Ma‸htehˍ li‸ 27
27
Jawˇmawˇ Piˉla‸ geh Yeˍsuˆ hta‸ sheh veu ve
1Mvuhˇ htiˇ la ve teˇ yanˇ, paw hkuˇ lonˉ hui leh Yuˇda‸ chaw hui ve awˬ hoˉ chaw mawˇ hui hkʼa peu-eˬ, Yeˍsuˆ hta‸ tiˇ pehˍ tuˬ jehˬ da‸ ve yoˬ. 2Peuˬ leh, yawˇ hui yawˇ hta‸ hpeh peuˬ hkʼaw‸ nawˉ sheh veu leh, mvuhˇmiˬ jawˇmawˇ lonˉ Piˉla‸ ve la‸ hkʼaw lo yawˇ hta‸ chiˇ a‸ piˇ ve yoˬ.
Yuˇda‸ suh ve
3Oˇ htaˇ yawˇ hta‸ chiˇ a‸ shehˍ hpaˇ Yuˇda‸ teˇ gʼaˇ lehˬ, Yeˍsuˆ hta‸ tiˇ pehˍ tuˬ shu suhˉ taˆ ve hta‸ gʼa mawˬ htaˇ, yawˇ kʼaw‸ dawˇ hpfuhˆ leh, hpu oˇ ve shehˆ chi hteh‸ hta‸ paw hkuˇ lonˉ teˇ hpaˍ leh awˬ hoˉ chaw mawˇ teˇ hpaˍ geh kʼaw‸ yuˬ laˬ leh kʼoˆ ve, 4Venˇbaˆ maˇ cawˬ ve chaw hta‸ ngaˬ chiˇ a‸ piˇ peuˬ ve pa taw, ngaˬ venˇbaˆ te peuˬ teh‸ kʼoˆ ve yoˬ.
Yawˇ hui kʼaw‸ kʼoˆ ve, Chi ve ngaˬ hui hta‸ hkʼaˬ hkʼe caˉ da‸ le. Nawˬ ve kanˉ hta‸ nawˬ hkʼaˇ nawˬ nyi-o teh‸ kʼoˆ piˇ ve yoˬ.
5Hpu oˇ ve hta‸ bon yehˬ lonˉ awˬ hkʼaw lo baˬ keu taˉ peuˬ hkʼaw‸ nawˉ yawˇ tawˆ kʼai leh, yawˇ hkʼaˇ yawˇ kʼawˍ peˍ ca nyiˉ pehˍ ve yoˬ.
6Paw hkuˇ lonˉ teˇ hpaˍ hpu oˇ ve hta‸ yuˬ leh, Hpu chi lehˬ, awˬ suhˍ ve awˬ hpfuhˇ hpeh‸ ve pa taw, hpu tanˇ geh hkaw‸ da‸ maˇ cawˇ teh‸ kʼoˆ ve yoˬ. 7Hkʼe te leh, yawˇ hui jehˬ da‸ peuˬ hkʼaw‸ nawˉ, hkehˉ chaw teˇ hpaˍ hta‸ tuˍ piˇ tuˬ, hpu oˇ ve hta‸ yuˬ leh mu‸ hkʼu te shehˍ hpaˇ ve miˬ guiˬ teˇ peˆ hta‸ vuiˬ taˍ ve yoˬ. 8Hkʼe te leh, ya‸ nyi hkʼa gaˬ miˬguiˬ oˇ ve teˇ peˆ hta‸ Awˬ suhˍ miˬguiˬ teh‸ kʼoˆ ve yoˬ.
9Oˇ htaˇ, tcuh kaˍ paˍ Yeˍraˍmiˆ kʼoˆ taˍ ve hkʼe biˇ la ve yoˬ. Yawˇ kʼoˆ ve, Iˉsaˍreˍlaˆ chaw teˇ hpaˍ hpaˍ awˬ hpfuhˇ kʼoˆ cheˆ taˍ ve, chaw teˇ gʼaˇ ve awˬ hpfuhˇ hpu shehˆ chi hta‸ yuˬ leh, 10Jawˇmawˇ Gʼuiˬsha ngaˬ hta‸ tawˇ piˇ taˍ laˇ ve hkʼe, mu‸ hkʼu te shehˍ hpaˇ ve miˬguiˬ teˇ peˆ hta‸ yawˇ hui vuiˬ ve yoˬ. #Zhk 11:13
Jawˇmawˇ Piˉla‸ Yeˍsuˆ hta‸ na nyi ve
11Yeˍsuˆ lehˬ, mvuhˇmiˬ jawˇmawˇ lonˉ mehˆ gʼuˇ suhˍ huˉ chehˇ htaˇ, mvuhˇ miˬ jawˇmawˇ lonˉ kʼoˆ ve, Nawˬ lehˬ Yuˇda‸ chaw hui ve Hkunˉ hawˉ hkanˇ yoˬ laˇ teh‸ na nyi ve yoˬ.
Yoˬ, nawˬ kʼoˆ ve hkʼe yoˬ teh‸, Yeˍsuˆ yawˇ hta‸ kʼaw‸ kʼoˆ piˇ ve yoˬ. 12Paw hkuˇ lonˉ leh awˬ hoˉ chaw mawˇ teˇ hpaˍ yawˇ awˬ hkʼoˆ hta‸ venˇbaˆ taˍ ve teˇ yanˇ, yawˇ te‸ chiˉ ka‸ maˇ kʼaw‸ kʼoˆ.
13Oˇ htaˇ, jawˇmawˇ Piˉla‸ lehˬ, Nawˬ awˬ lawn yawˇ hui shaˉ hkiˆ hkʼaˬ hkʼe hkanˍ chehˇ ve hta‸ nawˬ maˇ kaˇ laˇ teh‸, yawˇ hta‸ kʼoˆ piˇ ve yoˬ.
14Ya‸ hkʼaˇ, yawˇ lehˬ tawˇ teˇ peu-eˬ ka‸ maˇ yaw hkʼaw‸ ve pa taw, mvuhˇmiˬ jawˇmawˇ lonˉ anˇ jaˇ ve yoˬ.
Yeˍsuˆ hta‸ maˇ heˆ kʼo Baˍraˍbaˆ hta‸ gʼa hpehˇ ve awˬ lawn na nyi ve
15Pawehˇ oˇ ve hta‸ te ve teˇ yanˇ, htawnˍ hkʼaw chehˇ ve chaw teˇ hpaˍ awˬ hkʼaw lo, chaw chi ma ve nyi ma cawˇ ve chaw teˇ gʼaˇ hta‸ mvuhˇmiˬ jawˇmawˇ lonˉ hpehˇ piˇ ve awˬ liˇ cawˬ ve yoˬ. 16Oˇ htaˇ, htawnˍ hkʼaw chehˇ ve chaw teˇ hpaˍ awˬ hkʼaw lo, awˬ meh bvuhˬ ve Baˍraˍbaˆ meh ve chaw teˇ gʼaˇ cawˬ ve yoˬ. 17Hkʼe te leh, yawˇ hui hpawnˬ da‸ chehˇ htaˇ, jawˇmawˇ Piˉla‸ kʼoˆ ve, Nawˬ hui awˬ pon a shu hta‸ hpehˇ tcuh gaˇ le. Baˍraˍbaˆ hta‸ laˇ, maˇ heˆ kʼo Hkri‸ teh‸ kʼoˆ ve Yeˍsuˆ hta‸ laˇ teh‸, yawˇ hui hta‸ na nyi ve yoˬ. 18Awˬ lawn kʼo, yawˇ hui Yeˍsuˆ hta‸ hkawehˉ ve nyi ma cawˬ ve pa taw yawˇ hta‸ chiˇ a‸ laˇ ve hta‸ jawˇmawˇ Piˉla‸ shiˍ ve yoˬ.
19Peuˬ leh, suhˉ jehˬ kuiˬ kʼaw jaw hkʼoˆ lo yawˇ mui chehˇ htaˇ, yawˇ ve awˬ miˇ ma yawˇ hta‸ tawˇ chi hkʼe shanˍ piˇ ve, Hteˇ ve cawˇ ve chaw chi teˇ gʼaˇ hta‸ te‸ chiˉ taˇ te. Awˬ lawn kʼo, ya‸ nyi yawˇ hta‸ pa taw ngaˬ zuh‸ maˆ ve awˬ hkʼaw lo gʼa tu‸ hkanˍ jaˇ peuˬ teh‸, tawˇ shanˍ feu piˇ ve yoˬ.
20Baˍraˍbaˆ hta‸ lawˬ yuˬ leh Yeˍsuˆ hta‸ tiˇ pehˍ tuˬ, paw hkuˇ lonˉ hui leh awˬ hoˉ chaw mawˇ teˇ hpaˍ lehˬ, chaw chi ma ve hta‸ awˬ gʼaˇ gʼaˇ hte‸ piˇ ve yoˬ. 21Mvuhˇmiˬ jawˇmawˇ lonˉ lehˬ, Chaw chi nyiˇ gʼaˇ awˬ hkʼaw lo nawˬ hui awˬ pon hkʼaˬ ve teˇ gʼaˇ hta‸ hpehˇ tcuh gaˇ le teh‸, yawˇ hui hta‸ kʼaw‸ na nyi htaˇ,
Baˍraˍbaˆ hta‸ yoˬ teh‸ yawˇ hui kʼaw‸ kʼoˆ piˇ ve yoˬ.
22Jawˇmawˇ Piˉla‸ lehˬ, Hkʼe te kʼo, Hkri‸ teh‸ kʼoˆ ve Yeˍsuˆ hta‸ ngaˬ hkʼaˬ hkʼe gʼa te tuˬ le teh‸, yawˇ hui hta‸ na nyi htaˇ, Yawˇ hta‸ la‸ ka hkʼoˆ lo hta‸ pehˍ loˬ teh‸ yawˇ hui hkʼa peu-eˬ kʼoˆ ve yoˬ.
23Yawˇ kʼaw‸ kʼoˆ ve, Aˬ hto‸ ma pa taw le. Yawˇ haiˬ ve aˬ hto‸ ma teˇ ceuˬ hta‸ te ve le teh‸ na nyi htaˇ, Yawˇ hta‸ la‸ ka hkʼoˆ lo hta‸ pehˍ loˬ teh‸, yawˇ hui leuˉ leh gʼaˇ hte‸ kʼaw‸ kuˬ ve yoˬ.
24Jawˇmawˇ Piˉla‸ lehˬ, yawˇ te‸ chiˉ te maˇ gʼa ve awˬ hkʼoˆ ka‸, shu duiˆ-ehˍ shaˇ-ehˍ te tawˆ la ve hta‸ gʼa mawˬ htaˇ, yawˇ iˉ kaˆ yuˬ leh chaw awˬ moˍ lonˉ mehˆ gʼuˇ suhˍ la‸ sheh tsuhˇ leh kʼoˆ ve, Chaw chi teˇ gʼaˇ ve awˬ suhˍ ngaˬ awˬ hkʼoˆ hta‸ taˇ gaˬ la piˇ. Nawˬ hui hkʼaˇ nawˬ hui te-o teh‸ kʼoˆ piˇ ve yoˬ.
25Chaw hkʼa peu-eˬ kʼaw‸ kʼoˆ ve, Yawˇ ve awˬ suhˍ ngaˬ hui leh ngaˬ hui ve awˬ yaˇ awˬ duˬ teˇ hpaˍ awˬ hkʼoˆ hta‸ gaˬ la piˇ-oˆ teh‸ kʼoˆ ve yoˬ.
26Oˇ htaˇ jawˇmawˇ Piˉla‸ lehˬ, yawˇ hui awˬ pon Baˍraˍbaˆ hta‸ hpehˇ piˇ leh, Yeˍsuˆ hta‸ jaw‸ peuˬ hkʼaw‸ nawˉ la‸ ka hkʼoˆ lo hta‸ pehˍ tuˬ chiˇ a‸ piˇ ve yoˬ.
Ma‸ yaˇ teˇ hpaˍ Yeˍsuˆ hta‸ maˇ shawˍ maˇ caˆ te ve
27Oˇ htaˇ mvuhˇmiˬ jawˇmawˇ lonˉ ve ma‸ yaˇ teˇ hpaˍ lehˬ, Yeˍsuˆ hta‸ hawˉ yehˬ awˬ hkʼaw lo shiˍ kʼai leh, ma‸ yaˇ teˇ ta‸ hkʼa peu-eˬ hta‸ Yeˍsuˆ geh hpawnˬ la piˇ ve yoˬ. 28Yawˇ hui yawˇ ve aˉ po‸ hta‸ kʼehˆ baˬ leh, nyiˉ-ehˍ ve aˉ po‸ zuhˬ ma yawˇ hta‸ deh piˇ ve yoˬ. 29Aˉ chuˇ te hta‸ yuˬ leh shi uˉ tcuhˍ hkʼe te gʼa‸ leh, yawˇ ve oˉ kʼoˍ hta‸ hkʼawˆ piˇ ve yoˬ. Yawˇ la‸ sha paˉ ve la‸ sheh hkʼaw lo, lo taˬ teˇ taˬ vawˆ taˍ tcuh leh, yawˇ mehˆ gʼuˇ suhˍ hkui tcuhˉ teh leh kʼoˆ ve, Yuˇda‸ ve hkunˉ hawˉ hkanˇ-oˬ, nawˬ awˬ bon uiˍ piˇ-oˆ teh‸, yawˇ hta‸ maˇ shawˍ maˇ caˆ te leh kʼoˆ guiˇ ve yoˬ. 30Yawˇ hta‸ ciˉ gʼuiˇ hpe‸ pfuhˍ leh, lo taˬ oˇ ve hta‸ yawˇ hui kʼaw‸ yuˬ leh yawˇ ve oˉ kʼoˍ hta‸ dawˆ ve yoˬ. 31Yawˇ hta‸ maˇ shawˍ maˇ caˆ te peuˬ hkʼaw‸ nawˉ, aˉ po‸ zuhˬ ma hta‸ yawˇ hui kʼehˆ baˬ leh, yawˇ ve veu‸ kʼaˇ hta‸ kʼaw‸ feuˉ piˇ ve yoˬ. Oˇ htaˇ, la‸ ka hkʼoˆ lo hta‸ pehˍ tuˬ yawˇ hta‸ sheh kʼai ve yoˬ.
Yeˍsuˆ hta‸ la‸ ka hkʼoˆ lo hta‸ pehˍ ve
32Yawˇ hui tawˆ kʼai chehˇ htaˇ, Siˉmonˍ meh ve Kuˇreˍneˍ venˇ yaˇ teˇ gʼaˇ hta‸ mawˬ ve yoˬ. Yawˇ hui yawˇ hta‸ nyiˉ leh Yeˍsuˆ ve la‸ ka hta‸ taˆ tcuh ve yoˬ. 33Gawˇlaˍgawˇtaˆ meh ve chehˇ kuiˬ lo yawˇ hui gaˬ la ve yoˬ. Awˬ meh oˇ ve tcuhˉ kuiˬ lehˬ, oˉ koˆ teh‸ kʼoˆ ve yoˬ. 34Hkʼaˇ ve naˆ tsuhˇ hkaw‸ taˍ ve a pehˉ meuˇ gʼuiˬ yawˇ hui yawˇ hta‸ taw piˇ ve htawˇ, yawˇ leh‸ nyi sheˬ leh maˇ dawˬ.
35Yawˇ hui yawˇ hta‸ la‸ ka hkʼoˆ lo hta‸ keu peuˬ htaˇ, yawˇ hui kuˇ da‸ leh yawˇ ve veu‸ kʼaˇ teˇ hpaˍ hta‸ pehˬ yuˬ ve yoˬ. 36Hkʼe te leh, yawˇ hui oˇ kaˬ lo mui leh yawˇ hta‸ shaw taˍ ve yoˬ. 37Chaw chi lehˬ, Yuˇda‸ chaw hui ve Hkunˉ hawˉ hkanˇ Yeˍsuˆ yoˬ teh‸, yawˇ hta‸ venˇbaˆ taˍ ve li‸ yawˇ hui bvuh‸ leh, yawˇ ve oˉ kʼoˍ awˬ hkʼoˆ lo nehˉ taˍ ve yoˬ. 38Oˇ htaˇ, yawˇ geh teˇ geh chaw hkʼawˇ nyiˇ gʼaˇ hta‸ htawˇ, la‸ sha paˉ teˇ gʼaˇ, la‸ mehˍ paˉ teˇ gʼaˇ, la‸ ka hkʼoˆ lo hta‸ keu taˍ ve yoˬ.
39Kʼai chehˇ laˬ chehˇ ve chaw teˇ hpaˍ lehˬ, yawˇ hta‸ maˇ shawˍ maˇ caˆ kʼoˆ leh, a shu yawˇ ve oˉ kʼoˍ hiˆ leh kʼoˆ ve, 40Bon yehˬ lonˉ hta‸ te luˬ leh shehˆ nyi awˬ hkʼaw lo kʼaw‸ te gʼa ve chaw-oˬ, nawˬ awˬ to hta‸ ponˬ piˇ-oˆ. Nawˬ Gʼuiˬsha ve Yaˇ hpu yoˬ kʼo, la‸ ka hkʼoˆ lo ya‸ la-o teh‸ kʼoˆ piˇ ve yoˬ.
41Paw hkuˇ lonˉ hui lehˬ, li‸ bvuh‸ paˍ leh awˬ hoˉ chaw mawˇ teˇ hpaˍ geh teˇ geh chi hkʼa shuˍ shuˍ yawˇ hta‸ kʼoˆ guiˇ gʼuiˬ guiˇ ve yoˬ. 42Yawˇ hui kʼoˆ ve, Shu hta‸ yawˇ htaiˍ hkʼaw‸ gʼa ve yoˬ. Yawˇ awˬ to hta‸ yawˇ htaiˍ hkʼaw‸ maˇ gʼa. Yawˇ lehˬ Iˉsaˍreˍlaˆ ve Hkunˉ hawˉ hkanˇ yoˬ. Hkʼe te leh, yawˇ la‸ ka hkʼoˆ lo ya‸ la piˇ sheˍ. Oˇ htaˇ heh‸, ngaˬ hui yawˇ hta‸ yonˍ tuˬ yoˬ. 43Yawˇ lehˬ Gʼuiˬsha hta‸ cuˇ ve yoˬ. Ngaˬ lehˬ Gʼui sha ve Yaˇ hpu yoˬ teh‸ yawˇ kʼoˆ taˍ peuˬ. Hkʼe te leh Gʼuiˬsha yawˇ hta‸ nyi ma cawˇ kʼo, Gʼuiˬsha yawˇ hta‸ ponˬ piˇ lawˬ-o‸ teh‸, yawˇ hui kʼoˆ ve yoˬ.
44Yawˇ geh teˇ geh la‸ ka hkʼoˆ lo hta‸ keu taˍ ve chaw hkʼawˇ nyiˇ gʼaˇ htawˇ, oˇ ve hkʼa shuˍ shuˍ yawˇ hta‸ maˇ shawˍ maˇ caˆ kʼoˆ ve yoˬ.
45Mvuhˇ law‸ kʼaw tcuhˆ htaˇ ka‸ tanˬ leh mvuhˇ hpeu‸ hpawˇ shehˆ naˍ riˍ hkʼa gaˬ, miˬguiˬ hkʼa peu-eˬ naˆ ho‸ lehˍ hpeh‸ sheˬ ve yoˬ. 46Mvuhˇ hpeu‸ hpawˇ shehˆ naˍ riˍ hkʼe gaˬ htaˇ, Yeˍsuˆ awˬ hkawˇ bvuhˬ chaweh te leh, Eˇliˆ, Eˇliˆ, laˍmaˍ saˍbaˆtaˍniˍ teh‸ kuˬ ve yoˬ. Tcuhˉ kuiˬ lehˬ, Ngaˬ ve Gʼuiˬsha-oˬ, ngaˬ ve Gʼuiˬsha-oˬ, aˬ hto‸ ma te nawˬ ngaˬ hta‸ baˬ taˉ laˇ ve le teh‸ kʼoˆ ve yoˬ.
47Oˇ kaˬ lo huˉ chehˇ ve chaw teˇ hpaˍ hpaˍ tawˇ oˇ ve hta‸ gʼa kaˇ htaˇ, Chi hpaˇ lehˬ, Eˇliˇya‸ hta‸ kuˬ ve teh‸ kʼoˆ ve yoˬ. 48Yawˇ hui awˬ hkʼaw lo chaw teˇ gʼaˇ teˇ cawˬ haˉ gʼuiˇ kʼai leh, laˇ tsuhˇ gʼuiˬ mvuhˬ teˇ maˬ hta‸ yuˬ leh, ci ve awˬ gʼuiˬ awˬ hkʼaw lo tuˍ peuˬ hkʼaw‸ nawˉ, lo taˬ hta‸ choˆ leh, yawˇ hta‸ taw piˇ ve yoˬ.
49Ya‸ hkʼaˇ, awˬ kaˍ awˬ nu chaw teˇ hpaˍ kʼoˆ ve, Taˇ te sheˍ. Eˇliˇya‸ yawˇ htaˬ ca htaiˍ hkʼaw‸ la tuˬ leh naˍ, nyi taˍ shaˍ teh‸ kʼoˆ ve yoˬ.
50Yeˍsuˆ awˬ hkawˇ bvuhˬ chaweh teˇ pawˆ kʼaw‸ kuˬ leh shaˉ cheˆ ve yoˬ.
51Oˇ htaˇ bon yehˬ lonˉ ve hpaˬ kaˍ lehˬ, awˬ na te leh awˬ hawˉ lo hkʼa gaˬ nyiˇ hkoˇ tzuh‸ sheˬ ve yoˬ. Miˬ hiˆ leh, haˉ pui teˇ hpaˍ htawˇ hkoˇ sheˬ ve yoˬ. 52Tuˍ hpfuh teˇ hpaˍ hpaw sheˬ leh, suh taˍ peuˬ ve Hkri‸ yaˇ laiˉ gʼaˇ awˬ to kʼaw‸ te‸ tu la ve yoˬ. 53Yeˍsuˆ kʼaw‸ te‸ tu la peuˬ hkʼaw‸ nawˉ, yawˇ hui tuˍ hpfuh hkʼaw lo tawˆ la leh, da‸ kehˬ ve venˇ hkʼaw lo‸-e leh, chaw laiˉ gʼaˇ yawˇ hui hta‸ gʼa mawˬ ve yoˬ.
54Ma‸ poˍ leh yawˇ geh Yeˍsuˆ hta‸ shaw chehˇ ve ma‸ yaˇ teˇ hpaˍ lehˬ, miˬ hiˆ ve leh hkʼa hpeh‸ la ve awˬ ceuˬ teˇ hpaˍ hta‸ gʼa mawˬ htaˇ, yawˇ hui kawˆ jaˇ leh, Chi hpaˇ lehˬ, awˬ tehˬ awˬ na Gʼuiˬsha ve yaˇ hpu teˇ gʼaˇ hpeh‸ ve yoˬ teh‸ kʼoˆ ve yoˬ.
55Oˇ kaˬ a ciˉ vuiˇ kuiˬ lo yaˇ miˇ laiˉ gʼaˇ htawˇ chehˇ leh nyi taˍ ve yoˬ. Yawˇ hui lehˬ, Yeˍsuˆ Gaˍliˍlehˇ mvuhˇ miˬ awˬ hkʼaw lo tawˆ la htaˇ, yawˇ awˬ hkʼaˇ suh kʼai leh yawˇ hta‸ te caˍ te taw piˇ ve yaˇ miˇ teˇ hpaˍ yoˬ. 56Yawˇ hui awˬ hkʼaw lo, Maˍriˆ Maˍgaˍdaˍlaˆ, Yaˍkoˆ leh Yoˇseh‸ ve awˬ e Maˍriˆ leh, Zeˍbeˍdehˇ ve awˬ yaˇ paˍ hui ve awˬ e, chi teˇ hpaˍ chehˇ taˍ ve yoˬ.
Yeˍsuˆ hta‸ tuˍ piˇ ve
57Mvuhˇ hpeu‸ la htaˇ, Aˍriˆma‸htehˍ venˇ yaˇ Yoˇseh‸ meh ve paw sha paˍ teˇ gʼaˇ laˬ ve yoˬ. Yawˇ lehˬ, Yeˍsuˆ ve awˬ la‸ gʼawˇ hpeh‸ ve yoˬ. 58Yawˇ jawˇmawˇ Piˉla‸ geh kʼai leh, Yeˍsuˆ ve awˬ to hta‸ lawˬ ve yoˬ. Oˇ htaˇ, yawˇ hta‸ piˇ tuˬ jawˇmawˇ Piˉla‸ tawˇ piˇ ve yoˬ. 59Hkʼe te leh Yoˇseh‸ lehˬ, Yeˍsuˆ ve awˬ to hta‸ yuˬ kʼai peuˬ hkʼaw‸ nawˉ, da‸ kehˬ ve hpa hpu yuˬ htiˆ sheˬ leh, haˉ pui htawˆ taˍ ve, 60yawˇ ve tuˍ hpfuh awˬ suhˉ awˬ hkʼaw lo keu taˍ ve yoˬ. Tuˍ hpfuh awˬ hkʼoˇ meuˇ lo uiˍ jaˇ ve haˉ pui teˇ shiˍ hta‸ hpfuhˆ tsuhˇ taˉ leh kʼo‸-e ve yoˬ. 61Oˇ kaˬ lo Maˍriˆ Maˍgaˍdaˍlaˆ leh awˬ kaˍ awˬ nu Maˍriˆ teˇ gʼaˇ, tuˍ hpfuh awˬ gʼuˇ suhˍ maˇ vuiˇ maˇ neˇ kuiˬ lo mui chehˇ taˍ ve yoˬ.
62Pawehˇ te tuˬ gu ve awˬ nyi peuˬ leh, awˬ hkʼaw‸ nawˉ teˇ nyi htaˇ, paw hkuˇ lonˉ hui leh Hpaˍriˍsehˇ teˇ hpaˍ jawˇmawˇ Piˉla‸ geh hpawnˬ kʼai leh kʼoˆ ve, 63Jawˇmawˇ-oˬ, heˍ puiˉ ve chaw chi teˇ gʼaˇ lehˬ, yawˇ te‸ chehˇ htaˇ, Shehˆ nyi peuˬ kʼo ngaˬ kʼaw‸ te‸ tu la tuˬ yoˬ teh‸, yawˇ kʼoˆ taˍ ve hta‸ ngaˬ hui dawˇ nawˇ ve yoˬ. 64Hkʼe te leh, yawˇ ve awˬ la‸ gʼawˇ teˇ hpaˍ yawˇ hta‸ ca hkʼawˇ yuˬ leh, Yawˇ suh kuiˬ lo kʼaw‸ te‸ tu la peuˬ teh‸, chaw chi ma ve hta‸ maˇ gʼa ca kʼoˆ piˇ tuˬ, shehˆ nyi hkʼa gaˬ tuˍ hpfuh oˇ ve hta‸ hkʼa deh‸ shaw taˍ tuˬ tawˇ piˇ-oˆ. Maˇ heˆ kʼo, awˉ lawˉ heˍ ve a‸ kehˉ awˬ hkʼaw‸ nawˉ heˍ ve lehˬ, leuˉ leh jaˇ tuˬ yoˬ teh‸ kʼoˆ ve yoˬ.
65Jawˇmawˇ Piˉla‸ lehˬ, Nawˬ hui geh shaw shehˍ hpaˇ teˇ hpaˍ cawˬ ve yoˬ. Kʼai leh nawˬ hui te gʼa ve hkʼe, hkʼa deh‸ te leh shaw tcuh-o teh‸, yawˇ hui hta‸ kʼaw‸ kʼoˆ piˇ ve yoˬ.
66Hkʼe te leh yawˇ hui kʼai leh, tuˍ hpfuh hta‸ shu hpaw maˇ gʼa tuˬ haˉ pui shiˍ hta‸ yinˉ tcuhˉ sheˬ leh, shaw shehˍ hpaˇ hui hta‸ shaw tcuh taˍ ve yoˬ.
Currently Selected:
Ma‸htehˍ li‸ 27: LHBE
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Ma‸htehˍ li‸ 27
27
Jawˇmawˇ Piˉla‸ geh Yeˍsuˆ hta‸ sheh veu ve
1Mvuhˇ htiˇ la ve teˇ yanˇ, paw hkuˇ lonˉ hui leh Yuˇda‸ chaw hui ve awˬ hoˉ chaw mawˇ hui hkʼa peu-eˬ, Yeˍsuˆ hta‸ tiˇ pehˍ tuˬ jehˬ da‸ ve yoˬ. 2Peuˬ leh, yawˇ hui yawˇ hta‸ hpeh peuˬ hkʼaw‸ nawˉ sheh veu leh, mvuhˇmiˬ jawˇmawˇ lonˉ Piˉla‸ ve la‸ hkʼaw lo yawˇ hta‸ chiˇ a‸ piˇ ve yoˬ.
Yuˇda‸ suh ve
3Oˇ htaˇ yawˇ hta‸ chiˇ a‸ shehˍ hpaˇ Yuˇda‸ teˇ gʼaˇ lehˬ, Yeˍsuˆ hta‸ tiˇ pehˍ tuˬ shu suhˉ taˆ ve hta‸ gʼa mawˬ htaˇ, yawˇ kʼaw‸ dawˇ hpfuhˆ leh, hpu oˇ ve shehˆ chi hteh‸ hta‸ paw hkuˇ lonˉ teˇ hpaˍ leh awˬ hoˉ chaw mawˇ teˇ hpaˍ geh kʼaw‸ yuˬ laˬ leh kʼoˆ ve, 4Venˇbaˆ maˇ cawˬ ve chaw hta‸ ngaˬ chiˇ a‸ piˇ peuˬ ve pa taw, ngaˬ venˇbaˆ te peuˬ teh‸ kʼoˆ ve yoˬ.
Yawˇ hui kʼaw‸ kʼoˆ ve, Chi ve ngaˬ hui hta‸ hkʼaˬ hkʼe caˉ da‸ le. Nawˬ ve kanˉ hta‸ nawˬ hkʼaˇ nawˬ nyi-o teh‸ kʼoˆ piˇ ve yoˬ.
5Hpu oˇ ve hta‸ bon yehˬ lonˉ awˬ hkʼaw lo baˬ keu taˉ peuˬ hkʼaw‸ nawˉ yawˇ tawˆ kʼai leh, yawˇ hkʼaˇ yawˇ kʼawˍ peˍ ca nyiˉ pehˍ ve yoˬ.
6Paw hkuˇ lonˉ teˇ hpaˍ hpu oˇ ve hta‸ yuˬ leh, Hpu chi lehˬ, awˬ suhˍ ve awˬ hpfuhˇ hpeh‸ ve pa taw, hpu tanˇ geh hkaw‸ da‸ maˇ cawˇ teh‸ kʼoˆ ve yoˬ. 7Hkʼe te leh, yawˇ hui jehˬ da‸ peuˬ hkʼaw‸ nawˉ, hkehˉ chaw teˇ hpaˍ hta‸ tuˍ piˇ tuˬ, hpu oˇ ve hta‸ yuˬ leh mu‸ hkʼu te shehˍ hpaˇ ve miˬ guiˬ teˇ peˆ hta‸ vuiˬ taˍ ve yoˬ. 8Hkʼe te leh, ya‸ nyi hkʼa gaˬ miˬguiˬ oˇ ve teˇ peˆ hta‸ Awˬ suhˍ miˬguiˬ teh‸ kʼoˆ ve yoˬ.
9Oˇ htaˇ, tcuh kaˍ paˍ Yeˍraˍmiˆ kʼoˆ taˍ ve hkʼe biˇ la ve yoˬ. Yawˇ kʼoˆ ve, Iˉsaˍreˍlaˆ chaw teˇ hpaˍ hpaˍ awˬ hpfuhˇ kʼoˆ cheˆ taˍ ve, chaw teˇ gʼaˇ ve awˬ hpfuhˇ hpu shehˆ chi hta‸ yuˬ leh, 10Jawˇmawˇ Gʼuiˬsha ngaˬ hta‸ tawˇ piˇ taˍ laˇ ve hkʼe, mu‸ hkʼu te shehˍ hpaˇ ve miˬguiˬ teˇ peˆ hta‸ yawˇ hui vuiˬ ve yoˬ. #Zhk 11:13
Jawˇmawˇ Piˉla‸ Yeˍsuˆ hta‸ na nyi ve
11Yeˍsuˆ lehˬ, mvuhˇmiˬ jawˇmawˇ lonˉ mehˆ gʼuˇ suhˍ huˉ chehˇ htaˇ, mvuhˇ miˬ jawˇmawˇ lonˉ kʼoˆ ve, Nawˬ lehˬ Yuˇda‸ chaw hui ve Hkunˉ hawˉ hkanˇ yoˬ laˇ teh‸ na nyi ve yoˬ.
Yoˬ, nawˬ kʼoˆ ve hkʼe yoˬ teh‸, Yeˍsuˆ yawˇ hta‸ kʼaw‸ kʼoˆ piˇ ve yoˬ. 12Paw hkuˇ lonˉ leh awˬ hoˉ chaw mawˇ teˇ hpaˍ yawˇ awˬ hkʼoˆ hta‸ venˇbaˆ taˍ ve teˇ yanˇ, yawˇ te‸ chiˉ ka‸ maˇ kʼaw‸ kʼoˆ.
13Oˇ htaˇ, jawˇmawˇ Piˉla‸ lehˬ, Nawˬ awˬ lawn yawˇ hui shaˉ hkiˆ hkʼaˬ hkʼe hkanˍ chehˇ ve hta‸ nawˬ maˇ kaˇ laˇ teh‸, yawˇ hta‸ kʼoˆ piˇ ve yoˬ.
14Ya‸ hkʼaˇ, yawˇ lehˬ tawˇ teˇ peu-eˬ ka‸ maˇ yaw hkʼaw‸ ve pa taw, mvuhˇmiˬ jawˇmawˇ lonˉ anˇ jaˇ ve yoˬ.
Yeˍsuˆ hta‸ maˇ heˆ kʼo Baˍraˍbaˆ hta‸ gʼa hpehˇ ve awˬ lawn na nyi ve
15Pawehˇ oˇ ve hta‸ te ve teˇ yanˇ, htawnˍ hkʼaw chehˇ ve chaw teˇ hpaˍ awˬ hkʼaw lo, chaw chi ma ve nyi ma cawˇ ve chaw teˇ gʼaˇ hta‸ mvuhˇmiˬ jawˇmawˇ lonˉ hpehˇ piˇ ve awˬ liˇ cawˬ ve yoˬ. 16Oˇ htaˇ, htawnˍ hkʼaw chehˇ ve chaw teˇ hpaˍ awˬ hkʼaw lo, awˬ meh bvuhˬ ve Baˍraˍbaˆ meh ve chaw teˇ gʼaˇ cawˬ ve yoˬ. 17Hkʼe te leh, yawˇ hui hpawnˬ da‸ chehˇ htaˇ, jawˇmawˇ Piˉla‸ kʼoˆ ve, Nawˬ hui awˬ pon a shu hta‸ hpehˇ tcuh gaˇ le. Baˍraˍbaˆ hta‸ laˇ, maˇ heˆ kʼo Hkri‸ teh‸ kʼoˆ ve Yeˍsuˆ hta‸ laˇ teh‸, yawˇ hui hta‸ na nyi ve yoˬ. 18Awˬ lawn kʼo, yawˇ hui Yeˍsuˆ hta‸ hkawehˉ ve nyi ma cawˬ ve pa taw yawˇ hta‸ chiˇ a‸ laˇ ve hta‸ jawˇmawˇ Piˉla‸ shiˍ ve yoˬ.
19Peuˬ leh, suhˉ jehˬ kuiˬ kʼaw jaw hkʼoˆ lo yawˇ mui chehˇ htaˇ, yawˇ ve awˬ miˇ ma yawˇ hta‸ tawˇ chi hkʼe shanˍ piˇ ve, Hteˇ ve cawˇ ve chaw chi teˇ gʼaˇ hta‸ te‸ chiˉ taˇ te. Awˬ lawn kʼo, ya‸ nyi yawˇ hta‸ pa taw ngaˬ zuh‸ maˆ ve awˬ hkʼaw lo gʼa tu‸ hkanˍ jaˇ peuˬ teh‸, tawˇ shanˍ feu piˇ ve yoˬ.
20Baˍraˍbaˆ hta‸ lawˬ yuˬ leh Yeˍsuˆ hta‸ tiˇ pehˍ tuˬ, paw hkuˇ lonˉ hui leh awˬ hoˉ chaw mawˇ teˇ hpaˍ lehˬ, chaw chi ma ve hta‸ awˬ gʼaˇ gʼaˇ hte‸ piˇ ve yoˬ. 21Mvuhˇmiˬ jawˇmawˇ lonˉ lehˬ, Chaw chi nyiˇ gʼaˇ awˬ hkʼaw lo nawˬ hui awˬ pon hkʼaˬ ve teˇ gʼaˇ hta‸ hpehˇ tcuh gaˇ le teh‸, yawˇ hui hta‸ kʼaw‸ na nyi htaˇ,
Baˍraˍbaˆ hta‸ yoˬ teh‸ yawˇ hui kʼaw‸ kʼoˆ piˇ ve yoˬ.
22Jawˇmawˇ Piˉla‸ lehˬ, Hkʼe te kʼo, Hkri‸ teh‸ kʼoˆ ve Yeˍsuˆ hta‸ ngaˬ hkʼaˬ hkʼe gʼa te tuˬ le teh‸, yawˇ hui hta‸ na nyi htaˇ, Yawˇ hta‸ la‸ ka hkʼoˆ lo hta‸ pehˍ loˬ teh‸ yawˇ hui hkʼa peu-eˬ kʼoˆ ve yoˬ.
23Yawˇ kʼaw‸ kʼoˆ ve, Aˬ hto‸ ma pa taw le. Yawˇ haiˬ ve aˬ hto‸ ma teˇ ceuˬ hta‸ te ve le teh‸ na nyi htaˇ, Yawˇ hta‸ la‸ ka hkʼoˆ lo hta‸ pehˍ loˬ teh‸, yawˇ hui leuˉ leh gʼaˇ hte‸ kʼaw‸ kuˬ ve yoˬ.
24Jawˇmawˇ Piˉla‸ lehˬ, yawˇ te‸ chiˉ te maˇ gʼa ve awˬ hkʼoˆ ka‸, shu duiˆ-ehˍ shaˇ-ehˍ te tawˆ la ve hta‸ gʼa mawˬ htaˇ, yawˇ iˉ kaˆ yuˬ leh chaw awˬ moˍ lonˉ mehˆ gʼuˇ suhˍ la‸ sheh tsuhˇ leh kʼoˆ ve, Chaw chi teˇ gʼaˇ ve awˬ suhˍ ngaˬ awˬ hkʼoˆ hta‸ taˇ gaˬ la piˇ. Nawˬ hui hkʼaˇ nawˬ hui te-o teh‸ kʼoˆ piˇ ve yoˬ.
25Chaw hkʼa peu-eˬ kʼaw‸ kʼoˆ ve, Yawˇ ve awˬ suhˍ ngaˬ hui leh ngaˬ hui ve awˬ yaˇ awˬ duˬ teˇ hpaˍ awˬ hkʼoˆ hta‸ gaˬ la piˇ-oˆ teh‸ kʼoˆ ve yoˬ.
26Oˇ htaˇ jawˇmawˇ Piˉla‸ lehˬ, yawˇ hui awˬ pon Baˍraˍbaˆ hta‸ hpehˇ piˇ leh, Yeˍsuˆ hta‸ jaw‸ peuˬ hkʼaw‸ nawˉ la‸ ka hkʼoˆ lo hta‸ pehˍ tuˬ chiˇ a‸ piˇ ve yoˬ.
Ma‸ yaˇ teˇ hpaˍ Yeˍsuˆ hta‸ maˇ shawˍ maˇ caˆ te ve
27Oˇ htaˇ mvuhˇmiˬ jawˇmawˇ lonˉ ve ma‸ yaˇ teˇ hpaˍ lehˬ, Yeˍsuˆ hta‸ hawˉ yehˬ awˬ hkʼaw lo shiˍ kʼai leh, ma‸ yaˇ teˇ ta‸ hkʼa peu-eˬ hta‸ Yeˍsuˆ geh hpawnˬ la piˇ ve yoˬ. 28Yawˇ hui yawˇ ve aˉ po‸ hta‸ kʼehˆ baˬ leh, nyiˉ-ehˍ ve aˉ po‸ zuhˬ ma yawˇ hta‸ deh piˇ ve yoˬ. 29Aˉ chuˇ te hta‸ yuˬ leh shi uˉ tcuhˍ hkʼe te gʼa‸ leh, yawˇ ve oˉ kʼoˍ hta‸ hkʼawˆ piˇ ve yoˬ. Yawˇ la‸ sha paˉ ve la‸ sheh hkʼaw lo, lo taˬ teˇ taˬ vawˆ taˍ tcuh leh, yawˇ mehˆ gʼuˇ suhˍ hkui tcuhˉ teh leh kʼoˆ ve, Yuˇda‸ ve hkunˉ hawˉ hkanˇ-oˬ, nawˬ awˬ bon uiˍ piˇ-oˆ teh‸, yawˇ hta‸ maˇ shawˍ maˇ caˆ te leh kʼoˆ guiˇ ve yoˬ. 30Yawˇ hta‸ ciˉ gʼuiˇ hpe‸ pfuhˍ leh, lo taˬ oˇ ve hta‸ yawˇ hui kʼaw‸ yuˬ leh yawˇ ve oˉ kʼoˍ hta‸ dawˆ ve yoˬ. 31Yawˇ hta‸ maˇ shawˍ maˇ caˆ te peuˬ hkʼaw‸ nawˉ, aˉ po‸ zuhˬ ma hta‸ yawˇ hui kʼehˆ baˬ leh, yawˇ ve veu‸ kʼaˇ hta‸ kʼaw‸ feuˉ piˇ ve yoˬ. Oˇ htaˇ, la‸ ka hkʼoˆ lo hta‸ pehˍ tuˬ yawˇ hta‸ sheh kʼai ve yoˬ.
Yeˍsuˆ hta‸ la‸ ka hkʼoˆ lo hta‸ pehˍ ve
32Yawˇ hui tawˆ kʼai chehˇ htaˇ, Siˉmonˍ meh ve Kuˇreˍneˍ venˇ yaˇ teˇ gʼaˇ hta‸ mawˬ ve yoˬ. Yawˇ hui yawˇ hta‸ nyiˉ leh Yeˍsuˆ ve la‸ ka hta‸ taˆ tcuh ve yoˬ. 33Gawˇlaˍgawˇtaˆ meh ve chehˇ kuiˬ lo yawˇ hui gaˬ la ve yoˬ. Awˬ meh oˇ ve tcuhˉ kuiˬ lehˬ, oˉ koˆ teh‸ kʼoˆ ve yoˬ. 34Hkʼaˇ ve naˆ tsuhˇ hkaw‸ taˍ ve a pehˉ meuˇ gʼuiˬ yawˇ hui yawˇ hta‸ taw piˇ ve htawˇ, yawˇ leh‸ nyi sheˬ leh maˇ dawˬ.
35Yawˇ hui yawˇ hta‸ la‸ ka hkʼoˆ lo hta‸ keu peuˬ htaˇ, yawˇ hui kuˇ da‸ leh yawˇ ve veu‸ kʼaˇ teˇ hpaˍ hta‸ pehˬ yuˬ ve yoˬ. 36Hkʼe te leh, yawˇ hui oˇ kaˬ lo mui leh yawˇ hta‸ shaw taˍ ve yoˬ. 37Chaw chi lehˬ, Yuˇda‸ chaw hui ve Hkunˉ hawˉ hkanˇ Yeˍsuˆ yoˬ teh‸, yawˇ hta‸ venˇbaˆ taˍ ve li‸ yawˇ hui bvuh‸ leh, yawˇ ve oˉ kʼoˍ awˬ hkʼoˆ lo nehˉ taˍ ve yoˬ. 38Oˇ htaˇ, yawˇ geh teˇ geh chaw hkʼawˇ nyiˇ gʼaˇ hta‸ htawˇ, la‸ sha paˉ teˇ gʼaˇ, la‸ mehˍ paˉ teˇ gʼaˇ, la‸ ka hkʼoˆ lo hta‸ keu taˍ ve yoˬ.
39Kʼai chehˇ laˬ chehˇ ve chaw teˇ hpaˍ lehˬ, yawˇ hta‸ maˇ shawˍ maˇ caˆ kʼoˆ leh, a shu yawˇ ve oˉ kʼoˍ hiˆ leh kʼoˆ ve, 40Bon yehˬ lonˉ hta‸ te luˬ leh shehˆ nyi awˬ hkʼaw lo kʼaw‸ te gʼa ve chaw-oˬ, nawˬ awˬ to hta‸ ponˬ piˇ-oˆ. Nawˬ Gʼuiˬsha ve Yaˇ hpu yoˬ kʼo, la‸ ka hkʼoˆ lo ya‸ la-o teh‸ kʼoˆ piˇ ve yoˬ.
41Paw hkuˇ lonˉ hui lehˬ, li‸ bvuh‸ paˍ leh awˬ hoˉ chaw mawˇ teˇ hpaˍ geh teˇ geh chi hkʼa shuˍ shuˍ yawˇ hta‸ kʼoˆ guiˇ gʼuiˬ guiˇ ve yoˬ. 42Yawˇ hui kʼoˆ ve, Shu hta‸ yawˇ htaiˍ hkʼaw‸ gʼa ve yoˬ. Yawˇ awˬ to hta‸ yawˇ htaiˍ hkʼaw‸ maˇ gʼa. Yawˇ lehˬ Iˉsaˍreˍlaˆ ve Hkunˉ hawˉ hkanˇ yoˬ. Hkʼe te leh, yawˇ la‸ ka hkʼoˆ lo ya‸ la piˇ sheˍ. Oˇ htaˇ heh‸, ngaˬ hui yawˇ hta‸ yonˍ tuˬ yoˬ. 43Yawˇ lehˬ Gʼuiˬsha hta‸ cuˇ ve yoˬ. Ngaˬ lehˬ Gʼui sha ve Yaˇ hpu yoˬ teh‸ yawˇ kʼoˆ taˍ peuˬ. Hkʼe te leh Gʼuiˬsha yawˇ hta‸ nyi ma cawˇ kʼo, Gʼuiˬsha yawˇ hta‸ ponˬ piˇ lawˬ-o‸ teh‸, yawˇ hui kʼoˆ ve yoˬ.
44Yawˇ geh teˇ geh la‸ ka hkʼoˆ lo hta‸ keu taˍ ve chaw hkʼawˇ nyiˇ gʼaˇ htawˇ, oˇ ve hkʼa shuˍ shuˍ yawˇ hta‸ maˇ shawˍ maˇ caˆ kʼoˆ ve yoˬ.
45Mvuhˇ law‸ kʼaw tcuhˆ htaˇ ka‸ tanˬ leh mvuhˇ hpeu‸ hpawˇ shehˆ naˍ riˍ hkʼa gaˬ, miˬguiˬ hkʼa peu-eˬ naˆ ho‸ lehˍ hpeh‸ sheˬ ve yoˬ. 46Mvuhˇ hpeu‸ hpawˇ shehˆ naˍ riˍ hkʼe gaˬ htaˇ, Yeˍsuˆ awˬ hkawˇ bvuhˬ chaweh te leh, Eˇliˆ, Eˇliˆ, laˍmaˍ saˍbaˆtaˍniˍ teh‸ kuˬ ve yoˬ. Tcuhˉ kuiˬ lehˬ, Ngaˬ ve Gʼuiˬsha-oˬ, ngaˬ ve Gʼuiˬsha-oˬ, aˬ hto‸ ma te nawˬ ngaˬ hta‸ baˬ taˉ laˇ ve le teh‸ kʼoˆ ve yoˬ.
47Oˇ kaˬ lo huˉ chehˇ ve chaw teˇ hpaˍ hpaˍ tawˇ oˇ ve hta‸ gʼa kaˇ htaˇ, Chi hpaˇ lehˬ, Eˇliˇya‸ hta‸ kuˬ ve teh‸ kʼoˆ ve yoˬ. 48Yawˇ hui awˬ hkʼaw lo chaw teˇ gʼaˇ teˇ cawˬ haˉ gʼuiˇ kʼai leh, laˇ tsuhˇ gʼuiˬ mvuhˬ teˇ maˬ hta‸ yuˬ leh, ci ve awˬ gʼuiˬ awˬ hkʼaw lo tuˍ peuˬ hkʼaw‸ nawˉ, lo taˬ hta‸ choˆ leh, yawˇ hta‸ taw piˇ ve yoˬ.
49Ya‸ hkʼaˇ, awˬ kaˍ awˬ nu chaw teˇ hpaˍ kʼoˆ ve, Taˇ te sheˍ. Eˇliˇya‸ yawˇ htaˬ ca htaiˍ hkʼaw‸ la tuˬ leh naˍ, nyi taˍ shaˍ teh‸ kʼoˆ ve yoˬ.
50Yeˍsuˆ awˬ hkawˇ bvuhˬ chaweh teˇ pawˆ kʼaw‸ kuˬ leh shaˉ cheˆ ve yoˬ.
51Oˇ htaˇ bon yehˬ lonˉ ve hpaˬ kaˍ lehˬ, awˬ na te leh awˬ hawˉ lo hkʼa gaˬ nyiˇ hkoˇ tzuh‸ sheˬ ve yoˬ. Miˬ hiˆ leh, haˉ pui teˇ hpaˍ htawˇ hkoˇ sheˬ ve yoˬ. 52Tuˍ hpfuh teˇ hpaˍ hpaw sheˬ leh, suh taˍ peuˬ ve Hkri‸ yaˇ laiˉ gʼaˇ awˬ to kʼaw‸ te‸ tu la ve yoˬ. 53Yeˍsuˆ kʼaw‸ te‸ tu la peuˬ hkʼaw‸ nawˉ, yawˇ hui tuˍ hpfuh hkʼaw lo tawˆ la leh, da‸ kehˬ ve venˇ hkʼaw lo‸-e leh, chaw laiˉ gʼaˇ yawˇ hui hta‸ gʼa mawˬ ve yoˬ.
54Ma‸ poˍ leh yawˇ geh Yeˍsuˆ hta‸ shaw chehˇ ve ma‸ yaˇ teˇ hpaˍ lehˬ, miˬ hiˆ ve leh hkʼa hpeh‸ la ve awˬ ceuˬ teˇ hpaˍ hta‸ gʼa mawˬ htaˇ, yawˇ hui kawˆ jaˇ leh, Chi hpaˇ lehˬ, awˬ tehˬ awˬ na Gʼuiˬsha ve yaˇ hpu teˇ gʼaˇ hpeh‸ ve yoˬ teh‸ kʼoˆ ve yoˬ.
55Oˇ kaˬ a ciˉ vuiˇ kuiˬ lo yaˇ miˇ laiˉ gʼaˇ htawˇ chehˇ leh nyi taˍ ve yoˬ. Yawˇ hui lehˬ, Yeˍsuˆ Gaˍliˍlehˇ mvuhˇ miˬ awˬ hkʼaw lo tawˆ la htaˇ, yawˇ awˬ hkʼaˇ suh kʼai leh yawˇ hta‸ te caˍ te taw piˇ ve yaˇ miˇ teˇ hpaˍ yoˬ. 56Yawˇ hui awˬ hkʼaw lo, Maˍriˆ Maˍgaˍdaˍlaˆ, Yaˍkoˆ leh Yoˇseh‸ ve awˬ e Maˍriˆ leh, Zeˍbeˍdehˇ ve awˬ yaˇ paˍ hui ve awˬ e, chi teˇ hpaˍ chehˇ taˍ ve yoˬ.
Yeˍsuˆ hta‸ tuˍ piˇ ve
57Mvuhˇ hpeu‸ la htaˇ, Aˍriˆma‸htehˍ venˇ yaˇ Yoˇseh‸ meh ve paw sha paˍ teˇ gʼaˇ laˬ ve yoˬ. Yawˇ lehˬ, Yeˍsuˆ ve awˬ la‸ gʼawˇ hpeh‸ ve yoˬ. 58Yawˇ jawˇmawˇ Piˉla‸ geh kʼai leh, Yeˍsuˆ ve awˬ to hta‸ lawˬ ve yoˬ. Oˇ htaˇ, yawˇ hta‸ piˇ tuˬ jawˇmawˇ Piˉla‸ tawˇ piˇ ve yoˬ. 59Hkʼe te leh Yoˇseh‸ lehˬ, Yeˍsuˆ ve awˬ to hta‸ yuˬ kʼai peuˬ hkʼaw‸ nawˉ, da‸ kehˬ ve hpa hpu yuˬ htiˆ sheˬ leh, haˉ pui htawˆ taˍ ve, 60yawˇ ve tuˍ hpfuh awˬ suhˉ awˬ hkʼaw lo keu taˍ ve yoˬ. Tuˍ hpfuh awˬ hkʼoˇ meuˇ lo uiˍ jaˇ ve haˉ pui teˇ shiˍ hta‸ hpfuhˆ tsuhˇ taˉ leh kʼo‸-e ve yoˬ. 61Oˇ kaˬ lo Maˍriˆ Maˍgaˍdaˍlaˆ leh awˬ kaˍ awˬ nu Maˍriˆ teˇ gʼaˇ, tuˍ hpfuh awˬ gʼuˇ suhˍ maˇ vuiˇ maˇ neˇ kuiˬ lo mui chehˇ taˍ ve yoˬ.
62Pawehˇ te tuˬ gu ve awˬ nyi peuˬ leh, awˬ hkʼaw‸ nawˉ teˇ nyi htaˇ, paw hkuˇ lonˉ hui leh Hpaˍriˍsehˇ teˇ hpaˍ jawˇmawˇ Piˉla‸ geh hpawnˬ kʼai leh kʼoˆ ve, 63Jawˇmawˇ-oˬ, heˍ puiˉ ve chaw chi teˇ gʼaˇ lehˬ, yawˇ te‸ chehˇ htaˇ, Shehˆ nyi peuˬ kʼo ngaˬ kʼaw‸ te‸ tu la tuˬ yoˬ teh‸, yawˇ kʼoˆ taˍ ve hta‸ ngaˬ hui dawˇ nawˇ ve yoˬ. 64Hkʼe te leh, yawˇ ve awˬ la‸ gʼawˇ teˇ hpaˍ yawˇ hta‸ ca hkʼawˇ yuˬ leh, Yawˇ suh kuiˬ lo kʼaw‸ te‸ tu la peuˬ teh‸, chaw chi ma ve hta‸ maˇ gʼa ca kʼoˆ piˇ tuˬ, shehˆ nyi hkʼa gaˬ tuˍ hpfuh oˇ ve hta‸ hkʼa deh‸ shaw taˍ tuˬ tawˇ piˇ-oˆ. Maˇ heˆ kʼo, awˉ lawˉ heˍ ve a‸ kehˉ awˬ hkʼaw‸ nawˉ heˍ ve lehˬ, leuˉ leh jaˇ tuˬ yoˬ teh‸ kʼoˆ ve yoˬ.
65Jawˇmawˇ Piˉla‸ lehˬ, Nawˬ hui geh shaw shehˍ hpaˇ teˇ hpaˍ cawˬ ve yoˬ. Kʼai leh nawˬ hui te gʼa ve hkʼe, hkʼa deh‸ te leh shaw tcuh-o teh‸, yawˇ hui hta‸ kʼaw‸ kʼoˆ piˇ ve yoˬ.
66Hkʼe te leh yawˇ hui kʼai leh, tuˍ hpfuh hta‸ shu hpaw maˇ gʼa tuˬ haˉ pui shiˍ hta‸ yinˉ tcuhˉ sheˬ leh, shaw shehˍ hpaˇ hui hta‸ shaw tcuh taˍ ve yoˬ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.