Tawˆ kʼai ve li‸ 9
9
Eˇjiˇtu‸ chaw hui ve ceˇ teˇ hpaˍ suh-e ve
1Oˇ ve hkʼaw‸ nawˉ Gʼuiˬsha kʼoˆ ve, Jawˇmawˇ geh kʼai leh, Ngaˬ ve chaw teˇ hpaˍ ngaˬ hta‸ oˉ kʼoˍ ca pui tuˬ, yawˇ hui hta‸ hpehˇ piˇ-oˆ, teh‸ ca kʼoˆ piˇ-oˆ. 2Nawˬ yawˇ hui hta‸ maˇ hpehˇ piˇ sheˍ ve kʼo, 3ngaˬ lehˬ nawˬ hui ve iˉ mvuhˇ, piˉ laˬ, nuˇ, yawˬ, kaˍlaˍoˆ teˇ hpaˍ hta‸ te luˬ laˇ tuˬ yoˬ. 4Ya‸ hkʼaˇ, ngaˬ lehˬ Iˉsaˍreˍlaˆ chaw hui ve ceˇ teˇ hpaˍ hta‸ ha‸ shaˉ piˇ leh yawˇ hui ve ceˇ teˇ hkeh ka‸ suh-e tuˬ ve maˇ heˆ. 5Ngaˬ lehˬ awˬ yanˇ hta‸ tinˍ taˍ peuˬ. Shawˉ pawˍ kʼo, ngaˬ chi hkʼe te tuˬ yoˬ, teh‸ jawˇmawˇ hta‸ kʼoˆ piˇ-oˆ.
6Awˬ hkʼaw‸ nawˉ teˇ nyi Gʼuiˬsha lehˬ yawˇ kʼoˆ taˍ ve hkʼe te leh, Eˇjiˇtu‸ mvuhˇmiˬ ve ceˇ hkʼa peu-eˬ suh-e ve yoˬ. Ya‸ hkʼaˇ, Iˉsaˍreˍlaˆ chaw hui ve ceˇ teˇ hkeh ka‸ maˇ suh. 7Jawˇmawˇ lehˬ, awˬ lawn hkʼa peu-eˬ hta‸ ca chaˬ nyi tcuh leh, Iˉsaˍreˍlaˆ chaw hui ve ceˇ teˇ hkeh ka‸ maˇ suh ve awˬ lawn hta‸ gʼa shiˍ ve yoˬ. Ya‸ hkʼaˇ, yawˇ lehˬ nyi ma heh chehˇ sheˍ leh chaw oˇ ve teˇ hpaˍ hta‸ maˇ hpehˇ piˇ.
Shaˉ chuˇ lonˉ teˇ hpaˍ tawˆ la ve
8Oˇ ve hkʼaw‸ nawˉ, Gʼuiˬsha Moˉseˍ leh Aˍronˍ hta‸ kʼoˆ piˇ ve, Hkʼaw‸ laˉ a ciˉ hkaˆ veu leh, Moˉseˍ nawˬ jawˇmawˇ gʼuˇ suhˍ mvuhˇ hpe lo baˬ peu-o. 9Hkʼaw‸ laˉ oˇ ve teˇ hpaˍ lehˬ, Eˇjiˇtu‸ mvuhˇmiˬ hkʼaˬ ti chi ti lo gaˬ leh oˇ ve teˇ hpaˍ hta‸ pa taw, chaw yaˇ leh to nuˇ to shaˆ teˇ hpaˍ awˬ hkʼaw lo, shaˉ chuˇ lonˉ tawˆ la tuˬ yoˬ, teh‸ kʼoˆ piˇ ve yoˬ. 10Hkʼe te leh, yawˇ huiˉ maˬ hkʼaw‸ laˉ yuˬ veu leh, Moˉseˍ lehˬ jawˇmawˇ gʼuˇ suhˍ mvuhˇ hpe lo baˬ peu ve yoˬ. Oˇ htaˇ, chaw yaˇ leh to nuˇ to shaˆ teˇ hpaˍ awˬ hkʼaw lo shaˉ chuˇ lonˉ teˇ hpaˍ tawˆ la ve yoˬ. 11Faˍ te puiˉ paˍ teˇ hpaˍ lehˬ, Moˉseˍ hta‸ kʼaw‸ tanˬ da‸ maˇ hpeh‸. Awˬ lawn kʼo, yawˇ hui htawˇ awˬ nu ve Eˇjiˇtu‸ chaw teˇ hpaˍ hkʼa shuˍ, shaˉ chuˇ lonˉ teˇ hpaˍ tawˆ la ve pa taw yoˬ. 12Ya‸ hkʼaˇ, Gʼuiˬsha lehˬ jawˇmawˇ ve nyi ma hta‸ heh la piˇ leh, yawˇ kʼoˆ taˍ peuˬ ve hkʼe Moˉseˍ leh Aˍronˍ ve tawˇ hta‸ maˇ na yuˬ.
Vaˇ shiˍ ce la ve
13Oˇ ve hkʼaw‸ nawˉ, Gʼuiˬsha Moˉseˍ hta‸ kʼoˆ piˇ ve, Shawˉ pawˍ teˇ na‸ jawˇmawˇ geh kʼai leh, Heˍbrehˇ chaw hui ve Gʼuiˬsha chi hkʼe kʼoˆ ve yoˬ, teh‸ yawˇ hta‸ ca kʼoˆ piˇ-oˆ. Ngaˬ ve chaw ngaˬ hta‸ oˉ kʼoˍ gʼa ca pui tuˬ, yawˇ hui hta‸ hpehˇ piˇ-oˆ. 14Chi teˇ pawˆ nawˬ yawˇ hui hta‸ maˇ hpehˇ piˇ ve kʼo, miˬguiˬ chi hkʼoˆ lo ngaˬ hkʼe ve Gʼuiˬsha teˇ gʼaˇ ka‸ maˇ cawˬ ve hta‸ nawˬ gʼa shiˍ tuˬ, nawˬ awˬ to, nawˬ ve a ma‸ lonˉ teˇ hpaˍ leh, nawˬ ve chaw teˇ hpaˍ hta‸ ngaˬ ciˍ yanˍ laˇ tuˬ yoˬ. 15Chi beu‸ ngaˬ ve la‸ sheh che leh, nawˬ awˬ to leh nawˬ ve chaw teˇ hpaˍ hta‸ ciˍ yanˍ piˇ ve hkʼe kʼo, nawˬ hui hkʼa peu-eˬ suh peuˬ tuˬ yoˬ. 16Ya‸ hkʼaˇ, ngaˬ ve kanˇ paˆ nawˬ hta‸ hpeu‸ maˍ laˇ leh, ngaˬ ve awˬ meh miˬguiˬ chi hkʼoˆ bvuhˬ kʼai piˇ tuˬ awˬ pon, ngaˬ nawˬ hta‸ te‸ chehˇ tcuh laˇ taˍ sheˍ ve yoˬ. 17Nawˬ lehˬ nyi ma heh chehˇ sheˍ leh, ya‸ nyi hkʼa gaˬ ngaˬ ve chaw teˇ hpaˍ hta‸ maˇ hpehˇ piˇ sheˍ. 18Chi hta‸ pa taw, shawˉ pawˍ chi teˇ yanˇ gaˬ ve kʼo, Eˇjiˇtu‸ mvuhˇmiˬ hkʼaw teˇ pawˆ ka‸ maˇ mawˬ jaw sheˍ ve hehnˇ jaˇ ve vaˇ shiˍ teˇ hpaˍ hta‸ ngaˬ ce la piˇ tuˬ yoˬ. 19Hkʼe te leh, chi beu‸ ti mi hkʼaw chehˇ taˍ ve nawˬ hui ve ceˇ teˇ hpaˍ hta‸ a shu yawˇ ve awˬ hkawˆ hkʼaw gʼa‸ keu taˍ tuˬ tawˇ piˇ-oˆ. 20A shu yawˇ ve yehˬ leh, hkawˆ hkʼaw maˇ chehˇ taˍ ve chaw leh to nuˇ to shaˆ hkʼa peu-eˬ, vaˇ shiˍ ce teˍ leh suh peuˬ tuˬ yoˬ, teh‸ Moˉseˍ hta‸ kʼoˆ piˇ ve yoˬ. 21Gʼuiˬsha ve tawˇ hta‸ gʼa kaˇ leh kawˆ ve jawˇmawˇ ve a ma‸ lonˉ teˇ hpaˍ lehˬ, a shu yawˇ ve awˬ ceˬ leh, ceˇ teˇ hpaˍ hta‸ aˉ hkʼaw lo gʼa‸ keu taˍ ve yoˬ. Ya‸ hkʼaˇ, Gʼuiˬsha ve tawˇ hta‸ maˇ na ve chaw teˇ hpaˍ lehˬ, a shu yawˇ ve awˬ ceˬ leh ceˇ teˇ hpaˍ hta‸ ti mi hkʼaw hkʼe leˇ hpehˇ baˬ taˍ ve yoˬ.
22Oˇ htaˇ, Gʼuiˬsha Moˉseˍ hta‸ kʼoˆ piˇ ve, Eˇjiˇtu‸ mvuhˇmiˬ hkʼaˬ ti chi ti lo chehˇ taˍ ve chaw, to nuˇ to shaˆ, leh suhˆ cehˬ hawˆ cehˬ hkʼa peu-eˬ awˬ hkʼoˆ lo vaˇ shiˍ ce la piˇ tuˬ, nawˬ ve la‸ sheh mvuhˇ hpe lo chiˇ taˍ-o‸, teh‸ yawˇ hta‸ kʼoˆ piˇ ve yoˬ. 23Moˉseˍ lehˬ yawˇ ve juˇ fuiˍ taˬ hta‸ mvuhˇ hpe lo chiˇ taˍ ve teˇ yanˇ, Gʼuiˬsha lehˬ mvuhˇ tawˍ mvuhˇ htehˆ piˇ lawˬ leh, Eˇjiˇtu‸ mvuhˇmiˬ hkʼa peu-eˬ hkʼoˆ vaˇ shiˍ maˇ maˇ ce la piˇ lawˬ ve yoˬ. 24Mvuhˇ tawˍ mvuhˇ htehˆ ve hkʼaw vaˇ shiˍ maˇ maˇ ce la ve yoˬ. 25Eˇjiˇtu‸ mvuhˇmiˬ hkʼaˬ ti chi ti lo cawˬ ve ti mi, chaw yaˇ, leh to nuˇ to shaˆ teˇ hpaˍ hta‸ vaˇ shiˍ ce teˍ ve yoˬ. Ti mi hkʼaw cawˬ ve caˬ cehˬ teˇ hpaˍ leh, suhˆ cehˬ hkʼa peu-eˬ ve hta‸ htawˇ te luˬ piˇ ve yoˬ. 26Heˍbrehˇ chaw hui ve chehˇ kuiˬ Gawˍshenˍ mvuhˇmiˬ hkʼaw lehˬ, vaˇ shiˍ maˇ ce la.
27Oˇ htaˇ jawˇmawˇ lehˬ, Moˉseˍ leh Aˍronˍ hta‸ kuˬ yuˬ leh kʼoˆ ve, Chi teˇ pawˆ ngaˬ lehˬ te ya‸ jaˇ peuˬ. Gʼuiˬsha te ve cawˇ leh ngaˬ leh ngaˬ ve chaw teˇ hpaˍ te ve lehˬ ya‸ jaˇ ve yoˬ. 28Ngaˬ hui awˬ pon Gʼuiˬsha geh bon lawˬ laˇ-oˆ. Awˬ lawn kʼo, ngaˬ hui lehˬ mvuhˇ tawˍ mvuhˇ htehˆ ve leh vaˇ shiˍ chi teˇ hpaˍ hta‸ hkanˍ maˇ gʼaˇ-o. Ngaˬ nawˬ hui hta‸ tawˆ kʼai tcuh laˇ tuˬ yoˬ. Nawˬ hui maw maw gʼa law chehˇ tuˬ ve maˇ heˆ, teh‸ yawˇ huiˉ maˬ hta‸ kʼoˆ piˇ ve yoˬ.
29Moˉseˍ yawˇ hta‸ kʼoˆ piˇ ve, Ngaˬ venˇ chi hkʼaw tawˆ kʼai chehˇ ve teˇ hkui, ngaˬ ve la‸ sheh chiˇ leh Gʼuiˬsha geh bon lawˬ tuˬ yoˬ. Oˇ htaˇ mvuhˇ tawˍ mvuhˇ htehˆ ve jehˇ sheˬ leh, vaˇ shiˍ htawˇ kʼaw‸ ce la tuˬ ve maˇ heˆ. Miˬguiˬ chi lehˬ, Gʼuiˬsha ve mawˇ hpeh‸ ve hta‸ nawˬ gʼa shiˍ tuˬ yoˬ. 30Ya‸ hkʼaˇ, nawˬ awˬ to leh nawˬ ve a ma‸ lonˉ teˇ hpaˍ lehˬ, ngaˬ hui ve Gʼuiˬsha hta‸ kawˆ ve nyi ma maˇ cawˬ sheˍ ve hta‸ ngaˬ hkʼa deh‸ shiˍ taˍ ve yoˬ, teh‸ yawˇ hta‸ kʼoˆ piˇ ve yoˬ.
31Cho‸ cehˬ teˇ hpaˍ lehˬ awˬ shiˍ awˬ nu tawˆ la taˍ peuˬ. Lawˇ cehˬ teˇ hpaˍ htawˇ awˬ tzuh tawˆ la taˍ peuˬ. Hkʼe te leh, awˬ cehˬ oˇ ve hkʼa peu-eˬ luˬ kʼai ve yoˬ. 32Ya‸ hkʼaˇ, junˍ leh sha ma teˇ hpaˍ lehˬ ti leh ve pa taw maˇ luˬ kʼai.
33Moˉseˍ jawˇmawˇ mehˆ gʼuˇ suhˍ tawˆ kʼai leh venˇ baˬ lo gaˬ htaˇ, yawˇ ve la‸ sheh chiˇ leh Gʼuiˬsha geh bon lawˬ ve yoˬ. Oˇ htaˇ, mvuhˇ tawˍ mvuhˇ htehˆ ve jehˇ sheˬ leh, vaˇ shiˍ htawˇ maˇ kʼaw‸ ce la ve yoˬ. 34Oˇ hkʼe hpeh‸ la ve hta‸ jawˇmawˇ gʼa mawˬ ve teˇ yanˇ, yawˇ venˇbaˆ kʼaw‸ te ve yoˬ. 35Gʼuiˬsha Moˉseˍ hta‸ kʼoˆ piˇ taˍ ve hkʼe, yawˇ leh yawˇ ve a ma‸ lonˉ teˇ hpaˍ nyi ma kʼaw‸ heh la leh, Iˉsaˍreˍlaˆ chaw hui hta‸ maˇ kʼaw‸ hpehˇ piˇ.
Currently Selected:
Tawˆ kʼai ve li‸ 9: LHBE
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Tawˆ kʼai ve li‸ 9
9
Eˇjiˇtu‸ chaw hui ve ceˇ teˇ hpaˍ suh-e ve
1Oˇ ve hkʼaw‸ nawˉ Gʼuiˬsha kʼoˆ ve, Jawˇmawˇ geh kʼai leh, Ngaˬ ve chaw teˇ hpaˍ ngaˬ hta‸ oˉ kʼoˍ ca pui tuˬ, yawˇ hui hta‸ hpehˇ piˇ-oˆ, teh‸ ca kʼoˆ piˇ-oˆ. 2Nawˬ yawˇ hui hta‸ maˇ hpehˇ piˇ sheˍ ve kʼo, 3ngaˬ lehˬ nawˬ hui ve iˉ mvuhˇ, piˉ laˬ, nuˇ, yawˬ, kaˍlaˍoˆ teˇ hpaˍ hta‸ te luˬ laˇ tuˬ yoˬ. 4Ya‸ hkʼaˇ, ngaˬ lehˬ Iˉsaˍreˍlaˆ chaw hui ve ceˇ teˇ hpaˍ hta‸ ha‸ shaˉ piˇ leh yawˇ hui ve ceˇ teˇ hkeh ka‸ suh-e tuˬ ve maˇ heˆ. 5Ngaˬ lehˬ awˬ yanˇ hta‸ tinˍ taˍ peuˬ. Shawˉ pawˍ kʼo, ngaˬ chi hkʼe te tuˬ yoˬ, teh‸ jawˇmawˇ hta‸ kʼoˆ piˇ-oˆ.
6Awˬ hkʼaw‸ nawˉ teˇ nyi Gʼuiˬsha lehˬ yawˇ kʼoˆ taˍ ve hkʼe te leh, Eˇjiˇtu‸ mvuhˇmiˬ ve ceˇ hkʼa peu-eˬ suh-e ve yoˬ. Ya‸ hkʼaˇ, Iˉsaˍreˍlaˆ chaw hui ve ceˇ teˇ hkeh ka‸ maˇ suh. 7Jawˇmawˇ lehˬ, awˬ lawn hkʼa peu-eˬ hta‸ ca chaˬ nyi tcuh leh, Iˉsaˍreˍlaˆ chaw hui ve ceˇ teˇ hkeh ka‸ maˇ suh ve awˬ lawn hta‸ gʼa shiˍ ve yoˬ. Ya‸ hkʼaˇ, yawˇ lehˬ nyi ma heh chehˇ sheˍ leh chaw oˇ ve teˇ hpaˍ hta‸ maˇ hpehˇ piˇ.
Shaˉ chuˇ lonˉ teˇ hpaˍ tawˆ la ve
8Oˇ ve hkʼaw‸ nawˉ, Gʼuiˬsha Moˉseˍ leh Aˍronˍ hta‸ kʼoˆ piˇ ve, Hkʼaw‸ laˉ a ciˉ hkaˆ veu leh, Moˉseˍ nawˬ jawˇmawˇ gʼuˇ suhˍ mvuhˇ hpe lo baˬ peu-o. 9Hkʼaw‸ laˉ oˇ ve teˇ hpaˍ lehˬ, Eˇjiˇtu‸ mvuhˇmiˬ hkʼaˬ ti chi ti lo gaˬ leh oˇ ve teˇ hpaˍ hta‸ pa taw, chaw yaˇ leh to nuˇ to shaˆ teˇ hpaˍ awˬ hkʼaw lo, shaˉ chuˇ lonˉ tawˆ la tuˬ yoˬ, teh‸ kʼoˆ piˇ ve yoˬ. 10Hkʼe te leh, yawˇ huiˉ maˬ hkʼaw‸ laˉ yuˬ veu leh, Moˉseˍ lehˬ jawˇmawˇ gʼuˇ suhˍ mvuhˇ hpe lo baˬ peu ve yoˬ. Oˇ htaˇ, chaw yaˇ leh to nuˇ to shaˆ teˇ hpaˍ awˬ hkʼaw lo shaˉ chuˇ lonˉ teˇ hpaˍ tawˆ la ve yoˬ. 11Faˍ te puiˉ paˍ teˇ hpaˍ lehˬ, Moˉseˍ hta‸ kʼaw‸ tanˬ da‸ maˇ hpeh‸. Awˬ lawn kʼo, yawˇ hui htawˇ awˬ nu ve Eˇjiˇtu‸ chaw teˇ hpaˍ hkʼa shuˍ, shaˉ chuˇ lonˉ teˇ hpaˍ tawˆ la ve pa taw yoˬ. 12Ya‸ hkʼaˇ, Gʼuiˬsha lehˬ jawˇmawˇ ve nyi ma hta‸ heh la piˇ leh, yawˇ kʼoˆ taˍ peuˬ ve hkʼe Moˉseˍ leh Aˍronˍ ve tawˇ hta‸ maˇ na yuˬ.
Vaˇ shiˍ ce la ve
13Oˇ ve hkʼaw‸ nawˉ, Gʼuiˬsha Moˉseˍ hta‸ kʼoˆ piˇ ve, Shawˉ pawˍ teˇ na‸ jawˇmawˇ geh kʼai leh, Heˍbrehˇ chaw hui ve Gʼuiˬsha chi hkʼe kʼoˆ ve yoˬ, teh‸ yawˇ hta‸ ca kʼoˆ piˇ-oˆ. Ngaˬ ve chaw ngaˬ hta‸ oˉ kʼoˍ gʼa ca pui tuˬ, yawˇ hui hta‸ hpehˇ piˇ-oˆ. 14Chi teˇ pawˆ nawˬ yawˇ hui hta‸ maˇ hpehˇ piˇ ve kʼo, miˬguiˬ chi hkʼoˆ lo ngaˬ hkʼe ve Gʼuiˬsha teˇ gʼaˇ ka‸ maˇ cawˬ ve hta‸ nawˬ gʼa shiˍ tuˬ, nawˬ awˬ to, nawˬ ve a ma‸ lonˉ teˇ hpaˍ leh, nawˬ ve chaw teˇ hpaˍ hta‸ ngaˬ ciˍ yanˍ laˇ tuˬ yoˬ. 15Chi beu‸ ngaˬ ve la‸ sheh che leh, nawˬ awˬ to leh nawˬ ve chaw teˇ hpaˍ hta‸ ciˍ yanˍ piˇ ve hkʼe kʼo, nawˬ hui hkʼa peu-eˬ suh peuˬ tuˬ yoˬ. 16Ya‸ hkʼaˇ, ngaˬ ve kanˇ paˆ nawˬ hta‸ hpeu‸ maˍ laˇ leh, ngaˬ ve awˬ meh miˬguiˬ chi hkʼoˆ bvuhˬ kʼai piˇ tuˬ awˬ pon, ngaˬ nawˬ hta‸ te‸ chehˇ tcuh laˇ taˍ sheˍ ve yoˬ. 17Nawˬ lehˬ nyi ma heh chehˇ sheˍ leh, ya‸ nyi hkʼa gaˬ ngaˬ ve chaw teˇ hpaˍ hta‸ maˇ hpehˇ piˇ sheˍ. 18Chi hta‸ pa taw, shawˉ pawˍ chi teˇ yanˇ gaˬ ve kʼo, Eˇjiˇtu‸ mvuhˇmiˬ hkʼaw teˇ pawˆ ka‸ maˇ mawˬ jaw sheˍ ve hehnˇ jaˇ ve vaˇ shiˍ teˇ hpaˍ hta‸ ngaˬ ce la piˇ tuˬ yoˬ. 19Hkʼe te leh, chi beu‸ ti mi hkʼaw chehˇ taˍ ve nawˬ hui ve ceˇ teˇ hpaˍ hta‸ a shu yawˇ ve awˬ hkawˆ hkʼaw gʼa‸ keu taˍ tuˬ tawˇ piˇ-oˆ. 20A shu yawˇ ve yehˬ leh, hkawˆ hkʼaw maˇ chehˇ taˍ ve chaw leh to nuˇ to shaˆ hkʼa peu-eˬ, vaˇ shiˍ ce teˍ leh suh peuˬ tuˬ yoˬ, teh‸ Moˉseˍ hta‸ kʼoˆ piˇ ve yoˬ. 21Gʼuiˬsha ve tawˇ hta‸ gʼa kaˇ leh kawˆ ve jawˇmawˇ ve a ma‸ lonˉ teˇ hpaˍ lehˬ, a shu yawˇ ve awˬ ceˬ leh, ceˇ teˇ hpaˍ hta‸ aˉ hkʼaw lo gʼa‸ keu taˍ ve yoˬ. Ya‸ hkʼaˇ, Gʼuiˬsha ve tawˇ hta‸ maˇ na ve chaw teˇ hpaˍ lehˬ, a shu yawˇ ve awˬ ceˬ leh ceˇ teˇ hpaˍ hta‸ ti mi hkʼaw hkʼe leˇ hpehˇ baˬ taˍ ve yoˬ.
22Oˇ htaˇ, Gʼuiˬsha Moˉseˍ hta‸ kʼoˆ piˇ ve, Eˇjiˇtu‸ mvuhˇmiˬ hkʼaˬ ti chi ti lo chehˇ taˍ ve chaw, to nuˇ to shaˆ, leh suhˆ cehˬ hawˆ cehˬ hkʼa peu-eˬ awˬ hkʼoˆ lo vaˇ shiˍ ce la piˇ tuˬ, nawˬ ve la‸ sheh mvuhˇ hpe lo chiˇ taˍ-o‸, teh‸ yawˇ hta‸ kʼoˆ piˇ ve yoˬ. 23Moˉseˍ lehˬ yawˇ ve juˇ fuiˍ taˬ hta‸ mvuhˇ hpe lo chiˇ taˍ ve teˇ yanˇ, Gʼuiˬsha lehˬ mvuhˇ tawˍ mvuhˇ htehˆ piˇ lawˬ leh, Eˇjiˇtu‸ mvuhˇmiˬ hkʼa peu-eˬ hkʼoˆ vaˇ shiˍ maˇ maˇ ce la piˇ lawˬ ve yoˬ. 24Mvuhˇ tawˍ mvuhˇ htehˆ ve hkʼaw vaˇ shiˍ maˇ maˇ ce la ve yoˬ. 25Eˇjiˇtu‸ mvuhˇmiˬ hkʼaˬ ti chi ti lo cawˬ ve ti mi, chaw yaˇ, leh to nuˇ to shaˆ teˇ hpaˍ hta‸ vaˇ shiˍ ce teˍ ve yoˬ. Ti mi hkʼaw cawˬ ve caˬ cehˬ teˇ hpaˍ leh, suhˆ cehˬ hkʼa peu-eˬ ve hta‸ htawˇ te luˬ piˇ ve yoˬ. 26Heˍbrehˇ chaw hui ve chehˇ kuiˬ Gawˍshenˍ mvuhˇmiˬ hkʼaw lehˬ, vaˇ shiˍ maˇ ce la.
27Oˇ htaˇ jawˇmawˇ lehˬ, Moˉseˍ leh Aˍronˍ hta‸ kuˬ yuˬ leh kʼoˆ ve, Chi teˇ pawˆ ngaˬ lehˬ te ya‸ jaˇ peuˬ. Gʼuiˬsha te ve cawˇ leh ngaˬ leh ngaˬ ve chaw teˇ hpaˍ te ve lehˬ ya‸ jaˇ ve yoˬ. 28Ngaˬ hui awˬ pon Gʼuiˬsha geh bon lawˬ laˇ-oˆ. Awˬ lawn kʼo, ngaˬ hui lehˬ mvuhˇ tawˍ mvuhˇ htehˆ ve leh vaˇ shiˍ chi teˇ hpaˍ hta‸ hkanˍ maˇ gʼaˇ-o. Ngaˬ nawˬ hui hta‸ tawˆ kʼai tcuh laˇ tuˬ yoˬ. Nawˬ hui maw maw gʼa law chehˇ tuˬ ve maˇ heˆ, teh‸ yawˇ huiˉ maˬ hta‸ kʼoˆ piˇ ve yoˬ.
29Moˉseˍ yawˇ hta‸ kʼoˆ piˇ ve, Ngaˬ venˇ chi hkʼaw tawˆ kʼai chehˇ ve teˇ hkui, ngaˬ ve la‸ sheh chiˇ leh Gʼuiˬsha geh bon lawˬ tuˬ yoˬ. Oˇ htaˇ mvuhˇ tawˍ mvuhˇ htehˆ ve jehˇ sheˬ leh, vaˇ shiˍ htawˇ kʼaw‸ ce la tuˬ ve maˇ heˆ. Miˬguiˬ chi lehˬ, Gʼuiˬsha ve mawˇ hpeh‸ ve hta‸ nawˬ gʼa shiˍ tuˬ yoˬ. 30Ya‸ hkʼaˇ, nawˬ awˬ to leh nawˬ ve a ma‸ lonˉ teˇ hpaˍ lehˬ, ngaˬ hui ve Gʼuiˬsha hta‸ kawˆ ve nyi ma maˇ cawˬ sheˍ ve hta‸ ngaˬ hkʼa deh‸ shiˍ taˍ ve yoˬ, teh‸ yawˇ hta‸ kʼoˆ piˇ ve yoˬ.
31Cho‸ cehˬ teˇ hpaˍ lehˬ awˬ shiˍ awˬ nu tawˆ la taˍ peuˬ. Lawˇ cehˬ teˇ hpaˍ htawˇ awˬ tzuh tawˆ la taˍ peuˬ. Hkʼe te leh, awˬ cehˬ oˇ ve hkʼa peu-eˬ luˬ kʼai ve yoˬ. 32Ya‸ hkʼaˇ, junˍ leh sha ma teˇ hpaˍ lehˬ ti leh ve pa taw maˇ luˬ kʼai.
33Moˉseˍ jawˇmawˇ mehˆ gʼuˇ suhˍ tawˆ kʼai leh venˇ baˬ lo gaˬ htaˇ, yawˇ ve la‸ sheh chiˇ leh Gʼuiˬsha geh bon lawˬ ve yoˬ. Oˇ htaˇ, mvuhˇ tawˍ mvuhˇ htehˆ ve jehˇ sheˬ leh, vaˇ shiˍ htawˇ maˇ kʼaw‸ ce la ve yoˬ. 34Oˇ hkʼe hpeh‸ la ve hta‸ jawˇmawˇ gʼa mawˬ ve teˇ yanˇ, yawˇ venˇbaˆ kʼaw‸ te ve yoˬ. 35Gʼuiˬsha Moˉseˍ hta‸ kʼoˆ piˇ taˍ ve hkʼe, yawˇ leh yawˇ ve a ma‸ lonˉ teˇ hpaˍ nyi ma kʼaw‸ heh la leh, Iˉsaˍreˍlaˆ chaw hui hta‸ maˇ kʼaw‸ hpehˇ piˇ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.