Yoˇnaˆ li‸ 4
4
Yoˇnaˆ nyi ma zuhˆ ve
1Gʼuiˬsha chi hkʼe te piˇ ve hta‸ Yoˇnaˆ nyi ma maˇ sha. Yawˇ nyi ma zuhˆ jaˇ ve yoˬ. 2Hkʼe te leh, yawˇ Gʼuiˬsha geh bon lawˬ leh kʼoˆ ve, Gʼuiˬsha-oˬ, ngaˬ yehˬ hkʼaw maˇ tawˆ la sheˍ htaˇ ka‸ nawˬ chi hkʼe te tuˬ yoˬ, teh‸ ngaˬ nawˬ hta‸ kʼoˆ piˇ peuˬ ve maˇ heˆ laˇ. Chi hta‸ pa taw, ngaˬ coˇ caˇ leh Saˍpenˍ mvuhˇmiˬ lo hpaw-e ve yoˬ. Nawˬ lehˬ ha kʼaˉ puiˉ ve Gʼuiˬsha hpeh‸ leh, chaw yaˇ hui te ya‸ chehˇ ve venˇbaˆ hta‸ hpehˇ piˇ puiˉ ve Gʼuiˬsha hpeh‸ ve hta‸ ngaˬ shiˍ taˍ ve yoˬ. 3Gʼuiˬsha-oˬ, chi beu‸ ngaˬ hta‸ suh-e tcuh laˇ-oˆ. Ngaˬ gʼa suh ve lehˬ, te‸ chehˇ ve a‸ kehˉ da‸ leuˉ ve yoˬ, teh‸ Gʼuiˬsha hta‸ kʼoˆ piˇ ve yoˬ.
4Oˇ htaˇ Gʼuiˬsha lehˬ, Aˬ hto‸ ma te nawˬ nyi ma zuhˆ ve le, teh‸ yawˇ hta‸ kʼaw‸ yaw hkʼaw‸ piˇ ve yoˬ.
5Oˇ ve hkʼaw‸ nawˉ, Yoˇnaˆ venˇ hkʼaw tawˆ kʼai leh, venˇ mvuhˇ nyi tawˆ hpawˇ lo ca jo mui taˍ ve yoˬ. Venˇ oˇ ve hkʼaˬ hkʼe hpeh‸ la tuˬ ve hta‸ gʼa mawˬ tuˬ, yawˇ lehˬ aˉ po kʼo ehˉ teˇ maˬ te leh oˇ kaˬ lo mui nyi chehˇ ve yoˬ. 6Oˇ htaˇ Gʼuiˬsha lehˬ, Yoˇnaˆ awˬ paˇ lo suhˆ cehˬ ehˉ teˇ cehˬ yeˬ tawˆ la piˇ ve yoˬ. Yoˇnaˆ lehˬ, suhˆ cehˬ ehˉ oˇ ve awˬ hawˉ lo gawˬ lehˍ gʼa mui chehˇ ve pa taw, ha lehˬ nyi hkʼaˇ suh chehˇ ve yoˬ. 7Ya‸ hkʼaˇ, shawˉ pawˍ mvuhˇ nyi tawˆ la ve teˇ yanˇ, Gʼuiˬsha lehˬ suhˆ cehˬ ehˉ oˇ ve hta‸ pfuhˇ shehˍ ma caˇ leh suh-e piˇ lawˬ ve yoˬ. 8Mvuhˇ nyi a ciˉ mvuh la ve teˇ yanˇ, Gʼuiˬsha lehˬ mvuhˇ nyi tawˆ hpawˇ lo ve haw jaˇ chiˆ jaˇ ve mvuhˇ haw hta‸ meuˆ laˬ piˇ lawˬ ve yoˬ. Yoˇnaˆ lehˬ haw jaˇ chiˆ jaˇ ve pa taw hkanˍ maˇ gʼaˇ leh suh-e gaˇ jaˇ ve yoˬ. Ngaˬ suh-e ve lehˬ, te‸ chehˇ ve a‸ kehˉ da‸ leuˉ ve yoˬ, teh‸ kʼoˆ ve yoˬ.
9Oˇ htaˇ Gʼuiˬsha lehˬ, Aˬ hto‸ ma pa taw nawˬ suhˆ cehˬ ehˉ chi ve hta‸ nyi ma zuhˆ ve le, teh‸ yawˇ hta‸ kʼoˆ piˇ ve yoˬ.
Ngaˬ nyi ma zuhˆ ve suh la yoˬ, teh‸ Yoˇnaˆ Gʼuiˬsha hta‸ kʼaw‸ yaw hkʼaw‸ piˇ ve yoˬ.
10Oˇ htaˇ Gʼuiˬsha yawˇ hta‸ kʼoˆ piˇ ve, Suhˆ cehˬ ehˉ chi lehˬ, aˉ nyi haˉ ceh yeˬ tawˆ la leh ya‸ nyi suh-e ve yoˬ. Nawˬ lehˬ suhˆ cehˬ ehˉ chi hta‸ maˇ gʼa ha‸ shaˉ leh, te‸ chiˉ maˇ gʼa te piˇ taˍ ve htawˇ, suhˆ ceh ehˉ chi ve hta‸ sheˉ lai jaˇ ve law leˇ. 11Niˇnaˍveˍ venˇ lonˉ chi ve hkʼaw chehˇ taˍ ve te‸ chiˉ venˇbaˆ maˇ cawˬ ve yaˇ ehˉ 120,000 gʼaˇ leh, to nuˇ to shaˆ teˇ hpaˍ hta‸, ngaˬ hkʼaˬ ma sheˉ lai tuˬ ve le, teh‸ Yoˇnaˆ hta‸ kʼoˆ piˇ ve yoˬ.
Currently Selected:
Yoˇnaˆ li‸ 4: LHBE
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Yoˇnaˆ li‸ 4
4
Yoˇnaˆ nyi ma zuhˆ ve
1Gʼuiˬsha chi hkʼe te piˇ ve hta‸ Yoˇnaˆ nyi ma maˇ sha. Yawˇ nyi ma zuhˆ jaˇ ve yoˬ. 2Hkʼe te leh, yawˇ Gʼuiˬsha geh bon lawˬ leh kʼoˆ ve, Gʼuiˬsha-oˬ, ngaˬ yehˬ hkʼaw maˇ tawˆ la sheˍ htaˇ ka‸ nawˬ chi hkʼe te tuˬ yoˬ, teh‸ ngaˬ nawˬ hta‸ kʼoˆ piˇ peuˬ ve maˇ heˆ laˇ. Chi hta‸ pa taw, ngaˬ coˇ caˇ leh Saˍpenˍ mvuhˇmiˬ lo hpaw-e ve yoˬ. Nawˬ lehˬ ha kʼaˉ puiˉ ve Gʼuiˬsha hpeh‸ leh, chaw yaˇ hui te ya‸ chehˇ ve venˇbaˆ hta‸ hpehˇ piˇ puiˉ ve Gʼuiˬsha hpeh‸ ve hta‸ ngaˬ shiˍ taˍ ve yoˬ. 3Gʼuiˬsha-oˬ, chi beu‸ ngaˬ hta‸ suh-e tcuh laˇ-oˆ. Ngaˬ gʼa suh ve lehˬ, te‸ chehˇ ve a‸ kehˉ da‸ leuˉ ve yoˬ, teh‸ Gʼuiˬsha hta‸ kʼoˆ piˇ ve yoˬ.
4Oˇ htaˇ Gʼuiˬsha lehˬ, Aˬ hto‸ ma te nawˬ nyi ma zuhˆ ve le, teh‸ yawˇ hta‸ kʼaw‸ yaw hkʼaw‸ piˇ ve yoˬ.
5Oˇ ve hkʼaw‸ nawˉ, Yoˇnaˆ venˇ hkʼaw tawˆ kʼai leh, venˇ mvuhˇ nyi tawˆ hpawˇ lo ca jo mui taˍ ve yoˬ. Venˇ oˇ ve hkʼaˬ hkʼe hpeh‸ la tuˬ ve hta‸ gʼa mawˬ tuˬ, yawˇ lehˬ aˉ po kʼo ehˉ teˇ maˬ te leh oˇ kaˬ lo mui nyi chehˇ ve yoˬ. 6Oˇ htaˇ Gʼuiˬsha lehˬ, Yoˇnaˆ awˬ paˇ lo suhˆ cehˬ ehˉ teˇ cehˬ yeˬ tawˆ la piˇ ve yoˬ. Yoˇnaˆ lehˬ, suhˆ cehˬ ehˉ oˇ ve awˬ hawˉ lo gawˬ lehˍ gʼa mui chehˇ ve pa taw, ha lehˬ nyi hkʼaˇ suh chehˇ ve yoˬ. 7Ya‸ hkʼaˇ, shawˉ pawˍ mvuhˇ nyi tawˆ la ve teˇ yanˇ, Gʼuiˬsha lehˬ suhˆ cehˬ ehˉ oˇ ve hta‸ pfuhˇ shehˍ ma caˇ leh suh-e piˇ lawˬ ve yoˬ. 8Mvuhˇ nyi a ciˉ mvuh la ve teˇ yanˇ, Gʼuiˬsha lehˬ mvuhˇ nyi tawˆ hpawˇ lo ve haw jaˇ chiˆ jaˇ ve mvuhˇ haw hta‸ meuˆ laˬ piˇ lawˬ ve yoˬ. Yoˇnaˆ lehˬ haw jaˇ chiˆ jaˇ ve pa taw hkanˍ maˇ gʼaˇ leh suh-e gaˇ jaˇ ve yoˬ. Ngaˬ suh-e ve lehˬ, te‸ chehˇ ve a‸ kehˉ da‸ leuˉ ve yoˬ, teh‸ kʼoˆ ve yoˬ.
9Oˇ htaˇ Gʼuiˬsha lehˬ, Aˬ hto‸ ma pa taw nawˬ suhˆ cehˬ ehˉ chi ve hta‸ nyi ma zuhˆ ve le, teh‸ yawˇ hta‸ kʼoˆ piˇ ve yoˬ.
Ngaˬ nyi ma zuhˆ ve suh la yoˬ, teh‸ Yoˇnaˆ Gʼuiˬsha hta‸ kʼaw‸ yaw hkʼaw‸ piˇ ve yoˬ.
10Oˇ htaˇ Gʼuiˬsha yawˇ hta‸ kʼoˆ piˇ ve, Suhˆ cehˬ ehˉ chi lehˬ, aˉ nyi haˉ ceh yeˬ tawˆ la leh ya‸ nyi suh-e ve yoˬ. Nawˬ lehˬ suhˆ cehˬ ehˉ chi hta‸ maˇ gʼa ha‸ shaˉ leh, te‸ chiˉ maˇ gʼa te piˇ taˍ ve htawˇ, suhˆ ceh ehˉ chi ve hta‸ sheˉ lai jaˇ ve law leˇ. 11Niˇnaˍveˍ venˇ lonˉ chi ve hkʼaw chehˇ taˍ ve te‸ chiˉ venˇbaˆ maˇ cawˬ ve yaˇ ehˉ 120,000 gʼaˇ leh, to nuˇ to shaˆ teˇ hpaˍ hta‸, ngaˬ hkʼaˬ ma sheˉ lai tuˬ ve le, teh‸ Yoˇnaˆ hta‸ kʼoˆ piˇ ve yoˬ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.