Oˉ kʼoˍ pui ve li‸ 17
17
Awˬ suhˍ lehˬ da‸ kehˬ jaˇ ve
1Gʼuiˬsha Moˉseˍ hta‸ cuˇ leh, 2awˬ liˇ awˬ hkʼaˇ chi teˇ hpaˍ Aˍronˍ leh yawˇ ve yaˇ teˇ hpaˍ leh Iˉsaˍreˍlaˆ chaw teˇ hpaˍ hta‸ piˇ taˍ ve yoˬ. 3-4Iˉsaˍreˍlaˆ chaw hkʼaˬ ve teˇ gʼaˇ maˇ kʼoˆ, Gʼuiˬsha hta‸ tanˇ piˇ tuˬ ve nuˇ, yawˬ, aˉ che‸ hta‸ aˉ po kʼo bon yehˬ yehˬmiˉhpe‸ lo sheh laˬ leh maˇ tiˇ pehˍ ve kʼo, yawˇ lehˬ awˬ liˇ hta‸ te ya‸ ve yoˬ. Yawˇ lehˬ, awˬ suhˍ hta‸ yuˬsheˆ taˍ peuˬ ve pa taw, yawˇ hta‸ Gʼuiˬsha ve chaw teh‸ kʼaw‸ shawˍ piˇ tuˬ ve maˇ heˆ. 5Kʼoˆ gaˇ ve tcuhˉ kuiˬ lehˬ, ponˬ laˬ htaˇ yawˇ hui heh puiˉ hkʼaw lo tuˉ tanˇ chehˇ ve to nuˇ to shaˆ teˇ hpaˍ hta‸ chi beu‸ aˉ po kʼo bon yehˬ yehˬmiˉhpe‸ lo paw hkuˇ geh gʼa yuˬ laˬ leh, awˬ chawˇ te da‸ ve tanˇ tuˬ gʼa tuˉ tanˇ piˇ ve yoˬ. 6Paw hkuˇ lehˬ awˬ suhˍ hta‸ yuˬ leh, tuˉ tanˇ kuiˬ hta‸ gʼa hpeh‸ pfuhˍ piˇ ve yoˬ. Peuˬ hkʼaw‸ nawˉ, awˬ chu hta‸ yuˬ leh Gʼuiˬsha nyi ma cawˇ ve tanˇ tuˬ yawˇ hta‸ gʼa tanˇ piˇ ve yoˬ. 7Iˉsaˍreˍlaˆ chaw teˇ hpaˍ lehˬ, ponˬ laˬ htaˇ heh puiˉ hkʼaw lo te jaw ve hkʼe, to nuˇ to shaˆ hta‸ tiˇ pehˍ leh neˇ teˇ hpaˍ hta‸ maˇ gʼa kʼaw‸ tuˉ tanˇ piˇ. Awˬ liˇ chi hta‸ yawˇ hui teˇ co peuˬ teˇ co hkʼa deh‸ gʼa na yuˬ ve yoˬ.
8-9Iˉsaˍreˍlaˆ chaw, maˇ heˆ kʼo yawˇ hui ve mvuhˇmiˬ hkʼaw ca chehˇ la taˍ ve chaw hkʼaˬve teˇ gʼaˇ maˇ kʼoˆ, aˉ po kʼo bon yehˬ yehˬmiˉhpe‸ lo maˇ heˆ leh awˬ nu ve chehˇ kuiˬ lo Gʼuiˬsha hta‸ ca tuˉ tanˇ piˇ ve kʼo, yawˇ hta‸ Gʼuiˬsha ve chaw teh‸ kʼaw‸ shawˍ piˇ tuˬ ve maˇ heˆ.
10Iˉsaˍreˍlaˆ chaw, maˇ heˆ kʼo yawˇ hui ve mvuhˇmiˬ hkʼaw ca chehˇ la ve chaw hkʼaˬ ve teˇ gʼaˇ maˇ kʼoˆ, awˬ suhˍ hta‸ caˇ ve kʼo, yawˇ hta‸ Gʼuiˬsha ve chaw teh‸ kʼaw‸ shawˍ maˇ hpeh‸. 11A sha‸ te‸ ve awˬ ceuˬ hkʼa peu-eˬ lehˬ, awˬ suhˍ hta‸ pa taw te‸ chehˇ ve yoˬ. Chi hta‸ pa taw, Gʼuiˬsha lehˬ chaw yaˇ teˇ hpaˍ ve venˇbaˆ gʼa ponˬ tuˬ, awˬ suhˍ hkʼa peu-eˬ ve hta‸ tuˉ tanˇ kuiˬ hkʼoˆ lo ngeuˍ pfuhˍ tcuh taˍ ve yoˬ. Awˬ suhˍ lehˬ a sha‸ hpeh‸ leh, venˇbaˆ hta‸ yuˬ baˬ ve yoˬ. 12Chi hta‸ pa taw, Gʼuiˬsha lehˬ Iˉsaˍreˍlaˆ chaw leh yawˇ hui geh ca chehˇ la taˍ ve awˬ nu ve chaw teˇ hpaˍ hta‸ awˬ suhˍ teˇ ceuˬ hta‸ maˇ gʼa caˇ tuˬ kʼoˆ piˇ taˍ ve yoˬ.
13Iˉsaˍreˍlaˆ chaw, maˇ heˆ kʼo yawˇ hui geh ca chehˇ la taˍ ve chaw hkʼaˬ ve teˇ gʼaˇ maˇ kʼoˆ, caˇ hpeh‸ ve shaˍ leh ngaˆ teˇ hkeh hta‸ yuˬ gʼa ve kʼo, awˬ suhˍ hta‸ miˬguiˬ hkʼaw gʼa duˇ tuˍ ve yoˬ. 14A sha‸ te‸ ve awˬ ceuˬ hkʼa peu-eˬ lehˬ, awˬ suhˍ hta‸ pa taw te‸ chehˇ ve yoˬ. Chi hta‸ pa taw, Gʼuiˬsha lehˬ Iˉsaˍreˍlaˆ chaw hui hta‸ awˬ suhˍ teˇ ceuˬ taˇ caˇ teh‸ kʼoˆ piˇ taˍ ve yoˬ. Awˬ suhˍ hta‸ caˇ ve chaw hta‸ Gʼuiˬsha ve chaw teh‸ kʼaw‸ shawˍ maˇ hpeh‸.
15Iˉsaˍreˍlaˆ chaw, maˇ heˆ kʼo yawˇ hui geh ca chehˇ la taˍ ve chaw hkʼaˬ ve teˇ gʼaˇ maˇ kʼoˆ, yawˇ hkʼaˇ yawˇ suh-e ve to nuˇ to shaˆ, maˇ heˆ kʼo haiˬ ve to nuˇ to shaˆ che‸ pehˍ taˍve awˬ shaˍ hta‸ caˇ ve kʼo, yawˇ lehˬ veu‸ kʼaˇ gʼa kʼehˆ tsuhˇ leh iˉ kaˆ gʼa hehˉ ve yoˬ. Yawˇ kʼaw‸ da‸ kehˬ la tuˬ, mvuhˇ hpeu‸ la htaˇ hkʼa gaˬ gʼa law taˍ ve yoˬ. 16Yawˇ maˇ na yuˬ ve kʼo, ciˍ yanˍ ve hta‸ gʼa hkanˍ ve yoˬ.
Currently Selected:
Oˉ kʼoˍ pui ve li‸ 17: LHBE
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Oˉ kʼoˍ pui ve li‸ 17
17
Awˬ suhˍ lehˬ da‸ kehˬ jaˇ ve
1Gʼuiˬsha Moˉseˍ hta‸ cuˇ leh, 2awˬ liˇ awˬ hkʼaˇ chi teˇ hpaˍ Aˍronˍ leh yawˇ ve yaˇ teˇ hpaˍ leh Iˉsaˍreˍlaˆ chaw teˇ hpaˍ hta‸ piˇ taˍ ve yoˬ. 3-4Iˉsaˍreˍlaˆ chaw hkʼaˬ ve teˇ gʼaˇ maˇ kʼoˆ, Gʼuiˬsha hta‸ tanˇ piˇ tuˬ ve nuˇ, yawˬ, aˉ che‸ hta‸ aˉ po kʼo bon yehˬ yehˬmiˉhpe‸ lo sheh laˬ leh maˇ tiˇ pehˍ ve kʼo, yawˇ lehˬ awˬ liˇ hta‸ te ya‸ ve yoˬ. Yawˇ lehˬ, awˬ suhˍ hta‸ yuˬsheˆ taˍ peuˬ ve pa taw, yawˇ hta‸ Gʼuiˬsha ve chaw teh‸ kʼaw‸ shawˍ piˇ tuˬ ve maˇ heˆ. 5Kʼoˆ gaˇ ve tcuhˉ kuiˬ lehˬ, ponˬ laˬ htaˇ yawˇ hui heh puiˉ hkʼaw lo tuˉ tanˇ chehˇ ve to nuˇ to shaˆ teˇ hpaˍ hta‸ chi beu‸ aˉ po kʼo bon yehˬ yehˬmiˉhpe‸ lo paw hkuˇ geh gʼa yuˬ laˬ leh, awˬ chawˇ te da‸ ve tanˇ tuˬ gʼa tuˉ tanˇ piˇ ve yoˬ. 6Paw hkuˇ lehˬ awˬ suhˍ hta‸ yuˬ leh, tuˉ tanˇ kuiˬ hta‸ gʼa hpeh‸ pfuhˍ piˇ ve yoˬ. Peuˬ hkʼaw‸ nawˉ, awˬ chu hta‸ yuˬ leh Gʼuiˬsha nyi ma cawˇ ve tanˇ tuˬ yawˇ hta‸ gʼa tanˇ piˇ ve yoˬ. 7Iˉsaˍreˍlaˆ chaw teˇ hpaˍ lehˬ, ponˬ laˬ htaˇ heh puiˉ hkʼaw lo te jaw ve hkʼe, to nuˇ to shaˆ hta‸ tiˇ pehˍ leh neˇ teˇ hpaˍ hta‸ maˇ gʼa kʼaw‸ tuˉ tanˇ piˇ. Awˬ liˇ chi hta‸ yawˇ hui teˇ co peuˬ teˇ co hkʼa deh‸ gʼa na yuˬ ve yoˬ.
8-9Iˉsaˍreˍlaˆ chaw, maˇ heˆ kʼo yawˇ hui ve mvuhˇmiˬ hkʼaw ca chehˇ la taˍ ve chaw hkʼaˬve teˇ gʼaˇ maˇ kʼoˆ, aˉ po kʼo bon yehˬ yehˬmiˉhpe‸ lo maˇ heˆ leh awˬ nu ve chehˇ kuiˬ lo Gʼuiˬsha hta‸ ca tuˉ tanˇ piˇ ve kʼo, yawˇ hta‸ Gʼuiˬsha ve chaw teh‸ kʼaw‸ shawˍ piˇ tuˬ ve maˇ heˆ.
10Iˉsaˍreˍlaˆ chaw, maˇ heˆ kʼo yawˇ hui ve mvuhˇmiˬ hkʼaw ca chehˇ la ve chaw hkʼaˬ ve teˇ gʼaˇ maˇ kʼoˆ, awˬ suhˍ hta‸ caˇ ve kʼo, yawˇ hta‸ Gʼuiˬsha ve chaw teh‸ kʼaw‸ shawˍ maˇ hpeh‸. 11A sha‸ te‸ ve awˬ ceuˬ hkʼa peu-eˬ lehˬ, awˬ suhˍ hta‸ pa taw te‸ chehˇ ve yoˬ. Chi hta‸ pa taw, Gʼuiˬsha lehˬ chaw yaˇ teˇ hpaˍ ve venˇbaˆ gʼa ponˬ tuˬ, awˬ suhˍ hkʼa peu-eˬ ve hta‸ tuˉ tanˇ kuiˬ hkʼoˆ lo ngeuˍ pfuhˍ tcuh taˍ ve yoˬ. Awˬ suhˍ lehˬ a sha‸ hpeh‸ leh, venˇbaˆ hta‸ yuˬ baˬ ve yoˬ. 12Chi hta‸ pa taw, Gʼuiˬsha lehˬ Iˉsaˍreˍlaˆ chaw leh yawˇ hui geh ca chehˇ la taˍ ve awˬ nu ve chaw teˇ hpaˍ hta‸ awˬ suhˍ teˇ ceuˬ hta‸ maˇ gʼa caˇ tuˬ kʼoˆ piˇ taˍ ve yoˬ.
13Iˉsaˍreˍlaˆ chaw, maˇ heˆ kʼo yawˇ hui geh ca chehˇ la taˍ ve chaw hkʼaˬ ve teˇ gʼaˇ maˇ kʼoˆ, caˇ hpeh‸ ve shaˍ leh ngaˆ teˇ hkeh hta‸ yuˬ gʼa ve kʼo, awˬ suhˍ hta‸ miˬguiˬ hkʼaw gʼa duˇ tuˍ ve yoˬ. 14A sha‸ te‸ ve awˬ ceuˬ hkʼa peu-eˬ lehˬ, awˬ suhˍ hta‸ pa taw te‸ chehˇ ve yoˬ. Chi hta‸ pa taw, Gʼuiˬsha lehˬ Iˉsaˍreˍlaˆ chaw hui hta‸ awˬ suhˍ teˇ ceuˬ taˇ caˇ teh‸ kʼoˆ piˇ taˍ ve yoˬ. Awˬ suhˍ hta‸ caˇ ve chaw hta‸ Gʼuiˬsha ve chaw teh‸ kʼaw‸ shawˍ maˇ hpeh‸.
15Iˉsaˍreˍlaˆ chaw, maˇ heˆ kʼo yawˇ hui geh ca chehˇ la taˍ ve chaw hkʼaˬ ve teˇ gʼaˇ maˇ kʼoˆ, yawˇ hkʼaˇ yawˇ suh-e ve to nuˇ to shaˆ, maˇ heˆ kʼo haiˬ ve to nuˇ to shaˆ che‸ pehˍ taˍve awˬ shaˍ hta‸ caˇ ve kʼo, yawˇ lehˬ veu‸ kʼaˇ gʼa kʼehˆ tsuhˇ leh iˉ kaˆ gʼa hehˉ ve yoˬ. Yawˇ kʼaw‸ da‸ kehˬ la tuˬ, mvuhˇ hpeu‸ la htaˇ hkʼa gaˬ gʼa law taˍ ve yoˬ. 16Yawˇ maˇ na yuˬ ve kʼo, ciˍ yanˍ ve hta‸ gʼa hkanˍ ve yoˬ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.