Heh puiˉ hkʼaw ve li‸ 36
36
Awˬ hpawˇ cawˬ ve yaˇ miˇ gʼa cawˇ ve awˬ shinˉ
1Yoˇseh‸, Maˍnaˍseˍ, Maˍhkiˇraˆ leh Giˇlaˆ awˬ ceuˬ awˬ hkʼaˇ teˇ hpaˍ awˬ hkʼaw lo ve awˬ hoˉ awˬ naˬ teˇ hpaˍ, Moˉseˍ leh awˬ hoˉ awˬ naˬ teˇ hpaˍ geh kʼai leh yawˇ hui hta‸ chi hkʼe kʼoˆ piˇ ve yoˬ. 2Iˉsaˍreˍlaˆ chaw hui hta‸ mvuhˇmiˬ pehˬ piˇ tuˬ Gʼuiˬsha nawˬ hui hta‸ kʼoˆ piˇ taˍ peuˬ ve yoˬ. Ngaˬ hui ve awˬviˉ awˬ nyi Zeˍlawˇhpaˆ ve mawˇ jeˬ teˇ hpaˍ hta‸ htawˇ, yawˇ ve yaˇ miˇ teˇ hpaˍ hta‸ pehˬ piˇ tuˬ Gʼuiˬsha nawˬ hui hta‸ kʼoˆ piˇ taˍ peuˬ ve yoˬ. 3Ya‸ hkʼaˇ, dawˇ nyi sheˍ. Yawˇ hui lehˬ awˬ nu ve Iˉsaˍreˍlaˆ awˬ ceuˬ awˬ hkʼaˇ teˇ hpaˍ hta‸ kʼaw‸ heuˆ kʼai ve kʼo, yawˇ hui gʼa taˍ ve mawˇ teˇ hpaˍ htawˇ, awˬ nu ve awˬ ceuˬ awˬ hkʼaˇ teˇ hpaˍ kʼaw‸ gʼa kʼai leh, ngaˬ hui gʼa taˍ ve mawˇ teˇ hpaˍ kʼaw‸ i kʼai tuˬ yoˬ. 4Juˇbiˍliˍ hkʼaw‸ gaˬ la leh, hawˇ taˍ peuˬ ve miˬguiˬ teˇ hpaˍ awˬ shehˍ hpaˇ hta‸ gʼa kʼaw‸ hkʼaw‸ piˇ htaˇ gaˬ kʼo, Zeˍlawˇhpaˆ yaˇ miˇ teˇ hpaˍ ve miˬguiˬ lehˬ, yawˇ hui heuˆ taˍ ve awˬ nu ve awˬ ceuˬ awˬ hkʼaˇ teˇ hpaˍ gʼa kʼai leh, ngaˬ hui hpawˇ lo shonˇ kʼai tuˬ ve yoˬ, teh‸ yawˇ hui hta‸ kʼoˆ piˇ ve yoˬ.
5Hkʼe te leh, Moˉseˍ lehˬ Gʼuiˬsha kʼoˆ laˇ ve tawˇ chi teˇ hpaˍ Iˉsaˍreˍlaˆ chaw hui hta‸ kʼoˆ maˍ piˇ ve yoˬ. Maˍnaˍseˍ awˬ ceuˬ awˬ hkʼaˇ teˇ hpaˍ kʼoˆ chehˇ ve tawˇ lehˬ cawˇ ve yoˬ. 6Zeˍlawˇhpaˆ ve yaˇ miˇ teˇ hpaˍ lehˬ, yawˇ hui heuˆ gaˇ ve chaw hta‸ heuˆ hpeh‸ ve yoˬ. Ya‸ hkʼaˇ, yawˇ hui ve awˬ ceuˬ awˬ hkʼaˇ teˇ hpaˍ hta‸ ceh tiˉ gʼa heuˆ ve yoˬ. 7Iˉsaˍreˍlaˆ awˬ ceuˬ awˬ hkʼaˇ teˇ hpaˍ hta‸ pehˬ piˇ taˍ peuˬ ve mawˇ lehˬ, teˇ gʼaˇ hta‸ teˇ gʼaˇ kʼaw‸ piˇ da‸ maˇ hpeh‸. A shu yawˇ moˍ yawˇ gʼa taˍ ve hkʼe ceh hpeh‸ ve yoˬ. 8Yaˇ miˇ teˇ hpaˍ htawˇ, a shu yawˇ ve awˬ ceuˬ awˬ hkʼaˇ hta‸ ceh gʼa nyi heuˆ leh, a shu yawˇ gʼa taˍ ve awˬ shinˉ hta‸ gʼa ha‸ shaˉ taˍ ve yoˬ. 9Awˬ shinˉ oˇ ve teˇ hpaˍ, awˬ nu ve awˬ ceuˬ awˬ hkʼaˇ teˇ hpaˍ hta‸ maˇ gʼa piˇ. A shu yawˇ gʼa taˍ ve awˬ shinˉ hta‸ gʼa ha‸ shaˉ taˍ ve yoˬ, teh‸ Moˉseˍ yawˇ hui hta‸ kʼoˆ piˇ ve yoˬ.
10-11Hkʼe te leh, Zeˍlawˇhpaˆ ve yaˇ miˇ Maˍlaˍ, Tiˉraˍzaˍ, Hawˇgaˍlaˆ, Miˆlaˍkaˍ, leh Nawˇ-aˍ hui lehˬ, Gʼuiˬsha Moˉseˍ hta‸ kʼoˆ piˇ taˍ ve hkʼe, a shu yawˇ ve awˬ ceuˬ awˬ hkʼaˇ teˇ hpaˍ hta‸ heuˆ ve yoˬ. 12Yawˇ hui lehˬ, Yoˇseh‸ ve yaˇ Maˍnaˍseˍ awˬ ceuˬ awˬ hkʼaˇ teˇ hpaˍ hta‸ ceh tiˉ heuˆ leh, yawˇ hui gʼa taˍ ve awˬ shinˉ hta‸ ha‸ shaˉ taˍ ve yoˬ.
13Chi ve lehˬ, Iˉsaˍreˍlaˆ chaw teˇ hpaˍ Yawˇdanˍ iˉ kaˆ lawˬ paˇ lo cawˬ ve Mawˇbaˆ chaw hui ve mvuhˇmiˬ hkʼaw chehˇ taˍ htaˇ, Gʼuiˬsha Moˉseˍ hta‸ cuˇ leh kʼoˆ piˇ taˍ ve awˬ liˇ awˬ hkʼaˇ teˇ hpaˍ hpeh‸ ve yoˬ.
Currently Selected:
Heh puiˉ hkʼaw ve li‸ 36: LHBE
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Heh puiˉ hkʼaw ve li‸ 36
36
Awˬ hpawˇ cawˬ ve yaˇ miˇ gʼa cawˇ ve awˬ shinˉ
1Yoˇseh‸, Maˍnaˍseˍ, Maˍhkiˇraˆ leh Giˇlaˆ awˬ ceuˬ awˬ hkʼaˇ teˇ hpaˍ awˬ hkʼaw lo ve awˬ hoˉ awˬ naˬ teˇ hpaˍ, Moˉseˍ leh awˬ hoˉ awˬ naˬ teˇ hpaˍ geh kʼai leh yawˇ hui hta‸ chi hkʼe kʼoˆ piˇ ve yoˬ. 2Iˉsaˍreˍlaˆ chaw hui hta‸ mvuhˇmiˬ pehˬ piˇ tuˬ Gʼuiˬsha nawˬ hui hta‸ kʼoˆ piˇ taˍ peuˬ ve yoˬ. Ngaˬ hui ve awˬviˉ awˬ nyi Zeˍlawˇhpaˆ ve mawˇ jeˬ teˇ hpaˍ hta‸ htawˇ, yawˇ ve yaˇ miˇ teˇ hpaˍ hta‸ pehˬ piˇ tuˬ Gʼuiˬsha nawˬ hui hta‸ kʼoˆ piˇ taˍ peuˬ ve yoˬ. 3Ya‸ hkʼaˇ, dawˇ nyi sheˍ. Yawˇ hui lehˬ awˬ nu ve Iˉsaˍreˍlaˆ awˬ ceuˬ awˬ hkʼaˇ teˇ hpaˍ hta‸ kʼaw‸ heuˆ kʼai ve kʼo, yawˇ hui gʼa taˍ ve mawˇ teˇ hpaˍ htawˇ, awˬ nu ve awˬ ceuˬ awˬ hkʼaˇ teˇ hpaˍ kʼaw‸ gʼa kʼai leh, ngaˬ hui gʼa taˍ ve mawˇ teˇ hpaˍ kʼaw‸ i kʼai tuˬ yoˬ. 4Juˇbiˍliˍ hkʼaw‸ gaˬ la leh, hawˇ taˍ peuˬ ve miˬguiˬ teˇ hpaˍ awˬ shehˍ hpaˇ hta‸ gʼa kʼaw‸ hkʼaw‸ piˇ htaˇ gaˬ kʼo, Zeˍlawˇhpaˆ yaˇ miˇ teˇ hpaˍ ve miˬguiˬ lehˬ, yawˇ hui heuˆ taˍ ve awˬ nu ve awˬ ceuˬ awˬ hkʼaˇ teˇ hpaˍ gʼa kʼai leh, ngaˬ hui hpawˇ lo shonˇ kʼai tuˬ ve yoˬ, teh‸ yawˇ hui hta‸ kʼoˆ piˇ ve yoˬ.
5Hkʼe te leh, Moˉseˍ lehˬ Gʼuiˬsha kʼoˆ laˇ ve tawˇ chi teˇ hpaˍ Iˉsaˍreˍlaˆ chaw hui hta‸ kʼoˆ maˍ piˇ ve yoˬ. Maˍnaˍseˍ awˬ ceuˬ awˬ hkʼaˇ teˇ hpaˍ kʼoˆ chehˇ ve tawˇ lehˬ cawˇ ve yoˬ. 6Zeˍlawˇhpaˆ ve yaˇ miˇ teˇ hpaˍ lehˬ, yawˇ hui heuˆ gaˇ ve chaw hta‸ heuˆ hpeh‸ ve yoˬ. Ya‸ hkʼaˇ, yawˇ hui ve awˬ ceuˬ awˬ hkʼaˇ teˇ hpaˍ hta‸ ceh tiˉ gʼa heuˆ ve yoˬ. 7Iˉsaˍreˍlaˆ awˬ ceuˬ awˬ hkʼaˇ teˇ hpaˍ hta‸ pehˬ piˇ taˍ peuˬ ve mawˇ lehˬ, teˇ gʼaˇ hta‸ teˇ gʼaˇ kʼaw‸ piˇ da‸ maˇ hpeh‸. A shu yawˇ moˍ yawˇ gʼa taˍ ve hkʼe ceh hpeh‸ ve yoˬ. 8Yaˇ miˇ teˇ hpaˍ htawˇ, a shu yawˇ ve awˬ ceuˬ awˬ hkʼaˇ hta‸ ceh gʼa nyi heuˆ leh, a shu yawˇ gʼa taˍ ve awˬ shinˉ hta‸ gʼa ha‸ shaˉ taˍ ve yoˬ. 9Awˬ shinˉ oˇ ve teˇ hpaˍ, awˬ nu ve awˬ ceuˬ awˬ hkʼaˇ teˇ hpaˍ hta‸ maˇ gʼa piˇ. A shu yawˇ gʼa taˍ ve awˬ shinˉ hta‸ gʼa ha‸ shaˉ taˍ ve yoˬ, teh‸ Moˉseˍ yawˇ hui hta‸ kʼoˆ piˇ ve yoˬ.
10-11Hkʼe te leh, Zeˍlawˇhpaˆ ve yaˇ miˇ Maˍlaˍ, Tiˉraˍzaˍ, Hawˇgaˍlaˆ, Miˆlaˍkaˍ, leh Nawˇ-aˍ hui lehˬ, Gʼuiˬsha Moˉseˍ hta‸ kʼoˆ piˇ taˍ ve hkʼe, a shu yawˇ ve awˬ ceuˬ awˬ hkʼaˇ teˇ hpaˍ hta‸ heuˆ ve yoˬ. 12Yawˇ hui lehˬ, Yoˇseh‸ ve yaˇ Maˍnaˍseˍ awˬ ceuˬ awˬ hkʼaˇ teˇ hpaˍ hta‸ ceh tiˉ heuˆ leh, yawˇ hui gʼa taˍ ve awˬ shinˉ hta‸ ha‸ shaˉ taˍ ve yoˬ.
13Chi ve lehˬ, Iˉsaˍreˍlaˆ chaw teˇ hpaˍ Yawˇdanˍ iˉ kaˆ lawˬ paˇ lo cawˬ ve Mawˇbaˆ chaw hui ve mvuhˇmiˬ hkʼaw chehˇ taˍ htaˇ, Gʼuiˬsha Moˉseˍ hta‸ cuˇ leh kʼoˆ piˇ taˍ ve awˬ liˇ awˬ hkʼaˇ teˇ hpaˍ hpeh‸ ve yoˬ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.