YAKUP 4
4
Puyan peketuyang ngan penyaheʹ usun tanaʹ
1Cen mpi kenai mung puyan pepatai ngan puyan pekepunan iaʹ un neng ahang ikem tupe? Kenai puyan dina kuʹun pengeloʹ kem iaʹ ke mita tiga me usa hem tengen. Puyan pengeloʹ dina diaʹ pekutat ke pebunoʹ dalem usa hem. 2Ubaʹ kem ke un inu inu, abeʹ kem senteng un ne, ina ukoʹ kem tenup tekaʹ ke lematai kelunan. Muat aleʹ ikem keloʹ ke un inu, abeʹ kem senteng ke alaʹ dina pe, ina ukoʹ kem ke punan ngan ubaʹ ke pebunoʹ. Abeʹ kem alaʹ inu iaʹ ikem ubaʹ, uban ncem abeʹ lemameʹ nyat palaʹ Allah. 3Tegoʹ ikem lemameʹ nyat inu, abeʹ kem alaʹ a uban sedep pengenyat cem un jaʹat. Ikem nyat naʹan naʹan inu apan ncem ke kanan ne tuman pengubaʹ usa hem tengen. 4Ikem koʹ baʹan leto iaʹ petaro laki ie. Kumpin, abeʹ kem tisen taʹin, uban puyan peketuyang ngan penyaheʹ usun tanaʹ ini un sen ne ilu tai pekebunoʹ ngan Allah. Aheʹ aheʹ iaʹ ubaʹ ke petuyang ngan penyaheʹ usun tanaʹ ini, ia uyan usa ha tai pebunoʹ ngan Allah. 5Ayen kuma nyiʹan le dau jo Kitap iaʹ kuma ha: “Berua iaʹ tenahung kedalem usa le kuʹun Allah un miʹet tekaʹ ke ngedemun ilu.” 6Un sepuʹo tai bioʹ kuʹo ne puyan pengelesau iaʹ Allah lebang naʹ milu. Kuaʹ baʹan dau Kitap iaʹ kuma ha: “Allah ke nyekang kelunan diaʹ mpau kimet, un sepuʹo ia lebang ke naʹ pengelesau me kelunan diaʹ libaʹ kimet.”
7Tuman ina, tiga hem petunuk usa hem palaʹ Allah. Nyekang ne Bali Jaʹat, ngan ia ke kelap cen ikem. 8Tiga hem ngenyeng palaʹ Allah, ngan ia ke ngenyeng palaʹ ikem. Ikem diaʹ ngkang penyalaʹ, muheʹ ne ujoʹ kem. Ikem diaʹ pekaloʹ-kaloʹ seʹ, ngebuheʹ ne kimet cem. 9Ngebahat ne kimet cem, ngan nebampa ne tawai hem mentung nange. Nyaliu ne puyan tawa ina nuyan tange, pekina pe pengebangen ncem tai nuyan kelesau kimet. 10Ngelibaʹ kimet cem kata Allah ngan ia ke mejung ikem.
Katuk iaʹ mulen ilu pebetep dau neng ca cenganak le
11Ahaʹ cenganak cenganak keʹ, ayen pekabi ikem ca usa neng ca usa. Aheʹ aheʹ iaʹ pekabi cenganak ke, buk are pebetep dau neng ia, seʹ e pekabi Adet Allah ngan pebetep dau neng idi. Buk kem ke pebetep dau neng Adet Allah, abeʹ ne ikem kelunan iaʹ bayaʹ dau Adet Allah ina laʹa, bang kelunan iaʹ pebetep dau neng idi tuaʹ ne ikem. 12Bang ca Allah tuaʹ le iaʹ naʹ katuk adet, ngan iaʹ pebetep dau. Bang ia tengen le iaʹ senteng ke pudip, ngan senteng ke nasaʹ. Kelunan aheʹ koʹ ini, iaʹ ke pebetep dau neng kelunan pekuaʹ ikem kelunan tupe?
Katuk iaʹ mulen ilu jum
13Ikem diaʹ kuma ha: “Ilu ketai peselai neng ca lepoʹ, mele tau ini buk are nempam pe ilu ketai. Dalem ca uman ilu ke pebeli ngan alaʹ kadoʹ ligit.” Tiga hem ngeringa dau heʹ ading. 14Pabeʹ kem abeʹ un tisen kumpin udip kem nempam pe. Koʹ baʹan ca abun iaʹ nyipe ne ikem. Ia nai luhaʹ nuat le, ngan belekaʹ abeʹ un pe laʹa. 15Pekini dau iaʹ tekep ikem ke pisiu: “Buk uban pengubaʹ Tuhan, ilu ke mudip ngan menco ini ngan ina.” 16Un sepuʹo ikem naʹkini un mpau kimet, ngan un jum dau. Salaʹ ne mung puyan jum dina.
17Tuman ina, kelunan iaʹ abeʹ un ti puyan tiga iaʹ ia tisen iaʹ ia tekep ke ti, kelunan ina un penyalaʹ a dengkep neng ia.
Currently Selected:
YAKUP 4: KNT
Highlight
Copy
Compare
Share
Want to have your highlights saved across all your devices? Sign up or sign in
Kenyah New Testament © Bible Society of Malaysia, 1984.
YAKUP 4
4
Puyan peketuyang ngan penyaheʹ usun tanaʹ
1Cen mpi kenai mung puyan pepatai ngan puyan pekepunan iaʹ un neng ahang ikem tupe? Kenai puyan dina kuʹun pengeloʹ kem iaʹ ke mita tiga me usa hem tengen. Puyan pengeloʹ dina diaʹ pekutat ke pebunoʹ dalem usa hem. 2Ubaʹ kem ke un inu inu, abeʹ kem senteng un ne, ina ukoʹ kem tenup tekaʹ ke lematai kelunan. Muat aleʹ ikem keloʹ ke un inu, abeʹ kem senteng ke alaʹ dina pe, ina ukoʹ kem ke punan ngan ubaʹ ke pebunoʹ. Abeʹ kem alaʹ inu iaʹ ikem ubaʹ, uban ncem abeʹ lemameʹ nyat palaʹ Allah. 3Tegoʹ ikem lemameʹ nyat inu, abeʹ kem alaʹ a uban sedep pengenyat cem un jaʹat. Ikem nyat naʹan naʹan inu apan ncem ke kanan ne tuman pengubaʹ usa hem tengen. 4Ikem koʹ baʹan leto iaʹ petaro laki ie. Kumpin, abeʹ kem tisen taʹin, uban puyan peketuyang ngan penyaheʹ usun tanaʹ ini un sen ne ilu tai pekebunoʹ ngan Allah. Aheʹ aheʹ iaʹ ubaʹ ke petuyang ngan penyaheʹ usun tanaʹ ini, ia uyan usa ha tai pebunoʹ ngan Allah. 5Ayen kuma nyiʹan le dau jo Kitap iaʹ kuma ha: “Berua iaʹ tenahung kedalem usa le kuʹun Allah un miʹet tekaʹ ke ngedemun ilu.” 6Un sepuʹo tai bioʹ kuʹo ne puyan pengelesau iaʹ Allah lebang naʹ milu. Kuaʹ baʹan dau Kitap iaʹ kuma ha: “Allah ke nyekang kelunan diaʹ mpau kimet, un sepuʹo ia lebang ke naʹ pengelesau me kelunan diaʹ libaʹ kimet.”
7Tuman ina, tiga hem petunuk usa hem palaʹ Allah. Nyekang ne Bali Jaʹat, ngan ia ke kelap cen ikem. 8Tiga hem ngenyeng palaʹ Allah, ngan ia ke ngenyeng palaʹ ikem. Ikem diaʹ ngkang penyalaʹ, muheʹ ne ujoʹ kem. Ikem diaʹ pekaloʹ-kaloʹ seʹ, ngebuheʹ ne kimet cem. 9Ngebahat ne kimet cem, ngan nebampa ne tawai hem mentung nange. Nyaliu ne puyan tawa ina nuyan tange, pekina pe pengebangen ncem tai nuyan kelesau kimet. 10Ngelibaʹ kimet cem kata Allah ngan ia ke mejung ikem.
Katuk iaʹ mulen ilu pebetep dau neng ca cenganak le
11Ahaʹ cenganak cenganak keʹ, ayen pekabi ikem ca usa neng ca usa. Aheʹ aheʹ iaʹ pekabi cenganak ke, buk are pebetep dau neng ia, seʹ e pekabi Adet Allah ngan pebetep dau neng idi. Buk kem ke pebetep dau neng Adet Allah, abeʹ ne ikem kelunan iaʹ bayaʹ dau Adet Allah ina laʹa, bang kelunan iaʹ pebetep dau neng idi tuaʹ ne ikem. 12Bang ca Allah tuaʹ le iaʹ naʹ katuk adet, ngan iaʹ pebetep dau. Bang ia tengen le iaʹ senteng ke pudip, ngan senteng ke nasaʹ. Kelunan aheʹ koʹ ini, iaʹ ke pebetep dau neng kelunan pekuaʹ ikem kelunan tupe?
Katuk iaʹ mulen ilu jum
13Ikem diaʹ kuma ha: “Ilu ketai peselai neng ca lepoʹ, mele tau ini buk are nempam pe ilu ketai. Dalem ca uman ilu ke pebeli ngan alaʹ kadoʹ ligit.” Tiga hem ngeringa dau heʹ ading. 14Pabeʹ kem abeʹ un tisen kumpin udip kem nempam pe. Koʹ baʹan ca abun iaʹ nyipe ne ikem. Ia nai luhaʹ nuat le, ngan belekaʹ abeʹ un pe laʹa. 15Pekini dau iaʹ tekep ikem ke pisiu: “Buk uban pengubaʹ Tuhan, ilu ke mudip ngan menco ini ngan ina.” 16Un sepuʹo ikem naʹkini un mpau kimet, ngan un jum dau. Salaʹ ne mung puyan jum dina.
17Tuman ina, kelunan iaʹ abeʹ un ti puyan tiga iaʹ ia tisen iaʹ ia tekep ke ti, kelunan ina un penyalaʹ a dengkep neng ia.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kenyah New Testament © Bible Society of Malaysia, 1984.