Eksodas 25
25
Danab ah ag mettid haknu peh lagnu keeke mettaknu nai
1Aria, Moses nug anam te, Yawe nug amegppa inam aum. 2“Israel ag ofa laa ⌊dahil mettid haknu peh lag hekkulagnu⌋ da meɗaglagnu amelagppa appe doyeg! Am danab ah anen anen ag keeke da meɗaglagnu oolag hette amu, ag keeke amu na medappeg, na dahil gamag danab daanna, dahil keeke amu awe! 3Ofa amuppa keeke digdig ag da meɗaglagnu hena, na medappeg aokkut am inam: gol, silwa, bras, 4linen muɗi hakkab, linen muɗi kaala iɗu iɗu, am ed, perpel, kokoɗnab ele; aria, meeme uɗig, 5sipsip dawai gaɗa, laa ag heeg kokoɗ eppom daatte, kakai maoi gaɗa, plang ad akasianu, 6lam amotaknu goɗen olip meuppa hak, spais digdig laaittak goɗen babaittaknu, amu kalu danab ile muttuɗig enanag bette ele kaboliaknu, 7aria, men oniks, amu men digdig, daden nob okkainab laa ele. Men digdig amu, ag am lamen enanag-epod, amu momo tonaknu lamen eleppa qataqekkulagnu daaglag. Ag na keeke amu oh medappeg awe!
8Aria laa amu, na danab ah amelagppa appe, ag ⌊oolagppan danab ag uɗat amu haknu doon autna aotteb ele, ag⌋ dahil mettid haknu peh lag heppeg, am geha da ag oolagppa daakkul. 9Amu mettid haknu peh lag amu, keeke oh peh lag ooppanu ele, da na dottog ippunidkkul bianab na heppe, ag heig!” awa aum.
Tituanak Nainu Kunup
10Yawe Nug Moses amegppa anam anana, Nug nai tuɗitta aum. “Na heppe, ⌊uɗat nid amu⌋ ag ad akasia aon, kunup laa, elab nuhig am 110 sentimita, emaitak nuhig am 66 sentimita, amu attan nuhig am ele 66 sentimita hekkulag. 11Ag gol ena dubuttid iitta aona, Tituanak Nainu Kunup amu ooppa, dimittim ele gaɗa qaɗeppa meppeg toneb, gol laa ele aon, bala kunup taliliak daakkunu hena, kunup-ppa qataqena, talilidppeg ukkaɗ! 12Ag amu hewona, ag gol ring waɗele, kunup mawaknu ele hena, ag Tituanak Nainu Kunup baeg naunau waɗele amuppa qakkalatteg! Ag aɗit heqo laih qakkon, aɗit laa amu heqo laihppa qakkeg! 13Amu hewona, ag ad akasia tuqai aɗit Tituanak Nainu Kunup maoglagnu hoyatna, qaɗelah golppa tonateg! 14Ag anam tonatna, ag tuqai aɗit amu Tituanak Nainu Kunup mawa ukkaknu heqo laih laih, ring amu oɗeppa aɗualatppeg noiɗ! 15Tuqai aɗit amu hanhan anamib Tituanak Nainu Kunupnu ringppa daaglah, ag aib hiɗatppig! 16Aria, ag amu oh hewona, dimppa da geha men maha aɗit ɗo nai yaak niitte ele, da amu na medappi, na men aɗit amu Tituanak Nainu Kunup, na amu ooppa inate!
17Amu ag Tituanak Nainu Kunup amu anam hewona, ag nug ameg gol ena dubuttid iitta eleppa heig! Tituanak Nainu Kunup ameg amu, amuam eheɗ haknu nob nau tiigppa iitta me elele medatte ippunadtte. Elab nuhig am 110 sentimita, emaitak nuhig am 66 sentimita. 18Ag ameg amu henana, ag gol amu laa aon, hamappa qenana, ag engel okkai-kerubim aɗit, aa dottolah, ameg noob laih laih ele haateg! 19Haatppeg amu, laa amu Tituanak Nainu Kunup ameg noob laih hibaitta dayebeb, laa amu noob laih hibaitta dayaɗ! Aria, ag Tituanak Nainu Kunup ameg, kerubim aɗit dottolah ele golppa hak amu, ag keeke ewam am aib heppig. Iitta. Keeke hekkulagnu amu kunum, laippu aakkuib hekkulag. 20Kerubim aɗit dottolah amu, aa hippaidya, aa nug iɗu neekkidya daayya, aa haulah am otalpeɗ, Tituanak Nainu Kunup ameg daatte, amu nakok attan dayaɗ! 21Anam dayebeb, da na men maha aɗit ɗo nai yaak niitte ele amu, da na amu medappi, na Tituanak Nainu Kunup ooppa inatna, ameg qeppe dayaɗ! 22Ag amu oh heppeg amu, aria da Tituanak Nainu Kunup kontrak inak ele, da amu ameg attan, engel okkai-kerubim aɗit gamalahppa, da appa dayeye ⌊appi⌋, i oh qagmeɗa daagnih. I geha qagmeɗa, da ɗo nai dahil oh Israel dim lamidkkulagnu, da na amenppa mehuqkkul.
Bret Yawe noobppa maknu balal ⌊epeɗiaknab⌋, amunu nai
23Aria, ag balal ⌊epeɗiaknab laa⌋ ad akasiappa ele heig! Elab nuhig am 88 sentimita, emaitak nuhig am 44 sentimita, amu attan nuhig am 66 sentimita. 24Ag balal ⌊epeɗiaknab⌋ amu adppa anam hewona, ag gol ena dubuttid iitta ele aona, balal amu qaɗeppa meppeg toneb, gol laa ele aon, bala balal amu taliliak daakkunu hena, balal ⌊epeɗiaknab⌋ daugppa qataqena, talilidppeg ukkaɗ! 25Aria, ag gol balal ⌊epeɗiaknab⌋ amu waappa amu, ag ⌊balal epeɗiaknab baeg ɠagattag daakkunu⌋ ukku, nuhig otala am 8 sentimita amu, ag ukku amu ⌊baeg waɗele oh⌋ talilidkkunu mena, ag gol aon, bala balal ⌊epeɗiaknab⌋ taliliak daakkunu hena, balal ⌊epeɗiaknab ukku qaɗeppa⌋ qataqena, talilidppeg ukkaɗ! 26-27Amu ag amu hewona, ag gol ring waɗele ad akasia tuqai aɗitppa balal ⌊epeɗiaknab⌋ maoglagnu hena, daugppa baeg waɗele amu heqoppa qata-aqateg! Ring waɗele amuam, ag balal ⌊epeɗiaknab⌋ daugppa ukku guguittak, aguppa maatteg! 28Amu ag amunu ad akasia tuqai aɗit hoyatna, ag qaɗelah golppa tonan, ag tuqai aɗit amuppa balal ⌊epeɗiaknab⌋ amu maweg! 29Amu ag grep lebuppa ofa haknu tappiɗ okkai, tappiɗ naunau, kap, amu nippud ele, keeke amu oh am balal imuppa daaglag amu, ag keeke amu oh hatteg! Ag keeke amu oh gol ena dubuttid iitta eleppaib hattaglag. 30Ag amu hena amu, ag bret, bret amuam da Yawe, da ina daattemnu ippuanattaknu bret amu, ag bret amu aon, balal ⌊epeɗiaknab⌋, ag amuppa meig! Bret amuam da noolppa balal amuppa hanhan dayaɗ!
Lam maattaknu balal
31Aria, laa amu, ag lam maattaknu balal heig! Ag gol ena dubuttid iitta ele aon, hamappa qaadnana, ag diig, imuag, ebekkud, amu bala haɗag mabatak bia nuhig ele gol amuppaib hekkulag. Ag keeke amu oh am laippu hekkulag. Ag anen anen hena, qata-aqadppeg laippu bena daaglagnu am aib. 32Amu lam maattaknu balalppa amu, ag ebekkud eblaih laippu ele hekkulag; ewam laih daappeg, ewam laih daaglag. 33Ebekkud eblaih laippu ele ag anam daappeg, eppeg anen anen ohppa amu, almonnu bala haɗag mabatak bia ewam daaglag. 34Bala ag anam ebekkudppa daappeg, imuagppa almonnu bala haɗag mabatak waɗele daaglag. 35Aria, ebekuɗ anen anen imuagppa tuɗittak waappa, almonnu bala haɗag mabatak bia ele daaglag. 36Keeke amu oh anamib daakku, amge ag hama aon, gol ena dubuttid iitta qenana, ag keeke amu hadappeg, keeke laippuib dayaɗ! Ag amu nukka nukka piɗe hewon, qata-aqadkkulagnu am aib.
37Ag amu oh hewona amu, ag lam eblaih aɗit ele aguppa maadkkulagnu hattana, ag lam amu imuag amu ebekkudppa elele maadppeg daanna eoppeg, amahlak amu tutukku mettid haknu peh lag ooppa ukkaɗ! 38Ag amu hena amu, ag lam wik eeɗaknu keeke, nuhig tappiɗ ele, ag gol ena dubuttid iitta eleppaib hatteg! 39Ag gol ena dubuttid iitta ele, uug nuhig 34 kilogram aon, lam maattaknu balal amu hena, nuhig keeke laala ele heig! 40Da na qaukoppa dottog ippunidmi bianab na heppe, ag keeke amu oh anamib heig” awa aum.
Currently Selected:
Eksodas 25: NB
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Eksodas 25
25
Danab ah ag mettid haknu peh lagnu keeke mettaknu nai
1Aria, Moses nug anam te, Yawe nug amegppa inam aum. 2“Israel ag ofa laa ⌊dahil mettid haknu peh lag hekkulagnu⌋ da meɗaglagnu amelagppa appe doyeg! Am danab ah anen anen ag keeke da meɗaglagnu oolag hette amu, ag keeke amu na medappeg, na dahil gamag danab daanna, dahil keeke amu awe! 3Ofa amuppa keeke digdig ag da meɗaglagnu hena, na medappeg aokkut am inam: gol, silwa, bras, 4linen muɗi hakkab, linen muɗi kaala iɗu iɗu, am ed, perpel, kokoɗnab ele; aria, meeme uɗig, 5sipsip dawai gaɗa, laa ag heeg kokoɗ eppom daatte, kakai maoi gaɗa, plang ad akasianu, 6lam amotaknu goɗen olip meuppa hak, spais digdig laaittak goɗen babaittaknu, amu kalu danab ile muttuɗig enanag bette ele kaboliaknu, 7aria, men oniks, amu men digdig, daden nob okkainab laa ele. Men digdig amu, ag am lamen enanag-epod, amu momo tonaknu lamen eleppa qataqekkulagnu daaglag. Ag na keeke amu oh medappeg awe!
8Aria laa amu, na danab ah amelagppa appe, ag ⌊oolagppan danab ag uɗat amu haknu doon autna aotteb ele, ag⌋ dahil mettid haknu peh lag heppeg, am geha da ag oolagppa daakkul. 9Amu mettid haknu peh lag amu, keeke oh peh lag ooppanu ele, da na dottog ippunidkkul bianab na heppe, ag heig!” awa aum.
Tituanak Nainu Kunup
10Yawe Nug Moses amegppa anam anana, Nug nai tuɗitta aum. “Na heppe, ⌊uɗat nid amu⌋ ag ad akasia aon, kunup laa, elab nuhig am 110 sentimita, emaitak nuhig am 66 sentimita, amu attan nuhig am ele 66 sentimita hekkulag. 11Ag gol ena dubuttid iitta aona, Tituanak Nainu Kunup amu ooppa, dimittim ele gaɗa qaɗeppa meppeg toneb, gol laa ele aon, bala kunup taliliak daakkunu hena, kunup-ppa qataqena, talilidppeg ukkaɗ! 12Ag amu hewona, ag gol ring waɗele, kunup mawaknu ele hena, ag Tituanak Nainu Kunup baeg naunau waɗele amuppa qakkalatteg! Ag aɗit heqo laih qakkon, aɗit laa amu heqo laihppa qakkeg! 13Amu hewona, ag ad akasia tuqai aɗit Tituanak Nainu Kunup maoglagnu hoyatna, qaɗelah golppa tonateg! 14Ag anam tonatna, ag tuqai aɗit amu Tituanak Nainu Kunup mawa ukkaknu heqo laih laih, ring amu oɗeppa aɗualatppeg noiɗ! 15Tuqai aɗit amu hanhan anamib Tituanak Nainu Kunupnu ringppa daaglah, ag aib hiɗatppig! 16Aria, ag amu oh hewona, dimppa da geha men maha aɗit ɗo nai yaak niitte ele, da amu na medappi, na men aɗit amu Tituanak Nainu Kunup, na amu ooppa inate!
17Amu ag Tituanak Nainu Kunup amu anam hewona, ag nug ameg gol ena dubuttid iitta eleppa heig! Tituanak Nainu Kunup ameg amu, amuam eheɗ haknu nob nau tiigppa iitta me elele medatte ippunadtte. Elab nuhig am 110 sentimita, emaitak nuhig am 66 sentimita. 18Ag ameg amu henana, ag gol amu laa aon, hamappa qenana, ag engel okkai-kerubim aɗit, aa dottolah, ameg noob laih laih ele haateg! 19Haatppeg amu, laa amu Tituanak Nainu Kunup ameg noob laih hibaitta dayebeb, laa amu noob laih hibaitta dayaɗ! Aria, ag Tituanak Nainu Kunup ameg, kerubim aɗit dottolah ele golppa hak amu, ag keeke ewam am aib heppig. Iitta. Keeke hekkulagnu amu kunum, laippu aakkuib hekkulag. 20Kerubim aɗit dottolah amu, aa hippaidya, aa nug iɗu neekkidya daayya, aa haulah am otalpeɗ, Tituanak Nainu Kunup ameg daatte, amu nakok attan dayaɗ! 21Anam dayebeb, da na men maha aɗit ɗo nai yaak niitte ele amu, da na amu medappi, na Tituanak Nainu Kunup ooppa inatna, ameg qeppe dayaɗ! 22Ag amu oh heppeg amu, aria da Tituanak Nainu Kunup kontrak inak ele, da amu ameg attan, engel okkai-kerubim aɗit gamalahppa, da appa dayeye ⌊appi⌋, i oh qagmeɗa daagnih. I geha qagmeɗa, da ɗo nai dahil oh Israel dim lamidkkulagnu, da na amenppa mehuqkkul.
Bret Yawe noobppa maknu balal ⌊epeɗiaknab⌋, amunu nai
23Aria, ag balal ⌊epeɗiaknab laa⌋ ad akasiappa ele heig! Elab nuhig am 88 sentimita, emaitak nuhig am 44 sentimita, amu attan nuhig am 66 sentimita. 24Ag balal ⌊epeɗiaknab⌋ amu adppa anam hewona, ag gol ena dubuttid iitta ele aona, balal amu qaɗeppa meppeg toneb, gol laa ele aon, bala balal amu taliliak daakkunu hena, balal ⌊epeɗiaknab⌋ daugppa qataqena, talilidppeg ukkaɗ! 25Aria, ag gol balal ⌊epeɗiaknab⌋ amu waappa amu, ag ⌊balal epeɗiaknab baeg ɠagattag daakkunu⌋ ukku, nuhig otala am 8 sentimita amu, ag ukku amu ⌊baeg waɗele oh⌋ talilidkkunu mena, ag gol aon, bala balal ⌊epeɗiaknab⌋ taliliak daakkunu hena, balal ⌊epeɗiaknab ukku qaɗeppa⌋ qataqena, talilidppeg ukkaɗ! 26-27Amu ag amu hewona, ag gol ring waɗele ad akasia tuqai aɗitppa balal ⌊epeɗiaknab⌋ maoglagnu hena, daugppa baeg waɗele amu heqoppa qata-aqateg! Ring waɗele amuam, ag balal ⌊epeɗiaknab⌋ daugppa ukku guguittak, aguppa maatteg! 28Amu ag amunu ad akasia tuqai aɗit hoyatna, ag qaɗelah golppa tonan, ag tuqai aɗit amuppa balal ⌊epeɗiaknab⌋ amu maweg! 29Amu ag grep lebuppa ofa haknu tappiɗ okkai, tappiɗ naunau, kap, amu nippud ele, keeke amu oh am balal imuppa daaglag amu, ag keeke amu oh hatteg! Ag keeke amu oh gol ena dubuttid iitta eleppaib hattaglag. 30Ag amu hena amu, ag bret, bret amuam da Yawe, da ina daattemnu ippuanattaknu bret amu, ag bret amu aon, balal ⌊epeɗiaknab⌋, ag amuppa meig! Bret amuam da noolppa balal amuppa hanhan dayaɗ!
Lam maattaknu balal
31Aria, laa amu, ag lam maattaknu balal heig! Ag gol ena dubuttid iitta ele aon, hamappa qaadnana, ag diig, imuag, ebekkud, amu bala haɗag mabatak bia nuhig ele gol amuppaib hekkulag. Ag keeke amu oh am laippu hekkulag. Ag anen anen hena, qata-aqadppeg laippu bena daaglagnu am aib. 32Amu lam maattaknu balalppa amu, ag ebekkud eblaih laippu ele hekkulag; ewam laih daappeg, ewam laih daaglag. 33Ebekkud eblaih laippu ele ag anam daappeg, eppeg anen anen ohppa amu, almonnu bala haɗag mabatak bia ewam daaglag. 34Bala ag anam ebekkudppa daappeg, imuagppa almonnu bala haɗag mabatak waɗele daaglag. 35Aria, ebekuɗ anen anen imuagppa tuɗittak waappa, almonnu bala haɗag mabatak bia ele daaglag. 36Keeke amu oh anamib daakku, amge ag hama aon, gol ena dubuttid iitta qenana, ag keeke amu hadappeg, keeke laippuib dayaɗ! Ag amu nukka nukka piɗe hewon, qata-aqadkkulagnu am aib.
37Ag amu oh hewona amu, ag lam eblaih aɗit ele aguppa maadkkulagnu hattana, ag lam amu imuag amu ebekkudppa elele maadppeg daanna eoppeg, amahlak amu tutukku mettid haknu peh lag ooppa ukkaɗ! 38Ag amu hena amu, ag lam wik eeɗaknu keeke, nuhig tappiɗ ele, ag gol ena dubuttid iitta eleppaib hatteg! 39Ag gol ena dubuttid iitta ele, uug nuhig 34 kilogram aon, lam maattaknu balal amu hena, nuhig keeke laala ele heig! 40Da na qaukoppa dottog ippunidmi bianab na heppe, ag keeke amu oh anamib heig” awa aum.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.