Maˍlaˍhkiˆ li‸ 2
2
1Gʼuiˬsha paw hkuˇ teˇ hpaˍ hta‸ kʼaw‸ kʼoˆ piˇ ve, Nawˬ hui na yuˬ leh te cawˇ ve kanˉ lehˬ chi hkʼe yoˬ. 2Nawˬ hui te ve kanˉ teˇ ceuˬ le le awˬ hkʼaw lo, nawˬ hui ngaˬ hta‸ gʼa yawˆ yan ve yoˬ. Nawˬ hui ngaˬ kʼoˆ ve tawˇ hta‸ hkʼa deh‸ maˇ na yuˬ ve kʼo, hkeu ve teˇ ceuˬ nawˬ hui awˬ hkʼoˆ gaˬ la piˇ tuˬ yoˬ. Nawˬ gʼa chehˇ ve da‸ ve awˬ ceuˬ teˇ hpaˍ hta‸ htawˇ ngaˬ hkeu piˇ tuˬ yoˬ. Nawˬ hui ngaˬ ve tawˇ hkawˇ hta‸ hkʼa deh‸ maˇ na yuˬ ve pa taw, chi beu‸ ka‸ da‸ ve awˬ ceuˬ oˇ ve teˇ hpaˍ hta‸ ngaˬ hkeu piˇ taˍ peuˬ. 3Nawˬ hui ve yaˇ teˇ hpaˍ hta‸ ngaˬ ciˍ yanˍ piˇ leh, nawˬ hui tuˉ tanˇ chehˇ ve to nuˇ to shaˆ awˬ hkʼehˇ hta‸ yuˬ leh nawˬ hui ve mehˆ hpfuhˇ hta‸ shehˍ laˇ tuˬ yoˬ. Peuˬ hkʼaw‸ nawˉ, nawˬ hui hta‸ nuˇ hkʼehˇ hpoˆ taˍ kuiˬ lo gʼawˬ baˬ laˇ tuˬ yoˬ. 4Leˍviˆ awˬ ceuˬ awˬ hkʼaˇ paw hkuˇ teˇ hpaˍ hta‸ ngaˬ te piˇ taˍ ve ka ti‸ maˇ gʼa luˬ kʼai tuˬ, tawˇ chi teˇ hpaˍ ngaˬ nawˬ hui hta‸ kʼoˆ laˇ chehˇ ve hta‸ nawˬ hui shiˍ la tuˬ yoˬ.
5Yawˇ hui ngaˬ hta‸ yawˆ yan puiˉ la tuˬ ve hta‸ dawˇ law leh, a sha‸ te‸ ve leh gawˬ lehˍ ve awˬ ceuˬ ngaˬ yawˇ hui hta‸ piˇ tuˬ ka ti‸ te piˇ taˍ ve yoˬ. Awˬ yanˇ oˇ ve awˬ hkʼaw lo, yawˇ hui ngaˬ hta‸ kawˆ leh yawˆ yan chehˇ ve yoˬ. 6Yawˇ hui lehˬ, hteˇ ve cawˇ ve awˬ ceuˬ ceh tiˉ shu hta‸ maˍ piˇ ve yoˬ. Yawˇ hui ngaˬ hta‸ awˬ chawˇ te leh, haiˬ ve chaw hta‸ kʼaw‸ da‸ la tuˬ maˍ piˇ ve awˬ hkʼaw lo, da‸ ve kanˉ hta‸ ceh tiˉ te ve yoˬ. 7Paw hkuˇ teˇ hpaˍ ve kanˉ lehˬ, shu hta‸ Gʼuiˬsha ve awˬ lawn maˍ piˇ ve teˇ ceuˬ yoˬ. Yawˇ hui lehˬ ngaˬ ve awˬ tan te shehˍ hpaˇ teˇ hpaˍ hpeh‸ ve pa taw, ngaˬ ve a loˍ hta‸ shiˍ gaˇ ve chaw teˇ hpaˍ lehˬ, yawˇ hui geh kʼai leh ca henˇ yuˬ cawˇ ve yoˬ.
8Ya‸ hkʼaˇ, nawˬ hui paw hkuˇ teˇ hpaˍ chi beu‸ ya‸ kʼaw ya‸ kʼai peuˬ. Nawˬ hui maˍ piˇ ve tawˇ teˇ hpaˍ lehˬ, chaw laiˉ gʼaˇ hta‸ ya‸ kʼaw ya‸ kʼai piˇ lawˬ ve yoˬ. Nawˬ hui lehˬ, ngaˬ te piˇ taˍ ve ka ti‸ shaˉ caˆ hta‸ te luˬ peuˬ. 9Chi hta‸ pa taw, Iˉsaˍreˍlaˆ chaw teˇ hpaˍ nawˬ hui hta‸ chiˇ baˬ tuˬ ngaˬ te piˇ tuˬ yoˬ. Awˬ lawn kʼo, nawˬ hui lehˬ ngaˬ kʼoˆ piˇ taˍ ve tawˇ hta‸ maˇ na yuˬ ve awˬ hkʼoˆ, nawˬ hui shu hta‸ maˍ piˇ kuiˬ awˬ hkʼaw lo chaw yaˇ ve mehˆ hpfuhˇ hta‸ nyi chehˇ ve yoˬ, teh‸ Gʼuiˬsha kʼoˆ ve yoˬ.
Iˉsaˍreˍlaˆ chaw ka ti‸ maˇ yeˬ ve
10Ngaˬ hui hta‸ te hpanˍ laˇ shehˍ hpaˇ Awˬ pa Gʼuiˬsha teˇ gʼaˇ tiˉ cawˬ ve maˇ heˆ laˇ. Oˇ hkʼe yoˬ kʼo, aˬ hto‸ ma pa taw ngaˬ hui teˇ gʼaˇ hta‸ teˇ gʼaˇ te da‸ taˍ ve ka ti‸ hta‸ te luˬ leh, Gʼuiˬsha ngaˬ hui ve awˬ puˍ awˬ pi hui hta‸ piˇ taˍ ve ka ti‸ shaˉ caˆ hta‸ maˇ shawˍ maˇ caˆ te chehˇ ve le. 11Yuˇda‸ chaw teˇ hpaˍ lehˬ, yawˇ hui Gʼuiˬsha hta‸ te taˍ ve ka ti‸ hta‸ te luˬ leh, Iˉsaˍreˍlaˆ mvuhˇmiˬ leh Yeˍruˆsaˍlehnˍ venˇ hkʼaw cha‸ chiˆ ve kanˉ hta‸ te chehˇ ve yoˬ. Yawˇ hui lehˬ, Gʼuiˬsha ha‸ ve bon yehˬ hta‸ cha‸ chiˆ tuˬ te chehˇ ve yoˬ. Hawˉ hkʼaˆ paˍ teˇ hpaˍ lehˬ, awˬ nu ve gʼuiˬsha teˇ hpaˍ hta‸ oˉ kʼoˍ pui ve yaˇ miˇ teˇ hpaˍ hta‸ heuˆ taˍ ve yoˬ. 12Chi hkʼe te chehˇ ve chaw hui hta‸ Gʼuiˬsha te luˬ te sheˆ piˇ leh, Gʼuiˬsha hta‸ tuˉ tanˇ chehˇ ve ngaˬ hui ve chaw ceuˬ hta‸ teˇ pawˆ ka‸ taˇ gʼa kʼaw‸ caˉ da‸ piˇ-oˆ.
13Nawˬ hui te chehˇ ve cha‸ chiˆ ve kanˉ awˬ nu ve teˇ ceuˬ lehˬ chi hkʼe yoˬ. Nawˬ hui Gʼuiˬsha geh yuˬ laˬ ve tanˇ tuˬ hta‸ yawˇ maˇ ha‸ yuˬ laˇ ve pa taw, nawˬ hui gʼaˇ hte‸ kuˬ hawˬ leh yawˇ ve tuˉ tanˇ kuiˬ hta‸ mehˆ gʼuiˬ nehˆ piˇ lawˬ ve yoˬ. 14Aˬ hto‸ ma pa taw yawˇ maˇ ha‸ yuˬ laˇ ve le, teh‸ nawˬ hui kʼoˆ chehˇ ve yoˬ. Awˬ lawn kʼo, nawˬ hui lehˬ yaˇ nehˬ hpeh‸ chehˇ htaˇ ka‸ heuˆ taˍ ve yaˇ miˇ hta‸ ka ti‸ maˇ yeˬ ve pa taw yoˬ. Yawˇ hui lehˬ, nawˬ hui ve awˬ miˇ ma hpeh‸ ve yoˬ. Nawˬ hui lehˬ yawˇ hui hta‸ ka ti‸ yeˬ tuˬ yoˬ, teh‸ Gʼuiˬsha hta‸ ka ti‸ te taˍ peuˬ ve htawˇ, ka ti‸ oˇ ve hta‸ nawˬ hui kʼaw‸ te luˬ ve yoˬ. 15Gʼuiˬsha lehˬ, nawˬ hui hta‸ teˇ suhˍ teˇ shaˍ tiˉ hpeh‸ la piˇ taˍ ve maˇ heˆ laˇ. Yawˇ aˬ hto‸ ma hta‸ dawˇ law leh chi hkʼe te laˇ taˍ ve le. Nawˬ hui yaˇ cawˬ la tuˬ awˬ pon yoˬ. Chi hta‸ pa taw, a shu yawˇ ve awˬ miˇ ma hta‸ maˇ gʼa baˬ tuˬ shaˍ ti‸ hkʼa deh‸ taˍ-o‸. 16Awˬ hpawˇ awˬ miˇ baˬ da‸ ve teˇ ceuˬ hta‸ ngaˬ canˇ ve yoˬ. A shu yawˇ ve awˬ miˇ hta‸ chi hkʼe te piˇ ve chaw hta‸ ngaˬ canˇ ve yoˬ. Chi hta‸ pa taw, a shu yawˇ gʼa heuˆ taˍ peuˬ ve awˬ miˇ ma hta‸ ka ti‸ yeˬ chehˇ taˍ-o‸, teh‸ Iˉsaˍreˍlaˆ ve Jawˇmawˇ Gʼuiˬsha kʼoˆ ve yoˬ.
Suhˉ jehˬ ve awˬ nyi gaˬ la paˇ neˇ peuˬ
17Nawˬ hui yaw ve tawˇ teˇ hpaˍ, Gʼuiˬsha hta‸ gʼaˇ heuˬ piˇ lawˬ ve yoˬ. Ya‸ hkʼaˇ nawˬ hui lehˬ, Ngaˬ hui yawˇ hta‸ hkʼaˬ hkʼe te gʼaˇ heuˬ piˇ lawˬ ve le, teh‸ kʼoˆ chehˇ ve yoˬ. Chi hkʼe yoˬ. Kanˇ paˆ uiˍ ve Gʼuiˬsha lehˬ, haiˬ ve kanˉ te ve chaw hta‸ da‸ ve chaw teh‸ shawˍ taˍ leh, yawˇ hui hta‸ nyi ma cawˇ chehˇ ve yoˬ, teh‸ nawˬ hui dawˇ chehˇ ve yoˬ. Hkʼe maˇ heˆ kʼo, Hteˇ ve cawˇ ve Gʼuiˬsha hkʼaˬ lo le, teh‸ ka‸ nawˬ hui na nyi chehˇ ve yoˬ.
Currently Selected:
Maˍlaˍhkiˆ li‸ 2: LHBE
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Maˍlaˍhkiˆ li‸ 2
2
1Gʼuiˬsha paw hkuˇ teˇ hpaˍ hta‸ kʼaw‸ kʼoˆ piˇ ve, Nawˬ hui na yuˬ leh te cawˇ ve kanˉ lehˬ chi hkʼe yoˬ. 2Nawˬ hui te ve kanˉ teˇ ceuˬ le le awˬ hkʼaw lo, nawˬ hui ngaˬ hta‸ gʼa yawˆ yan ve yoˬ. Nawˬ hui ngaˬ kʼoˆ ve tawˇ hta‸ hkʼa deh‸ maˇ na yuˬ ve kʼo, hkeu ve teˇ ceuˬ nawˬ hui awˬ hkʼoˆ gaˬ la piˇ tuˬ yoˬ. Nawˬ gʼa chehˇ ve da‸ ve awˬ ceuˬ teˇ hpaˍ hta‸ htawˇ ngaˬ hkeu piˇ tuˬ yoˬ. Nawˬ hui ngaˬ ve tawˇ hkawˇ hta‸ hkʼa deh‸ maˇ na yuˬ ve pa taw, chi beu‸ ka‸ da‸ ve awˬ ceuˬ oˇ ve teˇ hpaˍ hta‸ ngaˬ hkeu piˇ taˍ peuˬ. 3Nawˬ hui ve yaˇ teˇ hpaˍ hta‸ ngaˬ ciˍ yanˍ piˇ leh, nawˬ hui tuˉ tanˇ chehˇ ve to nuˇ to shaˆ awˬ hkʼehˇ hta‸ yuˬ leh nawˬ hui ve mehˆ hpfuhˇ hta‸ shehˍ laˇ tuˬ yoˬ. Peuˬ hkʼaw‸ nawˉ, nawˬ hui hta‸ nuˇ hkʼehˇ hpoˆ taˍ kuiˬ lo gʼawˬ baˬ laˇ tuˬ yoˬ. 4Leˍviˆ awˬ ceuˬ awˬ hkʼaˇ paw hkuˇ teˇ hpaˍ hta‸ ngaˬ te piˇ taˍ ve ka ti‸ maˇ gʼa luˬ kʼai tuˬ, tawˇ chi teˇ hpaˍ ngaˬ nawˬ hui hta‸ kʼoˆ laˇ chehˇ ve hta‸ nawˬ hui shiˍ la tuˬ yoˬ.
5Yawˇ hui ngaˬ hta‸ yawˆ yan puiˉ la tuˬ ve hta‸ dawˇ law leh, a sha‸ te‸ ve leh gawˬ lehˍ ve awˬ ceuˬ ngaˬ yawˇ hui hta‸ piˇ tuˬ ka ti‸ te piˇ taˍ ve yoˬ. Awˬ yanˇ oˇ ve awˬ hkʼaw lo, yawˇ hui ngaˬ hta‸ kawˆ leh yawˆ yan chehˇ ve yoˬ. 6Yawˇ hui lehˬ, hteˇ ve cawˇ ve awˬ ceuˬ ceh tiˉ shu hta‸ maˍ piˇ ve yoˬ. Yawˇ hui ngaˬ hta‸ awˬ chawˇ te leh, haiˬ ve chaw hta‸ kʼaw‸ da‸ la tuˬ maˍ piˇ ve awˬ hkʼaw lo, da‸ ve kanˉ hta‸ ceh tiˉ te ve yoˬ. 7Paw hkuˇ teˇ hpaˍ ve kanˉ lehˬ, shu hta‸ Gʼuiˬsha ve awˬ lawn maˍ piˇ ve teˇ ceuˬ yoˬ. Yawˇ hui lehˬ ngaˬ ve awˬ tan te shehˍ hpaˇ teˇ hpaˍ hpeh‸ ve pa taw, ngaˬ ve a loˍ hta‸ shiˍ gaˇ ve chaw teˇ hpaˍ lehˬ, yawˇ hui geh kʼai leh ca henˇ yuˬ cawˇ ve yoˬ.
8Ya‸ hkʼaˇ, nawˬ hui paw hkuˇ teˇ hpaˍ chi beu‸ ya‸ kʼaw ya‸ kʼai peuˬ. Nawˬ hui maˍ piˇ ve tawˇ teˇ hpaˍ lehˬ, chaw laiˉ gʼaˇ hta‸ ya‸ kʼaw ya‸ kʼai piˇ lawˬ ve yoˬ. Nawˬ hui lehˬ, ngaˬ te piˇ taˍ ve ka ti‸ shaˉ caˆ hta‸ te luˬ peuˬ. 9Chi hta‸ pa taw, Iˉsaˍreˍlaˆ chaw teˇ hpaˍ nawˬ hui hta‸ chiˇ baˬ tuˬ ngaˬ te piˇ tuˬ yoˬ. Awˬ lawn kʼo, nawˬ hui lehˬ ngaˬ kʼoˆ piˇ taˍ ve tawˇ hta‸ maˇ na yuˬ ve awˬ hkʼoˆ, nawˬ hui shu hta‸ maˍ piˇ kuiˬ awˬ hkʼaw lo chaw yaˇ ve mehˆ hpfuhˇ hta‸ nyi chehˇ ve yoˬ, teh‸ Gʼuiˬsha kʼoˆ ve yoˬ.
Iˉsaˍreˍlaˆ chaw ka ti‸ maˇ yeˬ ve
10Ngaˬ hui hta‸ te hpanˍ laˇ shehˍ hpaˇ Awˬ pa Gʼuiˬsha teˇ gʼaˇ tiˉ cawˬ ve maˇ heˆ laˇ. Oˇ hkʼe yoˬ kʼo, aˬ hto‸ ma pa taw ngaˬ hui teˇ gʼaˇ hta‸ teˇ gʼaˇ te da‸ taˍ ve ka ti‸ hta‸ te luˬ leh, Gʼuiˬsha ngaˬ hui ve awˬ puˍ awˬ pi hui hta‸ piˇ taˍ ve ka ti‸ shaˉ caˆ hta‸ maˇ shawˍ maˇ caˆ te chehˇ ve le. 11Yuˇda‸ chaw teˇ hpaˍ lehˬ, yawˇ hui Gʼuiˬsha hta‸ te taˍ ve ka ti‸ hta‸ te luˬ leh, Iˉsaˍreˍlaˆ mvuhˇmiˬ leh Yeˍruˆsaˍlehnˍ venˇ hkʼaw cha‸ chiˆ ve kanˉ hta‸ te chehˇ ve yoˬ. Yawˇ hui lehˬ, Gʼuiˬsha ha‸ ve bon yehˬ hta‸ cha‸ chiˆ tuˬ te chehˇ ve yoˬ. Hawˉ hkʼaˆ paˍ teˇ hpaˍ lehˬ, awˬ nu ve gʼuiˬsha teˇ hpaˍ hta‸ oˉ kʼoˍ pui ve yaˇ miˇ teˇ hpaˍ hta‸ heuˆ taˍ ve yoˬ. 12Chi hkʼe te chehˇ ve chaw hui hta‸ Gʼuiˬsha te luˬ te sheˆ piˇ leh, Gʼuiˬsha hta‸ tuˉ tanˇ chehˇ ve ngaˬ hui ve chaw ceuˬ hta‸ teˇ pawˆ ka‸ taˇ gʼa kʼaw‸ caˉ da‸ piˇ-oˆ.
13Nawˬ hui te chehˇ ve cha‸ chiˆ ve kanˉ awˬ nu ve teˇ ceuˬ lehˬ chi hkʼe yoˬ. Nawˬ hui Gʼuiˬsha geh yuˬ laˬ ve tanˇ tuˬ hta‸ yawˇ maˇ ha‸ yuˬ laˇ ve pa taw, nawˬ hui gʼaˇ hte‸ kuˬ hawˬ leh yawˇ ve tuˉ tanˇ kuiˬ hta‸ mehˆ gʼuiˬ nehˆ piˇ lawˬ ve yoˬ. 14Aˬ hto‸ ma pa taw yawˇ maˇ ha‸ yuˬ laˇ ve le, teh‸ nawˬ hui kʼoˆ chehˇ ve yoˬ. Awˬ lawn kʼo, nawˬ hui lehˬ yaˇ nehˬ hpeh‸ chehˇ htaˇ ka‸ heuˆ taˍ ve yaˇ miˇ hta‸ ka ti‸ maˇ yeˬ ve pa taw yoˬ. Yawˇ hui lehˬ, nawˬ hui ve awˬ miˇ ma hpeh‸ ve yoˬ. Nawˬ hui lehˬ yawˇ hui hta‸ ka ti‸ yeˬ tuˬ yoˬ, teh‸ Gʼuiˬsha hta‸ ka ti‸ te taˍ peuˬ ve htawˇ, ka ti‸ oˇ ve hta‸ nawˬ hui kʼaw‸ te luˬ ve yoˬ. 15Gʼuiˬsha lehˬ, nawˬ hui hta‸ teˇ suhˍ teˇ shaˍ tiˉ hpeh‸ la piˇ taˍ ve maˇ heˆ laˇ. Yawˇ aˬ hto‸ ma hta‸ dawˇ law leh chi hkʼe te laˇ taˍ ve le. Nawˬ hui yaˇ cawˬ la tuˬ awˬ pon yoˬ. Chi hta‸ pa taw, a shu yawˇ ve awˬ miˇ ma hta‸ maˇ gʼa baˬ tuˬ shaˍ ti‸ hkʼa deh‸ taˍ-o‸. 16Awˬ hpawˇ awˬ miˇ baˬ da‸ ve teˇ ceuˬ hta‸ ngaˬ canˇ ve yoˬ. A shu yawˇ ve awˬ miˇ hta‸ chi hkʼe te piˇ ve chaw hta‸ ngaˬ canˇ ve yoˬ. Chi hta‸ pa taw, a shu yawˇ gʼa heuˆ taˍ peuˬ ve awˬ miˇ ma hta‸ ka ti‸ yeˬ chehˇ taˍ-o‸, teh‸ Iˉsaˍreˍlaˆ ve Jawˇmawˇ Gʼuiˬsha kʼoˆ ve yoˬ.
Suhˉ jehˬ ve awˬ nyi gaˬ la paˇ neˇ peuˬ
17Nawˬ hui yaw ve tawˇ teˇ hpaˍ, Gʼuiˬsha hta‸ gʼaˇ heuˬ piˇ lawˬ ve yoˬ. Ya‸ hkʼaˇ nawˬ hui lehˬ, Ngaˬ hui yawˇ hta‸ hkʼaˬ hkʼe te gʼaˇ heuˬ piˇ lawˬ ve le, teh‸ kʼoˆ chehˇ ve yoˬ. Chi hkʼe yoˬ. Kanˇ paˆ uiˍ ve Gʼuiˬsha lehˬ, haiˬ ve kanˉ te ve chaw hta‸ da‸ ve chaw teh‸ shawˍ taˍ leh, yawˇ hui hta‸ nyi ma cawˇ chehˇ ve yoˬ, teh‸ nawˬ hui dawˇ chehˇ ve yoˬ. Hkʼe maˇ heˆ kʼo, Hteˇ ve cawˇ ve Gʼuiˬsha hkʼaˬ lo le, teh‸ ka‸ nawˬ hui na nyi chehˇ ve yoˬ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.