1 TESALUNIKA 1
1
1Cen Paulus, Silas, ngan Timutius:
Palaʹ mung kelunan dalem Mpun diaʹ ngelan Tuhan kaʹ Tesalunika, diaʹ anun Allah, Amai Bioʹ le, ngan Tuhan Yesus Keristus.
Awaʹ pe pengelesau ngan udip iaʹ tadan un neng ikem.
Pengudip ngan pengelan kelunan Tesalunika
2Lemuto meʹ nyuaʹ tiga saheʹ palaʹ Allah tuman ikem mung, ngan ngkin ikem lemuto dalem temameʹ meʹ. 3Ban ne dalau meʹ lemameʹ palaʹ Amai le Tuhan Allah, ameʹ petawai kumpin tangen seʹ pengelan ncem singket tau, ngan pekina pe tangen seʹ kem pegayeng tuman pengelesau hem, ngan pekina pe kumpin salet seʹ tebelum ngkem neng Yesus Keristus le.
4Ban ne ameʹ tisen cenganak, bioʹ pengemalaʹ Allah neng ikem, ngan lepa ha lemileʹ ikem ke nuyan diaʹ anun ne tengen. 5Ban ne ameʹ nai ngkin Denga Injil ina palaʹ ikem cenganak, abeʹ e man isiu tuaʹ le, un sepuʹo man puyan nyingan ngan puyan Berua Buheʹ, ngan kimet iaʹ abeʹ un, babak neng penelit te. Tisen te ikem kumpin seʹ pengudip meʹ dalau meʹ un ngan ncem are. Bang nuyan peniga me ikem tengen le ina. 6Lepa ne ikem katap puyan meʹ ngan puyan Tuhan le. Kenuen pe ikem tuyen laleʹ, ikem alaʹ Denga Injil peging ngan bangen iaʹ nai cen Berua Buheʹ.
7Ngan pekina pe ikem nuyan ca kata palaʹ mung kelunan diaʹ ngelan Tuhan kaʹ tanaʹ Makedunia ngan kaʹ tanaʹ Gerika pe. 8Moʹ denga katuk neng puyan Tuhan lepa pasi ne kuʹun ncem. Tai ie pigai pabeʹ tanaʹ Makedunia ngan kaʹ tanaʹ Gerika te. Abeʹ e pa ina tuaʹ le, un sepuʹo denga puyan pengelan ncem palaʹ Allah lepa tai tipo kempi kempi. Abeʹ titin meʹ ke badaʹ inu inu laʹa. 9Mung kelunan dina badaʹ kumpin puyan ncem nyelama alaʹ ameʹ dalau tai meʹ menoʹ ikem cen naʹaʹ are. Ngan pekina pe ida badaʹ kumpin puyan ncem nyepuleʹ kimet cem cen uyat, ngan sileʹ palaʹ Tuhan Allah, sulo tunuk palaʹ Allah iaʹ lan ngan iaʹ mudip. 10Un dau re pisiu kumpin puyan ncem mengaʹ kenai Anak ke cen surga, iaʹ ina Yesus, iaʹ ia lepa beteʹ cen patai. Ia iaʹ ngelidung ilu cen kenca Allah iaʹ ke nai ʹo.
Currently Selected:
1 TESALUNIKA 1: KNT
Highlight
Copy
Compare
Share
Want to have your highlights saved across all your devices? Sign up or sign in
Kenyah New Testament © Bible Society of Malaysia, 1984.
1 TESALUNIKA 1
1
1Cen Paulus, Silas, ngan Timutius:
Palaʹ mung kelunan dalem Mpun diaʹ ngelan Tuhan kaʹ Tesalunika, diaʹ anun Allah, Amai Bioʹ le, ngan Tuhan Yesus Keristus.
Awaʹ pe pengelesau ngan udip iaʹ tadan un neng ikem.
Pengudip ngan pengelan kelunan Tesalunika
2Lemuto meʹ nyuaʹ tiga saheʹ palaʹ Allah tuman ikem mung, ngan ngkin ikem lemuto dalem temameʹ meʹ. 3Ban ne dalau meʹ lemameʹ palaʹ Amai le Tuhan Allah, ameʹ petawai kumpin tangen seʹ pengelan ncem singket tau, ngan pekina pe tangen seʹ kem pegayeng tuman pengelesau hem, ngan pekina pe kumpin salet seʹ tebelum ngkem neng Yesus Keristus le.
4Ban ne ameʹ tisen cenganak, bioʹ pengemalaʹ Allah neng ikem, ngan lepa ha lemileʹ ikem ke nuyan diaʹ anun ne tengen. 5Ban ne ameʹ nai ngkin Denga Injil ina palaʹ ikem cenganak, abeʹ e man isiu tuaʹ le, un sepuʹo man puyan nyingan ngan puyan Berua Buheʹ, ngan kimet iaʹ abeʹ un, babak neng penelit te. Tisen te ikem kumpin seʹ pengudip meʹ dalau meʹ un ngan ncem are. Bang nuyan peniga me ikem tengen le ina. 6Lepa ne ikem katap puyan meʹ ngan puyan Tuhan le. Kenuen pe ikem tuyen laleʹ, ikem alaʹ Denga Injil peging ngan bangen iaʹ nai cen Berua Buheʹ.
7Ngan pekina pe ikem nuyan ca kata palaʹ mung kelunan diaʹ ngelan Tuhan kaʹ tanaʹ Makedunia ngan kaʹ tanaʹ Gerika pe. 8Moʹ denga katuk neng puyan Tuhan lepa pasi ne kuʹun ncem. Tai ie pigai pabeʹ tanaʹ Makedunia ngan kaʹ tanaʹ Gerika te. Abeʹ e pa ina tuaʹ le, un sepuʹo denga puyan pengelan ncem palaʹ Allah lepa tai tipo kempi kempi. Abeʹ titin meʹ ke badaʹ inu inu laʹa. 9Mung kelunan dina badaʹ kumpin puyan ncem nyelama alaʹ ameʹ dalau tai meʹ menoʹ ikem cen naʹaʹ are. Ngan pekina pe ida badaʹ kumpin puyan ncem nyepuleʹ kimet cem cen uyat, ngan sileʹ palaʹ Tuhan Allah, sulo tunuk palaʹ Allah iaʹ lan ngan iaʹ mudip. 10Un dau re pisiu kumpin puyan ncem mengaʹ kenai Anak ke cen surga, iaʹ ina Yesus, iaʹ ia lepa beteʹ cen patai. Ia iaʹ ngelidung ilu cen kenca Allah iaʹ ke nai ʹo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kenyah New Testament © Bible Society of Malaysia, 1984.