Yeˍsaˍkeˍlaˆ li‸ 30
30
Gʼuiˬsha Eˇjiˇtu‸ hta‸ ciˍ yanˍ piˇ tuˬ
1Gʼuiˬsha ngaˬ hta‸ chi hkʼe kʼaw‸ kʼoˆ laˇ ve yoˬ. 2Chaw yaˇ-oˬ, ngaˬ Gʼuiˬsha kʼoˆ chehˇ ve tawˇ chi teˇ hpaˍ hta‸ awˬ hkawˇ bvuhˬ chaweh kuˬ maˍ piˇ-oˆ.
Kawˆ tuˬ uiˍ ve awˬ nyi gaˬ la chehˇ ve yoˬ.
3Gʼuiˬsha kanˉ te tuˬ awˬ yanˇ neˇ la peuˬ.
Awˬ nyi oˇ ve lehˬ naˆ ho‸ ve awˬ nyi leh, chaw ceuˬ teˇ hpaˍ awˬ pon dawˇ haˍ tuˬ awˬ nyi hpeh‸ ve yoˬ.
4Eˇjiˇtu‸ mvuhˇmiˬ hkʼaw ma‸ hpeh‸ la leh,
Suˍdanˍ mvuhˇmiˬ awˬ hkʼoˆ dawˇ haˍ dawˇ tui‸ ve awˬ ceuˬ gaˬ la tuˬ yoˬ.
Eˇjiˇtu‸ chaw maˇ maˇ tiˇ pehˍ ve hta‸ gʼa hkanˍ tuˬ yoˬ.
Mvuhˇmiˬ oˇ ve lehˬ, shu hiˉ yuˬ lu yuˬ ve hta‸ gʼa hkanˍ leh luˬ kʼai sheˆ kʼai tuˬ yoˬ.
5Ma‸ oˇ ve hpeh‸ la ve teˇ yanˇ, Suˍdanˍ, Luˆdaˆ, Liˆbi-aˇ, Aˍraˍbaˆ, Kuˇbaˆ mvuhˇmiˬ hkʼaw ngaˍ taˍ ve ma‸ yaˇ teˇ hpaˍ leh, ngaˬ ve chaw teˇ hpaˍ hpaˍ htawˇ tiˇ pehˍ ve hta‸ gʼa hkanˍ tuˬ yoˬ, teh‸ kʼoˆ ve yoˬ.
6Gʼuiˬsha kʼoˆ ve, Awˬ na hpawˇ lo cawˬ ve Miˆgaˍdawˇlaˆ venˇ hta‸ te leh, awˬ hawˉ hpawˇ lo cawˬ ve Aˍsaˍvanˍ venˇ lo hkʼa gaˬ, Eˇjiˇtu‸ mvuhˇmiˬ hta‸ ha‸ shaˉ chehˇ ve chaw hkʼa peu-eˬ ma‸ bawˆ kuiˬ lo tiˇ pehˍ ve hta‸ gʼa hkanˍ tuˬ yoˬ. Eˇjiˇtu‸ nyi ma uiˍ chehˇ ve yawˇ ve ma‸ yaˇ hkʼa peu-eˬ te luˬ te sheˆ ve hta‸ gʼa hkanˍ tuˬ yoˬ. Ngaˬ Gʼuiˬsha chi hkʼe kʼoˆ taˍ peuˬ ve yoˬ. 7Mvuhˇmiˬ oˇ ve lehˬ awˬ nu ve mvuhˇmiˬ teˇ hpaˍ a‸ kehˉ gawˬ cu gawˬ pehˆ ve mvuhˇmiˬ hpeh‸ la leh, venˇ teˇ hpaˍ htawˇ luˬ kʼai sheˆ kʼai tuˬ yoˬ. 8Ngaˬ Eˇjiˇtu‸ mvuhˇmiˬ hta‸ aˬ miˍ tuˉ keu piˇ leh, yawˇ ve ma‸ yaˇ hkʼa peu-eˬ suh peuˬ ve teˇ yanˇ, ngaˬ lehˬ Gʼuiˬsha hpeh‸ve hta‸ yawˇ hui shiˍ la tuˬ yoˬ.
9Awˬ nyi oˇ ve gaˬ la leh Eˇjiˇtu‸ mvuhˇmiˬ luˬ kʼai ve teˇ yanˇ, te‸ chiˉ maˇ dawˇ maˇ gaˇ te chehˇ ve Suˍdanˍ chaw teˇ hpaˍ kawˆ la tuˬ, ngaˬ lehˬ chaw teˇ hpaˍ hta‸ haw lo‸ kʼoˍ ciˇ leh yawˇ hui geh kʼai peu tuˬ yoˬ. Awˬ nyi oˇ ve gaˬ la chehˇ ve yoˬ, teh‸ kʼoˆ ve yoˬ.
10Gʼuiˬsha kʼoˆ ve, Eˇjiˇtu‸ chaw hui paw sha chehˇ ve hta‸ awˬ leh meuˇ gaˬ la piˇ tuˬ ngaˬ lehˬ Baˍbuˍlonˍ jawˇmawˇ Neˍbuˍhkaˍneˍzaˍ hta‸ yehˇ tuˬ yoˬ. 11Yawˇ leh haiˬ jaˇ ve yawˇ ve ma‸ yaˇ teˇ hpaˍ, mvuhˇmiˬ oˇ ve hta‸ te luˬ piˇ tuˬ gaˬ la tuˬ yoˬ. Yawˇ hui lehˬ aˉhtaw hta‸ yuˬ leh Eˇjiˇtu‸ mvuhˇmiˬ hta‸ ca bawˆ la leh, mvuhˇmiˬ oˇ ve hkʼaw chaw suh hkʼa biˇ cawˬ tuˬ yoˬ. 12Ngaˬ lehˬ Niˍlaˆ iˉ kaˆ lawˬ hta‸ fiˍ kʼai piˇ leh, Eˇjiˇtu‸ hta‸ haiˬ ve chaw oˇ ve teˇ hpaˍ ve kanˇ paˆ awˬ hawˉ lo keu piˇ tuˬ yoˬ. Awˬ nu ve mvuhˇmiˬ yaˇ teˇ hpaˍ lehˬ, mvuhˇmiˬ oˇ ve hkʼa peu-eˬ ve hta‸ te luˬ piˇ tuˬ yoˬ. Ngaˬ Gʼuiˬsha chi hkʼe kʼoˆ taˍ peuˬ teh‸ kʼoˆ ve yoˬ.
13Gʼuiˬsha kʼoˆ ve, Ngaˬ lehˬ Meˍhpiˆ venˇ hkʼaw lo cawˬ ve shaˉ ho‸ leh maˇ heˆ heˆ ve gʼuiˬsha teˇ hpaˍ hta‸ te luˬ te sheˆ piˇ tuˬ yoˬ. Eˇjiˇtu‸ mvuhˇmiˬ hta‸ uˉ peunˍ paˍ teˇ gʼaˇ ka‸ cawˬ tuˬ ve maˇ heˆ. Chaw yaˇ teˇ hpaˍ hta‸ htawˇ ngaˬ kawˆ jaˇ la piˇ tuˬ yoˬ. 14Eˇjiˇtu‸ mvuhˇmiˬ awˬ hawˉ hpawˇ teˇ tawn hta‸ ngaˬ gawˬ cu gawˬ pehˆ hpeh‸ la piˇ leh, awˬ na hpawˇ lo cawˬ ve Zawˇnaˆ venˇ hta‸ aˬ miˍ tuˉ keu piˇ tuˬ yoˬ. 15Eˇjiˇtu‸ mvuhˇmiˬ ve uiˍ jaˇ ve ta‸ lonˉ hpeh‸ ve Peˍluˆsenˍ venˇ hta‸ ngaˬ ve nyi ma zuhˆ ve awˬ ceuˬ hta‸ leh‸ nyi tcuh tuˬ yoˬ. Teˍbiˆ ve hpu shi mawˇ jeˬ hta‸ ngaˬ te luˬ te sheˆ piˇ tuˬ yoˬ. 16Ngaˬ lehˬ Eˇjiˇtu‸ mvuhˇmiˬ hta‸ aˬ miˍ tuˉ keu piˇ leh, Peˍluˆsenˍ venˇ lehˬ gʼa hkʼanˇ chehˇ tuˬ yoˬ. Teˍbiˆ ve lanˇ venˇ teˇ hpaˍ paˆ kʼai leh, venˇ hkʼaw lo iˉ kaˆ hkʼa biˇ lo‸ la tuˬ yoˬ. 17Heˍliˍpeˍliˆ venˇ leh Buˍbaˍtiˆ venˇ hkʼaw chehˇ ve yaˇ nehˬ teˇ hpaˍ ma‸ bawˆ kuiˬ lo suh-e leh, awˬ nu ve chaw teˇ hpaˍ hta‸ shu hpeh kʼai tuˬ yoˬ. 18Eˇjiˇtu‸ mvuhˇmiˬ ve kanˇ paˆ hta‸ ngaˬ yuˬ baˬ leh, yawˇ hui nyi ma uiˍ chehˇ ve awˬ gʼaˇ awˬ shaˉ hta‸ ngaˬ awˬ leh meuˇ gaˬ la piˇ ve teˇ yanˇ, Taˍpaˍnehˆ venˇ hkʼoˆ lo naˆ ho‸ ve awˬ ceuˬ gaˬ la tuˬ yoˬ. Eˇjiˇtu‸ mvuhˇmiˬ hkʼoˆ lo moˬ hoˆ taˍ leh, yawˇ ve venˇ yaˇ hkʼa peu-eˬ hta‸ shu hpeh kʼai tuˬ yoˬ. 19Eˇjiˇtu‸ mvuhˇmiˬ hta‸ ngaˬ chi hkʼe ciˍ yanˍ piˇ ve teˇ yanˇ, ngaˬ Gʼuiˬsha hpeh‸ ve hta‸ yawˇ hui shiˍ la tuˬ yoˬ, teh‸ Gʼuiˬsha kʼoˆ ve yoˬ.
Luˬ peuˬ ve Eˇjiˇtu‸ jawˇmawˇ ve kanˇ paˆ
20Ngaˬ hui shu mvuhˇmiˬ hkʼaw chehˇ taˍ ve teˇ chi teˇ hkʼaw‸, awˉ lawˉ peuˇ ve teˇ ha pa, teˇ chi teˇ nyi htaˇ, Gʼuiˬsha ngaˬ hta‸ chi hkʼe kʼoˆ laˇ ve yoˬ. 21Chaw yaˇ-oˬ, ngaˬ lehˬ Eˇjiˇtu‸ jawˇmawˇ ve la‸ sheh hta‸ awˉ hteh piˇpeuˬ. Chaw teˇ gʼaˇ ka‸ yawˇ ve la‸ sheh awˬ gʼaˇ kʼaw‸ cawˬ la leh aˉhtaw hta‸ yuˬ gʼa la tuˬ, yawˇ ve la‸ sheh hta‸ maˇ peh tsuh‸ piˇ. 22Chi hta‸ pa taw, chi beu‸ ngaˬ Gʼuiˬsha chi hkʼe kʼoˆ ve yoˬ. Ngaˬ lehˬ Eˇjiˇtu‸ jawˇmawˇ ve canˇ paˍ hpeh‸ ve yoˬ. Yawˇ ve da‸ chehˇ sheˍ ve la‸ sheh teˇ paˉ hta‸ maˇ kʼoˆ, hteh kʼai taˍ peuˬ ve awˬ nu ve la‸ shehˍ teˇ paˉ hta‸ maˇ kʼoˆ, nyiˇ paˉ paˉ ve hta‸ ngaˬ awˉ hteh piˇ tuˬ yoˬ. Oˇ htaˇ, aˉhtaw yawˇ ve la‸ sheh hkʼaw ce kʼai tuˬ yoˬ. 23Eˇjiˇtu‸ chaw teˇ hpaˍ hta‸ ngaˬ mvuhˇmiˬ hkʼaˬ ti chi ti lo hpaˆ da‸ kʼai piˇ lawˬ tuˬ yoˬ. 24Oˇ ve hkʼaw‸ nawˉ, ngaˬ lehˬ Baˍbuˍlonˍ jawˇmawˇ ve la‸sheh hta‸ awˬ gʼaˇ uiˍ la piˇ leh, ngaˬ ve aˉhtaw yawˇ ve la‸ sheh hkʼaw keu piˇ tuˬ yoˬ. Ya‸ hkʼaˇ, ngaˬ lehˬ Eˇjiˇtu‸ jawˇmawˇ ve la‸ sheh hta‸ awˉ hteh piˇ leh, yawˇ ve canˇ paˍ mehˆ gʼuˇ suhˍ hkʼanˇ leh suh-e tuˬ yoˬ. 25Yoˬ, ngaˬ yawˇ hta‸ awˬ gʼaˇ nuˇ la piˇ leh, Baˍbuˍlonˍ jawˇmawˇ hta‸ awˬ gʼaˇ uiˍ la piˇ tuˬ yoˬ. Ngaˬ ve aˉhtaw yawˇ hta‸ piˇ leh, yawˇ lehˬ aˉhtaw oˇ ve Eˇjiˇtu‸ hpawˇ lo yuˬ mawˍ ve teˇ yanˇ, chaw teˇ gʼaˇ le le ngaˬ Gʼuiˬsha hpeh‸ ve hta‸ shiˍ la tuˬ yoˬ. 26Eˇjiˇtu‸ chaw teˇ hpaˍ hta‸ ngaˬ mvuhˇmiˬ hkʼaˬ ti chi ti lo hpaˆ da‸ kʼai piˇ lawˬ tuˬ yoˬ. Oˇ htaˇ, ngaˬ Gʼuiˬsha hpeh‸ ve hta‸ yawˇ hui shiˍ la tuˬ yoˬ, teh‸ Gʼuiˬsha kʼoˆ ve yoˬ.
Currently Selected:
Yeˍsaˍkeˍlaˆ li‸ 30: LHBE
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Yeˍsaˍkeˍlaˆ li‸ 30
30
Gʼuiˬsha Eˇjiˇtu‸ hta‸ ciˍ yanˍ piˇ tuˬ
1Gʼuiˬsha ngaˬ hta‸ chi hkʼe kʼaw‸ kʼoˆ laˇ ve yoˬ. 2Chaw yaˇ-oˬ, ngaˬ Gʼuiˬsha kʼoˆ chehˇ ve tawˇ chi teˇ hpaˍ hta‸ awˬ hkawˇ bvuhˬ chaweh kuˬ maˍ piˇ-oˆ.
Kawˆ tuˬ uiˍ ve awˬ nyi gaˬ la chehˇ ve yoˬ.
3Gʼuiˬsha kanˉ te tuˬ awˬ yanˇ neˇ la peuˬ.
Awˬ nyi oˇ ve lehˬ naˆ ho‸ ve awˬ nyi leh, chaw ceuˬ teˇ hpaˍ awˬ pon dawˇ haˍ tuˬ awˬ nyi hpeh‸ ve yoˬ.
4Eˇjiˇtu‸ mvuhˇmiˬ hkʼaw ma‸ hpeh‸ la leh,
Suˍdanˍ mvuhˇmiˬ awˬ hkʼoˆ dawˇ haˍ dawˇ tui‸ ve awˬ ceuˬ gaˬ la tuˬ yoˬ.
Eˇjiˇtu‸ chaw maˇ maˇ tiˇ pehˍ ve hta‸ gʼa hkanˍ tuˬ yoˬ.
Mvuhˇmiˬ oˇ ve lehˬ, shu hiˉ yuˬ lu yuˬ ve hta‸ gʼa hkanˍ leh luˬ kʼai sheˆ kʼai tuˬ yoˬ.
5Ma‸ oˇ ve hpeh‸ la ve teˇ yanˇ, Suˍdanˍ, Luˆdaˆ, Liˆbi-aˇ, Aˍraˍbaˆ, Kuˇbaˆ mvuhˇmiˬ hkʼaw ngaˍ taˍ ve ma‸ yaˇ teˇ hpaˍ leh, ngaˬ ve chaw teˇ hpaˍ hpaˍ htawˇ tiˇ pehˍ ve hta‸ gʼa hkanˍ tuˬ yoˬ, teh‸ kʼoˆ ve yoˬ.
6Gʼuiˬsha kʼoˆ ve, Awˬ na hpawˇ lo cawˬ ve Miˆgaˍdawˇlaˆ venˇ hta‸ te leh, awˬ hawˉ hpawˇ lo cawˬ ve Aˍsaˍvanˍ venˇ lo hkʼa gaˬ, Eˇjiˇtu‸ mvuhˇmiˬ hta‸ ha‸ shaˉ chehˇ ve chaw hkʼa peu-eˬ ma‸ bawˆ kuiˬ lo tiˇ pehˍ ve hta‸ gʼa hkanˍ tuˬ yoˬ. Eˇjiˇtu‸ nyi ma uiˍ chehˇ ve yawˇ ve ma‸ yaˇ hkʼa peu-eˬ te luˬ te sheˆ ve hta‸ gʼa hkanˍ tuˬ yoˬ. Ngaˬ Gʼuiˬsha chi hkʼe kʼoˆ taˍ peuˬ ve yoˬ. 7Mvuhˇmiˬ oˇ ve lehˬ awˬ nu ve mvuhˇmiˬ teˇ hpaˍ a‸ kehˉ gawˬ cu gawˬ pehˆ ve mvuhˇmiˬ hpeh‸ la leh, venˇ teˇ hpaˍ htawˇ luˬ kʼai sheˆ kʼai tuˬ yoˬ. 8Ngaˬ Eˇjiˇtu‸ mvuhˇmiˬ hta‸ aˬ miˍ tuˉ keu piˇ leh, yawˇ ve ma‸ yaˇ hkʼa peu-eˬ suh peuˬ ve teˇ yanˇ, ngaˬ lehˬ Gʼuiˬsha hpeh‸ve hta‸ yawˇ hui shiˍ la tuˬ yoˬ.
9Awˬ nyi oˇ ve gaˬ la leh Eˇjiˇtu‸ mvuhˇmiˬ luˬ kʼai ve teˇ yanˇ, te‸ chiˉ maˇ dawˇ maˇ gaˇ te chehˇ ve Suˍdanˍ chaw teˇ hpaˍ kawˆ la tuˬ, ngaˬ lehˬ chaw teˇ hpaˍ hta‸ haw lo‸ kʼoˍ ciˇ leh yawˇ hui geh kʼai peu tuˬ yoˬ. Awˬ nyi oˇ ve gaˬ la chehˇ ve yoˬ, teh‸ kʼoˆ ve yoˬ.
10Gʼuiˬsha kʼoˆ ve, Eˇjiˇtu‸ chaw hui paw sha chehˇ ve hta‸ awˬ leh meuˇ gaˬ la piˇ tuˬ ngaˬ lehˬ Baˍbuˍlonˍ jawˇmawˇ Neˍbuˍhkaˍneˍzaˍ hta‸ yehˇ tuˬ yoˬ. 11Yawˇ leh haiˬ jaˇ ve yawˇ ve ma‸ yaˇ teˇ hpaˍ, mvuhˇmiˬ oˇ ve hta‸ te luˬ piˇ tuˬ gaˬ la tuˬ yoˬ. Yawˇ hui lehˬ aˉhtaw hta‸ yuˬ leh Eˇjiˇtu‸ mvuhˇmiˬ hta‸ ca bawˆ la leh, mvuhˇmiˬ oˇ ve hkʼaw chaw suh hkʼa biˇ cawˬ tuˬ yoˬ. 12Ngaˬ lehˬ Niˍlaˆ iˉ kaˆ lawˬ hta‸ fiˍ kʼai piˇ leh, Eˇjiˇtu‸ hta‸ haiˬ ve chaw oˇ ve teˇ hpaˍ ve kanˇ paˆ awˬ hawˉ lo keu piˇ tuˬ yoˬ. Awˬ nu ve mvuhˇmiˬ yaˇ teˇ hpaˍ lehˬ, mvuhˇmiˬ oˇ ve hkʼa peu-eˬ ve hta‸ te luˬ piˇ tuˬ yoˬ. Ngaˬ Gʼuiˬsha chi hkʼe kʼoˆ taˍ peuˬ teh‸ kʼoˆ ve yoˬ.
13Gʼuiˬsha kʼoˆ ve, Ngaˬ lehˬ Meˍhpiˆ venˇ hkʼaw lo cawˬ ve shaˉ ho‸ leh maˇ heˆ heˆ ve gʼuiˬsha teˇ hpaˍ hta‸ te luˬ te sheˆ piˇ tuˬ yoˬ. Eˇjiˇtu‸ mvuhˇmiˬ hta‸ uˉ peunˍ paˍ teˇ gʼaˇ ka‸ cawˬ tuˬ ve maˇ heˆ. Chaw yaˇ teˇ hpaˍ hta‸ htawˇ ngaˬ kawˆ jaˇ la piˇ tuˬ yoˬ. 14Eˇjiˇtu‸ mvuhˇmiˬ awˬ hawˉ hpawˇ teˇ tawn hta‸ ngaˬ gawˬ cu gawˬ pehˆ hpeh‸ la piˇ leh, awˬ na hpawˇ lo cawˬ ve Zawˇnaˆ venˇ hta‸ aˬ miˍ tuˉ keu piˇ tuˬ yoˬ. 15Eˇjiˇtu‸ mvuhˇmiˬ ve uiˍ jaˇ ve ta‸ lonˉ hpeh‸ ve Peˍluˆsenˍ venˇ hta‸ ngaˬ ve nyi ma zuhˆ ve awˬ ceuˬ hta‸ leh‸ nyi tcuh tuˬ yoˬ. Teˍbiˆ ve hpu shi mawˇ jeˬ hta‸ ngaˬ te luˬ te sheˆ piˇ tuˬ yoˬ. 16Ngaˬ lehˬ Eˇjiˇtu‸ mvuhˇmiˬ hta‸ aˬ miˍ tuˉ keu piˇ leh, Peˍluˆsenˍ venˇ lehˬ gʼa hkʼanˇ chehˇ tuˬ yoˬ. Teˍbiˆ ve lanˇ venˇ teˇ hpaˍ paˆ kʼai leh, venˇ hkʼaw lo iˉ kaˆ hkʼa biˇ lo‸ la tuˬ yoˬ. 17Heˍliˍpeˍliˆ venˇ leh Buˍbaˍtiˆ venˇ hkʼaw chehˇ ve yaˇ nehˬ teˇ hpaˍ ma‸ bawˆ kuiˬ lo suh-e leh, awˬ nu ve chaw teˇ hpaˍ hta‸ shu hpeh kʼai tuˬ yoˬ. 18Eˇjiˇtu‸ mvuhˇmiˬ ve kanˇ paˆ hta‸ ngaˬ yuˬ baˬ leh, yawˇ hui nyi ma uiˍ chehˇ ve awˬ gʼaˇ awˬ shaˉ hta‸ ngaˬ awˬ leh meuˇ gaˬ la piˇ ve teˇ yanˇ, Taˍpaˍnehˆ venˇ hkʼoˆ lo naˆ ho‸ ve awˬ ceuˬ gaˬ la tuˬ yoˬ. Eˇjiˇtu‸ mvuhˇmiˬ hkʼoˆ lo moˬ hoˆ taˍ leh, yawˇ ve venˇ yaˇ hkʼa peu-eˬ hta‸ shu hpeh kʼai tuˬ yoˬ. 19Eˇjiˇtu‸ mvuhˇmiˬ hta‸ ngaˬ chi hkʼe ciˍ yanˍ piˇ ve teˇ yanˇ, ngaˬ Gʼuiˬsha hpeh‸ ve hta‸ yawˇ hui shiˍ la tuˬ yoˬ, teh‸ Gʼuiˬsha kʼoˆ ve yoˬ.
Luˬ peuˬ ve Eˇjiˇtu‸ jawˇmawˇ ve kanˇ paˆ
20Ngaˬ hui shu mvuhˇmiˬ hkʼaw chehˇ taˍ ve teˇ chi teˇ hkʼaw‸, awˉ lawˉ peuˇ ve teˇ ha pa, teˇ chi teˇ nyi htaˇ, Gʼuiˬsha ngaˬ hta‸ chi hkʼe kʼoˆ laˇ ve yoˬ. 21Chaw yaˇ-oˬ, ngaˬ lehˬ Eˇjiˇtu‸ jawˇmawˇ ve la‸ sheh hta‸ awˉ hteh piˇpeuˬ. Chaw teˇ gʼaˇ ka‸ yawˇ ve la‸ sheh awˬ gʼaˇ kʼaw‸ cawˬ la leh aˉhtaw hta‸ yuˬ gʼa la tuˬ, yawˇ ve la‸ sheh hta‸ maˇ peh tsuh‸ piˇ. 22Chi hta‸ pa taw, chi beu‸ ngaˬ Gʼuiˬsha chi hkʼe kʼoˆ ve yoˬ. Ngaˬ lehˬ Eˇjiˇtu‸ jawˇmawˇ ve canˇ paˍ hpeh‸ ve yoˬ. Yawˇ ve da‸ chehˇ sheˍ ve la‸ sheh teˇ paˉ hta‸ maˇ kʼoˆ, hteh kʼai taˍ peuˬ ve awˬ nu ve la‸ shehˍ teˇ paˉ hta‸ maˇ kʼoˆ, nyiˇ paˉ paˉ ve hta‸ ngaˬ awˉ hteh piˇ tuˬ yoˬ. Oˇ htaˇ, aˉhtaw yawˇ ve la‸ sheh hkʼaw ce kʼai tuˬ yoˬ. 23Eˇjiˇtu‸ chaw teˇ hpaˍ hta‸ ngaˬ mvuhˇmiˬ hkʼaˬ ti chi ti lo hpaˆ da‸ kʼai piˇ lawˬ tuˬ yoˬ. 24Oˇ ve hkʼaw‸ nawˉ, ngaˬ lehˬ Baˍbuˍlonˍ jawˇmawˇ ve la‸sheh hta‸ awˬ gʼaˇ uiˍ la piˇ leh, ngaˬ ve aˉhtaw yawˇ ve la‸ sheh hkʼaw keu piˇ tuˬ yoˬ. Ya‸ hkʼaˇ, ngaˬ lehˬ Eˇjiˇtu‸ jawˇmawˇ ve la‸ sheh hta‸ awˉ hteh piˇ leh, yawˇ ve canˇ paˍ mehˆ gʼuˇ suhˍ hkʼanˇ leh suh-e tuˬ yoˬ. 25Yoˬ, ngaˬ yawˇ hta‸ awˬ gʼaˇ nuˇ la piˇ leh, Baˍbuˍlonˍ jawˇmawˇ hta‸ awˬ gʼaˇ uiˍ la piˇ tuˬ yoˬ. Ngaˬ ve aˉhtaw yawˇ hta‸ piˇ leh, yawˇ lehˬ aˉhtaw oˇ ve Eˇjiˇtu‸ hpawˇ lo yuˬ mawˍ ve teˇ yanˇ, chaw teˇ gʼaˇ le le ngaˬ Gʼuiˬsha hpeh‸ ve hta‸ shiˍ la tuˬ yoˬ. 26Eˇjiˇtu‸ chaw teˇ hpaˍ hta‸ ngaˬ mvuhˇmiˬ hkʼaˬ ti chi ti lo hpaˆ da‸ kʼai piˇ lawˬ tuˬ yoˬ. Oˇ htaˇ, ngaˬ Gʼuiˬsha hpeh‸ ve hta‸ yawˇ hui shiˍ la tuˬ yoˬ, teh‸ Gʼuiˬsha kʼoˆ ve yoˬ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.