Oˉ kʼoˍ pui ve li‸ 15
15
Maˇ daˬ kehˬ ve awˬ gʼuiˬ ya‸ ve
1Gʼuiˬsha lehˬ Moˉseˍ leh Aˍronˍ hta‸ cuˇ leh, awˬ liˇ awˬ hkʼaˇ chi teˇ hpaˍ Iˉsaˍreˍlaˆ chaw hui hta‸ piˇ taˍ ve yoˬ. 2Hawˉ hkʼaˆ paˍ teˇ gʼaˇ, yawˇ ve nyiˍ hkʼaw maˇ da‸ ve awˬ gʼuiˬ tawˆ la ve kʼo, awˬ gʼuiˬ oˇ ve lehˬ maˇ da‸ maˇ kehˬ. 3Awˬ gʼuiˬ oˇ ve awˬ baˬ hpawˇ lo tawˆ la ve maˇ kʼoˆ, awˬ hkʼaw lo ceh hkanˉ taˍ ve maˇ kʼoˆ, maˇ da‸ maˇ kehˬ. 4Yawˇ ve zuh‸ hpui, maˇ heˆ kʼo yawˇ mui ve mui hkʼawˇ htawˇ maˇ da‸ maˇ kehˬ. 5Yawˇ ve zuh‸ hpui hta‸ ca htawˇ ve chaw, 6maˇ heˆ kʼo, yawˇ mui taˉ ve mui hkʼawˇ hta‸ ca mui ve chaw lehˬ, yawˇ veu‸ deh taˍ ve veu‸ kʼaˇ hta‸ gʼa kʼehˆ tsuhˇ leh iˉ kaˆ gʼa hehˉ ve yoˬ. Mvuhˇ maˇ hpeu‸ la sheˍ ve ceh ceh yawˇ maˇ da‸ kehˬ. 7Maˇ da‸ ve awˬ gʼuiˬ ya‸ ve chaw oˇ ve hta‸ ca htawˇ ve chaw htawˇ, yawˇ veu‸ deh taˍ ve veu‸ kʼaˇ hta‸ gʼa kʼehˆ tsuhˇ leh iˉ kaˆ gʼa hehˉ ve yoˬ. Mvuhˇ maˇ hpeu‸ la sheˍ ve ceh ceh yawˇ htawˇ maˇ da‸ kehˬ. 8Maˇ da‸ ve awˬ gʼuiˬ ya‸ chehˇ ve chaw oˇ ve lehˬ, chaw teˇ gʼaˇ gʼaˇ hta‸ ciˉ gʼuiˇ gʼa hpe‸ teˍ cawˇ kʼo, chaw oˇ ve veu‸ kʼaˇ gʼa kʼehˆ tsuhˇ leh iˉ kaˆ gʼa hehˉ ve yoˬ. Mvuhˇ maˇ hpeu‸ la sheˍ ve ceh ceh yawˇ lehˬ maˇ da‸ kehˬ. 9Maˇ da‸ ve awˬ gʼuiˬ ya‸ chehˇ ve chaw oˇ ve mui ve mui hkʼawˇ lehˬ maˇ da‸ kehˬ. Yawˇ mui taˉ ve mui hkʼawˇ hta‸ ca htawˇ ve chaw htawˇ, mvuhˇ maˇ hpeu‸ la sheˍ ve ceh ceh maˇ da‸ kehˬ. 10Yawˇ mui taˉ ve mui hkʼawˇ hta‸ ca chiˇ yuˬ ve chaw htawˇ, yawˇ ve veu‸ kʼaˇ gʼa kʼehˆ tsuhˇ leh iˉ kaˆ gʼa hehˉ ve yoˬ. Mvuhˇ maˇ hpeu‸ la sheˍ ve ceh ceh maˇ da‸ kehˬ. 11Maˇ da‸ ve awˬ gʼuiˬ ya‸ chehˇ ve chaw oˇ ve lehˬ, la‸ sheh maˇ tsuhˇ leh chaw teˇ gʼaˇ gʼaˇ hta‸ ca htawˇ ve kʼo, chaw oˇ ve lehˬ veu‸ kʼaˇ gʼa kʼehˆ tsuhˇ leh iˉ kaˆ gʼa hehˉ ve yoˬ. Mvuhˇ maˇ hpeu‸ la sheˍ ve ceh ceh yawˇ maˇ da‸ kehˬ. 12Yawˇ htawˇ ve je‸ mu‸ hkʼu hkʼaˬ ve teˇ maˬ hta‸ maˇ kʼoˆ, gʼa dawˆ hkoˇ ve yoˬ. Suhˆ yuˬ te taˍ ve hkehˇ hpeh‸ ve kʼo, hkehˇ oˇ ve hta‸ hkʼa deh‸ gʼa tsuhˇ baˬ ve yoˬ.
13Chaw oˇ ve lehˬ, maˇ da‸ ve awˬ gʼuiˬ ya‸ ve na-e la peuˬ hkʼaw‸ nawˉ, suhˍ nyi hkʼa gaˬ gʼa law taˍ ve yoˬ. Oˇ ve hkʼaw‸ nawˉ, yawˇ ve veu‸ kʼaˇ gʼa kʼehˆ tsuhˇ leh iˉ kaˆ gʼa hehˉ ve yoˬ. Oˇ htaˇ, yawˇ kʼaw‸ da‸ kehˬ la ve yoˬ. 14Hiˉ nyi teˇ nyi gaˬ htaˇ, yawˇ lehˬ aˉ pui kʼaˍ maˇ heˆ kʼo, guˇ nyiˇ hkeh hta‸ yuˬ leh aˉ po kʼo bon yehˬ yehˬmiˉhpe‸ lo paw hkuˇ geh gʼa kʼai ve yoˬ. 15Paw hkuˇ lehˬ ngaˆ ehˉ oˇ ve teˇ hkeh hta‸ venˇbaˆ ponˬ tuˬ tanˇ piˇ leh, awˬ nu ve teˇ hkeh hta‸ aˬ miˍ gʼa tuˉ tanˇ ve yoˬ. Chi ve lehˬ, yawˇ kʼaw‸ da‸ kehˬ la tuˬ te piˇ ve awˬ liˇ awˬ hkʼaˇ hpeh‸ ve yoˬ.
16Hawˉ hkʼaˆ paˍ teˇ gʼaˇ gʼaˇ nyiˍ hkʼaw lo awˬ gʼuiˬ tawˆ la ve kʼo, yawˇ lehˬ iˉ kaˆ gʼa hehˉ leh, mvuhˇ maˇ hpeu‸ la sheˍ ve ceh ceh maˇ da‸ kehˬ. 17Awˬ gʼuiˬ ngawˉ taˍ ve veu‸ kʼaˇ, maˇ heˆ kʼo hpa hta‸ gʼa tsuhˇ baˬ ve yoˬ. Mvuhˇ maˇ hpeu‸ la sheˍ ve ceh ceh mawˇ oˇ ve maˇ da‸ kehˬ. 18Awˬ hpawˇ awˬ miˇ teˇ geh zuh‸ peuˬ kʼo, nyiˇ gʼaˇ gʼaˇ iˉ kaˆ gʼa hehˉ ve yoˬ. Mvuhˇ maˇ hpeu‸ la sheˍ ve ceh ceh yawˇ huiˉ maˬ maˇ da‸ kehˬ.
19Yaˇ miˇ teˇ gʼaˇ, yaˇ miˇ awˬ liˇ laˬ ve kʼo yawˇ lehˬ suhˍ nyi hkʼa gaˬ maˇ da‸ kehˬ. Yawˇ hta‸ ca htawˇ ve chaw lehˬ, mvuhˇ maˇ hpeu‸ la sheˍ ve ceh ceh maˇ da‸ kehˬ. 20Yawˇ mui taˉ ve mui hkʼawˇ leh yawˇ zuh‸ taˉ ve zuh‸ hpui htawˇ maˇ da‸ kehˬ. 21Yawˇ zuh‸ ve zuh‸ hpui, yawˇ mui taˉ ve mui hkʼawˇ hta‸ ca htawˇ ve chaw lehˬ, 22veu‸ kʼaˇ gʼa kʼehˆ tsuhˇ leh iˉ kaˆ gʼa hehˉ ve yoˬ. 23Mvuhˇ maˇ hpeu‸ la sheˍ ve ceh ceh yawˇ maˇ da‸ kehˬ. 24Yaˇ miˇ awˬ liˇ laˬ chehˇ ve chaw geh ca zuh‸ ve chaw lehˬ, suhˍ nyi hkʼa gaˬ maˇ da‸ kehˬ. Yawˇ zuh‸ ve zuh‸ hpui htawˇ maˇ da‸ kehˬ.
25Yaˇ miˇ teˇ gʼaˇ, awˬ nyi awˬ haˉ maw chaweh awˬ suhˍ ya‸ ve, maˇ heˆ kʼo yaˇ miˇ awˬ liˇ laˬ jaw ve a‸ kehˉ laˬ maw ve kʼo, suhˍ ya‸ chehˇ sheˍ ve ceh ceh yawˇ lehˬ maˇ da‸ kehˬ. 26Yawˇ ve zuh‸ hpui leh yawˇ mui ve mui hkʼawˇ teˇ hpaˍ htawˇ maˇ da‸ kehˬ. 27Oˇ ve teˇ hpaˍ hta‸ ca htawˇ ve chaw lehˬ, maˇ da‸ kehˬ. Yawˇ ve veu‸ kʼaˇ hta‸ gʼa kʼehˆ tsuhˇ leh iˉ kaˆ gʼa hehˉ ve yoˬ. Mvuhˇ maˇ hpeu‸ la sheˍ ve ceh ceh maˇ da‸ kehˬ. 28Yaˇ miˇ oˇ ve awˬ suhˍ ya‸ ve jehˇ peuˬ hkʼaw‸ nawˉ, suhˍ nyi hkʼa gaˬ gʼa law taˍ ve yoˬ. Oˇ ve hkʼaw‸ nawˉ, yawˇ kʼaw‸ da‸ kehˬ la ve yoˬ. 29Hiˉ nyi teˇ nyi gaˬ htaˇ, yawˇ lehˬ aˉ pui kʼaˍ, maˇ heˆ kʼo guˇ nyiˇ hkeh hta‸ aˉ po kʼo bon yehˬ yehˬmiˉhpe‸ lo paw hkuˇ geh gʼa yuˬ kʼai ve yoˬ. 30Paw hkuˇ lehˬ, aˉ pui kʼaˍ oˇ ve teˇ hkeh hta‸ venˇbaˆ ponˬ tuˬ gʼa tuˉ tanˇ piˇ leh, awˬ nu ve teˇ hkeh hta‸ aˬ miˍ gʼa tuˉ tanˇ piˇ ve yoˬ. Chi ve lehˬ, yawˇ kʼaw‸ da‸ kehˬ la tuˬ te piˇ ve awˬ liˇ awˬ hkʼaˇ hpeh‸ ve yoˬ.
31Fa la awˬ kʼaw ji lo cawˬ ve Gʼuiˬsha ve aˉ po kʼo bon yehˬ hta‸ chaw yaˇ teˇ hpaˍ cha‸ chiˆ tuˬ maˇ gʼa te tuˬ, Gʼuiˬsha Moˉseˍ hta‸ awˬ lawn chi teˇ hpaˍ kʼoˆ maˍ piˇ leh shaˍ ti‸ piˇ tcuh ve yoˬ. Oˇ hkʼe te ve chaw gʼa suh tuˬ yoˬ.
32Awˬ lawn chi teˇ hpaˍ lehˬ, maˇ da‸ ve awˬ gʼuiˬ ya‸ ve hawˉ hkʼaˆ paˍ, nyiˍ hkʼaw awˬ gʼuiˬ tawˆ ve chaw, 33yaˇ miˇ awˬ liˇ laˬ chehˇ ve chaw leh awˬ liˇ laˬ chehˇ ve yaˇ miˇ geh ca zuh‸ ve chaw chi teˇ hpaˍ, hkʼaˬ hkʼe gʼa te cawˇ ve awˬ lawn teh taˍ ve awˬ liˇ awˬ hkʼaˇ hpeh‸ ve yoˬ.
Currently Selected:
Oˉ kʼoˍ pui ve li‸ 15: LHBE
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Oˉ kʼoˍ pui ve li‸ 15
15
Maˇ daˬ kehˬ ve awˬ gʼuiˬ ya‸ ve
1Gʼuiˬsha lehˬ Moˉseˍ leh Aˍronˍ hta‸ cuˇ leh, awˬ liˇ awˬ hkʼaˇ chi teˇ hpaˍ Iˉsaˍreˍlaˆ chaw hui hta‸ piˇ taˍ ve yoˬ. 2Hawˉ hkʼaˆ paˍ teˇ gʼaˇ, yawˇ ve nyiˍ hkʼaw maˇ da‸ ve awˬ gʼuiˬ tawˆ la ve kʼo, awˬ gʼuiˬ oˇ ve lehˬ maˇ da‸ maˇ kehˬ. 3Awˬ gʼuiˬ oˇ ve awˬ baˬ hpawˇ lo tawˆ la ve maˇ kʼoˆ, awˬ hkʼaw lo ceh hkanˉ taˍ ve maˇ kʼoˆ, maˇ da‸ maˇ kehˬ. 4Yawˇ ve zuh‸ hpui, maˇ heˆ kʼo yawˇ mui ve mui hkʼawˇ htawˇ maˇ da‸ maˇ kehˬ. 5Yawˇ ve zuh‸ hpui hta‸ ca htawˇ ve chaw, 6maˇ heˆ kʼo, yawˇ mui taˉ ve mui hkʼawˇ hta‸ ca mui ve chaw lehˬ, yawˇ veu‸ deh taˍ ve veu‸ kʼaˇ hta‸ gʼa kʼehˆ tsuhˇ leh iˉ kaˆ gʼa hehˉ ve yoˬ. Mvuhˇ maˇ hpeu‸ la sheˍ ve ceh ceh yawˇ maˇ da‸ kehˬ. 7Maˇ da‸ ve awˬ gʼuiˬ ya‸ ve chaw oˇ ve hta‸ ca htawˇ ve chaw htawˇ, yawˇ veu‸ deh taˍ ve veu‸ kʼaˇ hta‸ gʼa kʼehˆ tsuhˇ leh iˉ kaˆ gʼa hehˉ ve yoˬ. Mvuhˇ maˇ hpeu‸ la sheˍ ve ceh ceh yawˇ htawˇ maˇ da‸ kehˬ. 8Maˇ da‸ ve awˬ gʼuiˬ ya‸ chehˇ ve chaw oˇ ve lehˬ, chaw teˇ gʼaˇ gʼaˇ hta‸ ciˉ gʼuiˇ gʼa hpe‸ teˍ cawˇ kʼo, chaw oˇ ve veu‸ kʼaˇ gʼa kʼehˆ tsuhˇ leh iˉ kaˆ gʼa hehˉ ve yoˬ. Mvuhˇ maˇ hpeu‸ la sheˍ ve ceh ceh yawˇ lehˬ maˇ da‸ kehˬ. 9Maˇ da‸ ve awˬ gʼuiˬ ya‸ chehˇ ve chaw oˇ ve mui ve mui hkʼawˇ lehˬ maˇ da‸ kehˬ. Yawˇ mui taˉ ve mui hkʼawˇ hta‸ ca htawˇ ve chaw htawˇ, mvuhˇ maˇ hpeu‸ la sheˍ ve ceh ceh maˇ da‸ kehˬ. 10Yawˇ mui taˉ ve mui hkʼawˇ hta‸ ca chiˇ yuˬ ve chaw htawˇ, yawˇ ve veu‸ kʼaˇ gʼa kʼehˆ tsuhˇ leh iˉ kaˆ gʼa hehˉ ve yoˬ. Mvuhˇ maˇ hpeu‸ la sheˍ ve ceh ceh maˇ da‸ kehˬ. 11Maˇ da‸ ve awˬ gʼuiˬ ya‸ chehˇ ve chaw oˇ ve lehˬ, la‸ sheh maˇ tsuhˇ leh chaw teˇ gʼaˇ gʼaˇ hta‸ ca htawˇ ve kʼo, chaw oˇ ve lehˬ veu‸ kʼaˇ gʼa kʼehˆ tsuhˇ leh iˉ kaˆ gʼa hehˉ ve yoˬ. Mvuhˇ maˇ hpeu‸ la sheˍ ve ceh ceh yawˇ maˇ da‸ kehˬ. 12Yawˇ htawˇ ve je‸ mu‸ hkʼu hkʼaˬ ve teˇ maˬ hta‸ maˇ kʼoˆ, gʼa dawˆ hkoˇ ve yoˬ. Suhˆ yuˬ te taˍ ve hkehˇ hpeh‸ ve kʼo, hkehˇ oˇ ve hta‸ hkʼa deh‸ gʼa tsuhˇ baˬ ve yoˬ.
13Chaw oˇ ve lehˬ, maˇ da‸ ve awˬ gʼuiˬ ya‸ ve na-e la peuˬ hkʼaw‸ nawˉ, suhˍ nyi hkʼa gaˬ gʼa law taˍ ve yoˬ. Oˇ ve hkʼaw‸ nawˉ, yawˇ ve veu‸ kʼaˇ gʼa kʼehˆ tsuhˇ leh iˉ kaˆ gʼa hehˉ ve yoˬ. Oˇ htaˇ, yawˇ kʼaw‸ da‸ kehˬ la ve yoˬ. 14Hiˉ nyi teˇ nyi gaˬ htaˇ, yawˇ lehˬ aˉ pui kʼaˍ maˇ heˆ kʼo, guˇ nyiˇ hkeh hta‸ yuˬ leh aˉ po kʼo bon yehˬ yehˬmiˉhpe‸ lo paw hkuˇ geh gʼa kʼai ve yoˬ. 15Paw hkuˇ lehˬ ngaˆ ehˉ oˇ ve teˇ hkeh hta‸ venˇbaˆ ponˬ tuˬ tanˇ piˇ leh, awˬ nu ve teˇ hkeh hta‸ aˬ miˍ gʼa tuˉ tanˇ ve yoˬ. Chi ve lehˬ, yawˇ kʼaw‸ da‸ kehˬ la tuˬ te piˇ ve awˬ liˇ awˬ hkʼaˇ hpeh‸ ve yoˬ.
16Hawˉ hkʼaˆ paˍ teˇ gʼaˇ gʼaˇ nyiˍ hkʼaw lo awˬ gʼuiˬ tawˆ la ve kʼo, yawˇ lehˬ iˉ kaˆ gʼa hehˉ leh, mvuhˇ maˇ hpeu‸ la sheˍ ve ceh ceh maˇ da‸ kehˬ. 17Awˬ gʼuiˬ ngawˉ taˍ ve veu‸ kʼaˇ, maˇ heˆ kʼo hpa hta‸ gʼa tsuhˇ baˬ ve yoˬ. Mvuhˇ maˇ hpeu‸ la sheˍ ve ceh ceh mawˇ oˇ ve maˇ da‸ kehˬ. 18Awˬ hpawˇ awˬ miˇ teˇ geh zuh‸ peuˬ kʼo, nyiˇ gʼaˇ gʼaˇ iˉ kaˆ gʼa hehˉ ve yoˬ. Mvuhˇ maˇ hpeu‸ la sheˍ ve ceh ceh yawˇ huiˉ maˬ maˇ da‸ kehˬ.
19Yaˇ miˇ teˇ gʼaˇ, yaˇ miˇ awˬ liˇ laˬ ve kʼo yawˇ lehˬ suhˍ nyi hkʼa gaˬ maˇ da‸ kehˬ. Yawˇ hta‸ ca htawˇ ve chaw lehˬ, mvuhˇ maˇ hpeu‸ la sheˍ ve ceh ceh maˇ da‸ kehˬ. 20Yawˇ mui taˉ ve mui hkʼawˇ leh yawˇ zuh‸ taˉ ve zuh‸ hpui htawˇ maˇ da‸ kehˬ. 21Yawˇ zuh‸ ve zuh‸ hpui, yawˇ mui taˉ ve mui hkʼawˇ hta‸ ca htawˇ ve chaw lehˬ, 22veu‸ kʼaˇ gʼa kʼehˆ tsuhˇ leh iˉ kaˆ gʼa hehˉ ve yoˬ. 23Mvuhˇ maˇ hpeu‸ la sheˍ ve ceh ceh yawˇ maˇ da‸ kehˬ. 24Yaˇ miˇ awˬ liˇ laˬ chehˇ ve chaw geh ca zuh‸ ve chaw lehˬ, suhˍ nyi hkʼa gaˬ maˇ da‸ kehˬ. Yawˇ zuh‸ ve zuh‸ hpui htawˇ maˇ da‸ kehˬ.
25Yaˇ miˇ teˇ gʼaˇ, awˬ nyi awˬ haˉ maw chaweh awˬ suhˍ ya‸ ve, maˇ heˆ kʼo yaˇ miˇ awˬ liˇ laˬ jaw ve a‸ kehˉ laˬ maw ve kʼo, suhˍ ya‸ chehˇ sheˍ ve ceh ceh yawˇ lehˬ maˇ da‸ kehˬ. 26Yawˇ ve zuh‸ hpui leh yawˇ mui ve mui hkʼawˇ teˇ hpaˍ htawˇ maˇ da‸ kehˬ. 27Oˇ ve teˇ hpaˍ hta‸ ca htawˇ ve chaw lehˬ, maˇ da‸ kehˬ. Yawˇ ve veu‸ kʼaˇ hta‸ gʼa kʼehˆ tsuhˇ leh iˉ kaˆ gʼa hehˉ ve yoˬ. Mvuhˇ maˇ hpeu‸ la sheˍ ve ceh ceh maˇ da‸ kehˬ. 28Yaˇ miˇ oˇ ve awˬ suhˍ ya‸ ve jehˇ peuˬ hkʼaw‸ nawˉ, suhˍ nyi hkʼa gaˬ gʼa law taˍ ve yoˬ. Oˇ ve hkʼaw‸ nawˉ, yawˇ kʼaw‸ da‸ kehˬ la ve yoˬ. 29Hiˉ nyi teˇ nyi gaˬ htaˇ, yawˇ lehˬ aˉ pui kʼaˍ, maˇ heˆ kʼo guˇ nyiˇ hkeh hta‸ aˉ po kʼo bon yehˬ yehˬmiˉhpe‸ lo paw hkuˇ geh gʼa yuˬ kʼai ve yoˬ. 30Paw hkuˇ lehˬ, aˉ pui kʼaˍ oˇ ve teˇ hkeh hta‸ venˇbaˆ ponˬ tuˬ gʼa tuˉ tanˇ piˇ leh, awˬ nu ve teˇ hkeh hta‸ aˬ miˍ gʼa tuˉ tanˇ piˇ ve yoˬ. Chi ve lehˬ, yawˇ kʼaw‸ da‸ kehˬ la tuˬ te piˇ ve awˬ liˇ awˬ hkʼaˇ hpeh‸ ve yoˬ.
31Fa la awˬ kʼaw ji lo cawˬ ve Gʼuiˬsha ve aˉ po kʼo bon yehˬ hta‸ chaw yaˇ teˇ hpaˍ cha‸ chiˆ tuˬ maˇ gʼa te tuˬ, Gʼuiˬsha Moˉseˍ hta‸ awˬ lawn chi teˇ hpaˍ kʼoˆ maˍ piˇ leh shaˍ ti‸ piˇ tcuh ve yoˬ. Oˇ hkʼe te ve chaw gʼa suh tuˬ yoˬ.
32Awˬ lawn chi teˇ hpaˍ lehˬ, maˇ da‸ ve awˬ gʼuiˬ ya‸ ve hawˉ hkʼaˆ paˍ, nyiˍ hkʼaw awˬ gʼuiˬ tawˆ ve chaw, 33yaˇ miˇ awˬ liˇ laˬ chehˇ ve chaw leh awˬ liˇ laˬ chehˇ ve yaˇ miˇ geh ca zuh‸ ve chaw chi teˇ hpaˍ, hkʼaˬ hkʼe gʼa te cawˇ ve awˬ lawn teh taˍ ve awˬ liˇ awˬ hkʼaˇ hpeh‸ ve yoˬ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.