Hawˇseˍ li‸ 7
7
1Ngaˬ ve Iˉsaˍreˍlaˆ chaw teˇ hpaˍ hta‸ gu na-e piˇ leh, yawˇ hui hta‸ teˇ pawˆ kʼaw‸ da‸ la uiˍ la piˇ tuˬ ngaˬ nyi peu ve teˇ yanˇ, yawˇ hui lehˬ teˇ pawˆ le le haiˬ ve kanˉ hta‸ ceh tiˉ te chehˇ taˍ ve hta‸ ngaˬ gʼa mawˬ ve yoˬ. Yawˇ hui lehˬ, teˇ gʼaˇ hta‸ teˇ gʼaˇ heˍ caˇ da‸ leh, shu ve mawˇ hta‸ hkʼawˇ yuˬ lu yuˬ chehˇ ve yoˬ. 2Ngaˬ lehˬ, yawˇ hui te chehˇ ve haiˬ ve kanˉ teˇ hpaˍ hta‸ dawˇ nawˇ chehˇ ve hta‸ yawˇ hui maˇ dawˇ shiˍ puiˉ. Chi beu‸ htawˇ yawˇ hui ve venˇbaˆ teˇ hpaˍ, yawˇ hui hta‸ caw zuhˇ chehˇ taˍ leh, venˇbaˆ oˇ ve teˇ hpaˍ hta‸ ngaˬ mawˬ chehˇ taˍ ve yoˬ, teh‸ Gʼuiˬsha kʼoˆ ve yoˬ.
Hawˉ yehˬ hkʼaw maˇ hteˇ maˇ cawˇ ve
3Gʼuiˬsha kʼoˆ ve, Chaw yaˇ teˇ hpaˍ lehˬ yawˇ hui ve jawˇmawˇ leh a ma‸ lonˉ teˇ hpaˍ hta‸ kʼaw‸ hpfuhˆ tuˬ hkʼawˇ jehˬ da‸ chehˇ ve yoˬ. 4Yawˇ hui lehˬ ka ti‸ maˇ yeˬ ve chaw teˇ hpaˍ hpeh‸ ve yoˬ. Yawˇ hui shu hta‸ canˇ ve nyi ma lehˬ, hkaoˍmonˇ te shehˍ hpaˇ teˇ gʼaˇ hkaoˍmonˇ maˇ ciˇ la sheˍ ve ceh ceh, aˬ miˍ maˇ gu ceh piˇ ve pa taw, mvuhˇ hkʼawˇ du du te to‸ chehˇ ve aˬ miˍ hkʼe hpeh‸ ve yoˬ. 5Jawˇmawˇ pawehˇ te ve awˬ nyi gaˬ htaˇ, yawˇ hui lehˬ jawˇmawˇ leh yawˇ ve a ma‸ lonˉ teˇ hpaˍ hta‸ a pehˉ meuˇ gʼuiˬ taw piˇ leh, yawˇ hui hta‸ bvuhˆ gʼuˇ tuˬ te piˇ ve yoˬ. 6Yawˇ hui lehˬ shu hta‸ te luˬ piˇ tuˬ, aˬ miˍ hkʼa shuˍ to‸ chehˇ ve yoˬ. Teˇ haˉ le le yawˇ hui nyi ma zuhˆ ve teˇ ceuˬ uiˍ la maˇ la chehˇ leh, mvuhˇ shawˉ htaˇ yawˇ hui nyi ma zuhˆ ve oˇ ve aˬ miˍ hkʼa shuˍ to‸ tawˆ la ve yoˬ.
7Nyi ma zuhˆ jaˇ ve hkʼaw, yawˇ hui lehˬ yawˇ hui ve jawˇmawˇ teˇ hpaˍ hta‸ tiˇ pehˍ ve yoˬ. Yawˇ hui ve jawˇmawˇ teˇ hpaˍ lehˬ, teˇ gʼaˇ peuˬ teˇ gʼaˇ tiˇ pehˍ ve hta‸ gʼa hkanˍ ve yoˬ. Ya‸ hkʼaˇ, chaw teˇ gʼaˇ ka‸ ngaˬ geh bon maˇ lawˬ, teh‸ Gʼuiˬsha kʼoˆ ve yoˬ.
Iˉsaˍreˍlaˆ leh awˬ nu ve chaw ceuˬ teˇ hpaˍ
8Gʼuiˬsha kʼoˆ ve, Iˉsaˍreˍlaˆ chaw teˇ hpaˍ lehˬ, hkʼa deh‸ maˇ meh da‸ ve hkaoˍmonˇ hkʼe hpeh‸ve yoˬ. Yawˇ hui lehˬ, awˬ paˇ awˬ kui lo chehˇ ve awˬ nu ve chaw ceuˬ teˇ hpaˍ hta‸ gʼaˇ va ve yoˬ. 9Yawˇ hui chi hkʼe te ve pa taw, awˬ gʼaˇ awˬ shaˉ nuˇ kʼai chehˇ ve hta‸ yawˇ hui maˇ shiˍ maˇ jawˬ. Yawˇ hui ve awˬ nyi awˬ haˉ teˇ hpaˍ hta‸ gʼaw nyi taˍ peuˬ. Ya‸ hkʼaˇ, yawˇ hui lehˬ chi hta‸ htawˇ maˇ shiˍ maˇ jawˬ. 10Iˉsaˍreˍlaˆ chaw hui caˆ muiˬ puiˉ jaˇ leh, caˆ muiˬ puiˉ ve nyi ma oˇ ve yawˇ hui hta‸venˇbaˆ kʼaw‸ taˍ piˇ chehˇ ve yoˬ. Hkʼaˬ hkʼe hpeh‸ ve htawˇ, yawˇ hui ngaˬ geh maˇ kʼaw‸ hpfuhˆ kaw‸ la. 11Iˉsaˍreˍlaˆ chaw hui lehˬ, ngaˆ ehˉ hkʼa shuˍ choˬ kʼai oˇ kʼai tiˉ te chehˇ ve yoˬ. Yawˇ hui hta‸ ga laˇ tuˬEˇjiˇtu‸ chaw leh Aˍsuˇriˆ chaw hui hta‸ yawˇ hui gʼaˇ va chehˇ ve yoˬ. 12Ngaˆ ehˉ teˇ hkeh hta‸ va htaw yuˬ ve hkʼe, ngaˬ yawˇ hui hta‸ htaw yuˬ tuˬ yoˬ. Yawˇ hui te taˍ ve haiˬ ve kanˉ teˇ hpaˍ hta‸ pa taw, ngaˬ yawˇ hui hta‸ ciˍ yanˍ piˇ tuˬ yoˬ.
13Yawˇ hui gʼa luˬ gʼa sheˆ ve yoˬ. Yawˇ hui ngaˬ hta‸ kʼaw‸ hpfuhˆ leh, ngaˬ hta‸ baˬ taˉ peuˬ. Chi hta‸ pa taw, yawˇ hui gʼa luˬ gʼa sheˆ tuˬ yoˬ. Ngaˬ yawˇ hui hta‸ ponˬ piˇ gaˇ ve htawˇ, yawˇ hui ngaˬ hta‸ oˉ kʼoˍ pui ve awˬ hkʼaˇ ya‸ jaˇ chehˇ ve yoˬ. 14Yawˇ hui lehˬ nyi ma awˬ tawˬ hkʼa gaˬ ngaˬ geh bon maˇ lawˬ. Ya‸ hkʼaˇ, yawˇ hui lehˬ buiˇ shaˆaˉnaˆ chaw hkʼa shuˍ miˬ chaˇ hkʼoˆ lo paˍ zuh‸ taˍ leh hkʼanˇ chehˇ ve yoˬ. Yawˇ hui lehˬ, caˬ shiˍ leh a pehˉ meuˇ gʼuiˬ awˬ pon bon lawˬ ve teˇ yanˇ, buiˇshaˆaˉnaˆ chaw hkʼa shuˍ a shu yawˇ awˬ to hta‸ naˬ tuˬ te chehˇ ve yoˬ. Yawˇ hui lehˬ chaw hpfuhˆ teˇ hpaˍ hpeh‸ ve yoˬ. 15Ngaˬ yawˇ hui hta‸ ha‸ shaˉ piˇ taˍ leh, yawˇ hui hta‸ awˬ gʼaˇ uiˍ la piˇ taˍ ve htawˇ, yawˇ hui ngaˬ hta‸ kʼaw‸ hpfuhˆ ve yoˬ. 16Yawˇ hui ngaˬ hta‸ baˬ taˉ leh, te‸ chiˉ kanˇ paˆ maˇ cawˬ ve gʼuiˬsha teˇ hpaˍ geh kʼai ve yoˬ. Kʼaw‸ ve hkaˆ ce hta‸ yonˍ maˇ hpeh‸ ve hkʼe, yawˇ hui lehˬ yonˍ maˇ gʼa ve chaw teˇ hpaˍ hpeh‸ ve yoˬ. Yawˇ hui ve awˬ hoˉ awˬ naˬ teˇ hpaˍ lehˬ, tawˇ uiˍ tawˇ mvuh yaw ve pa taw, tiˇ pehˍ ve hta‸ gʼa hkanˍ leh, Eˇjiˇtu‸ chaw teˇ hpaˍ gʼuiˬ tuˬ yoˬ, teh‸ Gʼuiˬsha kʼoˆ ve yoˬ.
Currently Selected:
Hawˇseˍ li‸ 7: LHBE
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Hawˇseˍ li‸ 7
7
1Ngaˬ ve Iˉsaˍreˍlaˆ chaw teˇ hpaˍ hta‸ gu na-e piˇ leh, yawˇ hui hta‸ teˇ pawˆ kʼaw‸ da‸ la uiˍ la piˇ tuˬ ngaˬ nyi peu ve teˇ yanˇ, yawˇ hui lehˬ teˇ pawˆ le le haiˬ ve kanˉ hta‸ ceh tiˉ te chehˇ taˍ ve hta‸ ngaˬ gʼa mawˬ ve yoˬ. Yawˇ hui lehˬ, teˇ gʼaˇ hta‸ teˇ gʼaˇ heˍ caˇ da‸ leh, shu ve mawˇ hta‸ hkʼawˇ yuˬ lu yuˬ chehˇ ve yoˬ. 2Ngaˬ lehˬ, yawˇ hui te chehˇ ve haiˬ ve kanˉ teˇ hpaˍ hta‸ dawˇ nawˇ chehˇ ve hta‸ yawˇ hui maˇ dawˇ shiˍ puiˉ. Chi beu‸ htawˇ yawˇ hui ve venˇbaˆ teˇ hpaˍ, yawˇ hui hta‸ caw zuhˇ chehˇ taˍ leh, venˇbaˆ oˇ ve teˇ hpaˍ hta‸ ngaˬ mawˬ chehˇ taˍ ve yoˬ, teh‸ Gʼuiˬsha kʼoˆ ve yoˬ.
Hawˉ yehˬ hkʼaw maˇ hteˇ maˇ cawˇ ve
3Gʼuiˬsha kʼoˆ ve, Chaw yaˇ teˇ hpaˍ lehˬ yawˇ hui ve jawˇmawˇ leh a ma‸ lonˉ teˇ hpaˍ hta‸ kʼaw‸ hpfuhˆ tuˬ hkʼawˇ jehˬ da‸ chehˇ ve yoˬ. 4Yawˇ hui lehˬ ka ti‸ maˇ yeˬ ve chaw teˇ hpaˍ hpeh‸ ve yoˬ. Yawˇ hui shu hta‸ canˇ ve nyi ma lehˬ, hkaoˍmonˇ te shehˍ hpaˇ teˇ gʼaˇ hkaoˍmonˇ maˇ ciˇ la sheˍ ve ceh ceh, aˬ miˍ maˇ gu ceh piˇ ve pa taw, mvuhˇ hkʼawˇ du du te to‸ chehˇ ve aˬ miˍ hkʼe hpeh‸ ve yoˬ. 5Jawˇmawˇ pawehˇ te ve awˬ nyi gaˬ htaˇ, yawˇ hui lehˬ jawˇmawˇ leh yawˇ ve a ma‸ lonˉ teˇ hpaˍ hta‸ a pehˉ meuˇ gʼuiˬ taw piˇ leh, yawˇ hui hta‸ bvuhˆ gʼuˇ tuˬ te piˇ ve yoˬ. 6Yawˇ hui lehˬ shu hta‸ te luˬ piˇ tuˬ, aˬ miˍ hkʼa shuˍ to‸ chehˇ ve yoˬ. Teˇ haˉ le le yawˇ hui nyi ma zuhˆ ve teˇ ceuˬ uiˍ la maˇ la chehˇ leh, mvuhˇ shawˉ htaˇ yawˇ hui nyi ma zuhˆ ve oˇ ve aˬ miˍ hkʼa shuˍ to‸ tawˆ la ve yoˬ.
7Nyi ma zuhˆ jaˇ ve hkʼaw, yawˇ hui lehˬ yawˇ hui ve jawˇmawˇ teˇ hpaˍ hta‸ tiˇ pehˍ ve yoˬ. Yawˇ hui ve jawˇmawˇ teˇ hpaˍ lehˬ, teˇ gʼaˇ peuˬ teˇ gʼaˇ tiˇ pehˍ ve hta‸ gʼa hkanˍ ve yoˬ. Ya‸ hkʼaˇ, chaw teˇ gʼaˇ ka‸ ngaˬ geh bon maˇ lawˬ, teh‸ Gʼuiˬsha kʼoˆ ve yoˬ.
Iˉsaˍreˍlaˆ leh awˬ nu ve chaw ceuˬ teˇ hpaˍ
8Gʼuiˬsha kʼoˆ ve, Iˉsaˍreˍlaˆ chaw teˇ hpaˍ lehˬ, hkʼa deh‸ maˇ meh da‸ ve hkaoˍmonˇ hkʼe hpeh‸ve yoˬ. Yawˇ hui lehˬ, awˬ paˇ awˬ kui lo chehˇ ve awˬ nu ve chaw ceuˬ teˇ hpaˍ hta‸ gʼaˇ va ve yoˬ. 9Yawˇ hui chi hkʼe te ve pa taw, awˬ gʼaˇ awˬ shaˉ nuˇ kʼai chehˇ ve hta‸ yawˇ hui maˇ shiˍ maˇ jawˬ. Yawˇ hui ve awˬ nyi awˬ haˉ teˇ hpaˍ hta‸ gʼaw nyi taˍ peuˬ. Ya‸ hkʼaˇ, yawˇ hui lehˬ chi hta‸ htawˇ maˇ shiˍ maˇ jawˬ. 10Iˉsaˍreˍlaˆ chaw hui caˆ muiˬ puiˉ jaˇ leh, caˆ muiˬ puiˉ ve nyi ma oˇ ve yawˇ hui hta‸venˇbaˆ kʼaw‸ taˍ piˇ chehˇ ve yoˬ. Hkʼaˬ hkʼe hpeh‸ ve htawˇ, yawˇ hui ngaˬ geh maˇ kʼaw‸ hpfuhˆ kaw‸ la. 11Iˉsaˍreˍlaˆ chaw hui lehˬ, ngaˆ ehˉ hkʼa shuˍ choˬ kʼai oˇ kʼai tiˉ te chehˇ ve yoˬ. Yawˇ hui hta‸ ga laˇ tuˬEˇjiˇtu‸ chaw leh Aˍsuˇriˆ chaw hui hta‸ yawˇ hui gʼaˇ va chehˇ ve yoˬ. 12Ngaˆ ehˉ teˇ hkeh hta‸ va htaw yuˬ ve hkʼe, ngaˬ yawˇ hui hta‸ htaw yuˬ tuˬ yoˬ. Yawˇ hui te taˍ ve haiˬ ve kanˉ teˇ hpaˍ hta‸ pa taw, ngaˬ yawˇ hui hta‸ ciˍ yanˍ piˇ tuˬ yoˬ.
13Yawˇ hui gʼa luˬ gʼa sheˆ ve yoˬ. Yawˇ hui ngaˬ hta‸ kʼaw‸ hpfuhˆ leh, ngaˬ hta‸ baˬ taˉ peuˬ. Chi hta‸ pa taw, yawˇ hui gʼa luˬ gʼa sheˆ tuˬ yoˬ. Ngaˬ yawˇ hui hta‸ ponˬ piˇ gaˇ ve htawˇ, yawˇ hui ngaˬ hta‸ oˉ kʼoˍ pui ve awˬ hkʼaˇ ya‸ jaˇ chehˇ ve yoˬ. 14Yawˇ hui lehˬ nyi ma awˬ tawˬ hkʼa gaˬ ngaˬ geh bon maˇ lawˬ. Ya‸ hkʼaˇ, yawˇ hui lehˬ buiˇ shaˆaˉnaˆ chaw hkʼa shuˍ miˬ chaˇ hkʼoˆ lo paˍ zuh‸ taˍ leh hkʼanˇ chehˇ ve yoˬ. Yawˇ hui lehˬ, caˬ shiˍ leh a pehˉ meuˇ gʼuiˬ awˬ pon bon lawˬ ve teˇ yanˇ, buiˇshaˆaˉnaˆ chaw hkʼa shuˍ a shu yawˇ awˬ to hta‸ naˬ tuˬ te chehˇ ve yoˬ. Yawˇ hui lehˬ chaw hpfuhˆ teˇ hpaˍ hpeh‸ ve yoˬ. 15Ngaˬ yawˇ hui hta‸ ha‸ shaˉ piˇ taˍ leh, yawˇ hui hta‸ awˬ gʼaˇ uiˍ la piˇ taˍ ve htawˇ, yawˇ hui ngaˬ hta‸ kʼaw‸ hpfuhˆ ve yoˬ. 16Yawˇ hui ngaˬ hta‸ baˬ taˉ leh, te‸ chiˉ kanˇ paˆ maˇ cawˬ ve gʼuiˬsha teˇ hpaˍ geh kʼai ve yoˬ. Kʼaw‸ ve hkaˆ ce hta‸ yonˍ maˇ hpeh‸ ve hkʼe, yawˇ hui lehˬ yonˍ maˇ gʼa ve chaw teˇ hpaˍ hpeh‸ ve yoˬ. Yawˇ hui ve awˬ hoˉ awˬ naˬ teˇ hpaˍ lehˬ, tawˇ uiˍ tawˇ mvuh yaw ve pa taw, tiˇ pehˍ ve hta‸ gʼa hkanˍ leh, Eˇjiˇtu‸ chaw teˇ hpaˍ gʼuiˬ tuˬ yoˬ, teh‸ Gʼuiˬsha kʼoˆ ve yoˬ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.