Tawˆ kʼai ve li‸ 34
34
Awˬliˇtawˇhkawˇ kʼaw‸ bvuh‸ piˇ ve
1Oˇ ve hkʼaw‸ nawˉ Gʼuiˬsha Moˉseˍ hta‸ kʼoˆ piˇ ve, Nawˬ te hkoˇ peuˬ ve haˉ pui baˉ nyiˇ maˬ awˬ tan, haˉ pui baˉ nyiˇ maˬ kʼaw‸ te taˍ-o‸. Oˇ ve awˬ hkʼoˆ lo ponˬ laˬ htaˇ bvuh‸ laˇ jaw ve li‸ mehˆ ngaˬ kʼaw‸ bvuh‸ laˇ tuˬ yoˬ. 2Shawˉ pawˍ mvuhˇ htiˇ la ve kʼo, hkʼa deh‸ gu taˍ leh ngaˬ hta‸ hpuˇ da‸ tuˬ, Siˉnaˆ hkʼaw hkʼoˆ lo taˆ la-o. 3Chaw teˇ gʼaˇ ka‸ nawˬ geh maˇ gʼa laˬ. Hkʼaw hkʼoˆ lo chaw teˇ gʼaˇ ka‸ maˇ gʼa chehˇ taˍ. Hkʼaw hkuiˉ puiˍ lo htawˇ nuˇ, yawˬ teˇ hpaˍ maˇ gʼa ca kʼaˆ caˇ chehˇ piˇ, teh‸ Moˉseˍ hta‸ kʼoˆ piˇ ve yoˬ. 4Hkʼe te leh Moˉseˍ lehˬ, Gʼuiˬsha kʼoˆ ve hkʼe haˉ pui baˉ nyiˇ maˬ htawˆ teh taˍ ve yoˬ. Yawˇ mvuhˇ shawˉ teˇ na‸ haˉ pui baˉ oˇ ve nyiˇ maˬ hta‸ yuˬ veu leh Siˉ naˆ hkʼaw hkʼoˆ lo taˆ-e ve yoˬ.
5Gʼuiˬsha lehˬ moˬ hkʼaw lo ya‸ la leh, yawˇ ve awˬ meh hta‸ Jawˇmawˇ teh‸ kʼoˆ ve yoˬ. 6Gʼuiˬsha yawˇ mehˆ gʼuˇ suhˍ hpanˍ kʼai leh kʼoˆ ve, Ngaˬ Gʼuiˬsha lehˬ ha kʼaˉ puiˉ leh awˬ bon te piˇ puiˉ ve Gʼuiˬsha hpeh‸ leh, nyi ma dawˇ zuhˬ gaˇ zuhˬ ve Gʼuiˬsha, ha‸ pehnˇ uiˍ leh ka ti‸ yeˬ ve Gʼuiˬsha hpeh‸ ve yoˬ. 7Ngaˬ lehˬ, chaw awˬ hinˉ awˬ meunˍ gʼaˇ hta‸ ka ti‸ yeˬ leh, yawˇ hui ve venˇbaˆ teˇ hpaˍ hta‸ hpehˇ piˇ puiˉ ve Gʼuiˬsha hpeh‸ ve yoˬ. Venˇbaˆ cawˬ ve chaw hui ve awˬ yaˇ awˬ duˬ awˬ hawehˍ awˬ haˆ, shehˆ co awˇ co htaˇ hkʼa gaˬ ve yaˇ teˇ hpaˍ hta‸ ciˍ yanˍ piˇ puiˉ ve Gʼuiˬsha hpeh‸ ve yoˬ, teh‸ kʼoˆ ve yoˬ.
8Moˉseˍ lehˬ teˇ cawˬ haˉ miˬ chaˇ hkʼoˆ boˆ taˍ leh oˉ kʼoˍ pui ve yoˬ. 9Oˇ htaˇ Moˉseˍ kʼoˆ ve, Gʼuiˬsha-oˬ, ngaˬ lehˬ awˬ tehˬ awˬ na nawˬ nyi ma cawˇ ve chaw hpeh‸ ve kʼo, nawˬ ngaˬ hui geh a ciˉ te toˇ laˇ-oˆ. Chaw chi teˇ hpaˍ lehˬ, nyi ma heh ve chaw hpeh‸ ve yoˬ. Ya‸ hkʼaˇ, ngaˬ hui ve ya‸ kuiˬ jiˆ kuiˬ venˇbaˆ teˇ hpaˍ hta‸ hpehˇ laˇ leh, ngaˬ hui hta‸ nawˬ ve yaˇ hkʼe a ciˉ shawˍ laˇ-oˆ, teh‸ kʼoˆ ve yoˬ.
Ka ti‸ shaˉ caˆ kʼaw‸ piˇ ve
10Oˇ htaˇ Gʼuiˬsha kʼoˆ ve, Ngaˬ nawˬ hta‸ ka ti‸ shaˉ caˆ chi hkʼe te laˇ ve yoˬ. Miˬguiˬ hkʼoˆ ve chaw ceuˬ teˇ ceuˬ hta‸ ka‸ ngaˬ maˇ te maˍ piˇ jaw sheˍ ve anˇ tuˬ uiˬ ve kanˉ teˇ hpaˍ, nawˬ hui hkʼa peu-eˬ mehˆ gʼuˇ suhˍ ngaˬ te maˍ laˇ tuˬ yoˬ. Nawˬ awˬ paˇ awˬ kuiˬ lo chehˇ taˍ ve chaw hkʼa peu-eˬ anˇ tuˬ chi hta‸ gʼa mawˬ leh anˇ jaˇ tuˬ yoˬ. 11Ya‸ nyi ngaˬ nawˬ hui hta‸ piˇ laˇ tuˬ ve awˬliˇtawˇhkawˇ chi teˇ hpaˍ hta‸ na yuˬ-o‸. Ngaˬ lehˬ, nawˬ hui gʼuˇ suhˍ lo chehˇ taˍ ve Aˍmawˇriˆ chaw, Hkaˍnaˍ niˆ chaw, Hiˇtiˆ chaw, Hpeˍraˍziˆ chaw, Hiˇviˆ chaw leh Yeˍbuˇsiˆ chaw hui hta‸ gʼa‸ kʼoˬ piˇ tuˬ yoˬ. 12Nawˬ hui kʼai toˇ ve mvuhˇmiˬ oˇ ve hkʼaw chehˇ ve chaw hui geh shaˉ caˆ taˇ caˇ. Oˇ hkʼe te ve kʼo, nawˬ hui lehˬ va htaw taˍ ve hta‸ yaw tuˬ yoˬ. 13Yawˇ hui ve tuˉ tanˇ kuiˬ teˇ hpaˍ, yawˇ hui ve da‸ kehˬ ve haˉ pui hkuiˉ daw teˇ hpaˍ leh, yawˇ hui ve Aˍsheˍraˆ gʼuiˬsha ma ve shaˉ ho‸ teˇ hpaˍ hta‸ gʼa te luˬ piˇ ve yoˬ.
14Nawˬ hui lehˬ awˬ kaˍ awˬ nu ve gʼuiˬsha teˇ hpaˍ hta‸ oˉ kʼoˍ maˇ gʼa pui. Awˬ lawn kʼo, ngaˬ lehˬ awˬ nu ve gʼuiˬsha teˇ hpaˍ hta‸ nyi ma maˇ cawˇ. 15Nawˬ hui lehˬ, awˬ nu ve mvuhˇmiˬ yaˇ teˇ hpaˍ geh shaˉ caˆ maˇ gʼa caˇ. Awˬ lawn kʼo, yawˇ hui gʼuiˬsha hta‸ tuˉ tanˇ tuˬ kʼai chehˇ ve teˇ yanˇ, nawˬ hui hta‸ htawˇ kuˬ laˇ tuˬ yoˬ. Oˇ htaˇ nawˬ hui lehˬ, yawˇ hui ve gʼuiˬsha hta‸ tanˇ taˍ ve caˇ tuˬ hta‸ gʼa caˇ tuˬ yoˬ. 16Nawˬ hui ve yaˇ paˍ teˇ hpaˍ htawˇ, yawˇ hui ve yaˇ miˇ teˇ hpaˍ hta‸ heuˆ leh yawˇ hui geh teˇ geh shaˉ ho‸ hta‸ oˉ kʼoˍ pui tuˬ yoˬ.
17Nawˬ hui shaˉ ho‸ maˇ gʼa te. Oˉ kʼoˍ ka‸ maˇ gʼa pui.
18Nawˬ hui hta‸ ngaˬ kʼoˆ piˇ taˍ peuˬ ve hkʼe, Aˍbiˆbaˍlaˆ ha pa hkʼaw tinˍ taˍ ve awˬ nyi gaˬ htaˇ, diˇ maˇ keu ve hkaoˍmonˇ caˇ ve pawehˇ suhˍ nyi gʼa te ve yoˬ. Awˬ lawn kʼo, oˇ ve teˇ ha pa htaˇ nawˬ hui Eˇjiˇtu‸ mvuhˇmiˬ hkʼaw tawˆ la taˍ ve pa taw yoˬ.
19Awˉ lawˉ peuˇ paw la ve yaˇ paˍ teˇ gʼaˇ le le leh, awˉ lawˉ peuˇ paw la ve nawˬ hui ve nuˇ, yawˬ teˇ hpaˍ lehˬ ngaˬ ve mawˇ hpeh‸ ve yoˬ. 20Awˉ lawˉ peuˇ paw la ve piˉ laˬ awˬ tan yawˬ ehˉ teˇ hkeh yuˬ leh gʼa pa hkʼaw‸ ve yoˬ. Nawˬ lehˬ piˉ laˬ oˇ ve hta‸ maˇ pa hkʼaw‸ gaˇ ve kʼo, yawˇ ve kʼawˍ peˍ hta‸ gʼa awˉ hteh piˇ ve yoˬ. Nawˬ hui ve yaˇ paˍ uiˍ teˇ gʼaˇ le le hta‸ gʼa kʼaw‸ vuiˬ hkʼaw‸ ve yoˬ.
Ngaˬ mehˆ gʼuˇ suhˍ lo laˬ ve chaw hkʼaˬ ve teˇ gʼaˇ maˇ kʼoˆ, awˬ to kʼawˇ lehˍ maˇ gʼa te laˬ.
21Hkaw‸ nyi hkʼa gaˬ nawˬ hui kanˉ te hpeh‸ ve yoˬ. Ya‸ hkʼaˇ, suhˍ nyi teˇ nyi htaˇ nawˬ hui kanˉ maˇ gʼa te. Ti mi mehˇ htaˇ leh caˬ gʼeu‸ htaˇ htawˇ gʼa jehˇ taˍ ve yoˬ.
22Nawˬ hui lehˬ, caˬ gʼeu‸ htaˇ gʼa te tuˬ ve pawehˇ leh, hkʼaw‸ awˬ leh meuˇ gaˬ htaˇ aˉ po kʼo pawehˇ chi teˇ hpaˍ hta‸ gʼa te tcuhˉ taˍ ve yoˬ.
23Teˇ hkʼaw‸ shehˆ pawˆ hawˉ hkʼaˆ paˍ teˇ gʼaˇ le le, ngaˬ Iˉsaˍreˍlaˆ ve Gʼuiˬsha hta‸ oˉ kʼoˍ gʼa ca pui la ve yoˬ. 24Nawˬ hui gʼuˇ suhˍ lo chehˇ taˍ ve awˬ nu ve chaw ceuˬ teˇ hpaˍ hta‸ ngaˬ gʼa‸ kʼoˬ leh, nawˬ hui ve mvuhˇmiˬ hta‸ kʼehˬ la piˇ ve teˇ yanˇ, nawˬ hui pawehˇ chi shehˆ maˬ hta‸ te chehˇ ve kʼo, chaw teˇ gʼaˇ ka‸ nawˬ hui ve mvuhˇmiˬ hta‸ ca bawˆ la tuˬ ve maˇ heˆ.
25Nawˬ hui ngaˬ hta‸ to nuˇ to shaˆ tuˉ tanˇ laˇ ve teˇ yanˇ, diˇ keu taˍ ve hkaoˍmonˇ hta‸ maˇ gʼa yuˬ laˬ. Paˍsaˍhkaˍ pawehˇ caˇ htaˇ, caˇ leuˉ dawˬ leuˉ ve shaˍ teˇ hpaˍ hta‸ mvuhˇ htiˇ la htaˇ hkʼa gaˬ maˇ gʼa ha‸ shaˉ taˍ.
26Nawˬ hui geh awˉ lawˉ peuˇ naw‸ la taˍ ve da‸ jaˇ ve awˬ shiˍ awˬ nu teˇ hpaˍ, Gʼuiˬsha ve yehˬ lo gʼa yuˬ laˬ ve yoˬ. Yawˬ ehˉ hta‸ yawˇ awˬ e ve cuˉ gʼuiˬ hkʼaw nawˬ maˇ gʼa keu caˉ caˇ, teh‸ Gʼuiˬsha kʼoˆ ve yoˬ.
27Oˇ ve hkʼaw‸ nawˉ, Gʼuiˬsha Moˉseˍ hta‸ kʼoˆ piˇ ve, Tawˇ chi teˇ hpaˍ hta‸ bvuh‸ taˍ-o‸. Awˬ lawn kʼo, tawˇ chi teˇ hpaˍ lehˬ nawˬ leh Iˉsaˍreˍlaˆ chaw hui hta‸ ngaˬ te taˍ ve ka ti‸ tawˇ hkawˇ teˇ hpaˍ hpeh‸ ve yoˬ, teh‸ Moˉseˍ hta‸ kʼoˆ piˇ ve yoˬ. 28Hkʼe te leh, Moˉseˍ oˇ kaˬ lo Gʼuiˬsha geh 40 nyi 40 haˉ maˇ caˇ maˇ dawˬ leh chehˇ taˍ ve yoˬ. Yawˇ lehˬ Gʼuiˬsha ve awˬliˇtawˇhkawˇ 10 hkawˇ hta‸ haˉ pui baˉ hkʼoˆ htawˆ bvuh‸ chehˇ ve yoˬ.
Moˉseˍ Siˉnaˆ hkʼaw hkʼoˆ lo ya‸-e ve
29Oˇ ve hkʼaw‸ nawˉ, Moˉseˍ lehˬ awˬliˇtawˇhkawˇ htawˆ bvuh‸ taˍ ve haˉ pui baˉ oˇ ve nyiˇ maˬ hta‸ yuˬ leh Siˉnaˆ hkʼaw hkʼoˆ lo ya‸-e ve yoˬ. Yawˇ Gʼuiˬsha geh na‸ uˉ te da‸ peuˬ ve pa taw, yawˇ ve mehˆ hpfuhˇ awˬ gʼeuˆ ba chehˇ ve yoˬ. Ya‸ hkʼaˇ yawˇ maˇ jawˬ. 30Aˍronˍ leh Iˉsaˍreˍlaˆ chaw teˇ hpaˍ Moˉseˍ ve mehˆ hpfuhˇ awˬ gʼeuˆ ba chehˇ ve hta‸ gʼa mawˬ ve teˇ yanˇ, yawˇ hui kawˆ jaˇ leh yawˇ awˬ paˇ lo jiˆ kʼai maˇ haˆ. 31Oˇ htaˇ Moˉseˍ yawˇ hui hta‸ kuˬ leh, Aˍronˍ leh Iˉsaˍreˍlaˆ chaw awˬ hoˉ awˬ naˬ hkʼa peu-eˬ, yawˇ geh kʼai leh Moˉseˍ yawˇ hui hta‸ tawˇ yaw piˇ ve yoˬ. 32Oˇ ve hkʼaw‸ nawˉ, Iˉsaˍreˍlaˆ chaw hkʼa peu-eˬ yawˇ awˬ paˇ lo jiˆ kʼai ve yoˬ. Siˉnaˆ hkʼaw hkʼoˆ lo Gʼuiˬsha yawˇ hta‸ kʼoˆ piˇ taˍ ve tawˇ hkʼa peu-eˬ Moˉseˍ yawˇ hui hta‸ kʼaw‸ kʼoˆ maˍ piˇ ve yoˬ. 33Moˉseˍ yawˇ hui hta‸ taw yaw piˇ peuˬ hkʼaw‸ nawˉ, mehˆ hpfuhˇ hta‸ hpa teˇ maˬ yuˬ beh taˍ ve yoˬ. 34Moˉseˍ Gʼuiˬsha hta‸ na‸ uˉ te da‸ tuˬ aˉ po kʼo hkʼaw lo‸-e ve teˇ pawˆ le le yawˇ ve mehˆ hpfuhˇ hta‸ beh taˍ ve hpa hta‸ yehˬ baˬ taˍ ve yoˬ. Yawˇ kʼaw‸ tawˆ la leh Gʼuiˬsha yawˇ hta‸ kʼoˆpiˇ taˍ ve awˬ ceuˬ hkʼa peu-eˬ Iˉsaˍreˍlaˆ chaw hui hta‸ kʼaw‸ kʼoˆ maˍ piˇ ve yoˬ. 35Iˉsaˍreˍlaˆ chaw teˇ hpaˍ lehˬ, Moˉseˍ ve mehˆ hpfuhˇ awˬ gʼeuˆ ba chehˇ ve hta‸ gʼa mawˬ ve yoˬ. Hkʼe te leh, Moˉseˍ Gʼuiˬsha hta‸ na‸ uˉ teˇ pawˆ ca kʼaw‸ te da‸ htaˇ hkʼa gaˬ, yawˇ ve mehˆ hpfuhˇ hta‸ hpa kʼaw‸ beh taˍ ve yoˬ.
Currently Selected:
Tawˆ kʼai ve li‸ 34: LHBE
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Tawˆ kʼai ve li‸ 34
34
Awˬliˇtawˇhkawˇ kʼaw‸ bvuh‸ piˇ ve
1Oˇ ve hkʼaw‸ nawˉ Gʼuiˬsha Moˉseˍ hta‸ kʼoˆ piˇ ve, Nawˬ te hkoˇ peuˬ ve haˉ pui baˉ nyiˇ maˬ awˬ tan, haˉ pui baˉ nyiˇ maˬ kʼaw‸ te taˍ-o‸. Oˇ ve awˬ hkʼoˆ lo ponˬ laˬ htaˇ bvuh‸ laˇ jaw ve li‸ mehˆ ngaˬ kʼaw‸ bvuh‸ laˇ tuˬ yoˬ. 2Shawˉ pawˍ mvuhˇ htiˇ la ve kʼo, hkʼa deh‸ gu taˍ leh ngaˬ hta‸ hpuˇ da‸ tuˬ, Siˉnaˆ hkʼaw hkʼoˆ lo taˆ la-o. 3Chaw teˇ gʼaˇ ka‸ nawˬ geh maˇ gʼa laˬ. Hkʼaw hkʼoˆ lo chaw teˇ gʼaˇ ka‸ maˇ gʼa chehˇ taˍ. Hkʼaw hkuiˉ puiˍ lo htawˇ nuˇ, yawˬ teˇ hpaˍ maˇ gʼa ca kʼaˆ caˇ chehˇ piˇ, teh‸ Moˉseˍ hta‸ kʼoˆ piˇ ve yoˬ. 4Hkʼe te leh Moˉseˍ lehˬ, Gʼuiˬsha kʼoˆ ve hkʼe haˉ pui baˉ nyiˇ maˬ htawˆ teh taˍ ve yoˬ. Yawˇ mvuhˇ shawˉ teˇ na‸ haˉ pui baˉ oˇ ve nyiˇ maˬ hta‸ yuˬ veu leh Siˉ naˆ hkʼaw hkʼoˆ lo taˆ-e ve yoˬ.
5Gʼuiˬsha lehˬ moˬ hkʼaw lo ya‸ la leh, yawˇ ve awˬ meh hta‸ Jawˇmawˇ teh‸ kʼoˆ ve yoˬ. 6Gʼuiˬsha yawˇ mehˆ gʼuˇ suhˍ hpanˍ kʼai leh kʼoˆ ve, Ngaˬ Gʼuiˬsha lehˬ ha kʼaˉ puiˉ leh awˬ bon te piˇ puiˉ ve Gʼuiˬsha hpeh‸ leh, nyi ma dawˇ zuhˬ gaˇ zuhˬ ve Gʼuiˬsha, ha‸ pehnˇ uiˍ leh ka ti‸ yeˬ ve Gʼuiˬsha hpeh‸ ve yoˬ. 7Ngaˬ lehˬ, chaw awˬ hinˉ awˬ meunˍ gʼaˇ hta‸ ka ti‸ yeˬ leh, yawˇ hui ve venˇbaˆ teˇ hpaˍ hta‸ hpehˇ piˇ puiˉ ve Gʼuiˬsha hpeh‸ ve yoˬ. Venˇbaˆ cawˬ ve chaw hui ve awˬ yaˇ awˬ duˬ awˬ hawehˍ awˬ haˆ, shehˆ co awˇ co htaˇ hkʼa gaˬ ve yaˇ teˇ hpaˍ hta‸ ciˍ yanˍ piˇ puiˉ ve Gʼuiˬsha hpeh‸ ve yoˬ, teh‸ kʼoˆ ve yoˬ.
8Moˉseˍ lehˬ teˇ cawˬ haˉ miˬ chaˇ hkʼoˆ boˆ taˍ leh oˉ kʼoˍ pui ve yoˬ. 9Oˇ htaˇ Moˉseˍ kʼoˆ ve, Gʼuiˬsha-oˬ, ngaˬ lehˬ awˬ tehˬ awˬ na nawˬ nyi ma cawˇ ve chaw hpeh‸ ve kʼo, nawˬ ngaˬ hui geh a ciˉ te toˇ laˇ-oˆ. Chaw chi teˇ hpaˍ lehˬ, nyi ma heh ve chaw hpeh‸ ve yoˬ. Ya‸ hkʼaˇ, ngaˬ hui ve ya‸ kuiˬ jiˆ kuiˬ venˇbaˆ teˇ hpaˍ hta‸ hpehˇ laˇ leh, ngaˬ hui hta‸ nawˬ ve yaˇ hkʼe a ciˉ shawˍ laˇ-oˆ, teh‸ kʼoˆ ve yoˬ.
Ka ti‸ shaˉ caˆ kʼaw‸ piˇ ve
10Oˇ htaˇ Gʼuiˬsha kʼoˆ ve, Ngaˬ nawˬ hta‸ ka ti‸ shaˉ caˆ chi hkʼe te laˇ ve yoˬ. Miˬguiˬ hkʼoˆ ve chaw ceuˬ teˇ ceuˬ hta‸ ka‸ ngaˬ maˇ te maˍ piˇ jaw sheˍ ve anˇ tuˬ uiˬ ve kanˉ teˇ hpaˍ, nawˬ hui hkʼa peu-eˬ mehˆ gʼuˇ suhˍ ngaˬ te maˍ laˇ tuˬ yoˬ. Nawˬ awˬ paˇ awˬ kuiˬ lo chehˇ taˍ ve chaw hkʼa peu-eˬ anˇ tuˬ chi hta‸ gʼa mawˬ leh anˇ jaˇ tuˬ yoˬ. 11Ya‸ nyi ngaˬ nawˬ hui hta‸ piˇ laˇ tuˬ ve awˬliˇtawˇhkawˇ chi teˇ hpaˍ hta‸ na yuˬ-o‸. Ngaˬ lehˬ, nawˬ hui gʼuˇ suhˍ lo chehˇ taˍ ve Aˍmawˇriˆ chaw, Hkaˍnaˍ niˆ chaw, Hiˇtiˆ chaw, Hpeˍraˍziˆ chaw, Hiˇviˆ chaw leh Yeˍbuˇsiˆ chaw hui hta‸ gʼa‸ kʼoˬ piˇ tuˬ yoˬ. 12Nawˬ hui kʼai toˇ ve mvuhˇmiˬ oˇ ve hkʼaw chehˇ ve chaw hui geh shaˉ caˆ taˇ caˇ. Oˇ hkʼe te ve kʼo, nawˬ hui lehˬ va htaw taˍ ve hta‸ yaw tuˬ yoˬ. 13Yawˇ hui ve tuˉ tanˇ kuiˬ teˇ hpaˍ, yawˇ hui ve da‸ kehˬ ve haˉ pui hkuiˉ daw teˇ hpaˍ leh, yawˇ hui ve Aˍsheˍraˆ gʼuiˬsha ma ve shaˉ ho‸ teˇ hpaˍ hta‸ gʼa te luˬ piˇ ve yoˬ.
14Nawˬ hui lehˬ awˬ kaˍ awˬ nu ve gʼuiˬsha teˇ hpaˍ hta‸ oˉ kʼoˍ maˇ gʼa pui. Awˬ lawn kʼo, ngaˬ lehˬ awˬ nu ve gʼuiˬsha teˇ hpaˍ hta‸ nyi ma maˇ cawˇ. 15Nawˬ hui lehˬ, awˬ nu ve mvuhˇmiˬ yaˇ teˇ hpaˍ geh shaˉ caˆ maˇ gʼa caˇ. Awˬ lawn kʼo, yawˇ hui gʼuiˬsha hta‸ tuˉ tanˇ tuˬ kʼai chehˇ ve teˇ yanˇ, nawˬ hui hta‸ htawˇ kuˬ laˇ tuˬ yoˬ. Oˇ htaˇ nawˬ hui lehˬ, yawˇ hui ve gʼuiˬsha hta‸ tanˇ taˍ ve caˇ tuˬ hta‸ gʼa caˇ tuˬ yoˬ. 16Nawˬ hui ve yaˇ paˍ teˇ hpaˍ htawˇ, yawˇ hui ve yaˇ miˇ teˇ hpaˍ hta‸ heuˆ leh yawˇ hui geh teˇ geh shaˉ ho‸ hta‸ oˉ kʼoˍ pui tuˬ yoˬ.
17Nawˬ hui shaˉ ho‸ maˇ gʼa te. Oˉ kʼoˍ ka‸ maˇ gʼa pui.
18Nawˬ hui hta‸ ngaˬ kʼoˆ piˇ taˍ peuˬ ve hkʼe, Aˍbiˆbaˍlaˆ ha pa hkʼaw tinˍ taˍ ve awˬ nyi gaˬ htaˇ, diˇ maˇ keu ve hkaoˍmonˇ caˇ ve pawehˇ suhˍ nyi gʼa te ve yoˬ. Awˬ lawn kʼo, oˇ ve teˇ ha pa htaˇ nawˬ hui Eˇjiˇtu‸ mvuhˇmiˬ hkʼaw tawˆ la taˍ ve pa taw yoˬ.
19Awˉ lawˉ peuˇ paw la ve yaˇ paˍ teˇ gʼaˇ le le leh, awˉ lawˉ peuˇ paw la ve nawˬ hui ve nuˇ, yawˬ teˇ hpaˍ lehˬ ngaˬ ve mawˇ hpeh‸ ve yoˬ. 20Awˉ lawˉ peuˇ paw la ve piˉ laˬ awˬ tan yawˬ ehˉ teˇ hkeh yuˬ leh gʼa pa hkʼaw‸ ve yoˬ. Nawˬ lehˬ piˉ laˬ oˇ ve hta‸ maˇ pa hkʼaw‸ gaˇ ve kʼo, yawˇ ve kʼawˍ peˍ hta‸ gʼa awˉ hteh piˇ ve yoˬ. Nawˬ hui ve yaˇ paˍ uiˍ teˇ gʼaˇ le le hta‸ gʼa kʼaw‸ vuiˬ hkʼaw‸ ve yoˬ.
Ngaˬ mehˆ gʼuˇ suhˍ lo laˬ ve chaw hkʼaˬ ve teˇ gʼaˇ maˇ kʼoˆ, awˬ to kʼawˇ lehˍ maˇ gʼa te laˬ.
21Hkaw‸ nyi hkʼa gaˬ nawˬ hui kanˉ te hpeh‸ ve yoˬ. Ya‸ hkʼaˇ, suhˍ nyi teˇ nyi htaˇ nawˬ hui kanˉ maˇ gʼa te. Ti mi mehˇ htaˇ leh caˬ gʼeu‸ htaˇ htawˇ gʼa jehˇ taˍ ve yoˬ.
22Nawˬ hui lehˬ, caˬ gʼeu‸ htaˇ gʼa te tuˬ ve pawehˇ leh, hkʼaw‸ awˬ leh meuˇ gaˬ htaˇ aˉ po kʼo pawehˇ chi teˇ hpaˍ hta‸ gʼa te tcuhˉ taˍ ve yoˬ.
23Teˇ hkʼaw‸ shehˆ pawˆ hawˉ hkʼaˆ paˍ teˇ gʼaˇ le le, ngaˬ Iˉsaˍreˍlaˆ ve Gʼuiˬsha hta‸ oˉ kʼoˍ gʼa ca pui la ve yoˬ. 24Nawˬ hui gʼuˇ suhˍ lo chehˇ taˍ ve awˬ nu ve chaw ceuˬ teˇ hpaˍ hta‸ ngaˬ gʼa‸ kʼoˬ leh, nawˬ hui ve mvuhˇmiˬ hta‸ kʼehˬ la piˇ ve teˇ yanˇ, nawˬ hui pawehˇ chi shehˆ maˬ hta‸ te chehˇ ve kʼo, chaw teˇ gʼaˇ ka‸ nawˬ hui ve mvuhˇmiˬ hta‸ ca bawˆ la tuˬ ve maˇ heˆ.
25Nawˬ hui ngaˬ hta‸ to nuˇ to shaˆ tuˉ tanˇ laˇ ve teˇ yanˇ, diˇ keu taˍ ve hkaoˍmonˇ hta‸ maˇ gʼa yuˬ laˬ. Paˍsaˍhkaˍ pawehˇ caˇ htaˇ, caˇ leuˉ dawˬ leuˉ ve shaˍ teˇ hpaˍ hta‸ mvuhˇ htiˇ la htaˇ hkʼa gaˬ maˇ gʼa ha‸ shaˉ taˍ.
26Nawˬ hui geh awˉ lawˉ peuˇ naw‸ la taˍ ve da‸ jaˇ ve awˬ shiˍ awˬ nu teˇ hpaˍ, Gʼuiˬsha ve yehˬ lo gʼa yuˬ laˬ ve yoˬ. Yawˬ ehˉ hta‸ yawˇ awˬ e ve cuˉ gʼuiˬ hkʼaw nawˬ maˇ gʼa keu caˉ caˇ, teh‸ Gʼuiˬsha kʼoˆ ve yoˬ.
27Oˇ ve hkʼaw‸ nawˉ, Gʼuiˬsha Moˉseˍ hta‸ kʼoˆ piˇ ve, Tawˇ chi teˇ hpaˍ hta‸ bvuh‸ taˍ-o‸. Awˬ lawn kʼo, tawˇ chi teˇ hpaˍ lehˬ nawˬ leh Iˉsaˍreˍlaˆ chaw hui hta‸ ngaˬ te taˍ ve ka ti‸ tawˇ hkawˇ teˇ hpaˍ hpeh‸ ve yoˬ, teh‸ Moˉseˍ hta‸ kʼoˆ piˇ ve yoˬ. 28Hkʼe te leh, Moˉseˍ oˇ kaˬ lo Gʼuiˬsha geh 40 nyi 40 haˉ maˇ caˇ maˇ dawˬ leh chehˇ taˍ ve yoˬ. Yawˇ lehˬ Gʼuiˬsha ve awˬliˇtawˇhkawˇ 10 hkawˇ hta‸ haˉ pui baˉ hkʼoˆ htawˆ bvuh‸ chehˇ ve yoˬ.
Moˉseˍ Siˉnaˆ hkʼaw hkʼoˆ lo ya‸-e ve
29Oˇ ve hkʼaw‸ nawˉ, Moˉseˍ lehˬ awˬliˇtawˇhkawˇ htawˆ bvuh‸ taˍ ve haˉ pui baˉ oˇ ve nyiˇ maˬ hta‸ yuˬ leh Siˉnaˆ hkʼaw hkʼoˆ lo ya‸-e ve yoˬ. Yawˇ Gʼuiˬsha geh na‸ uˉ te da‸ peuˬ ve pa taw, yawˇ ve mehˆ hpfuhˇ awˬ gʼeuˆ ba chehˇ ve yoˬ. Ya‸ hkʼaˇ yawˇ maˇ jawˬ. 30Aˍronˍ leh Iˉsaˍreˍlaˆ chaw teˇ hpaˍ Moˉseˍ ve mehˆ hpfuhˇ awˬ gʼeuˆ ba chehˇ ve hta‸ gʼa mawˬ ve teˇ yanˇ, yawˇ hui kawˆ jaˇ leh yawˇ awˬ paˇ lo jiˆ kʼai maˇ haˆ. 31Oˇ htaˇ Moˉseˍ yawˇ hui hta‸ kuˬ leh, Aˍronˍ leh Iˉsaˍreˍlaˆ chaw awˬ hoˉ awˬ naˬ hkʼa peu-eˬ, yawˇ geh kʼai leh Moˉseˍ yawˇ hui hta‸ tawˇ yaw piˇ ve yoˬ. 32Oˇ ve hkʼaw‸ nawˉ, Iˉsaˍreˍlaˆ chaw hkʼa peu-eˬ yawˇ awˬ paˇ lo jiˆ kʼai ve yoˬ. Siˉnaˆ hkʼaw hkʼoˆ lo Gʼuiˬsha yawˇ hta‸ kʼoˆ piˇ taˍ ve tawˇ hkʼa peu-eˬ Moˉseˍ yawˇ hui hta‸ kʼaw‸ kʼoˆ maˍ piˇ ve yoˬ. 33Moˉseˍ yawˇ hui hta‸ taw yaw piˇ peuˬ hkʼaw‸ nawˉ, mehˆ hpfuhˇ hta‸ hpa teˇ maˬ yuˬ beh taˍ ve yoˬ. 34Moˉseˍ Gʼuiˬsha hta‸ na‸ uˉ te da‸ tuˬ aˉ po kʼo hkʼaw lo‸-e ve teˇ pawˆ le le yawˇ ve mehˆ hpfuhˇ hta‸ beh taˍ ve hpa hta‸ yehˬ baˬ taˍ ve yoˬ. Yawˇ kʼaw‸ tawˆ la leh Gʼuiˬsha yawˇ hta‸ kʼoˆpiˇ taˍ ve awˬ ceuˬ hkʼa peu-eˬ Iˉsaˍreˍlaˆ chaw hui hta‸ kʼaw‸ kʼoˆ maˍ piˇ ve yoˬ. 35Iˉsaˍreˍlaˆ chaw teˇ hpaˍ lehˬ, Moˉseˍ ve mehˆ hpfuhˇ awˬ gʼeuˆ ba chehˇ ve hta‸ gʼa mawˬ ve yoˬ. Hkʼe te leh, Moˉseˍ Gʼuiˬsha hta‸ na‸ uˉ teˇ pawˆ ca kʼaw‸ te da‸ htaˇ hkʼa gaˬ, yawˇ ve mehˆ hpfuhˇ hta‸ hpa kʼaw‸ beh taˍ ve yoˬ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.