Salmo 150
150
Deliǥa is Nengazen
1Deliǥa niw is Nengazen!
Deliǥa niw is Megbevayà diyà te valey zin.
Deliǥa niw sikandin he ziyà te langit, is melig-en he ubpeey zin.
2Deliǥa niw sikandin tenged te nezumahan te ǥehem he menge vaal zin.
Deliǥa niw sikandin tenged te wazà ebpekerepeng te kegkemekeǥeǥehem din.
3Deliǥa niw sikandin pinaaǥi te kebpezaǥing te menge vudyung.
Deliǥa niw sikandin pinaaǥi te zaǥing te menge alpa wey menge lira.
4Deliǥa niw sikandin pinaaǥi te menge tamburin wey kedsayew.
Deliǥa niw sikandin pinaaǥi te zuma pa he instrumintu he zuen menge kuwirdas wey menge pulalà.
5Deliǥa niw sikandin pinaaǥi te mezaǥing he menge simbal.
6Is langun he uuyag medalig te Nengazen.
Deliǥa is Nengazen!
Currently Selected:
Salmo 150: mbbOT
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
