Maˍkuˆ li‸ 9
9
1Ngaˬ nawˬ hui hta‸ awˬ tehˬ awˬ na kʼoˆ laˇ ve, choˬ kaˬ lo huˉ chehˇ ve chaw teˇ hpaˍ hpaˍ lehˬ, Gʼuiˬsha ve mvuhˇmiˬ kanˇ paˆ awˬ hkʼaw lo laˬ ve hta‸ maˇ gʼa mawˬ sheˍ ve ceh ceh, maˇ gʼa suh teh‸, yawˇ yawˇ hui hta‸ kʼoˆ piˇ ve yoˬ.
Yeˍsuˆ awˬ ho‸ awˬ han pa ve
2Hkaw‸ nyi pon peuˬ hkʼaw‸ nawˉ, Yeˍsuˆ lehˬ Peˍtruˆ, Yaˍkʼoˆ leh Yoˇhanˬ hta‸ ceh shiˍ veu leh mvuh ve hkʼaw teˇ shiˍ awˬ hkʼoˆ lo yawˇ hui taˆ-e ve yoˬ. Oˇ htaˇ, yawˇ hui mehˆ gʼuˇ suhˍ yawˇ ve awˬ ho‸ awˬ han pa leh, 3yawˇ ve veu‸ kʼaˇ awˬ gʼeuˆ ba la leh hpu da‸ jaˇ ve yoˬ. Miˬguiˬ hkʼoˆ mawˇ tsuhˇ paˍ hkʼaˬ ve teˇ gʼaˇ maˇ kʼoˆ, oˇ hkʼe taw taw tsuhˇ hpu maˇ gʼa. 4Moˉseˍ leh Eˇliˇya‸ htawˇ yawˇ hui mehˆ gʼuˇ suhˍ tawˆ la leh Yeˍsuˆ geh na‸ uˉ te da‸ chehˇ ve yoˬ. 5Oˇ htaˇ Peˍtruˆ lehˬ, Jawˇmawˇ-oˬ, ngaˬ hui choˬ kaˬ chehˇ ve lehˬ da‸ ve yoˬ. Ngaˬ hui aˉ po kʼo shehˆ shiˍ te tuˬ yoˬ. Nawˬ awˬ pon teˇ shiˍ, Moˉseˍ awˬ pon teˇ shiˍ leh Eˇliˇya‸ awˬ pon teˇ shiˍ te tuˬ yoˬ teh‸, Yeˍsuˆ hta‸ kʼoˆ piˇ ve yoˬ. 6Awˬ lawn kʼo, yawˇ hui kawˆ jaˇ ve pa taw, yawˇ hkʼaˬ hkʼe gʼa kʼoˆ tuˬ ve hta‸ maˇ shiˍ.
7Oˇ htaˇ, moˬ yawˇ hui hta‸ hoˆ taˍ beh taˍ leh, Chaw chi lehˬ, ngaˬ ha‸ jaˇ ve Yaˇ hpu yoˬ. Yawˇ ve tawˇ hkawˇ hta‸ na-o teh‸, moˬ oˇ ve awˬ hkʼaw lo awˬ hkawˇ bvuhˬ la ve yoˬ. 8Yawˇ hui teˇ cawˬ haˉ caw nyi ve teˇ yanˇ, awˬ kaˍ awˬ nu chaw teˇ gʼaˇ hta‸ ka‸ maˇ kʼaw‸ mawˬ. Yeˍsuˆ ceh tiˉ yawˇ hui geh chehˇ taˍ ve hta‸ gʼa mawˬ ve yoˬ.
9Hkʼaw oˇ ve teˇ shiˍ lo yawˇ hui kʼaw‸ ya‸ la chehˇ ve teˇ yanˇ, chaw yaˇ ve Yaˇ hpu lehˬ suh kuiˬ lo maˇ kʼaw‸ te‸ tu la sheˍ ve ceh ceh, yawˇ hui gʼa mawˬ ve teˇ hpaˍ chaw teˇ gʼaˇ hta‸ ka‸ maˇ gʼa hto piˇ tuˬ, yawˇ yawˇ hui hta‸ tawˇ piˇ taˍ ve yoˬ.
10Yawˇ hui lehˬ, tawˇ hkawˇ oˇ ve hta‸ tawnˇ taˍ leh, Suh kuiˬ lo kʼaw‸ te‸ tu la ve teˇ ceuˬ aˬ hto‸ ma hta‸ kʼoˆ ve le teh‸, teˇ gʼaˇ leh teˇ gʼaˇ na nyi da‸ ve yoˬ. 11Oˇ htaˇ yawˇ hui lehˬ, Eˇliˇya‸ awˉ lawˉ gʼa laˬ tuˬ yoˬ teh‸, aˬ hto‸ ma pa taw li‸ bvuh‸ paˍ teˇ hpaˍ kʼoˆ ve le teh‸, yawˇ hta‸ na nyi ve yoˬ.
12Yawˇ kʼaw‸ kʼoˆ piˇ ve, Eˇliˇya‸ awˬ tehˬ awˬ na laˬ leh, hkʼa peu-eˬ hta‸ kʼaw‸ gu te ve yoˬ. Chaw yaˇ ve Yaˇ hpu lehˬ, laiˉ ceuˬ hta‸ gʼa tu‸ gʼa hkanˍ leh chiˇ baˬ ve hta‸ gʼa hkanˍ tuˬ yoˬ teh‸, aˬ hto‸ ma pa taw bvuh‸ taˍ ve le teh‸ na nyi ve yoˬ. 13Ya‸ hkʼaˇ, ngaˬ nawˬ hui hta‸ kʼoˆ laˇ ve, Eˇliˇya‸ gaˬ la peuˬ leh, yawˇ ve awˬ lawn bvuh‸ taˍ ve hkʼa shuˍ shuˍ, yawˇ hui yawˇ hta‸ te gaˇ ve hkʼe te piˇ peuˬ teh‸ Yeˍsuˆ kʼoˆ ve yoˬ.
Paw‸ hpeuˆ ve yaˇ paˍ ehˉ teˇ gʼaˇ hta‸ Yeˍsuˆ gu na-e piˇ ve
14Yawˇ hui lehˬ, awˬ la‸ gʼawˇ hui geh kʼaw‸ gaˬ la htaˇ, chaw awˬ moˍ lonˉ awˬ la‸ gʼawˇ hui hta‸ hkʼa caw zuhˇ chehˇ taˍ leh, li‸ bvuh‸ paˍ teˇ hpaˍ yawˇ hui geh tawˇ gʼawˬ da‸ chehˇ ve hta‸ gʼa mawˬ ve yoˬ. 15Chaw awˬ moˍ lonˉ hkʼa peu-eˬ teˇ cawˬ haˉ Yeˍsuˆ hta‸ gʼa mawˬ htaˇ anˇ jaˇ leh, yawˇ geh gʼuiˇ kʼai leh yawˇ hta‸ ha‸ yuˬ ve yoˬ. 16Oˇ htaˇ Yeˍsuˆ lehˬ, Nawˬ hui yawˇ hui geh aˬ hto‸ ma awˬ lawn tawˇ gʼawˬ da‸ chehˇ ve le teh‸ na nyi htaˇ,
17chaw awˬ moˍ lonˉ awˬ hkʼaw lo chaw teˇ gʼaˇ yawˇ hta‸ kʼoˆ piˇ ve, Saˍ la‸-oˬ, ngaˬ ve yaˇ paˍ hta‸ nawˬ geh shiˍ veu laˇ ve yoˬ. Yawˇ lehˬ, kʼaˍ ve neˇ geh taˍ ve yoˬ. 18Neˇ yawˇ hta‸ yuˬ tiˍ ve teˇ yanˇ, yawˇ hkʼaˬ lo chehˇ ve maˇ kʼoˆ, neˇ yawˇ hta‸ ca‸ baˬ ve yoˬ. Oˇ htaˇ, maw‸ kʼaw hkʼaw awˬ fuˇ tawˆ la leh, ciˬ geu‸ leh awˬ to heh kuˉ lehˍ kʼai ve yoˬ. Neˇ hta‸ gʼa‸ kʼoˬ tuˬ nawˬ ve awˬ la‸ gʼawˇ hui hta‸ ngaˬ kʼoˆ piˇ ve htawˇ, yawˇ hui te maˇ gʼa teh‸ yawˇ kʼoˆ piˇ ve yoˬ.
19Yeˍsuˆ kʼaw‸ kʼoˆ ve, Yonˍ ve maˇ cawˬ ve chaw chi teˇ co-e, ngaˬ nawˬ hui geh hkʼaˬ maw gʼa chehˇ tuˬ sheˍ le. Ngaˬ nawˬ hui hta‸ hkʼaˬ maw gʼa yeunˇ hkanˍ tuˬ sheˍ le. Yawˇ hta‸ ngaˬ geh yuˬ laˬ-o‸ teh‸ kʼoˆ piˇ ve yoˬ. 20Oˇ htaˇ yawˇ hui lehˬ, yaˇ paˍ hta‸ yawˇ geh yuˬ laˬ ve yoˬ.
Neˇ oˇ ve Yeˍsuˆ hta‸ gʼa mawˬ htaˇ, yaˇ paˍ hta‸ yawˇ paw‸ hpeuˆ piˇ lawˬ leh, yaˇ paˍ oˇ ve miˬ chaˇ hkʼoˆ paiˍ ve yoˬ. Yawˇ lehˬ, maw‸ kʼaw hkʼaw awˬ fuˇ tawˆ la leh hpeˆ dawˇ chehˇ ve yoˬ.
21Yeˍsuˆ lehˬ, Yawˇ chi hkʼe hpeh‸ la ve hkʼaˬ maw gaˬ peuˬ le teh‸, awˬ pa hta‸ na nyi ve teˇ yanˇ, awˬ pa kʼoˆ ve, Yawˇ i htaˇ ka‸ chi hkʼe hpeh‸ taˍ ve yoˬ. 22Yawˇ hta‸ te luˬ tuˬ, aˬ miˍ awˬ hkʼaw lo maˇ kʼoˆ, iˉ kaˆ awˬ hkʼaw lo maˇ kʼoˆ, laiˉ pawˆ neˇ yawˇ hta‸ ca‸ keu piˇ ve yoˬ. Ya‸ hkʼaˇ, nawˬ teˇ ceuˬ ceuˬ te hpeh‸ ve kʼo, ngaˬ hui hta‸ ha kʼaˉ leh ga laˇ-oˆ teh‸ kʼoˆ ve yoˬ.
23Yeˍsuˆ kʼoˆ ve, Te hpeh‸ ve kʼo teh‸ nawˬ kʼoˆ ve laˇ. Yonˍ ve chaw hui awˬ pon awˬ ceuˬ hkʼa peu-eˬ hpeh‸ la gʼa ve yoˬ teh‸, yawˇ hta‸ kʼoˆ piˇ ve yoˬ.
24Oˇ htaˇ yaˇ paˍ ehˉ ve awˬ pa teˇ cawˬ haˉ kuˬ leh, Ngaˬ yonˍ ve yoˬ. Ngaˬ yonˍ maˇ biˇ ve awˬ ceuˬ hta‸ a ciˉ ga laˇ-oˆ teh‸ kʼoˆ piˇ ve yoˬ.
25Chaw awˬ moˍ lonˉ yawˇ geh gʼuiˇ laˬ chehˇ ve hta‸ Yeˍsuˆ gʼa mawˬ htaˇ, neˇ cha‸ chiˆ oˇ ve hta‸ deˇ leh, Kʼaˍ leh naˍ paw pawˇ ve neˇ-oˬ, yawˇ awˬ hkʼaw lo tawˆ kʼai leh awˬ hkʼaw‸ nawˉ teˇ pawˆ ka‸ yawˇ awˬ hkʼaw lo taˇ kʼaw‸ lo‸-e teh‸ ngaˬ nawˬ hta‸ tawˇ piˇ ve yoˬ teh‸ kʼoˆ piˇ ve yoˬ.
26Oˇ htaˇ, neˇ oˇ ve bvuhˬ chaweh kuˬ leh yaˇ paˍ oˇ ve hta‸ gʼaˇ hte‸ paw‸ hpeuˆ tcuh peuˬ hkʼaw‸ nawˉ tawˆ kʼai ve yoˬ. Yaˇ paˍ ehˉ oˇ ve chaw suh hkʼe hpeh‸ ve pa taw, Yawˇ suh peuˬ teh‸, chaw laiˉ gʼaˇ kʼoˆ ve yoˬ. 27Ya‸ hkʼaˇ, Yeˍsuˆ yawˇ ve la‸ sheh hta‸ vawˆ leh, yawˇ hta‸ gʼawˬ tu piˇ leh yawˇ tu la ve yoˬ.
28Yeˍsuˆ aˉ hkʼaw lo‸-e peuˬ hkʼaw‸ nawˉ, yawˇ ve awˬ la‸ gʼawˇ teˇ hpaˍ ta‸ iˉ gawˬ lehˍ ve awˬ hkʼaw lo, Neˇ oˇ ve hta‸ aˬ hto‸ ma pa taw ngaˬ hui gʼa‸ kʼoˬ maˇ gʼa ve le teh‸, yawˇ hta‸ na nyi ve yoˬ.
29Yeˍsuˆ lehˬ, Bon lawˬ ve teˇ ceuˬ maˇ heˆ kʼo, neˇ chi teˇ ceuˬ hta‸ gʼa‸ kʼoˬ maˇ gʼa teh‸, yawˇ hui hta‸ kʼoˆ piˇ ve yoˬ.
Yeˍsuˆ yawˇ gʼa suh tuˬ ve awˬ lawn teˇ pawˆ kʼaw‸ hto piˇ ve
30Yawˇ hui oˇ kaˬ lo tawˆ kʼai leh Gaˍliˍlehˇ mvuhˇmiˬ hta‸ hpanˍ kʼai ve yoˬ. Yawˇ hui kʼai ve awˬ lawn chaw teˇ gʼaˇ hta‸ ka‸ yawˇ maˇ shiˍ piˇ gaˇ ve yoˬ. 31Awˬ lawn kʼo, yawˇ yawˇ ve awˬ la‸ gʼawˇ hui hta‸ maˍ piˇ leh kʼoˆ ve, Chaw yaˇ ve Yaˇ hpu lehˬ, chaw yaˇ hui ve la‸ sheh awˬ hkʼaw lo chiˇ a‸ ve hta‸ gʼa hkanˍ leh, yawˇ hui yawˇ hta‸ tiˇ pehˍ tuˬ yoˬ. Tiˇ pehˍ peuˬ hkʼaw‸ nawˉ, shehˆ nyi gaˬ kʼo yawˇ kʼaw‸ te‸ tu la tuˬ yoˬ teh‸, yawˇ hui hta‸ kʼoˆ piˇ ve yoˬ.
32Tawˇ hkawˇ oˇ ve hta‸ yawˇ hui na maˇ gʼa htawˇ, yawˇ hta‸ kʼaw‸ na nyi maˇ haˆ.
Hkʼaˬ ve teˇ gʼaˇ shu a‸ kehˉ uiˍ ve le
33Oˇ ve hkʼaw‸ nawˉ yawˇ hui Kaˍpeˍ neˍonˍ venˇ lo gaˬ ve yoˬ. Yawˇ yehˬ hkʼaw lo chehˇ taˍ ve teˇ yanˇ, Ya‸ kʼaw kʼaˉ lo nawˬ hui aˬ hto‸ ma awˬ lawn jehˬ da‸ ve le teh‸, yawˇ yawˇ hui hta‸ na nyi ve yoˬ.
34Ya‸ hkʼaˇ, yawˇ hui ta‸ iˉ chehˇ taˍ ve yoˬ. Awˬ lawn kʼo, hkʼaˬ ve teˇ gʼaˇ shu a‸ kehˉ uiˍ ve le teh‸ ya‸ kʼaw kʼaˉ lo yawˇ hui teˇ gʼaˇ leh teˇ gʼaˇ jehˬ da‸ ve yoˬ. 35Oˇ htaˇ yawˇ mui taˍ leh, tcuh yaˇ teˇ chi nyiˇ gʼaˇ hta‸ kuˬ yuˬ leh, Shu a‸ kehˉ uiˍ gaˇ ve chaw teˇ gʼaˇ lehˬ, hkʼa peu-eˬ a‸ kehˉ i ve chaw gʼa hpeh‸ leh, hkʼa peu-eˬ ve awˬ ceˬ gʼa hpeh‸ ve yoˬ teh‸, yawˇ yawˇ hui hta‸ kʼoˆ piˇ ve yoˬ. 36Peuˬ leh, yaˇ ehˉ teˇ gʼaˇ hta‸ yawˇ yuˬ leh yawˇ hui awˬ kʼaw ji lo taˍ ve yoˬ. Yaˇ ehˉ hta‸ yawˇ chiˇ taˆ taˍ leh, yawˇ hui hta‸ kʼoˆ piˇ ve, 37Yaˇ ehˉ chi hkʼe ve teˇ gʼaˇ hta‸ ngaˬ ve awˬ meh awˬ hkʼaw lo ha‸ yuˬ ve chaw hkʼaˬ ve teˇ gʼaˇ maˇ kʼoˆ, ngaˬ hta‸ ha‸ yuˬ ve yoˬ. Ngaˬ hta‸ ha‸ yuˬ ve chaw lehˬ, ngaˬ hta‸ ceh tiˉ ha‸ yuˬ ve maˇ heˆ. Ngaˬ hta‸ peu laˇ shehˍ hpaˇ hta‸ yawˇ ha‸ yuˬ ve yoˬ teh‸ kʼoˆ ve yoˬ.
Canˇ paˍ hpawˇ maˇ chehˇ ve chaw ngaˬ hui hpawˇ chehˇ ve
38Oˇ htaˇ Yoˇhanˬ kʼoˆ ve, Saˍ la‸-oˬ, chaw teˇ gʼaˇ nawˬ ve awˬ meh hta‸ cuˇ leh neˇ teˇ hpaˍ hta‸ gʼa‸ kʼoˬ chehˇ ve hta‸ ngaˬ hui gʼa mawˬ ve yoˬ. Yawˇ ngaˬ hui geh teˇ geh laˬ ve chaw maˇ heˆ ve pa taw, ngaˬ hui yawˇ hta‸ tawˍ taˍ ve yoˬ teh‸, Yeˍsuˆ hta‸ kʼoˆ piˇ ve yoˬ.
39Yeˍsuˆ kʼaw‸ kʼoˆ ve, Yawˇ hta‸ taˇ tawˍ taˍ. Awˬ lawn kʼo, ngaˬ ve awˬ meh hta‸ cuˇ leh anˇ tuˬ te ve chaw hkʼaˬ ve teˇ gʼaˇ maˇ kʼoˆ, ngaˬ hta‸ haˆ haˆ kʼaw‸ hkʼaiˉ gʼa tuˬ ve maˇ heˆ. 40Ngaˬ hui ve canˇ paˍ hpawˇ maˇ chehˇ ve chaw teˇ gʼaˇ lehˬ, ngaˬ hui hpawˇ chehˇ ve chaw hpeh‸ ve yoˬ. 41Awˬ lawn kʼo, Hkri‸ ve awˬ meh hta‸ nawˬ hui pfuhˇ taˍ ve pa taw, hkʼaˬ ve chaw teˇ gʼaˇ htawˇ maˇ kʼoˆ, nawˬ hui hta‸ iˉ kaˆ teˇ kawˆ taw laˇ ve kʼo, yawˇ ve awˬ bon a ciˉ ka‸ maˇ mehˉ taˬ teh‸, ngaˬ nawˬ hui hta‸ awˬ tehˬ awˬ na kʼoˆ laˇ ve yoˬ.
Shu ya‸ kʼai tuˬ te ve awˬ lawn
42Ngaˬ hta‸ yonˍ ve yaˇ ehˉ teˇ gʼaˇ hta‸ ya‸ kʼai tuˬ te ve chaw hkʼaˬ ve teˇ gʼaˇ maˇ kʼoˆ, yawˇ ve kʼawˍ peˍ hta‸ haˉ pui mawˍ lonˉ hpeh kʼu leh laˇ tsuhˇ gʼuiˬ awˬ hkʼaw lo ce peu ve kʼo, yawˇ awˬ pon da‸ leuˉ ve yoˬ. 43Nawˬ ve la‸ sheh teˇ paˉ nawˬ hta‸ te ya‸ piˇ lawˬ ve kʼo, tawˆ baˬ-o‸. La‸ sheh nyiˇ paˉ paˉ cawˬ leh, moˬ naˆ ho‸ lo maˇ suh puiˉ ve aˬ miˍ to‸ chehˇ ve awˬ hkʼaw lo gʼa hkanˍ ve a‸ kehˉ, la‸ luˬ leh a sha‸ te‸ ve awˬ hkʼaw lo gʼa lo‸-e ve lehˬ, nawˬ awˬ pon da‸ leuˉ ve yoˬ.#9:43 Li‸ hpu teˇ hpaˍ hpaˍ awˬ hkʼaw lo ka nanˉ ehˉ chi teˇ maˬ cawˬ ve yoˬ. -44 Oˇ kaˬ lo awˬ pfuhˇ ma maˇ suh puiˉ leh, aˬ miˍ ka‸ maˇ suh puiˉ ve yoˬ. 45Nawˬ ve hkui sheh teˇ paˉ nawˬ hta‸ te ya‸ piˇ lawˬ ve kʼo, tawˆ baˬ-o‸. Hkui sheh nyiˇ paˉ paˉ cawˬ leh moˬ naˆ ho‸ awˬ hkʼaw lo baˬ keu ve hta‸ gʼa hkanˍ ve a‸ kehˉ, hkui luˬ leh a sha‸ te‸ ve awˬ hkʼaw lo gʼa lo‸-e ve lehˬ, nawˬ awˬ pon da‸ leuˉ ve yoˬ.#9:45 Li‸ hpu teˇ hpaˍ hpaˍ awˬ hkʼaw lo ka nanˉ ehˉ chi teˇ maˬ cawˬ ve yoˬ. -46 Oˇ kaˬ lo awˬ pfuhˇ ma maˇ suh puiˉ leh, aˬ miˍ ka‸ maˇ suh puiˉ ve yoˬ. 47Nawˬ ve mehˆ shiˍ teˇ paˉ nawˬ hta‸ te ya‸ piˇ lawˬ ve kʼo, kʼehˉ baˬ-o‸. Mehˆ shiˍ nyiˇ paˉ paˉ cawˬ leh, awˬ pfuhˇ ma maˇ suh puiˉ, aˬ miˍ ka‸ maˇ suh puiˉ ve moˬ naˆ ho‸ awˬ hkʼaw lo baˬ keu ve hta‸ gʼa hkanˍ ve a‸ kehˉ, 48mehˆ shiˍ teˇ paˉ tiˉ cawˬ leh Gʼuiˬsha ve mvuhˇ miˬ awˬ hkʼaw lo gʼa lo‸-e ve lehˬ, nawˬ awˬ pon da‸ leuˉ ve yoˬ. #Isy 66:24
49Awˬ lawn kʼo, aˉ leh‸ yuˬ leh tanˇ tuˬ hta‸ pfuhˍ piˇ ve hkʼe, aˬ miˍ pfuhˍ piˇ ve teˇ ceuˬ hta‸ chaw hkʼa peu-eˬ gʼa hkanˍ tuˬ yoˬ.
50Aˉ leh‸ lehˬ da‸ ve yoˬ. Ya‸ hkʼaˇ, mehˬ ve pehˆ kʼai peuˬ ve kʼo, hkʼaˬ hkʼe te kʼaw‸ mehˬ la tuˬ le.
Nawˬ hui awˬ hkʼaw lo aˉ leh‸ cawˬ piˇ leh, teˇ gʼaˇ leh teˇ gʼaˇ cawˇ da‸ hui da‸ cawˬ piˇ-oˆ teh‸ kʼoˆ piˇ ve yoˬ.
Currently Selected:
Maˍkuˆ li‸ 9: LHBE
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Maˍkuˆ li‸ 9
9
1Ngaˬ nawˬ hui hta‸ awˬ tehˬ awˬ na kʼoˆ laˇ ve, choˬ kaˬ lo huˉ chehˇ ve chaw teˇ hpaˍ hpaˍ lehˬ, Gʼuiˬsha ve mvuhˇmiˬ kanˇ paˆ awˬ hkʼaw lo laˬ ve hta‸ maˇ gʼa mawˬ sheˍ ve ceh ceh, maˇ gʼa suh teh‸, yawˇ yawˇ hui hta‸ kʼoˆ piˇ ve yoˬ.
Yeˍsuˆ awˬ ho‸ awˬ han pa ve
2Hkaw‸ nyi pon peuˬ hkʼaw‸ nawˉ, Yeˍsuˆ lehˬ Peˍtruˆ, Yaˍkʼoˆ leh Yoˇhanˬ hta‸ ceh shiˍ veu leh mvuh ve hkʼaw teˇ shiˍ awˬ hkʼoˆ lo yawˇ hui taˆ-e ve yoˬ. Oˇ htaˇ, yawˇ hui mehˆ gʼuˇ suhˍ yawˇ ve awˬ ho‸ awˬ han pa leh, 3yawˇ ve veu‸ kʼaˇ awˬ gʼeuˆ ba la leh hpu da‸ jaˇ ve yoˬ. Miˬguiˬ hkʼoˆ mawˇ tsuhˇ paˍ hkʼaˬ ve teˇ gʼaˇ maˇ kʼoˆ, oˇ hkʼe taw taw tsuhˇ hpu maˇ gʼa. 4Moˉseˍ leh Eˇliˇya‸ htawˇ yawˇ hui mehˆ gʼuˇ suhˍ tawˆ la leh Yeˍsuˆ geh na‸ uˉ te da‸ chehˇ ve yoˬ. 5Oˇ htaˇ Peˍtruˆ lehˬ, Jawˇmawˇ-oˬ, ngaˬ hui choˬ kaˬ chehˇ ve lehˬ da‸ ve yoˬ. Ngaˬ hui aˉ po kʼo shehˆ shiˍ te tuˬ yoˬ. Nawˬ awˬ pon teˇ shiˍ, Moˉseˍ awˬ pon teˇ shiˍ leh Eˇliˇya‸ awˬ pon teˇ shiˍ te tuˬ yoˬ teh‸, Yeˍsuˆ hta‸ kʼoˆ piˇ ve yoˬ. 6Awˬ lawn kʼo, yawˇ hui kawˆ jaˇ ve pa taw, yawˇ hkʼaˬ hkʼe gʼa kʼoˆ tuˬ ve hta‸ maˇ shiˍ.
7Oˇ htaˇ, moˬ yawˇ hui hta‸ hoˆ taˍ beh taˍ leh, Chaw chi lehˬ, ngaˬ ha‸ jaˇ ve Yaˇ hpu yoˬ. Yawˇ ve tawˇ hkawˇ hta‸ na-o teh‸, moˬ oˇ ve awˬ hkʼaw lo awˬ hkawˇ bvuhˬ la ve yoˬ. 8Yawˇ hui teˇ cawˬ haˉ caw nyi ve teˇ yanˇ, awˬ kaˍ awˬ nu chaw teˇ gʼaˇ hta‸ ka‸ maˇ kʼaw‸ mawˬ. Yeˍsuˆ ceh tiˉ yawˇ hui geh chehˇ taˍ ve hta‸ gʼa mawˬ ve yoˬ.
9Hkʼaw oˇ ve teˇ shiˍ lo yawˇ hui kʼaw‸ ya‸ la chehˇ ve teˇ yanˇ, chaw yaˇ ve Yaˇ hpu lehˬ suh kuiˬ lo maˇ kʼaw‸ te‸ tu la sheˍ ve ceh ceh, yawˇ hui gʼa mawˬ ve teˇ hpaˍ chaw teˇ gʼaˇ hta‸ ka‸ maˇ gʼa hto piˇ tuˬ, yawˇ yawˇ hui hta‸ tawˇ piˇ taˍ ve yoˬ.
10Yawˇ hui lehˬ, tawˇ hkawˇ oˇ ve hta‸ tawnˇ taˍ leh, Suh kuiˬ lo kʼaw‸ te‸ tu la ve teˇ ceuˬ aˬ hto‸ ma hta‸ kʼoˆ ve le teh‸, teˇ gʼaˇ leh teˇ gʼaˇ na nyi da‸ ve yoˬ. 11Oˇ htaˇ yawˇ hui lehˬ, Eˇliˇya‸ awˉ lawˉ gʼa laˬ tuˬ yoˬ teh‸, aˬ hto‸ ma pa taw li‸ bvuh‸ paˍ teˇ hpaˍ kʼoˆ ve le teh‸, yawˇ hta‸ na nyi ve yoˬ.
12Yawˇ kʼaw‸ kʼoˆ piˇ ve, Eˇliˇya‸ awˬ tehˬ awˬ na laˬ leh, hkʼa peu-eˬ hta‸ kʼaw‸ gu te ve yoˬ. Chaw yaˇ ve Yaˇ hpu lehˬ, laiˉ ceuˬ hta‸ gʼa tu‸ gʼa hkanˍ leh chiˇ baˬ ve hta‸ gʼa hkanˍ tuˬ yoˬ teh‸, aˬ hto‸ ma pa taw bvuh‸ taˍ ve le teh‸ na nyi ve yoˬ. 13Ya‸ hkʼaˇ, ngaˬ nawˬ hui hta‸ kʼoˆ laˇ ve, Eˇliˇya‸ gaˬ la peuˬ leh, yawˇ ve awˬ lawn bvuh‸ taˍ ve hkʼa shuˍ shuˍ, yawˇ hui yawˇ hta‸ te gaˇ ve hkʼe te piˇ peuˬ teh‸ Yeˍsuˆ kʼoˆ ve yoˬ.
Paw‸ hpeuˆ ve yaˇ paˍ ehˉ teˇ gʼaˇ hta‸ Yeˍsuˆ gu na-e piˇ ve
14Yawˇ hui lehˬ, awˬ la‸ gʼawˇ hui geh kʼaw‸ gaˬ la htaˇ, chaw awˬ moˍ lonˉ awˬ la‸ gʼawˇ hui hta‸ hkʼa caw zuhˇ chehˇ taˍ leh, li‸ bvuh‸ paˍ teˇ hpaˍ yawˇ hui geh tawˇ gʼawˬ da‸ chehˇ ve hta‸ gʼa mawˬ ve yoˬ. 15Chaw awˬ moˍ lonˉ hkʼa peu-eˬ teˇ cawˬ haˉ Yeˍsuˆ hta‸ gʼa mawˬ htaˇ anˇ jaˇ leh, yawˇ geh gʼuiˇ kʼai leh yawˇ hta‸ ha‸ yuˬ ve yoˬ. 16Oˇ htaˇ Yeˍsuˆ lehˬ, Nawˬ hui yawˇ hui geh aˬ hto‸ ma awˬ lawn tawˇ gʼawˬ da‸ chehˇ ve le teh‸ na nyi htaˇ,
17chaw awˬ moˍ lonˉ awˬ hkʼaw lo chaw teˇ gʼaˇ yawˇ hta‸ kʼoˆ piˇ ve, Saˍ la‸-oˬ, ngaˬ ve yaˇ paˍ hta‸ nawˬ geh shiˍ veu laˇ ve yoˬ. Yawˇ lehˬ, kʼaˍ ve neˇ geh taˍ ve yoˬ. 18Neˇ yawˇ hta‸ yuˬ tiˍ ve teˇ yanˇ, yawˇ hkʼaˬ lo chehˇ ve maˇ kʼoˆ, neˇ yawˇ hta‸ ca‸ baˬ ve yoˬ. Oˇ htaˇ, maw‸ kʼaw hkʼaw awˬ fuˇ tawˆ la leh, ciˬ geu‸ leh awˬ to heh kuˉ lehˍ kʼai ve yoˬ. Neˇ hta‸ gʼa‸ kʼoˬ tuˬ nawˬ ve awˬ la‸ gʼawˇ hui hta‸ ngaˬ kʼoˆ piˇ ve htawˇ, yawˇ hui te maˇ gʼa teh‸ yawˇ kʼoˆ piˇ ve yoˬ.
19Yeˍsuˆ kʼaw‸ kʼoˆ ve, Yonˍ ve maˇ cawˬ ve chaw chi teˇ co-e, ngaˬ nawˬ hui geh hkʼaˬ maw gʼa chehˇ tuˬ sheˍ le. Ngaˬ nawˬ hui hta‸ hkʼaˬ maw gʼa yeunˇ hkanˍ tuˬ sheˍ le. Yawˇ hta‸ ngaˬ geh yuˬ laˬ-o‸ teh‸ kʼoˆ piˇ ve yoˬ. 20Oˇ htaˇ yawˇ hui lehˬ, yaˇ paˍ hta‸ yawˇ geh yuˬ laˬ ve yoˬ.
Neˇ oˇ ve Yeˍsuˆ hta‸ gʼa mawˬ htaˇ, yaˇ paˍ hta‸ yawˇ paw‸ hpeuˆ piˇ lawˬ leh, yaˇ paˍ oˇ ve miˬ chaˇ hkʼoˆ paiˍ ve yoˬ. Yawˇ lehˬ, maw‸ kʼaw hkʼaw awˬ fuˇ tawˆ la leh hpeˆ dawˇ chehˇ ve yoˬ.
21Yeˍsuˆ lehˬ, Yawˇ chi hkʼe hpeh‸ la ve hkʼaˬ maw gaˬ peuˬ le teh‸, awˬ pa hta‸ na nyi ve teˇ yanˇ, awˬ pa kʼoˆ ve, Yawˇ i htaˇ ka‸ chi hkʼe hpeh‸ taˍ ve yoˬ. 22Yawˇ hta‸ te luˬ tuˬ, aˬ miˍ awˬ hkʼaw lo maˇ kʼoˆ, iˉ kaˆ awˬ hkʼaw lo maˇ kʼoˆ, laiˉ pawˆ neˇ yawˇ hta‸ ca‸ keu piˇ ve yoˬ. Ya‸ hkʼaˇ, nawˬ teˇ ceuˬ ceuˬ te hpeh‸ ve kʼo, ngaˬ hui hta‸ ha kʼaˉ leh ga laˇ-oˆ teh‸ kʼoˆ ve yoˬ.
23Yeˍsuˆ kʼoˆ ve, Te hpeh‸ ve kʼo teh‸ nawˬ kʼoˆ ve laˇ. Yonˍ ve chaw hui awˬ pon awˬ ceuˬ hkʼa peu-eˬ hpeh‸ la gʼa ve yoˬ teh‸, yawˇ hta‸ kʼoˆ piˇ ve yoˬ.
24Oˇ htaˇ yaˇ paˍ ehˉ ve awˬ pa teˇ cawˬ haˉ kuˬ leh, Ngaˬ yonˍ ve yoˬ. Ngaˬ yonˍ maˇ biˇ ve awˬ ceuˬ hta‸ a ciˉ ga laˇ-oˆ teh‸ kʼoˆ piˇ ve yoˬ.
25Chaw awˬ moˍ lonˉ yawˇ geh gʼuiˇ laˬ chehˇ ve hta‸ Yeˍsuˆ gʼa mawˬ htaˇ, neˇ cha‸ chiˆ oˇ ve hta‸ deˇ leh, Kʼaˍ leh naˍ paw pawˇ ve neˇ-oˬ, yawˇ awˬ hkʼaw lo tawˆ kʼai leh awˬ hkʼaw‸ nawˉ teˇ pawˆ ka‸ yawˇ awˬ hkʼaw lo taˇ kʼaw‸ lo‸-e teh‸ ngaˬ nawˬ hta‸ tawˇ piˇ ve yoˬ teh‸ kʼoˆ piˇ ve yoˬ.
26Oˇ htaˇ, neˇ oˇ ve bvuhˬ chaweh kuˬ leh yaˇ paˍ oˇ ve hta‸ gʼaˇ hte‸ paw‸ hpeuˆ tcuh peuˬ hkʼaw‸ nawˉ tawˆ kʼai ve yoˬ. Yaˇ paˍ ehˉ oˇ ve chaw suh hkʼe hpeh‸ ve pa taw, Yawˇ suh peuˬ teh‸, chaw laiˉ gʼaˇ kʼoˆ ve yoˬ. 27Ya‸ hkʼaˇ, Yeˍsuˆ yawˇ ve la‸ sheh hta‸ vawˆ leh, yawˇ hta‸ gʼawˬ tu piˇ leh yawˇ tu la ve yoˬ.
28Yeˍsuˆ aˉ hkʼaw lo‸-e peuˬ hkʼaw‸ nawˉ, yawˇ ve awˬ la‸ gʼawˇ teˇ hpaˍ ta‸ iˉ gawˬ lehˍ ve awˬ hkʼaw lo, Neˇ oˇ ve hta‸ aˬ hto‸ ma pa taw ngaˬ hui gʼa‸ kʼoˬ maˇ gʼa ve le teh‸, yawˇ hta‸ na nyi ve yoˬ.
29Yeˍsuˆ lehˬ, Bon lawˬ ve teˇ ceuˬ maˇ heˆ kʼo, neˇ chi teˇ ceuˬ hta‸ gʼa‸ kʼoˬ maˇ gʼa teh‸, yawˇ hui hta‸ kʼoˆ piˇ ve yoˬ.
Yeˍsuˆ yawˇ gʼa suh tuˬ ve awˬ lawn teˇ pawˆ kʼaw‸ hto piˇ ve
30Yawˇ hui oˇ kaˬ lo tawˆ kʼai leh Gaˍliˍlehˇ mvuhˇmiˬ hta‸ hpanˍ kʼai ve yoˬ. Yawˇ hui kʼai ve awˬ lawn chaw teˇ gʼaˇ hta‸ ka‸ yawˇ maˇ shiˍ piˇ gaˇ ve yoˬ. 31Awˬ lawn kʼo, yawˇ yawˇ ve awˬ la‸ gʼawˇ hui hta‸ maˍ piˇ leh kʼoˆ ve, Chaw yaˇ ve Yaˇ hpu lehˬ, chaw yaˇ hui ve la‸ sheh awˬ hkʼaw lo chiˇ a‸ ve hta‸ gʼa hkanˍ leh, yawˇ hui yawˇ hta‸ tiˇ pehˍ tuˬ yoˬ. Tiˇ pehˍ peuˬ hkʼaw‸ nawˉ, shehˆ nyi gaˬ kʼo yawˇ kʼaw‸ te‸ tu la tuˬ yoˬ teh‸, yawˇ hui hta‸ kʼoˆ piˇ ve yoˬ.
32Tawˇ hkawˇ oˇ ve hta‸ yawˇ hui na maˇ gʼa htawˇ, yawˇ hta‸ kʼaw‸ na nyi maˇ haˆ.
Hkʼaˬ ve teˇ gʼaˇ shu a‸ kehˉ uiˍ ve le
33Oˇ ve hkʼaw‸ nawˉ yawˇ hui Kaˍpeˍ neˍonˍ venˇ lo gaˬ ve yoˬ. Yawˇ yehˬ hkʼaw lo chehˇ taˍ ve teˇ yanˇ, Ya‸ kʼaw kʼaˉ lo nawˬ hui aˬ hto‸ ma awˬ lawn jehˬ da‸ ve le teh‸, yawˇ yawˇ hui hta‸ na nyi ve yoˬ.
34Ya‸ hkʼaˇ, yawˇ hui ta‸ iˉ chehˇ taˍ ve yoˬ. Awˬ lawn kʼo, hkʼaˬ ve teˇ gʼaˇ shu a‸ kehˉ uiˍ ve le teh‸ ya‸ kʼaw kʼaˉ lo yawˇ hui teˇ gʼaˇ leh teˇ gʼaˇ jehˬ da‸ ve yoˬ. 35Oˇ htaˇ yawˇ mui taˍ leh, tcuh yaˇ teˇ chi nyiˇ gʼaˇ hta‸ kuˬ yuˬ leh, Shu a‸ kehˉ uiˍ gaˇ ve chaw teˇ gʼaˇ lehˬ, hkʼa peu-eˬ a‸ kehˉ i ve chaw gʼa hpeh‸ leh, hkʼa peu-eˬ ve awˬ ceˬ gʼa hpeh‸ ve yoˬ teh‸, yawˇ yawˇ hui hta‸ kʼoˆ piˇ ve yoˬ. 36Peuˬ leh, yaˇ ehˉ teˇ gʼaˇ hta‸ yawˇ yuˬ leh yawˇ hui awˬ kʼaw ji lo taˍ ve yoˬ. Yaˇ ehˉ hta‸ yawˇ chiˇ taˆ taˍ leh, yawˇ hui hta‸ kʼoˆ piˇ ve, 37Yaˇ ehˉ chi hkʼe ve teˇ gʼaˇ hta‸ ngaˬ ve awˬ meh awˬ hkʼaw lo ha‸ yuˬ ve chaw hkʼaˬ ve teˇ gʼaˇ maˇ kʼoˆ, ngaˬ hta‸ ha‸ yuˬ ve yoˬ. Ngaˬ hta‸ ha‸ yuˬ ve chaw lehˬ, ngaˬ hta‸ ceh tiˉ ha‸ yuˬ ve maˇ heˆ. Ngaˬ hta‸ peu laˇ shehˍ hpaˇ hta‸ yawˇ ha‸ yuˬ ve yoˬ teh‸ kʼoˆ ve yoˬ.
Canˇ paˍ hpawˇ maˇ chehˇ ve chaw ngaˬ hui hpawˇ chehˇ ve
38Oˇ htaˇ Yoˇhanˬ kʼoˆ ve, Saˍ la‸-oˬ, chaw teˇ gʼaˇ nawˬ ve awˬ meh hta‸ cuˇ leh neˇ teˇ hpaˍ hta‸ gʼa‸ kʼoˬ chehˇ ve hta‸ ngaˬ hui gʼa mawˬ ve yoˬ. Yawˇ ngaˬ hui geh teˇ geh laˬ ve chaw maˇ heˆ ve pa taw, ngaˬ hui yawˇ hta‸ tawˍ taˍ ve yoˬ teh‸, Yeˍsuˆ hta‸ kʼoˆ piˇ ve yoˬ.
39Yeˍsuˆ kʼaw‸ kʼoˆ ve, Yawˇ hta‸ taˇ tawˍ taˍ. Awˬ lawn kʼo, ngaˬ ve awˬ meh hta‸ cuˇ leh anˇ tuˬ te ve chaw hkʼaˬ ve teˇ gʼaˇ maˇ kʼoˆ, ngaˬ hta‸ haˆ haˆ kʼaw‸ hkʼaiˉ gʼa tuˬ ve maˇ heˆ. 40Ngaˬ hui ve canˇ paˍ hpawˇ maˇ chehˇ ve chaw teˇ gʼaˇ lehˬ, ngaˬ hui hpawˇ chehˇ ve chaw hpeh‸ ve yoˬ. 41Awˬ lawn kʼo, Hkri‸ ve awˬ meh hta‸ nawˬ hui pfuhˇ taˍ ve pa taw, hkʼaˬ ve chaw teˇ gʼaˇ htawˇ maˇ kʼoˆ, nawˬ hui hta‸ iˉ kaˆ teˇ kawˆ taw laˇ ve kʼo, yawˇ ve awˬ bon a ciˉ ka‸ maˇ mehˉ taˬ teh‸, ngaˬ nawˬ hui hta‸ awˬ tehˬ awˬ na kʼoˆ laˇ ve yoˬ.
Shu ya‸ kʼai tuˬ te ve awˬ lawn
42Ngaˬ hta‸ yonˍ ve yaˇ ehˉ teˇ gʼaˇ hta‸ ya‸ kʼai tuˬ te ve chaw hkʼaˬ ve teˇ gʼaˇ maˇ kʼoˆ, yawˇ ve kʼawˍ peˍ hta‸ haˉ pui mawˍ lonˉ hpeh kʼu leh laˇ tsuhˇ gʼuiˬ awˬ hkʼaw lo ce peu ve kʼo, yawˇ awˬ pon da‸ leuˉ ve yoˬ. 43Nawˬ ve la‸ sheh teˇ paˉ nawˬ hta‸ te ya‸ piˇ lawˬ ve kʼo, tawˆ baˬ-o‸. La‸ sheh nyiˇ paˉ paˉ cawˬ leh, moˬ naˆ ho‸ lo maˇ suh puiˉ ve aˬ miˍ to‸ chehˇ ve awˬ hkʼaw lo gʼa hkanˍ ve a‸ kehˉ, la‸ luˬ leh a sha‸ te‸ ve awˬ hkʼaw lo gʼa lo‸-e ve lehˬ, nawˬ awˬ pon da‸ leuˉ ve yoˬ.#9:43 Li‸ hpu teˇ hpaˍ hpaˍ awˬ hkʼaw lo ka nanˉ ehˉ chi teˇ maˬ cawˬ ve yoˬ. -44 Oˇ kaˬ lo awˬ pfuhˇ ma maˇ suh puiˉ leh, aˬ miˍ ka‸ maˇ suh puiˉ ve yoˬ. 45Nawˬ ve hkui sheh teˇ paˉ nawˬ hta‸ te ya‸ piˇ lawˬ ve kʼo, tawˆ baˬ-o‸. Hkui sheh nyiˇ paˉ paˉ cawˬ leh moˬ naˆ ho‸ awˬ hkʼaw lo baˬ keu ve hta‸ gʼa hkanˍ ve a‸ kehˉ, hkui luˬ leh a sha‸ te‸ ve awˬ hkʼaw lo gʼa lo‸-e ve lehˬ, nawˬ awˬ pon da‸ leuˉ ve yoˬ.#9:45 Li‸ hpu teˇ hpaˍ hpaˍ awˬ hkʼaw lo ka nanˉ ehˉ chi teˇ maˬ cawˬ ve yoˬ. -46 Oˇ kaˬ lo awˬ pfuhˇ ma maˇ suh puiˉ leh, aˬ miˍ ka‸ maˇ suh puiˉ ve yoˬ. 47Nawˬ ve mehˆ shiˍ teˇ paˉ nawˬ hta‸ te ya‸ piˇ lawˬ ve kʼo, kʼehˉ baˬ-o‸. Mehˆ shiˍ nyiˇ paˉ paˉ cawˬ leh, awˬ pfuhˇ ma maˇ suh puiˉ, aˬ miˍ ka‸ maˇ suh puiˉ ve moˬ naˆ ho‸ awˬ hkʼaw lo baˬ keu ve hta‸ gʼa hkanˍ ve a‸ kehˉ, 48mehˆ shiˍ teˇ paˉ tiˉ cawˬ leh Gʼuiˬsha ve mvuhˇ miˬ awˬ hkʼaw lo gʼa lo‸-e ve lehˬ, nawˬ awˬ pon da‸ leuˉ ve yoˬ. #Isy 66:24
49Awˬ lawn kʼo, aˉ leh‸ yuˬ leh tanˇ tuˬ hta‸ pfuhˍ piˇ ve hkʼe, aˬ miˍ pfuhˍ piˇ ve teˇ ceuˬ hta‸ chaw hkʼa peu-eˬ gʼa hkanˍ tuˬ yoˬ.
50Aˉ leh‸ lehˬ da‸ ve yoˬ. Ya‸ hkʼaˇ, mehˬ ve pehˆ kʼai peuˬ ve kʼo, hkʼaˬ hkʼe te kʼaw‸ mehˬ la tuˬ le.
Nawˬ hui awˬ hkʼaw lo aˉ leh‸ cawˬ piˇ leh, teˇ gʼaˇ leh teˇ gʼaˇ cawˇ da‸ hui da‸ cawˬ piˇ-oˆ teh‸ kʼoˆ piˇ ve yoˬ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.