Matyu 10
10
Ippunittak awak danab 12 onilag
1Deɗ laa Jesus Nug nuhikkud ippunittak awak danab 12 onilagppa e, ag Nug gumidna uɗippig. Ag uɗieg, Nug ag ouɗi nau lamadkkulagnu, Nug oɗe oh, aria keeke nau danab ah beɗulag heeg nauhom ele bappaladkkulagnu ɠagattag mattom. 2Nug totol danab 12 ɠagattag anam mattom amu, ag onilag am inam. Tatam am Saimon, amu Jesus Nug onig laa, Pita ataɗom. Laa amu Andru, nug Pita ele aa am eamag. Aɗit laa am Sebedi bekoɗ, Jems Jon ele. 3⌊Laa oh am,⌋ Pilip, Bartolomyu, Tomas, Matyu ele; Matyu nug am takis awak danab. Aria, Alpius bekka Jems, Tadius, 4Saimon, nug am Selot, amu Judas, Iskariot ted ele. Nug Jesus kekeɗ eppelagppa meum.
5Jesus Nug totol danab 12 amu maatte, gokkulagnu daaegeg, Nug nai matta aum. “Ag gona, iitta aɗi dilagppa, amu Samaria dilagppa ele aib goppig. 6Iitta. Ag Israel buɗub, ag am sipsip padal meppig oitteb bia oitteb amu, ahilagppa ukkeg! 7Ag gonana amu, ag inam mehuqna aeg! ‘Kayaknu ɗo maɗoɗ miag doum daatte,’ aon aig! 8Ag gona, oɗe danab bappaladnana, danab mauhppig maɗattanna, danab gaɗalag oɗe nau ele bappaladppeg, ena daappeg, amu ag ouɗi nau ele lamatteg! Keeke ag aoppig amu, ag daden mena ii aoppig, ag hamu aoppig amunu, ag hamu, daden iitta, ag matteg! 9-10Uɗat nid nug uɗat nuhig amuppa nug ee, keeke laala ele aotte amunu, ag gokkulagnu dabmenana, ⌊ag gemu aɗi aɗattem am elele doon,⌋ ag gol, silwa, bras, amu oiyaknu battam, lamen nakok elab laa, baelag gaɗa, amu dudqak hokkat ele aib aoppig,” awa aum.
11Nug anam ana, Nug baula aum. “Ag gona, aab laappa o aab nakok laappa tena amu, ag neegna autna aona, danab ena tutukku aab amuppan anidna amu, nug eleib daanna, ukkaknu haen beeb, ag ahan ukkeg! 12Ag lag ooppa nona amu, ag lag amunu danab ah itittak ena matteg! 13Ag itadna, lag amuppan danab itittak ena amu aoglagnu elele daatteb dayeb, ag itittak ena ahilagppa uuppeg dayaɗ! Amge ag amu aoglagnu elele iitta daatteb dayeb, ag eɗun aweg! 14Amu laa ag ag ele laippu dayaknu oolagppa eleleib ii dootteb dayeb, nai ahilag ele ii dooppeg, haen ag ahan lag o aab amu uunna amu, ag baelkadppanu gappud amu heppeg naɗ! 15Da genab ag amelagppa attem; epeɗiak haen okkaippa Sodom, Gomora ele aa nob nau aoglah, amge aab amuam nob amu eɗittak aokku.
Uug digdig bekku
16Doyeg, da ag maatti, ag sipsip wulp oolagppa gotteb bia gotteb amunu, ag dabmak tutukkunab aona, keeke heig! Amu ele ag keeke oh qinonob henana, kobol nau laa hekkulagnu aib dabmeppig. 17Ag dahilad amu, ag wan imuppan danab dilag dabmeig! Danab laa amu ag ag hettoɗiakppa maadna, nai doyak lag ooppa bu qaun eleppa eheɗ mataɗadkkulag. 18Da onil ahilagppa daatte amunu, ag ag diiadna, gawana, king ele eppelagppa maadppeg, ag hettoɗiadkkulag. Hettoɗiadppeg amu, ag haen amuppa dahilnu ag amelagppa mehuqna, iitta aɗi noolagppa ele mattiglag. 19Geha wan imuppan danab ag ag aɗualadna hettoɗiakppa maadppeg amu, ag haen amuppa aɗi akkulagnu, ib attenppa mattiglagnu ele dabmak huan aib aoppig. Iitta. Haen amuppaib Kayak Nug ag nai akkulagnu ippunadkku. 20Amuppa ag nai ii mehuqmana. Iitta. Ag Mamelagnu Ouɗi Nug ag oɗelagppa nai mehuqkku,” awa aum.
21Nug nai amu ana amu, Nug nai baula tuɗitta aum. “Haen amuppa danab laa nug awag o nug amag mauhkkunu kekeɗ eppelagppa mekku. O danab laa nug bekka, nuhigppa anam hekku. Nid naunau ag ele eɗun anilkad mamelkad mauhkkulagnu geɗadna, kekeɗ eppelagppa maadkkulag. 22Da onil ahilagppa daatte amunu, danab oh ag oolagppa ahilagnu nau ninig ele dooglag, amge laa nug ɠagattag dayebeb ukkeb, keeke oh ba maleb, haen amuppa ele nug ɠagattag daakku amu, nug padal ii mema. 23Amunu haen danab aab okkai laappanu ag eheɗ hadappeg amu, ag oolna, aab okkai laappa ukkeg! Da genab ag amelagppa attem, ag Israel oh dilagppa uɗat hena ii malappeg, Danab Bekkalag da, da eɗue uɗikkul.
24Amu ippunittak awak danab nug ippunittak danab nuhig ii eɗidtte. Aria, maɗi nid nug gumak danab nuhig ele ii eɗidtte. 25Amu danab ag ippunittak danab, nuhigppa aɗi hekkulag amu, ag nuhikkud ippunittak awak danab, ag amu dilagppa ele anamib hekkulag. Aria, danab ag gumak danab, nuhigppa aɗi hekkulag amu, ag nuhikkud maɗi nid, amu dilagppa ele anamib hekkulag. Danab ag lag mamegnu, ‘Nug am ouɗi nau ikkilag,’ appig dayeb amu, geha nuhikkud lag laippu amu, ag ahilagnu onig amunu nau eɗittak, onilkad naunab akkulag.
Jesus Nug nai digdig mattiom
26Amge ag amu dilag aib baɗappig. Keeke oh laa anidmanu tonak daatte am geha miag atikku. Ge, keeke oh lokkumak daatte ele, Kayak Nug heeb, danab ag anidkkulag. 27Amu nai da tuqan madittem amu, ag amunppa mehuqnana, nai ag otiptip-ppa dootteb amu, ag lag koɗokko uɗem ukkakppa hippaidna daanna, enan mehuqeg! 28Laa ag beɗulag aakkuib qekkulagnu elele, ag dottolag qekkulagnu elele iitta amu, ag amu dilag aib baɗappig. Iitta. Laa nug beɗulag, dottolag ele oh heeb, padal mak abenppa padal mekkulahnu elele amu, ag nuhignu baɗeg! 29Ag dootteb, danab ag ai naunau aɗit men doɗo nagnagppa daden metteb, amge ag Mamelag Nug ai amunu laa wanppa na qekkunu dabmaknab ii aotte dayeb amu, laa ii na qette. 30Laa ele amu, ag Mamelag, Nug ag ikkilag uɗug oh ebaqa malom 31amunu, ag aib baɗappig. Ag ai naunau kuɗum, ag amu dilag daden oh eɗadna malappig.
32Danab laa nug dahilnu daatte danab ah amelagppa akku dayeb amu, geha da, da ele danab amunu, ‘Nug dahilnu daatte,’ hab aabppa da Mamel amegppa akkul. 33Amge danab nug danab ah noolagppa da dimeɗatte amu, da ele danab amu Mama, Nug hab attan daatte, da Nug noobppa dimedakkul. 34-35Da uɗimi amunu, wanppa maɗoɗib daakkunu aib dabmeppig. Da uɗimi amunu, maɗoɗib ii daama. Iitta. Qep aeg ele keeke oppate, laih laih daattep, amubia da uɗimi amunu, danab bekka nug mameg ele dabmak laippu iitta, bekka nug mameg ele aa oolah laippu iitta daaglah. Anig nug aɗeg ele aa dabmak laippu iitta, aɗeg nug anig ele aa oolah laippu iitta daaglah. Ahipa bau nug ahipa kaino ele dabmak laippu iitta, ahipa bau, ahipa kaino ele aa oolah laippu iitta daaglah. 36Danabnu kekeɗ ag nug baekkudppan danab ah daaglag.
37Amu danab nug anig mameg ele dilah oo mauhtte, amge dahilnu oo huanak ii mauhtte amu, nug da layal iitta. Amu ele, danab nug bekka aɗeg ele dilah oo mauhtte, amge dahilnu oo huanak ii mauhtte amu, nug am da layal iitta. 38Laa ele, danab nug nuhig ad emaitak awa, da dim ii lamiɗtte, nug da layal iitta. 39Danab nug wanppanu bau dayak maditte ele amu, nug iitta mekku, amge laa nug dahilnu dabma, nug beɗunu bau mak kakidtte amu, nug genab bauklel anidkku.
40Danab nug ag oo matta humadtte amu, nug da oo meɗa humiɗtte. Laa nug da oo meɗa humiɗtte amu, nug Mama, Nug da meiɗe uɗimi ele, nug Nug oo metta humidtte. 41Danab nug Kayaknu propet laa antta, nug am propet, diig amunu nug oo metta humidtte amu, danab amu nug propet dilag nob ena ele aokku. Am danab nug genab tutukku hak danab laa antta, nug am genab tutukku hak danab, diig amunu nug oo metta humidtte amu, nug genab tutukku hak danab dilag nob ena ele aokku. 42Amu danab laa nug danab hamu onig iitta laa anidtte, amge danab hamu onig iitta amu nug da dim lamiɗtte amunu, danab laa amu nug danab onig iitta ehanitta, nug le ougib kap-ppa medatte amu, da genab ag amelagppa attem, Kayak Nug danab amu nob ena medakku. Nug daug iinab atima,” awa aum.
Currently Selected:
Matyu 10: NB
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Matyu 10
10
Ippunittak awak danab 12 onilag
1Deɗ laa Jesus Nug nuhikkud ippunittak awak danab 12 onilagppa e, ag Nug gumidna uɗippig. Ag uɗieg, Nug ag ouɗi nau lamadkkulagnu, Nug oɗe oh, aria keeke nau danab ah beɗulag heeg nauhom ele bappaladkkulagnu ɠagattag mattom. 2Nug totol danab 12 ɠagattag anam mattom amu, ag onilag am inam. Tatam am Saimon, amu Jesus Nug onig laa, Pita ataɗom. Laa amu Andru, nug Pita ele aa am eamag. Aɗit laa am Sebedi bekoɗ, Jems Jon ele. 3⌊Laa oh am,⌋ Pilip, Bartolomyu, Tomas, Matyu ele; Matyu nug am takis awak danab. Aria, Alpius bekka Jems, Tadius, 4Saimon, nug am Selot, amu Judas, Iskariot ted ele. Nug Jesus kekeɗ eppelagppa meum.
5Jesus Nug totol danab 12 amu maatte, gokkulagnu daaegeg, Nug nai matta aum. “Ag gona, iitta aɗi dilagppa, amu Samaria dilagppa ele aib goppig. 6Iitta. Ag Israel buɗub, ag am sipsip padal meppig oitteb bia oitteb amu, ahilagppa ukkeg! 7Ag gonana amu, ag inam mehuqna aeg! ‘Kayaknu ɗo maɗoɗ miag doum daatte,’ aon aig! 8Ag gona, oɗe danab bappaladnana, danab mauhppig maɗattanna, danab gaɗalag oɗe nau ele bappaladppeg, ena daappeg, amu ag ouɗi nau ele lamatteg! Keeke ag aoppig amu, ag daden mena ii aoppig, ag hamu aoppig amunu, ag hamu, daden iitta, ag matteg! 9-10Uɗat nid nug uɗat nuhig amuppa nug ee, keeke laala ele aotte amunu, ag gokkulagnu dabmenana, ⌊ag gemu aɗi aɗattem am elele doon,⌋ ag gol, silwa, bras, amu oiyaknu battam, lamen nakok elab laa, baelag gaɗa, amu dudqak hokkat ele aib aoppig,” awa aum.
11Nug anam ana, Nug baula aum. “Ag gona, aab laappa o aab nakok laappa tena amu, ag neegna autna aona, danab ena tutukku aab amuppan anidna amu, nug eleib daanna, ukkaknu haen beeb, ag ahan ukkeg! 12Ag lag ooppa nona amu, ag lag amunu danab ah itittak ena matteg! 13Ag itadna, lag amuppan danab itittak ena amu aoglagnu elele daatteb dayeb, ag itittak ena ahilagppa uuppeg dayaɗ! Amge ag amu aoglagnu elele iitta daatteb dayeb, ag eɗun aweg! 14Amu laa ag ag ele laippu dayaknu oolagppa eleleib ii dootteb dayeb, nai ahilag ele ii dooppeg, haen ag ahan lag o aab amu uunna amu, ag baelkadppanu gappud amu heppeg naɗ! 15Da genab ag amelagppa attem; epeɗiak haen okkaippa Sodom, Gomora ele aa nob nau aoglah, amge aab amuam nob amu eɗittak aokku.
Uug digdig bekku
16Doyeg, da ag maatti, ag sipsip wulp oolagppa gotteb bia gotteb amunu, ag dabmak tutukkunab aona, keeke heig! Amu ele ag keeke oh qinonob henana, kobol nau laa hekkulagnu aib dabmeppig. 17Ag dahilad amu, ag wan imuppan danab dilag dabmeig! Danab laa amu ag ag hettoɗiakppa maadna, nai doyak lag ooppa bu qaun eleppa eheɗ mataɗadkkulag. 18Da onil ahilagppa daatte amunu, ag ag diiadna, gawana, king ele eppelagppa maadppeg, ag hettoɗiadkkulag. Hettoɗiadppeg amu, ag haen amuppa dahilnu ag amelagppa mehuqna, iitta aɗi noolagppa ele mattiglag. 19Geha wan imuppan danab ag ag aɗualadna hettoɗiakppa maadppeg amu, ag haen amuppa aɗi akkulagnu, ib attenppa mattiglagnu ele dabmak huan aib aoppig. Iitta. Haen amuppaib Kayak Nug ag nai akkulagnu ippunadkku. 20Amuppa ag nai ii mehuqmana. Iitta. Ag Mamelagnu Ouɗi Nug ag oɗelagppa nai mehuqkku,” awa aum.
21Nug nai amu ana amu, Nug nai baula tuɗitta aum. “Haen amuppa danab laa nug awag o nug amag mauhkkunu kekeɗ eppelagppa mekku. O danab laa nug bekka, nuhigppa anam hekku. Nid naunau ag ele eɗun anilkad mamelkad mauhkkulagnu geɗadna, kekeɗ eppelagppa maadkkulag. 22Da onil ahilagppa daatte amunu, danab oh ag oolagppa ahilagnu nau ninig ele dooglag, amge laa nug ɠagattag dayebeb ukkeb, keeke oh ba maleb, haen amuppa ele nug ɠagattag daakku amu, nug padal ii mema. 23Amunu haen danab aab okkai laappanu ag eheɗ hadappeg amu, ag oolna, aab okkai laappa ukkeg! Da genab ag amelagppa attem, ag Israel oh dilagppa uɗat hena ii malappeg, Danab Bekkalag da, da eɗue uɗikkul.
24Amu ippunittak awak danab nug ippunittak danab nuhig ii eɗidtte. Aria, maɗi nid nug gumak danab nuhig ele ii eɗidtte. 25Amu danab ag ippunittak danab, nuhigppa aɗi hekkulag amu, ag nuhikkud ippunittak awak danab, ag amu dilagppa ele anamib hekkulag. Aria, danab ag gumak danab, nuhigppa aɗi hekkulag amu, ag nuhikkud maɗi nid, amu dilagppa ele anamib hekkulag. Danab ag lag mamegnu, ‘Nug am ouɗi nau ikkilag,’ appig dayeb amu, geha nuhikkud lag laippu amu, ag ahilagnu onig amunu nau eɗittak, onilkad naunab akkulag.
Jesus Nug nai digdig mattiom
26Amge ag amu dilag aib baɗappig. Keeke oh laa anidmanu tonak daatte am geha miag atikku. Ge, keeke oh lokkumak daatte ele, Kayak Nug heeb, danab ag anidkkulag. 27Amu nai da tuqan madittem amu, ag amunppa mehuqnana, nai ag otiptip-ppa dootteb amu, ag lag koɗokko uɗem ukkakppa hippaidna daanna, enan mehuqeg! 28Laa ag beɗulag aakkuib qekkulagnu elele, ag dottolag qekkulagnu elele iitta amu, ag amu dilag aib baɗappig. Iitta. Laa nug beɗulag, dottolag ele oh heeb, padal mak abenppa padal mekkulahnu elele amu, ag nuhignu baɗeg! 29Ag dootteb, danab ag ai naunau aɗit men doɗo nagnagppa daden metteb, amge ag Mamelag Nug ai amunu laa wanppa na qekkunu dabmaknab ii aotte dayeb amu, laa ii na qette. 30Laa ele amu, ag Mamelag, Nug ag ikkilag uɗug oh ebaqa malom 31amunu, ag aib baɗappig. Ag ai naunau kuɗum, ag amu dilag daden oh eɗadna malappig.
32Danab laa nug dahilnu daatte danab ah amelagppa akku dayeb amu, geha da, da ele danab amunu, ‘Nug dahilnu daatte,’ hab aabppa da Mamel amegppa akkul. 33Amge danab nug danab ah noolagppa da dimeɗatte amu, da ele danab amu Mama, Nug hab attan daatte, da Nug noobppa dimedakkul. 34-35Da uɗimi amunu, wanppa maɗoɗib daakkunu aib dabmeppig. Da uɗimi amunu, maɗoɗib ii daama. Iitta. Qep aeg ele keeke oppate, laih laih daattep, amubia da uɗimi amunu, danab bekka nug mameg ele dabmak laippu iitta, bekka nug mameg ele aa oolah laippu iitta daaglah. Anig nug aɗeg ele aa dabmak laippu iitta, aɗeg nug anig ele aa oolah laippu iitta daaglah. Ahipa bau nug ahipa kaino ele dabmak laippu iitta, ahipa bau, ahipa kaino ele aa oolah laippu iitta daaglah. 36Danabnu kekeɗ ag nug baekkudppan danab ah daaglag.
37Amu danab nug anig mameg ele dilah oo mauhtte, amge dahilnu oo huanak ii mauhtte amu, nug da layal iitta. Amu ele, danab nug bekka aɗeg ele dilah oo mauhtte, amge dahilnu oo huanak ii mauhtte amu, nug am da layal iitta. 38Laa ele, danab nug nuhig ad emaitak awa, da dim ii lamiɗtte, nug da layal iitta. 39Danab nug wanppanu bau dayak maditte ele amu, nug iitta mekku, amge laa nug dahilnu dabma, nug beɗunu bau mak kakidtte amu, nug genab bauklel anidkku.
40Danab nug ag oo matta humadtte amu, nug da oo meɗa humiɗtte. Laa nug da oo meɗa humiɗtte amu, nug Mama, Nug da meiɗe uɗimi ele, nug Nug oo metta humidtte. 41Danab nug Kayaknu propet laa antta, nug am propet, diig amunu nug oo metta humidtte amu, danab amu nug propet dilag nob ena ele aokku. Am danab nug genab tutukku hak danab laa antta, nug am genab tutukku hak danab, diig amunu nug oo metta humidtte amu, nug genab tutukku hak danab dilag nob ena ele aokku. 42Amu danab laa nug danab hamu onig iitta laa anidtte, amge danab hamu onig iitta amu nug da dim lamiɗtte amunu, danab laa amu nug danab onig iitta ehanitta, nug le ougib kap-ppa medatte amu, da genab ag amelagppa attem, Kayak Nug danab amu nob ena medakku. Nug daug iinab atima,” awa aum.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.