IPESUS 4
4
Ca le usa le
1Cen diaʹ pekina, taten dau heʹ mikem. Akeʹ iaʹ sihoʹ sepin dalem gayeng Tuhan. Tekep kem uyan puyan pengudip kem kuaʹ puyan pengudip iaʹ Allah nguaʹ neng ikem, dalau ue mengin ikem are. 2Lemuto alaʹ libaʹ tawai hem, ngan lemaʹ saheʹ kem, ngan denaʹ tawai hem. Peluhaʹ pengemalaʹ kem man seʹ puyan ncem mepo ikem selepeʹ, 3mentung ngkem nengayet petubo ban pebeka tawai iaʹ Berua Tuhan lepa naʹ mikem. Neng puyan udip iaʹ tadan le ikem tisen ban salet beka hem ina. 4Ca le usa, ngan ca le Berua, ngan ca le tebelum neng puyan Allah ban mengin ikem. 5Ca le Tuhan, ca le pengelan, ca le batis. 6Ca le Allah iaʹ Amai le mung. Ia iaʹ Tuʹa Bioʹ neng mung nge, iaʹ pegayeng dalau mung nge, iaʹ un dalem mung nge.
7Un sepuʹo lepa ne Allah naʹ ca pengencai me singket singket usa le, bayaʹ kuaʹ iaʹ Keristus nguaʹ neng ilu. 8Ina ukoʹ pekini dau isiu neng Keristus dalem Kitap Tuhan:
“Dalau ketai ie pejung kempau,
ia ngkin ngan ne kadoʹ salut,
sulo kun ne naʹ kudaʹ pengencai me kelunan.”
9Un sepuʹo, inu sen neng “ia tai pejung” tupe? Sen ne ban lepa ne Keristus nai kentaʹ ading, pa abeʹ kentaʹ tanaʹ bala. 10Un laki iaʹ ban lepa nai kentaʹ ina, ia te iaʹ lepa tai kempau, tahaʹ mpau neng ʹo langit buding, moʹ o ke ngkang pungu mung inu ne. 11Atek laki ina te iaʹ “naʹ kudaʹ pengencai me kelunan.” Ia uyan palai mida tai lawa Injil, palai ia uyan pegawa, palai ia uyan penco Injil, un palai ia uyan petubo Mpun diaʹ ngelan Tuhan, ngan pekatuk kidi. 12Ia uyan pekina moʹ o ke pedengkep mung nte diaʹ anun Allah, apan nte mencam pasat gayeng nge dalem nte ke pepo medeng usa Keristus. 13Idi mung le kuaʹ kuaʹ ketai pebeka ca le dalem pengelan, ngan dalem penisen le neng Anak Allah. Ketai le nuyan koʹ baʹan kelunan iaʹ sukung bioʹ udip de, pa le tai dapit saheʹ le pekuaʹ ngan anun Keristus. 14Idi le abeʹ un ukoʹ baʹan anak iaʹ tai pebing mayo keluncat, ngan koʹ baʹan iaʹ tai payo moʹ o pekeliwa kuʹun bahiu, seleket katuk dulu diaʹ nai pelingu. Moʹ kuʹun aken jaʹat de, ida madut kelunan mayo neng iaʹ salaʹ. 15Di lareʹ ilu kanan isiu iaʹ telit lan dalem kimet le iaʹ malaʹ. Pekina ketai ca le usa le, dengkep dalem mung naʹan palaʹ Keristus iaʹ ulu ue. 16Moʹ cen ulu ue, mung senganan neng usa un tuk iaʹ dengkep. Ngan toʹ usa ina pedapit neng ca le kuʹun uhat buku neng singket te. Buk singket naʹan senganan dalem usa ina pegayeng bayaʹ kelayen nte iaʹ tekep, toʹ usa ina ke nai un pit ngan ke nekedeng tengen, moʹ mung puyan dina nuyan kuʹun malaʹ.
Udip iaʹ mading dalem Keristus
17Ina ukoʹ keʹ pisiu ikem dalem ngadan Tuhan, ngan tengayet kaʹ keʹ ke mulen ikem mudip koʹ baʹan diseʹ diaʹ muau Tuhan, diaʹ abeʹ un tuman tuman kimet de, 18ngan mentem ban penawai re. Abeʹ de un alaʹ tulat neng udip iaʹ nai cen Allah, moʹ de turan laleʹ ngan mahing kimet de. 19Abeʹ de tisen saʹe neng iaʹ jaʹat. Ida mencai usa re neng puyan penyalaʹ iaʹ keratang. Ida uyan mung naʹan iaʹ deram pa pa kumpin.
20Un sepuʹo, abeʹ e neng diaʹ pekina iaʹ ikem pekalai cen Keristus ne. 21Buk lan ncem lepa kenahan dau denga ha, ikem diaʹ bayaʹ katuk ke, ngan pekalai neng katuk iaʹ telit lan, mentung ngkem pebeka tawai hem dalem Yesus. 22Cen diaʹ pekina, pet ne penyaheʹ kem iaʹ puʹun, iaʹ cuk ikem mudip dalem udip iaʹ puʹun are, moʹ penyaheʹ iaʹ puʹun iaʹ ngejaʹat udip kelunan kuʹun pengubaʹ a iaʹ pelingu ikem ina. 23Toʹ penawai hem ngan kimet cem, abeʹ e senteng are ke tai nuyan mading lan. 24Kanan ne penyaheʹ iaʹ mading, iaʹ ban nuyan bayaʹ diseʹ ban layen Allah, iaʹ ke luhaʹ dalem pengudip iaʹ teneng lan, iaʹ ina telit ngan buheʹ.
25Moʹ ina, ayen ncem palo laʹa. Pisiu iaʹ lan ngan teneng neng ahang ikem kelunan, moʹ ca le puʹun le dalem usa Keristus. 26Buk kem miʹa, ayen ncem miʹa pa hem tai laboʹ neng penyalaʹ. Ayen ncem kanan iʹa pa tai lenca tau. 27Ayen mawang ukoʹ Bali Jaʹat. 28Aheʹ iaʹ ban ngelau cen kena, ayen ne ngelau laʹa, di lareʹ tiga ha nading pegayeng man ujoʹ o tengen neng gayeng iaʹ tiga, apan ne senteng mepo diaʹ taru mudip. 29Buk kem pisiu, ayen kanan isiu iaʹ ke ngejaʹat dulu. Un sepuʹo kanan ne isiu iaʹ ke mepo dulu, iaʹ ke pedengkep ida neng inu iaʹ ida tepa. Cen diaʹ pekina hem uyan tiga me dulu diaʹ kenahan dau hem ʹo. 30Ngan ayen ncem nyakit Berua Buheʹ Allah. Moʹ man Berua ina Allah lepa matep ikem. Atep ina ca kedatung iaʹ nyalet tebelum ngkem neng Tau Bioʹ iaʹ kenai ʹo. Tegoʹ ina Allah ke pawang ikem kelap cen mung iaʹ jaʹat ʹo. 31Ayen un laʹa neng ahang ikem tiraʹ iaʹ laʹit, ngan kimet laseʹ, ngan buseʹ. Ayen peletoʹ un dau kerikak, ngan pejaʹat dau neng kelunan. Pet dina mung, peging ngan mung naʹan sakit saheʹ. 32Di lareʹ alaʹ kimet lesau ngan lemaʹ saheʹ kahang ikem selepeʹ, ngan sau penyalaʹ neng ikem selepeʹ, koʹ baʹan Allah lepa sau penyalaʹ kem kedalem Keristus are.
Currently Selected:
IPESUS 4: KNT
Highlight
Copy
Compare
Share
Want to have your highlights saved across all your devices? Sign up or sign in
Kenyah New Testament © Bible Society of Malaysia, 1984.
IPESUS 4
4
Ca le usa le
1Cen diaʹ pekina, taten dau heʹ mikem. Akeʹ iaʹ sihoʹ sepin dalem gayeng Tuhan. Tekep kem uyan puyan pengudip kem kuaʹ puyan pengudip iaʹ Allah nguaʹ neng ikem, dalau ue mengin ikem are. 2Lemuto alaʹ libaʹ tawai hem, ngan lemaʹ saheʹ kem, ngan denaʹ tawai hem. Peluhaʹ pengemalaʹ kem man seʹ puyan ncem mepo ikem selepeʹ, 3mentung ngkem nengayet petubo ban pebeka tawai iaʹ Berua Tuhan lepa naʹ mikem. Neng puyan udip iaʹ tadan le ikem tisen ban salet beka hem ina. 4Ca le usa, ngan ca le Berua, ngan ca le tebelum neng puyan Allah ban mengin ikem. 5Ca le Tuhan, ca le pengelan, ca le batis. 6Ca le Allah iaʹ Amai le mung. Ia iaʹ Tuʹa Bioʹ neng mung nge, iaʹ pegayeng dalau mung nge, iaʹ un dalem mung nge.
7Un sepuʹo lepa ne Allah naʹ ca pengencai me singket singket usa le, bayaʹ kuaʹ iaʹ Keristus nguaʹ neng ilu. 8Ina ukoʹ pekini dau isiu neng Keristus dalem Kitap Tuhan:
“Dalau ketai ie pejung kempau,
ia ngkin ngan ne kadoʹ salut,
sulo kun ne naʹ kudaʹ pengencai me kelunan.”
9Un sepuʹo, inu sen neng “ia tai pejung” tupe? Sen ne ban lepa ne Keristus nai kentaʹ ading, pa abeʹ kentaʹ tanaʹ bala. 10Un laki iaʹ ban lepa nai kentaʹ ina, ia te iaʹ lepa tai kempau, tahaʹ mpau neng ʹo langit buding, moʹ o ke ngkang pungu mung inu ne. 11Atek laki ina te iaʹ “naʹ kudaʹ pengencai me kelunan.” Ia uyan palai mida tai lawa Injil, palai ia uyan pegawa, palai ia uyan penco Injil, un palai ia uyan petubo Mpun diaʹ ngelan Tuhan, ngan pekatuk kidi. 12Ia uyan pekina moʹ o ke pedengkep mung nte diaʹ anun Allah, apan nte mencam pasat gayeng nge dalem nte ke pepo medeng usa Keristus. 13Idi mung le kuaʹ kuaʹ ketai pebeka ca le dalem pengelan, ngan dalem penisen le neng Anak Allah. Ketai le nuyan koʹ baʹan kelunan iaʹ sukung bioʹ udip de, pa le tai dapit saheʹ le pekuaʹ ngan anun Keristus. 14Idi le abeʹ un ukoʹ baʹan anak iaʹ tai pebing mayo keluncat, ngan koʹ baʹan iaʹ tai payo moʹ o pekeliwa kuʹun bahiu, seleket katuk dulu diaʹ nai pelingu. Moʹ kuʹun aken jaʹat de, ida madut kelunan mayo neng iaʹ salaʹ. 15Di lareʹ ilu kanan isiu iaʹ telit lan dalem kimet le iaʹ malaʹ. Pekina ketai ca le usa le, dengkep dalem mung naʹan palaʹ Keristus iaʹ ulu ue. 16Moʹ cen ulu ue, mung senganan neng usa un tuk iaʹ dengkep. Ngan toʹ usa ina pedapit neng ca le kuʹun uhat buku neng singket te. Buk singket naʹan senganan dalem usa ina pegayeng bayaʹ kelayen nte iaʹ tekep, toʹ usa ina ke nai un pit ngan ke nekedeng tengen, moʹ mung puyan dina nuyan kuʹun malaʹ.
Udip iaʹ mading dalem Keristus
17Ina ukoʹ keʹ pisiu ikem dalem ngadan Tuhan, ngan tengayet kaʹ keʹ ke mulen ikem mudip koʹ baʹan diseʹ diaʹ muau Tuhan, diaʹ abeʹ un tuman tuman kimet de, 18ngan mentem ban penawai re. Abeʹ de un alaʹ tulat neng udip iaʹ nai cen Allah, moʹ de turan laleʹ ngan mahing kimet de. 19Abeʹ de tisen saʹe neng iaʹ jaʹat. Ida mencai usa re neng puyan penyalaʹ iaʹ keratang. Ida uyan mung naʹan iaʹ deram pa pa kumpin.
20Un sepuʹo, abeʹ e neng diaʹ pekina iaʹ ikem pekalai cen Keristus ne. 21Buk lan ncem lepa kenahan dau denga ha, ikem diaʹ bayaʹ katuk ke, ngan pekalai neng katuk iaʹ telit lan, mentung ngkem pebeka tawai hem dalem Yesus. 22Cen diaʹ pekina, pet ne penyaheʹ kem iaʹ puʹun, iaʹ cuk ikem mudip dalem udip iaʹ puʹun are, moʹ penyaheʹ iaʹ puʹun iaʹ ngejaʹat udip kelunan kuʹun pengubaʹ a iaʹ pelingu ikem ina. 23Toʹ penawai hem ngan kimet cem, abeʹ e senteng are ke tai nuyan mading lan. 24Kanan ne penyaheʹ iaʹ mading, iaʹ ban nuyan bayaʹ diseʹ ban layen Allah, iaʹ ke luhaʹ dalem pengudip iaʹ teneng lan, iaʹ ina telit ngan buheʹ.
25Moʹ ina, ayen ncem palo laʹa. Pisiu iaʹ lan ngan teneng neng ahang ikem kelunan, moʹ ca le puʹun le dalem usa Keristus. 26Buk kem miʹa, ayen ncem miʹa pa hem tai laboʹ neng penyalaʹ. Ayen ncem kanan iʹa pa tai lenca tau. 27Ayen mawang ukoʹ Bali Jaʹat. 28Aheʹ iaʹ ban ngelau cen kena, ayen ne ngelau laʹa, di lareʹ tiga ha nading pegayeng man ujoʹ o tengen neng gayeng iaʹ tiga, apan ne senteng mepo diaʹ taru mudip. 29Buk kem pisiu, ayen kanan isiu iaʹ ke ngejaʹat dulu. Un sepuʹo kanan ne isiu iaʹ ke mepo dulu, iaʹ ke pedengkep ida neng inu iaʹ ida tepa. Cen diaʹ pekina hem uyan tiga me dulu diaʹ kenahan dau hem ʹo. 30Ngan ayen ncem nyakit Berua Buheʹ Allah. Moʹ man Berua ina Allah lepa matep ikem. Atep ina ca kedatung iaʹ nyalet tebelum ngkem neng Tau Bioʹ iaʹ kenai ʹo. Tegoʹ ina Allah ke pawang ikem kelap cen mung iaʹ jaʹat ʹo. 31Ayen un laʹa neng ahang ikem tiraʹ iaʹ laʹit, ngan kimet laseʹ, ngan buseʹ. Ayen peletoʹ un dau kerikak, ngan pejaʹat dau neng kelunan. Pet dina mung, peging ngan mung naʹan sakit saheʹ. 32Di lareʹ alaʹ kimet lesau ngan lemaʹ saheʹ kahang ikem selepeʹ, ngan sau penyalaʹ neng ikem selepeʹ, koʹ baʹan Allah lepa sau penyalaʹ kem kedalem Keristus are.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kenyah New Testament © Bible Society of Malaysia, 1984.