Lewitikas 13
13
Gaɗa oɗe elenu nai
1Amu Yawe Nug Moses, Aron ele amelahppa aum. 2“Aun laa nug gaɗappa aeg bakte, o iitta aegeg bakte, iitta gaɗappa hekkaɗa bak elete, amuppa gaɗa oɗe nau bekkunu elele daatte dayeb amu, ag aon, mana mettak danab Aron, o iitta nug bekka aun laa nug mana mettak danab daatte, ag nug gumidna wakkulagoitte. 3Anam heppeg, mana mettak danab nug danab amu gaɗappa aɗi uug daatte, nug aben amu pehetta itala anidkku. Amu uɗig, gaɗappa uug daatteppa am hakkab eppak daappeg, gaɗappan uug am tebuppa noak dayeb antta amu, amuam gaɗa oɗe nau ele. Amu mana mettak danab nug danab amu nug Kayak ele ouqa dayaknu elele iitta akku. 4Amge gaɗappa otultul nak daatteppa, aben amuam hakkab daakku, me gaɗa oɗe metta tebuppa ii noak dayeb, uɗig aben amuppa daatteb am hakkab ii eppak dayeb amu, mana mettak danab nug danab gaɗappa oɗe anam ele amu, nug deɗ eblaih aɗit ele laih awaitta, nukka daakkunu amegppa akku. 5Amu deɗ eblaih aɗitppa mana mettak danab nug amu eɗua, pehetta itala, gaɗappa uug daatte am baoliak laa iitta, beɗu laih ele ii awom antta amu, mana mettak danab nug amegppa baula deɗ eblaih aɗit ele laih awaitta, nukka daakkunu akku. 6Mana mettak danab nug deɗ eblaih aɗitppa amu nug baula danab amu pehetta itala anidkku. Amu mana mettak danab nug gaɗappa uug daatte, amuam amemɗiag awak tatam dayom bia gemu ii daatte, beɗu laih ele ii awom anidkku, am aegeg aakkuib doya, nug danab amu, nug Kayak ele ouqa dayaknu elele awa akku. Amuam gaɗappan aegeg hamu haen tutuib ba dayom. Amunu danab amu nug lamen nuhikkud ihalattowa, nug Kayak ele ouqa dayaknu elele daakku. 7Amge mana mettak danab nug danab amu itala antta, nug Kayak ele ouqa dayaknu elele aum, dimppa aegeg tuɗid ukkeb, beɗu laih ele aweb amu, laa aegeg ele nug eɗua mana mettak danab gumitta ukkeb, nug am gaɗa aegeg daatteppa baula pehetta itala anidkkunu gokkuoitte. 8Am mana mettak danab nug danab amu beɗuppa aegeg amu itala, aegeg am beɗu laih ele awom antta, nug danab amunu nug Kayak ele ouqa dayaknu elele iitta akku. Amuam gaɗa oɗe nau ele.
9Aun nug gaɗappa oɗe nau ele amu, ag nug omalna, mana mettak danab, nug danab amu beɗu pehetta itala anidkkunu gumidna gokkulagoitte. 10Amu mana mettak danab nug danab amu beɗuppa titiɗak laa dayeb, amuppa teppu miag atiak, gaɗappa tonak iitta ele, gaɗa uɗikkudppa appa hakkab eppak ele anidkku amu, 11amuam gaɗa oɗe nau ele aakku, amu mana mettak danab nug danab amu, nug Kayak ele ouqa dayaknu elele iitta akku. Amu mana mettak danab nug danab amu laih awaitta, nukka daakkunu amu eɗua ukka, gaɗappa ihi daatteppa pehetta itala anidkkunu amegppa ii ama. Aɗinu? Amuam miagib gaɗa oɗe nau ele aakku, amu danab amu nug Kayak ele ouqa dayaknu elele iitta amunu, nug eɗua dokkunu amegppa ii ama.
12Amu mana mettak danab nug laa pehetta itala, beɗu oh nug anidtte ele, igippan bata noa, baegppa noak gaɗappa oɗe beɗu oh tonatte anidkku dayeb, 13mana mettak danab nug gaɗa oɗe amuam genab beɗu oh awomte itala anidkkuoitte. Anam dayeb amu, mana mettak danab nug danab amu nug Kayak ele ouqa dayaknu elele akku. Aɗinu? Danab amu beɗu oh hakkab eppom amunu, nug Kayak ele ouqa dayaknu elele. 14Amge ihi ledotto nak ele bekku dayeb amu, mana mettak danab nug danab amu, nug Kayak ele ouqa dayaknu elele iitta, awa akku. 15Ihi leppu nak amuam mana mettak danab, danab amu nug am gaɗa oɗe nau ele ippunidtte amunu, mana mettak danab nug haen amuppanab danab beɗuppa anam ele antta amu, nug Kayak ele ouqa dayaknu elele iitta awa akku. 16Amge, ihi ledotto nak ele amu eɗua, hakkab eppeb, danab amu nug eɗua, mana mettak danab gumitta gokkuoitte. 17Am nug ukkeb, mana mettak danab nug gaɗappa ihi daatte amu pehetta antta, ihi amu genab hakkab eppom anidkku amu, danab amu nug aakku Kayak ele ouqa dayaknu elele akku. Nug Kayak ele ouqa dayaknu elele daakku.
18Laa nug beɗuppa mamattin ele, amu mamattin amu qaɗaiedakku, 19amge dimppa aben amuam titiɗa, hakkab eppeb, o iitta otultul nak amuam hakkab, kokoɗ ele bekku dayeb amu, danab amu nug mana mettak danab pehetta itala anidkkunu gumitta ukkeb anidkkuoitte. 20Am mana mettak danab nug mamattin amegppa gaɗa oɗe amu ba, tebuppa noak dayeb anitta, beɗu uɗig gaɗa oɗe abenppa am hakkab eppa ukkak anidkku dayeb amu, mana mettak danab nug danab amu nug Kayak ele ouqa dayaknu elele iitta awa akku. Amuam gaɗa oɗe nau ele aakku. Amuam mamattin qakppa beum. 21Amge mana mettak danab nug danab gaɗappa mamattin amegppa gaɗa oɗeppa amu uɗig hakkab ii anidkku, gaɗa oɗe amuam tebuppa noak iitta, amemɗiag awak tatam dayom bia gemu ii daatte ele anidkku dayeb amu, mana mettak danab nug danab anam ele amegppa deɗ eblaih aɗit ele laih awaitta, nukka daakkunu akku. 22Amu haen amuppa, gaɗa oɗe amuam beɗu laa ele awom dayeb amu, mana mettak danab nug danab amu nug Kayak ele ouqa dayaknu elele iitta akku. Amuam gaɗa oɗe nau ele aakku. 23Am otultul nak amu okkai ii ma, beɗu laih ii awom dayeb amu, amuam mamattin duɗupa aakkuib amunu, mana mettak danab nug danab amu nug Kayak ele ouqa dayaknu elele akku.
24Am laa nug gaɗa mana ukkak amu, manak aben amuam titiɗa, hakkab eppeb, o iitta otultul nak amuam hakkab, kokoɗ ele bekku dayeb, 25mana mettak danab nug pehetta itala anidkkuoitte. Am beɗu uɗig otultul nak amuppa daatteb am hakkab ebappig, otultul nak amuam tebuppa noak daatte anidkku dayeb amu, amuam gaɗa oɗe nau ele, gaɗa mana ukkakppan beum. Mana mettak danab nug danab amu nug Kayak ele ouqa dayaknu elele iitta akku. Amuam gaɗa oɗe nau ele. 26Amge mana mettak danab nug otultul nak amuppa beɗu uɗig hakkab ii eppak daatteb, teppu ooppa ii noak, amemɗiag awak tatam dayom bia gemu ii daatte ele anidkku dayeb amu, mana mettak danab nug danab nug gaɗa mana ukkak ele amu, nug deɗ eblaih aɗit ele awaitta, laih nukka daakkunu amegppa akku. 27Am deɗ eblaih aɗitppa mana mettak danab nug pehetta itala antta, nug otultul nak amuam beɗu laih ele awom anidkku dayeb amu, nug danab amu nug Kayak ele ouqa dayaknu elele iitta akku. Amuam gaɗa oɗe nau ele aakku. 28Amge otultul nak amu beɗu laih ele ii awom, dayom anamib aakku daatte, amemɗiag awak tatam dayom bia gemu ii daatte amu, amuam beɗu gaɗa manaknu titiɗak, gaɗa manakppan bak. Mana mettak danab nug danab amu nug Kayak ele ouqa dayaknu elele akku. Aɗinu? Amuam gaɗa manaknu duɗupa.
29Am aun laa, danabte, iitta ahte laa, nug gaɗappa oɗe laa igippate, iitta akkabɗuppate ele amu, 30mana mettak danab nug gaɗa oɗe amu pehetta itala anidkkuoitte. Gaɗa oɗe amu teppu ooppa noak, gaɗa uɗig lanlan, teppu iitta ele gaɗa oɗe daatteppa daatteb anidkku dayeb amu, mana mettak danab nug danab amu nug Kayak ele ouqa dayaknu elele iitta akku. Amuam gaɗappa nahig qak oɗe; am gaɗa oɗe nau ele aakku igippate, iitta akkabɗuppate beum. 31Amge mana mettak danab nug gaɗappa nahig qak oɗe amu pehetta itala antta, nug gaɗa oɗe amuam tebuppa noak iitta, gaɗa oɗeppa uɗig hinqak laa ii anidkku dayeb amu, nug danab amu deɗ eblaih aɗit ele awaittak, laih nukka daakkunu amegppa akku. 32Am deɗ eblaih aɗitppa amu, mana mettak danab nug gaɗa oɗe amu pehettak itala, gaɗa oɗe amuam beɗu laih ii awom, appa uɗig lanlan ii eppak, gaɗa oɗe amu teppu ooppa ii noak anidkku dayeb amu, 33danab gaɗa oɗe ele nug beɗu uɗig oh hoiya, oɗe daatteppa aakkuib amu ii hoikkuoitte. Am mana mettak danab nug danab amu awaitta, laih nukka deɗ eblaih aɗit baula daakkunu amegppa akku. 34Amu deɗ eblaih aɗitppa amu, nug eɗua, danab amu gaɗa nahig qak oɗe ele, nug oɗe amu pehettak italkku. Am gaɗa oɗe amu beɗu laa ii awom, teppu ooppa ii noak anidkku dayeb amu, mana mettak danab nug Kayak ele ouqa dayaknu elele awa akku. Danab amu nug lamen nuhig mihaladkkuoitte. Nug amu ha maleb amu, nug aakku Kayak ele ouqa dayaknu elele. 35Amge mana mettak danab nug laa amegppa nug Kayak ele ouqa dayaknu elele aum, dimppa gaɗa oɗe amu beɗu laih aokku dayeb amu, 36mana mettak danab nug baula pehetta itala anidkkuoitte. Am gaɗappa nahig qak oɗe amu beɗu laih awom dayeb amu, nug Kayak ele ouqa dayaknu elele iitta awa akku. Nug tatam beɗu uɗig lanlan daattete, o iittate, nug amu ii mattima. Iitta. Danab amu gaɗa oɗe beɗu laih laa awom; danab amu nug Kayak ele ouqa dayaknu elele iitta. 37Amge mana mettak danab nug nuhig neekkakppa, nug gaɗa oɗe amu beɗu laih ii awom, beɗu uɗig ele appa am hinqak beppig anidkku dayeb amu, gaɗa oɗe amuam aakku malom. Nug Kayak ele ouqa dayaknu elele, amu mana mettak danab nug amu antta, nug danab amu, nug aakku Kayak ele ouqa dayaknu elele akku.
38Am aun laa, danabte, iitta ahte laa nug beɗuppa hekkaɗa bak hakkab ele daakku dayeb amu, 39mana mettak danab nug danab o ah beɗuppa anam ele pehetta itala anidkkuoitte. Am gaɗappa hekkaɗa bak amuam hakkab, amge hakkabnab, amemɗiak ele iitta daatte dayeb, amuam gaɗappan aegeg hamu aakkuib, uug laa iitta amunu, danab amu nug Kayak ele ouqa dayaknu elele daakku.
40Am danab laa nug ikki uɗug tataɗeb ukkeb, bikkab nekku dayeb amu, nug am Kayak ele ouqa dayaknu elele daatte. 41Am nug ikki uɗug uɗappan tataɗe gotte amu, nug hogokki ele; nug Kayak ele ouqa dayaknu elele daatte. 42Amu amge, gaɗa oɗe laa hakkab, kokoɗ ele nug qeqeɗippa o uɗappa bette, amuam gaɗa oɗe nau ele aakku ⌊tai⌋. 43Mana mettak danab nug gaɗa oɗe amu pehetta itala anidkkuoitte. Amu nug gaɗa oɗe titiɗak ele, amuppa kokoɗ, hakkab ele eppak uɗappa o qeqeɗippa gaɗa oɗe nau ele bia anidkku dayeb amu, 44danab amu nug gaɗa oɗe nau ele, nug am Kayak ele ouqa dayaknu elele iitta. Danab amu nug am gaɗa oɗe nau ele amunu, mana mettak danab nug danab amu nug Kayak ele ouqa dayaknu elele iitta awa akku. Otultul nak amuam gaɗa oɗe nau ele aakku.
45Aun aɗi ag beɗulagppa gaɗa oɗe nau ele amu, ag lamen ahilkad pattiɗadna, uuppeg anam daappeg, ikkilkad uɗug ii qemana, ag iɗulkad noolkadppanu ukka akkabɗulkadppa batak lamenppa tonaglagoitte. Ag anam henana, ag enan akkulag. ‘Da Kayak ele ouqeɗa daagnihnu elele iitta! Da Kayak ele ouqeɗa daagnihnu elele iitta!’ ena akkulag. 46Am gaɗa oɗe nau ele nug beɗuppa daatte, amunu haen oh nug anam daakku, haen amu oh nug Kayak ele ouqeya daaglahnu elele iitta amunu, nug aakku haen tutu dayaknu aab kalak amu dimittim daakkuoitte.
Lamen gi qak elenu nai
47-49Lamennu amu, lamen laa eppegppa, o masinppa sipsip uɗigppa, o linenppa akkak, o doɗ gaɗa hamu, o aɗi keeke doɗ gaɗappa hak amu, amu oh oolagppan laappa kaala grin, o kaala kokoɗ laihppa bekku dayeb amu, amuam gi laa. Amu gi amuam gaɗa oɗe nau biatai amunu, laa nug mana mettak danab pehetta itala anidkkunu awa ukka, ippunidkkuoitte. 50Mana mettak danab nug keeke amuppa nauhak daatte aben antta malak, dimppa nug keeke amu aben laih deɗ eblaih aɗit ele daakkunu mekku. 51Haen amu ukkeb, deɗ eblaih aɗitppa amu, mana mettak danab nug pehetta itala anidkkuoitte; amuam nug lamen hamu masinppa o eppegppa akkak, o lamen takkaknu amuppanu hak, o aɗi keeke doɗ gaɗappa hak, amuppa uug beum, nug amu italkku. Nug itala, nug keeke nauhak amu, am okkai mak anidkku dayeb, amuam gi, gaɗa oɗe nau bia lamen keeke, amuppa beum, amu Kayaknu neekkakppa dubuttid ele daatte. 52Gi, gaɗa oɗe nau bia linen lamen eppegppa, o masinppa akkak, o sipsip uɗig lamen eppegppa, o masinppa akkak, o doɗ gaɗa hamu, o keeke amuppa hak, amu amuppa aakku daatte amunu, mana mettak danab nug maneb eokkuoitte. Keeke amu aab nug eweb, iitta ma auta aokkuoitte.
53Amge deɗ eblaih aɗitppa amu, mana mettak danab nug lamen eppegppa akkak, o masinppa akkak, o doɗ gaɗappa nauhak daatte, amu nauhak amu pehetta itala, naɗi ii meum anidkku dayeb, 54mana mettak danab nug keeke amunu mameg nug keeke amu ihakkununab ab, nug iheb, mana mettak danab nug awaitta meeb, deɗ eblaih aɗit ele baula anam daakku. 55Dayebeb amu, mana mettak danab nug baula pehetta itala anidkkuoitte. Amu nug ihak dimppa, keeke amuppa, gi okkai ii mekkutai, amge neekkakppa baoliak laa ele iitta daakku dayeb amu, keeke amuam Kayaknu neekkakppa dubuttid ele daakku. Keeke amu manappeg ewa iitta ma auta aokkuoitte. Gi, gaɗa oɗe nau bia lamen, o keeke amuppa laihtai daakku, o iitta laihppatai daakku, amuam keeke hamu. Ag manappeg, ewa iitta ma auta aokku.
56Amge mana mettak danab nug ihak dimppa keeke amuppa gi daatteppa am, qaɗaietta ukka, miag atiak ii daatte anidkku dayeb amu, nug lamenppa, keeke aɗippa, o doɗ gaɗappa gi daatte amu otaɗeb gokku. 57Amge gi amu lamenppa eppegppa, o masinppa akkak, o doɗ gaɗa hamu, o keeke amuppa hak am eɗua beeb amu, amuam gi, gaɗa oɗe nau bia aakku amunu, ag lamen, o aɗi keeke amuam manappeg ewa iitta mekkuoitte. 58Amu lamen amu, o keeke doɗ gaɗappa hak amu ihak dimppa gi iitta daatte dayeb amu, mameg nug baula ihaknu daatte. Baula iheb am, keeke amuam Kayaknu neekkakppa dubuttid iitta daakku.
59Amuam gi, gaɗa oɗe nau bia lamen sipsip uɗigppa, o linenppa eppegppa, o masinppa akkak, o keeke laa doɗ gaɗappa hak, amuppa gi dayebeb amu, mana mettak danab nug aɗi keeke Kayaknu neekkakppa dubuttid iitta ele dayaknu, o Kayaknu neekkakppa dubuttid ele daakkunu anak ippu aakku.” Yawe Nug Moses, Aron ele amelahppa anam aum.
Currently Selected:
Lewitikas 13: NB
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Lewitikas 13
13
Gaɗa oɗe elenu nai
1Amu Yawe Nug Moses, Aron ele amelahppa aum. 2“Aun laa nug gaɗappa aeg bakte, o iitta aegeg bakte, iitta gaɗappa hekkaɗa bak elete, amuppa gaɗa oɗe nau bekkunu elele daatte dayeb amu, ag aon, mana mettak danab Aron, o iitta nug bekka aun laa nug mana mettak danab daatte, ag nug gumidna wakkulagoitte. 3Anam heppeg, mana mettak danab nug danab amu gaɗappa aɗi uug daatte, nug aben amu pehetta itala anidkku. Amu uɗig, gaɗappa uug daatteppa am hakkab eppak daappeg, gaɗappan uug am tebuppa noak dayeb antta amu, amuam gaɗa oɗe nau ele. Amu mana mettak danab nug danab amu nug Kayak ele ouqa dayaknu elele iitta akku. 4Amge gaɗappa otultul nak daatteppa, aben amuam hakkab daakku, me gaɗa oɗe metta tebuppa ii noak dayeb, uɗig aben amuppa daatteb am hakkab ii eppak dayeb amu, mana mettak danab nug danab gaɗappa oɗe anam ele amu, nug deɗ eblaih aɗit ele laih awaitta, nukka daakkunu amegppa akku. 5Amu deɗ eblaih aɗitppa mana mettak danab nug amu eɗua, pehetta itala, gaɗappa uug daatte am baoliak laa iitta, beɗu laih ele ii awom antta amu, mana mettak danab nug amegppa baula deɗ eblaih aɗit ele laih awaitta, nukka daakkunu akku. 6Mana mettak danab nug deɗ eblaih aɗitppa amu nug baula danab amu pehetta itala anidkku. Amu mana mettak danab nug gaɗappa uug daatte, amuam amemɗiag awak tatam dayom bia gemu ii daatte, beɗu laih ele ii awom anidkku, am aegeg aakkuib doya, nug danab amu, nug Kayak ele ouqa dayaknu elele awa akku. Amuam gaɗappan aegeg hamu haen tutuib ba dayom. Amunu danab amu nug lamen nuhikkud ihalattowa, nug Kayak ele ouqa dayaknu elele daakku. 7Amge mana mettak danab nug danab amu itala antta, nug Kayak ele ouqa dayaknu elele aum, dimppa aegeg tuɗid ukkeb, beɗu laih ele aweb amu, laa aegeg ele nug eɗua mana mettak danab gumitta ukkeb, nug am gaɗa aegeg daatteppa baula pehetta itala anidkkunu gokkuoitte. 8Am mana mettak danab nug danab amu beɗuppa aegeg amu itala, aegeg am beɗu laih ele awom antta, nug danab amunu nug Kayak ele ouqa dayaknu elele iitta akku. Amuam gaɗa oɗe nau ele.
9Aun nug gaɗappa oɗe nau ele amu, ag nug omalna, mana mettak danab, nug danab amu beɗu pehetta itala anidkkunu gumidna gokkulagoitte. 10Amu mana mettak danab nug danab amu beɗuppa titiɗak laa dayeb, amuppa teppu miag atiak, gaɗappa tonak iitta ele, gaɗa uɗikkudppa appa hakkab eppak ele anidkku amu, 11amuam gaɗa oɗe nau ele aakku, amu mana mettak danab nug danab amu, nug Kayak ele ouqa dayaknu elele iitta akku. Amu mana mettak danab nug danab amu laih awaitta, nukka daakkunu amu eɗua ukka, gaɗappa ihi daatteppa pehetta itala anidkkunu amegppa ii ama. Aɗinu? Amuam miagib gaɗa oɗe nau ele aakku, amu danab amu nug Kayak ele ouqa dayaknu elele iitta amunu, nug eɗua dokkunu amegppa ii ama.
12Amu mana mettak danab nug laa pehetta itala, beɗu oh nug anidtte ele, igippan bata noa, baegppa noak gaɗappa oɗe beɗu oh tonatte anidkku dayeb, 13mana mettak danab nug gaɗa oɗe amuam genab beɗu oh awomte itala anidkkuoitte. Anam dayeb amu, mana mettak danab nug danab amu nug Kayak ele ouqa dayaknu elele akku. Aɗinu? Danab amu beɗu oh hakkab eppom amunu, nug Kayak ele ouqa dayaknu elele. 14Amge ihi ledotto nak ele bekku dayeb amu, mana mettak danab nug danab amu, nug Kayak ele ouqa dayaknu elele iitta, awa akku. 15Ihi leppu nak amuam mana mettak danab, danab amu nug am gaɗa oɗe nau ele ippunidtte amunu, mana mettak danab nug haen amuppanab danab beɗuppa anam ele antta amu, nug Kayak ele ouqa dayaknu elele iitta awa akku. 16Amge, ihi ledotto nak ele amu eɗua, hakkab eppeb, danab amu nug eɗua, mana mettak danab gumitta gokkuoitte. 17Am nug ukkeb, mana mettak danab nug gaɗappa ihi daatte amu pehetta antta, ihi amu genab hakkab eppom anidkku amu, danab amu nug aakku Kayak ele ouqa dayaknu elele akku. Nug Kayak ele ouqa dayaknu elele daakku.
18Laa nug beɗuppa mamattin ele, amu mamattin amu qaɗaiedakku, 19amge dimppa aben amuam titiɗa, hakkab eppeb, o iitta otultul nak amuam hakkab, kokoɗ ele bekku dayeb amu, danab amu nug mana mettak danab pehetta itala anidkkunu gumitta ukkeb anidkkuoitte. 20Am mana mettak danab nug mamattin amegppa gaɗa oɗe amu ba, tebuppa noak dayeb anitta, beɗu uɗig gaɗa oɗe abenppa am hakkab eppa ukkak anidkku dayeb amu, mana mettak danab nug danab amu nug Kayak ele ouqa dayaknu elele iitta awa akku. Amuam gaɗa oɗe nau ele aakku. Amuam mamattin qakppa beum. 21Amge mana mettak danab nug danab gaɗappa mamattin amegppa gaɗa oɗeppa amu uɗig hakkab ii anidkku, gaɗa oɗe amuam tebuppa noak iitta, amemɗiag awak tatam dayom bia gemu ii daatte ele anidkku dayeb amu, mana mettak danab nug danab anam ele amegppa deɗ eblaih aɗit ele laih awaitta, nukka daakkunu akku. 22Amu haen amuppa, gaɗa oɗe amuam beɗu laa ele awom dayeb amu, mana mettak danab nug danab amu nug Kayak ele ouqa dayaknu elele iitta akku. Amuam gaɗa oɗe nau ele aakku. 23Am otultul nak amu okkai ii ma, beɗu laih ii awom dayeb amu, amuam mamattin duɗupa aakkuib amunu, mana mettak danab nug danab amu nug Kayak ele ouqa dayaknu elele akku.
24Am laa nug gaɗa mana ukkak amu, manak aben amuam titiɗa, hakkab eppeb, o iitta otultul nak amuam hakkab, kokoɗ ele bekku dayeb, 25mana mettak danab nug pehetta itala anidkkuoitte. Am beɗu uɗig otultul nak amuppa daatteb am hakkab ebappig, otultul nak amuam tebuppa noak daatte anidkku dayeb amu, amuam gaɗa oɗe nau ele, gaɗa mana ukkakppan beum. Mana mettak danab nug danab amu nug Kayak ele ouqa dayaknu elele iitta akku. Amuam gaɗa oɗe nau ele. 26Amge mana mettak danab nug otultul nak amuppa beɗu uɗig hakkab ii eppak daatteb, teppu ooppa ii noak, amemɗiag awak tatam dayom bia gemu ii daatte ele anidkku dayeb amu, mana mettak danab nug danab nug gaɗa mana ukkak ele amu, nug deɗ eblaih aɗit ele awaitta, laih nukka daakkunu amegppa akku. 27Am deɗ eblaih aɗitppa mana mettak danab nug pehetta itala antta, nug otultul nak amuam beɗu laih ele awom anidkku dayeb amu, nug danab amu nug Kayak ele ouqa dayaknu elele iitta akku. Amuam gaɗa oɗe nau ele aakku. 28Amge otultul nak amu beɗu laih ele ii awom, dayom anamib aakku daatte, amemɗiag awak tatam dayom bia gemu ii daatte amu, amuam beɗu gaɗa manaknu titiɗak, gaɗa manakppan bak. Mana mettak danab nug danab amu nug Kayak ele ouqa dayaknu elele akku. Aɗinu? Amuam gaɗa manaknu duɗupa.
29Am aun laa, danabte, iitta ahte laa, nug gaɗappa oɗe laa igippate, iitta akkabɗuppate ele amu, 30mana mettak danab nug gaɗa oɗe amu pehetta itala anidkkuoitte. Gaɗa oɗe amu teppu ooppa noak, gaɗa uɗig lanlan, teppu iitta ele gaɗa oɗe daatteppa daatteb anidkku dayeb amu, mana mettak danab nug danab amu nug Kayak ele ouqa dayaknu elele iitta akku. Amuam gaɗappa nahig qak oɗe; am gaɗa oɗe nau ele aakku igippate, iitta akkabɗuppate beum. 31Amge mana mettak danab nug gaɗappa nahig qak oɗe amu pehetta itala antta, nug gaɗa oɗe amuam tebuppa noak iitta, gaɗa oɗeppa uɗig hinqak laa ii anidkku dayeb amu, nug danab amu deɗ eblaih aɗit ele awaittak, laih nukka daakkunu amegppa akku. 32Am deɗ eblaih aɗitppa amu, mana mettak danab nug gaɗa oɗe amu pehettak itala, gaɗa oɗe amuam beɗu laih ii awom, appa uɗig lanlan ii eppak, gaɗa oɗe amu teppu ooppa ii noak anidkku dayeb amu, 33danab gaɗa oɗe ele nug beɗu uɗig oh hoiya, oɗe daatteppa aakkuib amu ii hoikkuoitte. Am mana mettak danab nug danab amu awaitta, laih nukka deɗ eblaih aɗit baula daakkunu amegppa akku. 34Amu deɗ eblaih aɗitppa amu, nug eɗua, danab amu gaɗa nahig qak oɗe ele, nug oɗe amu pehettak italkku. Am gaɗa oɗe amu beɗu laa ii awom, teppu ooppa ii noak anidkku dayeb amu, mana mettak danab nug Kayak ele ouqa dayaknu elele awa akku. Danab amu nug lamen nuhig mihaladkkuoitte. Nug amu ha maleb amu, nug aakku Kayak ele ouqa dayaknu elele. 35Amge mana mettak danab nug laa amegppa nug Kayak ele ouqa dayaknu elele aum, dimppa gaɗa oɗe amu beɗu laih aokku dayeb amu, 36mana mettak danab nug baula pehetta itala anidkkuoitte. Am gaɗappa nahig qak oɗe amu beɗu laih awom dayeb amu, nug Kayak ele ouqa dayaknu elele iitta awa akku. Nug tatam beɗu uɗig lanlan daattete, o iittate, nug amu ii mattima. Iitta. Danab amu gaɗa oɗe beɗu laih laa awom; danab amu nug Kayak ele ouqa dayaknu elele iitta. 37Amge mana mettak danab nug nuhig neekkakppa, nug gaɗa oɗe amu beɗu laih ii awom, beɗu uɗig ele appa am hinqak beppig anidkku dayeb amu, gaɗa oɗe amuam aakku malom. Nug Kayak ele ouqa dayaknu elele, amu mana mettak danab nug amu antta, nug danab amu, nug aakku Kayak ele ouqa dayaknu elele akku.
38Am aun laa, danabte, iitta ahte laa nug beɗuppa hekkaɗa bak hakkab ele daakku dayeb amu, 39mana mettak danab nug danab o ah beɗuppa anam ele pehetta itala anidkkuoitte. Am gaɗappa hekkaɗa bak amuam hakkab, amge hakkabnab, amemɗiak ele iitta daatte dayeb, amuam gaɗappan aegeg hamu aakkuib, uug laa iitta amunu, danab amu nug Kayak ele ouqa dayaknu elele daakku.
40Am danab laa nug ikki uɗug tataɗeb ukkeb, bikkab nekku dayeb amu, nug am Kayak ele ouqa dayaknu elele daatte. 41Am nug ikki uɗug uɗappan tataɗe gotte amu, nug hogokki ele; nug Kayak ele ouqa dayaknu elele daatte. 42Amu amge, gaɗa oɗe laa hakkab, kokoɗ ele nug qeqeɗippa o uɗappa bette, amuam gaɗa oɗe nau ele aakku ⌊tai⌋. 43Mana mettak danab nug gaɗa oɗe amu pehetta itala anidkkuoitte. Amu nug gaɗa oɗe titiɗak ele, amuppa kokoɗ, hakkab ele eppak uɗappa o qeqeɗippa gaɗa oɗe nau ele bia anidkku dayeb amu, 44danab amu nug gaɗa oɗe nau ele, nug am Kayak ele ouqa dayaknu elele iitta. Danab amu nug am gaɗa oɗe nau ele amunu, mana mettak danab nug danab amu nug Kayak ele ouqa dayaknu elele iitta awa akku. Otultul nak amuam gaɗa oɗe nau ele aakku.
45Aun aɗi ag beɗulagppa gaɗa oɗe nau ele amu, ag lamen ahilkad pattiɗadna, uuppeg anam daappeg, ikkilkad uɗug ii qemana, ag iɗulkad noolkadppanu ukka akkabɗulkadppa batak lamenppa tonaglagoitte. Ag anam henana, ag enan akkulag. ‘Da Kayak ele ouqeɗa daagnihnu elele iitta! Da Kayak ele ouqeɗa daagnihnu elele iitta!’ ena akkulag. 46Am gaɗa oɗe nau ele nug beɗuppa daatte, amunu haen oh nug anam daakku, haen amu oh nug Kayak ele ouqeya daaglahnu elele iitta amunu, nug aakku haen tutu dayaknu aab kalak amu dimittim daakkuoitte.
Lamen gi qak elenu nai
47-49Lamennu amu, lamen laa eppegppa, o masinppa sipsip uɗigppa, o linenppa akkak, o doɗ gaɗa hamu, o aɗi keeke doɗ gaɗappa hak amu, amu oh oolagppan laappa kaala grin, o kaala kokoɗ laihppa bekku dayeb amu, amuam gi laa. Amu gi amuam gaɗa oɗe nau biatai amunu, laa nug mana mettak danab pehetta itala anidkkunu awa ukka, ippunidkkuoitte. 50Mana mettak danab nug keeke amuppa nauhak daatte aben antta malak, dimppa nug keeke amu aben laih deɗ eblaih aɗit ele daakkunu mekku. 51Haen amu ukkeb, deɗ eblaih aɗitppa amu, mana mettak danab nug pehetta itala anidkkuoitte; amuam nug lamen hamu masinppa o eppegppa akkak, o lamen takkaknu amuppanu hak, o aɗi keeke doɗ gaɗappa hak, amuppa uug beum, nug amu italkku. Nug itala, nug keeke nauhak amu, am okkai mak anidkku dayeb, amuam gi, gaɗa oɗe nau bia lamen keeke, amuppa beum, amu Kayaknu neekkakppa dubuttid ele daatte. 52Gi, gaɗa oɗe nau bia linen lamen eppegppa, o masinppa akkak, o sipsip uɗig lamen eppegppa, o masinppa akkak, o doɗ gaɗa hamu, o keeke amuppa hak, amu amuppa aakku daatte amunu, mana mettak danab nug maneb eokkuoitte. Keeke amu aab nug eweb, iitta ma auta aokkuoitte.
53Amge deɗ eblaih aɗitppa amu, mana mettak danab nug lamen eppegppa akkak, o masinppa akkak, o doɗ gaɗappa nauhak daatte, amu nauhak amu pehetta itala, naɗi ii meum anidkku dayeb, 54mana mettak danab nug keeke amunu mameg nug keeke amu ihakkununab ab, nug iheb, mana mettak danab nug awaitta meeb, deɗ eblaih aɗit ele baula anam daakku. 55Dayebeb amu, mana mettak danab nug baula pehetta itala anidkkuoitte. Amu nug ihak dimppa, keeke amuppa, gi okkai ii mekkutai, amge neekkakppa baoliak laa ele iitta daakku dayeb amu, keeke amuam Kayaknu neekkakppa dubuttid ele daakku. Keeke amu manappeg ewa iitta ma auta aokkuoitte. Gi, gaɗa oɗe nau bia lamen, o keeke amuppa laihtai daakku, o iitta laihppatai daakku, amuam keeke hamu. Ag manappeg, ewa iitta ma auta aokku.
56Amge mana mettak danab nug ihak dimppa keeke amuppa gi daatteppa am, qaɗaietta ukka, miag atiak ii daatte anidkku dayeb amu, nug lamenppa, keeke aɗippa, o doɗ gaɗappa gi daatte amu otaɗeb gokku. 57Amge gi amu lamenppa eppegppa, o masinppa akkak, o doɗ gaɗa hamu, o keeke amuppa hak am eɗua beeb amu, amuam gi, gaɗa oɗe nau bia aakku amunu, ag lamen, o aɗi keeke amuam manappeg ewa iitta mekkuoitte. 58Amu lamen amu, o keeke doɗ gaɗappa hak amu ihak dimppa gi iitta daatte dayeb amu, mameg nug baula ihaknu daatte. Baula iheb am, keeke amuam Kayaknu neekkakppa dubuttid iitta daakku.
59Amuam gi, gaɗa oɗe nau bia lamen sipsip uɗigppa, o linenppa eppegppa, o masinppa akkak, o keeke laa doɗ gaɗappa hak, amuppa gi dayebeb amu, mana mettak danab nug aɗi keeke Kayaknu neekkakppa dubuttid iitta ele dayaknu, o Kayaknu neekkakppa dubuttid ele daakkunu anak ippu aakku.” Yawe Nug Moses, Aron ele amelahppa anam aum.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.