Tawˆ kʼai ve li‸ 31
31
Aˉ po kʼo bon yehˬ hta‸ te tuˬ ve chaw
1Gʼuiˬsha Moˉseˍ hta‸ chi hkʼe kʼaw‸ kʼoˆ piˇ ve yoˬ. 2Yuˇda‸ awˬ ceuˬ awˬ hkʼaˇ, Huˇraˆ ve awˬ hawehˍ, Uˇriˆ ve yaˇ paˍ Beˍshaˍleˍlaˆ hta‸ ngaˬ leuˆ yuˬ taˍ ve yoˬ. 3Yawˇ lehˬ, la‸ meuˇ puiˉ jaˇ ve chaw hpeh‸ la tuˬ, ngaˬ yawˇ hta‸ cuˇ yiˍ piˇ taˍ ve yoˬ. 4Hpu, shi, kuiˇ teˇ hpaˍ yuˬ leh da‸ jaˇ ve awˬ hkʼeun laiˉ ceuˬ hta‸ te tuˬ awˬ pon maˇ kʼoˆ, 5haˉ pui shehnˉ hta‸ laiˉ ceuˬ gu te ve leh suhˆ hkʼaw htawˆ ve kanˉ chi teˇ hpaˍ hta‸ te tuˬ awˬ pon maˇ kʼoˆ, ngaˬ yawˇ hta‸ cuˇ yiˍ piˇ taˍ ve yoˬ. 6Yawˇ geh teˇ geh kanˉ te tuˬ, Danˍ awˬ ceuˬ awˬ hkʼaˇ, Aˍhiˆsaˍmehˆ ve yaˇ, Aˬhawˇleˍbaˆ hta‸ htawˇ ngaˬ leuˆ yuˬ taˍ ve yoˬ. Ngaˬ nawˬ hta‸ kʼoˆ piˇ taˍ ve awˬ ceuˬ hkʼa peu-eˬ hta‸ yawˇ huiˉ maˬ te gʼa tuˬ, ngaˬ yawˇ huiˉ maˬ hta‸ cuˇ yiˍ piˇ taˍ ve yoˬ. 7Yawˇ huiˉ maˬ lehˬ, aˉ po kʼo bon yehˬ, ka ti‸ shaˉ caˆ ta kʼoˍ, ta kʼoˍ awˬ hoˆ, leh aˉ po kʼo hkʼaw yehˇ tuˬ loˍ ve mawˇ hkʼa peu-eˬ, 8hpui lawˇ leh oˇ ve hta‸ caˉ da‸ ve mawˇ teˇ hpaˍ, aˬ miˍ kawˆ faiˇ leh oˇ ve hta‸ caˉ da‸ ve mawˇ teˇ hpaˍ, sha hawnˉ tuˉ tanˇ kuiˬ, 9to nuˇ to shaˆ tuˉ tanˇ kuiˬ leh oˇ ve hta‸ caˉ da‸ ve mawˇ hkʼa peu-eˬ, hkehˇ leh hkehˇ taˍ kuiˬ, 10Aˍronˍ leh yawˇ ve yaˇ teˇ hpaˍ ngaˬ ve paw hkuˇ te htaˇ veu‸ deh tuˬ ve veu‸ kʼaˇ teˇ hpaˍ, 11naˍ manˇ leh da‸ kehˬ ve chehˇ kuiˬ hkʼaw yehˇ tuˬ ve sha hawnˉ, chi hkʼa peu-eˬ hta‸ yawˇ huiˉ maˬ te tuˬ yoˬ. Ngaˬ nawˬ hta‸ kʼoˆ piˇ taˍ ve awˬ ceuˬ hkʼa peu-eˬ hta‸ yawˇ huiˉ maˬ na yuˬ leh gʼa te tuˬ yoˬ, teh‸ Moˉseˍ hta‸ kʼoˆ piˇ ve yoˬ.
Gʼaˇ jehˇ ve awˬ nyi
12Gʼuiˬsha Moˉseˍ hta‸ chi hkʼe kʼaw‸ kʼoˆ piˇ ve yoˬ. 13Iˉsaˍreˍlaˆ chaw hui hta‸ chi hkʼe kʼoˆ piˇ-oˆ. Nawˬ hui lehˬ, ngaˬ ve gʼaˇ jehˇ ve awˬ nyi hta‸ gʼa ha‸ shaˉ taˍ ve yoˬ. Awˬ lawn kʼo, ngaˬ nawˬ hui hta‸ ngaˬ ve chaw ceuˬ hpeh‸ la piˇ taˍ ve hta‸ nawˬ leh nawˬ hui ve awˬ yaˇ awˬ duˬ teˇ hpaˍ gʼa shiˍ tuˬ, awˬ nyi chi ve teˇ nyi lehˬ, ngaˬ leh nawˬ hui awˬ kaˍ lo teh taˍ ve shaˉ hkiˆ hpeh‸ ve yoˬ. 14Gʼaˇ jehˇ ve awˬ nyi chi hta‸ nawˬ hui gʼa ha‸ shaˉ taˍ ve yoˬ. Awˬ lawn kʼo, awˬ nyi chi teˇ nyi lehˬ da‸ kehˬ ve awˬ nyi hpeh‸ ve yoˬ. Awˬ nyi chi hta‸ maˇ shawˍ maˇ caˆ te leh kanˉ te ve chaw hta‸ gʼa tiˇ pehˍ ve yoˬ. 15Nawˬ hui ve kanˉ te caˇ tuˬ awˬ nyi hkaw‸ nyi cawˬ ve yoˬ. Ya‸ hkʼaˇ, suhˍ nyi teˇ nyi lehˬ gʼaˇ jehˇ ve awˬ nyi hpeh‸ leh, ngaˬ ve da‸ kehˬ ve awˬ nyi hpeh‸ ve yoˬ. Awˬ nyi chi teˇ nyi hkʼaw kanˉ te ve chaw lehˬ tiˇ pehˍ ve hta‸ gʼa hkanˍ tuˬ yoˬ. 16Iˉsaˍreˍlaˆ chaw teˇ co peuˬ teˇ co gʼaˇ jehˇ ve awˬ nyi chi hta‸ gʼa dawˇ nawˇ leh hkʼaˬ htaˆ ka‸ gʼa ha‸ shaˉ taˍ ve yoˬ. 17Chi lehˬ, ngaˬ leh Iˉsaˍreˍlaˆ chaw awˬ kaˍ lo co co taiˍ taiˍ teh taˍ ve shaˉ hkiˆ hpeh‸ ve yoˬ. Awˬ lawn kʼo, ngaˬ lehˬ hkaw‸ nyi ve awˬ yanˇ hkʼaw miˬguiˬ mvuhˇ naw ma hta‸ te hpanˍ taˍ ve yoˬ. Ya‸ hkʼaˇ, suhˍ nyi teˇ nyi htaˇ ngaˬ kanˉ maˇ te leh gʼaˇ jehˇ taˍ ve yoˬ, teh‸ Moˉseˍ hta‸ kʼoˆ piˇ ve yoˬ.
18Siˉnaˆ hkʼaw hkʼoˆ lo Gʼuiˬsha Moˉseˍ hta‸ tawˇ yaw piˇ peuˬ hkʼaw‸ nawˉ, Gʼuiˬsha yawˇ bvuh‸ taˍ ve awˬliˇtawˇhkawˇ haˉ pui baˉ nyiˇ maˬ Moˉseˍ hta‸ piˇ ve yoˬ.
Currently Selected:
Tawˆ kʼai ve li‸ 31: LHBE
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Tawˆ kʼai ve li‸ 31
31
Aˉ po kʼo bon yehˬ hta‸ te tuˬ ve chaw
1Gʼuiˬsha Moˉseˍ hta‸ chi hkʼe kʼaw‸ kʼoˆ piˇ ve yoˬ. 2Yuˇda‸ awˬ ceuˬ awˬ hkʼaˇ, Huˇraˆ ve awˬ hawehˍ, Uˇriˆ ve yaˇ paˍ Beˍshaˍleˍlaˆ hta‸ ngaˬ leuˆ yuˬ taˍ ve yoˬ. 3Yawˇ lehˬ, la‸ meuˇ puiˉ jaˇ ve chaw hpeh‸ la tuˬ, ngaˬ yawˇ hta‸ cuˇ yiˍ piˇ taˍ ve yoˬ. 4Hpu, shi, kuiˇ teˇ hpaˍ yuˬ leh da‸ jaˇ ve awˬ hkʼeun laiˉ ceuˬ hta‸ te tuˬ awˬ pon maˇ kʼoˆ, 5haˉ pui shehnˉ hta‸ laiˉ ceuˬ gu te ve leh suhˆ hkʼaw htawˆ ve kanˉ chi teˇ hpaˍ hta‸ te tuˬ awˬ pon maˇ kʼoˆ, ngaˬ yawˇ hta‸ cuˇ yiˍ piˇ taˍ ve yoˬ. 6Yawˇ geh teˇ geh kanˉ te tuˬ, Danˍ awˬ ceuˬ awˬ hkʼaˇ, Aˍhiˆsaˍmehˆ ve yaˇ, Aˬhawˇleˍbaˆ hta‸ htawˇ ngaˬ leuˆ yuˬ taˍ ve yoˬ. Ngaˬ nawˬ hta‸ kʼoˆ piˇ taˍ ve awˬ ceuˬ hkʼa peu-eˬ hta‸ yawˇ huiˉ maˬ te gʼa tuˬ, ngaˬ yawˇ huiˉ maˬ hta‸ cuˇ yiˍ piˇ taˍ ve yoˬ. 7Yawˇ huiˉ maˬ lehˬ, aˉ po kʼo bon yehˬ, ka ti‸ shaˉ caˆ ta kʼoˍ, ta kʼoˍ awˬ hoˆ, leh aˉ po kʼo hkʼaw yehˇ tuˬ loˍ ve mawˇ hkʼa peu-eˬ, 8hpui lawˇ leh oˇ ve hta‸ caˉ da‸ ve mawˇ teˇ hpaˍ, aˬ miˍ kawˆ faiˇ leh oˇ ve hta‸ caˉ da‸ ve mawˇ teˇ hpaˍ, sha hawnˉ tuˉ tanˇ kuiˬ, 9to nuˇ to shaˆ tuˉ tanˇ kuiˬ leh oˇ ve hta‸ caˉ da‸ ve mawˇ hkʼa peu-eˬ, hkehˇ leh hkehˇ taˍ kuiˬ, 10Aˍronˍ leh yawˇ ve yaˇ teˇ hpaˍ ngaˬ ve paw hkuˇ te htaˇ veu‸ deh tuˬ ve veu‸ kʼaˇ teˇ hpaˍ, 11naˍ manˇ leh da‸ kehˬ ve chehˇ kuiˬ hkʼaw yehˇ tuˬ ve sha hawnˉ, chi hkʼa peu-eˬ hta‸ yawˇ huiˉ maˬ te tuˬ yoˬ. Ngaˬ nawˬ hta‸ kʼoˆ piˇ taˍ ve awˬ ceuˬ hkʼa peu-eˬ hta‸ yawˇ huiˉ maˬ na yuˬ leh gʼa te tuˬ yoˬ, teh‸ Moˉseˍ hta‸ kʼoˆ piˇ ve yoˬ.
Gʼaˇ jehˇ ve awˬ nyi
12Gʼuiˬsha Moˉseˍ hta‸ chi hkʼe kʼaw‸ kʼoˆ piˇ ve yoˬ. 13Iˉsaˍreˍlaˆ chaw hui hta‸ chi hkʼe kʼoˆ piˇ-oˆ. Nawˬ hui lehˬ, ngaˬ ve gʼaˇ jehˇ ve awˬ nyi hta‸ gʼa ha‸ shaˉ taˍ ve yoˬ. Awˬ lawn kʼo, ngaˬ nawˬ hui hta‸ ngaˬ ve chaw ceuˬ hpeh‸ la piˇ taˍ ve hta‸ nawˬ leh nawˬ hui ve awˬ yaˇ awˬ duˬ teˇ hpaˍ gʼa shiˍ tuˬ, awˬ nyi chi ve teˇ nyi lehˬ, ngaˬ leh nawˬ hui awˬ kaˍ lo teh taˍ ve shaˉ hkiˆ hpeh‸ ve yoˬ. 14Gʼaˇ jehˇ ve awˬ nyi chi hta‸ nawˬ hui gʼa ha‸ shaˉ taˍ ve yoˬ. Awˬ lawn kʼo, awˬ nyi chi teˇ nyi lehˬ da‸ kehˬ ve awˬ nyi hpeh‸ ve yoˬ. Awˬ nyi chi hta‸ maˇ shawˍ maˇ caˆ te leh kanˉ te ve chaw hta‸ gʼa tiˇ pehˍ ve yoˬ. 15Nawˬ hui ve kanˉ te caˇ tuˬ awˬ nyi hkaw‸ nyi cawˬ ve yoˬ. Ya‸ hkʼaˇ, suhˍ nyi teˇ nyi lehˬ gʼaˇ jehˇ ve awˬ nyi hpeh‸ leh, ngaˬ ve da‸ kehˬ ve awˬ nyi hpeh‸ ve yoˬ. Awˬ nyi chi teˇ nyi hkʼaw kanˉ te ve chaw lehˬ tiˇ pehˍ ve hta‸ gʼa hkanˍ tuˬ yoˬ. 16Iˉsaˍreˍlaˆ chaw teˇ co peuˬ teˇ co gʼaˇ jehˇ ve awˬ nyi chi hta‸ gʼa dawˇ nawˇ leh hkʼaˬ htaˆ ka‸ gʼa ha‸ shaˉ taˍ ve yoˬ. 17Chi lehˬ, ngaˬ leh Iˉsaˍreˍlaˆ chaw awˬ kaˍ lo co co taiˍ taiˍ teh taˍ ve shaˉ hkiˆ hpeh‸ ve yoˬ. Awˬ lawn kʼo, ngaˬ lehˬ hkaw‸ nyi ve awˬ yanˇ hkʼaw miˬguiˬ mvuhˇ naw ma hta‸ te hpanˍ taˍ ve yoˬ. Ya‸ hkʼaˇ, suhˍ nyi teˇ nyi htaˇ ngaˬ kanˉ maˇ te leh gʼaˇ jehˇ taˍ ve yoˬ, teh‸ Moˉseˍ hta‸ kʼoˆ piˇ ve yoˬ.
18Siˉnaˆ hkʼaw hkʼoˆ lo Gʼuiˬsha Moˉseˍ hta‸ tawˇ yaw piˇ peuˬ hkʼaw‸ nawˉ, Gʼuiˬsha yawˇ bvuh‸ taˍ ve awˬliˇtawˇhkawˇ haˉ pui baˉ nyiˇ maˬ Moˉseˍ hta‸ piˇ ve yoˬ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.