MALAKHAI 2
2
Ngengpalante Deingao
1Ütahpa Youngwanpawe ngengpalante i, “Tüopa ngaokenga numan jingne: 2Numan-e hanghe ling tüowe üte yihnoonlak yang. Taowe hanghe i tüopate numan-e minjai she ima-a, hümma-a Taowe numan tangme phoiwümpu yahpeilak. Numante jamlak jingne numan-e tüopu toinan tangme Taowe phoiwümpu angtamlak. Ine ima-a, iman tangme Taowe phoiwümme lanyangki, hangjingne ima-a ü-ngaokenglan numan-e shang nyakke yeyah. 3Taowe numan jing hayimlante shaoshi yateng phalak hüyange numan-e toidopu yinmoklan ih-e numanjing shetate shitlak, hüyange numan-a mahu ih kahtangte yah teilak. 4Hüwante numan-e Taowe numante tüopa ngaokeng phayangki she, tüokaiye ngengpalan, Levi huhayimlan phei ü-jiengjeppu yemenglak she numan-e shinglak.
5“Ü-jiengjeppu me Taowe Ite üyin hüyange chingnyoi nokshaohlak jan, hüyange Taowe Ite hanghepa pha tüopa-a tüo ngohnang, tüokaiye Iye üte iyeshelak. Üshongwante Iye üte iyesheye hüyange nyamme ngohyangki. 6Hanghepa yeshupu tüopa yeje, hüpoi hanghepa üting tüopa Iye nyüo. Iye ü-phei chingmei me nyoi; I nying nyingke hanghepa üting tüopa shaha lingpu ne yeje, hüpoi ülaolan maapu ünu lingpu mepu laklak jingne Iye jam. 7Kahwangpa jeng ütingpa me nyüolak-a ngengpalan toishao ngohnang. Taowe teihpu shinge yahlak jingne kahtalan I tangte peilak yang; hangjingne ima-a I-a Ütahpa Youngwanpa jing shongshonpa ngohnang.”
8“Hüpoi sha-a ngengpalan-a ütingpa lam mepu lüppe teiteki. Numan-e nyüopuwe maapu yeshupu linglak woiteki. Taowe numan phei lingpu jiengjeppu numan-e mengteki, she Ütahpa Youngwanpawe inang. 9Tüokhei, shümme yepu me Taowe, Israel kahtalan-e numante ye-i-yeshelakne linge tamlak hangjingne ima-a numan-e ü-ngaote yejai, hüyange aope numan-e ü-kahtalante nyüoyapeih, numan-e moilante jakih-e yejon.”
Judahwe Ütingyelak Okpu
10Teman khongkümpuwe üpa ja hei ngohpu ne yeje a? Teman khongkümpu Kahwang jawe linge ngaipu ne yeje a? Hümma-a hangne teman-e jawe jate teijanpu mengyange, hüyange hangne teman-e teman jing pajeiyonglan phei Kahwange jiengjep yangpute ye-i-yeshepe linglak shi? 11Judah kahtalan-e Kahwang phei iman-e janpu mengteki hüyange Jerusalem me hüyange kahmük nopu me fajümlihlakpa toi lingteki. Khümjing hanghepa Youngwanpawe ken, iman-e nuweshakke tamteki. Netanlan-e shekolan aoyinne ülao Kahwangte yoppe khüm tüolan yahteki. 12Aoyinne tüopake lingyangki ükhong yo mepuwa Youngwanpawe yahteilak, hüyange Ütahpa Kahwangte teman jatte dopu yahpeipu me nishe aope-o Ite meitam yahne tahtam.
13Tüopa-a numan-e lingpu ülaopa ja. Youngwanpa jing wümjonga numan-e shappe yoongpu hüyange mangshappu mükphiye maawe tam hangjingne ima-a numan-e yahpeipu dopulan shaaji Iye yeyah. 14Tüolan-a shaaji Iye hangne yeyahpu she numan-e tong. Hatüo hangne ima-a nang shela ne ngohwante nokne mengpu nenok shekonyu phei nange janyangpu nange meng. Yha-a nenok shekonyu, hüyange yha phei nang monghahpu ngohlakei she Kahwang sheshao me janyange, nange janpu yha sheshao me nange meng. 15Kahwange nangte püm ja ne hüyange yaha ja ne linge tampu yeje a? Tüopa me Iye wongponga hanghe shi? Nange hayim tüolak hüyange tüopa-a ütingpa mepu Kahwangpa kahtalan-e menglak jingne! Tüokhei aowe-o yoi shekonyu phei janyangpu yemenglak jingne ütingpa me teihtüoh. 16Israel Kahwang Youngwanpawe inang, “Jange teipute-a (noksa yanpu) Taowe nunang.” “Numan yo me ütam jawe hüke aope yoi shekonyute yemeipe linglakei Taowe Ite nunang. Nang shekonyute monghahpu ngohlak she nange janyangpu yemenglak jingne kentingyah.”
Ngaophünlak Nyih
17Numan-e Youngwanpa jeng ngaopuwe numan nyaimah teki. Hüpoi numan-e tongnang, “Toman-e I hangke towenyaine tampu?” “Ünu toi lingpalan khongkümpu meinang ja she Ütahpa Youngwanpawe teihnang; ine ima-a Iye tüolan khongkümpu lengnangja” she ipuwe. Yejema-a, “Ao ütingpa me ngohhah shepu ne ngoh tüopa Kahwang-a üpu?” she tongpuwe.
Currently Selected:
MALAKHAI 2: KONYBSI
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
MALAKHAI 2
2
Ngengpalante Deingao
1Ütahpa Youngwanpawe ngengpalante i, “Tüopa ngaokenga numan jingne: 2Numan-e hanghe ling tüowe üte yihnoonlak yang. Taowe hanghe i tüopate numan-e minjai she ima-a, hümma-a Taowe numan tangme phoiwümpu yahpeilak. Numante jamlak jingne numan-e tüopu toinan tangme Taowe phoiwümpu angtamlak. Ine ima-a, iman tangme Taowe phoiwümme lanyangki, hangjingne ima-a ü-ngaokenglan numan-e shang nyakke yeyah. 3Taowe numan jing hayimlante shaoshi yateng phalak hüyange numan-e toidopu yinmoklan ih-e numanjing shetate shitlak, hüyange numan-a mahu ih kahtangte yah teilak. 4Hüwante numan-e Taowe numante tüopa ngaokeng phayangki she, tüokaiye ngengpalan, Levi huhayimlan phei ü-jiengjeppu yemenglak she numan-e shinglak.
5“Ü-jiengjeppu me Taowe Ite üyin hüyange chingnyoi nokshaohlak jan, hüyange Taowe Ite hanghepa pha tüopa-a tüo ngohnang, tüokaiye Iye üte iyeshelak. Üshongwante Iye üte iyesheye hüyange nyamme ngohyangki. 6Hanghepa yeshupu tüopa yeje, hüpoi hanghepa üting tüopa Iye nyüo. Iye ü-phei chingmei me nyoi; I nying nyingke hanghepa üting tüopa shaha lingpu ne yeje, hüpoi ülaolan maapu ünu lingpu mepu laklak jingne Iye jam. 7Kahwangpa jeng ütingpa me nyüolak-a ngengpalan toishao ngohnang. Taowe teihpu shinge yahlak jingne kahtalan I tangte peilak yang; hangjingne ima-a I-a Ütahpa Youngwanpa jing shongshonpa ngohnang.”
8“Hüpoi sha-a ngengpalan-a ütingpa lam mepu lüppe teiteki. Numan-e nyüopuwe maapu yeshupu linglak woiteki. Taowe numan phei lingpu jiengjeppu numan-e mengteki, she Ütahpa Youngwanpawe inang. 9Tüokhei, shümme yepu me Taowe, Israel kahtalan-e numante ye-i-yeshelakne linge tamlak hangjingne ima-a numan-e ü-ngaote yejai, hüyange aope numan-e ü-kahtalante nyüoyapeih, numan-e moilante jakih-e yejon.”
Judahwe Ütingyelak Okpu
10Teman khongkümpuwe üpa ja hei ngohpu ne yeje a? Teman khongkümpu Kahwang jawe linge ngaipu ne yeje a? Hümma-a hangne teman-e jawe jate teijanpu mengyange, hüyange hangne teman-e teman jing pajeiyonglan phei Kahwange jiengjep yangpute ye-i-yeshepe linglak shi? 11Judah kahtalan-e Kahwang phei iman-e janpu mengteki hüyange Jerusalem me hüyange kahmük nopu me fajümlihlakpa toi lingteki. Khümjing hanghepa Youngwanpawe ken, iman-e nuweshakke tamteki. Netanlan-e shekolan aoyinne ülao Kahwangte yoppe khüm tüolan yahteki. 12Aoyinne tüopake lingyangki ükhong yo mepuwa Youngwanpawe yahteilak, hüyange Ütahpa Kahwangte teman jatte dopu yahpeipu me nishe aope-o Ite meitam yahne tahtam.
13Tüopa-a numan-e lingpu ülaopa ja. Youngwanpa jing wümjonga numan-e shappe yoongpu hüyange mangshappu mükphiye maawe tam hangjingne ima-a numan-e yahpeipu dopulan shaaji Iye yeyah. 14Tüolan-a shaaji Iye hangne yeyahpu she numan-e tong. Hatüo hangne ima-a nang shela ne ngohwante nokne mengpu nenok shekonyu phei nange janyangpu nange meng. Yha-a nenok shekonyu, hüyange yha phei nang monghahpu ngohlakei she Kahwang sheshao me janyange, nange janpu yha sheshao me nange meng. 15Kahwange nangte püm ja ne hüyange yaha ja ne linge tampu yeje a? Tüopa me Iye wongponga hanghe shi? Nange hayim tüolak hüyange tüopa-a ütingpa mepu Kahwangpa kahtalan-e menglak jingne! Tüokhei aowe-o yoi shekonyu phei janyangpu yemenglak jingne ütingpa me teihtüoh. 16Israel Kahwang Youngwanpawe inang, “Jange teipute-a (noksa yanpu) Taowe nunang.” “Numan yo me ütam jawe hüke aope yoi shekonyute yemeipe linglakei Taowe Ite nunang. Nang shekonyute monghahpu ngohlak she nange janyangpu yemenglak jingne kentingyah.”
Ngaophünlak Nyih
17Numan-e Youngwanpa jeng ngaopuwe numan nyaimah teki. Hüpoi numan-e tongnang, “Toman-e I hangke towenyaine tampu?” “Ünu toi lingpalan khongkümpu meinang ja she Ütahpa Youngwanpawe teihnang; ine ima-a Iye tüolan khongkümpu lengnangja” she ipuwe. Yejema-a, “Ao ütingpa me ngohhah shepu ne ngoh tüopa Kahwang-a üpu?” she tongpuwe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.