Aˍmoˆ li‸ 6
6
Iˉsaˍreˍlaˆ chaw hui luˬ kʼai sheˆ kʼai tuˬ
1Ziˉonˍ venˇ hkʼaw maˇ dawˇ maˇ gaˇ te chehˇ ve chaw teˇ hpaˍ leh, shu gʼaˇ ca va la chehˇ ve Saˍmaˍriˆ mvuhˇmiˬ hkʼaw ta‸ iˉ gawˬ lehˍ chehˇ taˍ ve chaw uiˍ chaw mvuh teˇ hpaˍ-oˬ, nawˬ hui hkʼaˬ ma kawˆ tuˬ dawˇ haˍ tuˬ cawˬ ve le. 2Kaˍlaˍneˍ venˇ hta‸ ca nyi sheˍ. Oˇ ve hkʼaw‸ nawˉ, uiˍ jaˇ ve Haˍmaˆ venˇ leh Hpiˇliˇtiˆ mvuhˇmiˬ hkʼaw cawˬ ve Gaˍtaˆ venˇ lo hkʼa gaˬ kʼai-o. Yawˇ hui lehˬ Yuˇda‸ leh Iˉsaˍreˍlaˆ mvuhˇmiˬ a‸ kehˉ da‸ leuˉ ve laˇ. Yawˇ hui ve mvuhˇmiˬ htawˇ, nawˬ hui ve mvuhˇmiˬ a‸ kehˉ uiˍ ve laˇ. 3Kawˆ tuˬ uiˍ ve awˬ nyi teˇ nyi gaˬ la chehˇ ve hta‸ nawˬ hui maˇ dawˇ shiˍ puiˉ. Ya‸ hkʼaˇ, nawˬ hui te chehˇ ve kanˉ teˇ hpaˍ lehˬ, awˬ nyi oˇ ve hta‸ haˆ haˆ gaˬ la piˇ tuˬ te chehˇ ve yoˬ. 4Awˬ me‸ awˬ hponˇ cawˬ ve zuh‸ hpui hkʼoˆ zuh‸ taˍ leh nuˇ shaˍ, yawˬ shaˍ caˇ chehˇ ve chaw teˇ hpaˍ-oˬ, nawˬ hui hkʼaˬ ma kawˆ tuˬ cawˬ ve le. 5Nawˬ hui lehˬ Daˍviˆ hkʼa shuˍ kʼa muiˬ hkawˇ yuˬ tawˆ leh tinˍ hteˆ chehˇ ve yoˬ. 6Nawˬ hui lehˬ a pehˉ meuˇ gʼuiˬ hta‸ nyi hkʼaˇ suh htaˇ hkʼa gaˬ dawˬ leh, hawnˉ jaˇ ve naˍ manˇ hawnˉ yehˇ chehˇ ve yoˬ. Ya‸ hkʼaˇ, Iˉsaˍreˍlaˆ chaw hui luˬ kʼai sheˆ kʼai chehˇ ve hta‸ nawˬ hui maˇ dawˇ haˍ. 7Chi hta‸ pa taw, nawˬ hui lehˬ shu a‸ kehˉ awˉ lawˇ peuˇ awˬ nu ve mvuhˇmiˬ lo hpeh kʼai ve hta‸ gʼa hkanˍ tuˬ yoˬ. Nawˬ hui ha lehˬ ha kʼa hti caˇ hti dawˬ chehˇ ve lehˬ, hkʼe leˇ hpeh‸ la tuˬ yoˬ.
8Kanˇ paˆ uiˍ jaˇ ve Jawˇmawˇ Gʼuiˬsha chi hkʼe shaˍ ti‸ piˇ laˇ taˍ ve yoˬ. Iˉsaˍreˍlaˆ chaw hui te taˍ ve awˬ me‸ awˬ hponˇ cawˬ ve yehˬ lonˉ teˇ hpaˍ leh, yawˇ hui caˆ muiˬ puiˉ ve nyi ma hta‸ ngaˬ canˇ ve yoˬ. Yawˇ hui ve venˇ lonˉ leh, venˇ lonˉ oˇ ve hkʼaw hkʼa cawˬ taˍ ve awˬ ceuˬ hkʼa peu-eˬ, canˇ paˍ teˇ hpaˍ hta‸ ngaˬ chiˇ a‸ piˇ tuˬ yoˬ, teh‸ kʼoˆ ve yoˬ.
9Yehˬ kʼa teˇ maˬ hkʼaw chaw teˇ chi gʼaˇ cawˬ taˉ ve kʼo, chaw oˇ ve hkʼa peu-eˬ gʼa suh-e tuˬ yoˬ. 10Yawˇ ve awˬ ceuˬ awˬ hkʼaˇ teˇ gʼaˇ laˬ leh, yawˇ hta‸ ca gʼawˆ tuˍ piˇ la ve teˇ yanˇ, Yehˬ hkʼaw teˇ gʼaˇ gʼaˇ chehˇ sheˍ laˇ, teh‸ kuˬ na nyi tuˬ yoˬ.
Teˇ gʼaˇ ka‸ maˇ chehˇ-o, teh‸ awˬ hkawˇ bvuhˬ tawˆ la tuˬ yoˬ.
Oˇ htaˇ yawˇ lehˬ, Ta‸ iˉ chehˆ. Gʼuiˬsha ve awˬ meh hta‸ maˇ gʼa kuˬ tuˬ, ngaˬ hui shaˍ ti‸ gʼa te ve yoˬ, teh‸ kʼoˆ tuˬ yoˬ.
11Gʼuiˬsha tawˇ piˇ ve teˇ yanˇ, uiˍ ve yehˬ maˇ kʼoˆ, i ve yehˬ maˇ kʼoˆ, hkʼa peu-eˬ luˬ kʼai sheˆ kʼai tuˬ yoˬ. 12Iˉ mvuhˇ lehˬ, haˉ hpawˇ hkʼoˆ lo gʼuiˇ toˇ-aw laˇ. Chaw yaˇ lehˬ, nuˇ hta‸ yuˬ leh laˇ tsuhˇ gʼuiˬ hta‸ mehˇ-aw laˇ. Ya‸ hkʼaˇ, nawˬ hui lehˬ hteˇ ve cawˇ ve awˬ ceuˬ hta‸ awˬ taw‸ ma hpeh‸ la piˇ leh, cawˇ ve hta‸ maˇ cawˇ ve awˬ ceuˬ kʼaw‸ hpeh‸ la piˇ ve yoˬ.
13Nawˬ hui lehˬ, Lawˍdeˍbaˍ venˇ hta‸ bawˆ yuˬ gʼa taˍ peuˬ teh‸ kʼoˆ leh, tawˇ uiˍ tawˇ mvuh yaw chehˇ ve yoˬ. Ngaˬ hui lehˬ, Kaˍreˍneˍ hta‸ bawˆ yuˬ tuˬ awˬ gʼaˇ cawˬ ve yoˬ, teh‸ nawˬ hui kʼoˆ chehˇ ve yoˬ.
14Gʼuiˬsha kʼoˆ ve, Iˉsaˍreˍlaˆ chaw teˇ hpaˍ-oˬ, nawˬ hui ve mvuhˇmiˬ hta‸ ca bawˆ yuˬ la tuˬ, awˬ nu ve mvuhˇmiˬ hkʼaw cawˬ ve ma‸ moˍ lonˉ hta‸ nawˬ hui ve mvuhˇmiˬ lo ngaˬ peu laˇ tuˬ yoˬ. Yawˇ hui lehˬ, nawˬ hui ve mvuhˇmiˬ awˬ na hpawˇ lo cawˬ ve Haˍmaˆ kʼaˍ le‸ hta‸ te leh, awˬ hawˉ hpawˇ lo cawˬ ve Aˍraˍbaˆ iˉ kaˆ lawˬ lo hkʼa gaˬ, nawˬ hui hta‸ uˉ peunˍ leh fawˉ mehˍ laˇ tuˬ yoˬ, teh‸ Gʼuiˬsha kʼoˆ ve yoˬ.
Currently Selected:
Aˍmoˆ li‸ 6: LHBE
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Aˍmoˆ li‸ 6
6
Iˉsaˍreˍlaˆ chaw hui luˬ kʼai sheˆ kʼai tuˬ
1Ziˉonˍ venˇ hkʼaw maˇ dawˇ maˇ gaˇ te chehˇ ve chaw teˇ hpaˍ leh, shu gʼaˇ ca va la chehˇ ve Saˍmaˍriˆ mvuhˇmiˬ hkʼaw ta‸ iˉ gawˬ lehˍ chehˇ taˍ ve chaw uiˍ chaw mvuh teˇ hpaˍ-oˬ, nawˬ hui hkʼaˬ ma kawˆ tuˬ dawˇ haˍ tuˬ cawˬ ve le. 2Kaˍlaˍneˍ venˇ hta‸ ca nyi sheˍ. Oˇ ve hkʼaw‸ nawˉ, uiˍ jaˇ ve Haˍmaˆ venˇ leh Hpiˇliˇtiˆ mvuhˇmiˬ hkʼaw cawˬ ve Gaˍtaˆ venˇ lo hkʼa gaˬ kʼai-o. Yawˇ hui lehˬ Yuˇda‸ leh Iˉsaˍreˍlaˆ mvuhˇmiˬ a‸ kehˉ da‸ leuˉ ve laˇ. Yawˇ hui ve mvuhˇmiˬ htawˇ, nawˬ hui ve mvuhˇmiˬ a‸ kehˉ uiˍ ve laˇ. 3Kawˆ tuˬ uiˍ ve awˬ nyi teˇ nyi gaˬ la chehˇ ve hta‸ nawˬ hui maˇ dawˇ shiˍ puiˉ. Ya‸ hkʼaˇ, nawˬ hui te chehˇ ve kanˉ teˇ hpaˍ lehˬ, awˬ nyi oˇ ve hta‸ haˆ haˆ gaˬ la piˇ tuˬ te chehˇ ve yoˬ. 4Awˬ me‸ awˬ hponˇ cawˬ ve zuh‸ hpui hkʼoˆ zuh‸ taˍ leh nuˇ shaˍ, yawˬ shaˍ caˇ chehˇ ve chaw teˇ hpaˍ-oˬ, nawˬ hui hkʼaˬ ma kawˆ tuˬ cawˬ ve le. 5Nawˬ hui lehˬ Daˍviˆ hkʼa shuˍ kʼa muiˬ hkawˇ yuˬ tawˆ leh tinˍ hteˆ chehˇ ve yoˬ. 6Nawˬ hui lehˬ a pehˉ meuˇ gʼuiˬ hta‸ nyi hkʼaˇ suh htaˇ hkʼa gaˬ dawˬ leh, hawnˉ jaˇ ve naˍ manˇ hawnˉ yehˇ chehˇ ve yoˬ. Ya‸ hkʼaˇ, Iˉsaˍreˍlaˆ chaw hui luˬ kʼai sheˆ kʼai chehˇ ve hta‸ nawˬ hui maˇ dawˇ haˍ. 7Chi hta‸ pa taw, nawˬ hui lehˬ shu a‸ kehˉ awˉ lawˇ peuˇ awˬ nu ve mvuhˇmiˬ lo hpeh kʼai ve hta‸ gʼa hkanˍ tuˬ yoˬ. Nawˬ hui ha lehˬ ha kʼa hti caˇ hti dawˬ chehˇ ve lehˬ, hkʼe leˇ hpeh‸ la tuˬ yoˬ.
8Kanˇ paˆ uiˍ jaˇ ve Jawˇmawˇ Gʼuiˬsha chi hkʼe shaˍ ti‸ piˇ laˇ taˍ ve yoˬ. Iˉsaˍreˍlaˆ chaw hui te taˍ ve awˬ me‸ awˬ hponˇ cawˬ ve yehˬ lonˉ teˇ hpaˍ leh, yawˇ hui caˆ muiˬ puiˉ ve nyi ma hta‸ ngaˬ canˇ ve yoˬ. Yawˇ hui ve venˇ lonˉ leh, venˇ lonˉ oˇ ve hkʼaw hkʼa cawˬ taˍ ve awˬ ceuˬ hkʼa peu-eˬ, canˇ paˍ teˇ hpaˍ hta‸ ngaˬ chiˇ a‸ piˇ tuˬ yoˬ, teh‸ kʼoˆ ve yoˬ.
9Yehˬ kʼa teˇ maˬ hkʼaw chaw teˇ chi gʼaˇ cawˬ taˉ ve kʼo, chaw oˇ ve hkʼa peu-eˬ gʼa suh-e tuˬ yoˬ. 10Yawˇ ve awˬ ceuˬ awˬ hkʼaˇ teˇ gʼaˇ laˬ leh, yawˇ hta‸ ca gʼawˆ tuˍ piˇ la ve teˇ yanˇ, Yehˬ hkʼaw teˇ gʼaˇ gʼaˇ chehˇ sheˍ laˇ, teh‸ kuˬ na nyi tuˬ yoˬ.
Teˇ gʼaˇ ka‸ maˇ chehˇ-o, teh‸ awˬ hkawˇ bvuhˬ tawˆ la tuˬ yoˬ.
Oˇ htaˇ yawˇ lehˬ, Ta‸ iˉ chehˆ. Gʼuiˬsha ve awˬ meh hta‸ maˇ gʼa kuˬ tuˬ, ngaˬ hui shaˍ ti‸ gʼa te ve yoˬ, teh‸ kʼoˆ tuˬ yoˬ.
11Gʼuiˬsha tawˇ piˇ ve teˇ yanˇ, uiˍ ve yehˬ maˇ kʼoˆ, i ve yehˬ maˇ kʼoˆ, hkʼa peu-eˬ luˬ kʼai sheˆ kʼai tuˬ yoˬ. 12Iˉ mvuhˇ lehˬ, haˉ hpawˇ hkʼoˆ lo gʼuiˇ toˇ-aw laˇ. Chaw yaˇ lehˬ, nuˇ hta‸ yuˬ leh laˇ tsuhˇ gʼuiˬ hta‸ mehˇ-aw laˇ. Ya‸ hkʼaˇ, nawˬ hui lehˬ hteˇ ve cawˇ ve awˬ ceuˬ hta‸ awˬ taw‸ ma hpeh‸ la piˇ leh, cawˇ ve hta‸ maˇ cawˇ ve awˬ ceuˬ kʼaw‸ hpeh‸ la piˇ ve yoˬ.
13Nawˬ hui lehˬ, Lawˍdeˍbaˍ venˇ hta‸ bawˆ yuˬ gʼa taˍ peuˬ teh‸ kʼoˆ leh, tawˇ uiˍ tawˇ mvuh yaw chehˇ ve yoˬ. Ngaˬ hui lehˬ, Kaˍreˍneˍ hta‸ bawˆ yuˬ tuˬ awˬ gʼaˇ cawˬ ve yoˬ, teh‸ nawˬ hui kʼoˆ chehˇ ve yoˬ.
14Gʼuiˬsha kʼoˆ ve, Iˉsaˍreˍlaˆ chaw teˇ hpaˍ-oˬ, nawˬ hui ve mvuhˇmiˬ hta‸ ca bawˆ yuˬ la tuˬ, awˬ nu ve mvuhˇmiˬ hkʼaw cawˬ ve ma‸ moˍ lonˉ hta‸ nawˬ hui ve mvuhˇmiˬ lo ngaˬ peu laˇ tuˬ yoˬ. Yawˇ hui lehˬ, nawˬ hui ve mvuhˇmiˬ awˬ na hpawˇ lo cawˬ ve Haˍmaˆ kʼaˍ le‸ hta‸ te leh, awˬ hawˉ hpawˇ lo cawˬ ve Aˍraˍbaˆ iˉ kaˆ lawˬ lo hkʼa gaˬ, nawˬ hui hta‸ uˉ peunˍ leh fawˉ mehˍ laˇ tuˬ yoˬ, teh‸ Gʼuiˬsha kʼoˆ ve yoˬ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.