Ester 10
10
Is Bentuǥan ni Hadì Ahasuerus wey ni Mordecai
1Ne impevayad ni Hadì Ahasuerus te vuhis is langun he meǥinged dutun te ginhedian din, ragkes sikan is diyà ebpen-ubpà te meziyù. 2Ne is langun he nehimu ni Hadì Ahasuerus tenged te kezekelà te ǥehem din, wey is tivuuk he keguǥuza te utew kegkeventuǥa ki Mordecai, ne ingkesurat diyà te Libru he Midsuratan te menge Keguǥuza te menge Hadì te Media wey Persia. 3Ne si Mordecai, ebpeketinundug is kandin he kegkelavew te utew kegkelavew ni Hadì Ahasuerus. Si Mordecai edlingahaan wey edtehuzen te zuma zin he menge Judio, ne edtehuzen dan sikandin su nekeveǥey te keupiyaanan te menge emurè din te inged, wey te zuma zin he menge Judio, wey nekidlalag sikandin te hadì para kandan.
Currently Selected:
Ester 10: mbbOT
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
