Tawˆ kʼai ve li‸ 36
36
1Gʼuiˬsha kʼoˆ taˍ ve hkʼa shuˍ, aˉ po kʼo bon yehˬ leh loˍ ve awˬ ceuˬ hkʼa peu-eˬ hta‸ te tuˬ, Gʼuiˬsha cuˇ yiˍ piˇ taˍ ve Beˍshaˍleˍlaˆ, Aˍhawˇleˍbaˆ leh awˬ nu ve chaw hkʼa peu-eˬ hkʼa deh‸ na yuˬ leh te ve yoˬ.
Chaw yaˇ la‸ shawnˍ maˇ maˇ yuˬ laˬ ve
2Oˇ ve hkʼaw‸ nawˉ Moˉseˍ lehˬ, Beˍshaˍleˍlaˆ, Aˍhawˉleˍbaˆ leh Gʼuiˬsha cuˇ yiˍ piˇ taˍ leh nyi ma pfuhˇ ve chaw hui hta‸ kuˬ yuˬ leh kanˉ tanˬ te tcuh ve yoˬ. 3Yawˇ hui lehˬ, Iˉsaˍreˍlaˆ chaw teˇ hpaˍ bon yehˬ te tuˬ awˬ pon Moˉseˍ geh ca tanˇ la ve tanˇ tuˬ teˇ hpaˍ hta‸ ha‸ yuˬ ve yoˬ. Iˉsaˍreˍlaˆ chaw teˇ hpaˍ lehˬ, teˇ shawˉ le le Moˉseˍ geh tanˇ tuˬ yuˬ laˬ tcuhˉ taˍ ve yoˬ. 4Oˇ htaˇ, la‸ meuˇ puiˉ ve chaw oˇ ve teˇ hpaˍ Moˉseˍ geh laˬ leh kʼoˆ ve, 5Chaw chi teˇ hpaˍ lehˬ Gʼuiˬsha kʼoˆ taˍ ve kanˉ hta‸ te tuˬ loˍ ve a‸ kehˉ mawˇ awˬ leuˉ yuˬ laˬ maˇ jaˇ ve yoˬ, teh‸ Moˉseˍ hta‸ kʼoˆ piˇ ve yoˬ.
6Oˇ htaˇ Moˉseˍ chaw hta‸ hpehˇ leh, Gʼuiˬsha ve bon yehˬ awˬ pon tanˇ tuˬ maˇ kʼaw‸ yuˬ laˬ tuˬ ca kʼaw‸ hto piˇ tcuh ve yoˬ. Hkʼe te leh, yawˇ hui tanˇ tuˬ maˇ kʼaw‸ yuˬ laˬ ve yoˬ. 7Hkʼa ha‸ yuˬ taˍ ve tanˇ tuˬ teˇ hpaˍ lehˬ, loˍ ve a‸ kehˉ ka‸ maˇ jaˇ peuˬ ve yoˬ.
Aˉ po kʼo bon yehˬ hta‸ tanˬ te ve
8Aˉ po kʼo bon yehˬ hta‸ te chehˇ ve chaw oˇ ve teˇ hpaˍ hkʼaw, puiˉ jaˇ cheuˬ jaˇ ve chaw teˇ hpaˍ lehˬ, awˬ sheuˉ nawˉ-ehˍ, nyiˇ-ehˍ, nyi naˆ meuˉ-ehˍ cawˬ ve gʼo‸ hkeh leh da‸ jaˇ ve hpa hta‸ yuˬ leh hkeˍruˆbenˍ awˬ han cawˬ ve hpa teˇ chi hkʼoˆ te chiˇ taˍ ve yoˬ. 9Hpa oˇ ve zuhˬ hpawˇ 28 shaw‸, kʼehˬ hpawˇ 4 shaw‸ cawˬ leh hkʼa peu-eˬ hkʼa shuˍ hpeh‸ ve yoˬ. 10Hpa ngaˇ hkʼoˆ hta‸ teˇ maˬ leh teˇ maˬ yuˬ tawˉ nehˉ da‸ piˇ leh, awˬ nu ve hpa 5 hkʼoˆ hta‸ htawˇ oˇ ve hkʼa shuˍ tawˉ nehˉ da‸ piˇ taˍ ve yoˬ. 11Tawˉ nehˉ da‸ taˍ ve hpa oˇ ve awˬ meuˇ hpawˇ lo nawˉ lehˍ ve hpa la‸ kawˬ tawˉ keu taˍ ve yoˬ. 12Hpa oˇ ve teˇ hkʼoˆ lonˉ awˬ hkʼoˆ chi hkʼe ve la‸ kawˬ ngaˇ chi maˬ cawˬ ve yoˬ. Awˬ nu ve teˇ hkʼoˆ hta‸ htawˇ, oˇ ve hkʼa shuˍ la‸ kawˬ ngaˇ chi maˬ hkʼa hawehˍ te keu taˍ ve yoˬ. 13Peuˬ hkʼaw‸ nawˉ, yawˇ hui shi kʼuˉ kʼaweh‸ ngaˇ chi maˬ te leh hpa oˇ ve nyiˇ hkʼoˆ hta‸ kʼuˉ gʼawˬ ve teˇ yanˇ, hpa teˇ hkʼoˆ tiˉ kʼaw‸ hpeh‸ la ve yoˬ.
14Aˉ po kʼo bon yehˬ hta‸ beh tuˬ awˬ pon, yawˇ hui lehˬ aˉ che‸ awˬ mvuh hta‸ yuˬ leh hpa teˇ chi hkʼoˆ te ve yoˬ. 15Hpa oˇ ve teˇ hpaˍ lehˬ zuhˬ hpawˇ 30 shaw‸, kʼehˬ hpawˇ 4 shaw‸ cawˬ leh hkʼa peu-eˬ hkʼa shuˍ hpeh‸ ve yoˬ. 16Yawˇ hui lehˬ, hpa oˇ ve ngaˇ hkʼoˆ hta‸ teˇ maˬ peuˬ teˇmaˬ tawˉ nehˉ da‸ piˇ leh, awˬ nu ve ngaˇ hkʼoˆ hta‸ htawˇ, oˇ ve hkʼa shuˍ tawˉ nehˉ da‸ piˇ ve yoˬ. 17Tawˉ nehˉ da‸ taˍ ve hpa awˬ ceˍ meuˇ lo la‸ kawˬ ngaˇ chi maˬ te keu taˍ ve yoˬ. Awˬ nu ve teˇ hkʼoˆ hta‸ htawˇ oˇ ve hkʼa shuˍ la‸ kawˬ ngaˇ chi maˬ te keu taˍ ve yoˬ. 18Kʼuˉ kʼaweh‸ ngaˇ chi maˬ te leh hpa oˇ ve nyiˇ hkʼoˆ hta‸ kʼuˉ gʼawˬ ve teˇ yanˇ, hpa teˇ hkʼoˆ tiˉ kʼaw‸ hpeh‸ la ve yoˬ. 19Aˉ po kʼo hta‸ beh tuˬ awˬ pon, nyiˉ-ehˍ haw taˍ ve yawˬ guiˬ kʼuˉ leh da‸ jaˇ ve shaˍ guiˬ kʼuˉ teˇ hpaˍ hta‸ htawˇ te taˍ ve yoˬ.
20Yawˇ hui lehˬ, aˉ po kʼo bon yehˬ hta‸ aˍhkeˇshaˍ suhˆ baˉ teˇ hpaˍ yuˬ ko taˍ ve yoˬ. 21Suhˆ baˉ oˇ ve teˇ hpaˍ lehˬ zuhˬ hpawˇ 10 shaw‸, kʼehˬ hpawˇ teˇ shaw‸ teˇ htu cawˬ leh, 22suhˆ baˉ nyiˇ baˉ caˉ da‸ piˇ tuˬ awˬ pon juˇ ehˉ nyiˇ maˬ te taˍ ve yoˬ. Awˬ nu ve suhˆ baˉ teˇ hpaˍ awˬ pon htawˇ, oˇ ve hkʼa shuˍ juˇ ehˉ teˇ hpaˍ te taˍ ve yoˬ. 23Aˉ po kʼo bon yehˬ awˬ hawˉ hpawˇ lo, suhˆ baˉ nyiˇ chi baˉ yuˬ ko taˍ ve yoˬ. 24Suhˆ baˉ oˇ ve teˇ maˬ awˬ hawˉ lo, juˇ dawˆ keu kuiˬ hpu la‸ kawˬ nyiˇ maˬ, hkʼa peu-eˬ awˇ chi maˬ te keu taˍ ve yoˬ. 25Aˉ po kʼo awˬ na hpawˇ lo htawˇ, suhˆ baˉ nyiˇ chi baˉ yuˬ ko leh hpu la‸ kawˬ awˇ chi maˬ te keu taˍ ve yoˬ. 26Suhˆ baˉ teˇ baˉ awˬ hawˉ lo hpu la‸ kawˬ nyiˇ maˬ cawˬ ve yoˬ. 27Aˉ po kʼo bon yehˬ awˬ hkʼaw‸ nawˉ hpawˇ lo suhˆ baˉ hkaw‸ baˉ yuˬ ko taˍ ve yoˬ. 28Aˉ po kʼo awˬ ceˍ kʼaweh‸ hpawˇ lo, suhˆ baˉ hkaw‸ baˉ yuˬ ko taˍ ve yoˬ. 29Suhˆ baˉ oˇ ve teˇ hpaˍ lehˬ, awˬ hawˉ awˬ na hkʼa shuˍ tawˍ lehˍ hpeh‸ leh, la‸ kawˬ hkʼaw shi keu hpeh‸ tuˬ te taˍ ve yoˬ. Awˬ nu ve awˬ ceˍ kʼaweh‸ nyiˇ hpawˇ lo htawˇ, oˇ ve hkʼa shuˍ te taˍ ve yoˬ. 30Chi pa taw, oˇ kaˬ lo suhˆ baˉ hiˉ baˉ, hpu la‸ kawˬ teˇ chi hkaw‸ maˬ cawˬ leh, suhˆ baˉ teˇ baˉ ve hta‸ hpu la‸ kawˬ nyiˇ maˬ te keu taˍ ve yoˬ.
31Yawˇ hui lehˬ, aˍhkeˇshaˍ suhˆ yuˬ leh awˬ hkaˆ teˇ chi ngaˇ maˬ te taˍ ve yoˬ. Aˉ po kʼo bon yehˬ teˇ hpawˇ awˬ pon awˬ hkaˆ ngaˇ maˬ, 32awˬ nu ve teˇ hpawˇ awˬ pon awˬ hkaˆ ngaˇ maˬ te taˍ ve yoˬ. 33Awˬ kʼaw ji lo cawˬ ve awˬ hkaˆ lehˬ, awˬ ceˍ kʼaweh‸ nyiˇ hpawˇ lo hkʼa gaˬ te keu taˍ ve yoˬ. 34Suhˆ baˉ oˇ ve teˇ hpaˍ hta‸ shi oˍ taˍ ve yoˬ. Awˬ hkaˆ oˇ ve teˇ hpaˍ hta‸ yuˬ tiˍ taˍ gʼa tuˬ, shi la‸ kawˬ teˇ hpaˍ te taˍ leh, awˬ hkaˆ teˇ hpaˍ hta‸ htawˇ shi oˍ taˍ ve yoˬ.
35Yawˇ hui lehˬ, awˬ sheuˉ laiˉ ceuˬ cawˬ ve gʼo‸ hkeh leh, da‸ jaˇ ve hpa hta‸ yuˬ leh, hkeˍruˆbenˍ awˬ han te keu taˍ ve yoˬ. 36Yawˇ hui lehˬ, hpa ko tuˬ awˬ pon aˍhkeˇshaˍ suhˆ yehˬ hkuiˉ daw 4 maˬ te leh, shi oˍ taˍ ve yoˬ. Yehˬ hkuiˉ daw oˇ ve teˇ hpaˍ awˬ hkʼoˆ lo, shi kʼuˉ kʼaweh‸ teˇ hpaˍ, hpu la‸ kawˬ awˇ maˬ te keu taˍ ve yoˬ. 37Aˉ po kʼo yehˬmiˉhpe‸ hta‸ ko tuˬ awˬ pon, awˬ sheuˉ laiˉ ceuˬ cawˬ ve gʼo‸ hkeh yuˬ leh, da‸ jaˇ ve hpa awˬ hkʼoˆ lo nyi sha tuˬ te keu taˍ ve yoˬ. 38Yehˬ hkuiˉ daw ngaˇ maˬ hta‸ kʼuˉ kʼaweh‸ te keu leh, yehˬ hkuiˉ daw oˇ ve teˇ hpaˍ leh suhˆ taˬ teˇ hpaˍ hta‸ shi oˍ taˍ ve yoˬ. Yehˬ hkuiˉ daw oˇ ve teˇ hpaˍ awˬ hkʼoˆ lo kuiˇ la‸ kawˬ ngaˇ maˬ te keu taˍ ve yoˬ.
Currently Selected:
Tawˆ kʼai ve li‸ 36: LHBE
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Tawˆ kʼai ve li‸ 36
36
1Gʼuiˬsha kʼoˆ taˍ ve hkʼa shuˍ, aˉ po kʼo bon yehˬ leh loˍ ve awˬ ceuˬ hkʼa peu-eˬ hta‸ te tuˬ, Gʼuiˬsha cuˇ yiˍ piˇ taˍ ve Beˍshaˍleˍlaˆ, Aˍhawˇleˍbaˆ leh awˬ nu ve chaw hkʼa peu-eˬ hkʼa deh‸ na yuˬ leh te ve yoˬ.
Chaw yaˇ la‸ shawnˍ maˇ maˇ yuˬ laˬ ve
2Oˇ ve hkʼaw‸ nawˉ Moˉseˍ lehˬ, Beˍshaˍleˍlaˆ, Aˍhawˉleˍbaˆ leh Gʼuiˬsha cuˇ yiˍ piˇ taˍ leh nyi ma pfuhˇ ve chaw hui hta‸ kuˬ yuˬ leh kanˉ tanˬ te tcuh ve yoˬ. 3Yawˇ hui lehˬ, Iˉsaˍreˍlaˆ chaw teˇ hpaˍ bon yehˬ te tuˬ awˬ pon Moˉseˍ geh ca tanˇ la ve tanˇ tuˬ teˇ hpaˍ hta‸ ha‸ yuˬ ve yoˬ. Iˉsaˍreˍlaˆ chaw teˇ hpaˍ lehˬ, teˇ shawˉ le le Moˉseˍ geh tanˇ tuˬ yuˬ laˬ tcuhˉ taˍ ve yoˬ. 4Oˇ htaˇ, la‸ meuˇ puiˉ ve chaw oˇ ve teˇ hpaˍ Moˉseˍ geh laˬ leh kʼoˆ ve, 5Chaw chi teˇ hpaˍ lehˬ Gʼuiˬsha kʼoˆ taˍ ve kanˉ hta‸ te tuˬ loˍ ve a‸ kehˉ mawˇ awˬ leuˉ yuˬ laˬ maˇ jaˇ ve yoˬ, teh‸ Moˉseˍ hta‸ kʼoˆ piˇ ve yoˬ.
6Oˇ htaˇ Moˉseˍ chaw hta‸ hpehˇ leh, Gʼuiˬsha ve bon yehˬ awˬ pon tanˇ tuˬ maˇ kʼaw‸ yuˬ laˬ tuˬ ca kʼaw‸ hto piˇ tcuh ve yoˬ. Hkʼe te leh, yawˇ hui tanˇ tuˬ maˇ kʼaw‸ yuˬ laˬ ve yoˬ. 7Hkʼa ha‸ yuˬ taˍ ve tanˇ tuˬ teˇ hpaˍ lehˬ, loˍ ve a‸ kehˉ ka‸ maˇ jaˇ peuˬ ve yoˬ.
Aˉ po kʼo bon yehˬ hta‸ tanˬ te ve
8Aˉ po kʼo bon yehˬ hta‸ te chehˇ ve chaw oˇ ve teˇ hpaˍ hkʼaw, puiˉ jaˇ cheuˬ jaˇ ve chaw teˇ hpaˍ lehˬ, awˬ sheuˉ nawˉ-ehˍ, nyiˇ-ehˍ, nyi naˆ meuˉ-ehˍ cawˬ ve gʼo‸ hkeh leh da‸ jaˇ ve hpa hta‸ yuˬ leh hkeˍruˆbenˍ awˬ han cawˬ ve hpa teˇ chi hkʼoˆ te chiˇ taˍ ve yoˬ. 9Hpa oˇ ve zuhˬ hpawˇ 28 shaw‸, kʼehˬ hpawˇ 4 shaw‸ cawˬ leh hkʼa peu-eˬ hkʼa shuˍ hpeh‸ ve yoˬ. 10Hpa ngaˇ hkʼoˆ hta‸ teˇ maˬ leh teˇ maˬ yuˬ tawˉ nehˉ da‸ piˇ leh, awˬ nu ve hpa 5 hkʼoˆ hta‸ htawˇ oˇ ve hkʼa shuˍ tawˉ nehˉ da‸ piˇ taˍ ve yoˬ. 11Tawˉ nehˉ da‸ taˍ ve hpa oˇ ve awˬ meuˇ hpawˇ lo nawˉ lehˍ ve hpa la‸ kawˬ tawˉ keu taˍ ve yoˬ. 12Hpa oˇ ve teˇ hkʼoˆ lonˉ awˬ hkʼoˆ chi hkʼe ve la‸ kawˬ ngaˇ chi maˬ cawˬ ve yoˬ. Awˬ nu ve teˇ hkʼoˆ hta‸ htawˇ, oˇ ve hkʼa shuˍ la‸ kawˬ ngaˇ chi maˬ hkʼa hawehˍ te keu taˍ ve yoˬ. 13Peuˬ hkʼaw‸ nawˉ, yawˇ hui shi kʼuˉ kʼaweh‸ ngaˇ chi maˬ te leh hpa oˇ ve nyiˇ hkʼoˆ hta‸ kʼuˉ gʼawˬ ve teˇ yanˇ, hpa teˇ hkʼoˆ tiˉ kʼaw‸ hpeh‸ la ve yoˬ.
14Aˉ po kʼo bon yehˬ hta‸ beh tuˬ awˬ pon, yawˇ hui lehˬ aˉ che‸ awˬ mvuh hta‸ yuˬ leh hpa teˇ chi hkʼoˆ te ve yoˬ. 15Hpa oˇ ve teˇ hpaˍ lehˬ zuhˬ hpawˇ 30 shaw‸, kʼehˬ hpawˇ 4 shaw‸ cawˬ leh hkʼa peu-eˬ hkʼa shuˍ hpeh‸ ve yoˬ. 16Yawˇ hui lehˬ, hpa oˇ ve ngaˇ hkʼoˆ hta‸ teˇ maˬ peuˬ teˇmaˬ tawˉ nehˉ da‸ piˇ leh, awˬ nu ve ngaˇ hkʼoˆ hta‸ htawˇ, oˇ ve hkʼa shuˍ tawˉ nehˉ da‸ piˇ ve yoˬ. 17Tawˉ nehˉ da‸ taˍ ve hpa awˬ ceˍ meuˇ lo la‸ kawˬ ngaˇ chi maˬ te keu taˍ ve yoˬ. Awˬ nu ve teˇ hkʼoˆ hta‸ htawˇ oˇ ve hkʼa shuˍ la‸ kawˬ ngaˇ chi maˬ te keu taˍ ve yoˬ. 18Kʼuˉ kʼaweh‸ ngaˇ chi maˬ te leh hpa oˇ ve nyiˇ hkʼoˆ hta‸ kʼuˉ gʼawˬ ve teˇ yanˇ, hpa teˇ hkʼoˆ tiˉ kʼaw‸ hpeh‸ la ve yoˬ. 19Aˉ po kʼo hta‸ beh tuˬ awˬ pon, nyiˉ-ehˍ haw taˍ ve yawˬ guiˬ kʼuˉ leh da‸ jaˇ ve shaˍ guiˬ kʼuˉ teˇ hpaˍ hta‸ htawˇ te taˍ ve yoˬ.
20Yawˇ hui lehˬ, aˉ po kʼo bon yehˬ hta‸ aˍhkeˇshaˍ suhˆ baˉ teˇ hpaˍ yuˬ ko taˍ ve yoˬ. 21Suhˆ baˉ oˇ ve teˇ hpaˍ lehˬ zuhˬ hpawˇ 10 shaw‸, kʼehˬ hpawˇ teˇ shaw‸ teˇ htu cawˬ leh, 22suhˆ baˉ nyiˇ baˉ caˉ da‸ piˇ tuˬ awˬ pon juˇ ehˉ nyiˇ maˬ te taˍ ve yoˬ. Awˬ nu ve suhˆ baˉ teˇ hpaˍ awˬ pon htawˇ, oˇ ve hkʼa shuˍ juˇ ehˉ teˇ hpaˍ te taˍ ve yoˬ. 23Aˉ po kʼo bon yehˬ awˬ hawˉ hpawˇ lo, suhˆ baˉ nyiˇ chi baˉ yuˬ ko taˍ ve yoˬ. 24Suhˆ baˉ oˇ ve teˇ maˬ awˬ hawˉ lo, juˇ dawˆ keu kuiˬ hpu la‸ kawˬ nyiˇ maˬ, hkʼa peu-eˬ awˇ chi maˬ te keu taˍ ve yoˬ. 25Aˉ po kʼo awˬ na hpawˇ lo htawˇ, suhˆ baˉ nyiˇ chi baˉ yuˬ ko leh hpu la‸ kawˬ awˇ chi maˬ te keu taˍ ve yoˬ. 26Suhˆ baˉ teˇ baˉ awˬ hawˉ lo hpu la‸ kawˬ nyiˇ maˬ cawˬ ve yoˬ. 27Aˉ po kʼo bon yehˬ awˬ hkʼaw‸ nawˉ hpawˇ lo suhˆ baˉ hkaw‸ baˉ yuˬ ko taˍ ve yoˬ. 28Aˉ po kʼo awˬ ceˍ kʼaweh‸ hpawˇ lo, suhˆ baˉ hkaw‸ baˉ yuˬ ko taˍ ve yoˬ. 29Suhˆ baˉ oˇ ve teˇ hpaˍ lehˬ, awˬ hawˉ awˬ na hkʼa shuˍ tawˍ lehˍ hpeh‸ leh, la‸ kawˬ hkʼaw shi keu hpeh‸ tuˬ te taˍ ve yoˬ. Awˬ nu ve awˬ ceˍ kʼaweh‸ nyiˇ hpawˇ lo htawˇ, oˇ ve hkʼa shuˍ te taˍ ve yoˬ. 30Chi pa taw, oˇ kaˬ lo suhˆ baˉ hiˉ baˉ, hpu la‸ kawˬ teˇ chi hkaw‸ maˬ cawˬ leh, suhˆ baˉ teˇ baˉ ve hta‸ hpu la‸ kawˬ nyiˇ maˬ te keu taˍ ve yoˬ.
31Yawˇ hui lehˬ, aˍhkeˇshaˍ suhˆ yuˬ leh awˬ hkaˆ teˇ chi ngaˇ maˬ te taˍ ve yoˬ. Aˉ po kʼo bon yehˬ teˇ hpawˇ awˬ pon awˬ hkaˆ ngaˇ maˬ, 32awˬ nu ve teˇ hpawˇ awˬ pon awˬ hkaˆ ngaˇ maˬ te taˍ ve yoˬ. 33Awˬ kʼaw ji lo cawˬ ve awˬ hkaˆ lehˬ, awˬ ceˍ kʼaweh‸ nyiˇ hpawˇ lo hkʼa gaˬ te keu taˍ ve yoˬ. 34Suhˆ baˉ oˇ ve teˇ hpaˍ hta‸ shi oˍ taˍ ve yoˬ. Awˬ hkaˆ oˇ ve teˇ hpaˍ hta‸ yuˬ tiˍ taˍ gʼa tuˬ, shi la‸ kawˬ teˇ hpaˍ te taˍ leh, awˬ hkaˆ teˇ hpaˍ hta‸ htawˇ shi oˍ taˍ ve yoˬ.
35Yawˇ hui lehˬ, awˬ sheuˉ laiˉ ceuˬ cawˬ ve gʼo‸ hkeh leh, da‸ jaˇ ve hpa hta‸ yuˬ leh, hkeˍruˆbenˍ awˬ han te keu taˍ ve yoˬ. 36Yawˇ hui lehˬ, hpa ko tuˬ awˬ pon aˍhkeˇshaˍ suhˆ yehˬ hkuiˉ daw 4 maˬ te leh, shi oˍ taˍ ve yoˬ. Yehˬ hkuiˉ daw oˇ ve teˇ hpaˍ awˬ hkʼoˆ lo, shi kʼuˉ kʼaweh‸ teˇ hpaˍ, hpu la‸ kawˬ awˇ maˬ te keu taˍ ve yoˬ. 37Aˉ po kʼo yehˬmiˉhpe‸ hta‸ ko tuˬ awˬ pon, awˬ sheuˉ laiˉ ceuˬ cawˬ ve gʼo‸ hkeh yuˬ leh, da‸ jaˇ ve hpa awˬ hkʼoˆ lo nyi sha tuˬ te keu taˍ ve yoˬ. 38Yehˬ hkuiˉ daw ngaˇ maˬ hta‸ kʼuˉ kʼaweh‸ te keu leh, yehˬ hkuiˉ daw oˇ ve teˇ hpaˍ leh suhˆ taˬ teˇ hpaˍ hta‸ shi oˍ taˍ ve yoˬ. Yehˬ hkuiˉ daw oˇ ve teˇ hpaˍ awˬ hkʼoˆ lo kuiˇ la‸ kawˬ ngaˇ maˬ te keu taˍ ve yoˬ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.