Yeˍsaˍkeˍlaˆ li‸ 28
28
Tuˇruˆ jawˇmawˇ awˬ lawn kʼoˆ ve
1Gʼuiˬsha ngaˬhta‸ chi hkʼe kʼoˆ laˇ ve yoˬ. 2Chaw yaˇ-oˬ, Tuˇruˆ venˇ hta‸ uˉ peunˍ chehˇ ve jawˇmawˇ hta‸ ngaˬ Gʼuiˬsha kʼoˆ chehˇ ve tawˇ chi teˇ hpaˍ kʼoˆ piˇ-oˆ. Nawˬ lehˬ nyi ma uiˍ ve hkʼaw, nawˬ awˬ to hta‸ gʼuiˬsha hkʼe shawˍ chehˇ ve yoˬ. Nawˬ lehˬ gʼuiˬsha hkʼe hpeh‸ leh, laˇ tsuhˇ gʼuiˬ caw zuhˇ taˍ ve kʼaw jaw hkʼoˆ mui chehˇ ve yoˬ, teh‸ nawˬ kʼoˆ chehˇ ve yoˬ. Nawˬ awˬ to hta‸ gʼuiˬsha hkʼe shawˍ taˍ hpeh‸ ve yoˬ. Ya‸ hkʼaˇ, nawˬ lehˬ suh puiˉ leh gʼuiˬsha hpeh‸ ve maˇ heˆ. 3Nawˬ awˬ to hta‸ nawˬ Daˍyeˍlaˆ a‸ kehˉ cuˇ yiˍ cawˬ ve yoˬ teh‸ dawˇ leh, nawˬ maˇ shiˍ ve faˉ taˍ ve awˬ ceuˬ teˇ ceuˬ ka‸ maˇ cawˬ teh‸ dawˇ chehˇ ve yoˬ. 4Nawˬ ve cuˇ yiˍ leh nawˬ ve dawˇ puiˉ keu‸ puiˇ ve nyi ma lehˬ, nawˬ hta‸ paw sha la piˇ leh, hpu shi maˇ maˇ cawˬ la piˇ ve yoˬ. 5Nawˬ kanˉ hkʼaˇ gu puiˉ leh, awˬ yawˬ maˇ maˇ gʼa chehˇ ve yoˬ. Nawˬ ve hpu shi mawˇ jeˬ hta‸ nawˬ hkʼaˬ ma nyi ma uiˍ chehˇ ve le.
6Chi hta‸ pa taw, ngaˬ Gʼuiˬsha chi hkʼe kʼoˆ chehˇ ve yoˬ. Nawˬ awˬ to hta‸ nawˬ gʼuiˬsha hkʼa shuˍ cuˇ yiˍ cawˬ ve yoˬ teh‸ dawˇ ve pa taw, 7haiˬ jaˇ ve canˇ paˍ teˇ hpaˍ hta‸ ngaˬ shiˍ veu laˇ leh, nawˬ hta‸ ca bawˆ la tcuh tuˬ yoˬ. Yawˇ hui lehˬ nawˬ ve cuˇ yiˍ maˍ yiˍ leh, nawˬ ve kanˉ hkʼaˇ hta‸ cuˇ leh ca gʼa taˍ ve da‸ jaˇ ve awˬ ceuˬ teˇ hpaˍ hta‸ te luˬ te sheˆ tuˬ yoˬ. 8Yawˇ hui nawˬ hta‸ tiˇ pehˍ leh, iˉ kaˆ cawˬ ve tuˍ hpfuh hkʼaw lo yuˬ keu laˇ tuˬ yoˬ. 9Yawˇ hui nawˬ hta‸ tiˇ pehˍ tuˬ laˬ ve teˇ yanˇ, nawˬ lehˬ gʼuiˬsha hpeh‸ ve yoˬ, teh‸ kʼoˆ tuˬ sheˍ ve laˇ. Nawˬ hta‸ ca tiˇ pehˍ la ve chaw hui hta‸ nawˬ mawˬ ve teˇ yanˇ, nawˬ lehˬ suh puiˉ ve chaw hpeh‸ leh gʼuiˬsha hpeh‸ tuˬ ve maˇ heˆ. 10Nawˬ lehˬ hpuiˇ hkʼa shuˍ, gʼuiˬsha maˇ cawˬ ve chaw hui ve la‸ sheh hkʼaw gʼa suh-e tuˬ yoˬ. Ngaˬ Gʼuiˬsha tawˇ piˇ taˍ peuˬ, teh‸ kʼoˆ ve yoˬ.
Tuˇruˆ jawˇmawˇ luˬ kʼai ve
11Gʼuiˬsha ngaˬ hta‸ chi hkʼe kʼaw‸ kʼoˆ laˇ ve yoˬ. 12Chaw yaˇ-oˬ, Tuˇruˆ jawˇmawˇ awˬ hkʼoˆ lo gaˬ la tuˬ ve kawˆ tuˬ uiˍ ve awˬ ceuˬ awˬ pon dawˇ haˍ leh hkʼanˇ chehˇ-oˆ. Ngaˬ Gʼuiˬsha kʼoˆ chehˇ ve tawˇ chi teˇ hpaˍ yawˇ hta‸ hto piˇ-oˆ. Teˇ pawˆ htaˇ nawˬ lehˬ da‸ ve hpawˇ lo shu awˬ pon henˇ kuiˬ jawˬ kuiˬ hpeh‸ ve yoˬ. Nawˬ lehˬ cuˇ yiˍ hkʼaˬ ma cawˬ ve leh hkʼaˬ ma awˬ hkiˇ awˬ naˬ da‸ jaˇ ve le. 13Nawˬ lehˬ Gʼuiˬsha ve Eˍdenˍ hkʼo hkʼaw chehˇ taˍ leh, shiˉ-ehˍ ve shehnˉ shiˍ, naw shi ve haˉ pui shehnˉ, nyiˉ-ehˍ ve haˉ pui shehnˉ, awˬ gʼeuˆ laiˉ ceuˬ cawˬ ve haˉ pui shehnˉ, naw naˆ ve haˉ pui shehnˉ leh hpuˉ-ehˍ ve haˉ pui shehnˉ chi teˇ hpaˍ hta‸ veu‸ deh taˍ ve yoˬ. Nawˬ lehˬ shi hkʼeun htawˇ hkʼa biˇ cawˬ ve yoˬ. Nawˬ hta‸ te hpanˍ ve teˇ nyi htaˇ, awˬ ceuˬ oˇ ve teˇ hpaˍ nawˬ awˬ pon te laˇ taˍ ve yoˬ. 14Nawˬ hta‸ ha‸ shaˉ tuˬ, kawˆ tuˬ uiˍ ve mvuhˇ naw ma tcuh yaˇ teˇ gʼaˇ hta‸ ngaˬ oˇ kaˬ lo teh taˍ ve yoˬ. Nawˬ lehˬ ngaˬ ve da‸ kehˬ ve hkʼaw hkʼoˆ lo chehˇ taˍ leh, awˬ gʼeuˆ ba ve shehnˉ shiˍ teˇ hpaˍ awˬ kaˍ lo te toˇ chehˇ ve yoˬ. 15Nawˬ hta‸ te hpanˍ ve teˇ nyi hta‸ te leh, nawˬ haiˬ ve kanˉ hta‸ tanˬ te ve teˇ nyi hkʼa gaˬ, nawˬ te ve kanˉ teˇ hpaˍ lehˬ da‸ jaˇ tehˬ ve yoˬ. 16Nawˬ lehˬ mawˇ vuiˬ mawˇ hawˇ ve kanˉ hta‸ tiˉ uˉ hkeu‸ tcuhˉ leh te ve pa taw, venˇbaˆ hkʼaw ce lo‸-e ve yoˬ. Chi hta‸ pa taw, ngaˬ nawˬ hta‸ ngaˬ ve da‸ kehˬ ve hkʼaw hkʼoˆ lo tawˆ kʼai tcuh leh, nawˬ hta‸ ha‸ shaˉ laˇ chehˇ ve mvuhˇ naw tcuh yaˇ htawˇ nawˬ hta‸ gʼa‸ kʼoˬ leh, awˬ gʼeuˆ ba ve shehnˉ shiˍ teˇ hpaˍ awˬ kaˍ lo maˇ kʼaw‸ te toˇ tcuh ve yoˬ. 17Nawˬ lehˬ nawˬ awˬ to awˬ hkiˇ awˬ naˬ da‸ ve hta‸ nyi ma uiˍ leh, nawˬ ve awˬ me‸ awˬ hponˇ lehˬ nawˬ hta‸ chaw luˬ paˍ hkʼe hpeh‸ la piˇ ve yoˬ. Nawˬ chi hkʼe hpeh‸ ve pa taw, ngaˬ nawˬ hta‸ miˬ chaˇ hkʼoˆ lo ca‸ baˬ leh, awˬ nu ve jawˇmawˇ teˇ hpaˍ shaˍ ti‸ gʼa tuˬ baˬ taˉ laˇ ve yoˬ. 18Nawˬ lehˬ mawˇ vuiˬ mawˇ hawˇ ve hkʼaw haiˬ ve kanˉ chi teˇ hpaˍ hta‸ te ve pa taw, nawˬve oˉ kʼoˍ pui kuiˬ teˇ hpaˍ htawˇ cha‸ chiˆ kʼai peuˬ ve yoˬ. Chi hta‸ pa taw, venˇ hta‸ ngaˬ aˬ miˍ tuˉ keu leh, miˬ chaˇ hkʼoˆ lo to‸ baˬ piˇ lawˬ ve yoˬ. Chi beu‸ nawˬ hta‸ hkʼa chiˇ nyi ve chaw hkʼa peu-eˬ, nawˬ lehˬ hkʼaw‸ laˉ hpeh‸ kʼai peuˬ ve hta‸ gʼa mawˬ ve yoˬ. 19Nawˬ lehˬ mehˉ kʼai peuˬ. Co co taiˍ taiˍ mehˉ kʼai peuˬ. Nawˬ hta‸ hkʼa shiˍ da‸ ve chaw ceuˬ hkʼa peu-eˬ kawˆ jaˇ leh, nawˬ hkanˍ ve hkʼe gʼa hkanˍ la ve hta‸ kawˆ jaˇ ve yoˬ, teh‸ Gʼuiˬsha kʼoˆ ve yoˬ.
Siˉdonˍ awˬ lawn kʼoˆ ve
20Gʼuiˬsha ngaˬ hta‸ chi hkʼe kʼoˆ laˇ ve yoˬ. 21Chaw yaˇ-oˬ, Siˉdonˍ venˇ hta‸ hkeu piˇ-oˆ. 22Oˇ kaˬ lo chehˇ taˍ ve chaw teˇ hpaˍ hta‸, ngaˬ Gʼuiˬsha kʼoˆ chehˇ ve tawˇ chi teˇ hpaˍ hto maˍ piˇ-oˆ. Siˉdonˍ-oˬ, ngaˬ lehˬ nawˬ ve canˇ paˍ hpeh‸ ve yoˬ. Ngaˬ nawˬ hta‸ te piˇ ve kanˉchi awˬ pon, chaw yaˇ teˇ hpaˍ ngaˬ hta‸ chiˇ mvuh tuˬ yoˬ. Ngaˬ hkʼaˬ ma da‸ kehˬ jaˇ ve hta‸ hpeu‸ maˍ leh, nawˬ awˬ hkʼaw lo chehˇ ve chaw hta‸ ngaˬ ciˍ yanˬ piˇ ve teˇ yanˇ ngaˬ Gʼuiˬsha hpeh‸ ve hta‸ yawˇ hui shiˍ la tuˬ yoˬ. 23Ngaˬ nawˬ awˬ hkʼoˆ lo naˬ beuˬ gaˬ la piˇ leh, nawˬ ve ya‸ kʼaw teˇ hpaˍ awˬ hkʼoˆ lo awˬ suhˍ ya‸ la piˇ lawˬ tuˬ yoˬ. Nawˬ hui lehˬ teˇ hpawˇ le le lo shu hoˆ bawˆ ve hta‸ gʼa hkanˍ tuˬ yoˬ. Oˇ htaˇ, ngaˬ Gʼuiˬsha hpeh‸ ve hta‸ nawˬ hui shiˍ la tuˬ yoˬ, teh‸ Gʼuiˬsha kʼoˆ ve yoˬ.
Iˉsaˍreˍlaˆ hta‸ awˬ bon kʼaw‸ na‸ piˇ tuˬ
24Gʼuiˬsha kʼoˆ ve, Iˉsaˍreˍlaˆ hta‸ nyi bawˬ ve chaw hkʼaˬ ve te ceuˬ maˇ kʼoˆ, chi teˇ pawˆ Iˉsaˍreˍlaˆ hta‸ aˉ chuˇ buiˇ hkʼa shuˍ naˬ tuˬ kʼaw‸ te piˇ tuˬ ve maˇ heˆ. Ngaˬ Gʼuiˬsha hpeh‸ ve hta‸ yawˇ hui shiˍ la tuˬ yoˬ teh‸ kʼoˆ ve yoˬ.
25Gʼuiˬsha kʼoˆ ve, Shu ve mvuhˇmiˬ hkʼaw lo ngaˬ hpaˆ da‸ kʼai piˇ taˍ ve Iˉsaˍreˍlaˆ chaw hui hta‸ ngaˬ kʼaw‸ shiˍ hkʼaw‸ veu laˇ piˇ tuˬ yoˬ. Oˇ htaˇ, chaw ceuˬ hkʼa peu-eˬ ngaˬ lehˬ da‸ kehˬ jaˇ ve hta‸ shiˍ la tuˬ yoˬ. Iˉsaˍreˍlaˆ chaw teˇ hpaˍ lehˬ ngaˬ ve awˬ ceˬ paˍ Yaˍkoˆ hta‸ ngaˬ piˇ taˍ ve mvuhˇ mi hkʼaw gʼa kʼaw‸ chehˇ tuˬ yoˬ. 26Yawˇ hui oˇ kaˬ lo gawˬ lehˍ gʼa chehˇ tuˬyoˬ. Yawˇ hui yehˬ hta‸ te leh, a pehˉ meuˇ cehˬ ti tuˬyoˬ. Yawˇ hui hta‸ maˇ shawˍ maˇ caˆ te piˇ ve chaw hta‸ ngaˬ ciˍ yanˍ piˇ leh, Iˉsaˍreˍlaˆ chaw teˇ hpaˍ gawˬ lehˍ gʼa chehˇ tuˬ yoˬ. Oˇ htaˇ ngaˬ lehˬ yawˇ hui ve Jawˇmawˇ Gʼuiˬsha hpeh‸ ve hta‸ yawˇ hui shiˍ la tuˬ yoˬ, teh‸ Gʼuiˬsha kʼoˆ ve yoˬ.
Currently Selected:
Yeˍsaˍkeˍlaˆ li‸ 28: LHBE
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Yeˍsaˍkeˍlaˆ li‸ 28
28
Tuˇruˆ jawˇmawˇ awˬ lawn kʼoˆ ve
1Gʼuiˬsha ngaˬhta‸ chi hkʼe kʼoˆ laˇ ve yoˬ. 2Chaw yaˇ-oˬ, Tuˇruˆ venˇ hta‸ uˉ peunˍ chehˇ ve jawˇmawˇ hta‸ ngaˬ Gʼuiˬsha kʼoˆ chehˇ ve tawˇ chi teˇ hpaˍ kʼoˆ piˇ-oˆ. Nawˬ lehˬ nyi ma uiˍ ve hkʼaw, nawˬ awˬ to hta‸ gʼuiˬsha hkʼe shawˍ chehˇ ve yoˬ. Nawˬ lehˬ gʼuiˬsha hkʼe hpeh‸ leh, laˇ tsuhˇ gʼuiˬ caw zuhˇ taˍ ve kʼaw jaw hkʼoˆ mui chehˇ ve yoˬ, teh‸ nawˬ kʼoˆ chehˇ ve yoˬ. Nawˬ awˬ to hta‸ gʼuiˬsha hkʼe shawˍ taˍ hpeh‸ ve yoˬ. Ya‸ hkʼaˇ, nawˬ lehˬ suh puiˉ leh gʼuiˬsha hpeh‸ ve maˇ heˆ. 3Nawˬ awˬ to hta‸ nawˬ Daˍyeˍlaˆ a‸ kehˉ cuˇ yiˍ cawˬ ve yoˬ teh‸ dawˇ leh, nawˬ maˇ shiˍ ve faˉ taˍ ve awˬ ceuˬ teˇ ceuˬ ka‸ maˇ cawˬ teh‸ dawˇ chehˇ ve yoˬ. 4Nawˬ ve cuˇ yiˍ leh nawˬ ve dawˇ puiˉ keu‸ puiˇ ve nyi ma lehˬ, nawˬ hta‸ paw sha la piˇ leh, hpu shi maˇ maˇ cawˬ la piˇ ve yoˬ. 5Nawˬ kanˉ hkʼaˇ gu puiˉ leh, awˬ yawˬ maˇ maˇ gʼa chehˇ ve yoˬ. Nawˬ ve hpu shi mawˇ jeˬ hta‸ nawˬ hkʼaˬ ma nyi ma uiˍ chehˇ ve le.
6Chi hta‸ pa taw, ngaˬ Gʼuiˬsha chi hkʼe kʼoˆ chehˇ ve yoˬ. Nawˬ awˬ to hta‸ nawˬ gʼuiˬsha hkʼa shuˍ cuˇ yiˍ cawˬ ve yoˬ teh‸ dawˇ ve pa taw, 7haiˬ jaˇ ve canˇ paˍ teˇ hpaˍ hta‸ ngaˬ shiˍ veu laˇ leh, nawˬ hta‸ ca bawˆ la tcuh tuˬ yoˬ. Yawˇ hui lehˬ nawˬ ve cuˇ yiˍ maˍ yiˍ leh, nawˬ ve kanˉ hkʼaˇ hta‸ cuˇ leh ca gʼa taˍ ve da‸ jaˇ ve awˬ ceuˬ teˇ hpaˍ hta‸ te luˬ te sheˆ tuˬ yoˬ. 8Yawˇ hui nawˬ hta‸ tiˇ pehˍ leh, iˉ kaˆ cawˬ ve tuˍ hpfuh hkʼaw lo yuˬ keu laˇ tuˬ yoˬ. 9Yawˇ hui nawˬ hta‸ tiˇ pehˍ tuˬ laˬ ve teˇ yanˇ, nawˬ lehˬ gʼuiˬsha hpeh‸ ve yoˬ, teh‸ kʼoˆ tuˬ sheˍ ve laˇ. Nawˬ hta‸ ca tiˇ pehˍ la ve chaw hui hta‸ nawˬ mawˬ ve teˇ yanˇ, nawˬ lehˬ suh puiˉ ve chaw hpeh‸ leh gʼuiˬsha hpeh‸ tuˬ ve maˇ heˆ. 10Nawˬ lehˬ hpuiˇ hkʼa shuˍ, gʼuiˬsha maˇ cawˬ ve chaw hui ve la‸ sheh hkʼaw gʼa suh-e tuˬ yoˬ. Ngaˬ Gʼuiˬsha tawˇ piˇ taˍ peuˬ, teh‸ kʼoˆ ve yoˬ.
Tuˇruˆ jawˇmawˇ luˬ kʼai ve
11Gʼuiˬsha ngaˬ hta‸ chi hkʼe kʼaw‸ kʼoˆ laˇ ve yoˬ. 12Chaw yaˇ-oˬ, Tuˇruˆ jawˇmawˇ awˬ hkʼoˆ lo gaˬ la tuˬ ve kawˆ tuˬ uiˍ ve awˬ ceuˬ awˬ pon dawˇ haˍ leh hkʼanˇ chehˇ-oˆ. Ngaˬ Gʼuiˬsha kʼoˆ chehˇ ve tawˇ chi teˇ hpaˍ yawˇ hta‸ hto piˇ-oˆ. Teˇ pawˆ htaˇ nawˬ lehˬ da‸ ve hpawˇ lo shu awˬ pon henˇ kuiˬ jawˬ kuiˬ hpeh‸ ve yoˬ. Nawˬ lehˬ cuˇ yiˍ hkʼaˬ ma cawˬ ve leh hkʼaˬ ma awˬ hkiˇ awˬ naˬ da‸ jaˇ ve le. 13Nawˬ lehˬ Gʼuiˬsha ve Eˍdenˍ hkʼo hkʼaw chehˇ taˍ leh, shiˉ-ehˍ ve shehnˉ shiˍ, naw shi ve haˉ pui shehnˉ, nyiˉ-ehˍ ve haˉ pui shehnˉ, awˬ gʼeuˆ laiˉ ceuˬ cawˬ ve haˉ pui shehnˉ, naw naˆ ve haˉ pui shehnˉ leh hpuˉ-ehˍ ve haˉ pui shehnˉ chi teˇ hpaˍ hta‸ veu‸ deh taˍ ve yoˬ. Nawˬ lehˬ shi hkʼeun htawˇ hkʼa biˇ cawˬ ve yoˬ. Nawˬ hta‸ te hpanˍ ve teˇ nyi htaˇ, awˬ ceuˬ oˇ ve teˇ hpaˍ nawˬ awˬ pon te laˇ taˍ ve yoˬ. 14Nawˬ hta‸ ha‸ shaˉ tuˬ, kawˆ tuˬ uiˍ ve mvuhˇ naw ma tcuh yaˇ teˇ gʼaˇ hta‸ ngaˬ oˇ kaˬ lo teh taˍ ve yoˬ. Nawˬ lehˬ ngaˬ ve da‸ kehˬ ve hkʼaw hkʼoˆ lo chehˇ taˍ leh, awˬ gʼeuˆ ba ve shehnˉ shiˍ teˇ hpaˍ awˬ kaˍ lo te toˇ chehˇ ve yoˬ. 15Nawˬ hta‸ te hpanˍ ve teˇ nyi hta‸ te leh, nawˬ haiˬ ve kanˉ hta‸ tanˬ te ve teˇ nyi hkʼa gaˬ, nawˬ te ve kanˉ teˇ hpaˍ lehˬ da‸ jaˇ tehˬ ve yoˬ. 16Nawˬ lehˬ mawˇ vuiˬ mawˇ hawˇ ve kanˉ hta‸ tiˉ uˉ hkeu‸ tcuhˉ leh te ve pa taw, venˇbaˆ hkʼaw ce lo‸-e ve yoˬ. Chi hta‸ pa taw, ngaˬ nawˬ hta‸ ngaˬ ve da‸ kehˬ ve hkʼaw hkʼoˆ lo tawˆ kʼai tcuh leh, nawˬ hta‸ ha‸ shaˉ laˇ chehˇ ve mvuhˇ naw tcuh yaˇ htawˇ nawˬ hta‸ gʼa‸ kʼoˬ leh, awˬ gʼeuˆ ba ve shehnˉ shiˍ teˇ hpaˍ awˬ kaˍ lo maˇ kʼaw‸ te toˇ tcuh ve yoˬ. 17Nawˬ lehˬ nawˬ awˬ to awˬ hkiˇ awˬ naˬ da‸ ve hta‸ nyi ma uiˍ leh, nawˬ ve awˬ me‸ awˬ hponˇ lehˬ nawˬ hta‸ chaw luˬ paˍ hkʼe hpeh‸ la piˇ ve yoˬ. Nawˬ chi hkʼe hpeh‸ ve pa taw, ngaˬ nawˬ hta‸ miˬ chaˇ hkʼoˆ lo ca‸ baˬ leh, awˬ nu ve jawˇmawˇ teˇ hpaˍ shaˍ ti‸ gʼa tuˬ baˬ taˉ laˇ ve yoˬ. 18Nawˬ lehˬ mawˇ vuiˬ mawˇ hawˇ ve hkʼaw haiˬ ve kanˉ chi teˇ hpaˍ hta‸ te ve pa taw, nawˬve oˉ kʼoˍ pui kuiˬ teˇ hpaˍ htawˇ cha‸ chiˆ kʼai peuˬ ve yoˬ. Chi hta‸ pa taw, venˇ hta‸ ngaˬ aˬ miˍ tuˉ keu leh, miˬ chaˇ hkʼoˆ lo to‸ baˬ piˇ lawˬ ve yoˬ. Chi beu‸ nawˬ hta‸ hkʼa chiˇ nyi ve chaw hkʼa peu-eˬ, nawˬ lehˬ hkʼaw‸ laˉ hpeh‸ kʼai peuˬ ve hta‸ gʼa mawˬ ve yoˬ. 19Nawˬ lehˬ mehˉ kʼai peuˬ. Co co taiˍ taiˍ mehˉ kʼai peuˬ. Nawˬ hta‸ hkʼa shiˍ da‸ ve chaw ceuˬ hkʼa peu-eˬ kawˆ jaˇ leh, nawˬ hkanˍ ve hkʼe gʼa hkanˍ la ve hta‸ kawˆ jaˇ ve yoˬ, teh‸ Gʼuiˬsha kʼoˆ ve yoˬ.
Siˉdonˍ awˬ lawn kʼoˆ ve
20Gʼuiˬsha ngaˬ hta‸ chi hkʼe kʼoˆ laˇ ve yoˬ. 21Chaw yaˇ-oˬ, Siˉdonˍ venˇ hta‸ hkeu piˇ-oˆ. 22Oˇ kaˬ lo chehˇ taˍ ve chaw teˇ hpaˍ hta‸, ngaˬ Gʼuiˬsha kʼoˆ chehˇ ve tawˇ chi teˇ hpaˍ hto maˍ piˇ-oˆ. Siˉdonˍ-oˬ, ngaˬ lehˬ nawˬ ve canˇ paˍ hpeh‸ ve yoˬ. Ngaˬ nawˬ hta‸ te piˇ ve kanˉchi awˬ pon, chaw yaˇ teˇ hpaˍ ngaˬ hta‸ chiˇ mvuh tuˬ yoˬ. Ngaˬ hkʼaˬ ma da‸ kehˬ jaˇ ve hta‸ hpeu‸ maˍ leh, nawˬ awˬ hkʼaw lo chehˇ ve chaw hta‸ ngaˬ ciˍ yanˬ piˇ ve teˇ yanˇ ngaˬ Gʼuiˬsha hpeh‸ ve hta‸ yawˇ hui shiˍ la tuˬ yoˬ. 23Ngaˬ nawˬ awˬ hkʼoˆ lo naˬ beuˬ gaˬ la piˇ leh, nawˬ ve ya‸ kʼaw teˇ hpaˍ awˬ hkʼoˆ lo awˬ suhˍ ya‸ la piˇ lawˬ tuˬ yoˬ. Nawˬ hui lehˬ teˇ hpawˇ le le lo shu hoˆ bawˆ ve hta‸ gʼa hkanˍ tuˬ yoˬ. Oˇ htaˇ, ngaˬ Gʼuiˬsha hpeh‸ ve hta‸ nawˬ hui shiˍ la tuˬ yoˬ, teh‸ Gʼuiˬsha kʼoˆ ve yoˬ.
Iˉsaˍreˍlaˆ hta‸ awˬ bon kʼaw‸ na‸ piˇ tuˬ
24Gʼuiˬsha kʼoˆ ve, Iˉsaˍreˍlaˆ hta‸ nyi bawˬ ve chaw hkʼaˬ ve te ceuˬ maˇ kʼoˆ, chi teˇ pawˆ Iˉsaˍreˍlaˆ hta‸ aˉ chuˇ buiˇ hkʼa shuˍ naˬ tuˬ kʼaw‸ te piˇ tuˬ ve maˇ heˆ. Ngaˬ Gʼuiˬsha hpeh‸ ve hta‸ yawˇ hui shiˍ la tuˬ yoˬ teh‸ kʼoˆ ve yoˬ.
25Gʼuiˬsha kʼoˆ ve, Shu ve mvuhˇmiˬ hkʼaw lo ngaˬ hpaˆ da‸ kʼai piˇ taˍ ve Iˉsaˍreˍlaˆ chaw hui hta‸ ngaˬ kʼaw‸ shiˍ hkʼaw‸ veu laˇ piˇ tuˬ yoˬ. Oˇ htaˇ, chaw ceuˬ hkʼa peu-eˬ ngaˬ lehˬ da‸ kehˬ jaˇ ve hta‸ shiˍ la tuˬ yoˬ. Iˉsaˍreˍlaˆ chaw teˇ hpaˍ lehˬ ngaˬ ve awˬ ceˬ paˍ Yaˍkoˆ hta‸ ngaˬ piˇ taˍ ve mvuhˇ mi hkʼaw gʼa kʼaw‸ chehˇ tuˬ yoˬ. 26Yawˇ hui oˇ kaˬ lo gawˬ lehˍ gʼa chehˇ tuˬyoˬ. Yawˇ hui yehˬ hta‸ te leh, a pehˉ meuˇ cehˬ ti tuˬyoˬ. Yawˇ hui hta‸ maˇ shawˍ maˇ caˆ te piˇ ve chaw hta‸ ngaˬ ciˍ yanˍ piˇ leh, Iˉsaˍreˍlaˆ chaw teˇ hpaˍ gawˬ lehˍ gʼa chehˇ tuˬ yoˬ. Oˇ htaˇ ngaˬ lehˬ yawˇ hui ve Jawˇmawˇ Gʼuiˬsha hpeh‸ ve hta‸ yawˇ hui shiˍ la tuˬ yoˬ, teh‸ Gʼuiˬsha kʼoˆ ve yoˬ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.