Matyu 12
12
Sabat deɗnu ɗo, amunu nai
1Haen laa Sabat deɗppa Jesus Nug ibppa wit keekenu dad okkai laala ooppa ugekke, nuhikkud ippunittak awak danab ag enug aqe, ag wit aeg aon lappig. 2Aon laegeg, ɗo gumak danab-Parasia ag amu anidna, ag Jesus amegppa appig. “Antte, nahipad ippunittak awak danab ag ɗo nug danab laa Sabat deɗppa ee dattanu ii aoma ippunigtte amu, ag Sabatnu ɗo amu tippalna, ee aon latteb,” aon appig. 3Ag anam aeg amu, Jesus Nug amelagppa aum. “Ag Dawit nug nuhikkud danab ele ag enug aqe, Dawit aɗi heum amu, ag amu iite ebqeppig? 4Haen amuppa Dawit nug Kayak laug ooppa noa, bret Kayaknu tituana mettak daatte, mana mettak danab agib lakkulagnu elele, nug amu awa lana, nuhikkud danab ele matte lappig. 5Laa ele amu, mana mettak danab dilag uɗatnu yaak ɗoppa niitte amu, ag Sabat deɗppa Kayaknu mettid lakka uppa uɗat amu hetteb, amge am hipunin iitta, ag amu iite ebqeppig? 6Amu da ag amelagppa attem. Da Kayaknu mettid lag eɗittak daattem. 7Ag Kayak naippa nai laa daatte, nai amu doolob amu ena. Nai amuam inam. ‘Da ag laanu oolag gai-iitta doon oolag mattan ehanadkkulagnu anuqak doottem. Da ag doɗ main meɗaglagnu anuqak ii doottem.’ Ag amunu meu genabnab doolob amu, ag danab imu eheɗ laa ii heppig ele beɗulkadppa nai ii yaalob. 8Aɗinu? Danab Bekkalag da, da Sabat deɗnu ikki daattem,” awa aum.
9Awowa Jesus Nug aben amu uua aha, ahilag nai doyak lakka ukkom. 10Am danab laa nug appa dayom, nug eppeg mauhak ele amunu, danab laala ag Jesus Nug aɗi heeb anidkkulagnu meidna, ag Jesus oɗ mettan appig. “Ig danab Sabat deɗppa bappaidkkunignu am enate?” aon appig. 11Aon aeg Jesus Nug ag amelagppa aum. “Ag oolagppa laa nug sipsip nuhig laa Sabat deɗppa wan moɗ laappa no amu, danab amu nug iite eɗua aotte? 12Amu danab nug sipsip eɗittak amunu, ig Sabat deɗppa danab ehanadkkunig am ena,” awa aum. 13Jesus Nug anam awowa amu, Nug danab eppeg mauhak ele amegppa aum. “Eppen taiette!” awa aum. A amu danab nug eppeg taiette, eppeg eɗua, laih bia, ena dayom. 14Jesus anam heum amunu, ɗo gumak danab-Parasia ag gona qagmena, Jesus qekkulagnu ib madippig.
Kayak Jesus nuhigppa uɗat hekkunu tituanom
15Am Jesus Nug nai amu doyom amunu, Nug aha, aab amu uua ukkom. Ugekke, danab ah kuɗum ag Nug dim lamittegeg, Jesus Nug oɗe danab ah oh bappalatte, ena daappig. 16Ena daaeg amu, Jesus, Nug am Kayak Bekka, Nug ag amu miag atiak amananu ɗo mattom. 17Amuppa amu Jesus Nug propet Aisaia Kayak oɗe awa, nai laa maittom, nai amu elele mettom. 18Nai amuam inam. “Imuam dahil maɗi nid, da Nug tituanmi. Da nuhignu ool mauhtte, nuhignu ele enanagnab doottem. Da dahil Ouɗi Nug medappi, dahil maɗi nid Nug danab ah oh nai doya mala hettoɗia epeɗia elele mettak kobol ippunadkku.
19Nug a ona a doak nai ii mattima, ewak ele ii hema.
Ao, Nug baag okkaippa ib naɗippa danab amelagppa nai ii mattima.
20Danab laa elele iitta, qao laa oak ele daatte bia, Nug heeb, nauha autanab ii aoma.
Ao, danab laa elele iitta daatte, lam qauhkkunu hette bia, Nug heeb iitta ii mema.
Nug uɗat heebeb ukkeb, nai doya mala hettoɗia epeɗia elele mettak kobol am elele medakku. 21Danab ah wanppan wan anen anenppanu, ag Nug onigppa ena bekkulagnu dabmak aɗan oiglag,” awa aum.
Laa ag “Jesus Belsebub onigppa uɗat hette,” aon appig
22Haen amuppa danab ag danab laa omalna, Jesus, nuhigppa uɗippig. Danab amu nug am ouɗi nau ele, nug oɗetup, ameg gaɗuak ele. Ag aon doeg, Jesus Nug he ena daya, qamutak amu nai mattiaya, ameg obate, neekkom. 23Danab nug neekka, nai mattieye, danab ah ameg naɗi ag ottaina dabmak kuɗum aona, Jesusnu appig. “Danab imuam Dawit bekkatai,” aon appig. 24Amge haen ɗo gumak danab-Parasia ag amu doon, ag inam appig. “Umu Nug ouɗi nau ikkilag Belsebub, Nug nuhig ɠagattagppa aakkuib ouɗi nau lamadtte,” aon appig.
25Aeg amu Jesus Nug ahilag dabmak doya, Nug ag amelagppa aum. “Ɗo maɗoɗ laippuppan danab ag ahan oppatna, ameg aɗit bena nug qekkulag amu, wan amu nug elele iitta, ɠagattag ii daama. Amu ele, aab okkai laippuppan o baekkudppa laippuppanu ag oppatna, ameg aɗit bena, nug qekkulag amu, aab okkai o baekkudppa amu nug ena ii daama. 26Amubia Satan nug Satan lamidtte dayeb, nuhikkud ag aakku oppatna, ameg aɗit bena, akka akka nug qetteb. Anam qetteb dayeb amu, Satannu ɗo am attem ha ɠagattag daakku? 27Da genab Belsebubnu ɠagattagppa ouɗi nau lamadttem dayeb amu, ag ahilkad laala ag uɗat imu ele hetteb ele, ag aunnu ɠagattagppa hetteb? Anam amunu ag ag epeɗiadna, ⌊ag eheɗ maditteb ippunadkkulag⌋. 28Amge da Kayak Ouɗinu ɠagattagppa ouɗi nau lamadttem dayeb amu, ag doyeg, Kayaknu ɗo maɗoɗ aakku ahilagppa uɗiom,” awa aum.
29Jesus Nug anam ana, Nug nai tuɗitta aum. “Am danab laa nug attemun danab ɠagattag laa laugppa noa keeke aokku? Am elele iitta amunu, tatam nug danab ɠagattag amu muɗippa hippalowa, nug danab amu laugppa noa, keeke yab aokku. 30Am danab laa nug da ele layam iitta amu, nug dahil kekeɗ. Danab laa nug da keeke qagmettem ele, nug ii ehaniɗa qagmette amu, nug aakku keeke ehale gotte. 31Anam daatte amunu da ag amelagppa attem. Kayak Nug danab ah dilag hipunin oh, nuhignu amu nuhig keekenu dabittak nai ahilag oh ele uhuqa madakku, amge danab nug Kayak Ouɗinu dabittak nai madikku dayeb amu, nug amunu uhuqa mettak ii aoma. 32Am danab nug Danab Bekkalag da, dahilnu nai nau atte dayeb amu, Kayak Nug danab amunu hipunin uhuqa medakku, amge danab nug Kayak Ouɗinu nai nau akku dayeb amu, nug uhuqa mettak ii aoma; wannu haen imu, butti aɗi haen amu ele,” awa aum.
33Ana amu Nug baula aum. “Ad ena nug meu ena otte, amu ad nau nug meu nau otte. Danab ag nuhig meuppa ad anidna dootteb. 34Ag danab nau, ag am mat nau bia. Danab ooppa aɗi dabmak ambak niitte, amuib amu oɗeppa ele maditte amunu, ag nau daatteb, ag attemun ag kobol enanu mattiglag? 35Danab ena nug ooppa dabmak ena kuɗum niitte, amuppa nug kobol ena he bette, amge eheɗ hak danab nug ooppa dabmak eheɗ kuɗum niitte, amuppa nug kobol eheɗ he bette. 36Amge da ag amelagppa attem. Epeɗiak haenppa Kayak Nug danab ah ag nai diig iitta madippig ele amu, Nug amunu epeɗiadkku. 37Aɗinu? Nai na madittem amu, Kayak Nug amu dabma, ‘Na beɗunppa aab iitta,’ o ‘Na beɗunppa aab ele,’ akku,” awa aum.
Danab ag epponak keeke anidkkulagnu appig
38Haen amuppa ɗo gumak danab-Parasia amu ɗo mehuqak danab ele ag Jesus amegppa appig. “Ippunittak danab, ig na Kayak dabmettaknu kobol danab haknu elele iitta laa heppe anidkkunignu oonig daatte,” aon appig. 39Aeg am Nug nob ma aum. “Ag danab nau. Ag Kayak uuna, kobol laala dim lamadtteb ele. Ag da Kayak dabmettaknu kobol danab haknu elele iitta heppi anidkkulagnu atteb, amge da laa ii hepa. Propet Jona, nuhigppa aɗi beum aakkuib ag ippunadkkul. 40Anukka propet Jona nug deɗ ewam, tuqan ewam ele kakai naɗi ooppa niiom, gemu haen imunu danab ah, amu dilag epponak keeke daakkulnu, anamib Danab Bekkalag da, da deɗ ewam, tuqan ewam ele da wan ooppa niikkul. 41Haen Kayak Nug danab ah epeɗiadkku amu Niniwe danab ah ag ahan, danab ah haen gemunu dilag eheɗ hak amu miag atiglag. Aɗinu? Niniwe danab ag Kayak nai Jona oɗeppa doona, ag oolag eɗuom, amge gemu laa Jona eɗittak am iikku daatte. 42Amu ele haen Kayak Nug danab ah epeɗiadkku, haen amuppa wan laappan kwin, wan amuam yau uɗitteppanu daatte, nug aha, danab ah haen gemunu dilag eheɗ hak amu miag atikku. Aɗinu? Nug wan batakppanu, amge nug Solomonnu doyak dabmak ena ele, nug amu dookkunu Solomon gumitta uɗiom. Nug anam uɗiom, amge gemu laa nug Solomon eɗittak am iikku daatte,” awa aum.
43Nug anam mattiowa amu Nug aum. “Haen ouɗi nau laa nug danab laa uuidtte, nug ukka atu taɗakppa, nug aben laa antta, hik awa daakkunu oitte. Oiya oiya, nuhig dayaknu aben ena laa ii anidtte, aakku nug atte. 44‘Da eɗuen, anukka daamippa ukken daakkul,’ awa atte. Ana amu nug ukka, tatam dayom amuppa ta, lag amu oo tatak, bala mettak ele, amu danab laa amuppa ii dayeye ele antta, 45nug eɗua ukka, ouɗi nau eblaih aɗit laa ele, ag ahilag ɠagattag kobol nau hekkulagnu nug eɗittak ele, nug amu diie, nug ele uɗitteb. Uɗin, ag lag amu ooppa nona daatteb. Noeg amu danab amu anukka nau dayom, amu gemu nug naunab daatte. Amubia danab ah haen gemu imunu ahilagppa am anam bekku,” awa aum.
Jesus anig, amakkud ele
46Jesus Nug danab ah kuɗum appa daappig nai anam madette, Nug anig, amakkud ele ag Nug anidppeg, Nug ele nai mattiglagnu uɗin, dimittim daappig. 47((Dimittim daaegeg, danab laa nug Jesus amegppa aum. “Na anin, amapad, ag na ele nai mattiglagnu uɗippig, dimittim daatteb,” awa aum.)) 48Anam a amu, Jesus nug oɗeppa awa aum. “Da anil am aun? Da amalad ele am aun aɗi?” awa aum. 49Anam ana, Nug eppeg huma, nuhikkud ippunittak awak danab ippuanattatta aum. “Antteg! Imuam da anil, da amalad ele. 50Aɗinu? Danab laa nug da Mamel, hab attan daatte, nug nuhig dabmak dim lamidtte, nug am da anil, da amal, da appinal ele,” awa aum.
Currently Selected:
Matyu 12: NB
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Matyu 12
12
Sabat deɗnu ɗo, amunu nai
1Haen laa Sabat deɗppa Jesus Nug ibppa wit keekenu dad okkai laala ooppa ugekke, nuhikkud ippunittak awak danab ag enug aqe, ag wit aeg aon lappig. 2Aon laegeg, ɗo gumak danab-Parasia ag amu anidna, ag Jesus amegppa appig. “Antte, nahipad ippunittak awak danab ag ɗo nug danab laa Sabat deɗppa ee dattanu ii aoma ippunigtte amu, ag Sabatnu ɗo amu tippalna, ee aon latteb,” aon appig. 3Ag anam aeg amu, Jesus Nug amelagppa aum. “Ag Dawit nug nuhikkud danab ele ag enug aqe, Dawit aɗi heum amu, ag amu iite ebqeppig? 4Haen amuppa Dawit nug Kayak laug ooppa noa, bret Kayaknu tituana mettak daatte, mana mettak danab agib lakkulagnu elele, nug amu awa lana, nuhikkud danab ele matte lappig. 5Laa ele amu, mana mettak danab dilag uɗatnu yaak ɗoppa niitte amu, ag Sabat deɗppa Kayaknu mettid lakka uppa uɗat amu hetteb, amge am hipunin iitta, ag amu iite ebqeppig? 6Amu da ag amelagppa attem. Da Kayaknu mettid lag eɗittak daattem. 7Ag Kayak naippa nai laa daatte, nai amu doolob amu ena. Nai amuam inam. ‘Da ag laanu oolag gai-iitta doon oolag mattan ehanadkkulagnu anuqak doottem. Da ag doɗ main meɗaglagnu anuqak ii doottem.’ Ag amunu meu genabnab doolob amu, ag danab imu eheɗ laa ii heppig ele beɗulkadppa nai ii yaalob. 8Aɗinu? Danab Bekkalag da, da Sabat deɗnu ikki daattem,” awa aum.
9Awowa Jesus Nug aben amu uua aha, ahilag nai doyak lakka ukkom. 10Am danab laa nug appa dayom, nug eppeg mauhak ele amunu, danab laala ag Jesus Nug aɗi heeb anidkkulagnu meidna, ag Jesus oɗ mettan appig. “Ig danab Sabat deɗppa bappaidkkunignu am enate?” aon appig. 11Aon aeg Jesus Nug ag amelagppa aum. “Ag oolagppa laa nug sipsip nuhig laa Sabat deɗppa wan moɗ laappa no amu, danab amu nug iite eɗua aotte? 12Amu danab nug sipsip eɗittak amunu, ig Sabat deɗppa danab ehanadkkunig am ena,” awa aum. 13Jesus Nug anam awowa amu, Nug danab eppeg mauhak ele amegppa aum. “Eppen taiette!” awa aum. A amu danab nug eppeg taiette, eppeg eɗua, laih bia, ena dayom. 14Jesus anam heum amunu, ɗo gumak danab-Parasia ag gona qagmena, Jesus qekkulagnu ib madippig.
Kayak Jesus nuhigppa uɗat hekkunu tituanom
15Am Jesus Nug nai amu doyom amunu, Nug aha, aab amu uua ukkom. Ugekke, danab ah kuɗum ag Nug dim lamittegeg, Jesus Nug oɗe danab ah oh bappalatte, ena daappig. 16Ena daaeg amu, Jesus, Nug am Kayak Bekka, Nug ag amu miag atiak amananu ɗo mattom. 17Amuppa amu Jesus Nug propet Aisaia Kayak oɗe awa, nai laa maittom, nai amu elele mettom. 18Nai amuam inam. “Imuam dahil maɗi nid, da Nug tituanmi. Da nuhignu ool mauhtte, nuhignu ele enanagnab doottem. Da dahil Ouɗi Nug medappi, dahil maɗi nid Nug danab ah oh nai doya mala hettoɗia epeɗia elele mettak kobol ippunadkku.
19Nug a ona a doak nai ii mattima, ewak ele ii hema.
Ao, Nug baag okkaippa ib naɗippa danab amelagppa nai ii mattima.
20Danab laa elele iitta, qao laa oak ele daatte bia, Nug heeb, nauha autanab ii aoma.
Ao, danab laa elele iitta daatte, lam qauhkkunu hette bia, Nug heeb iitta ii mema.
Nug uɗat heebeb ukkeb, nai doya mala hettoɗia epeɗia elele mettak kobol am elele medakku. 21Danab ah wanppan wan anen anenppanu, ag Nug onigppa ena bekkulagnu dabmak aɗan oiglag,” awa aum.
Laa ag “Jesus Belsebub onigppa uɗat hette,” aon appig
22Haen amuppa danab ag danab laa omalna, Jesus, nuhigppa uɗippig. Danab amu nug am ouɗi nau ele, nug oɗetup, ameg gaɗuak ele. Ag aon doeg, Jesus Nug he ena daya, qamutak amu nai mattiaya, ameg obate, neekkom. 23Danab nug neekka, nai mattieye, danab ah ameg naɗi ag ottaina dabmak kuɗum aona, Jesusnu appig. “Danab imuam Dawit bekkatai,” aon appig. 24Amge haen ɗo gumak danab-Parasia ag amu doon, ag inam appig. “Umu Nug ouɗi nau ikkilag Belsebub, Nug nuhig ɠagattagppa aakkuib ouɗi nau lamadtte,” aon appig.
25Aeg amu Jesus Nug ahilag dabmak doya, Nug ag amelagppa aum. “Ɗo maɗoɗ laippuppan danab ag ahan oppatna, ameg aɗit bena nug qekkulag amu, wan amu nug elele iitta, ɠagattag ii daama. Amu ele, aab okkai laippuppan o baekkudppa laippuppanu ag oppatna, ameg aɗit bena, nug qekkulag amu, aab okkai o baekkudppa amu nug ena ii daama. 26Amubia Satan nug Satan lamidtte dayeb, nuhikkud ag aakku oppatna, ameg aɗit bena, akka akka nug qetteb. Anam qetteb dayeb amu, Satannu ɗo am attem ha ɠagattag daakku? 27Da genab Belsebubnu ɠagattagppa ouɗi nau lamadttem dayeb amu, ag ahilkad laala ag uɗat imu ele hetteb ele, ag aunnu ɠagattagppa hetteb? Anam amunu ag ag epeɗiadna, ⌊ag eheɗ maditteb ippunadkkulag⌋. 28Amge da Kayak Ouɗinu ɠagattagppa ouɗi nau lamadttem dayeb amu, ag doyeg, Kayaknu ɗo maɗoɗ aakku ahilagppa uɗiom,” awa aum.
29Jesus Nug anam ana, Nug nai tuɗitta aum. “Am danab laa nug attemun danab ɠagattag laa laugppa noa keeke aokku? Am elele iitta amunu, tatam nug danab ɠagattag amu muɗippa hippalowa, nug danab amu laugppa noa, keeke yab aokku. 30Am danab laa nug da ele layam iitta amu, nug dahil kekeɗ. Danab laa nug da keeke qagmettem ele, nug ii ehaniɗa qagmette amu, nug aakku keeke ehale gotte. 31Anam daatte amunu da ag amelagppa attem. Kayak Nug danab ah dilag hipunin oh, nuhignu amu nuhig keekenu dabittak nai ahilag oh ele uhuqa madakku, amge danab nug Kayak Ouɗinu dabittak nai madikku dayeb amu, nug amunu uhuqa mettak ii aoma. 32Am danab nug Danab Bekkalag da, dahilnu nai nau atte dayeb amu, Kayak Nug danab amunu hipunin uhuqa medakku, amge danab nug Kayak Ouɗinu nai nau akku dayeb amu, nug uhuqa mettak ii aoma; wannu haen imu, butti aɗi haen amu ele,” awa aum.
33Ana amu Nug baula aum. “Ad ena nug meu ena otte, amu ad nau nug meu nau otte. Danab ag nuhig meuppa ad anidna dootteb. 34Ag danab nau, ag am mat nau bia. Danab ooppa aɗi dabmak ambak niitte, amuib amu oɗeppa ele maditte amunu, ag nau daatteb, ag attemun ag kobol enanu mattiglag? 35Danab ena nug ooppa dabmak ena kuɗum niitte, amuppa nug kobol ena he bette, amge eheɗ hak danab nug ooppa dabmak eheɗ kuɗum niitte, amuppa nug kobol eheɗ he bette. 36Amge da ag amelagppa attem. Epeɗiak haenppa Kayak Nug danab ah ag nai diig iitta madippig ele amu, Nug amunu epeɗiadkku. 37Aɗinu? Nai na madittem amu, Kayak Nug amu dabma, ‘Na beɗunppa aab iitta,’ o ‘Na beɗunppa aab ele,’ akku,” awa aum.
Danab ag epponak keeke anidkkulagnu appig
38Haen amuppa ɗo gumak danab-Parasia amu ɗo mehuqak danab ele ag Jesus amegppa appig. “Ippunittak danab, ig na Kayak dabmettaknu kobol danab haknu elele iitta laa heppe anidkkunignu oonig daatte,” aon appig. 39Aeg am Nug nob ma aum. “Ag danab nau. Ag Kayak uuna, kobol laala dim lamadtteb ele. Ag da Kayak dabmettaknu kobol danab haknu elele iitta heppi anidkkulagnu atteb, amge da laa ii hepa. Propet Jona, nuhigppa aɗi beum aakkuib ag ippunadkkul. 40Anukka propet Jona nug deɗ ewam, tuqan ewam ele kakai naɗi ooppa niiom, gemu haen imunu danab ah, amu dilag epponak keeke daakkulnu, anamib Danab Bekkalag da, da deɗ ewam, tuqan ewam ele da wan ooppa niikkul. 41Haen Kayak Nug danab ah epeɗiadkku amu Niniwe danab ah ag ahan, danab ah haen gemunu dilag eheɗ hak amu miag atiglag. Aɗinu? Niniwe danab ag Kayak nai Jona oɗeppa doona, ag oolag eɗuom, amge gemu laa Jona eɗittak am iikku daatte. 42Amu ele haen Kayak Nug danab ah epeɗiadkku, haen amuppa wan laappan kwin, wan amuam yau uɗitteppanu daatte, nug aha, danab ah haen gemunu dilag eheɗ hak amu miag atikku. Aɗinu? Nug wan batakppanu, amge nug Solomonnu doyak dabmak ena ele, nug amu dookkunu Solomon gumitta uɗiom. Nug anam uɗiom, amge gemu laa nug Solomon eɗittak am iikku daatte,” awa aum.
43Nug anam mattiowa amu Nug aum. “Haen ouɗi nau laa nug danab laa uuidtte, nug ukka atu taɗakppa, nug aben laa antta, hik awa daakkunu oitte. Oiya oiya, nuhig dayaknu aben ena laa ii anidtte, aakku nug atte. 44‘Da eɗuen, anukka daamippa ukken daakkul,’ awa atte. Ana amu nug ukka, tatam dayom amuppa ta, lag amu oo tatak, bala mettak ele, amu danab laa amuppa ii dayeye ele antta, 45nug eɗua ukka, ouɗi nau eblaih aɗit laa ele, ag ahilag ɠagattag kobol nau hekkulagnu nug eɗittak ele, nug amu diie, nug ele uɗitteb. Uɗin, ag lag amu ooppa nona daatteb. Noeg amu danab amu anukka nau dayom, amu gemu nug naunab daatte. Amubia danab ah haen gemu imunu ahilagppa am anam bekku,” awa aum.
Jesus anig, amakkud ele
46Jesus Nug danab ah kuɗum appa daappig nai anam madette, Nug anig, amakkud ele ag Nug anidppeg, Nug ele nai mattiglagnu uɗin, dimittim daappig. 47((Dimittim daaegeg, danab laa nug Jesus amegppa aum. “Na anin, amapad, ag na ele nai mattiglagnu uɗippig, dimittim daatteb,” awa aum.)) 48Anam a amu, Jesus nug oɗeppa awa aum. “Da anil am aun? Da amalad ele am aun aɗi?” awa aum. 49Anam ana, Nug eppeg huma, nuhikkud ippunittak awak danab ippuanattatta aum. “Antteg! Imuam da anil, da amalad ele. 50Aɗinu? Danab laa nug da Mamel, hab attan daatte, nug nuhig dabmak dim lamidtte, nug am da anil, da amal, da appinal ele,” awa aum.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.