Heˍbrehˇ li‸ 2
2
Uiˍ jaˇ ve htaiˍ hkʼaw‸ ve
1Chi hta‸ pa taw, ngaˬ hui gʼa kaˇ taˍ peuˬ ve tawˇ hkawˇ teˇ hpaˍ awˬ hkʼaw lo maˇ gʼa jiˆ tawˆ-e tuˬ, tawˇ hkawˇ oˇ ve teˇ hpaˍ hta‸ leuˉ leh hkʼa deh‸ na yuˬ-o‸. 2Mvuhˇ naw ma tcuh yaˇ hui hta‸ Gʼuiˬsha kʼoˆ tcuh ve tawˇ hkawˇ teˇ hpaˍ cawˇ ve pa taw, tawˇ hkawˇ oˇ ve teˇ hpaˍ hta‸ te ya‸ leh maˇ na yuˬ ve teˇ ceuˬ le le hta‸ keunˍ da‸ ve hkʼe yawˇ ciˍ yanˍ piˇ ve yoˬ. 3Hkʼe te leh, uiˍ jaˇ ve htaiˍ hkʼaw‸ ve chi hta‸ ngaˬ hui maˇ ha‸ yuˬ ve kʼo, ngaˬ hui hkʼaˬ hkʼe te ponˬ hpeh‸ tuˬ le. Htaiˍ hkʼaw‸ ve awˬ lawn chi awˬ hkuiˉ puiˍ htaˇ ka‸ Jawˇmawˇ Yeˍsuˆ kʼoˆ taˍ leh, gʼa kaˇ ve chaw hui lehˬ, Awˬ lawn chi awˬ tehˬ awˬ na cawˇ ve yoˬ teh‸, ngaˬ hui hta‸ kʼaw‸ kʼoˆ laˇ ve yoˬ. 4Gʼuiˬsha htawˇ, awˬ heˆ leh anˇ tuˬ teˇ hpaˍ awˬ hkʼaw lo maˇ kʼoˆ, kanˇ paˆ uiˍ ve kanˉ teˇ hpaˍ awˬ hkʼaw lo maˇ kʼoˆ, yawˇ ve a loˍ cawˇ ve hkʼe da‸ ve kehˬ ve Awˬ ha hpu ve la‸ shawnˍ teˇ hpaˍ pehˬ piˇ ve awˬ hkʼaw lo maˇ kʼoˆ, yawˇ hui geh teˇ geh shaˉ hkiˆ hkanˍ ve yoˬ.
Htaiˍ hkʼaw‸ piˇ leh sheh kʼai piˇ shehˍ hpaˇ
5Awˬ lawn kʼo, chi beu‸ ngaˬ hui kʼoˆ chehˇ ve, awˬ hkʼaw‸ nawˉ cawˬ la tuˬ ve miˬ guiˬ chi hta‸ mvuhˇ naw ma tcuh yaˇ hui awˬ hawˉ lo yawˇ teh taˍ ve maˇ heˆ. 6Li‸ hpu teˇ kaˬ awˬ hkʼaw lo chaw teˇ gʼaˇ chi hkʼe shaˉ hkiˆ hkanˍ leh kʼoˆ ve,
Nawˬ chaw yaˇ hta‸ dawˇ nyi tuˬ, chaw yaˇ lehˬ aˬ hto‸ ma hpeh‸ ve le.
Nawˬ chaw yaˇ ve yaˇ hta‸ nyi ha‸ shaˉ tuˬ, chaw yaˇ ve yaˇ lehˬ aˬ hto‸ ma hpeh‸ ve le.
7Nawˬ yawˇ hta‸ mvuhˇ naw ma tcuh yaˇ teˇ hpaˍ awˬ hawˉ lo a ciˉ ceh tiˉ nehˬ piˇ leh,
da‸ ve awˬ meh leh awˬ me‸ awˬ hponˇ, shi uˉ tcuhˍ hkʼe nawˬ yawˇ ve oˉ kʼoˍ hta‸ hkʼawˆ piˇ taˍ peuˬ.
8Awˬ ceuˬ hkʼa peu-eˬ yawˇ ve
hkui taw kʼaw awˬ hawˉ lo nawˬ teh taˍ peuˬ,
teh‸ kʼoˆ taˍ ve yoˬ. #Chi 8:4-6 Yawˇ awˬ hawˉ lo awˬ ceuˬ hkʼa peu-eˬ hta‸ teh taˍ ve teh‸ kʼoˆ ve teˇ yanˇ, yawˇ awˬ hawˉ lo maˇ teh taˍ ve teˇ ceuˬ ka‸ maˇ cawˬ. Ya‸ hkʼaˇ, yawˇ awˬ hawˉ lo awˬ ceuˬ hkʼa peu-eˬ teh taˍ ve hta‸ chi beu‸ ngaˬ hui maˇ gʼa mawˬ sheˍ. 9Ya‸ hkʼaˇ, ngaˬ hui Yeˍsuˆ hta‸ gʼa mawˬ ve yoˬ. Yawˇ hta‸ mvuhˇ naw ma tcuh yaˇ teˇ hpaˍ awˬ hawˉ lo a ciˉ ceh tiˉ nehˬ piˇ leh, suh ve awˬ hkʼaw lo gʼa tu‸ gʼa hkanˍ ve pa taw, da‸ ve awˬ meh leh awˬ me‸ awˬ hponˇ, shi uˉ tcuhˍ hkʼe yawˇ hta‸ hkʼawˆ piˇ taˍ ve yoˬ. Gʼuiˬsha ve awˬ bon hta‸ pa taw, chaw hkʼa peu-eˬ awˬ pon suh ve hta‸ yawˇ gʼa hkanˍ ve yoˬ.
10Awˬ lawn kʼo, Gʼuiˬsha lehˬ awˬ yaˇ awˬ duˬ maˇ maˇ hta‸ awˬ me‸ awˬ hponˇ cawˬ kuiˬ lo shiˍ kʼai ve teˇ yanˇ, yawˇ hui hta‸ htaiˍ hkʼaw‸ leh sheh kʼai piˇ shehˍ hpaˇ lehˬ, tu‸ ve hkanˍ ve awˬ hkʼaw lo biˇ la tuˬ yawˇ te piˇ ve teˇ ceuˬ lehˬ cawˇ ve yoˬ. Awˬ ceuˬ hkʼa peu-eˬ Gʼuiˬsha awˬ pon hpeh‸ leh, yawˇ hta‸ pa taw awˬ ceuˬ chi hkʼa peu-eˬ hpeh‸ la ve yoˬ.
11Awˬ lawn kʼo, da‸ piˇ kehˬ piˇ shehˍ hpaˇ leh, yawˇ da‸ piˇ kehˍ piˇ ve chaw teˇ hpaˍ lehˬ, teˇ gʼaˇ awˬ hkʼaw lo ceh tiˉ hpeh‸ tawˆ la ve yoˬ. Chi hta‸ pa taw, yawˇ hui hta‸ awˬ viˉ awˬ nyi teh‸ kʼoˆ tuˬ yawˇ maˇ ya‸ taw. 12Yawˇ kʼoˆ ve,
Nawˬ ve awˬ meh ngaˬ ve awˬ viˉ awˬ nyi teˇ hpaˍ hta‸ ngaˬ kʼaoˍ maˍ piˇ tuˬ yoˬ.
Hpawnˬ da‸ kuiˬ awˬ kʼaw ji lo ngaˬ nawˬ hta‸ kʼa muiˬ chiˇ mvuh tuˬ yoˬ.#Chi 22:22
13Yawˇ teˇ pawˆ kʼaw‸ kʼoˆ ve, Yawˇ hta‸ ngaˬ gʼaˇ va tuˬ yoˬ.#Isy 8:17-18
Peuˬ leh teˇ pawˆ kʼaw‸ kʼoˆ ve, Nyi loˬ, ngaˬ leh Gʼuiˬsha
ngaˬ hta‸ pe‸ laˇ ve awˬ yaˇ awˬ duˬ teˇ hpaˍ choˬ kaˬ lo chehˇ ve yoˬ,
teh‸ yawˇ kʼoˆ taˍ ve yoˬ.#Yoh 17:6
14Hkʼe te leh, awˬ yaˇ awˬ duˬ oˇ ve teˇ hpaˍ awˬ suhˍ awˬ shaˍ pfuhˇ ve pa taw, yawˇ htawˇ oˇ ve hkʼa shuˍ shuˍ awˬ suhˍ awˬ shaˍ pfuhˇ ve yoˬ. Aˬ hto‸ ma pa taw le teh‸ kʼoˆ kʼo, yawˇ suh ve awˬ hkʼaw lo, suh ve teˇ ceuˬ awˬ hkʼoˆ kanˇ paˆ cawˬ ve neˇhaiˬ hta‸ te luˬ tuˬ maˇ kʼoˆ, 15suh ve hta‸ kawˆ ve pa taw, te‸ chehˇ ve teˇ co-e awˬ hkʼaw lo awˬ ceˬ gʼa te chehˇ ve chaw hui hta‸ ponˬ piˇ tuˬ maˇ kʼoˆ, yawˇ awˬ suhˍ awˬ shaˍ pfuhˇ ve yoˬ. 16Awˬ lawn kʼo, mvuhˇ naw ma tcuh yaˇ hui hta‸ ga piˇ tuˬ awˬ pon yawˇ laˬ ve maˇ heˆ. Awˬ tehˬ awˬ na kʼoˆ kʼo, Aˍbraˍhanˍ ve awˬ ceuˬ awˬ hkʼaˇ hta‸ ga piˇ tuˬ awˬ pon laˬ ve yoˬ. 17Hkʼe te leh, yawˇ lehˬ Gʼuiˬsha awˬ pon kanˉ te ve awˬ hkʼaw lo, ha kʼaˉ puiˉ jaˇ leh ka ti‸ yeˬ ve paw hkuˇ lonˉ hpeh‸ leh, chaw yaˇ hui ve venˇbaˆ hta‸ hpehˇ hkʼa tuˬ awˬ pon yawˇ awˬ to tanˇ hpeh‸ tuˬ, teˇ ceuˬ le le awˬ hkʼaw lo yawˇ ve awˬ viˉ awˬ nyi hui hkʼa shuˍ shuˍ yawˇ gʼa hpeh‸ la ve yoˬ. 18Awˬ lawn kʼo, yawˇ awˬ to tu‸ ve hkanˍ ve leh beˬ ve lawˇ ve hta‸ gʼa hkanˍ jaw peuˬ ve pa taw, beˬ ve lawˇ ve hta‸ gʼa hkanˍ ve chaw hui hta‸ yawˇ ga piˇ hpeh‸ ve yoˬ.
Currently Selected:
Heˍbrehˇ li‸ 2: LHBE
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Heˍbrehˇ li‸ 2
2
Uiˍ jaˇ ve htaiˍ hkʼaw‸ ve
1Chi hta‸ pa taw, ngaˬ hui gʼa kaˇ taˍ peuˬ ve tawˇ hkawˇ teˇ hpaˍ awˬ hkʼaw lo maˇ gʼa jiˆ tawˆ-e tuˬ, tawˇ hkawˇ oˇ ve teˇ hpaˍ hta‸ leuˉ leh hkʼa deh‸ na yuˬ-o‸. 2Mvuhˇ naw ma tcuh yaˇ hui hta‸ Gʼuiˬsha kʼoˆ tcuh ve tawˇ hkawˇ teˇ hpaˍ cawˇ ve pa taw, tawˇ hkawˇ oˇ ve teˇ hpaˍ hta‸ te ya‸ leh maˇ na yuˬ ve teˇ ceuˬ le le hta‸ keunˍ da‸ ve hkʼe yawˇ ciˍ yanˍ piˇ ve yoˬ. 3Hkʼe te leh, uiˍ jaˇ ve htaiˍ hkʼaw‸ ve chi hta‸ ngaˬ hui maˇ ha‸ yuˬ ve kʼo, ngaˬ hui hkʼaˬ hkʼe te ponˬ hpeh‸ tuˬ le. Htaiˍ hkʼaw‸ ve awˬ lawn chi awˬ hkuiˉ puiˍ htaˇ ka‸ Jawˇmawˇ Yeˍsuˆ kʼoˆ taˍ leh, gʼa kaˇ ve chaw hui lehˬ, Awˬ lawn chi awˬ tehˬ awˬ na cawˇ ve yoˬ teh‸, ngaˬ hui hta‸ kʼaw‸ kʼoˆ laˇ ve yoˬ. 4Gʼuiˬsha htawˇ, awˬ heˆ leh anˇ tuˬ teˇ hpaˍ awˬ hkʼaw lo maˇ kʼoˆ, kanˇ paˆ uiˍ ve kanˉ teˇ hpaˍ awˬ hkʼaw lo maˇ kʼoˆ, yawˇ ve a loˍ cawˇ ve hkʼe da‸ ve kehˬ ve Awˬ ha hpu ve la‸ shawnˍ teˇ hpaˍ pehˬ piˇ ve awˬ hkʼaw lo maˇ kʼoˆ, yawˇ hui geh teˇ geh shaˉ hkiˆ hkanˍ ve yoˬ.
Htaiˍ hkʼaw‸ piˇ leh sheh kʼai piˇ shehˍ hpaˇ
5Awˬ lawn kʼo, chi beu‸ ngaˬ hui kʼoˆ chehˇ ve, awˬ hkʼaw‸ nawˉ cawˬ la tuˬ ve miˬ guiˬ chi hta‸ mvuhˇ naw ma tcuh yaˇ hui awˬ hawˉ lo yawˇ teh taˍ ve maˇ heˆ. 6Li‸ hpu teˇ kaˬ awˬ hkʼaw lo chaw teˇ gʼaˇ chi hkʼe shaˉ hkiˆ hkanˍ leh kʼoˆ ve,
Nawˬ chaw yaˇ hta‸ dawˇ nyi tuˬ, chaw yaˇ lehˬ aˬ hto‸ ma hpeh‸ ve le.
Nawˬ chaw yaˇ ve yaˇ hta‸ nyi ha‸ shaˉ tuˬ, chaw yaˇ ve yaˇ lehˬ aˬ hto‸ ma hpeh‸ ve le.
7Nawˬ yawˇ hta‸ mvuhˇ naw ma tcuh yaˇ teˇ hpaˍ awˬ hawˉ lo a ciˉ ceh tiˉ nehˬ piˇ leh,
da‸ ve awˬ meh leh awˬ me‸ awˬ hponˇ, shi uˉ tcuhˍ hkʼe nawˬ yawˇ ve oˉ kʼoˍ hta‸ hkʼawˆ piˇ taˍ peuˬ.
8Awˬ ceuˬ hkʼa peu-eˬ yawˇ ve
hkui taw kʼaw awˬ hawˉ lo nawˬ teh taˍ peuˬ,
teh‸ kʼoˆ taˍ ve yoˬ. #Chi 8:4-6 Yawˇ awˬ hawˉ lo awˬ ceuˬ hkʼa peu-eˬ hta‸ teh taˍ ve teh‸ kʼoˆ ve teˇ yanˇ, yawˇ awˬ hawˉ lo maˇ teh taˍ ve teˇ ceuˬ ka‸ maˇ cawˬ. Ya‸ hkʼaˇ, yawˇ awˬ hawˉ lo awˬ ceuˬ hkʼa peu-eˬ teh taˍ ve hta‸ chi beu‸ ngaˬ hui maˇ gʼa mawˬ sheˍ. 9Ya‸ hkʼaˇ, ngaˬ hui Yeˍsuˆ hta‸ gʼa mawˬ ve yoˬ. Yawˇ hta‸ mvuhˇ naw ma tcuh yaˇ teˇ hpaˍ awˬ hawˉ lo a ciˉ ceh tiˉ nehˬ piˇ leh, suh ve awˬ hkʼaw lo gʼa tu‸ gʼa hkanˍ ve pa taw, da‸ ve awˬ meh leh awˬ me‸ awˬ hponˇ, shi uˉ tcuhˍ hkʼe yawˇ hta‸ hkʼawˆ piˇ taˍ ve yoˬ. Gʼuiˬsha ve awˬ bon hta‸ pa taw, chaw hkʼa peu-eˬ awˬ pon suh ve hta‸ yawˇ gʼa hkanˍ ve yoˬ.
10Awˬ lawn kʼo, Gʼuiˬsha lehˬ awˬ yaˇ awˬ duˬ maˇ maˇ hta‸ awˬ me‸ awˬ hponˇ cawˬ kuiˬ lo shiˍ kʼai ve teˇ yanˇ, yawˇ hui hta‸ htaiˍ hkʼaw‸ leh sheh kʼai piˇ shehˍ hpaˇ lehˬ, tu‸ ve hkanˍ ve awˬ hkʼaw lo biˇ la tuˬ yawˇ te piˇ ve teˇ ceuˬ lehˬ cawˇ ve yoˬ. Awˬ ceuˬ hkʼa peu-eˬ Gʼuiˬsha awˬ pon hpeh‸ leh, yawˇ hta‸ pa taw awˬ ceuˬ chi hkʼa peu-eˬ hpeh‸ la ve yoˬ.
11Awˬ lawn kʼo, da‸ piˇ kehˬ piˇ shehˍ hpaˇ leh, yawˇ da‸ piˇ kehˍ piˇ ve chaw teˇ hpaˍ lehˬ, teˇ gʼaˇ awˬ hkʼaw lo ceh tiˉ hpeh‸ tawˆ la ve yoˬ. Chi hta‸ pa taw, yawˇ hui hta‸ awˬ viˉ awˬ nyi teh‸ kʼoˆ tuˬ yawˇ maˇ ya‸ taw. 12Yawˇ kʼoˆ ve,
Nawˬ ve awˬ meh ngaˬ ve awˬ viˉ awˬ nyi teˇ hpaˍ hta‸ ngaˬ kʼaoˍ maˍ piˇ tuˬ yoˬ.
Hpawnˬ da‸ kuiˬ awˬ kʼaw ji lo ngaˬ nawˬ hta‸ kʼa muiˬ chiˇ mvuh tuˬ yoˬ.#Chi 22:22
13Yawˇ teˇ pawˆ kʼaw‸ kʼoˆ ve, Yawˇ hta‸ ngaˬ gʼaˇ va tuˬ yoˬ.#Isy 8:17-18
Peuˬ leh teˇ pawˆ kʼaw‸ kʼoˆ ve, Nyi loˬ, ngaˬ leh Gʼuiˬsha
ngaˬ hta‸ pe‸ laˇ ve awˬ yaˇ awˬ duˬ teˇ hpaˍ choˬ kaˬ lo chehˇ ve yoˬ,
teh‸ yawˇ kʼoˆ taˍ ve yoˬ.#Yoh 17:6
14Hkʼe te leh, awˬ yaˇ awˬ duˬ oˇ ve teˇ hpaˍ awˬ suhˍ awˬ shaˍ pfuhˇ ve pa taw, yawˇ htawˇ oˇ ve hkʼa shuˍ shuˍ awˬ suhˍ awˬ shaˍ pfuhˇ ve yoˬ. Aˬ hto‸ ma pa taw le teh‸ kʼoˆ kʼo, yawˇ suh ve awˬ hkʼaw lo, suh ve teˇ ceuˬ awˬ hkʼoˆ kanˇ paˆ cawˬ ve neˇhaiˬ hta‸ te luˬ tuˬ maˇ kʼoˆ, 15suh ve hta‸ kawˆ ve pa taw, te‸ chehˇ ve teˇ co-e awˬ hkʼaw lo awˬ ceˬ gʼa te chehˇ ve chaw hui hta‸ ponˬ piˇ tuˬ maˇ kʼoˆ, yawˇ awˬ suhˍ awˬ shaˍ pfuhˇ ve yoˬ. 16Awˬ lawn kʼo, mvuhˇ naw ma tcuh yaˇ hui hta‸ ga piˇ tuˬ awˬ pon yawˇ laˬ ve maˇ heˆ. Awˬ tehˬ awˬ na kʼoˆ kʼo, Aˍbraˍhanˍ ve awˬ ceuˬ awˬ hkʼaˇ hta‸ ga piˇ tuˬ awˬ pon laˬ ve yoˬ. 17Hkʼe te leh, yawˇ lehˬ Gʼuiˬsha awˬ pon kanˉ te ve awˬ hkʼaw lo, ha kʼaˉ puiˉ jaˇ leh ka ti‸ yeˬ ve paw hkuˇ lonˉ hpeh‸ leh, chaw yaˇ hui ve venˇbaˆ hta‸ hpehˇ hkʼa tuˬ awˬ pon yawˇ awˬ to tanˇ hpeh‸ tuˬ, teˇ ceuˬ le le awˬ hkʼaw lo yawˇ ve awˬ viˉ awˬ nyi hui hkʼa shuˍ shuˍ yawˇ gʼa hpeh‸ la ve yoˬ. 18Awˬ lawn kʼo, yawˇ awˬ to tu‸ ve hkanˍ ve leh beˬ ve lawˇ ve hta‸ gʼa hkanˍ jaw peuˬ ve pa taw, beˬ ve lawˇ ve hta‸ gʼa hkanˍ ve chaw hui hta‸ yawˇ ga piˇ hpeh‸ ve yoˬ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.