Hawˇseˍ li‸ 10
10
1Iˉsaˍreˍlaˆ chaw teˇ hpaˍ lehˬ, awˬ shiˍ hkʼa biˇ naw‸ chehˇ ve a pehˉ meuˇ te hta‸ shuˍ ve yoˬ. Yawˇ hui ve chaw leuˉ leh maˇ la ve kʼo, tuˉ tanˇ kuiˬ teˇ hpaˍ hta‸ yawˇ hui leuˉ leh kʼaw‸ te ve yoˬ. Yawˇ hui awˬ shiˍ awˬ nu leuˉ leh gʼa maˇ ve kʼo, yawˇ hui oˉ kʼoˍ pui kuiˬ da‸ kehˬ ve haˉ pui hkuiˉ daw hta‸ leuˉ leh kʼaw‸ te ve yoˬ. 2Yawˇ hui ve nyi ma kʼaw‸ jaˇ ve yoˬ. Yawˇ hui ve venˇbaˆ hta‸ pa taw, chi beu‸ yawˇ hui gʼa hkanˍ tuˬ yoˬ. Gʼuiˬsha lehˬ yawˇ hui ve tuˉ tanˇ kuiˬ teˇ hpaˍ leh, yawˇ hui ve da‸ kehˬ ve haˉ pui hkuiˉ daw teˇ hpaˍ hta‸ te luˬ piˇ tuˬ yoˬ.
3Maˇ maw maw kʼo chaw chi teˇ hpaˍ chi hkʼe gʼa kʼoˆ tuˬ yoˬ. Ngaˬ hui lehˬ Gʼuiˬsha hta‸ maˇ kawˆ ve pa taw, ngaˬ hui jawˇmawˇ maˇ cawˬ-o. Ya‸ hkʼaˇ, jawˇmawˇ cawˬ ve htawˇ yawˇ ngaˬ hui hta‸ aˬ hto‸ ma te laˇ gʼa tuˬ le, teh‸ kʼoˆ tuˬ yoˬ. 4Yawˇ hui lehˬ tawˇ maˇ shaˉ maˇ ve chaw hpeh‸ leh, te‸ chiˉ awˬ bon maˇ cawˬ leh maˇ hteˇ maˇ cawˇ ve ka ti‸ te chehˇ ve yoˬ. Hteˇ ve cawˇ ve lehˬ maˇ hteˇ maˇ cawˇ ve awˬ ceuˬ kʼaw‸ hpeh la leh, ti mi hkʼaw yeˬ chehˇ ve awˬ taw‸ ma cawˬ ve mvuh‸ hkʼa shuˍ hpeh‸ ve yoˬ.
5Saˍmaˍriˆ mvuhˇmiˬ hkʼaw chehˇ ve chaw hui kawˆ jaˇ leh, Beˍteˍlaˆ venˇ hkʼaw cawˬ ve shi nuˇ shaˉ ho‸ luˬ kʼai ve pa taw paˆ hawˬ kehˇ hawˬ chehˇ tuˬ yoˬ. Yawˇ hui leh paw hkuˇ teˇ hpaˍ lehˬ, shaˉ ho‸ oˇ ve hta‸ oˍ taˍ ve shi hta‸ shu dawˆ paˆ piˇ ve teˇ yanˇ, hkʼanˇ chehˇ tuˬ yoˬ. 6Shaˉ ho‸ oˇ ve hta‸ shu Aˍsuˇriˆ mvuhˇmiˬ lo yuˬ kʼai leh, jawˇmawˇ lonˉ hta‸ ca tanˇ piˇ tuˬ yoˬ. Iˉsaˍreˍlaˆ chaw hui lehˬ, shu maˍ piˇ ve tawˇ hta‸ na yuˬ leh te chehˇ ve pa taw, yawˇ hui ve awˬ me‸ awˬ hponˇ luˬ kʼai leh gʼa ya‸ taw tuˬ yoˬ. 7Yawˇ hui ve jawˇmawˇ lehˬ iˉ kaˆ awˬ fuˇ hkʼa shuˍ mehˉ kʼai tuˬ yoˬ. 8Iˉsaˍreˍlaˆ chaw hui shaˉ ho‸ hta‸ oˉ kʼoˍ pui chehˇ ve cha‸ chiˆ ve chehˇ kuiˬ oˇ ve teˇ hpaˍ luˬ kʼai sheˆ kʼai tuˬ yoˬ. Yawˇ hui ve tuˉ tanˇ kuiˬ teˇ hpaˍ awˬ hkʼoˆ lo, mvuh‸ leh aˉ chuˇ buiˇ yeˬ tawˆ la tuˬ yoˬ. Chaw oˇ ve teˇ hpaˍ lehˬ, Ngaˬ hui hta‸ yuˬ faˉ taˍ laˇ-oˆ. Ngaˬ hui hta‸ hoˆ beh taˍ laˇ-oˆ, teh‸ hkʼaw teˇ hpaˍ hta‸ kʼoˆ piˇ tuˬ yoˬ.
Iˉsaˍreˍlaˆ chaw hta‸ Gʼuiˬsha suhˉ jehˬ ve
9Gʼuiˬsha kʼoˆ ve, Iˉsaˍreˍlaˆ chaw lehˬ Giˇbaˍ venˇ hkʼaw yawˇ hui venˇbaˆ tanˬ te ve teˇ nyi hta‸ te leh ya‸ nyi hkʼa gaˬ, venˇbaˆ hta‸ ceh tiˉ te tcuhˉ taˍ ve yoˬ. Chi hta‸ pa taw, Giˇbaˍ venˇ hkʼaw ma‸ lonˉ hpeh‸ la tuˬ yoˬ. 10Venˇbaˆ uiˍ ve chaw chi teˇ hpaˍ hta‸ ngaˬ ciˍ yanˍ leh te luˬ te sheˆ piˇ tuˬ yoˬ. Awˬ nu ve chaw ceuˬ teˇ hpaˍ yawˇ hui hta‸ ga hpoˆ bawˆ leh yawˇ hui venˇbaˆ cawˬ maˇ jaˇ ve pa taw gʼa luˬ gʼa sheˆ kʼai tuˬ yoˬ.
11Teˇ pawˆ htaˇ, Iˉsaˍreˍlaˆ chaw teˇ hpaˍ lehˬ, caˬ naˆ tuˬ awˬ pon hkʼa deh‸ caw taˍ ve nuˇ ma haˉ hta‸ shuˍ ve yoˬ. Ya‸ hkʼaˇ, da‸ jaˇ ve yawˇ ve kʼawˍ peˍ hkʼoˆ lo ngaˬ ehˉ kʼaweh‸ pfuhˍ piˇ leh haˍ jaˇ hkeu‸ jaˇ ve kanˉ te tcuh tuˬ ngaˬ dawˇ cheˆ taˍ peuˬ. Yuˇda‸ chaw hui hta‸ ngaˬ ti mi mehˇ tuˬ gʼawˬ tcuh leh, Iˉsaˍreˍlaˆ chaw hui hta‸ ngaˬ ti mi kaˆ tuˬ gʼawˬ tcuh ve yoˬ. 12Nawˬ hui awˬ pon miˬguiˬ awˬ suhˉ hta‸ mehˇ-oˆ. Hteˇ ve cawˇ ve awˬ shiˍ awˬ nu hta‸ gʼeu‸ yuˬ-o‸. Chi beu‸ nawˬ ve Gʼuiˬsha geh kʼaw‸ hpfuhˆ kʼaw‸ la yanˇ gaˬ peuˬ. Nawˬ hui oˇ hkʼe te ve kʼo, ngaˬ nawˬ hui geh laˬ leh nawˬ hui hta‸ awˬ bon na‸ laˇ tuˬ yoˬ, teh‸ ngaˬ kʼoˆ ve yoˬ. 13Ya‸ hkʼaˇ, nawˬ hui lehˬ hai ve awˬ yawˇ hta‸ sheˍ leh, haiˬ ve awˬ shiˍ hta‸ gʼeu‸ yuˬ chehˇ ve yoˬ. Nawˬ hui heˍ leh gʼa taˍ ve awˬ shiˍ awˬ nu teˇ hpaˍ hta‸ caˇ chehˇ ve yoˬ.
Nawˬ hui lehˬ, nawˬ hui geh cawˬ taˍ ve iˉ mvuhˇ lawˬ leh, ma‸ yaˇ teˇ hpaˍ hta‸ ceh tiˉ gʼaˇ va chehˇ ve pa taw, 14nawˬ hui ve mvuhˇmiˬ hkʼaw ma‸ lonˉ hpeh‸ la leh, nawˬ hui ve venˇ hkʼa peu-eˬ luˬ kʼai sheˆ kʼai tuˬ yoˬ. Jawˇmawˇ lonˉ Sawˉla‸monˍ lehˬ, Beˍtaˍbeˍlaˆ venˇ hta‸ te luˬ piˇ leh, yaˇ miˇ yaˇ nehˬ hkʼa peu-eˬ ve hta‸ tiˇ pehˍ piˇ ve hkʼe, nawˬ hui ve mvuhˇmiˬ hkʼaw lo htawˇ oˇ hkʼe hpeh‸ la tuˬ yoˬ. 15Beˍteˍlaˆ chaw teˇ hpaˍ-oˬ, nawˬ hui lehˬ venˇbaˆ uiˍ jaˇ ve pa taw, awˬceuˬ oˇ ve teˇ hpaˍ nawˬ hui awˬ hkʼoˆ lo gaˬ la tuˬ yoˬ. Ma‸ tanˬ hpeh‸ la ve teˇ nyi htaˇ Iˉsaˍreˍlaˆ ve jawˇmawˇ gʼa suh-e tuˬ yoˬ, teh‸ Gʼuiˬsha kʼoˆ ve yoˬ.
Currently Selected:
Hawˇseˍ li‸ 10: LHBE
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Hawˇseˍ li‸ 10
10
1Iˉsaˍreˍlaˆ chaw teˇ hpaˍ lehˬ, awˬ shiˍ hkʼa biˇ naw‸ chehˇ ve a pehˉ meuˇ te hta‸ shuˍ ve yoˬ. Yawˇ hui ve chaw leuˉ leh maˇ la ve kʼo, tuˉ tanˇ kuiˬ teˇ hpaˍ hta‸ yawˇ hui leuˉ leh kʼaw‸ te ve yoˬ. Yawˇ hui awˬ shiˍ awˬ nu leuˉ leh gʼa maˇ ve kʼo, yawˇ hui oˉ kʼoˍ pui kuiˬ da‸ kehˬ ve haˉ pui hkuiˉ daw hta‸ leuˉ leh kʼaw‸ te ve yoˬ. 2Yawˇ hui ve nyi ma kʼaw‸ jaˇ ve yoˬ. Yawˇ hui ve venˇbaˆ hta‸ pa taw, chi beu‸ yawˇ hui gʼa hkanˍ tuˬ yoˬ. Gʼuiˬsha lehˬ yawˇ hui ve tuˉ tanˇ kuiˬ teˇ hpaˍ leh, yawˇ hui ve da‸ kehˬ ve haˉ pui hkuiˉ daw teˇ hpaˍ hta‸ te luˬ piˇ tuˬ yoˬ.
3Maˇ maw maw kʼo chaw chi teˇ hpaˍ chi hkʼe gʼa kʼoˆ tuˬ yoˬ. Ngaˬ hui lehˬ Gʼuiˬsha hta‸ maˇ kawˆ ve pa taw, ngaˬ hui jawˇmawˇ maˇ cawˬ-o. Ya‸ hkʼaˇ, jawˇmawˇ cawˬ ve htawˇ yawˇ ngaˬ hui hta‸ aˬ hto‸ ma te laˇ gʼa tuˬ le, teh‸ kʼoˆ tuˬ yoˬ. 4Yawˇ hui lehˬ tawˇ maˇ shaˉ maˇ ve chaw hpeh‸ leh, te‸ chiˉ awˬ bon maˇ cawˬ leh maˇ hteˇ maˇ cawˇ ve ka ti‸ te chehˇ ve yoˬ. Hteˇ ve cawˇ ve lehˬ maˇ hteˇ maˇ cawˇ ve awˬ ceuˬ kʼaw‸ hpeh la leh, ti mi hkʼaw yeˬ chehˇ ve awˬ taw‸ ma cawˬ ve mvuh‸ hkʼa shuˍ hpeh‸ ve yoˬ.
5Saˍmaˍriˆ mvuhˇmiˬ hkʼaw chehˇ ve chaw hui kawˆ jaˇ leh, Beˍteˍlaˆ venˇ hkʼaw cawˬ ve shi nuˇ shaˉ ho‸ luˬ kʼai ve pa taw paˆ hawˬ kehˇ hawˬ chehˇ tuˬ yoˬ. Yawˇ hui leh paw hkuˇ teˇ hpaˍ lehˬ, shaˉ ho‸ oˇ ve hta‸ oˍ taˍ ve shi hta‸ shu dawˆ paˆ piˇ ve teˇ yanˇ, hkʼanˇ chehˇ tuˬ yoˬ. 6Shaˉ ho‸ oˇ ve hta‸ shu Aˍsuˇriˆ mvuhˇmiˬ lo yuˬ kʼai leh, jawˇmawˇ lonˉ hta‸ ca tanˇ piˇ tuˬ yoˬ. Iˉsaˍreˍlaˆ chaw hui lehˬ, shu maˍ piˇ ve tawˇ hta‸ na yuˬ leh te chehˇ ve pa taw, yawˇ hui ve awˬ me‸ awˬ hponˇ luˬ kʼai leh gʼa ya‸ taw tuˬ yoˬ. 7Yawˇ hui ve jawˇmawˇ lehˬ iˉ kaˆ awˬ fuˇ hkʼa shuˍ mehˉ kʼai tuˬ yoˬ. 8Iˉsaˍreˍlaˆ chaw hui shaˉ ho‸ hta‸ oˉ kʼoˍ pui chehˇ ve cha‸ chiˆ ve chehˇ kuiˬ oˇ ve teˇ hpaˍ luˬ kʼai sheˆ kʼai tuˬ yoˬ. Yawˇ hui ve tuˉ tanˇ kuiˬ teˇ hpaˍ awˬ hkʼoˆ lo, mvuh‸ leh aˉ chuˇ buiˇ yeˬ tawˆ la tuˬ yoˬ. Chaw oˇ ve teˇ hpaˍ lehˬ, Ngaˬ hui hta‸ yuˬ faˉ taˍ laˇ-oˆ. Ngaˬ hui hta‸ hoˆ beh taˍ laˇ-oˆ, teh‸ hkʼaw teˇ hpaˍ hta‸ kʼoˆ piˇ tuˬ yoˬ.
Iˉsaˍreˍlaˆ chaw hta‸ Gʼuiˬsha suhˉ jehˬ ve
9Gʼuiˬsha kʼoˆ ve, Iˉsaˍreˍlaˆ chaw lehˬ Giˇbaˍ venˇ hkʼaw yawˇ hui venˇbaˆ tanˬ te ve teˇ nyi hta‸ te leh ya‸ nyi hkʼa gaˬ, venˇbaˆ hta‸ ceh tiˉ te tcuhˉ taˍ ve yoˬ. Chi hta‸ pa taw, Giˇbaˍ venˇ hkʼaw ma‸ lonˉ hpeh‸ la tuˬ yoˬ. 10Venˇbaˆ uiˍ ve chaw chi teˇ hpaˍ hta‸ ngaˬ ciˍ yanˍ leh te luˬ te sheˆ piˇ tuˬ yoˬ. Awˬ nu ve chaw ceuˬ teˇ hpaˍ yawˇ hui hta‸ ga hpoˆ bawˆ leh yawˇ hui venˇbaˆ cawˬ maˇ jaˇ ve pa taw gʼa luˬ gʼa sheˆ kʼai tuˬ yoˬ.
11Teˇ pawˆ htaˇ, Iˉsaˍreˍlaˆ chaw teˇ hpaˍ lehˬ, caˬ naˆ tuˬ awˬ pon hkʼa deh‸ caw taˍ ve nuˇ ma haˉ hta‸ shuˍ ve yoˬ. Ya‸ hkʼaˇ, da‸ jaˇ ve yawˇ ve kʼawˍ peˍ hkʼoˆ lo ngaˬ ehˉ kʼaweh‸ pfuhˍ piˇ leh haˍ jaˇ hkeu‸ jaˇ ve kanˉ te tcuh tuˬ ngaˬ dawˇ cheˆ taˍ peuˬ. Yuˇda‸ chaw hui hta‸ ngaˬ ti mi mehˇ tuˬ gʼawˬ tcuh leh, Iˉsaˍreˍlaˆ chaw hui hta‸ ngaˬ ti mi kaˆ tuˬ gʼawˬ tcuh ve yoˬ. 12Nawˬ hui awˬ pon miˬguiˬ awˬ suhˉ hta‸ mehˇ-oˆ. Hteˇ ve cawˇ ve awˬ shiˍ awˬ nu hta‸ gʼeu‸ yuˬ-o‸. Chi beu‸ nawˬ ve Gʼuiˬsha geh kʼaw‸ hpfuhˆ kʼaw‸ la yanˇ gaˬ peuˬ. Nawˬ hui oˇ hkʼe te ve kʼo, ngaˬ nawˬ hui geh laˬ leh nawˬ hui hta‸ awˬ bon na‸ laˇ tuˬ yoˬ, teh‸ ngaˬ kʼoˆ ve yoˬ. 13Ya‸ hkʼaˇ, nawˬ hui lehˬ hai ve awˬ yawˇ hta‸ sheˍ leh, haiˬ ve awˬ shiˍ hta‸ gʼeu‸ yuˬ chehˇ ve yoˬ. Nawˬ hui heˍ leh gʼa taˍ ve awˬ shiˍ awˬ nu teˇ hpaˍ hta‸ caˇ chehˇ ve yoˬ.
Nawˬ hui lehˬ, nawˬ hui geh cawˬ taˍ ve iˉ mvuhˇ lawˬ leh, ma‸ yaˇ teˇ hpaˍ hta‸ ceh tiˉ gʼaˇ va chehˇ ve pa taw, 14nawˬ hui ve mvuhˇmiˬ hkʼaw ma‸ lonˉ hpeh‸ la leh, nawˬ hui ve venˇ hkʼa peu-eˬ luˬ kʼai sheˆ kʼai tuˬ yoˬ. Jawˇmawˇ lonˉ Sawˉla‸monˍ lehˬ, Beˍtaˍbeˍlaˆ venˇ hta‸ te luˬ piˇ leh, yaˇ miˇ yaˇ nehˬ hkʼa peu-eˬ ve hta‸ tiˇ pehˍ piˇ ve hkʼe, nawˬ hui ve mvuhˇmiˬ hkʼaw lo htawˇ oˇ hkʼe hpeh‸ la tuˬ yoˬ. 15Beˍteˍlaˆ chaw teˇ hpaˍ-oˬ, nawˬ hui lehˬ venˇbaˆ uiˍ jaˇ ve pa taw, awˬceuˬ oˇ ve teˇ hpaˍ nawˬ hui awˬ hkʼoˆ lo gaˬ la tuˬ yoˬ. Ma‸ tanˬ hpeh‸ la ve teˇ nyi htaˇ Iˉsaˍreˍlaˆ ve jawˇmawˇ gʼa suh-e tuˬ yoˬ, teh‸ Gʼuiˬsha kʼoˆ ve yoˬ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.