Daˍyeˍlaˆ li‸ 11
11
1Ngaˬ hta‸ ga laˇ ha‸ shaˉ laˇ tuˬ, Gʼuiˬsha yawˇ hta‸ kanˉ piˇ taˍ ve yoˬ. 2Chi beu‸ ngaˬ nawˬ hta‸ kʼoˆ laˇ tuˬ ve tawˇ chi teˇ hpaˍ lehˬ, awˬ tehˬ awˬ na cawˇ ve yoˬ, teh‸ ngaˬ hta‸ kʼoˆ laˇ ve yoˬ.
Eˇjiˇtu‸ leh Suˇriˆ mvuhˇmiˬ
Oˇ ve hkʼaw‸ nawˉ, mvuhˇ naw tcuh yaˇ oˇ ve ngaˬ hta‸ chi hkʼe kʼaw‸ kʼoˆ laˇ ve yoˬ. Paˇshaˇ mvuhˇmiˬ hta‸ jawˇmawˇ shehˆ gʼaˇ kʼaw‸ uˉ peunˍ tuˬ sheˍ ve yoˬ. Awˬ hkʼaw‸ nawˉ ve jawˇmawˇ awˇ gʼaˇ teˇ gʼaˇ lehˬ, awˬ nu ve jawˇmawˇ teˇ hpaˍ a‸ kehˉ paw sha jaˇ tuˬ yoˬ. Yawˇ paw sha leh awˬ gʼaˇ uiˍ la ve teˇ yanˇ, Heˍlaˍsaˆ mvuhˇmiˬ hta‸ tawˍ da‸ tuˬ yoˬ.
3Oˇ htaˇ, ha‸ hanˉ jaˇ ve jawˇmawˇ teˇ gʼaˇ tawˆ la tuˬ yoˬ. Yawˇ lehˬ, uiˍ jaˇ kʼehˬ jaˇ ve mvuhˇmiˬ lonˉ teˇ peˆ hta‸ uˉ peunˍ leh, yawˇ te gaˇ ve hkʼe te tuˬ yoˬ. 4Yawˇ awˬ gʼaˇ uiˍ jaˇ la ve teˇ yanˇ, yawˇ ve mvuhˇmiˬ awˇ tawn pehˬ kʼai tuˬ yoˬ. Awˬ nu ve jawˇmawˇ teˇ hpaˍ yawˇ ve mvuhˇmiˬ hta‸ kʼaw‸ uˉ peunˍ tuˬ yoˬ. Ya‸ hkʼaˇ, yawˇ hui lehˬ jawˇmawˇ lonˉ oˇ ve teˇ gʼaˇ hkʼe taw, awˬ gʼaˇ uiˍ tuˬ ve maˇ heˆ.
5Eˇjiˇtu‸ jawˇmawˇ awˬ gʼaˇ kʼaw‸ uiˍ la tuˬ yoˬ. Ya‸ hkʼaˇ, yawˇ ve ma‸ poˍ lonˉ teˇ gʼaˇ yawˇ a‸ kehˉ awˬ gʼaˇ uiˍ la leh, uiˍ jaˇ ve mvuhˇmiˬ teˇ peˆ hta‸ gʼa uˉ peunˍ tuˬ yoˬ. 6Awˬ hkʼaw‸ nawˉ awˬ yanˇ maw la ve teˇ yanˇ, Eˇjiˇtu‸ jawˇmawˇ lehˬ Suˇriˆ jawˇmawˇ hta‸ shaˉ caˆ caˇ leh, yawˇ ve yaˇ miˇ piˇ tuˬ yoˬ. Ya‸ hkʼaˇ, shaˉ caˆ oˇ ve co co yeˬ tuˬ ve maˇ heˆ. Yaˇ miˇ oˇ ve yawˇ awˬ hpawˇ, yawˇ ve yaˇ leh yawˇ geh kʼai taˍ ve awˬ ceˬ hkʼa peu-eˬ tiˇ pehˍ ve hta‸ gʼa hkanˍ tuˬ yoˬ. 7Oˇ ve hkʼaw‸ nawˉ, yaˇ miˇ oˇ ve awˬ ceuˬ awˬ hkʼaˇ teˇ gʼaˇ jawˇmawˇ kʼaw‸ hpeh‸ la tuˬ yoˬ. Yawˇ lehˬ, Suˇriˆ jawˇmawˇ hta‸ bawˆ da‸ leh, yawˇ hui hta‸ te luˬ te sheˆ piˇ tuˬ yoˬ. 8Yawˇ lehˬ, Suˇriˆ mvuhˇmiˬ hkʼaw cawˬ ve shaˉ ho‸ teˇ hpaˍ leh, shaˉ ho‸ oˇ ve teˇ hpaˍ hta‸ tanˇ taˍ ve hpu shi mawˇ jeˬ hkʼa peu-eˬ ve hta‸ Eˇjiˇtu‸ mvuhˇmiˬ lo yuˬ kʼo‸-e tuˬ yoˬ. 9Mvuhˇmiˬ gawˬ kʼai peuˬ hkʼaw‸ nawˉ maˇ maw maw gaˬ kʼo, Suˇriˆ jawˇmawˇ lehˬ Eˇjiˇtu‸ mvuhˇmiˬ hta‸ ca kʼaw‸ bawˆ la tuˬ yoˬ. Ya‸ hkʼaˇ, bawˆ gʼaˇ tuˬ ve maˇ heˆ.
10Suˇriˆ jawˇmawˇ ve yaˇ teˇ hpaˍ lehˬ, ma‸ moˍ shawˍ leh ma‸ bawˆ tuˬ gu tuˬ yoˬ. Yaˇ paˍ teˇ gʼaˇ lehˬ, iˉ kaˆ uiˍ taˆ la ve hkʼa shuˍ canˇ paˍ teˇ hpaˍ ve ta‸ yehˬ hta‸ ca lo‸ bawˆ tuˬ yoˬ. 11Oˇ htaˇ, Eˇjiˇtu‸ jawˇmawˇ nyi ma zuhˆ jaˇ ve hkʼaw, Suˇriˆ jawˇmawˇ hta‸ bawˆ da‸ leh, yawˇ ve ma‸ yaˇ hkʼa peu-eˬ hta‸ hpeh gʼa tuˬ yoˬ. 12Yawˇ lehˬ, canˇ paˍ chi ma ma ve hta‸ tiˇ pehˍ gʼa ve pa taw, nyi ma uiˍ la tuˬ yoˬ. Ya‸ hkʼaˇ, yawˇ lehˬ hkʼaˬ htaˆ ka‸ gʼaˇ shehˍ hpaˇ hpeh‸ chehˇ tuˬ ve maˇ heˆ.
13Suˇriˆ jawˇmawˇ kʼaw‸ hpfuhˆ kʼo‸-e leh, ponˬ laˬ htaˇ a‸ kehˉ awˬ gʼaˇ uiˍ ve ma‸ moˍ lonˉ hta‸ kʼaw‸ shaw hpoˆ tuˬ yoˬ. Awˬ yanˇ gaˬ la htaˇ, ma‸ moˍ lonˉ oˇ ve hta‸ yawˇ kʼaw‸ shiˍ laˬ tuˬ yoˬ. 14Oˇ htaˇ, chaw maˇ maˇ Eˇjiˇtu‸ jawˇmawˇ hta‸ kʼaw‸ hpfuhˆ tuˬ yoˬ. Daˍyeˍlaˆ-oˬ, nyi ma uiˍ ve nawˬ ve chaw teˇ hpaˍ hpaˍ htawˇ, yawˇ hui awˬ ha hkʼaw gʼa mawˬ ve awˬ ceuˬ hta‸ pa taw nyi ma uiˍ la leh, jawˇmawˇ hta‸ kʼaw‸ hpfuhˆ tuˬ yoˬ. Ya‸ hkʼaˇ, yawˇ hui shonˇ kʼai tuˬ yoˬ. 15Hkʼe te leh, Suˇriˆ jawˇmawˇ lehˬ ta‸ yehˬ teˇ maˬ hta‸ hoˆ taˍ leh bawˆ yuˬ tuˬ yoˬ. Cheuˬ jaˇ ve ma‸ yaˇ teˇ hpaˍ htawˇ, awˬ gʼaˇ nuˇ kʼai tuˬ yoˬ. 16Suˇriˆ jawˇmawˇ lehˬ, yawˇ hui hta‸ te gaˇ ve hkʼe te piˇ tuˬ yoˬ. Yawˇ hta‸ tawˍ taˍ shehˍ hpaˇ teˇ gʼaˇ ka‸ cawˬ tuˬ ve maˇ heˆ. Yawˇ lehˬ Iˉsaˍreˍlaˆ ve mvuhˇmiˬ hkʼaw huˉ taˍ leh, mvuhˇmiˬ oˇ ve hta‸ htawˇ hiˉ yuˬ tuˬ yoˬ.
17Suˇriˆ jawˇmawˇ lehˬ, ma‸ bawˆ tuˬ ma‸ moˍ hkʼa deh‸ shawˍ tuˬ yoˬ. Oˇ hkʼe te peuˬ hkʼaw‸ nawˉ, yawˇ ve canˇ paˍ hta‸ te luˬ te sheˆ gʼa tuˬ, yawˇ lehˬ canˇ paˍ oˇ ve hta‸ shaˉ caˆ caˇ ve hkʼe te leh, yawˇ ve yaˇ miˇ piˇ tuˬ yoˬ. Ya‸ hkʼaˇ, yawˇ dawˇ taˍ ve hkʼe hpeh‸ la tuˬ ve maˇ heˆ. 18Yawˇ lehˬ, laˇ tsuhˇ gʼuiˬ pfuhˍ lo cawˬ ve mvuhˇmiˬ laiˉ peˆ hta‸ bawˆ yuˬ tuˬ yoˬ. Ya‸ hkʼaˇ, aw nu ve jawˇmawˇ teˇ gʼaˇ yawˇ hta‸ bawˆ gʼaˇ leh, yawˇ lehˬ awˬ me‸ awˬ hponˇ luˬ kʼai tuˬ yoˬ. 19Jawˇmawˇ lehˬ, yawˇ ve mvuhˇmiˬ lo kʼaw‸ hpfuhˆ kʼaw‸ la tuˬ yoˬ. Ya‸ hkʼaˇ, yawˇ shonˇ kʼai leh luˬ kʼai sheˆ kʼai tuˬ yoˬ.
20Yawˇ awˬ hkʼaw‸ nawˉ, jawˇmawˇ teˇ gʼaˇ kʼaw‸ taˆ la tuˬ yoˬ. Jawˇmawˇ oˇ ve lehˬ, yawˇ ve mvuhˇmiˬ paw sha la tuˬ, ma‸ poˍ lonˉ teˇ gʼaˇ hta‸ hpehˇ leh mvuhˇmiˬ yaˇ hui geh awˬ hkawnˍ ca nyiˉ shaw tcuh tuˬ yoˬ. Ya‸ hkʼaˇ, jawˇmawˇ oˇ ve lehˬ shu a yehˉ gawˬ lehˍ hkʼawˇ tiˇ pehˍ ve hta‸ gʼa hkanˍ tuˬ yoˬ, teh‸ ngaˬ hta‸ kʼoˆ laˇ ve yoˬ.
Suˇriˆ mvuhˇmiˬ ve haiˬ ve jawˇmawˇ
21Mvuhˇ naw tcuh yaˇ oˇ ve ngaˬ hta‸ chi hkʼe kʼaw‸ kʼoˆ laˇ ve yoˬ. Awˬ suhˉ kʼaw‸ taˆ la ve Suˇriˆ jawˇmawˇ lehˬ, haiˬ jaˇ ve jawˇmawˇ hpeh‸ tuˬ yoˬ. Yawˇ lehˬ jawˇmawˇ te keunˍ ve chaw maˇ heˆ. Ya‸ hkʼaˇ, yawˇ cuˇ yiˍ te leh, jawˇmawˇ ve aˉ yaˇ hta‸ hiˉ yuˬ tuˬ yoˬ. 22Chaw teˇ gʼaˇ ka‸ yawˇ hta‸ tawˍ taˍ maˇ hpeh‸. Yawˇ hta‸ tawˍ taˍ ve Gʼuiˬsha ve paw hkuˇ lonˉ hta‸ ka‸ yawˇ yuˬ baˬ piˇ tuˬ yoˬ. 23Yawˇ lehˬ awˬ nu ve jawˇmawˇ teˇ hpaˍ hta‸ shaˉ caˆ caˇ leh, yawˇ hui hta‸ heˍ yuˬ beˬ yuˬ tuˬ yoˬ. Yawˇ ve mvuhˇmiˬ i jaˇ ve htawˇ, yawˇ shaˬ te shaˬ awˬ gʼaˇ uiˍ la tuˬ yoˬ. 24Yawˇ lehˬ paw sha ve mvuhˇmiˬ hta‸ bawˆ yuˬ leh, yawˇ ve awˬ puˍ lonˉ teˇ hpaˍ maˇ te jaw ve kanˉ hta‸ te tuˬ yoˬ. Oˇ ve hkʼaw‸ nawˉ, yawˇ ve chaw teˇ hpaˍ hta‸ yawˇ bawˆ yuˬ gʼa taˍ ve mawˇ teˇ hpaˍ pehˬ piˇ tuˬ yoˬ. Yawˇ lehˬ, yeˬ jaˇ ve ta‸ yehˬ teˇ hpaˍ hta‸ bawˆ yuˬ tuˬ awˬ hkʼaˇ gu tuˬ yoˬ. Ya‸ hkʼaˇ, maˇ maw maw yawˇ ve awˬ yanˇ leh kʼai tuˬ ve yoˬ.
25Yawˇ lehˬ Eˇjiˇtu‸ jawˇmawˇ hta‸ ca bawˆ tuˬ ma‸ moˍ shawˍ tuˬ yoˬ. Eˇjiˇtu‸ jawˇmawˇ htawˇ, ma‸ moˍ shawˍ leh yawˇ hta‸ kʼaw‸ bawˆ tuˬ awˬ hkʼaˇ gu tuˬ yoˬ. Ya‸ hkʼaˇ, Eˇjiˇtu‸ jawˇmawˇ lehˬ shu heˍ piˇ ve hkawˇ na leh shonˇ kʼai tuˬ yoˬ. 26Yawˇ hta‸ dawˇ hkʼaˇ piˇ chehˇ ve chaw teˇ hpaˍ yawˇ hta‸ te luˬ piˇ tuˬ yoˬ. Yawˇ ve ma‸ yaˇ laiˉ gʼaˇ suh-e leh, yawˇ ve ma‸ moˍ lonˉ luˬ kʼai tuˬ yoˬ. 27Oˇ ve hkʼaw‸ nawˉ, jawˇmawˇ oˇ ve nyiˇ gʼaˇ teˇ geh mui leh hti caˇ hti dawˬ tuˬ yoˬ. Yawˇ huiˉ maˬ teˇ gʼaˇ hta‸ teˇ gʼaˇ heˍ da‸ tuˬ yoˬ. Ya‸ hkʼaˇ, awˬ yanˇ maˇ gaˬ sheˍ ve pa taw, yawˇ huiˉ maˬ heuˆ gaˇ ve hkʼe gʼa tuˬ ve maˇ heˆ. 28Suˇriˆ jawˇmawˇ lehˬ, yawˇ bawˆ gʼa taˍ ve mawˇ teˇ hpaˍ hta‸ yuˬ veu leh, Gʼuiˬsha ve chaw hui oˉ kʼoˍ pui ve awˬ liˇ hta‸ te luˬ piˇ tuˬ aˉ hkʼaw lo kʼaw‸ kʼo‸-e tuˬ yoˬ. Yawˇ dawˇ taˍ ve hkʼe te taˉ peuˬ hkʼaw‸ nawˉ, yawˇ ve mvuhˇmiˬ lo kʼo‸-e tuˬ yoˬ.
29Maˇ maw maw yawˇ lehˬ, Eˇjiˇtu‸ mvuhˇmiˬ hta‸ ca kʼaw‸ bawˆ la tuˬ yoˬ. Ya‸ hkʼaˇ, chi teˇ pawˆ lehˬ ponˬ laˬ htaˇ hkʼe maˇ heˆ. 30Roˇma‸ chaw teˇ hpaˍ haw lo‸ kʼoˍ ciˇ laˬ leh, yawˇ hta‸ tawˍ taˍ tuˬ yoˬ. Hkʼe te leh, yawˇ kawˆ jaˇ tuˬ yoˬ.
Oˇ htaˇ, yawˇ nyi ma zuhˆ jaˇ ve hkʼaw kʼaw‸ la leh, Gʼuiˬsha ve chaw teˇ hpaˍ oˉ kʼoˍ pui ve awˬ liˇ oˇ ve hta‸ te luˬ piˇ tuˬ yoˬ. Oˉ kʼoˍ pui ve awˬ liˇ oˇ ve hta‸ baˬ taˉ peuˬ ve chaw hui dawˇ hkʼaˇ piˇ ve hta‸ yawˇ na tuˬ yoˬ. 31Yawˇ ve ma‸ yaˇ teˇ hpaˍ bon yehˬ hta‸ maˇ shawˍ maˇ caˆ te tuˬ yoˬ. Yawˇ hui lehˬ, tuˉ tanˇ tuˬ teˇ hpaˍ hta‸ yuˬbaˬ leh, cha‸ chiˆ ve awˬ ceuˬ hta‸ oˇ kaˬ lo teh taˍ piˇ tuˬ yoˬ. 32Oˉ kʼoˍ pui ve awˬ liˇ oˇ ve hta‸ baˬ taˉ peuˬ ve chaw hui lehˬ, jawˇmawˇ kʼoˆ ve tawˇ hta‸ na tuˬ yoˬ. Ya‸ hkʼaˇ, Gʼuiˬsha hta‸ oˉ kʼoˍ pui chehˇ ve chaw hui yawˇ hta‸ kʼaw‸ hpfuhˆ bawˆ tuˬ yoˬ. 33Cuˇ yiˍ cawˬ ve awˬ hoˉ awˬ naˬ teˇ hpaˍ lehˬ, awˬ nu ve chaw teˇ hpaˍ hta‸ htawˇ cuˇ yiˍ maˍ piˇ tuˬ yoˬ. Ya‸ hkʼaˇ, cuˇ yiˍ cawˬ paˍ oˇ ve teˇ hpaˍ lehˬ, ma‸ bawˆ kuiˬ lo gʼa suh-e leh, teˇ hpaˍ hpaˍ shu aˬ miˍ tuˉ pehˍ ve hta‸ gʼa hkanˍ tuˬ yoˬ. Teˇ hpaˍ hpaˍ shu hiˉ yuˬ lu yuˬ ve hta‸ gʼa hkanˍ tuˬ yoˬ. 34Awˬ yanˇ oˇ ve hkʼaw, fawˉ mehˍ ve a ciˉ hkehnˇ la tuˬ yoˬ. Haiˬ ve chaw teˇ hpaˍ lehˬ, yawˇ hui hta‸ ca ga piˇ la ve hkʼe te leh, yawˇ hui geh hkʼawˇ lo‸ la tuˬ yoˬ. 35Cuˇ yiˍ cawˬ ve awˬ hoˉ awˬ naˬ oˇ ve teˇ hpaˍ hpaˍ ti ˇ pehˍ ve hta‸ gʼa hkanˍ tuˬ yoˬ. Chi hkʼe hpeh‸ la ve lehˬ, chaw yaˇ teˇ hpaˍ kʼaw‸ da‸ kehˬ la tuˬ awˬ pon hpeh‸ ve yoˬ. Gʼuiˬsha tinˍ taˍ ve awˬ yanˇ gaˬ la htaˇ hkʼa gaˬ, chi hkʼe hpehˬ la tuˬ yoˬ.
36Suˇriˆ jawˇmawˇ lehˬ, yawˇ te gaˇ ve hkʼe te chehˇ tuˬ yoˬ. Yawˇ lehˬ, tawˇ uiˍ tawˇ mvuh yaw leh, Kanˇ paˆ uiˬ jaˇ ve Gʼuiˬsha a‸ kehˉ ngaˬ uiˍ ve yoˬ, teh‸ kʼoˆ tuˬ yoˬ. Gʼuiˬsha yawˇ hta‸ ciˍ yanˍ piˇ tuˬ ve awˬ yanˇ maˇ gaˬ sheˍ ve ceh ceh, yawˇ chi hkʼe kʼoˆ chehˇ tuˬ ve yoˬ. Gʼuiˬsha lehˬ yawˇ kʼoˆ taˍ ve hkʼe, awˬ tehˬ awˬ na te piˇ tuˬ yoˬ. 37Jawˇmawˇ oˇ ve lehˬ, yawˇ ve awˬ puˍ awˬ pi hui oˉ kʼoˍ pui chehˇ ve gʼuiˬsha leh yaˇ miˇ teˇ hpaˍ ha‸ ve gʼuiˬsha hta‸ maˇ shawˍ maˇ caˆ te piˇ tuˬ yoˬ. Yawˇ lehˬ gʼuiˬsha oˇ ve teˇ hpaˍ a‸ kehˉ uiˍ ve yoˬ, teh‸ dawˇ leh yawˇ hui hta‸ oˇ hkʼe te piˇ ve yoˬ. 38Ya‸ hkʼaˇ, yawˇ lehˬ ta‸ yehˬ teˇ hpaˍ hta‸ ha‸ shaˉ chehˇ ve gʼuiˬsha hta‸ taˍ uiˍ taˍ mvuh piˇ tuˬ yoˬ. Yawˇ ve awˬ puˍ awˬ pi teˇ hpaˍ teˇ pawˆ ka‸ oˉ kʼoˍ maˇ pui jaw ve gʼuiˬsha hta‸ yawˇ lehˬ hpu, shi, shehnˉ leh awˬ hpfuhˇ hkʼaˆ ve mawˇ teˇ hpaˍ tanˇ piˇ tuˬ yoˬ. 39Yawˇ ve ta‸ yehˬ teˇ hpaˍ hta‸ ha‸ shaˉ tcuh tuˬ, yawˇ lehˬ awˬ kaˍ awˬ nu ve gʼuiˬsha teˇ hpaˍ hta‸ oˉ kʼoˍ pui ve chaw hui hta‸ leuˆ yuˬ tuˬ yoˬ. Yawˇ uˉ peunˍ ve hta‸ nyi ma cawˇ ve chaw hui hta‸ yawˇ taˍ uiˍ taˍ mvuh piˇ leh, uiˍ jaˇ ve aˉ yaˇ leh miˬguiˬ pehˬ piˇ ve yoˬ.
40Suˇriˆ jawˇmawˇ ve awˬ yanˇ peuˬ la paˇ neˇ htaˇ, Eˇjiˇtu‸ jawˇmawˇ yawˇ hta‸ ca bawˆ la tuˬ yoˬ Oˇ htaˇ, Suˇriˆ jawˇmawˇ lehˬ yawˇ ve iˉ mvuhˇ lawˬ leh haw lo‸ kʼoˍ teˇ hpaˍ hta‸ yehˇ leh, Eˇjiˇtu‸ jawˇmawˇ hta‸ kʼaw‸ bawˆ tuˬyoˬ. Yawˇ lehˬ, gʼuiˬ uiˍ haˉ uiˍ ve hkʼe, mvuhˇmiˬ laiˉ peˆ ve hta‸ te luˬ piˇ tuˬ yoˬ. 41Yawˇ lehˬ, Iˉsaˍreˍlaˆ chaw hui ve mvuhˇmiˬ hta‸ htawˇ bawˆ yuˬ leh, chaw awˬ hinˉ awˬ meunˍ gʼaˇ hta‸ tiˇ pehˍ piˇ tuˬ yoˬ. Ya‸ hkʼaˇ, Eˇdonˍ, Mawˇbaˆ leh Aˍmonˍ mvuhˇmiˬ lehˬ gʼa ponˬ tuˬ yoˬ. 42Yawˇ lehˬ mvuhˇmiˬ oˇ ve teˇ hpaˍ hta‸ ca bawˆ yuˬ chehˇ ve teˇ yanˇ, Eˇjiˇtu‸ mvuhˇmiˬ hta‸ ka‸ ponˬ piˇ tuˬ ve maˇ heˆ. 43Yawˇ lehˬ, faˉ taˍ ve Eˇjiˇtu‸ chaw hui ve hpu shi mawˇ jeˬ hkʼa peu-eˬ hta‸ hpfuhˆ yuˬ kʼai tuˬ yoˬ. Yawˇ lehˬ, Liˆbiˇ-a mvuhˇmiˬ leh Suˍdanˍ mvuhˇmiˬ hta‸ htawˇ bawˆ yuˬ tuˬ yoˬ. 44Oˇ ve hkʼaw‸ nawˉ mvuhˇ nyi tawˆ hpawˇ leh awˬ na hpawˇ lo laˬve awˬ lawn sha tanˇ hta‸ yawˇ gʼa kaˇ leh kawˆ jaˇ tuˬ yoˬ. Hkʼe te leh, yawˇ ma‸ gʼaˇ hte‸ bawˆ leh chaw yaˇ laiˇ gʼaˇ hta‸ tiˇ pehˍ piˇ tuˬ yoˬ. 45Yawˇ lehˬ, laˇ tsuhˇ gʼuiˬ leh bon yehˬ te taˍ kuiˬ hkʼaw pui awˬ kaˍ lo yawˇ ve aˉ po kʼo lonˉ te taˍ ve yoˬ. Ya‸ hkʼaˇ, yawˇ gʼa suh-e tu ve yoˬ. Chaw teˇ gaˇ ka‸ yawˇ hta‸ ga piˇ tuˬ ve maˇ heˆ, teh‸ ngaˬ hta‸ kʼoˆ laˇ ve yoˬ.
Currently Selected:
Daˍyeˍlaˆ li‸ 11: LHBE
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Daˍyeˍlaˆ li‸ 11
11
1Ngaˬ hta‸ ga laˇ ha‸ shaˉ laˇ tuˬ, Gʼuiˬsha yawˇ hta‸ kanˉ piˇ taˍ ve yoˬ. 2Chi beu‸ ngaˬ nawˬ hta‸ kʼoˆ laˇ tuˬ ve tawˇ chi teˇ hpaˍ lehˬ, awˬ tehˬ awˬ na cawˇ ve yoˬ, teh‸ ngaˬ hta‸ kʼoˆ laˇ ve yoˬ.
Eˇjiˇtu‸ leh Suˇriˆ mvuhˇmiˬ
Oˇ ve hkʼaw‸ nawˉ, mvuhˇ naw tcuh yaˇ oˇ ve ngaˬ hta‸ chi hkʼe kʼaw‸ kʼoˆ laˇ ve yoˬ. Paˇshaˇ mvuhˇmiˬ hta‸ jawˇmawˇ shehˆ gʼaˇ kʼaw‸ uˉ peunˍ tuˬ sheˍ ve yoˬ. Awˬ hkʼaw‸ nawˉ ve jawˇmawˇ awˇ gʼaˇ teˇ gʼaˇ lehˬ, awˬ nu ve jawˇmawˇ teˇ hpaˍ a‸ kehˉ paw sha jaˇ tuˬ yoˬ. Yawˇ paw sha leh awˬ gʼaˇ uiˍ la ve teˇ yanˇ, Heˍlaˍsaˆ mvuhˇmiˬ hta‸ tawˍ da‸ tuˬ yoˬ.
3Oˇ htaˇ, ha‸ hanˉ jaˇ ve jawˇmawˇ teˇ gʼaˇ tawˆ la tuˬ yoˬ. Yawˇ lehˬ, uiˍ jaˇ kʼehˬ jaˇ ve mvuhˇmiˬ lonˉ teˇ peˆ hta‸ uˉ peunˍ leh, yawˇ te gaˇ ve hkʼe te tuˬ yoˬ. 4Yawˇ awˬ gʼaˇ uiˍ jaˇ la ve teˇ yanˇ, yawˇ ve mvuhˇmiˬ awˇ tawn pehˬ kʼai tuˬ yoˬ. Awˬ nu ve jawˇmawˇ teˇ hpaˍ yawˇ ve mvuhˇmiˬ hta‸ kʼaw‸ uˉ peunˍ tuˬ yoˬ. Ya‸ hkʼaˇ, yawˇ hui lehˬ jawˇmawˇ lonˉ oˇ ve teˇ gʼaˇ hkʼe taw, awˬ gʼaˇ uiˍ tuˬ ve maˇ heˆ.
5Eˇjiˇtu‸ jawˇmawˇ awˬ gʼaˇ kʼaw‸ uiˍ la tuˬ yoˬ. Ya‸ hkʼaˇ, yawˇ ve ma‸ poˍ lonˉ teˇ gʼaˇ yawˇ a‸ kehˉ awˬ gʼaˇ uiˍ la leh, uiˍ jaˇ ve mvuhˇmiˬ teˇ peˆ hta‸ gʼa uˉ peunˍ tuˬ yoˬ. 6Awˬ hkʼaw‸ nawˉ awˬ yanˇ maw la ve teˇ yanˇ, Eˇjiˇtu‸ jawˇmawˇ lehˬ Suˇriˆ jawˇmawˇ hta‸ shaˉ caˆ caˇ leh, yawˇ ve yaˇ miˇ piˇ tuˬ yoˬ. Ya‸ hkʼaˇ, shaˉ caˆ oˇ ve co co yeˬ tuˬ ve maˇ heˆ. Yaˇ miˇ oˇ ve yawˇ awˬ hpawˇ, yawˇ ve yaˇ leh yawˇ geh kʼai taˍ ve awˬ ceˬ hkʼa peu-eˬ tiˇ pehˍ ve hta‸ gʼa hkanˍ tuˬ yoˬ. 7Oˇ ve hkʼaw‸ nawˉ, yaˇ miˇ oˇ ve awˬ ceuˬ awˬ hkʼaˇ teˇ gʼaˇ jawˇmawˇ kʼaw‸ hpeh‸ la tuˬ yoˬ. Yawˇ lehˬ, Suˇriˆ jawˇmawˇ hta‸ bawˆ da‸ leh, yawˇ hui hta‸ te luˬ te sheˆ piˇ tuˬ yoˬ. 8Yawˇ lehˬ, Suˇriˆ mvuhˇmiˬ hkʼaw cawˬ ve shaˉ ho‸ teˇ hpaˍ leh, shaˉ ho‸ oˇ ve teˇ hpaˍ hta‸ tanˇ taˍ ve hpu shi mawˇ jeˬ hkʼa peu-eˬ ve hta‸ Eˇjiˇtu‸ mvuhˇmiˬ lo yuˬ kʼo‸-e tuˬ yoˬ. 9Mvuhˇmiˬ gawˬ kʼai peuˬ hkʼaw‸ nawˉ maˇ maw maw gaˬ kʼo, Suˇriˆ jawˇmawˇ lehˬ Eˇjiˇtu‸ mvuhˇmiˬ hta‸ ca kʼaw‸ bawˆ la tuˬ yoˬ. Ya‸ hkʼaˇ, bawˆ gʼaˇ tuˬ ve maˇ heˆ.
10Suˇriˆ jawˇmawˇ ve yaˇ teˇ hpaˍ lehˬ, ma‸ moˍ shawˍ leh ma‸ bawˆ tuˬ gu tuˬ yoˬ. Yaˇ paˍ teˇ gʼaˇ lehˬ, iˉ kaˆ uiˍ taˆ la ve hkʼa shuˍ canˇ paˍ teˇ hpaˍ ve ta‸ yehˬ hta‸ ca lo‸ bawˆ tuˬ yoˬ. 11Oˇ htaˇ, Eˇjiˇtu‸ jawˇmawˇ nyi ma zuhˆ jaˇ ve hkʼaw, Suˇriˆ jawˇmawˇ hta‸ bawˆ da‸ leh, yawˇ ve ma‸ yaˇ hkʼa peu-eˬ hta‸ hpeh gʼa tuˬ yoˬ. 12Yawˇ lehˬ, canˇ paˍ chi ma ma ve hta‸ tiˇ pehˍ gʼa ve pa taw, nyi ma uiˍ la tuˬ yoˬ. Ya‸ hkʼaˇ, yawˇ lehˬ hkʼaˬ htaˆ ka‸ gʼaˇ shehˍ hpaˇ hpeh‸ chehˇ tuˬ ve maˇ heˆ.
13Suˇriˆ jawˇmawˇ kʼaw‸ hpfuhˆ kʼo‸-e leh, ponˬ laˬ htaˇ a‸ kehˉ awˬ gʼaˇ uiˍ ve ma‸ moˍ lonˉ hta‸ kʼaw‸ shaw hpoˆ tuˬ yoˬ. Awˬ yanˇ gaˬ la htaˇ, ma‸ moˍ lonˉ oˇ ve hta‸ yawˇ kʼaw‸ shiˍ laˬ tuˬ yoˬ. 14Oˇ htaˇ, chaw maˇ maˇ Eˇjiˇtu‸ jawˇmawˇ hta‸ kʼaw‸ hpfuhˆ tuˬ yoˬ. Daˍyeˍlaˆ-oˬ, nyi ma uiˍ ve nawˬ ve chaw teˇ hpaˍ hpaˍ htawˇ, yawˇ hui awˬ ha hkʼaw gʼa mawˬ ve awˬ ceuˬ hta‸ pa taw nyi ma uiˍ la leh, jawˇmawˇ hta‸ kʼaw‸ hpfuhˆ tuˬ yoˬ. Ya‸ hkʼaˇ, yawˇ hui shonˇ kʼai tuˬ yoˬ. 15Hkʼe te leh, Suˇriˆ jawˇmawˇ lehˬ ta‸ yehˬ teˇ maˬ hta‸ hoˆ taˍ leh bawˆ yuˬ tuˬ yoˬ. Cheuˬ jaˇ ve ma‸ yaˇ teˇ hpaˍ htawˇ, awˬ gʼaˇ nuˇ kʼai tuˬ yoˬ. 16Suˇriˆ jawˇmawˇ lehˬ, yawˇ hui hta‸ te gaˇ ve hkʼe te piˇ tuˬ yoˬ. Yawˇ hta‸ tawˍ taˍ shehˍ hpaˇ teˇ gʼaˇ ka‸ cawˬ tuˬ ve maˇ heˆ. Yawˇ lehˬ Iˉsaˍreˍlaˆ ve mvuhˇmiˬ hkʼaw huˉ taˍ leh, mvuhˇmiˬ oˇ ve hta‸ htawˇ hiˉ yuˬ tuˬ yoˬ.
17Suˇriˆ jawˇmawˇ lehˬ, ma‸ bawˆ tuˬ ma‸ moˍ hkʼa deh‸ shawˍ tuˬ yoˬ. Oˇ hkʼe te peuˬ hkʼaw‸ nawˉ, yawˇ ve canˇ paˍ hta‸ te luˬ te sheˆ gʼa tuˬ, yawˇ lehˬ canˇ paˍ oˇ ve hta‸ shaˉ caˆ caˇ ve hkʼe te leh, yawˇ ve yaˇ miˇ piˇ tuˬ yoˬ. Ya‸ hkʼaˇ, yawˇ dawˇ taˍ ve hkʼe hpeh‸ la tuˬ ve maˇ heˆ. 18Yawˇ lehˬ, laˇ tsuhˇ gʼuiˬ pfuhˍ lo cawˬ ve mvuhˇmiˬ laiˉ peˆ hta‸ bawˆ yuˬ tuˬ yoˬ. Ya‸ hkʼaˇ, aw nu ve jawˇmawˇ teˇ gʼaˇ yawˇ hta‸ bawˆ gʼaˇ leh, yawˇ lehˬ awˬ me‸ awˬ hponˇ luˬ kʼai tuˬ yoˬ. 19Jawˇmawˇ lehˬ, yawˇ ve mvuhˇmiˬ lo kʼaw‸ hpfuhˆ kʼaw‸ la tuˬ yoˬ. Ya‸ hkʼaˇ, yawˇ shonˇ kʼai leh luˬ kʼai sheˆ kʼai tuˬ yoˬ.
20Yawˇ awˬ hkʼaw‸ nawˉ, jawˇmawˇ teˇ gʼaˇ kʼaw‸ taˆ la tuˬ yoˬ. Jawˇmawˇ oˇ ve lehˬ, yawˇ ve mvuhˇmiˬ paw sha la tuˬ, ma‸ poˍ lonˉ teˇ gʼaˇ hta‸ hpehˇ leh mvuhˇmiˬ yaˇ hui geh awˬ hkawnˍ ca nyiˉ shaw tcuh tuˬ yoˬ. Ya‸ hkʼaˇ, jawˇmawˇ oˇ ve lehˬ shu a yehˉ gawˬ lehˍ hkʼawˇ tiˇ pehˍ ve hta‸ gʼa hkanˍ tuˬ yoˬ, teh‸ ngaˬ hta‸ kʼoˆ laˇ ve yoˬ.
Suˇriˆ mvuhˇmiˬ ve haiˬ ve jawˇmawˇ
21Mvuhˇ naw tcuh yaˇ oˇ ve ngaˬ hta‸ chi hkʼe kʼaw‸ kʼoˆ laˇ ve yoˬ. Awˬ suhˉ kʼaw‸ taˆ la ve Suˇriˆ jawˇmawˇ lehˬ, haiˬ jaˇ ve jawˇmawˇ hpeh‸ tuˬ yoˬ. Yawˇ lehˬ jawˇmawˇ te keunˍ ve chaw maˇ heˆ. Ya‸ hkʼaˇ, yawˇ cuˇ yiˍ te leh, jawˇmawˇ ve aˉ yaˇ hta‸ hiˉ yuˬ tuˬ yoˬ. 22Chaw teˇ gʼaˇ ka‸ yawˇ hta‸ tawˍ taˍ maˇ hpeh‸. Yawˇ hta‸ tawˍ taˍ ve Gʼuiˬsha ve paw hkuˇ lonˉ hta‸ ka‸ yawˇ yuˬ baˬ piˇ tuˬ yoˬ. 23Yawˇ lehˬ awˬ nu ve jawˇmawˇ teˇ hpaˍ hta‸ shaˉ caˆ caˇ leh, yawˇ hui hta‸ heˍ yuˬ beˬ yuˬ tuˬ yoˬ. Yawˇ ve mvuhˇmiˬ i jaˇ ve htawˇ, yawˇ shaˬ te shaˬ awˬ gʼaˇ uiˍ la tuˬ yoˬ. 24Yawˇ lehˬ paw sha ve mvuhˇmiˬ hta‸ bawˆ yuˬ leh, yawˇ ve awˬ puˍ lonˉ teˇ hpaˍ maˇ te jaw ve kanˉ hta‸ te tuˬ yoˬ. Oˇ ve hkʼaw‸ nawˉ, yawˇ ve chaw teˇ hpaˍ hta‸ yawˇ bawˆ yuˬ gʼa taˍ ve mawˇ teˇ hpaˍ pehˬ piˇ tuˬ yoˬ. Yawˇ lehˬ, yeˬ jaˇ ve ta‸ yehˬ teˇ hpaˍ hta‸ bawˆ yuˬ tuˬ awˬ hkʼaˇ gu tuˬ yoˬ. Ya‸ hkʼaˇ, maˇ maw maw yawˇ ve awˬ yanˇ leh kʼai tuˬ ve yoˬ.
25Yawˇ lehˬ Eˇjiˇtu‸ jawˇmawˇ hta‸ ca bawˆ tuˬ ma‸ moˍ shawˍ tuˬ yoˬ. Eˇjiˇtu‸ jawˇmawˇ htawˇ, ma‸ moˍ shawˍ leh yawˇ hta‸ kʼaw‸ bawˆ tuˬ awˬ hkʼaˇ gu tuˬ yoˬ. Ya‸ hkʼaˇ, Eˇjiˇtu‸ jawˇmawˇ lehˬ shu heˍ piˇ ve hkawˇ na leh shonˇ kʼai tuˬ yoˬ. 26Yawˇ hta‸ dawˇ hkʼaˇ piˇ chehˇ ve chaw teˇ hpaˍ yawˇ hta‸ te luˬ piˇ tuˬ yoˬ. Yawˇ ve ma‸ yaˇ laiˉ gʼaˇ suh-e leh, yawˇ ve ma‸ moˍ lonˉ luˬ kʼai tuˬ yoˬ. 27Oˇ ve hkʼaw‸ nawˉ, jawˇmawˇ oˇ ve nyiˇ gʼaˇ teˇ geh mui leh hti caˇ hti dawˬ tuˬ yoˬ. Yawˇ huiˉ maˬ teˇ gʼaˇ hta‸ teˇ gʼaˇ heˍ da‸ tuˬ yoˬ. Ya‸ hkʼaˇ, awˬ yanˇ maˇ gaˬ sheˍ ve pa taw, yawˇ huiˉ maˬ heuˆ gaˇ ve hkʼe gʼa tuˬ ve maˇ heˆ. 28Suˇriˆ jawˇmawˇ lehˬ, yawˇ bawˆ gʼa taˍ ve mawˇ teˇ hpaˍ hta‸ yuˬ veu leh, Gʼuiˬsha ve chaw hui oˉ kʼoˍ pui ve awˬ liˇ hta‸ te luˬ piˇ tuˬ aˉ hkʼaw lo kʼaw‸ kʼo‸-e tuˬ yoˬ. Yawˇ dawˇ taˍ ve hkʼe te taˉ peuˬ hkʼaw‸ nawˉ, yawˇ ve mvuhˇmiˬ lo kʼo‸-e tuˬ yoˬ.
29Maˇ maw maw yawˇ lehˬ, Eˇjiˇtu‸ mvuhˇmiˬ hta‸ ca kʼaw‸ bawˆ la tuˬ yoˬ. Ya‸ hkʼaˇ, chi teˇ pawˆ lehˬ ponˬ laˬ htaˇ hkʼe maˇ heˆ. 30Roˇma‸ chaw teˇ hpaˍ haw lo‸ kʼoˍ ciˇ laˬ leh, yawˇ hta‸ tawˍ taˍ tuˬ yoˬ. Hkʼe te leh, yawˇ kawˆ jaˇ tuˬ yoˬ.
Oˇ htaˇ, yawˇ nyi ma zuhˆ jaˇ ve hkʼaw kʼaw‸ la leh, Gʼuiˬsha ve chaw teˇ hpaˍ oˉ kʼoˍ pui ve awˬ liˇ oˇ ve hta‸ te luˬ piˇ tuˬ yoˬ. Oˉ kʼoˍ pui ve awˬ liˇ oˇ ve hta‸ baˬ taˉ peuˬ ve chaw hui dawˇ hkʼaˇ piˇ ve hta‸ yawˇ na tuˬ yoˬ. 31Yawˇ ve ma‸ yaˇ teˇ hpaˍ bon yehˬ hta‸ maˇ shawˍ maˇ caˆ te tuˬ yoˬ. Yawˇ hui lehˬ, tuˉ tanˇ tuˬ teˇ hpaˍ hta‸ yuˬbaˬ leh, cha‸ chiˆ ve awˬ ceuˬ hta‸ oˇ kaˬ lo teh taˍ piˇ tuˬ yoˬ. 32Oˉ kʼoˍ pui ve awˬ liˇ oˇ ve hta‸ baˬ taˉ peuˬ ve chaw hui lehˬ, jawˇmawˇ kʼoˆ ve tawˇ hta‸ na tuˬ yoˬ. Ya‸ hkʼaˇ, Gʼuiˬsha hta‸ oˉ kʼoˍ pui chehˇ ve chaw hui yawˇ hta‸ kʼaw‸ hpfuhˆ bawˆ tuˬ yoˬ. 33Cuˇ yiˍ cawˬ ve awˬ hoˉ awˬ naˬ teˇ hpaˍ lehˬ, awˬ nu ve chaw teˇ hpaˍ hta‸ htawˇ cuˇ yiˍ maˍ piˇ tuˬ yoˬ. Ya‸ hkʼaˇ, cuˇ yiˍ cawˬ paˍ oˇ ve teˇ hpaˍ lehˬ, ma‸ bawˆ kuiˬ lo gʼa suh-e leh, teˇ hpaˍ hpaˍ shu aˬ miˍ tuˉ pehˍ ve hta‸ gʼa hkanˍ tuˬ yoˬ. Teˇ hpaˍ hpaˍ shu hiˉ yuˬ lu yuˬ ve hta‸ gʼa hkanˍ tuˬ yoˬ. 34Awˬ yanˇ oˇ ve hkʼaw, fawˉ mehˍ ve a ciˉ hkehnˇ la tuˬ yoˬ. Haiˬ ve chaw teˇ hpaˍ lehˬ, yawˇ hui hta‸ ca ga piˇ la ve hkʼe te leh, yawˇ hui geh hkʼawˇ lo‸ la tuˬ yoˬ. 35Cuˇ yiˍ cawˬ ve awˬ hoˉ awˬ naˬ oˇ ve teˇ hpaˍ hpaˍ ti ˇ pehˍ ve hta‸ gʼa hkanˍ tuˬ yoˬ. Chi hkʼe hpeh‸ la ve lehˬ, chaw yaˇ teˇ hpaˍ kʼaw‸ da‸ kehˬ la tuˬ awˬ pon hpeh‸ ve yoˬ. Gʼuiˬsha tinˍ taˍ ve awˬ yanˇ gaˬ la htaˇ hkʼa gaˬ, chi hkʼe hpehˬ la tuˬ yoˬ.
36Suˇriˆ jawˇmawˇ lehˬ, yawˇ te gaˇ ve hkʼe te chehˇ tuˬ yoˬ. Yawˇ lehˬ, tawˇ uiˍ tawˇ mvuh yaw leh, Kanˇ paˆ uiˬ jaˇ ve Gʼuiˬsha a‸ kehˉ ngaˬ uiˍ ve yoˬ, teh‸ kʼoˆ tuˬ yoˬ. Gʼuiˬsha yawˇ hta‸ ciˍ yanˍ piˇ tuˬ ve awˬ yanˇ maˇ gaˬ sheˍ ve ceh ceh, yawˇ chi hkʼe kʼoˆ chehˇ tuˬ ve yoˬ. Gʼuiˬsha lehˬ yawˇ kʼoˆ taˍ ve hkʼe, awˬ tehˬ awˬ na te piˇ tuˬ yoˬ. 37Jawˇmawˇ oˇ ve lehˬ, yawˇ ve awˬ puˍ awˬ pi hui oˉ kʼoˍ pui chehˇ ve gʼuiˬsha leh yaˇ miˇ teˇ hpaˍ ha‸ ve gʼuiˬsha hta‸ maˇ shawˍ maˇ caˆ te piˇ tuˬ yoˬ. Yawˇ lehˬ gʼuiˬsha oˇ ve teˇ hpaˍ a‸ kehˉ uiˍ ve yoˬ, teh‸ dawˇ leh yawˇ hui hta‸ oˇ hkʼe te piˇ ve yoˬ. 38Ya‸ hkʼaˇ, yawˇ lehˬ ta‸ yehˬ teˇ hpaˍ hta‸ ha‸ shaˉ chehˇ ve gʼuiˬsha hta‸ taˍ uiˍ taˍ mvuh piˇ tuˬ yoˬ. Yawˇ ve awˬ puˍ awˬ pi teˇ hpaˍ teˇ pawˆ ka‸ oˉ kʼoˍ maˇ pui jaw ve gʼuiˬsha hta‸ yawˇ lehˬ hpu, shi, shehnˉ leh awˬ hpfuhˇ hkʼaˆ ve mawˇ teˇ hpaˍ tanˇ piˇ tuˬ yoˬ. 39Yawˇ ve ta‸ yehˬ teˇ hpaˍ hta‸ ha‸ shaˉ tcuh tuˬ, yawˇ lehˬ awˬ kaˍ awˬ nu ve gʼuiˬsha teˇ hpaˍ hta‸ oˉ kʼoˍ pui ve chaw hui hta‸ leuˆ yuˬ tuˬ yoˬ. Yawˇ uˉ peunˍ ve hta‸ nyi ma cawˇ ve chaw hui hta‸ yawˇ taˍ uiˍ taˍ mvuh piˇ leh, uiˍ jaˇ ve aˉ yaˇ leh miˬguiˬ pehˬ piˇ ve yoˬ.
40Suˇriˆ jawˇmawˇ ve awˬ yanˇ peuˬ la paˇ neˇ htaˇ, Eˇjiˇtu‸ jawˇmawˇ yawˇ hta‸ ca bawˆ la tuˬ yoˬ Oˇ htaˇ, Suˇriˆ jawˇmawˇ lehˬ yawˇ ve iˉ mvuhˇ lawˬ leh haw lo‸ kʼoˍ teˇ hpaˍ hta‸ yehˇ leh, Eˇjiˇtu‸ jawˇmawˇ hta‸ kʼaw‸ bawˆ tuˬyoˬ. Yawˇ lehˬ, gʼuiˬ uiˍ haˉ uiˍ ve hkʼe, mvuhˇmiˬ laiˉ peˆ ve hta‸ te luˬ piˇ tuˬ yoˬ. 41Yawˇ lehˬ, Iˉsaˍreˍlaˆ chaw hui ve mvuhˇmiˬ hta‸ htawˇ bawˆ yuˬ leh, chaw awˬ hinˉ awˬ meunˍ gʼaˇ hta‸ tiˇ pehˍ piˇ tuˬ yoˬ. Ya‸ hkʼaˇ, Eˇdonˍ, Mawˇbaˆ leh Aˍmonˍ mvuhˇmiˬ lehˬ gʼa ponˬ tuˬ yoˬ. 42Yawˇ lehˬ mvuhˇmiˬ oˇ ve teˇ hpaˍ hta‸ ca bawˆ yuˬ chehˇ ve teˇ yanˇ, Eˇjiˇtu‸ mvuhˇmiˬ hta‸ ka‸ ponˬ piˇ tuˬ ve maˇ heˆ. 43Yawˇ lehˬ, faˉ taˍ ve Eˇjiˇtu‸ chaw hui ve hpu shi mawˇ jeˬ hkʼa peu-eˬ hta‸ hpfuhˆ yuˬ kʼai tuˬ yoˬ. Yawˇ lehˬ, Liˆbiˇ-a mvuhˇmiˬ leh Suˍdanˍ mvuhˇmiˬ hta‸ htawˇ bawˆ yuˬ tuˬ yoˬ. 44Oˇ ve hkʼaw‸ nawˉ mvuhˇ nyi tawˆ hpawˇ leh awˬ na hpawˇ lo laˬve awˬ lawn sha tanˇ hta‸ yawˇ gʼa kaˇ leh kawˆ jaˇ tuˬ yoˬ. Hkʼe te leh, yawˇ ma‸ gʼaˇ hte‸ bawˆ leh chaw yaˇ laiˇ gʼaˇ hta‸ tiˇ pehˍ piˇ tuˬ yoˬ. 45Yawˇ lehˬ, laˇ tsuhˇ gʼuiˬ leh bon yehˬ te taˍ kuiˬ hkʼaw pui awˬ kaˍ lo yawˇ ve aˉ po kʼo lonˉ te taˍ ve yoˬ. Ya‸ hkʼaˇ, yawˇ gʼa suh-e tu ve yoˬ. Chaw teˇ gaˇ ka‸ yawˇ hta‸ ga piˇ tuˬ ve maˇ heˆ, teh‸ ngaˬ hta‸ kʼoˆ laˇ ve yoˬ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.