Tawˆ kʼai ve li‸ 29
29
Aˍronˍ leh yawˇ ve yaˇ teˇ hpaˍ hta‸ aˉ yaˇ piˇ ve
1Aˍronˍ leh yawˇ ve yaˇ teˇ hpaˍ hta‸ ngaˬ ve paw hkuˇ hpeh‸ la tuˬ chiˇ a‸ piˇ htaˇ, nawˬ chi hkʼe gʼa te ve yoˬ. Te‸ chiˉ awˬ kuiˉ awˬ haiˇ maˇ cawˬ ve nuˇ paˍ teˇ hkeh leh, yawˬ ehˉ nyiˇ hkeh yu‸-o‸. 2Diˇ maˇ keu ve hkaoˍmonˇ te leh, hkaoˍmonˇ awˬ baˉ ehˉ teˇ hpaˍ hta‸ shaˍ chu hkʼa deh‸ shehˆ taˍ-o‸. 3Nuˇ paˍ leh yawˬ ehˉ oˇ ve nyiˇ hkeh hta‸ tuˉ tanˇ chehˇ ve teˇ yanˇ, nawˬ lehˬ hkaoˍmonˇ oˇ ve hta‸ hkʼawˍ lawˇ hkʼaw keu leh ngaˬ geh gʼa yuˬ laˬve yoˬ.
4Aˍronˍ leh yawˇ ve yaˇ teˇ hpaˍ hta‸ iˉ kaˆ hehˉ piˇ lawˬ-o‸. 5Veu‸ kʼaˇ teˇ hpaˍ yuˬ laˬ leh, aˉ po‸ zuhˬ ma, nyi ma pui beh tuˬ, leh aˉ po‸ awˬ hta‸ deh tuˬ ve teˇ hpaˍ yawˇ hta‸ feuˉ piˇ-oˆ. Yawˇ ve caw‸ cehˍ nyi lo hpaˉ ce‸ hpeh tsuh‸ taˍ piˇ-oˆ. 6Yawˇ ve oˉ kʼoˍ hkʼoˆ uˉ nyiˉ nyiˉ piˇ leh, uˉ nyiˉ awˬ hkʼoˆ lo, Gʼuiˬsha awˬ pon fuiˍ teh taˍ ve, teh‸ bvuh‸ taˍ ve da‸ kehˬ ve li‸ mehˆ hta‸ nehˉ piˇ taˍ-o‸. 7Naˍ manˇ hta‸ yuˬ leh yawˇ ve oˉ kʼoˍ hkʼoˆ ngeuˍ pfuhˍ piˇ-oˆ.
8Oˇ ve hkʼaw‸ nawˉ, yawˇ ve yaˇ teˇ hpaˍ hta‸ shiˍ laˬ leh yawˇ hui hta‸ aˉ po‸ feuˉ piˇ-oˆ. 9Caw‸ cehˍ nyi lo hpaˉ ce‸ hpeh piˇ leh, yawˇ hui hta‸ uˉ tcuhˍ hkʼawˆ piˇ-oˆ. Yawˇ hui lehˬ, co co taiˍ taiˍ ngaˬ ve paw hkuˇ hpeh‸ la tuˬ yoˬ. Chi hkʼe te ve hkʼaw, nawˬ lehˬ Aˍronˍ leh yawˇ ve yaˇ teˇ hpaˍ hta‸ aˉ yaˇ gʼa piˇ ve yoˬ.
10Aˉ po kʼo bon yehˬ yehˬmiˉhpe‸, hpawnˬ da‸ kuiˬ bawehˇ lo nuˇ paˍ oˇ ve hta‸ sheh veu laˇ-oˆ. Aˍronˍ leh yawˇ ve yaˇ teˇ hpaˍ lehˬ nuˇ oˇ ve oˉ kʼoˍ hkʼoˆ lo yawˇ hui ve la‸ sheh gʼa taˍ ve yoˬ. 11Oˇ ve hkʼaw‸ nawˉ, nuˇ oˇ ve hta‸ oˇ kaˬ lo gʼa tiˇ pehˍ ve yoˬ. 12Awˬ suhˍ teˇ hpaˍ hta‸ nawˬ ve la‸ naw te leh, tuˉ tanˇ kuiˬ awˬ hkʼoˆ lo cawˬ ve awˬ hkaw teˇ hpaˍ hta‸ gʼa shehˆ piˇ ve yoˬ. Cawˬ taˍ sheˬ ve awˬ suhˍ hkʼa peu-eˬ hta‸ tuˉ tanˇ kuiˬ awˬ hkuiˉ puiˍ lo gʼa ngeuˍ hpoˆ ve yoˬ. 13Awˬ gʼuˬ tehˆ leh awˬ shehˍ hta‸ ngawˉ taˍ ve awˬ chu, awˬ lanˇ shiˍ nyiˇ shiˍ hta‸ ngawˉ taˍ ve awˬ chu hta‸ yuˬ leh tuˉ tanˇ kuiˬ hkʼoˆ lo gʼa tuˉ tanˇ ve yoˬ. 14Ya‸ hkʼaˇ, cawˬ taˍ ve nuˇ shaˍ, nuˇ guiˬ kʼuˉ leh awˬ hkʼaw ve hkʼa peu-eˬ hta‸ nawˬ hui deh chehˇ ve fa la awˬ baˬ hpawˇ lo gʼa ca tuˉ baˬ ve yoˬ. Chi lehˬ, paw hkuˇ teˇ hpaˍ venˇbaˆ gʼa ponˬ tuˬ tuˉ tanˇ ve teˇ ceuˬ hpeh‸ ve yoˬ.
15Yawˬ ehˉ teˇ hkeh hta‸ yuˬ leh, Aˍronˍ leh yawˇ ve yaˇ teˇ hpaˍ lehˬ yawˬ ehˉ ve oˉ kʼoˍ hkʼoˆ la‸ sheh taˍ piˇ lawˬ-o‸. 16Oˇ hkʼe te peuˬ hkʼaw‸ nawˉ, yawˬ ehˉ oˇ ve hta‸ tiˇ pehˍ leh awˬ suhˍ hta‸ tuˉ tanˇ kuiˬ teˇ hpawˇ le le lo gʼa hpeh‸ pfuhˍ piˇ ve yoˬ. 17Yawˬ ehˉ hta‸ tawˆ hpoˆ taˍ leh, awˬ hkʼaw ve hkʼa peu-eˬ leh hkui sheh teˇ hpaˍ hta‸ tsuhˇ baˬ peuˬ hkʼaw‸ nawˉ, 18yawˬ ehˉ oˇ ve teˇ hkeh hkʼa peu-eˬ hta‸ tuˉ tanˇ kuiˬhkʼoˆ hpoˆ leh gʼa tuˉ tanˇ piˇ ve yoˬ. Chi ve lehˬ, caˇ tuˬ dawˬ tuˬ tuˉ tanˇ ve tanˇ tuˬ leh, Gʼuiˬsha nyi ma cawˇ ve awˬ shaˉ hawnˉ ve tanˇ tuˬ hpeh‸ ve yoˬ.
19Yawˬ ehˉ nyiˇ hkeh teˇ hkeh hta‸ kʼaw‸ yuˬ leh, Aˍronˍ leh yawˇ ve yaˇ teˇ hpaˍ yawˬ ehˉ ve oˉ kʼoˍ hkʼoˆ lo la‸ sheh gʼa taˍ ve yoˬ. 20Oˇ ve hkʼaw‸ nawˉ, yawˬ ehˉ oˇ ve hta‸ tiˇ pehˍ leh, awˬ suhˍ teˇ hpaˍ hta‸ Aˍronˍ leh yawˇ ve yaˇ teˇ hpaˍ ve la‸ sha paˉ naˍ paw, laˬ sha paˉ la‸ ma peuˍ, hkui ma peuˍ hta‸ gʼa shehˆ piˇ ve yoˬ. Cawˬ taˍ sheˬ ve awˬ suhˍ hta‸ tuˉ tanˇ kuiˬ teˇ hpawˇ le le lo gʼa hpeh‸ pfuhˍ piˇ ve yoˬ. 21Tuˉ tanˇ kui hkʼoˆ cawˬ taˍ ve awˬ suhˍ leh shaˍ chu teˇ hpaˍ hta‸ yuˬ leh, Aˍronˍ leh yawˇ ve yaˇ teˇ hpaˍ ve veu‸ kʼaˇ hta‸ gʼa kʼaw‸ hpeh‸ pfuhˍ piˇ ve yoˬ. Oˇ hkʼe te ve kʼo, Aˍronˍ leh yawˇ ve yaˇ teˇ hpaˍ da‸ kehˬ la tuˬ yoˬ.
22Oˇ hkʼe te peuˬ hkʼaw‸ nawˉ, yawˬ ehˉ awˬ chu, awˬ mehˍ tu, awˬ gʼuˬ tehˆ hta‸ ngawˉ taˍ ve awˬ chu leh la‸ sha paˉ ve pfuhˬ tehˉ kʼu hta‸ yuˬ-o‸. 23Gʼuiˬsha mehˆ gʼuˇ suhˍ hkʼawˍ lawˇ hkʼaw keu teh taˍ ve diˇ maˇ keu ve hkaoˍmonˇ teˇ diˬ, naˍ manˇ yuˬ te taˍ ve hkaoˍmonˇ teˇ diˬ, leh paˉ-ehˍ ve hkaoˍmonˇ teˇ shiˍ hta‸ yuˬ-o‸. 24Caˇ tuˬ chi ve hkʼa peu-eˬ, Aˍronˍ leh yawˇ ve yaˇ teˇ hpaˍ ve la‸ sheh hkʼaw gʼa keu piˇ leh, yawˇ hui lehˬ awˬ ceuˬ chi ve teˇ hpaˍ ngaˬ hta‸ gʼa chiˇ a‸ laˇ ve yoˬ. 25Peuˬ hkʼaw‸ nawˉ, caˇ tuˬ chi teˇ hpaˍ hta‸ yawˇ hui geh kʼaw‸ yuˬ hkʼaw‸ leh, tanˇ kuiˬ awˬ hkʼoˆ gʼa tuˉ tanˇ ve yoˬ. Chi lehˬ, ngaˬ nyi ma cawˇ ve awˬ shaˉ hawnˉ ve tanˇ tuˬ hpeh‸ ve yoˬ. 26Yawˬ ehˉ oˇ ve nyi ma pui hta‸ yuˬ leh, ngaˬ hta‸ chiˇ a‸ laˇ peuˬ hkʼaw‸ nawˉ, oˇ ve hta‸ nawˬ caˇ hpeh‸ ve yoˬ.
27Paw hkuˇ teˇ gʼaˇ gʼaˇ hta‸ aˉ yaˇ piˇ htaˇ yehˇ ve yawˬ ehˉ ve nyi ma pui leh pfuhˬ tehˉ kʼu oˇ ve ngaˬ hta‸ gʼa chiˇ a‸ laˇ ve yoˬ. Hkʼaw‸ nawˉ, oˇ ve hta‸ paw hkuˇ awˬ pon gʼa fuiˍ teh taˍ piˇ ve yoˬ. 28Chi ve lehˬ, Iˉsaˍreˍlaˆ chaw hui hkʼaˬ htaˆ ka‸ na yuˬ leh gʼa te tuˬ ve awˬ liˇ teˇ maˬ hpeh‸ ve yoˬ. Chaw yaˇ teˇ hpaˍ awˬ chawˇ muiˬ da‸ ve tanˇ tuˬ ca tanˇ piˇ la ve teˇ pawˆ le le, nyi ma pui leh pfuhˬ tehˉ kʼu paw hkuˇ teˇ hpaˍ awˬ pon teˇ kaˬ lo gʼa fuiˍ teh taˍ ve yoˬ.
29Aˍronˍ ve da‸ kehˬ ve veu‸ kʼaˇ oˇ ve teˇ hpaˍ lehˬ, yawˇ suh peuˬ hkʼaw‸ nawˉ, yawˇ ve yaˇ teˇ hpaˍ hta‸ gʼa piˇ ve yoˬ. 30Yawˇ awˬ tan paw hkuˇ te tuˬ kʼaw‸ leuˆ yuˬ ve yawˇ ve yaˇ teˇ gʼaˇ lehˬ, da‸ kehˬve chehˇ kuiˬ hkʼaw lo‸-e leh kanˉ ca te ve teˇ yanˇ, veu‸ kʼaˇ oˇ ve teˇ hpaˍ hta‸ suhˍ nyi hkʼa gaˬ gʼa veu‸ ve yoˬ.
31Aˉ yaˇ piˇ htaˇ yehˇ ve yawˬ ehˉ awˬ shaˍ oˇ ve hta‸ da‸ kehˬ ve chehˇ kuiˬ teˇ hpaˍ lo gʼa keu caˉ ve yoˬ. 32Aˍronˍ leh yawˇ ve yaˇ teˇ hpaˍ lehˬ, awˬ shaˍ oˇ ve leh hkʼawˍ lawˇ hkʼaw keu taˍ ve hkaoˍmonˇ hta‸ aˉ po kʼo bon yehˬ yehˬmiˉhpe‸ lo gʼa caˇ ve yoˬ. 33Yawˇ hui hta‸ ven baˆ hpehˇ leh aˉ yaˇ piˇ htaˇ, yehˇ ve caˇ tuˬ teˇ hpaˍ hta‸ yawˇ hui caˇ hpeh‸ ve yoˬ. Awˬ lawn kʼo, caˇ tuˬ oˇ ve teˇ hpaˍ lehˬ da‸ kehˬ ve pa taw, paw hkuˇ teˇ hpaˍ ceh tiˉ gʼa caˇ ve yoˬ. 34Shaˍ maˇ kʼoˆ, hkaoˍmonˇ maˇ kʼoˆ, mvuhˇ htiˇ la htaˇ hkʼa gaˬ cawˬ taˍ sheˬ ve kʼo, oˇ ve teˇ hpaˍ hta‸ aˬ miˍ gʼa tuˉ baˬ ve yoˬ. Awˬ lawn kʼo, awˬ ceuˬ oˇ ve teˇ hpaˍ lehˬ da‸ kehˬ ve pa taw, chaw yaˇ maˇ gʼa caˇ.
35Ngaˬ nawˬ hta‸ kʼoˆ piˇ taˍ peuˬ ve hkʼe, Aˍronˍ leh yawˇ ve yaˇ teˇ hpaˍ hta‸ aˉ yaˇ piˇ ve pawehˇ suhˍ nyi hkʼa gaˬ gʼa te piˇ ve yoˬ. 36Nawˬ hui venˇbaˆ gʼa ponˬ tuˬ, teˇ nyi le le nuˇ paˍ teˇ hkeh yuˬ leh gʼa tuˉ tanˇ ve yoˬ. Oˇ ve hkʼaw‸ nawˉ, tuˉ tanˇ kuiˬ hta‸ naˍ manˇ pfuhˍ leh da‸ kehˬ tuˬ gʼa te ve yoˬ. 37Suhˍ nyi hkʼa gaˬ nawˬ hui oˇ hkʼe gʼa te ve yoˬ. Oˇ hkʼe te ve kʼo, tuˉ tanˇ kuiˬ oˇ ve da‸ kehˬ la leh, oˇ ve hta‸ hkʼa htawˇ ve chaw hkʼa peu-eˬ gʼa luˬ gʼa sheˆ tuˬ yoˬ.
Teˇ nyi le le gʼa tanˇ cawˇ ve tanˇ tuˬ
38Tuˉ tanˇ kuiˬ awˬ hkʼoˆ lo nawˬ hui gʼa tuˉ tanˇ tuˬ ve awˬ ceuˬ teˇ hpaˍ lehˬ, chi ve teˇ hpaˍ yoˬ. Teˇ nyi le le a sha‸ teˇ hkʼaw‸ gaˬ peuˬ ve yawˬ ehˉ awˬ paˍ nyiˇ hkeh hta‸ yuˬ leh gʼa tuˉ tanˇ ve yoˬ. 39Mvuhˇ shawˉ hpawˇ teˇ hkeh leh, mvuhˇ hpeu‸ hpawˇ teˇ hkeh gʼa tuˉ tanˇ ve yoˬ. 40Awˉ lawˉ peuˇ ve yawˬ ehˉ teˇ hkeh hta‸ tuˉ tanˇ ve teˇ yanˇ, junˍ meu-e ngaˇ panˇ leh naˍ manˇ nyiˇ kaw hkaw‸ da‸ leh yawˬ ehˉ geh teˇ geh gʼa tuˉ tanˇ ve yoˬ. A pehˉ meuˇ gʼuiˬ htawˇ nyiˇ kaw gʼa tanˇ ve yoˬ. 41Yawˬ ehˉ nyiˇ hkeh teˇ hkeh hta‸ mvuhˇ hpeu‸ hpawˇ tuˉ tanˇ piˇ ve teˇ yanˇ, mvuhˇ shawˉ hpawˇ tuˉ tanˇ jaw ve hkʼe gʼa kʼaw‸ tuˉ tanˇ ve yoˬ. Chi ve lehˬ, caˇ tuˬ dawˬ tuˬ tuˉ tanˇ tuˬ hpeh‸ leh, ngaˬ nyi ma cawˇ ve awˬ shaˉ hawnˉ ve tuˉ tanˇ tuˬ hpeh‸ ve yoˬ. 42Nawˬ hui ve awˬ yaˇ awˬ duˬ teˇ co peuˬ teˇ co chi hkʼe gʼa te leh, bon yehˬ yehˬmiˉhpe‸ lo gʼa tuˉ tanˇ ve yoˬ. Oˇ kaˬ lo ngaˬ nawˬ hui hta‸ hpuˇ da‸ leh, nawˬ hui hta‸ tawˇ yaw laˇ tuˬ yoˬ. 43Oˇ kaˬ lo ngaˬ Iˉsaˍreˍlaˆ chaw teˇ hpaˍ hta‸ hpuˇ da‸ leh, chehˇ kuiˬ oˇ ve lehˬ ngaˬ ve awˬ me‸ awˬ hponˇ hta‸ pa taw da‸ kehˬ la tuˬ yoˬ. 44Aˉ po kʼo bon yehˬ leh tuˉ tanˇ kuiˬ hta‸ ngaˬ da‸ kehˬ piˇ tuˬ yoˬ. Aˍronˍ leh yawˇ ve yaˇ teˇ hpaˍ hta‸ ngaˬ ve paw hkuˇ te tcuh tuˬ yoˬ. 45Ngaˬ lehˬ, Iˉsaˍreˍlaˆ chaw hui geh chehˇ taˍ leh, ngaˬ lehˬ yawˇ hui ve Gʼuiˬsha hpeh‸ tuˬ yoˬ. 46Ngaˬ yawˇ hui geh chehˇ taˍ leh, yawˇ hui hta‸ Eˇjiˇtu‸ mvuhˇmiˬ hkʼaw shiˍ tawˆ la piˇ shehˍ hpaˇ lehˬ ngaˬ hpeh‸ ve hta‸ yawˇ hui shiˍ la tuˬ yoˬ. Ngaˬ lehˬ yawˇ hui ve Gʼuiˬsha hpeh‸ ve yoˬ.
Currently Selected:
Tawˆ kʼai ve li‸ 29: LHBE
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Tawˆ kʼai ve li‸ 29
29
Aˍronˍ leh yawˇ ve yaˇ teˇ hpaˍ hta‸ aˉ yaˇ piˇ ve
1Aˍronˍ leh yawˇ ve yaˇ teˇ hpaˍ hta‸ ngaˬ ve paw hkuˇ hpeh‸ la tuˬ chiˇ a‸ piˇ htaˇ, nawˬ chi hkʼe gʼa te ve yoˬ. Te‸ chiˉ awˬ kuiˉ awˬ haiˇ maˇ cawˬ ve nuˇ paˍ teˇ hkeh leh, yawˬ ehˉ nyiˇ hkeh yu‸-o‸. 2Diˇ maˇ keu ve hkaoˍmonˇ te leh, hkaoˍmonˇ awˬ baˉ ehˉ teˇ hpaˍ hta‸ shaˍ chu hkʼa deh‸ shehˆ taˍ-o‸. 3Nuˇ paˍ leh yawˬ ehˉ oˇ ve nyiˇ hkeh hta‸ tuˉ tanˇ chehˇ ve teˇ yanˇ, nawˬ lehˬ hkaoˍmonˇ oˇ ve hta‸ hkʼawˍ lawˇ hkʼaw keu leh ngaˬ geh gʼa yuˬ laˬve yoˬ.
4Aˍronˍ leh yawˇ ve yaˇ teˇ hpaˍ hta‸ iˉ kaˆ hehˉ piˇ lawˬ-o‸. 5Veu‸ kʼaˇ teˇ hpaˍ yuˬ laˬ leh, aˉ po‸ zuhˬ ma, nyi ma pui beh tuˬ, leh aˉ po‸ awˬ hta‸ deh tuˬ ve teˇ hpaˍ yawˇ hta‸ feuˉ piˇ-oˆ. Yawˇ ve caw‸ cehˍ nyi lo hpaˉ ce‸ hpeh tsuh‸ taˍ piˇ-oˆ. 6Yawˇ ve oˉ kʼoˍ hkʼoˆ uˉ nyiˉ nyiˉ piˇ leh, uˉ nyiˉ awˬ hkʼoˆ lo, Gʼuiˬsha awˬ pon fuiˍ teh taˍ ve, teh‸ bvuh‸ taˍ ve da‸ kehˬ ve li‸ mehˆ hta‸ nehˉ piˇ taˍ-o‸. 7Naˍ manˇ hta‸ yuˬ leh yawˇ ve oˉ kʼoˍ hkʼoˆ ngeuˍ pfuhˍ piˇ-oˆ.
8Oˇ ve hkʼaw‸ nawˉ, yawˇ ve yaˇ teˇ hpaˍ hta‸ shiˍ laˬ leh yawˇ hui hta‸ aˉ po‸ feuˉ piˇ-oˆ. 9Caw‸ cehˍ nyi lo hpaˉ ce‸ hpeh piˇ leh, yawˇ hui hta‸ uˉ tcuhˍ hkʼawˆ piˇ-oˆ. Yawˇ hui lehˬ, co co taiˍ taiˍ ngaˬ ve paw hkuˇ hpeh‸ la tuˬ yoˬ. Chi hkʼe te ve hkʼaw, nawˬ lehˬ Aˍronˍ leh yawˇ ve yaˇ teˇ hpaˍ hta‸ aˉ yaˇ gʼa piˇ ve yoˬ.
10Aˉ po kʼo bon yehˬ yehˬmiˉhpe‸, hpawnˬ da‸ kuiˬ bawehˇ lo nuˇ paˍ oˇ ve hta‸ sheh veu laˇ-oˆ. Aˍronˍ leh yawˇ ve yaˇ teˇ hpaˍ lehˬ nuˇ oˇ ve oˉ kʼoˍ hkʼoˆ lo yawˇ hui ve la‸ sheh gʼa taˍ ve yoˬ. 11Oˇ ve hkʼaw‸ nawˉ, nuˇ oˇ ve hta‸ oˇ kaˬ lo gʼa tiˇ pehˍ ve yoˬ. 12Awˬ suhˍ teˇ hpaˍ hta‸ nawˬ ve la‸ naw te leh, tuˉ tanˇ kuiˬ awˬ hkʼoˆ lo cawˬ ve awˬ hkaw teˇ hpaˍ hta‸ gʼa shehˆ piˇ ve yoˬ. Cawˬ taˍ sheˬ ve awˬ suhˍ hkʼa peu-eˬ hta‸ tuˉ tanˇ kuiˬ awˬ hkuiˉ puiˍ lo gʼa ngeuˍ hpoˆ ve yoˬ. 13Awˬ gʼuˬ tehˆ leh awˬ shehˍ hta‸ ngawˉ taˍ ve awˬ chu, awˬ lanˇ shiˍ nyiˇ shiˍ hta‸ ngawˉ taˍ ve awˬ chu hta‸ yuˬ leh tuˉ tanˇ kuiˬ hkʼoˆ lo gʼa tuˉ tanˇ ve yoˬ. 14Ya‸ hkʼaˇ, cawˬ taˍ ve nuˇ shaˍ, nuˇ guiˬ kʼuˉ leh awˬ hkʼaw ve hkʼa peu-eˬ hta‸ nawˬ hui deh chehˇ ve fa la awˬ baˬ hpawˇ lo gʼa ca tuˉ baˬ ve yoˬ. Chi lehˬ, paw hkuˇ teˇ hpaˍ venˇbaˆ gʼa ponˬ tuˬ tuˉ tanˇ ve teˇ ceuˬ hpeh‸ ve yoˬ.
15Yawˬ ehˉ teˇ hkeh hta‸ yuˬ leh, Aˍronˍ leh yawˇ ve yaˇ teˇ hpaˍ lehˬ yawˬ ehˉ ve oˉ kʼoˍ hkʼoˆ la‸ sheh taˍ piˇ lawˬ-o‸. 16Oˇ hkʼe te peuˬ hkʼaw‸ nawˉ, yawˬ ehˉ oˇ ve hta‸ tiˇ pehˍ leh awˬ suhˍ hta‸ tuˉ tanˇ kuiˬ teˇ hpawˇ le le lo gʼa hpeh‸ pfuhˍ piˇ ve yoˬ. 17Yawˬ ehˉ hta‸ tawˆ hpoˆ taˍ leh, awˬ hkʼaw ve hkʼa peu-eˬ leh hkui sheh teˇ hpaˍ hta‸ tsuhˇ baˬ peuˬ hkʼaw‸ nawˉ, 18yawˬ ehˉ oˇ ve teˇ hkeh hkʼa peu-eˬ hta‸ tuˉ tanˇ kuiˬhkʼoˆ hpoˆ leh gʼa tuˉ tanˇ piˇ ve yoˬ. Chi ve lehˬ, caˇ tuˬ dawˬ tuˬ tuˉ tanˇ ve tanˇ tuˬ leh, Gʼuiˬsha nyi ma cawˇ ve awˬ shaˉ hawnˉ ve tanˇ tuˬ hpeh‸ ve yoˬ.
19Yawˬ ehˉ nyiˇ hkeh teˇ hkeh hta‸ kʼaw‸ yuˬ leh, Aˍronˍ leh yawˇ ve yaˇ teˇ hpaˍ yawˬ ehˉ ve oˉ kʼoˍ hkʼoˆ lo la‸ sheh gʼa taˍ ve yoˬ. 20Oˇ ve hkʼaw‸ nawˉ, yawˬ ehˉ oˇ ve hta‸ tiˇ pehˍ leh, awˬ suhˍ teˇ hpaˍ hta‸ Aˍronˍ leh yawˇ ve yaˇ teˇ hpaˍ ve la‸ sha paˉ naˍ paw, laˬ sha paˉ la‸ ma peuˍ, hkui ma peuˍ hta‸ gʼa shehˆ piˇ ve yoˬ. Cawˬ taˍ sheˬ ve awˬ suhˍ hta‸ tuˉ tanˇ kuiˬ teˇ hpawˇ le le lo gʼa hpeh‸ pfuhˍ piˇ ve yoˬ. 21Tuˉ tanˇ kui hkʼoˆ cawˬ taˍ ve awˬ suhˍ leh shaˍ chu teˇ hpaˍ hta‸ yuˬ leh, Aˍronˍ leh yawˇ ve yaˇ teˇ hpaˍ ve veu‸ kʼaˇ hta‸ gʼa kʼaw‸ hpeh‸ pfuhˍ piˇ ve yoˬ. Oˇ hkʼe te ve kʼo, Aˍronˍ leh yawˇ ve yaˇ teˇ hpaˍ da‸ kehˬ la tuˬ yoˬ.
22Oˇ hkʼe te peuˬ hkʼaw‸ nawˉ, yawˬ ehˉ awˬ chu, awˬ mehˍ tu, awˬ gʼuˬ tehˆ hta‸ ngawˉ taˍ ve awˬ chu leh la‸ sha paˉ ve pfuhˬ tehˉ kʼu hta‸ yuˬ-o‸. 23Gʼuiˬsha mehˆ gʼuˇ suhˍ hkʼawˍ lawˇ hkʼaw keu teh taˍ ve diˇ maˇ keu ve hkaoˍmonˇ teˇ diˬ, naˍ manˇ yuˬ te taˍ ve hkaoˍmonˇ teˇ diˬ, leh paˉ-ehˍ ve hkaoˍmonˇ teˇ shiˍ hta‸ yuˬ-o‸. 24Caˇ tuˬ chi ve hkʼa peu-eˬ, Aˍronˍ leh yawˇ ve yaˇ teˇ hpaˍ ve la‸ sheh hkʼaw gʼa keu piˇ leh, yawˇ hui lehˬ awˬ ceuˬ chi ve teˇ hpaˍ ngaˬ hta‸ gʼa chiˇ a‸ laˇ ve yoˬ. 25Peuˬ hkʼaw‸ nawˉ, caˇ tuˬ chi teˇ hpaˍ hta‸ yawˇ hui geh kʼaw‸ yuˬ hkʼaw‸ leh, tanˇ kuiˬ awˬ hkʼoˆ gʼa tuˉ tanˇ ve yoˬ. Chi lehˬ, ngaˬ nyi ma cawˇ ve awˬ shaˉ hawnˉ ve tanˇ tuˬ hpeh‸ ve yoˬ. 26Yawˬ ehˉ oˇ ve nyi ma pui hta‸ yuˬ leh, ngaˬ hta‸ chiˇ a‸ laˇ peuˬ hkʼaw‸ nawˉ, oˇ ve hta‸ nawˬ caˇ hpeh‸ ve yoˬ.
27Paw hkuˇ teˇ gʼaˇ gʼaˇ hta‸ aˉ yaˇ piˇ htaˇ yehˇ ve yawˬ ehˉ ve nyi ma pui leh pfuhˬ tehˉ kʼu oˇ ve ngaˬ hta‸ gʼa chiˇ a‸ laˇ ve yoˬ. Hkʼaw‸ nawˉ, oˇ ve hta‸ paw hkuˇ awˬ pon gʼa fuiˍ teh taˍ piˇ ve yoˬ. 28Chi ve lehˬ, Iˉsaˍreˍlaˆ chaw hui hkʼaˬ htaˆ ka‸ na yuˬ leh gʼa te tuˬ ve awˬ liˇ teˇ maˬ hpeh‸ ve yoˬ. Chaw yaˇ teˇ hpaˍ awˬ chawˇ muiˬ da‸ ve tanˇ tuˬ ca tanˇ piˇ la ve teˇ pawˆ le le, nyi ma pui leh pfuhˬ tehˉ kʼu paw hkuˇ teˇ hpaˍ awˬ pon teˇ kaˬ lo gʼa fuiˍ teh taˍ ve yoˬ.
29Aˍronˍ ve da‸ kehˬ ve veu‸ kʼaˇ oˇ ve teˇ hpaˍ lehˬ, yawˇ suh peuˬ hkʼaw‸ nawˉ, yawˇ ve yaˇ teˇ hpaˍ hta‸ gʼa piˇ ve yoˬ. 30Yawˇ awˬ tan paw hkuˇ te tuˬ kʼaw‸ leuˆ yuˬ ve yawˇ ve yaˇ teˇ gʼaˇ lehˬ, da‸ kehˬve chehˇ kuiˬ hkʼaw lo‸-e leh kanˉ ca te ve teˇ yanˇ, veu‸ kʼaˇ oˇ ve teˇ hpaˍ hta‸ suhˍ nyi hkʼa gaˬ gʼa veu‸ ve yoˬ.
31Aˉ yaˇ piˇ htaˇ yehˇ ve yawˬ ehˉ awˬ shaˍ oˇ ve hta‸ da‸ kehˬ ve chehˇ kuiˬ teˇ hpaˍ lo gʼa keu caˉ ve yoˬ. 32Aˍronˍ leh yawˇ ve yaˇ teˇ hpaˍ lehˬ, awˬ shaˍ oˇ ve leh hkʼawˍ lawˇ hkʼaw keu taˍ ve hkaoˍmonˇ hta‸ aˉ po kʼo bon yehˬ yehˬmiˉhpe‸ lo gʼa caˇ ve yoˬ. 33Yawˇ hui hta‸ ven baˆ hpehˇ leh aˉ yaˇ piˇ htaˇ, yehˇ ve caˇ tuˬ teˇ hpaˍ hta‸ yawˇ hui caˇ hpeh‸ ve yoˬ. Awˬ lawn kʼo, caˇ tuˬ oˇ ve teˇ hpaˍ lehˬ da‸ kehˬ ve pa taw, paw hkuˇ teˇ hpaˍ ceh tiˉ gʼa caˇ ve yoˬ. 34Shaˍ maˇ kʼoˆ, hkaoˍmonˇ maˇ kʼoˆ, mvuhˇ htiˇ la htaˇ hkʼa gaˬ cawˬ taˍ sheˬ ve kʼo, oˇ ve teˇ hpaˍ hta‸ aˬ miˍ gʼa tuˉ baˬ ve yoˬ. Awˬ lawn kʼo, awˬ ceuˬ oˇ ve teˇ hpaˍ lehˬ da‸ kehˬ ve pa taw, chaw yaˇ maˇ gʼa caˇ.
35Ngaˬ nawˬ hta‸ kʼoˆ piˇ taˍ peuˬ ve hkʼe, Aˍronˍ leh yawˇ ve yaˇ teˇ hpaˍ hta‸ aˉ yaˇ piˇ ve pawehˇ suhˍ nyi hkʼa gaˬ gʼa te piˇ ve yoˬ. 36Nawˬ hui venˇbaˆ gʼa ponˬ tuˬ, teˇ nyi le le nuˇ paˍ teˇ hkeh yuˬ leh gʼa tuˉ tanˇ ve yoˬ. Oˇ ve hkʼaw‸ nawˉ, tuˉ tanˇ kuiˬ hta‸ naˍ manˇ pfuhˍ leh da‸ kehˬ tuˬ gʼa te ve yoˬ. 37Suhˍ nyi hkʼa gaˬ nawˬ hui oˇ hkʼe gʼa te ve yoˬ. Oˇ hkʼe te ve kʼo, tuˉ tanˇ kuiˬ oˇ ve da‸ kehˬ la leh, oˇ ve hta‸ hkʼa htawˇ ve chaw hkʼa peu-eˬ gʼa luˬ gʼa sheˆ tuˬ yoˬ.
Teˇ nyi le le gʼa tanˇ cawˇ ve tanˇ tuˬ
38Tuˉ tanˇ kuiˬ awˬ hkʼoˆ lo nawˬ hui gʼa tuˉ tanˇ tuˬ ve awˬ ceuˬ teˇ hpaˍ lehˬ, chi ve teˇ hpaˍ yoˬ. Teˇ nyi le le a sha‸ teˇ hkʼaw‸ gaˬ peuˬ ve yawˬ ehˉ awˬ paˍ nyiˇ hkeh hta‸ yuˬ leh gʼa tuˉ tanˇ ve yoˬ. 39Mvuhˇ shawˉ hpawˇ teˇ hkeh leh, mvuhˇ hpeu‸ hpawˇ teˇ hkeh gʼa tuˉ tanˇ ve yoˬ. 40Awˉ lawˉ peuˇ ve yawˬ ehˉ teˇ hkeh hta‸ tuˉ tanˇ ve teˇ yanˇ, junˍ meu-e ngaˇ panˇ leh naˍ manˇ nyiˇ kaw hkaw‸ da‸ leh yawˬ ehˉ geh teˇ geh gʼa tuˉ tanˇ ve yoˬ. A pehˉ meuˇ gʼuiˬ htawˇ nyiˇ kaw gʼa tanˇ ve yoˬ. 41Yawˬ ehˉ nyiˇ hkeh teˇ hkeh hta‸ mvuhˇ hpeu‸ hpawˇ tuˉ tanˇ piˇ ve teˇ yanˇ, mvuhˇ shawˉ hpawˇ tuˉ tanˇ jaw ve hkʼe gʼa kʼaw‸ tuˉ tanˇ ve yoˬ. Chi ve lehˬ, caˇ tuˬ dawˬ tuˬ tuˉ tanˇ tuˬ hpeh‸ leh, ngaˬ nyi ma cawˇ ve awˬ shaˉ hawnˉ ve tuˉ tanˇ tuˬ hpeh‸ ve yoˬ. 42Nawˬ hui ve awˬ yaˇ awˬ duˬ teˇ co peuˬ teˇ co chi hkʼe gʼa te leh, bon yehˬ yehˬmiˉhpe‸ lo gʼa tuˉ tanˇ ve yoˬ. Oˇ kaˬ lo ngaˬ nawˬ hui hta‸ hpuˇ da‸ leh, nawˬ hui hta‸ tawˇ yaw laˇ tuˬ yoˬ. 43Oˇ kaˬ lo ngaˬ Iˉsaˍreˍlaˆ chaw teˇ hpaˍ hta‸ hpuˇ da‸ leh, chehˇ kuiˬ oˇ ve lehˬ ngaˬ ve awˬ me‸ awˬ hponˇ hta‸ pa taw da‸ kehˬ la tuˬ yoˬ. 44Aˉ po kʼo bon yehˬ leh tuˉ tanˇ kuiˬ hta‸ ngaˬ da‸ kehˬ piˇ tuˬ yoˬ. Aˍronˍ leh yawˇ ve yaˇ teˇ hpaˍ hta‸ ngaˬ ve paw hkuˇ te tcuh tuˬ yoˬ. 45Ngaˬ lehˬ, Iˉsaˍreˍlaˆ chaw hui geh chehˇ taˍ leh, ngaˬ lehˬ yawˇ hui ve Gʼuiˬsha hpeh‸ tuˬ yoˬ. 46Ngaˬ yawˇ hui geh chehˇ taˍ leh, yawˇ hui hta‸ Eˇjiˇtu‸ mvuhˇmiˬ hkʼaw shiˍ tawˆ la piˇ shehˍ hpaˇ lehˬ ngaˬ hpeh‸ ve hta‸ yawˇ hui shiˍ la tuˬ yoˬ. Ngaˬ lehˬ yawˇ hui ve Gʼuiˬsha hpeh‸ ve yoˬ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.