembo. 25Uyomuntu ewasambisiwe munsila yaŵaSikulu; ali nemuŋkonsya mumutima; alukulaŵila nekulukusambisya bwino ifintu ifyakuli ŵaYesu, ili esiŵile ukuŵatisya kwakwe Yoane kweŋka. 26Naye alitaticile ukulaŵilisya nemutima ukosele mwisunagoge. Sombi Pilisicila naAkwila, pakumumfwa, ŵalimupokele, nekumuŵulisisya bwino bwino insila yaŵaLesa. 27Peŋka, ili afwaile ukuya kucalo caAkaya, awana-ŵaŋkasi ŵalimusaŋgalesye, nekulemba iŋkalata kuŵasambile ati ŵakamupoke. Naye, ili aficile, aliŵofwele-ko ukwakuti aŵo aŵacetekele pakuti paluse; 28pakuti aliŵasinawilile ukwakuti aŵaJuda apaswetele, ili abwenesya kumalembo ati ŵaYesu niŵaKlistu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.