Yawˇsuˆ li‸ 24
24
Sheˍhkenˍ venˇ hkʼaw Yawˇsuˆ yawˇ hui hta‸ tawˇ yaw piˇ ve
1Yawˇsuˆ lehˬ, Iˉsaˍreˍlaˆ awˬ ceuˬ awˬ hkʼaˇ hkʼa peu-eˬ ve hta‸ Sheˍhkenˍ venˇ hkʼaw kuˬ hpawnˬ ve yoˬ. Yawˇ lehˬ, Iˉsaˍreˍlaˆ chaw hui ve chaw mawˇ chaw kehˉ, awˬ hoˉ awˬ naˬ, suhˉ jehˬ shehˍ hpaˇ, ma‸ poˍ lonˉ hkʼa peu-eˬ ve hta‸ kuˬ yuˬ leh, yawˇ hui Gʼuiˬsha mehˆ gʼuˇ suhˍ laˬ ve yoˬ. 2Oˇ htaˇ, Yawˇsuˆ chaw oˇ ve teˇ hpaˍ hta‸ kʼoˆ piˇ ve, Iˉsaˍreˍlaˆ ve Gʼuiˬsha chi hkʼe kʼoˆ laˇ taˍ ve yoˬ. Aˬ sho-eˬ htaˇ nawˬ hui ve awˬ puˍ awˬ pi teˇ hpaˍ Uˇhpaˍraˆ gʼuiˬ ma coˇ paˉ hpawˇ lo chehˇ taˍ leh, awˬ kaˍ awˬ nu ve gʼuiˬsha teˇ hpaˍ hta‸ oˉ kʼoˍ pui chehˇ ve yoˬ. Nawˬ hui ve awˬ puˍ awˬ pi oˇ ve teˇ hpaˍ awˬ hkʼaw lo teˇ gʼaˇ lehˬ, Aˍbraˍhanˍ leh Naˍhkawˍ hui ve awˬ pa Teˍraˆ hpeh‸ ve yoˬ. 3Oˇ htaˇ ngaˬ lehˬ Aˍbraˍhanˍ hta‸ Uˇhpaˍraˆ gʼuiˬ ma choˬ paˉ hpawˇ, Hkaˍnanˍ mvuhˇmiˬ hkʼaw shiˍ laˬ piˇ leh, yawˇ hta‸ awˬ yaˇ awˬ duˬ maˇ maˇ cawˬ la piˇ ve yoˬ. 4Ngaˬ yawˇ hta‸ Iˉcaˆ cawˬ la piˇ leh, Iˉcaˆ hta‸ Yaˍkoˆ leh Iˉsawˇ cawˬ la piˇ taˍ ve yoˬ. Iˉsawˇ hta‸ ngaˬ Siˇraˆ mvuhˇmiˬ piˇ leh, Yaˍkoˆ leh yawˇ ve awˬ yaˇ teˇ hpaˍ Eˇjiˇtu‸ mvuhˇmiˬ lo ya‸-e ve yoˬ. 5Oˇ htaˇ, ngaˬ Moˉseˍ leh Aˍronˍ hui hta‸ yawˇ hui geh kʼai tcuh leh, Eˇjiˇtu‸ mvuhˇmiˬ hkʼoˆ lo luˬ ve sheˆ ve awˬ ceuˬ gaˬ la piˇ ve yoˬ. Oˇ ve hkʼaw‸ nawˉ, ngaˬ nawˬ hui hta‸ shiˍ tawˆ la taˍ ve yoˬ. 6Nawˬ pa teˇ hpaˍ hta‸ ngaˬ Eˇjiˇtu‸ mvuhˇmiˬ hkʼaw shiˍ tawˆ la piˇ leh, yawˇ hui lehˬ Laˇ tsuhˇ gʼuiˬ nyi lo gaˬ la ve yoˬ. Eˇjiˇtu‸ chaw teˇ hpaˍ lehˬ, iˉ mvuhˇ lawˬ ciˇ laˬ leh, laˇ tsuhˇ gʼuiˬ hkʼa gaˬ, yawˇ hui hkʼaˇ suh gʼa‸ yuˬ kʼai ve yoˬ. 7Yawˇ hui ngaˬ geh bon lawˬ ve pa taw, yawˇ hui teˇ hpaˍ leh Eˇjiˇtu‸ chaw awˬ kaˍ lo ngaˬ naˆ ho‸ lehˍ hpeh‸ la piˇ ve yoˬ. Eˇjiˇtu‸ chaw teˇ hpaˍ hta‸ ngaˬ laˇ tsuhˇ gʼuiˬ hoˆ beh piˇ lawˬ ve yoˬ. Eˇjiˇtu‸ chaw hui hta‸ ngaˬ hkʼaˬ hkʼe te piˇ taˍ peuˬ ve hta‸ nawˬ hui gʼa mawˬ peuˬ leh, nawˬ hui lehˬ heh puiˉ hkʼaw lo awˬ yanˇ maw chaweh gʼa chehˇ taˍ ve yoˬ.
8Oˇ ve hkʼaw‸ nawˉ, Yawˇdanˍ iˉ kaˆ lawˬ mvuhˇ nyi tawˆ hpawˇ lo chehˇ ve Aˍmawˇriˆ chaw hui ve mvuhˇmiˬ hkʼaw, ngaˬ nawˬ hui hta‸ shiˍ kʼai piˇ ve yoˬ. Yawˇ hui nawˬ hui teˇ hpaˍ hta‸ ca bawˆ la ve htawˇ, ngaˬ nawˬ hui hta‸ gʼaˇ shehˍ hpaˇ hpeh‸ la piˇ ve yoˬ. Nawˬ hui lehˬ, yawˇ hui ve mvuhˇmiˬ hta‸ bawˆ yuˬ leh, nawˬ hui kʼai chehˇ htaˇ ngaˬ yawˇ hui hta‸ te luˬ te sheˆ piˇ ve yoˬ. 9Oˇ ve hkʼaw‸ nawˉ, Mawˇbaˆ mvuhˇmiˬ hta‸ uˉ peunˍ chehˇ ve Ziˆpawˇraˆ ve yaˇ paˍ Baˍlehˆ nawˬ hui hta‸ ca bawˆ la ve yoˬ. Nawˬ hui hta‸ hkeu piˇ tuˬ, yawˇ lehˬ Bawˇraˆ ve yaˇ paˍ Baˍlanˍ hta‸ ca lawˬ hkawˉ ve yoˬ. 10Ya‸ hkʼaˇ, Baˍlanˍ ve tawˇ hta‸ ngaˬ na ve maˇ heˆ. Chi hta‸ pa taw, yawˇ nawˬ hui hta‸ awˬ bon na‸ laˇ ve yoˬ. Hkʼe te leh, Baˍlehˆ ve la‸ sheh hkʼaw ngaˬ nawˬ hui hta‸ htaiˍ hkʼaw‸ laˇ ve yoˬ. 11Nawˬ hui lehˬ, Yawˇdanˍ iˉ kaˆ lawˬ hta‸ hkanˍ peuˬ hkʼaw‸ nawˉ, Yeˍriˆhkoˇ venˇ lo gaˬ la ve yoˬ. Yeˍriˆhkoˇ chaw, Aˍmawˇriˆ chaw, Hpeˍraˍziˆ chaw, Hkaˍnaˍniˆ chaw, Hiˇtiˆ chaw, Giˇgaˍshiˆ chaw, Hiˇviˆ chaw leh Yeˍbuˇsiˆ chaw teˇ hpaˍ nawˬ hui hta‸ ca bawˆ la ve yoˬ. Ya‸ hkʼaˇ, ngaˬ nawˬ hui hta‸ gʼaˇ shehˍ hpaˇ hpeh‸ la piˇ ve yoˬ. 12Nawˬ hui gʼuˇ suhˍ lo chehˇ taˍ ve Aˍmawˇriˆ jawˇmawˇ hta‸ ngaˬ kawˆ piˇ lawˬ ve yoˬ. Nawˬ hui ve aˉhtaw leh hkaˆ teˇ hpaˍ lehˬ, te‸ chiˉ awˬ bon cawˬ ve maˇ heˆ. 13Nawˬ hui te‸ chiˉ awˬ hpfuhˇ maˇ peuˬ ve mvuhˇmiˬ leh nawˬ hui maˇ te taˍ ve venˇ teˇ hpaˍ, ngaˬ nawˬ hui hta‸ piˇ laˇ taˍ ve yoˬ. Nawˬ hui lehˬ, mvuhˇmiˬ oˇ ve hkʼaw chehˇ taˍ leh, nawˬ hui maˇ ti taˍ ve a pehˉ meuˇ shiˍ leh shaˍlonˍ shiˍ teˇ hpaˍ hta‸ shaˉ caˇ chehˇ ve yoˬ, teh‸ Gʼuiˬsha kʼoˆ ve yoˬ.
14Chi hta‸ pa taw, Gʼuiˬsha hta‸ ceh tiˉ oˉ kʼoˍ pui leh, ka ti‸ yeˬ ve hkʼaw yawˇ ve kanˉ hta‸ te-o. Meˍsoˇpoˇtaˍmiˆ leh Eˇjiˇtu‸ mvuhˇmiˬ hkʼaw, nawˬ hui ve awˬ puˍ awˬ pi teˇ hpaˍ oˉ kʼoˍ pui jaw ve awˬ kaˍ awˬ nu gʼuiˬsha teˇ hpaˍ hta‸ leunˇ baˬ taˉ leh, Gʼuiˬsha hta‸ ceh tiˉ oˉ kʼoˍ pui-o. 15Nawˬ hui lehˬ, Gʼuiˬsha hta‸ oˉ kʼoˍ maˇ pui gaˇ ve kʼo, gʼuiˬsha hkʼaˬ ve teˇ gʼaˇ hta‸ oˉ kʼoˍ pui gaˇ ve ya‸ nyi leuˆ yuˬ-o‸. Meˍsoˇpoˇtaˍmiˆ mvuhˇmiˬ hkʼaw, nawˬ puˍ nawˬ pi teˇ hpaˍ oˉ kʼoˍ pui jaw ve gʼuiˬsha teˇ hpaˍ hta‸ laˇ. Maˇ heˆ kʼo, chi beu‸ nawˬ hui chehˇ taˍ ve Aˍmawˇriˆ chaw hui ve gʼuiˬsha teˇ hpaˍ hta‸ laˇ. Ya‸ hkʼaˇ, ngaˬ leh ngaˬ ve yehˬ yaˇ kʼa yaˇ teˇ hpaˍ lehˬ, Gʼuiˬsha hta‸ ceh tiˉ oˉ kʼoˍ pui tuˬ yoˬ, teh‸ yawˇ hui hta‸ kʼoˆ piˇ ve yoˬ.
16Oˇ htaˇ, Iˉsaˍreˍlaˆ Chaw teˇ hpaˍ kʼoˆ ve, Gʼuiˬsha hta‸ baˬ taˉ leh awˬ kaˍ awˬ nu gʼuiˬsha teˇ hpaˍ hta‸ oˉ kʼoˍ ca pui tuˬ ngaˬ hui teˇ pawˆ ka‸ dawˇ nyi tuˬ ve maˇ heˆ. 17Ngaˬ hui ve Gʼuiˬsha lehˬ, ngaˬ hui ve awˬ puˍ awˬ pi leh ngaˬ hui teˇ hpaˍ hta‸ shu ceˬ te chehˇ kuiˬ Eˇjiˇtu‸ mvuhˇmiˬ hkʼaw shiˍ tawˆ la taˍ peuˬ leh, yawˇ te taˍ ve uiˍ jaˇ ve kanˉ teˇ hpaˍ hta‸ ngaˬ hui gʼa mawˬ taˍ peuˬ. Ngaˬ hui hkʼa kʼai kuiˬ teˇ kaˬ le le lo, yawˇ ngaˬ hui hta‸ hkʼa deh‸ ha‸ shaˉ laˇ taˍ ve yoˬ. 18Ngaˬ hui awˬ gʼuˇ suhˍ kʼai chehˇ ve teˇ yanˇ, Gʼuiˬsha lehˬ mvuhˇmiˬ hkʼaw chehˇ taˍ ve Aˍmawˇri chaw hui hta‸ gʼa‸ kʼoˬ piˇ ve yoˬ. Chi hta‸ pa taw, ngaˬ hui htawˇ yawˇ hta‸ ceh tiˉ oˉ kʼoˍ pui tuˬ yoˬ. Yawˇ lehˬ ngaˬ hui ve Gʼuiˬsha hpeh‸ ve yoˬ, teh‸ yawˇ hta‸ kʼaw‸ yaw hkʼaw‸ piˇ ve yoˬ.
19Oˇ htaˇ, Yawˇsuˆ yawˇ hui hta‸ kʼoˆ piˇ ve, Gʼuiˬsha lehˬ da‸ kehˬ jaˇ leh hkawehˉ puiˉ ve Gʼuiˬsha hpeh‸ ve pa taw, nawˬ hui yawˇ hta‸ oˉ kʼoˍ pui maˇ hpeh‸. Yawˇ lehˬ nawˬ hui ve venˇbaˆ teˇ hpaˍ hta‸ hpehˇ laˇ tuˬ ve maˇ heˆ. 20Nawˬ hui lehˬ, Gʼuiˬsha hta‸ baˬ taˉ leh awˬ kaˍ awˬ nu ve gʼuiˬsha teˇ hpaˍ hta‸ oˉ kʼoˍ ca pui ve kʼo, yawˇ nawˬ hui hta‸ ciˍ yanˍ laˇ tuˬ yoˬ. Ponˬ laˬ htaˇ yawˇ nawˬ hui hta‸ awˬ bon na‸ laˇ chehˇ ve htawˇ, yawˇ nawˬ hui hta‸ te luˬ te she‸ laˇ tuˬ yoˬ, teh‸ yawˇ hui hta‸ kʼoˆ piˇ ve yoˬ.
21Oˇ htaˇ, Iˉsaˍreˍlaˆ chaw teˇ hpaˍ lehˬ, Maˇ heˆ. Ngaˬ hui Gʼuiˬsha hta‸ ceh tiˉ oˉ kʼoˍ pui tuˬ yoˬ, teh‸ Yawˇsuˆ hta‸ kʼaw‸ kʼoˆ piˇ ve yoˬ.
22Oˇ htaˇ Yawˇsuˆ lehˬ, Nawˬ hui Gʼuiˬsha hta‸ oˉ kʼoˍ pui tuˬ, nawˬ hui hkʼaˇ nawˬ hui leuˆ yuˬ taˍ ve yoˬ, teh‸ yawˇ hui hta‸ kʼoˆ piˇ ve yoˬ.
Yawˇ hui lehˬ, Yoˬ, ngaˬ hui hkʼaˇ ngaˬ hui leuˆ yuˬ taˍ ve yoˬ, teh‸ kʼaw‸ kʼoˆ piˇ ve yoˬ.
23Oˇ htaˇ Yawˇsuˆ lehˬ, Hkʼe te kʼo, nawˬ hui geh cawˬ taˍ ve awˬ kaˍ awˬ nu gʼuiˬsha teˇ hpaˍ hta‸ yuˬ baˬ leh, Gʼuiˬsha hta‸ ceh tiˉ oˉ kʼoˍ pui tuˬ yoˬ teh‸ hkanˍ-o‸, teh‸ yawˇ hui hta‸ kʼoˆ piˇ ve yoˬ.
24Iˉsaˍreˍlaˆ chaw teˇ hpaˍ lehˬ, Ngaˬ hui ve Gʼuiˬsha hta‸ ceh tiˉ ngaˬ hui oˉ kʼoˍ pui leh yawˇ ve awˬliˇtawˇhkawˇ teˇ hpaˍ hta‸ na yuˬ tuˬ yoˬ, teh‸ Yawˇsuˆ hta‸ kʼoˆ piˇ ve yoˬ.
25Hkʼe te leh, oˇ ve teˇ nyi Yawˇsuˆ lehˬ Iˉsaˍreˍlaˆ chaw teˇ hpaˍ awˬ pon ka ti‸ shaˉ caˆ te leh, oˇ kaˬ Sheˍhkenˍ venˇ hkʼaw lo yawˇ hui hta‸ Gʼuiˬsha ve awˬliˇtawˇhkawˇ teˇ hpaˍ piˇ ve yoˬ. 26Yawˇsuˆ lehˬ, awˬliˇtawˇhkawˇ chi teˇ hpaˍ Gʼuiˬsha ve awˬliˇtawˇhkawˇ li‸ daw hkʼaw bvuh‸ keu taˍ ve yoˬ. Oˇ kaˬ lo yawˇ haˉ pui shiˍ lonˉ teˇ maˬ yuˬ leh, Gʼuiˬsha ve bon yehˬ paˇ lo cawˬ ve maˉ kuˇ cehˬ teˇ cehˬ awˬ hawˉ lo duˇ ti ve yoˬ. 27Oˇ htaˇ yawˇ chaw moˍ lonˉ hta‸ kʼoˆ piˇ ve, Haˉ pui shiˍ chi ve lehˬ, ngaˬ hui ve shaˉ hkiˆ hpeh‸ ve yoˬ. Gʼuiˬsha ngaˬ hui hta‸ hkʼa kʼoˆ laˇ taˍ ve tawˇ teˇ hpaˍ, haˉ pui shiˍ chi gʼa kaˇ taˍ ve yoˬ. Nawˬ hui Gʼuiˬsha hta‸ maˇ hpfuhˆ tuˬ, haˉ pui shiˍ chi lehˬ nawˬ hui ve shaˉ hkiˆ hpeh‸ ve yoˬ, teh‸ yawˇ hui hta‸ kʼoˆ piˇ ve yoˬ. 28Oˇ ve hkʼaw‸ nawˉ, Yawˇsuˆ chaw oˇ ve teˇ hpaˍ hta‸ kʼo‸-e tcuh leh, yawˇ hui a shu yawˇ ve mvuhˇmiˬ lo kʼaw‸ kʼo‸-e ve yoˬ.
Yawˇsuˆ leh Eˇlaˍsaˍ suh-e ve
29Oˇ ve hkʼaw‸ nawˉ, Gʼuiˬsha ve awˬ ceˬ paˍ Nunˍ ve yaˇ Yawˇsuˆ lehˬ, a sha‸ 110 hkʼaw‸ gaˬ leh suh-e ve yoˬ. 30Yawˇ hui yawˇ hta‸ Gaˍshaˆ hkʼaw lonˉ awˬ na hpawˇ, Eˇhpaˍrenˍ mvuhˇmiˬ, yawˇ ve chehˇ kuiˬ Tiˉmaˍnaˆseˍraˆ venˇ hkʼaw tuˍ piˇ ve yoˬ.
31Yawˇsuˆ a sha‸ te‸ chehˇ sheˍ ve awˬ yanˇ leh, Gʼuiˬsha Iˉsaˍreˍlaˆ chaw hui hta‸ hkʼaˬ hkʼe te piˇ taˍ ve hta‸ hkʼa deh‸ shiˍ ve chaw teˇ hpaˍ a sha‸ te‸ chehˇ sheˍ ve teˇ co-e, Iˉsaˍreˍlaˆ chaw teˇ hpaˍ Gʼuiˬsha hta‸ ceh tiˉ oˉ kʼoˍ pui chehˇ ve yoˬ.
32Eˇjiˇtu‸ mvuhˇmiˬ hkʼaw lo, Iˉsaˍreˍlaˆ chaw hui yuˬ veu laˇ taˍ ve Yoˇseh‸ ve awˬ mu‸ ku teˇ hpaˍ hta‸ yawˇ hui Sheˍhkenˍ venˇ hkʼaw lo tuˍ piˇ ve yoˬ. Venˇ oˇ ve lehˬ, Yaˍkoˆ Sheˍhkenˍ ve awˬ pa Haˍmawˍ geh hpu teˇ ha hteh‸ vuiˬ yuˬ taˍ ve miˬguiˬ hpeh‸ ve yoˬ. Mvuhˇmiˬ oˇ ve lehˬ, Yoˇseh‸ ve awˬ ceuˬ awˬ hkʼaˇ teˇ hpaˍ gʼa taˍ ve mvuhˇmiˬ hpeh‸ ve yoˬ.
33Aˍronˍ ve yaˇ paˍ Eˇlaˍsaˍ htawˇ suh-e leh, Yawˇ hta‸ Eˇhpaˍrenˍ mvuhˇmiˬ hkʼaw cawˬ ve Giˇbeˍ venˇ hkʼaw tuˍ piˇ ve yoˬ. Venˇ chi lehˬ, yawˇ ve yaˇ paˍ Hpiˇneˍhaˆ gʼa taˍ ve venˇ hpeh‸ ve yoˬ.
Currently Selected:
Yawˇsuˆ li‸ 24: LHBE
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Yawˇsuˆ li‸ 24
24
Sheˍhkenˍ venˇ hkʼaw Yawˇsuˆ yawˇ hui hta‸ tawˇ yaw piˇ ve
1Yawˇsuˆ lehˬ, Iˉsaˍreˍlaˆ awˬ ceuˬ awˬ hkʼaˇ hkʼa peu-eˬ ve hta‸ Sheˍhkenˍ venˇ hkʼaw kuˬ hpawnˬ ve yoˬ. Yawˇ lehˬ, Iˉsaˍreˍlaˆ chaw hui ve chaw mawˇ chaw kehˉ, awˬ hoˉ awˬ naˬ, suhˉ jehˬ shehˍ hpaˇ, ma‸ poˍ lonˉ hkʼa peu-eˬ ve hta‸ kuˬ yuˬ leh, yawˇ hui Gʼuiˬsha mehˆ gʼuˇ suhˍ laˬ ve yoˬ. 2Oˇ htaˇ, Yawˇsuˆ chaw oˇ ve teˇ hpaˍ hta‸ kʼoˆ piˇ ve, Iˉsaˍreˍlaˆ ve Gʼuiˬsha chi hkʼe kʼoˆ laˇ taˍ ve yoˬ. Aˬ sho-eˬ htaˇ nawˬ hui ve awˬ puˍ awˬ pi teˇ hpaˍ Uˇhpaˍraˆ gʼuiˬ ma coˇ paˉ hpawˇ lo chehˇ taˍ leh, awˬ kaˍ awˬ nu ve gʼuiˬsha teˇ hpaˍ hta‸ oˉ kʼoˍ pui chehˇ ve yoˬ. Nawˬ hui ve awˬ puˍ awˬ pi oˇ ve teˇ hpaˍ awˬ hkʼaw lo teˇ gʼaˇ lehˬ, Aˍbraˍhanˍ leh Naˍhkawˍ hui ve awˬ pa Teˍraˆ hpeh‸ ve yoˬ. 3Oˇ htaˇ ngaˬ lehˬ Aˍbraˍhanˍ hta‸ Uˇhpaˍraˆ gʼuiˬ ma choˬ paˉ hpawˇ, Hkaˍnanˍ mvuhˇmiˬ hkʼaw shiˍ laˬ piˇ leh, yawˇ hta‸ awˬ yaˇ awˬ duˬ maˇ maˇ cawˬ la piˇ ve yoˬ. 4Ngaˬ yawˇ hta‸ Iˉcaˆ cawˬ la piˇ leh, Iˉcaˆ hta‸ Yaˍkoˆ leh Iˉsawˇ cawˬ la piˇ taˍ ve yoˬ. Iˉsawˇ hta‸ ngaˬ Siˇraˆ mvuhˇmiˬ piˇ leh, Yaˍkoˆ leh yawˇ ve awˬ yaˇ teˇ hpaˍ Eˇjiˇtu‸ mvuhˇmiˬ lo ya‸-e ve yoˬ. 5Oˇ htaˇ, ngaˬ Moˉseˍ leh Aˍronˍ hui hta‸ yawˇ hui geh kʼai tcuh leh, Eˇjiˇtu‸ mvuhˇmiˬ hkʼoˆ lo luˬ ve sheˆ ve awˬ ceuˬ gaˬ la piˇ ve yoˬ. Oˇ ve hkʼaw‸ nawˉ, ngaˬ nawˬ hui hta‸ shiˍ tawˆ la taˍ ve yoˬ. 6Nawˬ pa teˇ hpaˍ hta‸ ngaˬ Eˇjiˇtu‸ mvuhˇmiˬ hkʼaw shiˍ tawˆ la piˇ leh, yawˇ hui lehˬ Laˇ tsuhˇ gʼuiˬ nyi lo gaˬ la ve yoˬ. Eˇjiˇtu‸ chaw teˇ hpaˍ lehˬ, iˉ mvuhˇ lawˬ ciˇ laˬ leh, laˇ tsuhˇ gʼuiˬ hkʼa gaˬ, yawˇ hui hkʼaˇ suh gʼa‸ yuˬ kʼai ve yoˬ. 7Yawˇ hui ngaˬ geh bon lawˬ ve pa taw, yawˇ hui teˇ hpaˍ leh Eˇjiˇtu‸ chaw awˬ kaˍ lo ngaˬ naˆ ho‸ lehˍ hpeh‸ la piˇ ve yoˬ. Eˇjiˇtu‸ chaw teˇ hpaˍ hta‸ ngaˬ laˇ tsuhˇ gʼuiˬ hoˆ beh piˇ lawˬ ve yoˬ. Eˇjiˇtu‸ chaw hui hta‸ ngaˬ hkʼaˬ hkʼe te piˇ taˍ peuˬ ve hta‸ nawˬ hui gʼa mawˬ peuˬ leh, nawˬ hui lehˬ heh puiˉ hkʼaw lo awˬ yanˇ maw chaweh gʼa chehˇ taˍ ve yoˬ.
8Oˇ ve hkʼaw‸ nawˉ, Yawˇdanˍ iˉ kaˆ lawˬ mvuhˇ nyi tawˆ hpawˇ lo chehˇ ve Aˍmawˇriˆ chaw hui ve mvuhˇmiˬ hkʼaw, ngaˬ nawˬ hui hta‸ shiˍ kʼai piˇ ve yoˬ. Yawˇ hui nawˬ hui teˇ hpaˍ hta‸ ca bawˆ la ve htawˇ, ngaˬ nawˬ hui hta‸ gʼaˇ shehˍ hpaˇ hpeh‸ la piˇ ve yoˬ. Nawˬ hui lehˬ, yawˇ hui ve mvuhˇmiˬ hta‸ bawˆ yuˬ leh, nawˬ hui kʼai chehˇ htaˇ ngaˬ yawˇ hui hta‸ te luˬ te sheˆ piˇ ve yoˬ. 9Oˇ ve hkʼaw‸ nawˉ, Mawˇbaˆ mvuhˇmiˬ hta‸ uˉ peunˍ chehˇ ve Ziˆpawˇraˆ ve yaˇ paˍ Baˍlehˆ nawˬ hui hta‸ ca bawˆ la ve yoˬ. Nawˬ hui hta‸ hkeu piˇ tuˬ, yawˇ lehˬ Bawˇraˆ ve yaˇ paˍ Baˍlanˍ hta‸ ca lawˬ hkawˉ ve yoˬ. 10Ya‸ hkʼaˇ, Baˍlanˍ ve tawˇ hta‸ ngaˬ na ve maˇ heˆ. Chi hta‸ pa taw, yawˇ nawˬ hui hta‸ awˬ bon na‸ laˇ ve yoˬ. Hkʼe te leh, Baˍlehˆ ve la‸ sheh hkʼaw ngaˬ nawˬ hui hta‸ htaiˍ hkʼaw‸ laˇ ve yoˬ. 11Nawˬ hui lehˬ, Yawˇdanˍ iˉ kaˆ lawˬ hta‸ hkanˍ peuˬ hkʼaw‸ nawˉ, Yeˍriˆhkoˇ venˇ lo gaˬ la ve yoˬ. Yeˍriˆhkoˇ chaw, Aˍmawˇriˆ chaw, Hpeˍraˍziˆ chaw, Hkaˍnaˍniˆ chaw, Hiˇtiˆ chaw, Giˇgaˍshiˆ chaw, Hiˇviˆ chaw leh Yeˍbuˇsiˆ chaw teˇ hpaˍ nawˬ hui hta‸ ca bawˆ la ve yoˬ. Ya‸ hkʼaˇ, ngaˬ nawˬ hui hta‸ gʼaˇ shehˍ hpaˇ hpeh‸ la piˇ ve yoˬ. 12Nawˬ hui gʼuˇ suhˍ lo chehˇ taˍ ve Aˍmawˇriˆ jawˇmawˇ hta‸ ngaˬ kawˆ piˇ lawˬ ve yoˬ. Nawˬ hui ve aˉhtaw leh hkaˆ teˇ hpaˍ lehˬ, te‸ chiˉ awˬ bon cawˬ ve maˇ heˆ. 13Nawˬ hui te‸ chiˉ awˬ hpfuhˇ maˇ peuˬ ve mvuhˇmiˬ leh nawˬ hui maˇ te taˍ ve venˇ teˇ hpaˍ, ngaˬ nawˬ hui hta‸ piˇ laˇ taˍ ve yoˬ. Nawˬ hui lehˬ, mvuhˇmiˬ oˇ ve hkʼaw chehˇ taˍ leh, nawˬ hui maˇ ti taˍ ve a pehˉ meuˇ shiˍ leh shaˍlonˍ shiˍ teˇ hpaˍ hta‸ shaˉ caˇ chehˇ ve yoˬ, teh‸ Gʼuiˬsha kʼoˆ ve yoˬ.
14Chi hta‸ pa taw, Gʼuiˬsha hta‸ ceh tiˉ oˉ kʼoˍ pui leh, ka ti‸ yeˬ ve hkʼaw yawˇ ve kanˉ hta‸ te-o. Meˍsoˇpoˇtaˍmiˆ leh Eˇjiˇtu‸ mvuhˇmiˬ hkʼaw, nawˬ hui ve awˬ puˍ awˬ pi teˇ hpaˍ oˉ kʼoˍ pui jaw ve awˬ kaˍ awˬ nu gʼuiˬsha teˇ hpaˍ hta‸ leunˇ baˬ taˉ leh, Gʼuiˬsha hta‸ ceh tiˉ oˉ kʼoˍ pui-o. 15Nawˬ hui lehˬ, Gʼuiˬsha hta‸ oˉ kʼoˍ maˇ pui gaˇ ve kʼo, gʼuiˬsha hkʼaˬ ve teˇ gʼaˇ hta‸ oˉ kʼoˍ pui gaˇ ve ya‸ nyi leuˆ yuˬ-o‸. Meˍsoˇpoˇtaˍmiˆ mvuhˇmiˬ hkʼaw, nawˬ puˍ nawˬ pi teˇ hpaˍ oˉ kʼoˍ pui jaw ve gʼuiˬsha teˇ hpaˍ hta‸ laˇ. Maˇ heˆ kʼo, chi beu‸ nawˬ hui chehˇ taˍ ve Aˍmawˇriˆ chaw hui ve gʼuiˬsha teˇ hpaˍ hta‸ laˇ. Ya‸ hkʼaˇ, ngaˬ leh ngaˬ ve yehˬ yaˇ kʼa yaˇ teˇ hpaˍ lehˬ, Gʼuiˬsha hta‸ ceh tiˉ oˉ kʼoˍ pui tuˬ yoˬ, teh‸ yawˇ hui hta‸ kʼoˆ piˇ ve yoˬ.
16Oˇ htaˇ, Iˉsaˍreˍlaˆ Chaw teˇ hpaˍ kʼoˆ ve, Gʼuiˬsha hta‸ baˬ taˉ leh awˬ kaˍ awˬ nu gʼuiˬsha teˇ hpaˍ hta‸ oˉ kʼoˍ ca pui tuˬ ngaˬ hui teˇ pawˆ ka‸ dawˇ nyi tuˬ ve maˇ heˆ. 17Ngaˬ hui ve Gʼuiˬsha lehˬ, ngaˬ hui ve awˬ puˍ awˬ pi leh ngaˬ hui teˇ hpaˍ hta‸ shu ceˬ te chehˇ kuiˬ Eˇjiˇtu‸ mvuhˇmiˬ hkʼaw shiˍ tawˆ la taˍ peuˬ leh, yawˇ te taˍ ve uiˍ jaˇ ve kanˉ teˇ hpaˍ hta‸ ngaˬ hui gʼa mawˬ taˍ peuˬ. Ngaˬ hui hkʼa kʼai kuiˬ teˇ kaˬ le le lo, yawˇ ngaˬ hui hta‸ hkʼa deh‸ ha‸ shaˉ laˇ taˍ ve yoˬ. 18Ngaˬ hui awˬ gʼuˇ suhˍ kʼai chehˇ ve teˇ yanˇ, Gʼuiˬsha lehˬ mvuhˇmiˬ hkʼaw chehˇ taˍ ve Aˍmawˇri chaw hui hta‸ gʼa‸ kʼoˬ piˇ ve yoˬ. Chi hta‸ pa taw, ngaˬ hui htawˇ yawˇ hta‸ ceh tiˉ oˉ kʼoˍ pui tuˬ yoˬ. Yawˇ lehˬ ngaˬ hui ve Gʼuiˬsha hpeh‸ ve yoˬ, teh‸ yawˇ hta‸ kʼaw‸ yaw hkʼaw‸ piˇ ve yoˬ.
19Oˇ htaˇ, Yawˇsuˆ yawˇ hui hta‸ kʼoˆ piˇ ve, Gʼuiˬsha lehˬ da‸ kehˬ jaˇ leh hkawehˉ puiˉ ve Gʼuiˬsha hpeh‸ ve pa taw, nawˬ hui yawˇ hta‸ oˉ kʼoˍ pui maˇ hpeh‸. Yawˇ lehˬ nawˬ hui ve venˇbaˆ teˇ hpaˍ hta‸ hpehˇ laˇ tuˬ ve maˇ heˆ. 20Nawˬ hui lehˬ, Gʼuiˬsha hta‸ baˬ taˉ leh awˬ kaˍ awˬ nu ve gʼuiˬsha teˇ hpaˍ hta‸ oˉ kʼoˍ ca pui ve kʼo, yawˇ nawˬ hui hta‸ ciˍ yanˍ laˇ tuˬ yoˬ. Ponˬ laˬ htaˇ yawˇ nawˬ hui hta‸ awˬ bon na‸ laˇ chehˇ ve htawˇ, yawˇ nawˬ hui hta‸ te luˬ te she‸ laˇ tuˬ yoˬ, teh‸ yawˇ hui hta‸ kʼoˆ piˇ ve yoˬ.
21Oˇ htaˇ, Iˉsaˍreˍlaˆ chaw teˇ hpaˍ lehˬ, Maˇ heˆ. Ngaˬ hui Gʼuiˬsha hta‸ ceh tiˉ oˉ kʼoˍ pui tuˬ yoˬ, teh‸ Yawˇsuˆ hta‸ kʼaw‸ kʼoˆ piˇ ve yoˬ.
22Oˇ htaˇ Yawˇsuˆ lehˬ, Nawˬ hui Gʼuiˬsha hta‸ oˉ kʼoˍ pui tuˬ, nawˬ hui hkʼaˇ nawˬ hui leuˆ yuˬ taˍ ve yoˬ, teh‸ yawˇ hui hta‸ kʼoˆ piˇ ve yoˬ.
Yawˇ hui lehˬ, Yoˬ, ngaˬ hui hkʼaˇ ngaˬ hui leuˆ yuˬ taˍ ve yoˬ, teh‸ kʼaw‸ kʼoˆ piˇ ve yoˬ.
23Oˇ htaˇ Yawˇsuˆ lehˬ, Hkʼe te kʼo, nawˬ hui geh cawˬ taˍ ve awˬ kaˍ awˬ nu gʼuiˬsha teˇ hpaˍ hta‸ yuˬ baˬ leh, Gʼuiˬsha hta‸ ceh tiˉ oˉ kʼoˍ pui tuˬ yoˬ teh‸ hkanˍ-o‸, teh‸ yawˇ hui hta‸ kʼoˆ piˇ ve yoˬ.
24Iˉsaˍreˍlaˆ chaw teˇ hpaˍ lehˬ, Ngaˬ hui ve Gʼuiˬsha hta‸ ceh tiˉ ngaˬ hui oˉ kʼoˍ pui leh yawˇ ve awˬliˇtawˇhkawˇ teˇ hpaˍ hta‸ na yuˬ tuˬ yoˬ, teh‸ Yawˇsuˆ hta‸ kʼoˆ piˇ ve yoˬ.
25Hkʼe te leh, oˇ ve teˇ nyi Yawˇsuˆ lehˬ Iˉsaˍreˍlaˆ chaw teˇ hpaˍ awˬ pon ka ti‸ shaˉ caˆ te leh, oˇ kaˬ Sheˍhkenˍ venˇ hkʼaw lo yawˇ hui hta‸ Gʼuiˬsha ve awˬliˇtawˇhkawˇ teˇ hpaˍ piˇ ve yoˬ. 26Yawˇsuˆ lehˬ, awˬliˇtawˇhkawˇ chi teˇ hpaˍ Gʼuiˬsha ve awˬliˇtawˇhkawˇ li‸ daw hkʼaw bvuh‸ keu taˍ ve yoˬ. Oˇ kaˬ lo yawˇ haˉ pui shiˍ lonˉ teˇ maˬ yuˬ leh, Gʼuiˬsha ve bon yehˬ paˇ lo cawˬ ve maˉ kuˇ cehˬ teˇ cehˬ awˬ hawˉ lo duˇ ti ve yoˬ. 27Oˇ htaˇ yawˇ chaw moˍ lonˉ hta‸ kʼoˆ piˇ ve, Haˉ pui shiˍ chi ve lehˬ, ngaˬ hui ve shaˉ hkiˆ hpeh‸ ve yoˬ. Gʼuiˬsha ngaˬ hui hta‸ hkʼa kʼoˆ laˇ taˍ ve tawˇ teˇ hpaˍ, haˉ pui shiˍ chi gʼa kaˇ taˍ ve yoˬ. Nawˬ hui Gʼuiˬsha hta‸ maˇ hpfuhˆ tuˬ, haˉ pui shiˍ chi lehˬ nawˬ hui ve shaˉ hkiˆ hpeh‸ ve yoˬ, teh‸ yawˇ hui hta‸ kʼoˆ piˇ ve yoˬ. 28Oˇ ve hkʼaw‸ nawˉ, Yawˇsuˆ chaw oˇ ve teˇ hpaˍ hta‸ kʼo‸-e tcuh leh, yawˇ hui a shu yawˇ ve mvuhˇmiˬ lo kʼaw‸ kʼo‸-e ve yoˬ.
Yawˇsuˆ leh Eˇlaˍsaˍ suh-e ve
29Oˇ ve hkʼaw‸ nawˉ, Gʼuiˬsha ve awˬ ceˬ paˍ Nunˍ ve yaˇ Yawˇsuˆ lehˬ, a sha‸ 110 hkʼaw‸ gaˬ leh suh-e ve yoˬ. 30Yawˇ hui yawˇ hta‸ Gaˍshaˆ hkʼaw lonˉ awˬ na hpawˇ, Eˇhpaˍrenˍ mvuhˇmiˬ, yawˇ ve chehˇ kuiˬ Tiˉmaˍnaˆseˍraˆ venˇ hkʼaw tuˍ piˇ ve yoˬ.
31Yawˇsuˆ a sha‸ te‸ chehˇ sheˍ ve awˬ yanˇ leh, Gʼuiˬsha Iˉsaˍreˍlaˆ chaw hui hta‸ hkʼaˬ hkʼe te piˇ taˍ ve hta‸ hkʼa deh‸ shiˍ ve chaw teˇ hpaˍ a sha‸ te‸ chehˇ sheˍ ve teˇ co-e, Iˉsaˍreˍlaˆ chaw teˇ hpaˍ Gʼuiˬsha hta‸ ceh tiˉ oˉ kʼoˍ pui chehˇ ve yoˬ.
32Eˇjiˇtu‸ mvuhˇmiˬ hkʼaw lo, Iˉsaˍreˍlaˆ chaw hui yuˬ veu laˇ taˍ ve Yoˇseh‸ ve awˬ mu‸ ku teˇ hpaˍ hta‸ yawˇ hui Sheˍhkenˍ venˇ hkʼaw lo tuˍ piˇ ve yoˬ. Venˇ oˇ ve lehˬ, Yaˍkoˆ Sheˍhkenˍ ve awˬ pa Haˍmawˍ geh hpu teˇ ha hteh‸ vuiˬ yuˬ taˍ ve miˬguiˬ hpeh‸ ve yoˬ. Mvuhˇmiˬ oˇ ve lehˬ, Yoˇseh‸ ve awˬ ceuˬ awˬ hkʼaˇ teˇ hpaˍ gʼa taˍ ve mvuhˇmiˬ hpeh‸ ve yoˬ.
33Aˍronˍ ve yaˇ paˍ Eˇlaˍsaˍ htawˇ suh-e leh, Yawˇ hta‸ Eˇhpaˍrenˍ mvuhˇmiˬ hkʼaw cawˬ ve Giˇbeˍ venˇ hkʼaw tuˍ piˇ ve yoˬ. Venˇ chi lehˬ, yawˇ ve yaˇ paˍ Hpiˇneˍhaˆ gʼa taˍ ve venˇ hpeh‸ ve yoˬ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.