Yeˍsaˍkeˍlaˆ li‸ 43
43
Gʼuiˬsha bon yehˬ lo kʼaw‸ la ve
1Chaw oˇ ve lehˬ, mvuhˇ nyi tawˆ hpawˇ lo htaw pawnˍ taˍ ve taˍ meu‸ hpe‸ lo ngaˬ hta‸ shiˍkʼai laˇ leh, 2mvuhˇ nyi tawˆ hpawˇ lo laˬ chehˇ ve Iˉsaˍreˍlaˆ Gʼuiˬsha ve awˬ gʼeuˆ hta‸ ngaˬ gʼa mawˬ ve yoˬ. Gʼuiˬsha ve awˬ hkawˇ lehˬ, laˇ tsuhˇ gʼuiˬ bvuhˬ ve awˬ hkawˇ hkʼe hpeh‸ leh, miˬguiˬ lehˬ Gʼuiˬsha ve awˬ gʼeuˆ hta‸ pa taw ba lehˍ cawˬ ve yoˬ. 3Awˬ ha chi hkʼaw ngaˬ gʼa mawˬ ve awˬ ceuˬ lehˬ, Gʼuiˬsha Yeˍruˆsaˍlehnˍ hta‸ te luˬ tuˬ laˬ htaˇ ngaˬ gʼa mawˬ ve awˬ ha leh, Hkeˍbaˍ iˉ kaˆ lawˬ paˇ lo ngaˬ gʼa mawˬ ve awˬ ha hkʼa shuˍ hpeh‸ ve yoˬ. Oˇ htaˇ, ngaˬ miˬ chaˇ hkʼoˆ boˆ taˍ ve yoˬ. 4Awˬ gʼeuˆ oˇ ve mvuhˇ nyi tawˆ hpawˇ ve taˍ meu‸ hpe‸ hta‸ hpanˍ kʼai leh bon yehˬ hkʼaw lo‸-e ve yoˬ.
5Gʼuiˬsha ve Awˬ ha hpu ngaˬ hta‸ cawˍ tu laˇ leh, awˬ hkʼaw hpawˇ ve koˇ caˉ lo shiˍ kʼai laˇ ve yoˬ. Oˇ kaˬ lo Gʼuiˬsha ve awˬ me‸ awˬ hponˇ biˇ chehˇ taˍ ve hta‸ ngaˬ gʼa mawˬ ve yoˬ. 6Chaw oˇ ve ngaˬ paˇ lo huˉ chehˇ taˍ ve yoˬ. Gʼuiˬsha lehˬ bon yehˬ hkʼaw chehˇ taˍ leh, ngaˬ hta‸ tawˇ yaw laˇ ve awˬ hkawˇ hta‸ ngaˬ gʼa kaˇ ve yoˬ. 7Chaw yaˇ-oˬ, ngaˬ ve kʼaw jaw choˬ kaˬ lo cawˬ ve yoˬ. Ngaˬ lehˬ choˬ kaˬ lo chehˇ taˍ leh, ngaˬ ve chaw teˇ hpaˍ hta‸ co co taiˍ taiˍ uˉ peunˍ tuˬ yoˬ. Chaw yaˇ teˇ hpaˍ maˇ kʼoˆ, yawˇ hui ve jawˇmawˇ maˇ kʼoˆ, shaˉ ho‸ hta‸ oˉ kʼoˍ pui leh ngaˬ ve da‸ kehˬ ve awˬ meh hta‸ awˬ me‸ awˬ hponˇ kʼaw‸ te luˬ piˇ tuˬ ve maˇ heˆ. 8Jawˇmawˇ teˇ hpaˍ lehˬ, yawˇ hui ve hawˉ yehˬ yehˬmiˉhpe‸ leh taˍ meu‸ hpe‸ teˇ hpaˍ hta‸, ngaˬ ve bon yehˬ yehˬmiˉhpe‸ leh taˍ meu‸ hpe‸ hta‸ te tcuhˉ naw‸ piˇ leh, awˬ kaˍ lo gʼo‸ pa teˇ maˬceh tiˉ hkanˍ taˍ tuˬ yoˬ. Yawˇ hui te ve cha‸ chiˆ ve kanˉ teˇ hpaˍ lehˬ, ngaˬ ve da‸ kehˬ ve awˬ meh hta‸ awˬ me‸ awˬ hponˇ luˬ kʼai piˇ lawˬ ve pa taw, nyi ma zuhˆ ve hkʼaw ngaˬ yawˇ hui hta‸ te luˬ te sheˆ piˇ ve yoˬ. 9Chi beu‸ yawˇ hui lehˬ, awˬ nu ve gʼuiˬsha teˇ hpaˍ hta‸ gʼa baˬ taˉ leh, yawˇ hui ve jawˇmawˇ teˇ hpaˍ ve suh taˍ ve awˬ to teˇ hpaˍ hta‸ gʼa yuˬ baˬ tuˬ yoˬ. Yawˇ hui oˇ hkʼe te ve kʼo, ngaˬ yawˇ hui geh co co chehˇ tuˬ yoˬ, teh‸ ngaˬ hta‸ kʼoˆ laˇ ve yoˬ.
10Gʼuiˬsha kʼaw‸ kʼoˆ ve, Chaw yaˇ-oˬ, bon yehˬ awˬ lawn Iˉsaˍreˍlaˆ chaw hui hta‸ kʼoˆ maˍ piˇ leh, yawˇ hui hta‸ henˇ yuˬ tcuh-o. Yawˇ hui te taˍ ve cha‸ chiˆ ve kanˉ awˬ pon yawˇ hui hta‸ ya‸ taw piˇ lawˬ-o‸. 11Yawˇ hui lehˬ a shu yawˇ te taˍ ve kanˉ hta‸ kʼaw‸ ya‸ taw ve kʼo, bon yehˬ hta‸ te tuˬ gu taˍ ve awˬ hkʼaˇ chi teˇ hpaˍ yawˇ hui hta‸ kʼoˆ maˍ piˇ-oˆ. Bon yehˬ chi ve awˬ ho‸ awˬ han, lo‸-e kuiˬ leh tawˆ-e kuiˬ teˇ hpaˍ, teˇ ceuˬ le le awˬ pon gu taˍ ve awˬ liˇ awˬ hkʼaˇ chi teˇ hpaˍ yawˇ hui hta‸ kʼoˆ maˍ piˇ-oˆ. Gu taˍ ve kanˉ hkʼaˇ chi teˇ hpaˍ hta‸ yawˇ hui gʼa mawˬ leh, gu taˍ ve hkʼe te kʼai gʼa tuˬ, awˬ lawn chi hkʼa peu-eˬ yawˇ hui awˬ pon bvuh‸ keu taˍ piˇ-oˆ. 12Bon yehˬ ve awˬ liˇ uˉ paˍ teˍ chi hkʼe cawˬ ve yoˬ. Bon yehˬ te taˍ kuiˬ hkʼaw pui oˇ ve teˇ shiˍ lehˬ da‸ kehˬ ve chehˇ kuiˬ hpeh‸ ve yoˬ, teh‸ ngaˬ hta‸ kʼoˆ laˇ ve yoˬ.
Tuˉ tanˇ kuiˬ
13Bon yehˬ hta‸ tehˆ nyi htaˇ yehˇ ve suhˆ taˬ oˇ ve hta‸ yuˬ leh, tuˉ tanˇ kuiˬ hta‸ kʼaw‸ tehˆ nyi ve yoˬ. Tuˉ tanˇ kuiˬ awˬ hkuiˉ puiˍ lehˬ, htu ve hpawˇ teˇ shaw‸, kʼehˬ hpawˇ teˇ shaw‸, leh mvuh hpawˇ teˇ htu cawˬ ve awˬ hkuiˉ daw teˇ maˬ cawˬ ve yoˬ. 14Awˬ hkuiˉ daw chi ve awˬ hkʼoˆ lo, kʼaw‸ te caˉ taˍ ve tuˉ tanˇ kuiˬ lehˬ, teˇ shaw‸ hpaˆ mvuh ve yoˬ. Awˬ na lo kʼaw‸ te caˉ taˍ ve tuˉ tanˇ kuiˬ lehˬ, awˬ hawˉ lo ve teˇ htai‸ a‸ kehˉ nyiˇ htu hkʼe kʼaw‸ i kʼai leh, mvuh ve hpawˇ nyiˇ shaw‸ hpaˆ cawˬ ve yoˬ. Oˇ ve awˬ hkʼoˆ lo kʼaw‸ te caˉ taˍ ve teˇ htai‸ lehˬ, awˬ hawˉ ve teˇ htai‸ a‸ kehˉ nyiˇ htu hkʼe kʼaw‸ te i kʼai piˇ taˍ ve yoˬ. 15Chi ve teˇ htai‸ lehˬ, tuˉ tanˇ tuˬ teˇ hpaˍ hta‸ aˬ miˍ tuˉ tanˇ kuiˬ hpeh‸ ve yoˬ. Awˬ ceˍ kʼaweh‸ lo awˇ ceˍ lo te taˍ ve awˬ hkaw teˇ hpaˍ lehˬ, shu a‸ kehˉ mvuh ve yoˬ. 16Tuˉ tanˇ kuiˬ awˬ hta‸ leh leh ve teˇ htai‸ lehˬ hkʼa hui hpeh‸ leh, teˇ chi shehˆ shaw‸ cawˬ ve yoˬ. 17Awˬ kʼaw ji ve teˇ htai‸ htawˇ hkʼa hui hpeh‸ leh, teˇ chi hkaw‸ shaw‸ cawˬ ve yoˬ. Awˬ baˬ hpawˇ lo kʼaw‸ te caˉ taˍ ve awˬ ceˍ meuˇ lehˬ, teˇ htu hpaˆ hkʼe mvuh ve yoˬ.(Tuˉ tanˇ kuiˬ awˬ hkuiˉ puiˍ lo teh taˍ ve awˬ hkuiˉ daw lehˬ, teˇ shaw‸ hpaˆ kʼehˬ ve yoˬ.) Tuˉ tanˇ kuiˬ hkʼoˆ lo taˆ-e tuˬ ve go lehˬ, mvuhˇ nyi tawˆ hpawˇ lo cawˬ ve yoˬ.
Tuˉ tanˇ kuiˬ hta‸ chiˇ a‸ ve
18Gʼuiˬsha ngaˬ hta‸ chi hkʼe kʼoˆ laˇ ve yoˬ. Chaw yaˇ-oˬ, ngaˬ nawˬ hta‸ kʼoˆ laˇ chehˇ ve tawˇ hta‸ na sheˍ. Tuˉ tanˇ kuiˬ hta‸ te peuˬ ve teˇ yanˇ, nawˬ lehˬ tuˉtanˇ kuiˬ oˇ ve hta‸ gʼa chiˇ a‸ ve yoˬ. Tuˉ tanˇ kuiˬ hkʼoˆ lo tuˉ tanˇ tuˬ gʼa yuˬ tuˉ tanˇ leh, tuˉ tanˇ kuiˬ oˇ ve hta‸ awˬ suhˍ gʼa hpeh‸ pfuhˍ piˇ ve yoˬ. 19Zaˍdoˆ ve awˬ ceuˬ awˬ hkʼaˇ Leˍviˆ paw hkuˇ teˇ hpaˍ ceh tiˉ ngaˬ mehˆ gʼuˇ suhˍ lo laˬ leh kanˉ gʼa te ve yoˬ. Ngaˬ Gʼuiˬsha chi hkʼe kʼoˆ taˍ peuˬ ve yoˬ. Venˇbaˆ hpehˇ ve tanˇ tuˬ awˬ pon, nawˬ yawˇ hui hta‸ nuˇ paˍ haˉ teˇ hkeh gʼa yuˬ piˇ ve yoˬ. 20Nawˬ lehˬ nuˇ suhˍ hta‸ yuˬ leh, tuˉ tanˇ kuiˬ hkʼoˆ lo cawˬ ve awˬ hkaw teˇ hpaˍ hta‸ maˇ kʼoˆ, tuˉ tanˇ kuiˬ awˬ kʼaw ji teˇ tawn ve awˬ ceˍ meuˇ hkʼa peu-eˬ ve hta‸ maˇ kʼoˆ, gʼa shehˆ piˇ ve yoˬ. Oˇ hkʼe te ve hkʼaw, tuˉ tanˇ kuiˬ oˇ ve hta‸ nawˬ gʼa da‸ kehˬ piˇ leh gʼa chiˇ a‸ piˇ ve yoˬ. 21Nawˬ lehˬ venˇbaˆ hpehˇ tuˬ awˬ pon tuˉ tanˇ piˇ tuˬ ve nuˇ paˍ hta‸ yuˬ leh, bon yehˬ awˬ baˬ hpawˇ kʼoˆ piˇ taˍ ve chehˇ kuiˬ lo gʼa tuˉ tanˇ piˇ ve yoˬ. 22Shawˉ pawˍ teˇ nyi, nawˬ lehˬ te‸ chiˉ awˬ kuiˉ awˬ haiˇ maˇ cawˬ ve aˉ che‸ awˬ paˍ teˇ hkeh hta‸ gʼa kʼaw‸ yuˬ leh, venˇbaˆ hpehˇ ve tanˇ tuˬ gʼa kʼaw‸ tuˉ tanˇ piˇ ve yoˬ. Nuˇ paˍ ve awˬ suhˍ hta‸ yuˬ leh te ve hkʼe, aˉ che‸ awˬ suhˍ hta‸ htawˇ yuˬ leh tuˉ tanˇ kuiˬ hta‸ gʼa da‸ kehˬ piˇ ve yoˬ. 23Nawˬ oˇ hkʼe te peuˬ ve kʼo, te‸ chiˉ awˬ kuiˉ awˬ haiˇ maˇ cawˬ ve nuˇ paˍ haˉ teˇ hkeh leh yawˬ paˍ haˉ teˇ hkeh hta‸, 24ngaˬ geh lo gʼa yuˬ veu laˇ ve yoˬ. Paw hkuˇ lehˬ, yawˇ hui awˬ hkʼoˆ lo aˉ leh‸ hpeh‸ pfuhˍ leh ngaˬ hta‸ gʼa tuˉ tanˇ laˇ ve yoˬ. 25Suhˍ nyi hkʼa gaˬ, nawˬ hui lehˬ teˇ nyi le le te‸ chiˉ awˬ kuiˉ awˬ haiˇ maˇ cawˬ ve aˉ che‸ teˇ hkeh, nuˇ paˍ teˇ hkeh leh yawˬ paˍ teˇ hkeh, venˇbaˆ hpehˇ ve tanˇ tuˬ ngaˬ hta‸ gʼa tuˉ tanˇ laˇ ve yoˬ. 26Suhˍ nyi hkʼa gaˬ paw hkuˇ teˇ hpaˍ lehˬ, tuˉ tanˇ kuiˬ hta‸ gʼa da‸ kehˬ piˇ leh, yehˇ hpeh‸ tuˬ hkʼa deh‸ gʼa gu taˍ ve yoˬ. 27Teˇ shinˉ ve awˬ yanˇ oˇ ve ponˬ kʼai peuˬ ve kʼo, paw hkuˇ teˇ hpaˍ lehˬ aˬ miˍ tuˉ tanˇ tuˬ leh awˬ chawˇ te da‸ ve tanˇ tuˬ teˇ hpaˍ, tuˉ tanˇ kuiˬ hkʼoˆ lo gʼa tuˉ tanˇ ve yoˬ. Oˇ hkʼe te ve kʼo, ngaˬ nawˬ hui hta‸ nyi hkʼaˇ suh tuˬ yoˬ, teh‸ Gʼuiˬsha kʼoˆ ve yoˬ.
Currently Selected:
Yeˍsaˍkeˍlaˆ li‸ 43: LHBE
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Yeˍsaˍkeˍlaˆ li‸ 43
43
Gʼuiˬsha bon yehˬ lo kʼaw‸ la ve
1Chaw oˇ ve lehˬ, mvuhˇ nyi tawˆ hpawˇ lo htaw pawnˍ taˍ ve taˍ meu‸ hpe‸ lo ngaˬ hta‸ shiˍkʼai laˇ leh, 2mvuhˇ nyi tawˆ hpawˇ lo laˬ chehˇ ve Iˉsaˍreˍlaˆ Gʼuiˬsha ve awˬ gʼeuˆ hta‸ ngaˬ gʼa mawˬ ve yoˬ. Gʼuiˬsha ve awˬ hkawˇ lehˬ, laˇ tsuhˇ gʼuiˬ bvuhˬ ve awˬ hkawˇ hkʼe hpeh‸ leh, miˬguiˬ lehˬ Gʼuiˬsha ve awˬ gʼeuˆ hta‸ pa taw ba lehˍ cawˬ ve yoˬ. 3Awˬ ha chi hkʼaw ngaˬ gʼa mawˬ ve awˬ ceuˬ lehˬ, Gʼuiˬsha Yeˍruˆsaˍlehnˍ hta‸ te luˬ tuˬ laˬ htaˇ ngaˬ gʼa mawˬ ve awˬ ha leh, Hkeˍbaˍ iˉ kaˆ lawˬ paˇ lo ngaˬ gʼa mawˬ ve awˬ ha hkʼa shuˍ hpeh‸ ve yoˬ. Oˇ htaˇ, ngaˬ miˬ chaˇ hkʼoˆ boˆ taˍ ve yoˬ. 4Awˬ gʼeuˆ oˇ ve mvuhˇ nyi tawˆ hpawˇ ve taˍ meu‸ hpe‸ hta‸ hpanˍ kʼai leh bon yehˬ hkʼaw lo‸-e ve yoˬ.
5Gʼuiˬsha ve Awˬ ha hpu ngaˬ hta‸ cawˍ tu laˇ leh, awˬ hkʼaw hpawˇ ve koˇ caˉ lo shiˍ kʼai laˇ ve yoˬ. Oˇ kaˬ lo Gʼuiˬsha ve awˬ me‸ awˬ hponˇ biˇ chehˇ taˍ ve hta‸ ngaˬ gʼa mawˬ ve yoˬ. 6Chaw oˇ ve ngaˬ paˇ lo huˉ chehˇ taˍ ve yoˬ. Gʼuiˬsha lehˬ bon yehˬ hkʼaw chehˇ taˍ leh, ngaˬ hta‸ tawˇ yaw laˇ ve awˬ hkawˇ hta‸ ngaˬ gʼa kaˇ ve yoˬ. 7Chaw yaˇ-oˬ, ngaˬ ve kʼaw jaw choˬ kaˬ lo cawˬ ve yoˬ. Ngaˬ lehˬ choˬ kaˬ lo chehˇ taˍ leh, ngaˬ ve chaw teˇ hpaˍ hta‸ co co taiˍ taiˍ uˉ peunˍ tuˬ yoˬ. Chaw yaˇ teˇ hpaˍ maˇ kʼoˆ, yawˇ hui ve jawˇmawˇ maˇ kʼoˆ, shaˉ ho‸ hta‸ oˉ kʼoˍ pui leh ngaˬ ve da‸ kehˬ ve awˬ meh hta‸ awˬ me‸ awˬ hponˇ kʼaw‸ te luˬ piˇ tuˬ ve maˇ heˆ. 8Jawˇmawˇ teˇ hpaˍ lehˬ, yawˇ hui ve hawˉ yehˬ yehˬmiˉhpe‸ leh taˍ meu‸ hpe‸ teˇ hpaˍ hta‸, ngaˬ ve bon yehˬ yehˬmiˉhpe‸ leh taˍ meu‸ hpe‸ hta‸ te tcuhˉ naw‸ piˇ leh, awˬ kaˍ lo gʼo‸ pa teˇ maˬceh tiˉ hkanˍ taˍ tuˬ yoˬ. Yawˇ hui te ve cha‸ chiˆ ve kanˉ teˇ hpaˍ lehˬ, ngaˬ ve da‸ kehˬ ve awˬ meh hta‸ awˬ me‸ awˬ hponˇ luˬ kʼai piˇ lawˬ ve pa taw, nyi ma zuhˆ ve hkʼaw ngaˬ yawˇ hui hta‸ te luˬ te sheˆ piˇ ve yoˬ. 9Chi beu‸ yawˇ hui lehˬ, awˬ nu ve gʼuiˬsha teˇ hpaˍ hta‸ gʼa baˬ taˉ leh, yawˇ hui ve jawˇmawˇ teˇ hpaˍ ve suh taˍ ve awˬ to teˇ hpaˍ hta‸ gʼa yuˬ baˬ tuˬ yoˬ. Yawˇ hui oˇ hkʼe te ve kʼo, ngaˬ yawˇ hui geh co co chehˇ tuˬ yoˬ, teh‸ ngaˬ hta‸ kʼoˆ laˇ ve yoˬ.
10Gʼuiˬsha kʼaw‸ kʼoˆ ve, Chaw yaˇ-oˬ, bon yehˬ awˬ lawn Iˉsaˍreˍlaˆ chaw hui hta‸ kʼoˆ maˍ piˇ leh, yawˇ hui hta‸ henˇ yuˬ tcuh-o. Yawˇ hui te taˍ ve cha‸ chiˆ ve kanˉ awˬ pon yawˇ hui hta‸ ya‸ taw piˇ lawˬ-o‸. 11Yawˇ hui lehˬ a shu yawˇ te taˍ ve kanˉ hta‸ kʼaw‸ ya‸ taw ve kʼo, bon yehˬ hta‸ te tuˬ gu taˍ ve awˬ hkʼaˇ chi teˇ hpaˍ yawˇ hui hta‸ kʼoˆ maˍ piˇ-oˆ. Bon yehˬ chi ve awˬ ho‸ awˬ han, lo‸-e kuiˬ leh tawˆ-e kuiˬ teˇ hpaˍ, teˇ ceuˬ le le awˬ pon gu taˍ ve awˬ liˇ awˬ hkʼaˇ chi teˇ hpaˍ yawˇ hui hta‸ kʼoˆ maˍ piˇ-oˆ. Gu taˍ ve kanˉ hkʼaˇ chi teˇ hpaˍ hta‸ yawˇ hui gʼa mawˬ leh, gu taˍ ve hkʼe te kʼai gʼa tuˬ, awˬ lawn chi hkʼa peu-eˬ yawˇ hui awˬ pon bvuh‸ keu taˍ piˇ-oˆ. 12Bon yehˬ ve awˬ liˇ uˉ paˍ teˍ chi hkʼe cawˬ ve yoˬ. Bon yehˬ te taˍ kuiˬ hkʼaw pui oˇ ve teˇ shiˍ lehˬ da‸ kehˬ ve chehˇ kuiˬ hpeh‸ ve yoˬ, teh‸ ngaˬ hta‸ kʼoˆ laˇ ve yoˬ.
Tuˉ tanˇ kuiˬ
13Bon yehˬ hta‸ tehˆ nyi htaˇ yehˇ ve suhˆ taˬ oˇ ve hta‸ yuˬ leh, tuˉ tanˇ kuiˬ hta‸ kʼaw‸ tehˆ nyi ve yoˬ. Tuˉ tanˇ kuiˬ awˬ hkuiˉ puiˍ lehˬ, htu ve hpawˇ teˇ shaw‸, kʼehˬ hpawˇ teˇ shaw‸, leh mvuh hpawˇ teˇ htu cawˬ ve awˬ hkuiˉ daw teˇ maˬ cawˬ ve yoˬ. 14Awˬ hkuiˉ daw chi ve awˬ hkʼoˆ lo, kʼaw‸ te caˉ taˍ ve tuˉ tanˇ kuiˬ lehˬ, teˇ shaw‸ hpaˆ mvuh ve yoˬ. Awˬ na lo kʼaw‸ te caˉ taˍ ve tuˉ tanˇ kuiˬ lehˬ, awˬ hawˉ lo ve teˇ htai‸ a‸ kehˉ nyiˇ htu hkʼe kʼaw‸ i kʼai leh, mvuh ve hpawˇ nyiˇ shaw‸ hpaˆ cawˬ ve yoˬ. Oˇ ve awˬ hkʼoˆ lo kʼaw‸ te caˉ taˍ ve teˇ htai‸ lehˬ, awˬ hawˉ ve teˇ htai‸ a‸ kehˉ nyiˇ htu hkʼe kʼaw‸ te i kʼai piˇ taˍ ve yoˬ. 15Chi ve teˇ htai‸ lehˬ, tuˉ tanˇ tuˬ teˇ hpaˍ hta‸ aˬ miˍ tuˉ tanˇ kuiˬ hpeh‸ ve yoˬ. Awˬ ceˍ kʼaweh‸ lo awˇ ceˍ lo te taˍ ve awˬ hkaw teˇ hpaˍ lehˬ, shu a‸ kehˉ mvuh ve yoˬ. 16Tuˉ tanˇ kuiˬ awˬ hta‸ leh leh ve teˇ htai‸ lehˬ hkʼa hui hpeh‸ leh, teˇ chi shehˆ shaw‸ cawˬ ve yoˬ. 17Awˬ kʼaw ji ve teˇ htai‸ htawˇ hkʼa hui hpeh‸ leh, teˇ chi hkaw‸ shaw‸ cawˬ ve yoˬ. Awˬ baˬ hpawˇ lo kʼaw‸ te caˉ taˍ ve awˬ ceˍ meuˇ lehˬ, teˇ htu hpaˆ hkʼe mvuh ve yoˬ.(Tuˉ tanˇ kuiˬ awˬ hkuiˉ puiˍ lo teh taˍ ve awˬ hkuiˉ daw lehˬ, teˇ shaw‸ hpaˆ kʼehˬ ve yoˬ.) Tuˉ tanˇ kuiˬ hkʼoˆ lo taˆ-e tuˬ ve go lehˬ, mvuhˇ nyi tawˆ hpawˇ lo cawˬ ve yoˬ.
Tuˉ tanˇ kuiˬ hta‸ chiˇ a‸ ve
18Gʼuiˬsha ngaˬ hta‸ chi hkʼe kʼoˆ laˇ ve yoˬ. Chaw yaˇ-oˬ, ngaˬ nawˬ hta‸ kʼoˆ laˇ chehˇ ve tawˇ hta‸ na sheˍ. Tuˉ tanˇ kuiˬ hta‸ te peuˬ ve teˇ yanˇ, nawˬ lehˬ tuˉtanˇ kuiˬ oˇ ve hta‸ gʼa chiˇ a‸ ve yoˬ. Tuˉ tanˇ kuiˬ hkʼoˆ lo tuˉ tanˇ tuˬ gʼa yuˬ tuˉ tanˇ leh, tuˉ tanˇ kuiˬ oˇ ve hta‸ awˬ suhˍ gʼa hpeh‸ pfuhˍ piˇ ve yoˬ. 19Zaˍdoˆ ve awˬ ceuˬ awˬ hkʼaˇ Leˍviˆ paw hkuˇ teˇ hpaˍ ceh tiˉ ngaˬ mehˆ gʼuˇ suhˍ lo laˬ leh kanˉ gʼa te ve yoˬ. Ngaˬ Gʼuiˬsha chi hkʼe kʼoˆ taˍ peuˬ ve yoˬ. Venˇbaˆ hpehˇ ve tanˇ tuˬ awˬ pon, nawˬ yawˇ hui hta‸ nuˇ paˍ haˉ teˇ hkeh gʼa yuˬ piˇ ve yoˬ. 20Nawˬ lehˬ nuˇ suhˍ hta‸ yuˬ leh, tuˉ tanˇ kuiˬ hkʼoˆ lo cawˬ ve awˬ hkaw teˇ hpaˍ hta‸ maˇ kʼoˆ, tuˉ tanˇ kuiˬ awˬ kʼaw ji teˇ tawn ve awˬ ceˍ meuˇ hkʼa peu-eˬ ve hta‸ maˇ kʼoˆ, gʼa shehˆ piˇ ve yoˬ. Oˇ hkʼe te ve hkʼaw, tuˉ tanˇ kuiˬ oˇ ve hta‸ nawˬ gʼa da‸ kehˬ piˇ leh gʼa chiˇ a‸ piˇ ve yoˬ. 21Nawˬ lehˬ venˇbaˆ hpehˇ tuˬ awˬ pon tuˉ tanˇ piˇ tuˬ ve nuˇ paˍ hta‸ yuˬ leh, bon yehˬ awˬ baˬ hpawˇ kʼoˆ piˇ taˍ ve chehˇ kuiˬ lo gʼa tuˉ tanˇ piˇ ve yoˬ. 22Shawˉ pawˍ teˇ nyi, nawˬ lehˬ te‸ chiˉ awˬ kuiˉ awˬ haiˇ maˇ cawˬ ve aˉ che‸ awˬ paˍ teˇ hkeh hta‸ gʼa kʼaw‸ yuˬ leh, venˇbaˆ hpehˇ ve tanˇ tuˬ gʼa kʼaw‸ tuˉ tanˇ piˇ ve yoˬ. Nuˇ paˍ ve awˬ suhˍ hta‸ yuˬ leh te ve hkʼe, aˉ che‸ awˬ suhˍ hta‸ htawˇ yuˬ leh tuˉ tanˇ kuiˬ hta‸ gʼa da‸ kehˬ piˇ ve yoˬ. 23Nawˬ oˇ hkʼe te peuˬ ve kʼo, te‸ chiˉ awˬ kuiˉ awˬ haiˇ maˇ cawˬ ve nuˇ paˍ haˉ teˇ hkeh leh yawˬ paˍ haˉ teˇ hkeh hta‸, 24ngaˬ geh lo gʼa yuˬ veu laˇ ve yoˬ. Paw hkuˇ lehˬ, yawˇ hui awˬ hkʼoˆ lo aˉ leh‸ hpeh‸ pfuhˍ leh ngaˬ hta‸ gʼa tuˉ tanˇ laˇ ve yoˬ. 25Suhˍ nyi hkʼa gaˬ, nawˬ hui lehˬ teˇ nyi le le te‸ chiˉ awˬ kuiˉ awˬ haiˇ maˇ cawˬ ve aˉ che‸ teˇ hkeh, nuˇ paˍ teˇ hkeh leh yawˬ paˍ teˇ hkeh, venˇbaˆ hpehˇ ve tanˇ tuˬ ngaˬ hta‸ gʼa tuˉ tanˇ laˇ ve yoˬ. 26Suhˍ nyi hkʼa gaˬ paw hkuˇ teˇ hpaˍ lehˬ, tuˉ tanˇ kuiˬ hta‸ gʼa da‸ kehˬ piˇ leh, yehˇ hpeh‸ tuˬ hkʼa deh‸ gʼa gu taˍ ve yoˬ. 27Teˇ shinˉ ve awˬ yanˇ oˇ ve ponˬ kʼai peuˬ ve kʼo, paw hkuˇ teˇ hpaˍ lehˬ aˬ miˍ tuˉ tanˇ tuˬ leh awˬ chawˇ te da‸ ve tanˇ tuˬ teˇ hpaˍ, tuˉ tanˇ kuiˬ hkʼoˆ lo gʼa tuˉ tanˇ ve yoˬ. Oˇ hkʼe te ve kʼo, ngaˬ nawˬ hui hta‸ nyi hkʼaˇ suh tuˬ yoˬ, teh‸ Gʼuiˬsha kʼoˆ ve yoˬ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.